لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-02-17, 03:31 AM   المشاركة رقم: 31
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,162
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


صبآآحكــمم ووررد..

في الحبْ
يُلغى المنطقْ
ويُترك القلب لـ ينطق
في الحب ننسى من نكونْ
نجهل ذاتناتقف عقولنا مكبّله
أمام الجنون
في الحبْ يُصبح للبكاءِ لذّه
وللشهقات فنْ
في الحب كل خطيئة تغفر
وكل عيبْ لا نراه..!!

اليوم انا في قمة نشاطي صحيت 4 العصر وخلال ساعتين جهزت فطورنا,
بسبب سفرنا كان الفطور خفيف , جهزت الفطور >>
وافطرنا ونظفت البيت ودخلت غرفتي الساعه 9 اخذت دش بسرعه
ولبست بنطلون برمودا وردي وبلوزه كت اصفر وحزام اسود عريض وصندل اسود ,
كريم وعطر ولبست عبايتي على صوت الباب,فصوول ينادي يقول تاخرنااا,,
اخذت شنطتي بسرعه وقفلت البيت وطلعت لهم عند السيارة,,,
حركنا من الرياض عشره وربع تمامآ,
رجل على رجل ونزلت شنطتي جنبي وجوالي بيدي ,,,
اضحك واسولف واعلق واخذ واعطي كل هذا (بآناقه)
خلصت سوالفنا وبداء السكون يخيم علينا , ركبت السماعات وانا اقول :
ترى مااسمع شي لااحد يكلمني,سطام لف وشافني اركب السماعات
وابتسم وفصوول ناظر ورجع لجواله
آمي معاهاا سبحه وتستغفر ,,,
انا غرامي الشيلات قصايد بدون موسيقى صووت بس ..؟
سعد علوش كان له النصيب الاوفر الليله مزاجي يهفني على فلسفة
سعد علوش ورومنسيته وآحساسه...!
شلت السماعات وانا اشوف جوال سطام يدق, هلاا عناد/
لفيت وجهي للجهه الثاني وانا كل انتباهي مع سطام,
طمنه وقاله بالضبط ثلاث ساعات واكون عندكم ب مشيئة الله ,,,
انتهينا من مكالمته الاولى ورجعت لجوي وشيلاتي..
راكان كان مع سطام على الخط >>وشي طبيعي من راكان هو يخاف
من سرعة سطام وبدقيقه يدق يحذره من السرعه,
سرحت مع الشيلات ورجع صوت نغمة جوال سطام,,,
بحركه هاديه سحبت السماعه وبحركه سريعه رجعت ركبتهاا /بعد ماسمعت اسمه ,,,!!
آخر مكالمه من عناد قبل وصولنا بنص ساعه , ظبيت اغراضي واستعديناا لنزول ,,,
وصلنا ثلاث وعليهاا وكانو ينتظرونا بالسحور,,,
دخل سطام السياره وانا اششوف راكان واقف براا وياشر لنآ ,,,
دخلت انا وامي مجلس الريجيل لان العيال بيسلمون على امي
جانا راكان وسعود وخالد وبعدهم رحناا داخل للبنات ,,,
دخولي للاستراحه المره هاذي كانت غير عن المره الاولى ..؟!!
سلامي على البنات كان مختلف ماتوقعت اني مشتاقه لهم ل هاالدرجة ,,
نزلت عبايتي على الكنبه وفتحت شعري وانا اقوول للبنات..
آحلام: بروح اسلم على جدتي والحريم الكبار وارجع لكم>> اعدل شعري
نوره: فستاني وين قبل لاتروحين>>تمسكني
آحلام: وجعيه ان شاءالله هاذا وقته خليني ارتاح ولك انا جايه من سفر/ واضحك
ندى: شنطكم وين/ تتلفت تدور*+*
آحلام: والله الاستقبال الخايسسس /وانا مقفيه من عندهم,,,
ساره: ياااااااااي البنت محلووه اخس والله صاير احلى مني/ تناظر فالبنات..
نوره: آهي آهي آهي فسستاني فرحت شبابي ابي اشوفه/ تجلسس
العنود: بنات تعالو هنا القهوه جاهزه >>تقصد بالغرفه ,,
رحت لجدتي والحريم بالغرفه الكبيرره وسلمت / آخباركم اعلومكم / ورجعت لشله ..
طلعو بنات عمي سنعات مجهزين لي سفره مليانه قهوه وشاهي
وحلى وفطاير ومكسرات ومسوين عصير توت ,,,
دخلت وسكرت الباب ,وهوووبااااا بنص الجلسه اححسس بفرح غريب وانا بينهم,
نوره مقابله لي والابتسامه صاكه من الاذن للاذن وهي تقول/
كيف فستاني عسى اخترتي لون مناسب لبشرتي >> تمسح على وجهها بدلع..
عطيتهاا نظره وانا اكمل قهوتي *_* وكأني ماسمعت شي..
العنود: وجع مابغيتوو تجون/ تاكل
ساره: احلام وش رايك بذوق اخوي اخذ الشيفه اللي جالسه هناك>>تاشر على نوره
نوره: مصدومه والله واعلم انهاا تجهز كم كلمه دفاعآ عن نفسهاا
كنت ابي ارد على ساره بس مالحقت ...
نوره: آنا الشيفه آنا الشيفه/ تاشر على نفسهآ/ احمدي ربك اني تنازلت ووافقت على بزركم
انتي تدرين اني موافقه ابتغاء الاجر والثواب من عند الله>>تخطب الاخت..
انا والبنات فطسنا ضحك وهي كملت ولا فكرت فيناا ,,
ندى: نوره خلاص صوتك مزعج>> جابت العيد
لفت على ندى بكل حماس / انطمي طمك الله خليني اعرف ارد علاهااا >>تقصد ساره
كانت ناويه تكمل بس الله رحمنا بالعنود وهي تقول:
معكم عشر دقايق بشيل الاغراض واحط السحووور بسسسسسسسرعه>>بصياح
سكتت نوره بالغصب وانا وساره فاطسين ضحك ,,,,
ساره متعوده ترفع ضغطهاا ونوره على طريف بمجرد ماتقول
ساره كلمه بدت بالدفاع...؟؟
بعد السحور وعلى 6 الصباح نزلت شناطي ودخلتهاا الغرفه عند نوره ,
تجمعو الشله وسكرنا الباب بالقفل >>آحتياط
رميت شنطتي فوق السرير وطلعت فستان نوره ,,,
نوره بشرتهاا بيضاء وجسمهاا خيال , جبت لهاا فستان احمر عاري ضيق من منطقة الصدر
الى الخصر ثم واسع بتدرج وله ذيل طووويل بشكل دائري اكتفيت بحلق فضي فخم وخاتم واسواره و..
كلنا رفضنا انها تلبس الطقم كامل..!!
جربت نوره فستانهاا وطلع مقاسهاا وروووعه على جسمهاا وكان شكلهاا جذاب ويلفت الانتباه ,,,
جلسنا نخطط وش نسوي واتفقناا على طريقة الزفه وعلى الاغاني وكيف بيكون التصوير والاستقبال,
وعرفت من ساره ان احمد رافض يحط الشبكه هنا بالاستراحه وناوي ياخذ قاعه ,,
ساره تقول انه بيعزم خواله وهم كثير غير كذا نوره اكيد بيحضرون خوالهاا ...!!
والجدييد الجدييد اني بشوف مهاا بنت خالت عناد هي بعد بتحضر..؟
الساعه 10 الصباح تفرقناا بعد ماخططنا كل شي وحددنا الاشياء اللي ناقصتناا ....!!
كانت الاوضاع بالاستراحه عاديه ثاني يوم صحينا 3 الظهر انا والبنات ..
وتقابلنا بالمطبخ مع ريم ومريم ,ومابين السوالف /والتافف /والضحك احيانآ/جهزنا الفطور ,,!
الساعه 9 كنت طالعه من عند امي من الغرفه آشرت لي ريم من غرفتهآآ,
نغزني قلبي وتذكرت عناد على طول/
خير/ وانا واقفه قدامهآ
اخذتني بيدي ودخلتني الغرفه وقفت وهي ماسكه يدي وتقول:
انتي زعلانه علي...؟؟
آحلام: لا ياقلبي ليه>>باستغراب
ريم: مدري ماتتكلمين معي واذا كلمتك احس تصرفيني اذا فيه شي قوليلي ..> بجديه
سحبت يدي وضربتهاا على يدهاا وانا اقوول:
وربي تشكين في كذاا افاا بس لو زعلانه علاك قلتهاا بوجهك وخليتك تراضيني >>وانا اضحك
ريم: امانه ريحتيني والله>> تبتسم
كنت ابي اطلع من عندهاا قبل تتكلم في اي شي ثاني ..قلت:
خلاص ارتحتي طيب خليني الحق اجيب ل ميمتي
فطور تقول جوعانه...>فتحت الباب
ريم: اوووكي
حسيت كان عندها نيه تقوول شي بس ماعطيتها فرصه...!!
""""""
صارو البنات على بداية الاسبوع الثاني من رمضان ينزلون
لسسوق هم عادي يروحون مع عيال عمي
وعلى كذا صار كل ليله ينزلون مع واحد ماعدا احمدآ طبعآ ..
اليله رفض عناد ينزل البنات لسوق كانت ريم واقفه معنا بالصالة وتكلمه..
ريم: عناد تكفى امس انا رايحه مع تركي ونوره اليوم نزلنا انت>> بطفشش
كنت جالسه على الكنبه انا والعنود وهم واقفين وساره متربع على الارض,,,
عناد: البنات من اللي بيروحون معك..؟؟
ريم: آنآ ونوره وساره والعنود>>تناظر فالبنات
عناد: بسس /ويضحك
ريم: ايه بس انت تبغى احد ثاني>> وتلف علي
عناد: خلوو احد ثاني يوديكم انا مشغووول ,,
ريم: عناااااااد انا من سبوع انزل مع البنات والعيال ماتعذرو مثلك>>بعصبيه
عناد: ريم تبغين السوق اوديك لوحدك وهاللحين انا مشغووول مع السلامه// وقفل
ريم:.......................
ريم كانت مستحيه من كلمته وانه مايبي البنات يكونون معاهاا ..
ناظرت فيهم وهي تقوول:
عناد مشغوووول خلو بكره اقول لبوي يودينا السوق..؟؟
نوره بلاباقه: ايوه تكفوون انا تعبانه والتعب ماهوب زين للعروسه هههههههههههههه
ساره: آحووول اصبري اخوي يخطط يمكن يتراجع/ تشرب عصير
العنود: خلاااص بنات بدق على ابوي واشوف يمكن يوديناااا
دقت العنود على عمي ووافق يودييهم السسوق ورفضت
ريم تروح معهم وقالت انهاا بتروح بكره..؟
""""""
في ليلة غاب فيها القمر....؟؟
الوقت الساعه 1 الفجر المكان غرفتي انا ونوره ,كنت مقرر اعلم نوره الاتيكيت وفايقه على الاخر
وصاكه عندي الذرابه ذروتهاا , وتحرك في عرق القرابه ,,,
وحسيت انها دفشه وماتعرف للانوثه طريق , واهم اثنين فحياته الاكل وجوال/
طفح الكيل وقلت ياروح مابعدك روح ياأني الليله اعلمها السنع ولا اخربهاا معهاا وارتاح ...!!
سحبتها برقبتها ودخلتها الغرفه والشله مسانده لي...!!
جلستهاا على سريرها وجلست قدامها على ركبتي وانا اقول:
عزيزتي نوره فيه شي اسمه اتيكيت هل سمعتي فيه من قبل..؟؟
بكل دفاشة العالم ايه اعرفه هاذا كل الناس تعرفه // اسلوبها يقول انها سمعت فيه بسسس!!؟!!
تدخلت ساره بمداخله بسيطه >نالت على استحساني*+*
ساره: وهي متربعه/ طيب نوره عندي سؤال
اذا احمد لاسمح الله اخذ يدك وباسه وش ردت فعلك...>> سؤال وجيهxxxx
نوره طبعآ حست ان عفافهآ في خطر جاوبت بصرامه..
خليه يتجراء ويسويهآآآ >>لاحوول ولا قوة الا بالله انا لله وانا اليه راجعون راح احمد ملح*_*
ساره وندى والعنود رافعات ضغطي يضحكون اشرت لهم غمزت لهم /
وانا اقول:بنات بسس انا اتكلم جد>>مااسكه نفسي عن الضحك..
نرجع لمحور حديثنا >>وانا الف على نوره..؟
طيب يانوره اذا احمد قال مبروك تردين علاه ولا تطنشينه >>وانا ابتسم احاول الطف الجوء
نوره: لا اكيد بكون مستحيه واطنشه الله يقلعه >> في بدايه الكلام فرحت قلت اهم شي الحياء ,,
نقزت ندى/ وهي تقوول بنات كيف بتكون الصور/وكملت/
بتتصورين مع حمود ياحركتات>>تضرب نوره بكوعهاا
من زين ذيك الخششه >> نووره*+*
>>لا هاذي يبي لهاا تتعلم اتيكيت الكلام اووول..؟؟
العنود وهي توقف >> ضعيف احمد يكسر خاطري الله
يعينه على بعض الناس>>تناظر بنوره..!
وقفت وانا اقول للعنود لحظه لحظه ,,وقفت جنبهآ :
نوره شوفي تخيلي ان العنود احمد وانا انتي والعياذ بالله هههههههههههههههه
تضحك وماعندهاا مشكله *_*
وكملت// العنود مثلي انك رجال وواقف جنب خطيبتك , وانا بمثل اني نوره
>>وانا اصيح نوره ركزي..
بديت امثل الدور وشفتها منزله راسها فجوالهاا
سحبت الوساده ووووطن فـ راسهاا >ارفعت راسهاا تقول مـن ..؟؟
ندى فاطسسه ضحك وهي تقول: انآآ افتح الباب ..
xxxxنوره ركزي هاذا لمصلحتك ياويلك لو تخربين الزفه وربي لذبحك..
وقفت جنبي العنود ومثلت اني مستحيه بغت تجيني جلطه وانا اسمعها تقول:
نوره: هاذي ليش مستحيه>>> رفعت عيوني فيهاا وهي تضحك ..
نوره تضحك من شكلي وانا مستحيه ونست اني امثل هي وش المفروض تسوي,
قامت ساره وجلستنا انا والعنود
وهي تقول...
نوره تعالي..؟
بالغصب قامت نوره ووقفت جنب ساره..
نوره: خلصيني وش تبغين ترى مليت وجعت>> آحسسساااس مافيهxxxx
ساره: انا بدخل مع الباب واوقف جنبك والبسك ادبله / تخيلي الموقف وكيف بتتصرفين..
حتى ساره اللي ماتحب الاشياء هاذي حست وحاولت تفيد نوروه..؟
راحت ساره لـ عند الباب جات تمشي برزه وهدؤ >>تمثل
نوره واقفه وظامه يدينها ببعضها ومنزله راسها ونتاظر بالارض ,,,
وقفت ساره جنبها وهي تناظر فيها
تبغى تحرجها ,نوره ماتحركت وظلت على حالها..
ساره اخذت يد نوره بهدؤ وكانها بتلبسها الدبله , رفعت نوره راسهاا وهي تقول :
وش هـ الولد المزيون>>انفجرنا ضححك
العنود: من جد بتقولينها ل احمد>> صوتها يقطع من الضحك
نوره: لابصدري بس لانه تمثيل قلتها بصوت عالي..
العمه نوره ظامنه ان احمد مزيون وانها بتقول بصدرهاا انه مزيون..!
انقلب الموضوع ضحك رغم اني كنت جاده فيه
بس ماقدرت امسك نفسي ولقيتني اضحك معهم...!!
xxxxxxxxxxxxxxxx*
21رمضان كانت نوره مصره انزل معهاا لسوق فيه آشياء تبيني اكون معهاا فيهاا ,
لان تركي هو اللي بينزلهاا رفضت اروح معهاا >حاولت في عمي يودينا ماقدرت ,
آخر شي قررنآ كل وحده تروح مع اخوها ونتقابل بالسسوق
وفعلآ دقيت على راكان وقلت له ,راكان غصب خالد يوديني رغم ان تركي
محرك من نفس المكان,,
نزلت مع نوره وحجزنا بعض الاغراض المهمه و اخترنا المسكه ,,,
وعلى الرجعه رفضت آخلي نوره تدق على تركي
ودقيت لراكان وجاني انا ونوره ,,
نوره عادي جدآ تركب مع راكان عكسي تمامآآ ,,,
بعد رجوعنا بساعه قابلت ريم وكانت تلمح على ان عناد
فرحان اني رفضت اركب مع تركي ..؟
ريم تلمح ونظرات امهاا لي تقول انها كارهتني او ماتبيني اظهر قدامها وفـ حياتهاا,
حتى امي انتبهت لهاا ,..؟؟!!
وقالت لي بالحرف الواحد(أنتبهي على تصرفاتك قدام الحريم)
امي تتوقع انها ناقده علي بـ شي آو اانها شافت مني شي ازعجهاا..!
تضايقة من امي وانها شكت في وتوقعت اني مسويه شي غلط, وكالعاده عديت الموضوع,
*من بعد كلام امي تجنبت ريم وحتى ابتسامه ماابتسمت لها
حست ريم وتاكدت اني شايله عليهاا ,حاولت اكثر من مره تمزح وتسولف معي
وكانت ردة فعلي بارده جدآ
ماتحمست امزح واسولف معها والسبب امهآآ..؟؟
سبحان الله العظيم احيانآ تعرف خوافي الانسان من نظراته , اذا يحبك او يكرهك , عادي ولا مميز عنده,
ام ريم ونظراتهاا وطريقة تعاملها معي تقوووول :
>بعدي عن ولدي...!!
قبل العيد باربعه آيام دخلت علي ريم الساعه 11 الغرفه:
آحلام وش تسوين > وهي داخله..
كنت عند التسريحه مالفيت لهاا حطيت روج وشويه مسكره وانا اقول:
دقايق ورايحه للبنات>>اقصد عند ساره
جلست على السرير ولا كلفت نفسي حتى اناظر لهااا..؟
كنت لابسه تنوره قصيره جنز وبلوزه تفاحي ,وقفت وانا اناظر فيها بستغرب,
ابتسمت وهي تقول اجلسي, قبل لااجلس قالت سكري الباب ..
سكرت الباب وجلست على سريرمقابله لهاا,
خذت الوساده وحطتها بحظنها ونزلت يدينها علاهآآ ,
ريم: احلام يحق لك تزعلين وانا عارفه من ويش زعلانه..!
بس امي مثل امك ومااظنك تزعلين على امك,
>استغربت منها...؟؟
آحلام: ريم انا ماني زعلانه لاعلاك ولا على امك>>كذبت
ريم: لا انا عارفه انك زعلانه بس خليني اوضح لك
يمكن انتي سمعتي من احد ثاني ونقل لك الكلام بصوره خطا,,
امي ماهي رافضتك وبالعكس تتمناك بس خايفه عناد يطول مايتزوج وكملت//
قدري انها ام وتخاف على ولدهآآ
قاطعتها: ريم امك ترفضني وهي ماتدري انا بوافق أو لا >> بتعجب
ريم:تبتسم: آحلام قلت لك امي حرمه كبيره وماتفكر مثلنا تفكر بطريقتهاا
>> صديت عنهاا ..
ريم: واذا الشخص اللي موصلك الكلام قال غير كذا قوليلي>> تاشر على نفسها
آحلام: ريم انا ماهمني كلام امك بالعكس من حقها تزوج ولدها بكيفها ..؟
ريم: بس عناد رافض اي وحده غيرك وامي تعبت تقنعه...؟؟
*هي تتوقع انها بكلامها تحببني باعناد ,وربي اول ماقالت تعبت تقنعه حسيت قلبي اوجعني
اثاريهآ رافضه بقوه وتحاول فاعناد...
آحلام: طيب قولي ل امك لاتتعب وتحاول تقنعه لاني رافضته وخليهاا ترتاح..!!
>>دفاعآ عن كرامتي قلتها بعصبيه..؟
ريم انصدمت وقالت :
آحلام من جد رافضه عناد>>فاتحه عيونهاا بقوه..
آحلام: ايه رافضته ليه مايصير ارفضه اقل شي اريح امك من محاولاتهاا>>طفح الكيل..؟؟
ريم: بس عناد يحبك وعايش على امل انه يتزوجك>> حسيتها تضايقت..؟؟
آحلام: ريم رجاءآ انتي تقولين عناد يحبك وامك تلمح انها رافضتني / انا ماني لعبه بين يدينكم انتم
حكمتو اني موافقه على عناد وانا لسى ماقلت رايي/ امك كرهتني والسبب اخوك>بزززعل
نسيت اني احبه وماعدت افكر الا بكرامتي حتى ريم ماقصرت الليله كملتها تقول امي تحاول تقنعه,,,!!!!
ريم: آحلام انتي مكبره السالفه وزعلانه علي وعلى عناد بدون سبب //وكملت// يابنت امي مثل امك
تحملي عشان عناد ورب الكون يحبك , خلاص لجل عين تكرم مدينه...؟؟
كلامها مااثر في حسيت ان فيه شي اكبر من عناد يهمني / كرامتي/ خلاص الا هنآ وتوقف ام عناد وعناد..؟
واسيت نفسي وانا طالعه من عند ريم بعد ماقلت لهاا
"ريم اللي عندي سمعتيه مستحيل ارتبط بواحد امه رافضه انه يتزوجني"
رحت للبنات وانا اقول مصيري انسى عناد..
بس كلمت ريم الاخيره براسي ماهي راضيه تروح...؟؟
عناد ماله ذنب>> صوت ريم وهي تقولهاا والله انه حزين ومكسسور هي تحبه
وخايفه علاه , وانا احبه وخايفه آكثر منهآ ..
يقولون الكرامه صفحةٍ مالهآ طي/ وانا الليله طويت حب ,ومشاعر ,وآحاسيس,ولهفه,وشوق, في سبيل كرامتي..!؟
وربكم انهاا سكاكين تنهش بقلبي لاني قلت لها اني رافضته, بس لحظتها نسيته تمامآ,آستفزني كلامهآ
كأنهآ تقول انتظر نحاول بأمي ترضى فيك, واذا مارضت الله معك/ وانا ماابي انتظر هالحظه ,الموت اهون
منهاا عندي, جلست مع البنات وانا احاول احبس سيل من الدموع , احس بهبوط بنبضات قلبي , خوف ,
برد , وجع في كل جسمي , قبل نص ساعه كنت تمام وجات ريم وحاست كل شي..!!
الاسلوب هبه من الله يختص فيهاا ناس معينين نادرآ ماتلقى شخص يمتلك اسلوب فذ ,
يوصل لك المعنى اللي يبغى حتى لو سب وذم فيك بس يقولها بطريقه ماتهينك.
بالعكس ممكن يخليك انت تعترف بالخطآ بدون زعل
وبدون ماتحس انك بحاجه لكم من الكلمات تدافع بها عن نفسك..!!
xxxxxxxxxxxxxxxxxxxxxxxx

