رائعه خطة السيد ماهر هل بيكون قد تحدي امه ،،،،صراحه بدا بتدا الحماس جميل ما كتبتي اختي غروب

ياه تلات ردود مره واحده
أنا دلوقت في غاية الانشراح
حقيقي والله مش بتريق
اسمحولي يا جماعه إني أرد عليكو بالعاميه ،
لما أرد بالفصحى بحس إني بايخه و دمي تقيل آخر ستّميت خمستاشر حاجه
يلا بسم الله نبدأ

حبيبتي INAY يا أهلا بيكي مره تانيه و الحمد لله إنك لسه ما زهقتيش مني
تسلم ايديكي على كل كلمه حلوه كتبتيها في حقي
كلامك زي العسل على قلبي بجد
الحمد لله إنو رسالتي وصلت ليكي بوضوح زي ما كنت أتمنى
بالنسبه لماهر و تسرعه في الموضوع ، الفصل الجاي هيوضحلكوا حاجات أكتر عن شخصيته بس هو على فكره مش بارد ، متعجرف آه لكن بارد لأ
بالعكس هو دمه حامي أكتر من اللازم في بعض الأحيان
أنا أوفقك تماما في عدم اقتناعك بأن مجرد إعجاب ما يكفيش خالص للإقدام على الزواج لكن زي ما قلتلك الفصل الجاي هيوضح أكتر و أتمنى إنك تقتنعي وقتها
شكرا ليكي كمان مره
و دمت في حفظ الله و رعايته

حبيبتي مايا انتي بجد أحلى مشرفه في العالم
انتو ما تتصوروش كلامكو و اهتمامكو بينا بيأثر فينا قد اييه
خصوصا لما الاهتمام ييجي من قارئه مخضرمه زيك
و أنا بحترم قارئات المنتديات جدا عشان بيكون عندهم انفتاح كبير
فهما مره بيقروا بالعاميه و تارة يقروا بالفصحى فماشاء الله عليهم بيكون ذوقهم عالي و بسيط غير متكلف في نفس الوقت
" اما ماهر فسيفيق من سكرته ليثور من جديد."
ماشاء الله عليكي ، الجملة دي بالذات بتحسسني إنك حافظاني صم
تسلم ايديكي و شكرا ليكي جدا
و دمت في حفظ الله و رعايته

حبيبتي المتوكلة
جميل جدا اسمك
ربنا يجعلنا كلنا متوكلات عليه
حبيبتي مافيش حد مننا يقدر يكون قد تحدي أمه و لو عمل ايه
عموما هنشوف هو هيتصرف ازاي بعد كده
أشوف وشك بخير بعد الفصل الجاي إن شاء الله
دمت في حفظ الله و رعايته