 
 

 

عرض البوم صور فيتامين سي   رد مع اقتباس
قديم 21-02-17, 03:46 AM   المشاركة رقم: 32
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,162
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 



أقسم لك
أني سـ أشفى يوماً ما منك
وأقسم أني لن أتذكرك
بعد هاذا اليوم
وأقسم لك اني لن أفي بهذا القسم لاني لا أستطيع نسيانك .؟!
xxxx*
جاملة على حساب نفسي وجلست مع البنات ضحكة
معهم وجهزت السحور معهم ,ماكاني لي
نفس اكل ابدآ اكتفيت بعصير ليمون
ورحت لغرفتي غيرت ملابسي ودخلت فراشي انتظر الصلاة,
رغم الالم اللي احس فيه ب قلبي لا اني مالمت نفسي ,
آنآ صح مليون بالميه , اللي صار هو اللي المفروض يصير..
مافكرت في ردة فعل عناد ولا همتني , مستحيل اجامله على حساب كرامتي..
اذن الفجر وصليت ورجعت لفراشي,
نادتني نوره اكثر من مره ماجاوبت توقعت اني نايمه واسكتت, بعد وقت طويل
تذكرت فيه كلامي انا وريم كلمه كلمه فتحت الجوال اشوف الساعه 9:40 دقيقه
باقي عن اذان الظهر ساعتين بس, بعدهاا غفيت...؟؟
بالقوة صحيت الساعه ثلاث وانا اسمع البنات بالمطبخ
غسلت ولبست وشلت شعري بربطه ورحت لهم,>> سلااام..
وانا داخله مع الباب ,واضح علي الارهاق وقلت النوم , غير النفسيه زفت,
ماتكلمت وانا اشتغل,
البنات يعلقون ويتمسخرووون وانا ساكته احيانا ارد بنظره واحيانا اطنش,,
ريم جاتناا على اخر الشغل,
وماوضحت شي كانت عادي وكان ماصر شي بيني وبينهااا,,
روقت على خفيف بعد المغرب , ورحت للبنات اتابع معهم التلفزيون وريم معناا,
بعد صلاة التراويح طلعت ريم من الغرفه لابسه عبايتها سألوها البنات وين قالت انها رايحه
مع عناد لسسوق ,,
عرفت انها بتقول له الليله على الي صار البارح,وانتظرت رجعتها بفراغ الصبر
بشوف تراها تقول لي شي او توصل لي رساله منه....؟؟؟
"""""""
سلام>> ريم وهي تسكر الباب..
عناد: وعليكم السلام,,,بتذمر
ريم: وش فيك كنك طفشااان>>وهي تلف علاه
عناد: ريم انا مااحب السوق خصوصآ برمضان>>طالع من الاستراحه
ريم: طيب انا ماابغى السوق بس اخذت السوق حجه عشان اقابلك,,
عناد: صدق والله >>وقف السياره
ريم: ليه وقفت ودنا اي مكان فيه موضوع بناقشه معك>>بجديه
عناد: لف يناظر فيها بستغراب ووقف بحديقه قريبه من الاستراحه وانزلوو..
ريم: عناد تعال هنا المكان اخضر يجنن>> وهي تمشي
عناد: وش عندك ترى اقلقتيني >> يجلس قدامها
ريم:البارح صار شي لازم تعرف فيه >> وهي تقطع بالعشب
عناد: وش صارر تكلمي>> بخوف
ريم: البارح تلكمت مع احلام بخصوص رفض امي لهاا>> وهي تناظر فيه
عناد: وليش كلمتيها امي قايله شي ..؟؟
ريم: لا امي ماقالت شي بس نظراتهاا باحلام واضح انها رافضتها >>بحزن
عناد: واحلام انتبهت لهاا>>يعقد حواجبه
ريم: ايه انتبهت وزعلانه منها وزعلانه علي بعد..
عناد: ليه زعلانه منك....!!!
ريم: مدري يمكن سامعه كلام ,,,؟
عناد: طيب البارح وش قلتي لهاا بالتفصيل>> يتربع
ريم: قلت لها امي ماهي رافضتك بس ماتبي زواج عناد يتاخر اكثر من كذا ,
ومستحيل عناد يرضى
بغيرك لان امي حاولة فيه اكثر من مره ومارضى// قاطعهاا عناد//
عناد: احوووول ياريم ليش قلتي لها كذاا / بتذمر/ وكمل>> انتي كرهتي البنت فامي ..؟؟
ريم: عناد تدري انها تقول قولي له اني رافضه الزواج>> بخووف
عناد: خير تتكلمين جد >> يفتح عيونه بقوه..
ريم: وربي تقول خلاص دام امه ماتبيني ارفض واريحهاا ..
عناد: بعد صمت/ يحق لهاا امي رافضتها واختي تقول حنا نحاول
فامي توافق يتزوجك >> ويصد عن ريم
ريم: عناد انا قلت الصدق بعدين هي عارفه ان امي رافضتهاا..؟
عناد: بصراخ / لاتقولين رافضتها الكلمه هاذي لااسمعها مره ثانيه>>يأشر بووجه ريم..
ريم: طيب ...؟؟
عناد: امي درت بكلام احلام هاذا>> بسرعه
ريم: لا ماقلت لااحد غيرك>> تلعب بالعشب
عناد: ريم اسمعيني زين وخلي كلامي على بالك امي لاتعرف بكلام احلام , وانتبهي
ينتشر الكلام الناس يسمعونه لحظتهاا ابفسخ الحياء نهائيآ سامعتني..>>بصوت عالي
ريم: طيب طيب اصلآ انا ماقلت لااحد بس احلام يمكن تقول ل امهاا> وهي ترفع عيونها فيه
عناد: لا مستحيل تتكلم مع امها ولا حتى تقول لهاا >> بقهر
ريم: ............................
عناد: الله يسامح امي خلتها تسمع هالكلام , آآآهـ يالقهرر..
ريم: انت وش بتسوي...؟؟
عناد: انسي كلام احلام وكأنهآ ماقالت شي
وارجعي معهاا زي اول واحسن > لاتحسسين احد
بشي وانتبهي يطلع الخبرلمخلوق ثاني...؟؟
وكمل/ ريم هي رافضه عشان امي ولا لانهاا ماتبي الزواج...
ريم: عشاان امي اكيد >احلام مهما خبت تفضحها عيونك ,
هي واضح انها تبيك بس امي جات بالوقت الغلط ...!
عناد: طمنتيني والله /آجل مثل ماقلت لك كانك
ماسمعتي منها شي وامي انتبهي تشم خبر>> وهو يوقف
ريم: اوكي اعتمد> تاخذ شنطتهاا
عناد: اي شي يصير بلغيني اول باول > يفتح الباب
ريم: آن شاءالله...؟؟
"""""
رجعت ريم من السوق ..
وانا بالغرفه مع نوره, آسمعهاا تتكلم مع البنات وبعد دقايق جاتنا العنود
وهي تقول القهوه جاهزه بالصاله ,على طول طلعت ولقيتهم مجتمعات ,,
جلست وسولفت وضحكت ونفس الحال ريم ,
واضح انها ماقالت ل عناد عن اللي صار ,
ارتحت ماودي يعرف هاللحين اقل شي اذا رجعت الرياض تقوله....!!
ريم نست وش قلت لها وانا تناسيت وصارت الامور عاديه بيناا ,,,
انشغلت مع نوره صرت ادخل معها للغرفه
من الساعه ثلاث تسوي خلطات هي تبيني احمسهاا وانا احب الاشياء
هاذي واتفنن فيها حيانآ اسج من نوره ويوديني تفكيري له ,
رافضته ومستغربه منه ليه ماعاد يلمح لي لاهو ولا ريم,
اذكر نفسي كثير اني رافضته بس مافيه امل , لاارادي افكر فيه,,!!
""""""""
(برآ في جلسة الريجيل)
عمي ابو آحمد: آحمد وانا ابوك
وش صار على القاعه عسى حجزتهآ>منزل يده فوق العصى ..؟
آحمد يلتفت بسرعه: هلا يبه ايه ايه حجزتها ماناقص غير الشيخ يملك >>يعدل شماغه
ناصر: والله الزمان الشين احمدوه يتزوج وانا عزابي ياحيف يازمن>> يضحك
عمي مطلق: يابوك لو اختها كبيره
زوجتك بس عمانك مايقصروون فيهم الخير والبركه >> ياشر على عماني
عمي ابو عناد: انا ماعندي بنات زوجتهن ولا وين ابلقى رجال مثل ناصر..
ناصر: يترزز ويناظر بالشباب..
سطام: آآفآآ ياعمي هاذي بحق وانا وين رحت >>يلتفت ل عمي
عمي ابو عناد: والله والنعم تستاهل بس يابوك مابقى بنات>> يضحك
عناد: لا عاد الا النسسيب لاحد يزعله , ترى مرضى علاه>>يغمز لسطام
سطام: اضحك علي بالحكي لهم ساعه يمدحون نويصر وانت ساكت>> زعلان
تركي:آحمد يالردي عناد يدافع عن نسيبه دافع عني امحق عزوه>> يحذفه بالسبحه
آحمد: اصبر اصبر انتظرهم يخلصون جايك المدح جايك>> يضحك
عمي مطلق: بس بس خلوني انشد احمد من عزم >> ياشر بيده اسكتو
آحمد: والله ياعمي ماخليت احد عزمت جماعتنا انساب عمي ابو عناد وعزمت
خوال تركي, وعزمت خوال راكان والباقي عزمتهم بس الظاهرر صعب علاهم المجي..
عمي ابو آحمد: انت لاتنسى احد واللي يجي منهم حياه الله واللي مايقدر معذورر..
عمي مطلق: تاكد يابوك لاتنسى احد >> وهو قايم من الجلسه
آحمد: ان شاءالله ياعمي,,
راكان: احمد ترى انا اعين واعاون اذا نقصك شي اطلب بس ياوولد العم..
آحمد: ماتقصر عساك سالم شايلينك لعوزه>> يضرب على كتف راكان..
ناصر: يالله الحقو المسجد اقام الصلاة>> وهو طالع
تركي: جايين جايين >> وهم قايمين للمسجد
""""""""
(غرفة ساره......)
مريت المطبخ واخذت عصير برتقال
ورحت ل ساره وندى والعنود والعمه نوره مختفيه,
سالتهم عنها قالو ماشافوهاا, تربعت انا وساره وندى والعنود على
سرير ساره واحنا نتابع عارضة ازياء فالنت ,
كانت روسنا برؤؤس بعض وعيونا مبققه بطريقة مشيتهاا ورشاقتهاا ,
ندى تمدح رزتها وساره مهووسه بجسمها
انا معجبتني ابتسامتها وعيونها العنود طايحه عند غمازاتهاا
في عز انشغالنا طلعت لنا العمه نوره ,
لابسه طقم العيد وواقفه قدامنا ..
بنات كيف طلتي>> نوووووووووره>>وواثقه تبتسم.
سحبنا علاهاا ورجعنا للعارضه,
العمه نوره اخذها الفضول ودخلت راسها تشوف وش نتابع,
رفعت راسها تبتسم وتقوول: نفس جسمي...........!!!
ساره: احلام مستغنيه عن العصير>> تناظر في
العنود: خلاص كملو انا ماسمعت شي >>وتناظر بالنت
نوره: ندى امانه قولي الصدق>> بكل ثقه*+*
ندى: رفعت راسها وهي تقول: الصدق من اي ناحيه ههههههههههههه
نوره: جسمها مو زي جسمي>> مازالت واثقه
ندى: ياخي اتقي الله انتي بالعشر الاواخر الظلم
حرام تقارنين جسمها بجسمك اشوى انها ماتعرف
بالموضوع عشان ماتنتحر>>ورجعت تابع
آحلام: نوره لفي كنك سامنه>> مصدومه
ساره: الله ياخذك الفستان ضيق>> تحط يدينها على راسهاا
العنود:لابنات احسهاا عادي..؟
ندى: الا والله طالع لك كرش فشلتيني >>تضحك
نوره: يووه لاسامنه ولاشي وبعدين لاتنسون اننا برمضان والواحد مايظمن
نفسه كيلو كيلوين ماتاثر>> تجلس جنب العنود
ساره: قومي عن السرير حرام علاك ارحمي ضعفه>> تدفهاا
ندى: يازيني ياناس ربي لايحرمني مني
محافظه على جسمي ولا زاد لو كيلو>>مستانسسه
العنود: حتى انا ياقلبي محافظه على جسمي>> ترفع حاجبهاا
نوره: وش قصدكم انا ماحفظت على جسمي قولوهاا كااش ترى ماازعل>>زعلانه
احلام: يحق لهم حسبي الله على بليسك انا احسبك بالتاسع >>واشر على بطنهااا
ساره: لايكون فستان الشبكه ضيق بعد>> مذهووووله
نوره: شويه مو ضيق مره >> مستحيه
ساره: جوالي وين عطونيه بدق على احمد اخوي في خطر>> تمثل انه تدور الجوال
نوره: تناظر فيها بنص عين ولاهي هامتهاا..؟
طلعنا من الغرفه نعلق على عارضة الازياء وكيف تمشي ونقلدهآ ونضحك..؟؟
""""""""
يوم 29 رمضان كنا مجهزين اغلب الفطور بالليل ...
وماصحينا الا 4 العصر على طوول على المطبخ
وبسرعه خلصنا الباقي من الفطور بعد صلاة العشاء كنا متجمعين بالصاله ننتظر الاخبار
بيكون بكره العيد او لا..
جلستنا كانت عربيه بين الكنب ومسوين دائرة انا والبنات مريم
كانت جالسه على الكنب مع هموس وتسولف معنا
القهوه عند ندى وهي اللي تصبها وجنبهاا العنود مسانده ظهرها وماده رجولهاا
وتناظر بالتلفزيون , على يمينها نوره متربعه
وتتقهوى , ساره على يسارهاا ومعها الريموت انا على يمين ساره ومعاي حلى وقهوه,
ريم جالسه جنبي وتعلق وتضحك..
ندى: ساره وجع حطي على العربيه يمكن فيه خبر عاجل>> معصبه
نوره: لابدن خليه على القناة الاولى انا ماصدق الا هي>> وتاكل
العنود: بنات ريحوو انا حاسه ان بكره العيد واحساسي مايخيبني ابدآ>> تلعب بالجوال
آحلام: ساره خلي على القناة الاولى تنتهي الصلاة هاللحين ونشوووف>> وانا اكل حلى
ريم: بنات حتى انا حسه ان بكره عيد >>تناظر فالشله
نوره: اسمعو سلمكم الله اذا بكره ماهو عيد تراني ماعندي نيه اقوم الا للفطور
وكملت// عاد الله الله بالفطور الزين >> وتلف على التلفزون
ساره: طفت التلفزيون: تقولينه صادقه وان شاءاالله
مصدقه نفسك عروسه وتدلعين>>تمسخرهاا
ندى: تراها بس خطبه يعني شبكه واخر شي بترجعين
مع ابو تركي الله يسلمه وماندري وش يصير بالدنيا
ترى احمد رايه يتغير بالدقيقه >> مقهوره منهاا
العنود: نوره صح الدلع ماهوب لايق علاك بس حاولي مافيهاا
شي تدلعي ونامي واصحي متاخر وحنا بنصدق
وندعمك>> تتكلم ومنزله راسها بالجوال..؟؟
نوره: ريم قولي لهم هــ الشينات يريحوني لو يوم>>سحلانه
كانت ريم بتهرج بس قطعها صووت مذيع القناة الاولى سليمان العيدي وهو يقول غدآ اول ايام
عيد الفطر المبارك..
اللي اذكره قبل الرجال مايتكلم ان فيه صحون حلى وفناجيل قهوه وكسات شاهي,
حاولت اركز واعرف من ذولا اللي يظمون بعض بنص السفره ,
الشعر شعر ساره واليدين يدين نوره قربت اكثر فيه وحده ثالثه بينهم,
استغفر الله العظيم حنا بالسعوديه , ساره من الفرحه كانت بتظم ندى وفالطريق واجهت نوره وظمتهاا..
ندى من الحماس ظمت ساره ونوره مع بعض ,
فطست ضحك وجلست ماقدرت اوقف ليش متحمسين
كذا>> وانا ميته ضحك...!!
على صوايح الشباب وقفنا عند باب الاستراحه فاطسات ضحك,
كانو مسوين جو رهيب عشر دقايق بس من اعلان العيد
وصوت الصواريخ والالعاب الناريه يملىء المكان ,
على اطراف اصابعنا تسحبنا لغرفة جدتي من هناك نشوف الحوش من الشباك ونشوف الشباب,
دخلنا الغرفه بس انا وندى ونوره والعنود وساره ,مريم وريم راحو لغرفة امهم..
العنود: بشووويش سكري الباب بشوييش>تكلم ساره
مشينا لشباك وتجمعنا قدامه وحاولنا نفتحه ماقدرنا ,,
ساره تهاوش ندى وتقول انها ناعمه زياده عن اللزوم دفتها وهي تقول>> وخري يالخكريه*_*
تحمست ساره وعصبت واندفعة سحبت الشباك بقوه وضرب بجبهتهآآ>>هههههههههههههههههه
على طول جلست وهي ماسكه راسهاا>> المكان كان ظلام ورغم كذا ساندناها وجلسنا معها
نوره: ساره فيه دم >> وتضحك
العنود: ياويلي يابطني وحده تروح تشغل الانوار>>فاطسه ضحك
آآآهــ >>صوت ساره
وانا ميته ضحك وش فيك>> ماشوف احد بس اسمع الصوت وماسكه مجموعة يدين ؟؟
ندى: ماعليش>>بصوت حزين
>> اثاري ندى تحسست جبهت ساره ومسكة مكان الضربه وهاذيك صاااحت*_*
نوره راحت وشغلت الانوار وجات تشوف جبهت ساره..
ساره للحين ماسكه مكان الضربه وساكته..؟؟
شدت نوره يد ساره وهي تطالع بجبهتهاا>>
بغى يغمى علي من الضحك على طووول انتفخت ..؟؟
العنود تقول احمدي ربك انا يوم سمعت الصوت قلت انكسر العظم ,,
ساره: ودوني ودوني سريري انا دايخه>> شكلها بس يموت ضحك
اخذناها للغرفه وحنا نهاوشهاا لانها حرمتنا من شوفت الالعاب بدفاشتهاا..
ندى مسانده لساره بقوه تنزل خصل شعرهاا على الضربه ونوره ماسكتها هي والعنود,
سكرت الشبات وطفيت الانوار ولحقتهم ...؟؟
مسكنا ساره طول الليل مسخره وتنكيت وضحك,
على اخر الليل بدا انتفاخ الضربه يخف وتختفي شوي شوي,,
الساعه ثلاث الفجر تركت البنات هم كانو بالصاله وعندهم فطاير وشاهي,
رحت لغرفتنا واخذت دش ولبست بجامه آسود حرير..
كريم وعطر كالعاده ....
ماكان لي نفس اطلع للبنات , اخذت سماعاتي وجوالي ودخلت فراشي..
من كم يوم قلت لريم اني رافضته ومن بعدها لاحس ولاخبر ريم
كاني ماقلت لها شي ودي اعرف عناد عنده خبر,ولا ريم متكتمه على الموضوع ..
خبرتي بريم تقول انها ماتستعجل ولاتحب الاستعجاع ,يعني ممكن ماقالت لعناد, الليله
نفسي آشوفه فكره مجنونه طرت على بالي نزلت رجولي من فوق السرير
واخذت جوالي وطلعت من الغرفه ,
مريت البنات وانا اقول بروح ل امي تعديت غرفت امي وانا مسيره لامخيره ,
فتحت باب غرفة جدتي بشويش جدتي
نايمه ولاصحت على صوت الباب سكرت الباب ,
بكل هددؤ وقفت قدام الشباك وانا اناظر بتجاه سرير جدتي مااشوف ولا شي ورغم
كذا مصره وعندي اندفاع افتح الشباك بحركه بطيئه حاولت افتحه ,
قدرت وفتحته شفت انوار الحوش على خفيف فتحت حبه زياده وانا
اتتبع عيال عمي وهم يظهرون لي بالتدريج,ناصرماناظرت فيه ابدآ سبهت باللي جنبه ..
عناد جالس جنب ناصر وبينهم مركى ,
ثوب ابيض بدون شماغ ويتكلم مع ناصر وكان جدي بحركاته ,سكرت الشباك
بعد مامليت عيني منه وتسحبت وفتحت الباب وطلعت بعد ماسكرت الباب
اسمع جدتي تقول/ من /وكررتها اكثر من مرره..؟
رجعت وانا اركب السماعات واشرت لنوره والبنات ب مع السلامه >> على اني ابرقد..!!
حمدان المري وصوته ,ووسادتي وافكاري ,وعناد وطاريه /حرمت عيني النوم..
صمت صوت حمدان المري وانا اردد....
اقول بنسى واحسب اني نسيته
الحب الاول صعب نسيان راعيه

عانيت في بعده كثر ماهويته
لااحتلت في قربه ولاني بناسيه

لو اني اقدر جيته كان جيته
اللي بقولـه آآآه ويلي على أجيه..!
آتذكر العيد اللي راح كنت مع اخواني بالحوش ,
اتذكر انا وخالد وفصوول والالعاب الناريه قبل الفجر,
رغم انا العيد كان مع امي واخواني بس الا ان له طعم ثاني , السنه اللي راحت كان عمي
مطلق مخطط اننا نجتمع بس الظروف منعت اغلب عماني وماقدرو ليت الظروف لعبة لعبتها السنه هاذي,
ومنعتناا بعد, ليتنا ماجتمعنا ولاشفته...!!
نمت وانا اتذكر مواقفه وظامه وسادتي ...!!
صحيت بعد ساعه والبنات كلهم بالغرفه ,صليت واستشورت شعري ولبست,
فستان تفاحي قصير وحلق واكسسوارات ناعمه بيدي اليسرى..!!
كريم توحيد اللون ومسكره وكحل وحددت حواجبي ,
وروج وردي وبلاشر وردي خفيف, وتركت شعري مفتوح ,
غيرت تعليقة جوالي بدبدوب وردي صغير ,
وتعطرت ,طلعت المطبخ وجبت لي انا ونوره توست وعصير وبعد مااكلت رحت ل امي,
على الساعه 7 ونص جونا عماني واخواني من المسجد ,
ولبست عبايتي لان فستاني قصير ورحت لهم
بالمجلس مع البنات ,عايدناهم وعايدت اخواني ورجعنا لصاله ..؟؟
تجمعو كل الحريم بالصاله كانت الاجواء ضجة وزحمه وقلت نوم وسهر....!!
العيد الاول كان عند عمي مطلق غداء وبعده ماتسمع بالاستراحه ولا صووت الكل نايم..!!
الساعه 2 الظهر كنت مستعده لنوم دق الباب, وانا انزل راسي على الوساده واتلحف بالبطانيه..
منهوو >>بطفشش
فتحت ريم الباب وكانت ماسكه جوالهاا وحاطته على اذنهاا ,
ابتسمت لي وهي فيهاا نوم وقربت مني..؟؟
ريم: ايوه ياعناد صاحيه لسى مانامت >>واقفه خلف سريري والانوار مطفاه
ساندت ظهري على السرير وانا اناظر فيهآآ ..
ريم: احلام عناد يقول كل عام وانتي بخير>>تتثاوب وشعرهآآ منفوش
مدري كيف اتصرف اذا تكلمت سمع آشرت براسي >> يعني وهو بخيررر
ريم: عناد تقول وهو بخير ..
اسمع صوته يتكلم بس ماافهم وش يقول..؟؟
ريم: اووكي >>مع السلامه وقفلت..
مسبهه فيها وانتظر وش تقول:
اشرت وهي تقول >>عناد يقول لك نوم العوافي..؟؟
طلعت وسكرت الباب ونزلت راسي على الوساده من التعب نمت مافكرت
بكلامه ....؟؟

 
 

 

عرض البوم صور فيتامين سي   رد مع اقتباس
قديم 21-02-17, 03:47 AM   المشاركة رقم: 33
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,162
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


عندمآ آستخررت الله
ب وجودگ في حِيآتي
ھمست :
إن گآن خيراً
فَ أجعله معي (دائما )
وإن گآن شــراً فَ أجـعل فيّه
آلخير( ثــم )إجععَله معي دائمآ..!!
""""
الساعه 6 المغرب/
العنود: بصراخ ,بنات اصحو الساعه 6 >>تسحب البطانيه من فوق نوره
وكملت/آحلام يالله عشان تساعدوني على العشاءء عندنا>>واقفه عن راسي..
طلعت العنود لغرفة ساره وندى بعد ماتاكدت اننا صحينا ,
لبست نوره وانا لسى خادره على السرير
ماشبعت نوم ,تذكرت عناد وريم اليوم الظهر وابتسمت حمدلله...
انها ماقالت له اذا رجعت الرياض براحتهم ..!!
قمت وغسلت وجهي بمويه بارده ابي النوم يطير ,
لبست تنوره قصيره وبلوزه وحطيت كريم وروج
ومسكره وحددت حواجبي ولبست عدسات وعدلت شعري وطلعت...
طاحت عيني على ريم وشلت عيني بسرعه وانا رايحه للمطبخ ,,,
سلاااااااام>>وانا داخله مع الباب
العنود: تعالي جابك الله سوي جريش على ماخلص السلطات وكملت// تكفين بسرعه..
البنات كل وحده اخذت شغله حتى نوره ...
رفضت تجلسس مع الحريم وجاتنا بالمطبخ تساعدناا..؟؟
الساعه وحده بعد ماخلصنا ونظفنا الاستراحه نمنا ,,,
آول يوم فالعيد كان متعب جدآ...!!
صحتني امي 11الصباح وهي تقول ان الغداء عندنا..
( يعني اليوم الثاني بالعيد عند راكان) على ططوول صحيت ولبست
بنطلون جنز اسود وبلوزه كت موف ضيقه من عند الرقبه
وواسعه في منطقه الخصر وعلى نهايتهاا ضيقه , شلت شعري بربطه كالعاده
اذا اشتغلت مااحب شعري مفتوح , ماحطيت ولا شي رحت للمطبخ حتى البنات ماصحيتهم,,
بديت اجهز اغراض الغداء ,جوني البنات على 12 وساعدوني حتى ريم كانت معهم ,
حنا متعودين نساعدبعض يعني مستحيل تشتغل وحده لوحده والباقيات فاضيات ,
تربعت الساعه ثلاث بعد ماخلصت بالصاله وانا اقوول:
آآهـ ياظهري وه وه بينكسرظهري بينكسر>> وانا امسك ظهري
ساره: ههههههههه عجوووز احلام اليوم عجوووزز>> هووباا على الكنبه
نوره: اثاريني بنتٍ سنعه ماتعبت>> معهاا كوب مويه
ندى: بروح انزل العدسات ماعاد اشوووف وبرقد..>>رايحه للغرفه
العنود: اخذيني معك >>قايمه معهاا
قمت من عند البنات وانا اقووول بروح ارقد واللي تقرب مني بكسسر رجلهااا..؟
نوره: سووووسو سويره الشينه بتخمدين ولا جالسه>> تناظر فيهاا
ساره: لا مافي نوم بجلس ليش اذا ناويه تجلسين معي بروح ارقد>> مشغوله بالجوال
نوره: لا انا ناوويه ارقد>> تصرف
تركتهم ورحت لغرفتي ولبست بجامتي ونمت خلال ثوان...!!
صحيت مع صلاة العشاءء ومالقيت بالغرفه احد استغربت الباب مسكر والاصوات عاليه
صليت ودقيت على نوره وقلت لهاا تعالي,
جاتني نوره وقالت ان العشاءء الليله عند عمي ابو عناد
هاوشتهاا على انها ماصحتني >>تقول خليناك لاانك تعبانه ..
لبست فستان قصير اسود وتعلقيه طويله فضي وحلق سوية مكياج خفيف وروج احمر ,
عطر وكريم وطلعت ,
لقيتهم مجتمعات كلهم بالصاله حتى الحريم الكبار وجدتي,,
سلااام> وانا طالعه من الغرفه .
جلست جنب نوره وحطيت رجل على رجل..
نوره: ماتلحظين اننا كلنا عادي الا انتي متكشخه >> وتغمز بعينهاا
عارفه وش قصدهااا ..
آحلام: والله حبيبي انا وحده متعوده على كذاا آهم شي اناقتي >>
رغم اني احس شكلي عادي ومو متكشخه على قولتهاا..؟
ساره:عطرك خفي عليه ريحته واصله سابع جااار>>تتمسخر تتكلم وتناظر بندى
آحلام: هاذي تكلمني>>اكلم نوره
ندى: لا لا تلكمني انا توي متعطره >> تناظر فيب طرف عينهاا وتضحك
نوره: يالله شمري عن كفوفك العشاءء عند عناد>> بصوت واطي
ضربتهاا بقوه وانا اقول انطمي امي تسمعك >> امي كانت قريبه من نوره والظاهر
انها سمعتهاا , حتى نوره خافة وصارت تسأل البنات سمعو صوتها ولا لا...؟؟
الساعه 10 ونص استحيت كل البنات قامو مع ريم للمطبخ الا انا ,
نزلت جوالي على الكنبه ولحقتهم,
دخلت المطبخ وانا اقووول...
ريم خدمه شي>> مستحيه منهاا
ريم: امممم ايوه تكفين تعالي ساعدي نوره عشان نخلص بسسرعه ,,,
ساعدت نوره وجهزنا معهاا الاغراض طلعت على صوت عناد بالسيب
قريب من المطبخ وهو ينادي ريم,
جلست بالصاله وشويه جوني البنات وندى تقول:
آحم آحم ليه طلعتي>>جالسه جنبي
احلام: وش رايك اجلس والرجال جاي ياخذ العشاءء >> باستفهاام
ندى: ياشيخه حنا عارفين ان عناد ماراح يدخل وخصوصآ انه يعرف اننا بالمطبخ ..؟؟
آحلام: ماطولت السالفه معهاا خايفه امي تحس بشي بعد كلمة نوره وامي من النوع اللي ينقد
يعني بتجلس تذكرنيهاا الين ولد ولدي....؟؟
* مراليوم الثالث للعيد بشكل عادي وبكره ملكة نوره واحمد...
الساعه 12 بغرفة نوره تجمعناا وكانت العمه نوره مسويه قناع
لوجهها وتبيني احطه ,هوووبااا فوق سريرهاا
وبديت اظهر مواهبي , دق الباب وماعطوني فرصه اقول ادخل ...
دخلت المسيره بقيادة ساره ومعهاا وساده وجوالهاا ولابسه بجامه والله واعلم ناويه تنام معناا هالليله.,,
بعدهاا العنود والغريب ان معهاا كيس وفي نفس الوقت وساده بعد...
ندى ختمت المسيره وللمره الثالثه على التوالي معهاا وساده ...
وانا اناظر فيهم حطيت الدفعه الاولى من الخلطه على عيون نوره >
المفروض ابداء واحط على الخدود واتدرج على بقية الوجه*_*
بس نسيت وضربت بالخلطه على عيونهاا
جلسو الثلاثي المرح بشكل مؤدب على سريري>> وانا اناظر فيهم قلت
نوره شوفي من جانا وشوفي وش جايبين >>اقصد الوسايد
نوره: آحلام انا ماشوف شي الكهرباء طفت >> نسيت الخلطه
وماكلفت نفسي اناظر لهاا قلت/ احووول بسرعه شوفي الهوانم وش مسوين ..؟؟
نوره: يابنت انا مااقدر الشوف اللي حطيتيه على عيوني ويش ..
ذكرت الخلطه وناظرت فيهاا..!!
آآوووف ماعليش ياقلبي بس حساافه ودي تشوفين بنات عمك وش مسوياات.>>وانا اضحك
جلست رغم ان الخلطه مغطيه عيونها تمامآ *)*
نوره: الشرهه علي انا اللي خليتك تلعبين بوجهي احد يحط خلطه على العيون ..
بالله جاني حرامي كيف انحاش>> تفكير سليم*_*
نزلت راسها على الوساده وانا اقول:
خلاص خلاص بحط الخلطه كامله واذا غسلتيهاا تشوفينهم >>وبديت احط الخلطه
ساره: بنات انا مع احلام>> فتحت عيوني بقوه وناظرت فيهاا / وش تقصد
العنود: انا مع نوره.........؟؟
>> نوره على طوول جلست وهي تقول : اسمعو عويذ الله من شركم
انا عندي شبكه ولازم انام زين>>فهمت قصدهم..
فتحت فمي وانا اقول انتي بتنامين معي >>ااشر على ساره ويديني ملطخه بالخلطه..
انصدمت بندى تقول>> وانا بعد / وترفع يدهآآ...
نوره جالسه وعيونها ووجهها مغطى بالخلطه وتقول >>برآآ
العنود: آهبي تتكلم وماعندهاا وقت تطرد..
جلست مع نوره على السرير وانا حاطه يدي على وجهي وانتظر
نوره تخلص مدة خلطتهاا عشان نتفاهم معهم,
نوره تتوعد فيهم وتحلف انهم ليطلعون من الغرفه بالطيب ولا بالغصب...؟
الهوانم جالسات وحاطات الوسايد على سريري ساره تلعب بالجوال والعنود
ماسكه كيس مدري وش سالفته وندى
تناظر باظافرهاا وداخله جو..؟؟
عشر دقايق وراحت نوره تغسل وجههاا وانا مطمنه على الاخر
وواثقه بقدرات نوره على اخراجهم من الغرفه....؟؟
وقفت عند التسريحه تناظر بخشتها وهي تقول>> يازين النور زينااهـ *_*
لفت وحطت يدينها على خصرها وقالت:
عسى ماشر ليه وسايدكم معكم غرفتكم محتله مثلآآ...*_*
ساره بكل ثقه>> لابس بنرقد عندكم فيهآ شي>> تسأل ندى والعنود
العنود + ندى: بصوت واحد لاوالله مافيها شي>> اتفاق تام..
كنت اضحك منهم وبسرعه انكتمت على صوت نوره: احلااام انطمي *_*
آن شاءالله ماطلبتي شي>> راعو انها معصبه)(
يالله انقلعوو على غرفتكم بنام>>بصوت هادي تخوفهم
نوره طل وقدرات نوره طل> قامت ساره ونزلتني من فوق السرير
ووقفت جنب نوره وانا اطالع فيها....؟؟
وراحت ندى خلف سرير هي والعنود واسحبو الاسره ولصقوهاا ببعض
ورتبوا الوسايد وصارت الاسره كآنهاا غرفة
نوم كامله , هوووووووووباااااااا كلهم فوق السرير..
العنود: شفتو ياغبيات كذاا تكفي الشله كلهاا >> وتنقز على السرير
ندى: انا بالوسط والله مااحب الطرف >> وتاخذ وسادتها وتحطهاا بالنص..
ساره انا هناا تقصد على الطرف >>وكملت// نوره واحلام هنااا تأشر على مكان صغير بالطرف الثاني..
نوره: والله ماقصرتو عساها بموازين حسناتكم/ حمد االله انهم مانسونا>>تكلمني
ضحكة وانا اقول: نوره انا على الطرف والله مااجي بالنص>>
ورحت حجزت الطرف الثاني بسرعه
نوره: مستغربه مني ومقهوره منهم...؟؟
نوره: بنات برآآ >> للحين عندهاا امل
ساره: اقول انطمي وتعالي ارقدي الليل سرآ>> مجهزه بترقد
جات نوره مكسورة الجناح ورفعت البطانيه ودخلت بالنص وهي تقول :
الله يصبرني على اليومين اللي باقيه معكم >>تضحك
ندى: وحده تطفي الانوار بنااااااااات بنااااام >> شين وقوي عين&_&
نوره: حسبي الله ونعم الوكيل ربنا على الظالم والمفتري مغطيه وجهاا بوسادتهاا
العنود: خير ماتشوفين >> بعصبيه
رفعت راسي بشوف وش تقصد وشفتها فاتح الكيس ومطلعه
انواع الكريمات ومنزله بلوزة البجامه ومخليه
بدي مغطي منطقة الصدر بس وتدهن جسمهاا ..
استغفر الله العظيم تستري يابنت >>وانا فاطسه ضحك
نوره سمعت تستري يابنت ونست النوم بتشوف من اقصد>>رمت الوساده وجلست
ول ول ول ول هاذي وراهآ متبرجه >>نوره
انا وندى يسمع شهيقنا الاصم من ردة فعل نوره..؟؟
ساره رفعت البطانيه وهي تقول: وش فيكم...؟
لا لا لا حنا مااتفقنا على كذاا اهم شي الاخلاق>>ساره وهي تغطي عيونها بيدها
العنود: وش فيكم اول مره تشوفون احد يحط كريم وبعدين انا متستره اخمدو وخلوني اركز اي كريم
يحط اول...>> ورجعت تكمل على قولتهاا
قامت العنود بعد ماخلصت وطفت الانور والبنات الباقين مالهم صوت الظاهر نامووو ,,
استعديت انا بعد لنوم على صووت شخير بنات عمي....!!
xxxxxxxxxxxx
صحتنا نوره الساعه 2 الظهر وبعد الغداء رتبنا غرفة نوره لاننآ مواعدين كوافيره
لبنانيه تجينا بالاستراحه بعد العصر ...!
عرفنا من ساره ان خوال عناد وصلو لطايف واستاجرو شقه قريب من القاعه ونفس الحال
خوال نوره, خوال احمد جايين من البارح وساكنين عند جماعتهم هنا بالطايف..
على الساعه 5 جتنا الكوافيره وبدت في ساره لانها مستعجله وتبغى تروح للقاعه بدري..
خلصت ساره وراحت مع امهاا للقاعه ومع الحريم الكبار كلهم حتى امي ,
ومابقى بالاستراحه الا انا ونوره وندى والعنود وريم..
بدت الكوافيره تجهزنا وخلصت العنود وريم وراحو مع عمي بعد صلاة العشاءء للقاعه..
الكوافيره المتخصصه بنوره بدت فيهاا من بعد المغرب بالمكياج ثم التسريحه..
انا وندى كنا عند المساعده لهاا وكان مكياجنا ناعم جدآ رفضت تسوي لي تسريحه رغم محاولات ندى
طلبت منهاا تنزل مقدمة شعري على الجهة اليسرى وتشيل شعري من الجهة اليمنى ,,يعني اغلب
الشعر نازل على وجهي من الجهةاليسرى ومغطيه..؟
فستاني كان آصفر قصير الين فوق الركبه بشوي وضيق ,مع اكسسوارات وردي باليد اليسرى وحلق وردي
وجزمة كعب وردي وشنطة يد وردي, سوية مكياج كامل وركزت على الكحل ولبست عدسات سماوي..
وحطيت العطر والكريم والمرايه ومناديل والجوال بالشنطه ولبست عبايتي ورحت لنوره...؟؟
نوره كانت غير غير بكل ماتعنيه الكلمه من معنى آنوثه طاغيه حتى اسلوبها وكلامها ونظراتها فاجأتني..
انحرجت من تركي لانه هو اللي جاينا بياخذنا للقاعه وماقدر عمي يجي..
مامعي وقت ادق على احد من اخواني ولا اقدر
أخر تركي وهو جالس ينتظر ,ندى تقوول عادي يابنت بنروح مع نوره ..
وربي وقفت عند باب الاستراحه وانا ارجف ماابي اروح معه بس البنات والظروف اجبرتني,
نسيت اني ااكد على خواني يجون
ياخذوني وتوقعت عمي هو اللي يجي لنوره ,,
تركي ملىء عيني وهو يستقبل نوره يااااه الموقف غير حسيت باحساس
غريب عباية نوره كانت مع ندى
ولاننا خايفين على التسريحه رفضنا تلبسهاا الا عند باب الاستراحه ,
عند باب الاستراحه كان واقف تركي,انا وندى
كنا نمشي خلف نوره وهي لابسه الفستان الاحمر ونشيل الذيل دخل تركي عند الباب وهو يبتسم ,,
سلم على راس نوره وهي اصغر منه وقال:
مبرروووك يابخت احمد باختي >> يضحك ويناظر فيهاا
تركي كاشخ يحق له ملكة اخته والواقف ورا نوره ندى يعني الرجال في قمة فرحه..
اخذ العبايه من يد ندى ولبسهاا نوره ورمت الطرحه وطلعت مع الباب وهو يشيل ذيل الفستان,
تركي رغم الطنخه والهيبه والرزه والجمال بكل تواضع يشيل فستان اخته,,
ندى ذوبان تااام لدرجة انهاا ماسكه يدي اليمنى وضاغطه عليهاا بقوووه
حسيت الدم بيتوقف والسبب هي,,
فتح الباب وركبت نوره قدام وشال الفستان وسكر الباب وهو يقول:
يالله يابنات عمي حياكم الله فسيارتي المتواضعه >>فرحااان
ركبت ندى خلف تركي وركبت انا خلف نوره ,
المشوار من الاستراحه الى القاعه ربع كانت صمت مطبق
نوره مستحيه من تركي وانا وندى مستحيل نتكلم , تركي اول ماركبنا قااااااال:
مبرووك ياخيه عقبآآآآآآآآآآلي>> وهو يشيل مراية السياره لفوق عشان مايشوف اللي بالخلف..؟
دخل السياره داخل القاعه ونزلنا للقسم الخاص بالعروسه وصوووت الاغاني يلج بالمكان..؟
تركي نزل نوره ودخلها الغرفه وتصور معهاا وطلعت انا وندى رحنا لغرفه فاضيه
ونزلنا فيهاا ورحنا للحريم بالقاعه الكبيره..
مشينا على الجسر وانا مبتسمه وماسكه شنطتي بيدي اليسرى , حسيت بشي من التباهي او الغرور مدري..!
بس ماطول كثير هي اللحظه اللي كان الكل يطالع فينا وبعدين رجعت لتواضعي وبساطتي..
وانا واقفه مع البنات على الكوشه تمنيت اشوووف مهاا , تحرك جواي شي ابي اشوفهاا ,,,؟؟
نزلت ل امي وجلست معها هي وخالتي وجدتي,
ساعه مرت على وجودي بالقاعه وانا جالسه مع خالتي
وتاركه البنات على الكوشه , شفت ريم تمشي على الجسر رايحه للبنات
ورجعت اضحك مع خالتي واسولف,
بعد 5 دقايق شفتها نازله من على الكوشه وتناظر بتجاهنا , وقفت الاغاني فجأة ...
خالتي: آحلام وش فيهم لايكون الزفه>> وتناظر في..؟؟
آحلام: لا مستحيل ولا نادوني البنات>> مستغربه
لفيت اشوف ريم وين راحة شفتها مقبله علي ..؟؟
قبل لاتوصل عندي سالتهاا وش فيكم بصوت عالي...؟؟
وقفت وحطت يدها على كتفي وهي تقول:
ماعليش باخذ حلومه دقايق>> قلت اكيد صاير شي ..
وقفت معهاا وانا مستغربه البنات واقفين يناظرون بتجاهناا..؟؟
مسكة يدي اليسري وشبكتها بيدهاا وقالت تعالي...
مافكرت بعناد ولا ان ريم اخت عناد كان كل همي شبكة نوره وانها تمشي تمام...
الكل تقريبآ يناظر في انا وريم آول ماطلعنا على الجسر شغلو البنات اغنيه ..؟
> حسيت انها حركه من ريم
خصوصآ انها تمشي حبه حبه حبه وتناظر في وتبتسم وتقول:
ابتسمي هاذي الزفه الاولى>> وتبتسم
ابتسمت على خفيف وانا اناظر فيهاا وجسمي يرجف ليه سوت كذااا.....؟؟
رقصت مع ريم وانا مجبوره و مجامله لهاا والشله الفاسده متعاونين علي
يصفقون ويصارخون ويصفروون ,,,
بعد ماخلصنا رقص مسكتني ونزلتني معهاا قلت بصوت واطي وين رايحه قالت :
ابيك تسلمين على جدتي وخالاتي >>وتغمززز لي
عدلت شعري بيدي اليسرى وهي ماسكه يدي اليمنى بالقوه ورافضه تفكهاااا..؟؟
وقفنا عند طاولت خالاتها وسلمت عليهم ,
وراحت تعرفني عليهم وصلت عند عند عند >>> مهآآآآآآآآآآآآآآ
ابتسمت لي وابتسمت لهاا وكانت اخر وحده لفت ريم وهي تعرف بي
ريييم: احلام بنت عمي وخطيبة عنااااااااااااااااد..........؟؟؟
ابتسمت >> وانا حاااقد على ريم بقووووه واتحلف فيهاا بصدري..؟؟
من زود الميانه رجعت معي لطاوله ووقفنا بنص الطريق وهي تقوووول:
يالملعونه واضح انك عجبتي جدتي >> مااااسكه يدي
آحلام: ريم فكي يدي بصووت واطي وانا اشد على سنوني
تضحك وتقول: خلاص انتهت الزفه هاللحين افكهااا ....!!
رجعت لطاولتنا وجلست مع خالتي ...؟؟
خالتي: وش فيه وجهك قلب لونه هاذي ريم اخت عناد..؟؟
>> وتطالع بريم وهي مقفيه
آحلام: فتحت المويه وشربت شويه وطلعت المرايه اتاكد
من مكياجي وحطيت رجل على رجل >>
وانا اطالع بالشله وحاقده عليهم وحده وحده.....؟؟
الساعه12 كانت زفت نوره بعد مالبست الدبل هي واحمد
وتصورو وقفنا انا والبنات على المدخل حق العروسه
بسلات ورد كل وحده معهاا سله فيها ورد انا معاي ورد اصفر وندى آحمر
ساره ابيض والعنود وردي نمشي ثنتين عن يمينها وثنتين عن يسارهاا وننثر الورد
ونزغرد ونصفر ونصايح ,
نوره نظراتها الناعسه كانت تقوول انها ملاك ماهي بشر ,
جلسناهاا على الكوشه ورقصنا لها ,,
اخر شي ودعناهاا كنا نمشي خلفهاا ونردد مع الفنان الاغنيه بصووت واحد...
رحنا معها للغرفه وتصورنا واكلنا من الترته ولعبنا شوويات على كوشتها هي واحمد,,
بدو الناس يسرون وحتى نوره وامها رجعو للاستراحه ,,
جدتي وام العنود راحو مع عمي ابو العنود والعنود بقت معنااا,,
حاولت امي اني ارجع معها هي وراكان بس البنات طلبوهاا ابقى معهم ,,
مابقى بالاستراحه الا ريم ومريم وامهم ووكانو بالقاعه الكبيره , وام ساره ,,,؟؟
الساعه 2 الفجر تجمعنا انا وساره والعنود وندى على الكوشه وصرنا نرقص انواع الرقص
مابقى رقصه ماجربناهاا ونضحك ونعلق ,, العنود كانت في قمة اناقتهاا
لابسه فستان اسود ضيق طووويل وله ذيل وعاري , واكسسوارات فخمه فضي
وكعب فضي ومسويه مكياج روووعه ,,
جلسنا نستهبل على الجسر ونرقص , صاحت العنود ولفينا لها ..
شفتها طايحه من فووق الجسر ورحنا لها ركض بالبدايه كانت تصيح
وماسكه ساقهاا وتبكي بصووت عالي
انفجعناا وحاولنا نجلسهاا ثواني واغمى عليهاا جبنا مويه بارده ورشينا وجهها عيت تصحى ,
خفنا وماعرفنا نتصرف حاولنا نشيلهاا ماقدرنا هي طويله وجسمها مليان ,
راحت ساره تركض دخلت جوواا بتقوول للحريم ,
جوال ندى يدق ناصر فتحت الخط وحنا نصارخ,توقعنا انهاا ماتت ندى قالت لناصر ,
انهاا طايحه والظاهر ماتت وهي تبكي
ناصر كان برآ عند باب القاعه ينتظر ندى تطلع ..
دخل جوا وهو يقول لبسيها عبايتهاا بسرعه انا داااخل..
ندى تبكي وانا ابكي وساره غطت داخل وماندري وين راحت ,
العنود شكلها وهي طايحه بس يخوف وكانها ميته ...
ندى وهي تبكي تقول عبايتها وين ,
ماقدرت افكر ولا اعرف وين حاطه عبايتها رحت للغرفه جبت عبايتي وعباية ندى ,,
لبست ندى عبايتها ورميت عبايتي على وجه وجسم العنود وطلعت على صوت ندى
تقووول: روووووووووحي ناصر جااااا
وقفت ورا الباب ابكي واسمع صوت ناصر يقول افتحي الباب بقوه طليت بشويش,,
وشفته يشيلها وندى طالعه معاه , جلست ابكي وجاتني ساره وريم ومريم ماجاوبت ولا على سوال من اسالتهم
دخلت في موجة بكاء رهيبه ماني قادره انسي شكلهااا..؟؟
ساره وهي تبكي تعلم امهاا وش صار وام عناد واقفه تحاول تفهم السالفه منهم ,
دقينا على ندى وسمعنا صوت جوالها على كوشة نوره ,,,
عرفو الريجيل من ام احمد ولحقو ناصر وندى والعنود , عمي ابو العنود ماعنده عيال كبار اكبر
عياله العنود وعنده ولد عمره ثلاث سنوات والباقي بنات صغار...,,,
عمي واحمد طلعو من القاعه على المستشفى ,
رحت مع خالد للاستراحه وانا ابكي دق على ناصر يبغى
يطمني بس ناصر مارد,
ساره وامهاا والبقيه جو مع عمي ابو احمد للاستراحه ,
ام العنود جنت جنونها يوم عرفت ,وصارت الصاله مناحه ,
بعد نص ساعه دق احمد على امه وقال انها بخير , ماصدقناا احمد شكلها يقوول انهاا ماهي بخير آبدآ
بعد ساعه والصياح مستمر بالصاله دخلت علينا ندى وهي في حاله يرثى لهاا,
تقوول الدكاتره يقولون احتمال كبير كسر بالرجل وبيسوون لها اشاعه ويعرفوون ,
ندى تقول ان ناصر نزلها ورجع لهم بالمستشفى...؟
ام العنود ازعجت عمي وهي تدق علاه وكل مره يطمنها , اذن الفجر واحنا على حالنا ,
صلينا ورجعنا بالصاله حتى لبس ماغيرنا ,
ساعه 8 الصباح دق عمي وقال ان عندها كسر برجلها
اليسرى ولازم جبس , دخلنا عند نوره بالغرفه وام العنود راحت مع مريم لغرفتهاا,
على عشره تطمنا عليها غيرنا ونمنا ساعتين..
مع اذان الظهر على طوول صحيناا ,,
عرفنا من مريم ان امها راحت لها وانهم جبسو رجلهاا ,
جتنا ندى وقالت بهمس ان ناصر يقول :
اذا احد سالكم من شالها من القاعه لسياره قولو احنا لاتقولون ناصر..؟
ناصر مايبغى الريجيل يعرفون انه شاف العنود او شالها
* لانه خايف علاهاا من كلام الناس ,
سألنا ندى عن العنود من لبسها العبايه خصوصآ اني بس رميتها على وجهها ,,
قالت : انها غطت وجهها بالطرحه وناصر وقفهاا وهي لبستهاا العبايه وبعدين شالهاا لسيارة..؟
العصر راحت ساره وامهاا للعنود وبعد مارجعت اخذنا منها اخبار العنود...
ناصر بعد مارجع عمي ابو احمد واهله دق على ندى وقال انه بيوديهاا للمستشفى اذا تبي تزور
العنود, ندى فرحت وطيران لبست عبايتها وقالت لـ امهااا وطلعت..
كلمت نوره ام العنود وطلبت تكلم العنود وكلمتهاا واحنا نسمع الصوت وقالت انهاا
احتمال تطلع بكره >يآآه نسيت مشاكلي مع العنود ونسيت كلامهاا حنيت عليها وخفت
عليهاا كثير , فالليل سهرنا انا والبنات وتذكرنا وش صار البارح ..
وماعدوو حركة ريم علقوو عليهاا
وقالوو لنوره عليهاا فالبداية قلت عادي بنت عمي وترقص معاي..؟؟
وكملت//
انتم بعد ممكن تسوي معكم الحركه هاذي انا قلتها من جهه ومن جهه ثانيه:
انفنح سيل من الضحك والتعليق ,,,
حاولت اضيع الموضوع وانا اسال نوره عن احمد هنا الكل سكت وناظر بنوره عجبهم
السؤؤال,, ؟؟
نوره طايحه في احمد باااشااا مدح وتقول انه سيد الرجال كلهم >> لاتعليق
الظاهر انها تعوضه عن السب اللي جاه قبل الخطبه, تقول انه رومنسي وجذاب وهادي
وكريم>> سالت ندى كيف عرفتي انه كريم>>سؤال وجيه
نوره وهي تغمض بعيونهاا جاب لي هديه >> بصووت واحد وييييييييييششششش
نوره /وجع خوفتوني قصدكم هديته ساعه>> بس ساعه تهوووسس تخبل ..
ندى: بسس ساعه تشوفين حبيبي الغايب وش يجيب ي أم ساعه..؟؟
نوره/ضربتهاا بالوساده على خشتها وهي تقول: هاذي بسس البدايه اصبري
الهداياا فالزواج يالشينه ماهوب هاللحين >> ماترضى على احمد على قولتهآآ..؟؟
انا وندى مانمناا بالليل جلسنا على التلفزيون بعد صلاة الفجر جاتنا ريم
وجابت لنا توست وعصير معهااا...؟؟
وبعد ماسولفنا عن الشبكه قالت ريم: انتم جيتو مع مين للقاعه..؟؟
ندى: وهي تاكل/مع تركي ونوره>>بعفويه
ريم: غريبه ركبتي مع تركي>>تسألني
آحلام: وش اسوي غصب عني مجبوره >>وانا اكل واناظر بالتلفزيون
ريم: وانا اشووف بعض الناس معصب وزعلان >> بس والله ماصدقته
نغزني قلبي من تقصد...؟؟
ندى: من اللي زعلان >>وهي تلف ل ريم
ريم: عناد دق علي يقول احلام رايحه مع تركي وقلت لا ماكنت عارفه
>> تمط الكلام وتناظر بتجاهي
ندى: آحم آحم يغغارر البدوووي..>>تضحك
آوف يالبآآ البدوي>> ماطالعت فيهم وحاولت اكون طبيعيه..؟؟
ريم: تدرين داق علي زعلان يقول ليه مادقت على اخوانهاا >> تكلم ندى
ندى: كان قلتي له اننا كنا بنروح مع عمي>> تعتذر بنيابه عني..؟؟
ريم: انا ماكنت عارفه انكم جيتوو مع تركي/خصوصآ احلام..؟
آحلام: خلاص غيرو الموضوع ماهوب وقته>>
وانا اوضح اني ماني راضيه على كلامهم..؟؟
ندى: آآوف ليه زعلانه >> تضحك
ريم: خلاص غيرنا الموضوع ولواني عارفه ان عناد بيزعجني بأسألته..>>تناظر بنص عين..؟؟
قمت من عندهم ورحت للغرفه وانا فرحااانه بقوه قلبي آحسه بيطير من بين ضلوعي,
سيرته تسوي في سوايآ, وكلامهم عنه يربكني...!!
العصر طلعت العنود وكانت تعبانه جدآ وتتألم من قلب, فالليل سهرنا بالغرفه معهاا
وتفجأة ان ناصر هو اللي شالهاا وهاوشت ندى تقوول:
ليه مانديتي ابوي..قلنا لها اننا من الخوف ماعرفنا نتصرف وناصر كان براا ينتظر
ندى وهو الوحيد القريب من الريجيل وعرف يتصرف ..؟
سالت ندى اذا ناصر شافهاا او لا..
ندى: غطيت وجهك بس شاف جسمك وشعرك..>> وهي تضحك
هاوشت العنود وعصبت وزعلت عليناا لاننا مالبسناهاا العبايه اقل شي,
وضحنا لهاا كيف كان الوضع وبالاخير اقتنعت رغم انهاا مستحيه ومتفشله من ناصر,,
بقينا معها الين الصبح ونمنا عندهاا تحت سريرها , واحنا نسمعهاا تتألم من رجلهاا,
اليوم هو اخر يوم بالاستراحه وبكره مسافرين كل واحد على مدينته, عمي مطلق راجع لتبوك
والباقين لحايل واحنا لرياض , شناط السفر تضيق الصدر وهي مرصوصه بغرفة نوره ,,
وبكره الكل يتنمى انه مايجي ولا نفترق ,...
هم يتمنون اننا مانفترق وانا اتمنى اعرف مصيري مع آميري وملاذ قلبي.....

 
 

 

عرض البوم صور فيتامين سي   رد مع اقتباس
قديم 21-02-17, 03:49 AM   المشاركة رقم: 34
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,162
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


البارت الاخير الجزء الاووووووووول ثواني وانزل الثاني



لازال الرحيل يسلك عتمة شوآرعي
ومطر الفقد يمطرني من كل الجهات
وآنآ قابعة أنتظر..
مافائدة تلك المظلة المبللة ب الشوق والحنين
ومافائدة أنتظاري الارعن
وقد فرض البعد على حدودي
ربآه في القلب بكاء وألم وحسرة
فلا تكلني لبشر..!!
صحينا الساعه 2 الظهر وكل وحده منا آخلاقهآ زفت بعد نص ساعه,
من الغداء وآحنآ مجتمعات عند العنود, قالت نوره:
نوره: لاتنسون موعدنا الصيف الجاي باذن الله في نفس المكان> تلطف الجو..
ساره: ماقصرتي عمتي نوره واسيتيناا, وهي جالسه وحاطه راسها على سرير العنود..
العنود: بنات والله بفقدكم...,,,,
هي قالت الكلمه وكانها تعطينا الاذن وتقول: صيحو لاتكبتوون انفسكم ..
ابدعت كل وحده منا باخفاء دموعهاا والتحايل على الباقيات ,
ندى: آوف خلينا نرجع حايل وحشتني>> كنت افكر اقوول نفس الكلاااام
آنآ بعد ابغى اقول الرياض وحشتني , حتى لوني مااحس اني مشتاقه لهاا ..
ساره: منزله راسهاا ودموعهاا اربع اربع بدوووون صوت ..
العنود اوضاعهاا صعبه ونفسيتها بالحضيض آلم ومفارق ,وهم الدراسه اللي باقي كم يوم وتبداء..
انا مأساه بحد ذاتي قلب يحتضر ,ومفارق خوات احس الدنيا احلوة بوجودهم, كان ناقصني بس
رسالة راكان عشان تنزل دموعي اللي حاولات امنعها بكل الوسايل ..؟؟
"بعد نص ساعه ماشين طلعو الشناط">>راكان
بصوت عالي بكيت وانا اغطي وجهي بيديني كنت ساكته واسمع لهم بس انفجرت فجاة ,
نوره جلست قدامي وحوطتني بيدينها وهي تقول يامجنونه بنجتمع باذن الله عن قريب لاتبكوني معكم
مالي خاطر ابكي ,ندى بنفس الصوت تصيح ونوره تحلف انها لتنادي عمي عشان يشوفناا ,,
بعد عشر دقايق طلعت فيها موجة البكاء وقفت وانا اقول:
بطلع شنطي لراكان..
لحقوني كل البنات ولبست عبايتي واخذت الشنط وطلعتها لخواني ,
رجعت ل امي بالغرفه وعلمتها برسالة راكان وقالت انها جاهزه يابخت امي
مرتاحه على الاخر ولاهي متضايقه من الرجعه..؟؟
آفتتحنآآ التوديع >> عايلتنا اول عايله تغادر المكان , ظميتهم وحده وحده
وانا ابكي وهم يبكون رحت للعنود وجلست على سريرهاا ,وبعد نصايح طويله عريضه
لاتوقفين ,انتبهي ,تاكدي, لاتسوين ,لاتفعلين >> ظميتهاا وطلعت على صووت بكاهااا...؟؟
ودعت ريم ومريم , وانا اجبر رجلي على المشي,الطريق من الصاله ل سيارتنا طووووويل
على غير العاده , التفتت يمين التفتت يسار وينه بشوفه لو من بعيد , بس بشوف زوله لو مقفي,
مدري اشوفه مره ثانيه آول لا..
طلعنا من الاستراحه وكان سطام وسعود ينتظرونا على الطريق العام, خالد مع راكان قدام ..
وامي خلف راكان وانا خلف خالد وفصوولي بالوسط ولا هامته الدنيا بكبرهآآ..؟
مجموعة مناديل ثبتها على عيوني ابيهاا تمتص الدمع بدون صووت.!
شهقة بقوه وانا اناظر مع القزاز, وانفجر راكان ضحك يقول:
آحلام تبكي سبحان الله كانت رافضه اننا نجي تقول ماتحب التجمعات >> يناظر لي بالخلف
خالد: آآفآآ تبكين لا احلام ماتبكي هي بس تضحك>> لف راسه ويناظر في..؟؟
امي تقول: تعودت على جمعت البنات وماتبغى تفارقهم>> بصوت هادي حنون
يتكلمون عن الجمعه والمواقف ويمدحون ويسولفون وعلى العصر اخذو قهوه,كل هاذا وانا
اسحب من عيوني الدمع وارمي المناديل...؟؟
ليتني ماجيت الطايف الحظات الحلوه طلعت علي
بتعب قلب وبكاء والم وضيقة صدر,وتفكير ,وشوق ,وحنين ...؟؟
على مسافة ساعتين من الطايف واحنا للحين ماطلعنا منها حنيت للاستراحه ,
لغرفهاا , لصالة وجمعتنا,لضحك والطلعات ,لـ سهر مع بعض للفجر...!!
ريم كانت على بالي وتقريبآ هي اخر وحده شفتها قبل مااطلع ليه ماقالت شي, عناد وينه
ليه ماودعني >> تفكيري ساذج وعاطفي ونسيت اني المفروض انسآه والسبب آمه...؟؟
.....
دخلت بيتنا وانا ساكته طول الطريق ,الشي الوحيد اللي طلبته مويه ,
لاني مااقدر اترك امي واروح نزلت الشناط ووديتها غرفتي وانا اقوول
ل امي: بكره افرغ الشناط وارتبها خليهاا ..
رفضت العشاءء وكان جايبه سطام من برراا حطيته لهم ودخلت غرفتي قفلت الباب ورميت نفسي
بالعبايه على السرير, بكيت اللين نمت بعد نص ساعه او ساعه ..
نمت بالبنطلون والبلوزه والعبايه نمت بدون كريم وعطر ,, نمت ويدي اليسرى فيها حزمة مناديل ,
نمت بدون مااتكلف واشغل المكيف واطفي الانوار, نمت وشناط السفر مرميه بالغرفه بآهمال..؟؟
صوووت الباب يدق صحاني / من/ بصوت مخنوق ومتغير ..
الصوت الحنون صوت امي: آحلام قومي صليتي الفجر.
طيب طيب قمت>> جلست على السرير اناظر بالغرفه بكسل نزعت ازارير العبايه ورميتهاا تحت السرير ..
بخطوات ثقيله ومرهقه فتحت الدرج اخذت بجامه ودخلت اخذ دش ,وقفت قدام المرايه وشعري مبلول
وعيوني حمر ومتنفخه شوي وتختفي, لفيت شرشف الصلاة وانا اغمض عيوني واستغفر ..
صليت ودورت شنطتي وفتحت جوالي ,رسايل ومكالمات , كلها من بنات عمي
نوره وساره وندى والعنود...؟؟
في يوم من الايام ماكانت عندي حتى ارقامهم واليوم
كل المكالمات منهم,,جلست على سريري
واخذت الوساده وحطيتها على اخر السرير وساندت جوالي قدامي عشان اشوف اذا احد دق علي..
ربع ساعه على هالحال وبعدها طلعت وانا اضرب على عيوني بخفيف مابي امي تعرف اني باكيه..؟؟
هاذا بيتي وهاذي غرفة امي وهاذي جوالات اخواني وسبحة راكان ومفتاح سيارة سطام وهاذا
خاتم سعود / فوق المكتبه محفظة خالد , هاذي صور اخواني
وهاذا دباب فصولي >> انا وش فاقده بالضبط...؟؟
ليه شعور الفقد يحتويني وانا بالعاده اذا امي واخواني موجودين اردد على الدنيا السسلام..؟؟
على شفى عيني دموووع فراق , في داخي مشاعر تحتاج الى تصفيف , معقوله كم شهر
غبتها عن بيتي ترجعني له عايفتــه..!
جلست على الباب الداخلي لبيتنا وانا اناظر بالحوش وبيدي كوب مويه , هنا جلستنا كل عصر
هنا فرشة امي > واخواني يتناوبون عليها يروح واحد ويجي الثاني ,
بعد وقت طويل رجعت لغرفتي ووقت الجوال على 12 الظهرر..
>>ماصحيت 12 دق جوالي الين تعب وانا ماقمت ,
على صووت الباب يفتح لفيت وشفت امي واقفه وماسكه
طرف الباب:
آمي: آحلاام اصحي الساعه 2 الظهر وانتي ماصليتي >> بسرعه
قمت وغسلت وصليت وغيرت ملابسي وعلى المطبخ على طوووول..
راكان بصاله واسمعه يقول حلومه>> وانا مقفيه للمطبخ
لقيت امي مصلحه الغداء >>وهاوشت وتعكر مزاجي زياده ...
يمه ليه ماصحيتيني >>بزعل وانا اطلعهاا من المطبخ
امي: صليت وشفتك نايمه قلت اسوي الغداء واذا صحيتي تكملين الشغل>> وهي طالعه..
رجعت اتهاوش مع نفسي واسبهاا وانا اجهز الباقي من الاغراض..؟؟
خلصت شغل البيت ورتبت الشنط وعلى العصر كلمت العنود , ومسكرت نفسي بالقوه
ماابي اضيق صدرها زياده تطمنت عليهاا واخذت رقم تيلفون البيت وقفلت..
ماابي افكر باحد ودي اشغل نفسي شطبت على غرفتي تنظيف كامل حتى الشباك
نظفته, رجعت لصاله وسحبت الكنب بزاويه ونظفت المكان ورجعت رتبت الكنب من جديد..
قسسم الريجيل نفس الحاله حتى الدروج فتحتهاا ورتبتهاا ,,
بعد صلاة العشاءء كنت بالمطبخ وريحت المنظفات تملىء المكان , غرفت امي الختاميه,
بعد ماطلعت للحوش نظفتهاا وبخرت البيت وشلت شناط السفر ورميتها بالمخزن ,
اخذت دش بعد الفوضى اللي سويتهاا وطلعت ل امي بالحووش ..
الساعه 10 نورت شاشة جوالي باسم نوارهـ تتصل بك..
ركض على غرفتي وفتحت الخط..
نص ساعه سوالف وضحك بعد ليله الله وحده عالم كيف عدت علي,,
نوره تقول انها تدق على ساره وندى مايردون ,وتهاوشهم جربت بعد مكالمة نوره ادق عليهم
ماردو وارسلت لنوره "ترى بنات عمك ماردو علي خليهم حسابهم عندي"
ثلاثه آيآم عدت على قلبي وكانها ثلاث سنين, ضيقة صدر, تفكير, احلام, كوابيس, قلق
آنتظار, هم, طفشش, كلها جربتها وعشتها بالثلاثه ايام هاذي....؟؟
كل يوم وكل ليله اكلم البنات خصوصآ اللي عندهم تيلفون بيت اهذر معهم اللين الصبح ,
اللي مالهم لاحس ولا خبر آهل حايل /عناد حايل الظاهر ان حايل وهواهاا اغناه عني , ريم
عند زوجهاا> هاذي المعلومه من نوره رغم اني ماسالت عنهم..
كل ليله اوقف على شباك غرفتي وانا افكر ..؟؟
>>من هنا من شباكي حايل تكون عن يميني او شمالي,
المسالفه بين حايل والرياض اخذت من وقتي الكثيير وانا افكر فيهاا واحسبها, حتى درجت الحراره
رحت ادور حايل بجدولهاا اليوم الحراره عندهم متوسطه وبكره مرتفعه الله يعينهم,
.......
آول اسبوع من الدراسه مااستهواني , جوالي ماارتاح ابدآ من صاحباتي يهاوشوني ,,؟؟
//راح علي وقت تعديل الجداول >>هاذا قبل شهوور بالنسبه لي جريمه..!
اليوم احسه عادي واذا ماعدلت جدول وش بيصير ,...!!!
رديت على وحده من صاحباتي وانا اقول:
لاحقه على قاعات الجامعه وجداول الجامعه الدنيا ماهي طايره..؟؟
نزلت بعد الاسبوع االاول ل السوق اقضي لبس الجامعه , آخر مره
كنت مع سطام ودق تركي وانا معاه بالسياره ,,
بعد سوالف طويله اغلبها ماافهم وش قصدهم فيه ,سمعت اسم عناد..
سطام يقول اسمه بطريقه غريبه لفتت انتباهي ولفيت اناظر فيه,
فعلآ صوته وهو ينطق الاسم يتغير او انا بديت آجن حتى باسمه واتخيل تخيلات ماهي
موجوده...؟؟
....
" العاشق مفضوح ,آمآ بنطقه, او برجفة يديه او, بنظراته , او نبضات قلبه,
في العاشق عرق من الغباء يظهر بوضوح عند حديث الاخرين عن من يحب..."
في مكالمه مع نوره طويله عريضه حاولت اعرف اذا ريم كلمتها او لا حاولات اعرف اخبارهم
وانا اسال عن عماني بشكل عآآم..؟؟
نوره:تقول ان تركي مشغل عمي يبي يخطب وتضحك //
لانه رافض يعلمهم من يبغى من بنات عمي يقول اذا وافق ابوي اقول لكم من البنت.؟؟
العمه ندى عرفت بسالفه وتدخلت بالموضوع شخصيآ وهي تقول:
نوره وجع آخطبو له وقولي لنآ من خطيبته>> البراءه مقطعتها..
نوره فاهمتها وحابه ترفع ضغطها تقول:
انه اكيد يبغى من بنات خالي...؟؟
ردة فعلها ماني فاهمتها زعلانه او فرحانه رسايلها لنوره احيانآ مدح واغلبهاا سب ..؟؟
آمآ ناصر تحول بقدرة قادر الى دكتور وهو يعطي ندى النصايح عشان تبلغها للعنود,,
ندى طفشت وهي تبلغ نصايحه والعنود صارت مطيعه جدآ خصوصآ فيمآ يتعلق بالصحه...
يعني اي شي يقوله ناصر تاخذه على انه امر ولابد تلتزم فيه..
xxxxxxxxxxxxxxxxxxxxxxxx

(حايل...)
ندى : نعم من عند الباب >> بصراخ
آنآ ناصر>> مؤدب
ندى: خير وش تبغى انا نايمه >> ياكبرها عند ربي لاتطييح السماءء عليناا*_*
ناصر: ندى افتحي الباب دقايق واروح>>يحزن
ندى: آآوف هاذا وقته الدعله وش يبغى>> تفتح الباب
ناصر: السلام وعليكم>>ياشيخخ
ندى: وعليييكم خير >>واقفه على الباب
ناصر داخل مع الباب: زحفي مسكره الطريق ياربي لك الحمد>>شين وقوي عين
ندى: آشووفك تربعت وين اللي دقايق وترووح..؟؟>>واقفه على الباب
ناصر: آجلس يامال الوجع ابغاك بسألك>> ياشر لهآ
ندى: جلووس لا اسال وانا واقفه مالي حيل اوقف بعدك واسكر الباب>>معصبه
ناصر: وش اسسسمه /مستحي/ هم فكو الجبس عن العنود>> بادب
ندى: تمزح /والله العظيم جاي من اخر الدنيا تسأل عن العنود يكون
من بقية آهلهاا وانا ماني داريه>>حاطه يدينها على خصرها*_*
ناصر: بنت عمي عسساك بالعمى وانا اللي شلتهاا>>يبتسسم
ندى: شالوك جنونة الارض قل امين خلاص البنت صارت تركض على رجلهاا
وانت مزعجناا ياالشين>> مستغربه منه
ناصر: بسم الله الرحمن الرحيم جنونة الارض ياساتر>> يضحك
ندى: ناصر لو سمحت برآآ>>لا محترمه
ناصر: ماهو قبل ماتقولين لي وش صار شالت الجبس>>يحط رجل على رجل
ندى: لا باقي ماشالته / اي خدمه ثانيه>>تاشر له براا
ناصر: امم طيب هي كيف صحتها>>يناظر بطرف عينه
ندى: بخير وعافيه وتسلم علاك>>تتريق
ناصر: والله هي قالت سلميلي على ناصر>>يفتح عيونه بقوه
ندى: تضحك صدق انك مخفه امزح وصدقت>>تضرب يدينها في بعض
ناصر: الشرهه علي الي جاي اسأل بزر مثلك>>ودفها وطلع
ندى: تضحك بصوت علي تقهره..؟
ندى طبعآ نشرت الخبر بين البنات وهي تتشمت
بناصر /والعنود تحرك عندها الضمير وهاوشت ندى على حركتهاا
ومسكوها البنات مسخره وتعليقات لاانها تدافع عن ناصر...؟؟
""""""""
الرياض.........))
داومت آول يوم للجامعه مواصله بعد ليلة قضيتها مع روايه رومنسيه,
بعد الفجر صلحت لي قهوه وفتحت شباك غرفتي وجلست على سرير وانا اشرب قهوتي
واقلب رسايل البنات ,اجواء الدراسة كئيبه رغم اني فالتها على الاخر حتى سهر اسهر للفجر
احيانا ماانام الا قبل الدوام بساعه او ساعتين..؟؟
انخرطة في الاسبوع الاولى وبديت اجتمع مع صاحباتي مافكرت اقول لهم على عناد, يمكن
لاني حسيت انه حلم وماراح يتحقق ففضلة يبقى سر لنهايه..!!
*اليوم الخميس اول يوم راحه بعد آسبوع من الحوسه بالجامعه والقاعات والجداول,نمت
بدري وصحيت على 5 الفجر الجو كان روعه اخذت جوالي وطلعت الحوش ,
امي واخواني نامو بعد الصلاة على طوول...!!
رحت وجلست بنص الحوش وانا اركب السماعات وادور حمد السعيد..

والله اني كنت اللوم اللي يضيق ان غاب خله
لين جربت الفراق وبعدهاا وقلت توبه...!!

آآهـ معقوله ريم قالت لها اني رفضته واقتنع ولا امه اقنعته , طيب ريم
وينها ليه ماتدق علي لو بالغلط ابي ارتاح واعرف وش يفكرون فيه,
حسيت اني اندفعت بحب عناد والدليل ان لي اسبوعين افكر فيه
وهو غايب واخته مشاركته الغياب,
وقفت ورجعت لغرفتي وانا متاكده ان ريم مبلغه عناد وامه اقنعته ,
تتابعت الايام وانا على نفس الحال لاجديد , دراسه وروايات ,وشغل البيت وتفكير
بشخص ماادري انا اخطر على باله او ناسيني وصرت بالنسبه له مشروع لم يكتمل...!!
العنود وناصر صارو محط للانظار خصوصآ بينا يالبنات كل يوم طالعين بسالفه جديده
وردة فعلي مثل كل مره اعلق واضحك ,وانا اشوف حبهم لبعض يكبر وعلاقتهم صارت
واضحه على عكس ماتخفيه العنود ...!!
* العنود اعتذرت عن الترم هاذا واجلته بسبب كسر
رجلهاا الان احسن بكثير من قبل وتتماثى لشفاء..!
xxxxxxxxxxxxxxxxxxxx
يوم الخميس الموافق 9 /11 الساعه 10 الصباح...!
تفضلو حياكم الله >> تكررها امي وواضح ان عندها حريم, فيه صوت ثاني صوت حرمه
كبيره ماقدرت اميزه , وفيه صوت ناعم كأني اعرفه,,
جلست على السرير وشعري منفوش من جاينا هالحزه فكرت بخالتي وجدتي جايين من جده ,
بس لو هم يمدي خالتي اقتحمت الغرفه علي مستحيل تجلس تنتظرني اطلع,
لفيت بسرعه وانا اقول من>> الباب يدق
مااحد رد >>من مره ثانيه..
اللي يدق الباب مركز على طريقه تخوف بشويش ومتواصل,,وقفت اعدل شعري وارجعه للخلف,
حطيت اذني عند الباب من..
بنت>> يمه صوت امي وش فيهاا فتحت الباب بسرعه وعلى طوول دخلت وسكرت الباب ,
فاتحه عيوني وفمي ومتنحه اطالع فيهاا ,,,
امي متكشخه وش السالفه>>انتظرها تنطق
آمي: عناد واهله عندنا/بصوت واطي*_*
>> آحس العاب ناريه تتفجر فوق راسي , وزادت التتنيحه..
آمي: بسرعه غيري وروحي صلحي لريجيل ولنا قهوه
انا دخلت الحريم المجلس اطلعي للمطبخ مع الباب
الثاني لصاله عشان مايشوفونك>>طلعة وسكرت الباب..؟؟
لحظه لحظه تعالي وين رايحه >>بصدري
لفيت على المرايه يمه ليش شعري كذاا ,غسلت وسرحت شعري
وشلت بربطه ولبست بجامه شياكه,
وقفلت غرفتي وورميت المفتاح بجيب البجامه..
تسحبت وانا رايحه للمطبخ اسمع سوالفهم والباب مسكر ,دخلت المطبخ وسكرت الباب
جهزت قهوه وشاهي وعود ودقيت على خالد , فتح الباب وهو يقول عطيني العود اول شي,
اخذ العود وراح وبعد وقت رجع وترك مبخرة العود عند الريجيل , ماعطاني وجه ولا عبرني
واضح انه مستعجل اخذ القهوه والشاهي والرطب وطلع وهو يقوول افتحي الباب بقوه..؟؟
جهزت قهوة الحريم ومبخرة العود وبقيت بالمطبخ اللين جاتني امي, اخذت العود هي الثانيه وراحت
رجعت للقهوه وانا واقفه اناظر فيهاا واخذتها وطلعت وهي تقول خلاص روحي لغرفتك...!!
ياويل قلبي من ميمتي ماتحس في بكل بساطه تقول ارجعي لغرفتك,,؟؟
تاكدت من نظافة المطبخ ورحت اتسحب لصاله شغلت الانوار كلهاا
وكان عندنا عرس ورتبت الكنب وعدلته وقفلت غرفة
امي ,حاولة اسمع شي ماسمعت الصوت الوحيد اللي اسمعه امي ,
تسحبت للمطبخ واخذت تفاحه وكوب مويه ورجعت لغرفتي ,
طالعة بساعة غرفتي وانا ماسكه الاكل 11 الا ربع / هوووبااا بنص سريري بعد ماقفلت باب الغرفه,
مليون فكره طلعت براسي وانا اكل التفاحه والاكيد منهاا انهم جايين يخطبون ,
بس من جاي مع عناد معقوله امه , طيب الصوت الناعم
ريم ولا مريم خلصت التفاحه وشربت المويه
وماباقي شي اسويه,رتبت سريري وعطرت غرفتي ورتبت تسريحتي ,
فتحت شعري وحطيت روج وردي , طليت مع شباكي ما اشوف شي الا اخر الحوووش ,
حاولت اشغل نفسي ماقدرت ,حطيت اذني على الباب ابي اسمع اي شي ,
مافيه امل, لااااا انا اعيش الموت البطيء ليه مطنشيني اليووم انا بنتهم الوحيده ,
خطر على باللي فصول بس هاذا فضيحه متنقله , مالي غير الصبر ...!!
آول مااذن الظهر صليت ورجعت انتظر , باب الغرفه فيه احد يحاول يفتحه >من
بصوت مرتبك ..؟؟
آمي: افتحي الباب>> آحووول امي مستقصداني اليوم..
فتحت الباب وقالت:راكان راح يجيب غداء من المطبخ روحي جهزي اغراض
الغداء بسرعه ...؟؟
وطلعت / يعني مطولين على هالحال تعطيني اوامر وتختفين فجأة >>ابي اعرف ليه جايين !
طفيت انوار غرفتي وطلعت المطبخ سكرت الباب وجهزة الاغراض , على وحده ونص الظهر
دخل راكان وسعود يشيلون الغداء ونزلوه بالمقلط عطيتهم الاغراض ورتبوهاا على السفره ,,
امي كانت ترتب سفرة الحريم وجات اخذت الغداء..
كانت بتخلي لي اكل رفضت وقلت اني توي اكلت, اخذت ببسي ورحت غرفتي ,
نزلته على التسريحه وانا جالسه اطالع بالمرايه , اللي يهمني بهاللحظه اعرف ام عناد كيف غيرت
رايها لا وجات من حايل لرياض مع عناد,, سمعت صوت ريم وهي رايحه للمغاسل بعد الغداء,
ولفيت بسرعه على الباب لايكون تجيني بسس..؟؟؟
عدت مرحلة الخطر واضح انه رجعت للمجلسس , فتحت الباب وشفت امي رايحه للمطبخ ولحقتهاا
اخذت منها الاغراض وغسلتها ودخل خالد باغراض غداء الريجيل ونزالهاا وراح , 2 ونص طلعت بعد
ماشطبت على المطبخ ونظفته, بموت من الانتظار بالغرفه حتى جوالي اليوم منكتم مادق لو مره ,
دق الباب وفتحته فصوول ومعه وجبة لي :
سالته من جابهاا قال خالد > امي قالت له جيب لهاا وجبه لانها مااكلت شي..؟؟
صراحه جات بوقتهاا وجبه وبسبسي بارد تربعت على سريري مكاني المفضل واكلت على اقل من مهلي..
بعد ماخلصت جلست اسمع قصايد وماكانت حزينه مودي فرح , دخلت جو مع القصايد ,
وسرحت , صوت رساله من نوره..
"احلاموه صاحيه ولا نايمه اذا صاحيه ردي بكلمك"
يمه يمه لا ماراح ارد عاد نوره ام لسانين وش يفكني منهاا,
امي دقت الباب للمره الثالثه على التوالي وهو يذن العصصر,,
فتحت وانا امثل دور وحده غبيه ماتفهم شي...!!
آمي: صلي والبسي وتكشخي وتعالي سلمي على ريم وامهاا ..
عقدت حواجبي وانا اقول طيب,,,
طلعت وهي تقول: انا بروح اصلح قهوه ..
مسكتهاا بيدها ودخلتها الغرفه..
وبصوت واطي: يمه روحي اجلسي عند الحريم انا اصلح القهوه..>>وهي تناظر في
آمي: بس الحريم يبغون يسلمون علاك وانتي مالبستي ..
بسوي القهوه واجي البس هم متى راجعين >> سالت امي بكل صراحه
آمي راجعين بعد صلاة المغرب آستعجلي/ وهي طالعه
رحت وبخفة يد وبسرعه جهزة قهوه لريجيل وقهوه للحريم ,دخلت الغرفه,
صليت العصر ولبست فستان سماوي ناعم عاري ..
وطووويل له فتحه من تحت الركبه الين الاخير وعدسات سماوي وروج وردي ومسكره وحددت حواجبي
بلاشر وردي خفيف وخاتم بيدي اليمنى , وجعدت شعري وعطر وكريم , وقفت قدام المكيف عشر
دقايق وانا احاول اكوون هاديه , طلعت من غرفتي الساعه 5 وعليهاا
ودقيت باب المجلس وفتحته سلااااااام>> بصوت هادي
بديت باليمين ام عناد وسلمت عليهاا زي كل مره ورحت لريم وانا اشوفهاا تبتسم
وسلمت عليهاا , جلست وانا احط رجل على رجل جنب امي..
رديت عليهم /بخير حمد لله وانا ابتسسم..
ريم رغم نظراتها لي مانظرت لهاا كثير, وحاولت اكون ثقيل وخصوصآ
ان الوضع مراقب وامي عين علي وعين على ريم ,,
سوالفنا كانت عاديه واغلبهاا عن الاستراحه والعنود وطيحتهاا يعني بوجودي
كان الموضوع مختلف تمامآ على صوت اذان المغرب وقفت وكنت ناويه اروح غرفتي ,
لفيت على ريم وهي تكلمني,,
تعالي بروح معك آشوف غرفتك>>ييمه قلبي
آبتسمت وانا اقووول: حياك تفضلي..
حيوانه تعرف تحرجني قامتي وهي تنزل جوالهاا على الكنب وجات معاي,
فتحت الانوار ودخلت الغرفه,
ريم: حلوه غرفتك مدلعه ماشاءالله هاذا بس لانك الوحيده لو فيه وحده غيرك
ماشفتي الدلع هاذا..>>وهي تجلس على سريري
ريم آول مره تدخل غرفتي وتشوف الاثاث ,قفلت الباب وانا ساكته ووسحبت كرسي التسريحه
وجلست قدامهآآ..
رجل على رجل واحاول اكون على طبيعتي بس للامانه آحسس درجة حرارتي ارتفعت..
ليه ماتغديتي معنآآ>>وهي تبتسسم..
آحلام: مالي نفسس>> ماعندي رد ثاني,,
طيب آكلتي شي>> وش تبي بالضبط
آحلام: آيوووآ جاب لي خلود وجبه >>آجابات مختصره
ريم: عارفه ليش جايين اليوم>> تغمز لي ماتبطل هالحركه ..
آحلام: زياره الله يحييكم >> وانا العب بشعري
ريم: فكتها ضحك وهي تقول >> لا ياحلوه ماهي زياره وبسس..
ماعقت..
ريم: آمي جايه بنفسها تخطبك عشان تثبت لك انهاا تبيك زوجه لولدهآ..؟
وكملت// بس عاد عمك ابو عناد مسافر وله العذر لانه ماجاء معناا ..
ساكته واناظر فالغرفه ×_×
ريم: بنت احلام انا اتكلم>>تضحك فاهمتني
آحلام: أسمعك ياريم..
ريم: طيب عناد يسلم علاك ويقول:
المره الثانيه آجي لرياض عشان آشووفك ان شاءءاالله>> بجديه
آحلام: بلعت ريقي وانكتمت ..؟؟
ريم: عاد ردي على اخوي بدري ترى وضعه صعب بالحيل>>وتضحك
آحلام: ريم اجيب لك شي تشربينه>>آصرف
ريم: لاتسلمين المره الجايه ان شاءءءالله..
وقفت وراحة للباب ورحت امشي معهاا طلعنا للمجلس مع بعض وكانت امها
واقفه وتقول عناد برآآ ينتظر,,
وقفت بنص الصاله اناظر فيهم وامي معهم, وعلى طلوعهم من البيت رجعت ريم
تسلم علي تودعني .

 
 

 

عرض البوم صور فيتامين سي   رد مع اقتباس
قديم 21-02-17, 03:51 AM   المشاركة رقم: 35
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,162
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المكتمله
افتراضي رد: عناد حايل يعشق أحلام نجد،للكاتبة/ ديرتي نجد وأنا قمرها،سعودية(مكتملة)

 


رحت لغرفتي وانا اقول ل امي بصلي المغرب>> مستحيه منهاا
بيقت في غرفتي الين الساعه 9 مالي وجه اطلع آبدآ بعدهاا غيرت ملابس
ورحت اسوي العششاءء..!
المكان الصاله...
الساعه 11 الليل ....
آخواني بربطة المعلم على السفره مالي وجه اجلس بينهم
حطيت اخر صحن على السفره وانا اقول:
فصولي تعال حطينا العشاءء,ترك البلاستيشن وشرف جنب راكان..؟؟
راكان: يتثاوب>> بروح انام تعبان ,,
سعود: راكان ياخي انت نظام شياب اشوا اني اخوك
الله يعين اللي بيخطب بناتك>>يناظر بسطام ويضحك
سطام: الا احسسن اعجبتني خل عناد يعرف انه ماهوب اخذها بالساهل>> منزله راسي واكل
وامي جنبي وتسولف معهم .
خالد: بس بس خلو احلام تاكل شوفو ملعقتهاا ترقص دقني دقني>> ناظرت بالملعقه رايحه
جايه ترتجف / ابتسمت وناظرت فيه وانا رافعه حاجبي..
سطام الزفت: لف على جنب يضحك وصوته يلج بالمكان
راكان: آكلي ياقلبي ماعلاك منهم>> بغيت ابكي
تعليقات اخواني قلبت لون وجهي وسدت نفسي واحرجتني مووت..؟
بعد مانظفت البيت وسويت ل سطام وخالد وسعود شاهي رحت غرفتي ,,
سكرت الباب بالقفل وحطيتي يديني خلف ظهري وانا اتساند على الباب ,
آوف فرحانه مو عشان عناد خطبني ولا وربي فرحانه لان امه هي بنفسهاا جات وتقدمت لي..؟
جوالي كان على الصامت اخذته وجلست على اخر السرير, مكالمات من نوره وندى وساره..
رساله من ساره" لنآ الله سحبتي علينا ياهانم ترى حتى احنا بيجي يوم وننخطب ههههههههه"
ضحكت ورحت افتح رساله من نوره" ليه تقلديني شفتيني انخطبت وبدت حركات الحريم ردي رد الماء
بحلقك ههههههههههههه"
نوره اتوقع دقت على كل بعد ثانيتين مره , وملزمه تكلمني آعرفهآ ماتفوت
اشياء كذاا..
العنود داقه مره وحده بس , رميت الجوال ولبست جامتي وكريم وعطر ودخلت فراشي ,
تعبانه وفرحانه , وابي اناااام بدون اي ازعاج..؟
آول ماحطيت راسي على الوساده نمت ...!!
"""""""
صحيت يوم الجمعه بدري ونفسيتي مرتاحه جدآ , آضحك على اتفه سبب
والدموع اليوم ابعد ماتكون عن عيوني , بمجرد ان البنات عرفو ان ام عناد جات لحدي
هاذا بحد ذاته شي يفرحني ويطيرني فرح,,,
اليوم عادي جدآ اجتمعنا بعد الغداء بغرفت امي نضحك ونسولف الين العصر
بعد العصر الكل من اخواني راح مع طريق ومابقى الا انا وفصوولي وامي,,
طلعت القهوه ل امي بالحووش وجلست اسوولف معهاا ,
تكلمت بتلميح عن خطبة عناد وماطولت معهاا بالسالفه كنت اغلب وقتي ساكته ,
سارت الاموربعد تلميحات امي عاديه جدآ, دخلت غرفتي على وحده ودقيت على نوره لاني
موعدتها اكلمهآآ..؟؟
نوره: حمد لله على السلامه>> تتمسخر
آحلام: الووووووووو>>بدلع
نوره: ماهوب لايق ارجعي لطبيعتك>> تضحك
آحلام: نعم قلتي كلميني وش بغيتي >>زعلت
نوره: يالشينه ابي اعرف وش صاار>> الفضووول وراثه فالعايله
آحلام: في ايشش>>بغباءء
نوره: هاذي اللي بذبحهاا في خطبتك انتي وسسيد >> مقهووره
آحلام: آممممممممممم آفكر >>امط الكلام
نوره: عدال ياكوندليزاا >>طايحه من عينهاا
آحلام: نوره مع السلاامه بنااااااااام>>وانا ابتسسم
نوره: احلام احلااااااااام بسرعه لحظه لحظه ..
آحلام: نعم >>ببرود
نوره: متى بتردين وبتوافقين ولا بترفضين >> فضووووووووول
آحلام: مدري صراحه مطوله احتمال بعد اسبوع ارد ويمكن اسبوعين>> ارفع ضغطها
نوره: قلبي احلام انتي تعرفين عندي الضغط والسكر فقر دم راعي حالتي وقوليلي ..
آحلام: هههههههههه والله ياقلبي مدري متى بالضبط بس الاكيد بعد ثلاثه
ايام الاصول تقول كذاا..
نوره: طيب موافقه صح>>ويستمر الفضووول
آحلام: بستخير واشوف الله وش يكتب..؟؟
قفلت وانا ماعطيتهاا علم اكيد , رغم اني متاكده اني مستحيييل
ارفضه كفايه قلبي يبيه ,,,؟؟
""""""
يوم السبت الساعه 9 الليل دق باب غرفتي , وكانت امي
جلست معي وبدت تتكلم عن اشياء وانها سنة الحياة واختمتهاا بالزواج
وقالت ان عناد خطبني , وعطتني مطلق الحريه معي ل بكره الاحد اذا رافضه
اجي قبل العصر اقول لها..
بصريح العبارت قلت:
يمه انتي وش رايك>> وانا افرك يديني
آمي: شوفي عناد مافيه عيب ولو اني مابيك تتزوجين وتتركيني>>ضايقتني كلمتهاا
وكملت// اخوانك كلهم موافقين ويبصمون بالعشره لعناد ويشهدون له..؟؟
قالت: انتي وش رايك تبغين عناد ولا رافضته..؟؟
آحلام: يمه انا موافقه بس بشرط اذا وافق عليه خلاص ماعندي مانع...
آمي: وشهو شرطك..
آحلام: آكمل الجامعه هنا عندك يعني مافيه زواج الا بعد سنتين>> لازم اتكلم غصب اكون جريئه..
آمي: واذا وافق..
آحلام:اذا وافق خلاص قلت لك ماعندي مانع...>>مستحيه
امي قالت انهاا بتقول ل راكان وهو يبلغ عناد وطلعت وهي تدعي لي بالسعاده..
عدت ليلة الاحد بشكل ممل ,قريت قرآن ودعيت ,نفسيآ آنآ مرتاح وقلبي راضي
بعناد بس وش بيصير اذا عرف اني رافضه الزواج الا بعد سنتين , بيحاول يقنع راكان ولا بيتقبل
آفكار طيرت النوم من عيني ورحت للجامعه بعد كووب قهوه حاولت انه يعدل راسي ويفكني من الصداع
اللي احس به...!
هنآك بالجامعه كنت اجامل واسولف وعناد على بالي اليوم بيقول له راكان ,وبيسمع شرطي
واذا متمسك في ويحبني بيوافق ,رميت دفتر تحضيري على الكرسي وجلست اطالع بالدكتوره
بدون هدف , تركت اخر محاضره ورجعت للبيت الساعه 2 الظهر , توقعت اني القى قدامي جواب
على سؤالي >>عناد وش ردة فعله..؟
انا الوحيده اللي متازمه نفسيآ وانتظر وش بيصير الباقين عادي جدآ ,
تغديت وكبرت وسادتي نمت على امل اني اذا صحيت اعرف شي جديد يطمني,,,!!
القلق والخوف والترقب والانتظار نزلت على مافيش , راكان وامي ماردو لي خبر وعدلت
االليله بعد وانا ماعرفت شي,,
يوم الاثنين ماكان عندي محاضرات صحيت بدري وجهزة لهم غداء متعوب عليه,
ورتبت البيت وجلست مع امي وراكان الساعه 3 نتابع برنامج,
آحيانآ الانتظار مايخدمك ابدآ اليوم مثلآ نسيت او تناسيت موضوع الخطبه كله, وحاولت انشغل
وانا اقول مصيري عارفه ردة فعله...؟؟
آول كلمه لي مع امي وراكان كان عن موعد برنامج سياسي راكان يتابعه وقلت له الموعد ووقت الاعاده,
سكت ورجعت اتابع معهم كتم راكان صوت التلفزيون, وهو يقول:
نسيت اقول لكم ترى عناد وافق على شرط احلام ومنتظرنا نحدد موعد لشبكه وهو مستعجل..!!
يآآهـ ب هالسرعه وافق عناد >>بصدري..؟
آمي: صدق والله وافق>> بستغراب وكانها تتمنى انه رفض
راكان: ايه يايمه وافق بس عطوني وقت عشان يسوي الشبكه والله اني مستحي منه
هو مستعجل على الملكه...!!
آلان احس ان كل عرق من عروقي ينبض باسمه ليته يعرف انا قد ايشش احبه وربي
مايصدق بحبي له مخلوق ..!!
ماعلقت ودي اروح غرفتي واحتفل بطريقتي, استحيت اقوم فجأة وبيقيت معهم ....!!
آركان غرفتي لو تتكلم بتبارك لي هي الوحيده اللي تشوفني وانا بقمه فرحي , هنااا اكون احلام الرومنسيه
العاشقه موخرآ, الهاديه , الكتومه جدآ..!!
بعد يومين من موافقة عناد على شرطي دقت ريم بس مارديت ورجعت بعد وقت ودقت وللمره الثانيه
مارديت,,,,!!
راكان مل وهو يشاورني متى تكون الشبكه استحيت ارد واحدد انا الموعد وقرر هو الموعد..؟؟
دخل علي راكان الصاله انا وامي وقال بالحرف الواحد ..
آحلام ترى شبكتك يوم 2 /12 وحددت الموعد مع عناد وبلغت عماني >>واقف بنص الصاله
آمي: كنك استعجلت خلها على اجازة نص السنه >>تناظر فيه
راكان: يمه انتم فضحتوني مع الرجال هو مستعجل بيملك بس >>وطلع
صار كل تفكيري الفستان والكوافيره والتصوير>> حسيت بخوف كل هاذا
بسويه انا لوحدي...
باقي اقل من شهر على شبكتي , بديت استعدل لهاا ,رغم الدوام ورغم شغل البيت والوحده اللي
احس فيهاا الا اني كنت فرحانه على الاخر...
نظمت وقتي من بعد كلام راكان ومعرفتي بوقت الشبكه,,
صرت ارجع من الجامعه وارقد اصحى العصر واجهز قهوتهم وشغل البيت واجلس احط واشيل
بالخلطات اللين وقت العشاءء اجهزه وانظف البيت وادخل غرفتي ..؟؟
هنآآ وقتي انا >>ملكي لوحدي من الساعه 12 تبداء رحلتي مع الخلطات على كامل الجسسم
وخلطات لشعري صرت اتفنن واملىء وقت فراغي فيهاا ,,آصحى 5 الصباح واخذ دش
واستشور شعري واجهز ملابس الجامعه وعلى 6 كل صباح قهوه وقصايد قبل لااطلع لدوام,,
استمريت على هالحال اسبوع ونص وبديت انزل السسوق ,
آول مره نزلت رجعت للبيت اخلاقي زفت ومامعي الا شنطت يدي >> ماعجبني اي شي ..؟
نزلت اليوم الثاني وكان معي سطام
سطام من النوع اللي ياخذ ويعطي معك يحسسك انه صاحي وحاس فيك
ومقدر وضعك , اخذت فستان خيال ,
ورجعت للبيت ,حددت الاكسسوارات اللي ابيها والمسكه وكيف بيكون المكياج ,
ونزلت بعدها لسووق اخذت اللي كان ناقصني وحجزت عند كوافييره , وصممت المسكه ,
رجعت مرتاح هم وانزاح عني , نزلت اليوم الثاني مع امي وواخذت فستان واخذنا بعض الاغراض
لزوم الكوشه,,
قبل شبكتي باسبوع تفجأة بخالتي داخله مع الباب لوحدهاا وسطاام معهاا بيده شنطه ويضحك,
سطام كان قايل لي ان عنده مشوار مهم بس ماتوقعت انه بيسافر جده ويجيب خالتي ويجي,
تدلعت اخر دلع من خالتي رفضت امسسك اي شي او انظف او اطبخ ,
احساس ممتع بوجود احد تتكل عليه بكل ثقه , انام واداوم وارجع انا حتى طلعاتي من غرفتي قلت ,
تركت الايام الخير من الجامعه وجبت لهم عذر لاني ماراح اقدر اداوم..؟؟
اليوم الثلاثاء وبكره الاربعاء ويوم الخميس شبكتي..؟؟
سهرت انا وخالتي بعد ماكلمت البنات وتاكدت انهم جايين ,
خالتي فاجأتني:
خالتو: آحلام اسمعيني اياك تضحكين قدامه ابدآ>>جالسه على فراشه وانا على سريري
آححلام: لاطبعآ اصلآ انا مدري كيف بتحمل اشوف شخص غريب وانا كاشفه >خايفه
خالتو: حتى لو يحاوف يبين لك ان دمه شربات>>تتمسخر
خالتو: يمه اقولك ماراح اتكلم آبدآ>>اناظر فيهاا
خالتو: وبعدين انتي وش طالبه من المصوره بالله هاذي صور..؟؟
آحلام: ليه..؟؟
خالتو: كل الحركات عاديه وكانك تتصورين مع اخوك>>زعلانه
آحلام: خفت من كلامهآآ//وقلت// ماشاءالله تبيني اتلزق بالرجال حتى بالشبكه..
خالتو: على العموم ترى كنسلت كل طلباتك وطلبت حركات رومنسيه وحلوه..
آحلام: اتحداك والله مااسويهاا ولا لاانادي راكان >>ضحكت
خالتو: نادي راكان عشان اقطع لسانك..
""""""
يوم الاربعاء صحيت 4العصر وسمعت اصوات اخواني وخالتي بالصاله ماقدرت
اطلع غيرت ملابسي وبقيت انتظرهم يروحون..؟؟
مليت انتظر وارسلت لخالتي انا جوعانه ثواني دخلت تضحك وتقووول:
عمتي احلام جبت لك الاكل اي خدمه ثانيه >> وطلعت
بعد ماخلصت ماسمعت اصواتهم وطلعت لصاله ,جلست مع امي وخالتي ولانطقت
بحرف, صمت جوالي قبل المغرب ودخلت الغرفه,ارد على نوره
تسألني متى بجي لقاعه وعلمتها انه بعد صلاة العشاءء تقول بتستقبلني ,
عرفت منها ان عناد هنااا بالرياض هو واهله من اليوم الصباح , نوره بتبوك وتعرف اشياء
وانا هنا مااعرفهاا,,,؟؟
عارفه أني بكره بشوف عناد وهو بيشوفني ومتاكده انه
بكره بس عندي احساس غريب >>ماني مصدقه ليه عندي هالشعور عن جد مدري..؟؟
خلوكم من اليوم كان عادي , الليل هو اللي بهذلني دخلت فراشي من 12 الليل وخالتي نفس الحال
الكل ياكد علي ارقد بدري , عشان مااكون مرهقه وعشان وراي يوم طويل ...!!
لااني صاحيه ولااني نايمه مابين وبين اسمع اي صوت بالبيت حتى دبيب النمله , بغيت ابكي على صووت
الاذان ياويلي اذن الفجر وانا مارقدت, بعد شويه دق الباب وكانت امي تصحينا ل الصلاة صليت
ورجعت لفراشي وانا اقول ل خالتي آني رقدت >> خايفه تهاوش..؟؟
على الادعيه والاستغفار غفيت وماصحيت الا 2 الظهر , دخلت اخذت دش
وبخرت غرفتي بعود وعبايتي ونقابي , تغديت مع خالتي الساعه 3 بالغرفه وكان سطام جايبه من براا
العصر كان موعدي مع الكوافيره ,لبست بنطلون ازرق جنز وبلوزه آحمر روج خفيف ولبست عبايتي
انا وخالتي ورحناا للمشغل,جلست على الكرسي وغمضت عيوني وهي تشتغل بشعري ووجهي بعد ماشافت
صورة فستاني...
الساعات تخوفني وتقربي لعناد, كل ساعه تروح اسرع من الثانيه جوالي مع خالتي,
واسمع صوتهاا قريب مني, مرتاحه لان عناد وافق على شرطي يعني برجع الليله مع آخواني لبيتنا هاذا
آهم شي, التفكير في كيف اقابله بكون وحدي او معي احد ذابحني ومقلقني..؟؟
ساعتي مدري ثلاث سمعتها تقول:
خلاص فتحي وشوفي...
آبتسمت هاذا فعلآ اللي طلبته رغم محاولات خالتي بمكياج فخم ,,,
صليت المغرب وانتظرنا سطام يجيناا انا وخالتي, الساعه 8 طلعنا من المشغل
للبيت ,سطام وخالتي يسولفون وانا نبضات قلبي احسها طغت لو الكون يصمت ثواني
سمع صوتهاا..!
مالقيت امي بالبيت راحت للقاعه مع العيال ,دخلت غرفتي انا وخالتو ,
طلعت فستاني وقالت بسرعه انا بروح للغرفه
الثانيه البسس....!
لبست ووقفت قدام المرايه فستاني سكري فيه احجار فخمه بنفس اللون على الصدر,
ضيييق الين الاخير وله ذيل طويل يمتد من الاخير على الجهة اليسرى ,
حلق نفس الاحجار واسواره بيدي اليسرى ,
مكياجي عسلي ناعم وعدسات عسلي ,شعري كانت تسريحته ناعمة , لبست جزمة كعب طويل
وجلست انتظر خالتي,, معجبني شكلي وخايفه , وصرت احسب الثواني وهاذا اربكني زياده...؟؟
خالتي تمدحني وسطام جاني الغرفه بالمسكه وصار يناظر في ويضحك..؟؟
مبرووك حوحه>> وهو جالس جنبي
شلت فستاني على فوق سطام موجود وصدري تقريبآ فاتح , وقفت البس العبايه
ورميت الطرحه وطلعت معهم سطام يشيل المسكه وخالتي تشيل ذيل الفستان فتح الباب وركبت,
راكان كان واقف على بوابة القاعه , هاذا اربكني زياده,
دخل السياره جوو ونزلت لقسم العروسه اخذت خالتي عبايتي وجلست المكان المخصص لي
آشرت لهاا وانا اشوف راكان واقف وينتظرني اخلص عشان اوقع ....
طلبت من خالتي عطري واغرقت نفسي عطر ودخلت علي امي وجلست معي ,
اخواني بربطة المعلم واقفين عند البوابه الداخليه , جاني راكان وتصور معي وبيقت اخواني وامي في صوره
جماعيه , سعود بغباء يسألني خايفه>> وبغباء اكبر قلت آيه >> تفجأة فيه يقول:
ماعلاك منه مايقدر يسوي شي>> رغم كل شي احس فيه ابتسمت وش يحس فيه اخوي ..؟
سعود يقول بجلس معها وراكان بعصبيه الرجال براا ينتظر اطلع >>يمه يمه
جالسه ومنزله عيوني بالارض وماسكه الورد وظامه رجولي , وقدامي تورته وكاس عصير واحد..؟؟
صوت راكان يقول:
يمه خلو الرجال يشوف خطيبته وبعدين تعالوو >> عناد اول ماوقعت نادا امي وسلم عليهآآآ...؟
طلعت امي وبقيت على الكوشه لوحدي..!
رفعت عيني بشويش بشوف من واقف على الباب >>زول راكان بس..
نزلت عيوني ..
فيه صوت اعرفه يتكلم وقريب جدآ , ثواني وسكر باب الغرفه اللي انا فيهاا ,,
راكان ومعه شخص ثاني مقبلين والاكيد انه عناد ,,
وقف على يساري وراكان على يميني مد يده راكان ونزلت يدي اليمنى بيده ووقفني..
وقفت ماسكه الورد ومنزله عيوني ,,
راكان اخذ يدي ومدهاا ل عناد وهو يقول سلمي على خطيبك , نزلت يدي بيد عناد ورفض يفكهاا
وشد عليها بقوه وانا ارجف ..
مبرووك: صوته
مارديت ولا ناظرت فيه ,,
راكان: عناد معك عشر دقايق شف عروستك واطلع ..؟؟
يضحك.........؟؟
راكان تركني وراح للباب وعناد فك يدي ولحقه ..
رفعت عيوني وهو مقفي.. وشفت شماغه الابيض ونزلتهااا
توقعته خلاص سلم علي وبيطلع ,,
تفجأة بصوت الباب يقفل بالقفل,, بلعت ريقي يمه >بصدري
وانا منزله عيوني اشووفه مقبل علي , شديت على الورد بقوه...؟؟
سحب الطاوله حقت التورته والعصير على جنب ووقف قدامي تمامآ
اتوقع لو ارفع عيني شفت صدره مقابل لها ..
فتحت عيني مااشوف الا شماغه ويدين محوطتني عناد يشدني لصدره والمسكه طاحت
ووجهي بين رقبته وكتفه بطرف عيني شفت شعره نازل على اللياقه,
فكني وهو يسلم على خدودي وماسك وجهي بيدينه تراجعت على وراا وانا اغمض بعيوني ,,
نزل وجاب المسكه واخذتهاا وشديت اعليها اابي الخوف يروح ,
مسكني من اكتوفي وهو يهزها وبصوت واطي: آحلامي ناظري في..؟
جلسني وجلس جنبي انا تقريبآ بحظنه , زحفت شويه ببعد عنه قرب..؟
اخذ يدي اليمنى وظمهاا بين يدينه وهو يقول:
ماعندك نيه تطالعين في >> ساكته ومنزله عيوني وربكم مدري كيف شكله..
طيب قوليلي مبروووووك >>صوته وهو يقرب مني
أشرت براسي>> مدري يمكن قصدي مبرووك
بيده اليسرى مسكني من اخر وجهي ولف وجهي بتجاها ,
رفعت عيوني له وعلى طول لفيتها للجهه الثانيه,
سبحان اللي خلقك>> صووته
رجع وحط يده اليسرى على يدي وظمهاا بين يدينه ,
المسكه منزله بحظني ويدي اليسرى تحتهاا ,,
لفيت اناظر فيه وهو ماسك يدي ويبوسهاا ,
مبرووك ياقلـيـبي الف الف الف مبروك لي فيك>>صوته
جواله يدق طلعه وهو ماسك يدي ويضحك>>خير ياراكان / حذف عمي راكان الليله
طيب طيب دقايق وطالع>> يضحك هو قصده بس يسمعني ضحكته عارف نقطة ضعفي..
آخوك يااجعلني فدوه لخوك>> وقف وقال بدخل المصوره ..؟؟
عناد طول عندي والمصوره براا تنتظر وراكان يهاوشه لانه طول وانا في حاله يرثى لهآآ
الله يبارك فيك >> يكلم المصوره..
دق الباب الداخلي ورفض عناد ان ريم تدخل يقول بعد مانتصور تعالي..؟؟
بكل ميانه جا وجلس جنبي وكل بعد ثانيه يلف علي يناظر..
ركبت المصوره الكامرا وقالت : لو سمحتو اوقفوو,,,
وقف ومد يده لي بكل ثقه >> سحبت عليه ووقفت بنفسي ..
لاصق في لدرجة ان كتفي الايمن بنص صدره حتى وقفته غلط واقف على جنب المفروض
يكون وجهه للكامرا ,,
علبة الدبل منزله على الطاوله جنب العصير والتورته..
آخذهاا ورجع وقف جنبي ,لفيت على خفيف له لان المصوره طلبت كذا..
آول صوره وهو يلبسني الدبله >>نزلت المسكه على الكنبه
يدي بيده ويلبسني وانا اناظر بيدينه..
يضحك وانا اثبت الدبله عدل..
رجع وجاب دبلته واعطاهاا لي,
لعانه في نزل يده تحت ويبيني اخذهاا >>امسكهاا والبسه
ظليت ماسكه الدبله وانتظره يمد يده >> صاحت المصوره بسسرعه
مد يده ومسكتها وهو يضحك ولبسته الدبله >>واخذت لهاا صوره
اشرت على العصير وقالت: شرب خطيبتك عصير باخذ لكم صور..؟؟
استانس وكان مطيع جدآ ..
وقف جنبي وهو يقول : اول شي تشرب احلامي عصير وبعدين انا..
>> لاف يده من ورا ظهري وماسك خصري
قرب مني وحط العصير عند فمي مديت يدي ومسكت العصير معه آخاف ينكب على ملابسي
>>اخذت صوره واشرت لهاا خلاص وقفي مافهمتني ..
آخذ يدي وخلاني امسك العصير غصب عني..
وقال: يالله دوري..
لفيت عليه ومسكت العصير وشربته وهو يطالع بعيوني ..؟؟
الصور اللي بعدهاا كنت واقفه جنبه وعاظه على ورده حمراء وهو يناظر في..
آخر صوره رفضتهاا ,,
وجات المصوره تشرحها له قال خلاص:
انا اطبقهاا >>ياشر لها صوري,,
وقف جنبي ولف جسمي باتجاهه واخذ يدي ونزلهاا على صدره
غصب عني نزلة راسي على صدره وانا امسك تحت لياقته بشوي( ماسكه ازرة ثوبه واناظر بيدي)
وهو وهو شابك يدينه ومنزلها على خصري..
آول مااخذت الصوره بعدت ..
يحط يده على فمه ويقول: هاذي احسن صوووره,,,,,؟؟؟
دقت الباب ريم وافتحت لهاا المصوره وانا لسى واقفه جنبه.
خلاص تصورت >>تضحك
عناد: لاباقي ويضحك
ريم سلمت علي وقالت انها تبي تتصور معناا ,,
وقفت بينهم وانا معي المسكه ريم واقفه جنبي بذوق .
وهو لاف يده من وراا ظهري وماسك خصري ومنزل يده الثانيه ,,
مبرووك >>ريم
الله يبارك فيك>> عناد
آحم قلنا مبروك>> تقصدني
ابتسمت واشرت لهاا الله يبارك فيك >> ارتحت يوم شفتهاا
عناد: ليتك جيتي من البدايه تو شفت ابتسامتها ياجعلني فدوه,, >>يكلم ريم..
ريم خلاص عناد تراك طولت وبعدين البنات بيدخلون يباركون..؟؟
آحووول ماشفتهاا زين >> وكمل/ طيب اطلعي بعطيهاا هديه واروح
ريم: ياشيخ عطها هديتهاا وانا اشووف >>عصبت
عناد: ريم اطلعي اذا تبيني اطلع بدري>>جلس
اخذت ريم المصوره وطلعت وسكرت الباب
انا جالسه وهو قام وجاب كيس من فوق الكنبه وجلس قدامي على ركبته,,
ونزل يدينهم على رجولي وانا جالسه..
هاذي هديتك ياقلبي واعذريني على القصور ..اخذت الكيس ونزلته جنبي وانا اناظر بيدينه
وقف وقال:
ماودك توادعيني ترا ماراح نشوف بعض الا بعد سنتين ,,
مد يده ونزلت الورد وحطيت يدي بيده ووقفت ..
قبل لايتكلم شلت يده اليمنى وبستهاآآ
سحبني بيدي وظمني وهو يقول:
والله اني انتظر اليوم اللي يجمعني فيك بعيد عن عيونهم...
منزله يديني تحت وصدري بصدره ويدينه شابكهاا خلف ظهري,,
دق الباب والظاهر راكان أشر وهو يقول اشوفك على خير , طلع وسكر الباب
وعلى صوته دخلت ريم والبنات , باركو لي وتصورو معي
وزفوني وارقصو لي ,ورجعت للقسم ..
جاتني امي وجمعت اغراضي ولبست عبايتي على الساعه 2 الفجر وطلعناا لخالد
وخالتي معنااا ,
رجعت لغرفتي وانا يديني وملابسي ريحة عطره , رجعت وانا احس يدينه للحين
ماسكتني , راح الخوف , والعتب والارهاق ,راح كل شي مؤلم بظمة عناد لي..
طاحت المسكه ,وطاح الهم , ووالوحده ,والتفكير , والفقد , والشجن,صارت الدنيآ
بكفه وعناد حايل بكفه ثانيه...!!

النهــــــــــــــــــــاية

 
 

 

عرض البوم صور فيتامين سي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أحلام, داخل, ديربي, يعشق, عواد, ولنا, نجد،للكاتبة/, قمرها،سعودية(مكتملة)
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:40 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية