‏

السلام عليكم ورحمه الله وبركاته
روايه رائعه ككل رواياتك غاليتي ام اليزيد
من دواعي سروري متابعك لاول مره اثناء التنزيل لاني قرأت رواياتك السابقه مكتمله
تقبلي انضمامي لصفوف المتابعات
دمتي فى أمان الله

بسم الله الرحمن الرحيم...
.
.
.
عثرة سادسة
.
.
.
مدخل
.
.
.


يجيب السفر طآريك يآحي ذا الطاري
وأنا بين تغميض العيون ومدامعها
غريب السفر والأغرب إحساسه الناري
ياكم ناس فرقها وياكم ناس جمعها
فـ على الرغم من كمية الكبت الإجباري
يبين شعور النآس لما توآدعها
وانا لا بكيت البكي صدقي وإصراري
أحس إني انظف خلق ربي وأروعهآ
ترى الشآعر ليا حب ينجن ويمآري
مثل من معه ثروه ويبغى يوزعها
أحبك وإذا ماكنت داري انا داري
أنا كل يوم اقولها لو ماتسمعها
حبيبي .. حبيبي للوفآء بايع وشاري
تخون النفوس مالقت شي يمنعهآ
هداياي .. كتبي .. بآقي أغراضي .. أشعاري
إذا انّا افترقنا طآلبك لاتقطعها
تبرع بها لو ما أنت راغب ولاضاري
لعل وعسى تلقى لها ناس تنفعه

.
.
.
بداية

صباح الخير على الكل
البارتات اسبوعية منتظمة ان شاء الله ...واني اكتب البارت معناته اخذ من يومي وقت وصعب اكتب اثنين شي جربته وماناسبني ابد ...وانا في هذي الراويه ناوية استمتع باالي اكتبه ان شاء الله
رحلتنا ماهي رحلة يومين رحلتنا كانت سنين وصرنا نعرف بعض...انا بعذر الجديدن بقول ماشاركونا العيون ولا الثرثرة
ولاابي القديمين يصفون كلامهم الحلو الي عودوني عليه
اببكم تكونون بس واثقين اني معكم ملتزمة ان شاء الله الااذا صادفني ظرف قوي فوق طاقتي ومابي اكرر ها الكلام كثير لاني والله طفشت من تكراره لبنات الي يتوقعون اني ماراح اكملها..




ام نواف كوكو وعبوقه التزمو بقوانين الضمضية الجائرة...

ام نبراس انتي اوكيه الضمير الضمضي حبك خلاص...
نجمة منو بتوقعها ان فيه شخصية متزوجة وانتم كنتم منطلقين بخيالكم بخصوصها....وفيه بعد لها نجمة مشتركة بتاخذها في البارت السابع ان شاء الله
نجمة لدودي الحسودة هي اول من قالت ان ورد وغيام بيتزوجون ...المفروض من البارت الي قبله رازين نجمتك بس معليه سامحينا
وفي نجمة بعد لك في توقع كنت فيه تضحكين ومو جدية اتوقع فيه...ان شاء الله في بارت سبعه او بدايات ثمانيه باقي ماقريت البارتات بشكل مفصل...بس كل شوي ازعجيهم بنجمتك الجايه منو مو احسن منك وثقتها في كل مكان ...
بعد مملوحة نجد لها نجمه عشان توقعها في غتار وعقاب انهم بيلتقون تجاريا هي اول وحده قالته
وبنات اكرر ثبتو توقعاتكم باالمنتدى صعب مره علي احصر توقعات السناب ماشاء الله انتم كثير والتعليقات كثيرة والاسماء اغلبها اسمائكم الحقيقية وصعب احطها لكم في البارت...

ابي اشكر صديقتنا الي بدت تنقل الاجزاء من اليوم للجوار ...

البارح قلت بسناب ان فيه شخصية بتطلع وأسمها دامر...اعترضو الاغلبية على الاسم بس احب اقولكم انا قد وقعت بغرام الاسم وانتهى =)



سنابي omalyzad
ام نواف هذا سنابها لنقاش n-umnawaf5555
قراءة ممتعة
.
.
.
لاتليهكم الرواية عن الصلاة في وقتها..
.
.
.
من جدك يانوره تنامين مع امي..!
بصوت منخفض..\ايه تعبانه شوي هي..
حاكم بهدوء..\ابوي شوي ويجيها وين تنامين ان شاء الله بينهم ..؟
من ثم اردف..\وبعدين تعالي معي بتتركيني يعني انام بلحالي..!؟
أطل على والداته من دون ان ينتظر جوابها..\يمه تمسي على خير وان بغيتي شي دقي على رقمي تشوفيني عندك..بطلع انا ونوره شوي نتمشى..فيه امطار وخير برا..
ام حاكم...\الله يحفظكم انا كليت علاجي وابد بنام الحين ..
نوره تتركه وتنفض يدها من يده بغضب وتتجه لجناحهم بعصبية...
شد الخطوات خلفها واغلق الباب...\وش فيك كنك مقروصه سلامات ترقدين مع امي وتخليني..!
نوره بعصبية..\بسم الله عليك نونو بياكلك شي لو خليتك..!
من ثم اردفت/ شايفني انا وامي عبير بدينا ناخذ على بعض اتركنا...يعني مامليت من جلستي طول المستشفى كنا بوجيه بعض!
صدم بعصبيتها ليهمس ..\مامليت وش الحكي..واكيد انا مو نونو انتظرك تنوميني تصبحين على خير ياهانم..!
من ثم تركها وذهب لـغرفة التبديل بدل ملابسه من ثم دخل دورة المياه قام بتفريش أسنانه أستعداداً للخلود لنوم..


كان يحاول تماسك أعصابه...
هو ليس با العصبي...
وعمله روضه على الصبر...

اتكئ على المغسلة بعد ان غسلة يديه وبلل وجه واسترجع شيء ما حصل اليوم



شعر بها اندفعت للاصنصير وهي تحاول الايغلق قبل ركوبها
ادعت انها تعثرت لتسقط علي...تحت ضحكات صديقاتها
كان الموقف فوضوي من فتاة عابثة أعجبها طبيب وارادته بشباكها
عندما نفضت يدي منها

همست باانوثة عابثه/اسفة
كانت رائحة عطرها تلتصق بي وهي كانت ملفته جدا.وكدت انزلق لها لولا رحمة الله...

زفر وهو يرفع رقبته ويشد منشفته الصغير ويطبطب على رقبته ووجه...وبهمس/وش فيك ياحاكم من متى وانت تتكهرب كذا من النسوان ياما وياما صار لي ذي الحركات...وماكانت تهمني او تجلس بمخي مثل الحين وش جد يعني....


زفر مرة اخرى من ثم


أطفئ اضاءة الحمام من ثم توجه لـاريكته واستعد لنوم تحت انظار نوره التي شعرت بتأنيب الضمير فوراً

بعد دقائق شعر بها بقربه هزت كتفه بهدوء..\حاكم انت زعلت ..؟


بحيادية..\لاعادي وش يزعلني لكن مرهق من الدوام وابي انام

نوره بعذوبة\قبل شوي ماكنت تبي تطلع ؟
حاكم بغضب مكبوت \ماهو لازم خلاص نوره ترى مو من طبعي الالحاح ولا أحبه...!
نوره تبرر..\حاكم ليش حساس كذا ماصار شي ترى عاد لاتكبر الموضوع
حاكم بستغراب\انا الي حساس واكبر المواضيع اقول بس ياصبر ايوب!
نوره...\اجل زعلان مني صدق..
حاكم بخفوت..\ماله داعي نفتح مواضيع الحين ..


صمتا..!


همست من جديد..\قوم بلازعل..تكفى حاكم مابي تنام وانت زعلان مني...



صامت..!



حركت كتفه من جديد..\وش فيك ماتبي تلتفت لي..
همس بغضب..\ابي انام يانوره ابعدي واذا التفت لك يعني وش بيصير وش بيتغير..؟أسفه اسفه ونرجع لنفس النقطه
نوره متوتره..\طيب انت وش تبي وش يرضيك؟
حاكم مستفز\الله يرحم والديك لاتقعدين تضغطين علي اسمعك شي مايرضيك..
نوره تفرك يدها با احراج..\حاكم والله مدري وش اقول لك بس..
حاكم يزفر..\لابس ولاشي انتي معجبك الوضع كذا خلاص اتركيني بحالي الليلة..!
نوره والدموع تجتمع بعينيها..\تكفى حاكم لاتنام زعلان مني ..انا ابيك تفهم و..
حاكم يقاطعها..\وش افهم انتي شايفه كم لنا متزوجين مافكرتي بينك وبين نفسك هل وضعنا الى الان طبيعي في زوجين عايشين حياتنا والابوضعنا
من ثم اردف\نوره انتي منتي طفله اقعد اشرح لك اسس الحياة الزوجيه
ولااعلمك وش الواجبات والحقوق..لانتي مجبورة علي ولاانا مجبور عليك بداية زواجنا عقبه والحمدلله عديناها بس مايصير كذا..!


صامته تستمع..!


حاكم بنبرة ما...\ترى انا ماني جماد انا بشر ولي طاقة محدودة واخاف الله ومابي يجي يوم وازعلك فيه يانوره..
نوره..\والله ادري ياحاكم وعارفه اني محقوقه لكن ابيك تصبر علي بعد
حاكم يزفر\وبعد فيها صبر غير ها الصبر..نوره انتي بنت جميلة قدامي ويومياً وحلالي...صح اقول لك دايم مو مستعجل بس والله انا اشوف مغريات واعف نفسي بغصب اذا منعت نفسي من الحرام كيف امنع نفسي من الحلال ارحميني وابعدي الليله من وجهي.!
نوره بستغراب.\ها ...مغريات..!
حاكم ...\اي مغريات والي تشوفينهم ايام ماكنتي متنومه وش تسمينهم..
كان قد استو بجلوسه وقابلها...\وش ظنك..شخص مثلي ومكانتي واستقامتي ماتتوقعين انه يتعرض لمغريات واجد.!
من ثم همس..\انا عارف ان الطاقة الي فيك من حب ومشاعر موجهتها لبوي وامي عشان تبين حنان اب وام..بس مافكرتي في تأسيس عائلة...انا طاير عقلي ابي ولد او بنت..وانتي تقدمي لوشوي عشان تعدين ازمتك واشوف انك تبيني مثل مابيك ...!
كان قد رمى عليها تلك القنبلة وترك لها الجناح
بصمت..!
.
.
.
الحب حاكم بس حاكم بلا تاج
والله ماغير التواصل تتوجه
.
.
.


أستيقظت لتو ولم تجده بقربها...كانت ليلة مأسوية البارحه فقد استفرغت مافي بطنها كله..
وها هو الجوع يوقظها..!
لم تجده بقربها...تشعر بـ أنتفاخ في جميع جسدها
وجها متورم من كثرة البكاء البارحة..
وجسدها من الكدمات عمها اللئيم..!
كانت ترتدي بيجامة قطنية ناعمة جداً..غسلت وجها وشعرت ان منظرها مريع جداً..
لمت شعرها كله وربطته في قمة رأسها وأنساب الى اول ظهرها...
كان أسوداً حالكاً ...و..تحبه جداً...!
سمعت صوت بطنها مصدر صوت يخبرها بـ أنه لم يعد يتحمل..!
أرتدت شبشها وخرجت بعد ان اخذت هاتفها...
كانت خطواتها عجولة تريد المطبخ..!
عندها لاحظت ضحكات ...وصوته المريع يضحك..!
تباً له..!
تجاهلته ودخلت المطبخ على عجالة..
عهد بـتوتر..\ساندي انا واجد جوعانه وش فيه ينوكل بسرعه..!
ساندي تشير لحافظة بيضاء..\فيه مسابيب ..!
عهد بـخيبة امل..\ماحبها كثير مافيها غيرها..!
ساندي...\الا فيه...طحين بر اسوي لك قرص..!
عهد بـضحك..\وش قرصه بعد ماحب الشعبيات كثير..الله يديم علينا النعم..!
تحركت نحو الحافظه..وتناولت عدة قطعات تسد بها جوعها فقط..
همست ساندي..\يايمه اجلسي هنا..ماهوب زين تاكلين واقف..!
أبتسمت عهد..\والله يا امي فلوة معلمتك لغتنا زين..ماعليه صلحي لي كاسة شاي...انا شبعت من كذا لقمة اصلاً ماكان لي نفس..!
بعد ثواني ناولتها الكوب الخادمة وخرجت هي للمكان الذي يصدر ضحكات لم تهدأ ..
كانت تراهما يجلسنا في غرفة الجلوس..وعندما دخلت وجدت جدتها تقلب في الراديو وتنهر فارس الذي ارتدى ساعتها اليدوية..
..\هت ساعتي..الرياجيل مايلبسون لبس الحريم انت وش بلاك..
فارس بضحك...\وش ماهي ذهب يمه وخلاص صادرتها بلبسها في يدي واشم ريحتك فيها كل شوي..يازين الريحة بس..
الجده بغضب..\منت برجال الي تعود على ساعة جدتك..!
فارس بحس فكاهي..\انا ولدك الصغير مابعد كبرت وصرت رجال لاجيتك دايم..!
الجده لاحظت وقوف عهد لتهمس بترحيب..\يامرحبا يامزيونة الكاوي تعالي ياجدتك تعالي ..!
لاحظت ابتسامة مقيته ساخرة على شفتيه ارتسمت تجاهلتها وهي تقبل رأس جدتها من ثم تذهب للجهة الاخرى وتجلس...
فارس بستغراب ساخر...\وليش ماحبـتيني بعد ترا هذي صباحيتنا ولاشفتك ..!
كادت عينيها تخرج من الصدمة لتهمس بين اسنانها..\أستغفر الله..!
هو وقف ..\يوه نسيت مستحية من جدتي..!
لم يجعلها تستفيق من الصدمة لـيجلس بجانبها ويحتضنها بتمثيلة متقنه ويقبل جبينها ويضع ذراعه بذراعها وكفه مشبوكة بكفها من ثم يرفعه ويقبله امام جدته..!
الجده بسعادة..\الله لايفرقكم ويجمعكم دايم ويكفيكم شر النفوس..
فارس بتهكم..\امين امين..لوني ماخذيتها يايمه كان طق براسي عرق احبها احبها..!!
حلق ذراعه على كتفيها الصغيره من ثم جذبها بخفة اليه..وهمس ببطئ..\الله يغنيني عن ها الحب..!
هي ماعادت تحتمل تمثيله المتقن حتى الشاي الساخن برد بين يديها المتجمدة...
ابعدت ذراعه ..
تناول اطراف شعرها المرفوع ولفه على معصمه وشده بخفة تألمت وتظاهرت بعدم الوجع الا ان وجها اصتبغ بلون وردي...

همس بـتمثيل...\يمه سمعتيها وش قالت...!
الجدة بستغراب..\وشو ماسمعت شي...!

تقول /بقص شعري...!

الجدة بغضب/ان ماعاد احاكيك احد عنده شعر مثل شعرك ويقصه اسكتي بس لايعاقبك ربك...

همست بضيق وهي تتجاهل خبثه وتشد شعرها منه وتضعه في احضانها..\انا بطلع اتمشي شوي اليوم الفجر نزل مطر خفيف اظن...
الجده..\ايه وتمشيت انا وفارس وتونا راجعين اطلعي ياامك وانت قم مع حرمتك لاتجلس عندي هنا..!
فارس بتثاوب ..\لاوين اطلع ثم يدخلني البرد..بنام قايم من الصبح..
كان يتظاهر بـ أنه سوف ينام وهو يتمدد بجانب الاخر من ثم وضع رأسه على فخذها..وهمس..\لانمت روحي..!
هي لم تبتلع تهكمه أكثر سحبت فخذها منه ليسقط رأسه على الارض..وتتجاهلها بكلية..!






وبعد دقائق...



كانت بـغرفة...شدت عبائتها ونقابها وطرحتها وأرتدتها..
وخرجت تشد الخطوات لتقطع السور الكبير..عندما خرجت ارادت وضع حجر على الباب كي لاينغلق وهي في الخارج..
عندما استدارت لم تشعر ان قدميها تلامس الارض..
ليس شعور بل حقيقة...
كادت تصرخ لكن لما استدار بها لتواجه وجه..همست بغضب..\خير ان شاء الله بشارع بتكمل تمثيل بعد ترا ماحد يدري عنك الحين..!
بـين اسنانه..\حركتك الي قبل شوي وش رايك ارميك على الارض عشان تحسين با الوجع..!
تشعر انها بين يديه كـ ورقة صغيره...عضلاته البارزة وطوله الفارع بـ أستطاعته تهشيمها بسقوطها..!
هي بحدة...\والله لاتسويها ان اعلم جدتي..نزلني...نزلني..أقولك نزلني..!
هي عينيها من خلف النقاب..العينين الريمية..،الرموش المتوعدة...تقاتلة ببسالة...!
انزلها بعد غرست اظافرها في كلتا ذراعيه وأوجعته..
همس بحدة..\مابيك تطلعين ابيك تسوين غدانا جوعان وفيه ذبيحة ذبحتها مع جدتي الصبح وانتي بتسوينها لنا جزء منها...ياالله قدامي..!
كان يشد كفها بعنف كي تتبعه وهو يفتح الباب..
همست بصدمة..\وشو...ماعرف اطبخ...فارس...ماعرف والله...!
كان يقطع السور بخطواته الواسعه وهي تكاد تتعثر خلفه...
دخل المطبخ الخارجي...وشاهدت الذبيحة في صحن موزعه بترتيب..
قسمة لجارتها يتضح هذا وقسم الثلاجه يتضح من توزيعه
أشار بيده \هذا الي على جنب غدانا...أطبخيه وترا ماحب مكشن احب ابيض...!
رفعت نقابها وهي تتنفس بشدة \ماعرف اطبخ ...
أشار لـ الخادمة...\هذي بتساعدك وتعلمك...وبسرعه عجلي...ميت جوع..!
تركها وخرج..!

تود البكاء..!
لا بل سقطت دمعاتها وخانتها..!
يكرها بهذا الحجم لاتصدق..!
هذا ليس ابداً شخص عرفته..!
غيرته الايام ..!
وقحاتي غيرته للابد..!
لكن ليس بهكذا وجع يكيل لي..!



همست ساندي وهي تدخل..\بابا يقول تبي مساعده..
عهد بـقلق..\ساندي والله ماعرف شي ساعديني..وفارس يبغى اكل..!
ساندي...\اوو بابا فارس واجد مجنون...ايش يسوي انتي طبخ وانتي عروسه باقي..بس مافي مشكلة انا سوي مع بعض يجي كل شي كويس...مافي خوف..!
رتبت على كتفها لتهمس عهد..\شكراً ساندي واجد شكراَ
.
.
.
الحب حاكم بس حاكم بلا تاج
والله ماغير التواصل تتوجه
.
.
.

في بيت البندر...
لم تنم..بقت طوال الليل تتقلب...هي اساساً لاتنام بليل...
رتبت غرفتها ونثرت الروائح العطريه في كل مكان غسلة دورة مياها ونضمت الشامبوهات..
غسلت ملابسه المتسخه عطرتها وعلقتها..
رتبت درجه بترتيب دقيق...
عله يأتي لكنه لم يأتي خرج باكراً قد يكون فسيارته لم تراها من شباك غرفتها كـ العادة...
خرجت من جناحها وطرقت الباب على جناح ام حاكم لكن احد الخادمات اخبرتها انها خرجت لزيارة احدى المرضى من جارتها وقد لاتعود الا مساءٍ
سألت عن بندر...اخبرتها انه ذهب لعمله...وانه لايوجد احد هنا غيرها....

شعرت با الوحدة من جديد...
وشعرت بـ أن روحها عادت من جديد وحيدة..
هذا المكان فرغ..!

وتشعر بـ أختناق من فكرة ان حاكم مازال غاضب عليها..
وهي لاتريده يغضب ابداً...
هي تحبه بجانبها دائماً لكن ليس با الصفة التي يراها هو ..!

زفرة بضيق من ثم همست...\تروحين معي مشوار قريب البسي عباتك وقولي لسواق يجهز السيارة...
الخادمة ..\وين مدام..
نورة..\اول شي بنمر مستشفى حق بابا حاكم بعدين بنروح لـ سوبر ماركت نجيب اغراض بسوي كيك..أوكي...
أشارت الخادمة بموافقة ..
.
.
.
بعد ساعه

تقدمت خطواتها حيث مكتبه كل مكان في القسم المجاور هي تعرفه
صعدت المصعد كانت هناك طبيبه ترافق لها طفل في العربيه يتضح من لفائف الجبيرة بإن كسورة مؤلمة
كانت تبتسم له بحنان وتلاعبه بلطف
وكان هو متعلق بها بشده يريها لعبة بهاتفه
شاهدت بطاقتها الطبية التي على صدرها لفتها الاسم الجميل فخر
ثم مالبثت ان قرأت الاسم كامل وفتحت عينيها على اتساعها...
انفتح الاصنصير من ثم خرجت الطبيبه لتحلقها نورة وباهتمام

دكتورة لو سمحتي

التفت فخر بهتمام /تفضلي

نورة/ انا الكاتبة نورة النياف اهتم بأدب الطفل ومعروفة على مستوا الخليج ...
فخر بستغراب/اهلا تشرفت في شي مهم اقدر اخدمك فيه
اشارت فخر لممرضه ان تاخذ الطفل الى غرفة الاشعة
نورة/جيت عشان فكرة براسي عن سلسة طفل مكسور وتعالجه طبيبه لطيفه مثلك لاني انتبهت للطافتك قبل شوي مع الطفل ممكن اخذ من وقتك في وقت فراغك واخذ منك افكار لقصتي
من ثم اردفت/واوزع سلسلة قصصي على الاطفال مجانا عشان ينبسطون
فخر /ممم مو مشكلة وش ممكن افيدك
نورة/ممكن تعطيني رقمك اتواصل معك
فخروبهدوء / اي اكيد

.
.
.


بعدها بنصف ساعة

كانت تنتظره في مكتبه و كان عندة عملية
ماهي الا ربع ساعه وكان يتحدث بهاتفه في الممر
اخذت نفسا عميق وزفرت
لم ينتبه عند دخوله لكنه انتبه بعد ثواني لينهي مكالمته من ثم بستغراب/عسى ماشر وش فيه ليش انتي هنا؟

وضعت حافظة الطعام الصغيرة الانيقه على مكتبه
وبتوتر/مافي شي بس شفت انك مافطرت وعندي مشوار جنب المستشفى قلت امرك وافطرك

وقف لثواني من ثم زفر/ماكان له داعي!


كانت هي تفتح الحافظة بااناقه واصابعها على مرئ منه ترتجف..،

فتحت الساندوتشات الملفوفه بفن تتقنه

كان هو يراقب تلك اليدين المرتبكة وكانها تعزف على بيانو لاحركة توتر...


جلس على الاريكة وجلسة هي بجواره مدت له الساندوتش وتناولها من يدها بصمت يسايرها...

همس بخفوت/ماكان له داعي تتعبين نفسك واذا عشان البارح فاانا كنت مضغوط ومدري وش قلت..

ابتسمت بتصنع / ماصار شي



صمتا من جديد

يتناول الساندوتشات بصمت من ثم همست

.../ماابيك تزعل علي ابد انت اثمن شي عندي في حياتي انا مهما قدمت لك ماراح اعطيك شي بسيط من الي سويته انت لي

كانت تتناول يده المحرره وتمسكها بكفها/انا مااشوفك زوج يا حاكم في الوقت الحالي...اشوفك شخص نبيل من عصر قديم ودخلت حياتي انا توني ماتقبلت شكلي ابيك تفهمني مو مستعدة ابد الحين لمرحلة علاقة بينا زوجية...؟



قاطعها/ خلاص نورة انسي كلامي البارح قلت لك كنت مضغوط لاتبررين شي ماله داعي

وقف...ومسح يديه بمناديل بقربه
وقفت بجواره وبخفة قبلت خده...!


شعر بشي خفيف عذب طبع هنا ابتسم بمسايرة/محتاجه شي اذا طلعتي لمشوارك؟

ابتسمت/ لا بس الليله ارجع بدري اوكي...!

بهدوء/عندي شفت شغلي لك فيلم عربي قديم لين الفجر وصلي ونامي..

ابتسمت بمسايرة وودعته..



.
.
.
الحب حاكم بس حاكم بلا تاج
والله ماغير التواصل تتوجه
.
.
.


قدمت الغداء وجلست بجوار جدتها ودست ملعقتها واكلت بصمت
الجده/يازين ذي المعرسه الي من عصرنا طبخ وشغل من ثاني يوم
فارس بتهكم /والله اشك يايمه ان ساندي راعية الشغل اعرف سميتك رفلا للاسف
عهد كانت حانقه عليه/والله عاد زين انك داري وهذا الي عندي

ابتسم بخبث/ماعليه بتعلمين شوي شوي ماني مستعجل واغلب اكلي صحي بس اليوم استثناء عشانها ذبيحة الغاليه

الجده/جعله عافية ياامك...







بعد الغداء
كان هو يغسل يديه وهي تنشف يديها وتعبث بهاتفها
امسك هاتفها بتملك وكفها اعتصره
بالم/خييير
وضع هاتفها بجيبه /يمه بتمشى انا وعهد هنا قريب تبين شي
الجده/اي يمك شفت البهايم قايلة للعامل يشوف مكانها قبل تمطر باليل هي بذرا والا لا

ابتسم/ابشري



.../فك يدي وهات جوالي مااسمح لك

بخبث/بطلع اركض عقب غداك الدسم اخاف ارجع اسمن ثم ماجي قد المقام!

تتألم/فك يدي طيب واركض لو بيديك!



حرر يدها واخذت تدعكها

هو تجهز للهرولة/خذت جهازك عشان تطلعين معي برا لين اجيك وترا لو شفتك تحركتي شبر فتحته لمحت البارح رقمك السري سهل 4444

اشتعلت وفضلت الصمت تكتفت /ان شاء الله اقعد برا في ذا البرد لين تخلص
فارس/عادي وش وراك

شدت الخطوات خلفه وهي غاضبة وتشد عبائتها وطرحه خفيفه وتشتعل بخطواتها خرجا في الخارج وقفت وتكتفت وهو لم يلقي لها نظره...

هرول وتركها...


ياربي

هذا ولاواحد باالمية بينسى
حاقد علي
بجامتي خفيفه
عسى مايشوف شي بجوالي

لا
لا

يركض بضمير
صار مهوس با الرياضه..
حتى شكله..
هو لايكون بس طاق ابر حقت العضل مدري وش..
كان بيفتت يدي قبل شوي وهو بس يستعبط
اجل لو نوى شر وش بيسوي ..!
جعلك تطيح يافارس التبن!




بعد نصف ساعه عاد لها ووجدها تصتك اسنانها ببعضها ولايحتاج ارهاف سمعه لذلك...!

همست من بين اسنانها/تجمدت مت هات جوالي..!

/مافي احد يموت قبل يومه انا كنت احسب بموت مرة من كلام والحمدلله مامت عشان كذا اقولك منتي ميته قبل يومك...!

شعرت بوجعه اخترق روحها...

هو ناولها هاتفها وانفاسه تلهث.../نسيت اقولك من بكره بتركضين معي ماشوف عندك لياقه ابد...

شدت هاتفها وغضبت/مع نفسك!!
شد ذراعها بعنف/ ماسمعت..؟

همست من بين اسنانها/ اي اي و الا سمعت وفوقها ابيك توديني لمول اشتري لي شي دافي ثلجت هنا بموت من البرد الديره بارده مره...

ابتسم بخبث وهو يحرر يدها/ ابشري من عيوني!!


استغربت وشدة يدها لصدرها واعتقدت انها رضح لرغبتها في التسوق...








.
.
.
الحب حاكم بس حاكم بلا تاج
والله ماغير التواصل تتوجه
.
.
.

عصرا
وقف لسيارة خضار في طريقه لمزرعة

همست فخر/ يبه مزرعة عمي رياش مليانه وش تبي هنا
ابتسم وهو يتناول محفظته/ادري بس يابنت عقاب الي مثل هذولا نشتري منهم وندعمهم رزق لنا ولهم


ابتسمت لابيه الذي مبهرا دائما وابدا لها....


في المقابل

كانت هناك تقف سيارة انيقه صديقتها تضحك/مشتهيه منقا وحام عاد وش اسوي..!
المهر بغضب /منقا بنص الخط ابلعي لاوصلنا عندهم

صديقتها فتحت الباب/مالي شغل حالا بالن...

تعلقت ابنت المهر في صديقة والداتها همست منى/خليها وش فيك ؟

المهر بغضب/تدرين ماحبها تغيب عن عيني عنو اجلسسسي...

منى بتهكم/اقول اتركيها بس...

شدتها منى ومن ثم نزلت....

اشترت ماتريد وتريد ان تحاسب وافلتت يد الصغيره العابثه....
التي ركضت با الاتجاه الاخر تحت صراخ مهر التي انتبهت لها فورا وفتحت بابها...

عقاب الذي كان يتأكد من كفرات سيارته انتبه لصغيرة تركض لشارع لوجود سيارة العاب بطرف الثاني

وقف بردة فعل سريعة وهو يشد الطفلة ب اطراف فستانها من ثم حملها بخفة وسرعة وضمها ليهدئ من خوفها من الموقف


المهر التي كانت تركض بتجاه الرجل الواقف ممسك طفلتها وصوتها يكاد يختفي من الرعب وخفقات قلبها تكاد تتوقف ...

..../ياربي الحمدلك ....الحمدلله...

عقاب يلتفت لها وبغضب/انتبهو لصغاركم ...!

منى التي ركضت لهم وبشكر/الغلط مني بسم الله عليك مافيها شي الله يجزاك خير...الله يجزاك خير...


ومن ثم سندت المهر التي كادت تنهار

لكن الصغيرة هدأت عندما شدت نظارات عقاب و عبثت بها...

عقاب بمحاولة هدوء عندما شاهد انهيار والدة الطفلة/الحمدلله على سلامتها وياابوكم هذولي امانه في رقابكم لاتتهاونون...

المهر تشكره وهي تحاول تتناول الصغيرة منه/العنود تعالي دايم مطيحة قلبي عليك...





العنود...

الاسم الموجع له...

الحكاية المميته لروحه ...




وصل الاسم الى اذنيه ك نوتا موسيقية ممبتورة ليعطيها صغيرتها وبقتضاب/الله يخليها لك!

المهر/ماقصرت الله يحفظك ويجزاك خير...الله الي حطك قدامها اليوم ورحمني الحمدلله

تجاهلها...هكذا ...
فجأه ومن دون أي كلمة أخرى...
وتركها...واتجه لصاحب السيارة التي تبيع...!
شدت الخطوات المهر وتركت المكان لتركب السياره وبجانبها منى التي تعتذر بشدة

المهر/الحمدلله ربي حفظها...

منى وهي تنظر من وراء الزجاج لشخص الذي حمل اكياس فاكهة بسيارته...

منى بستغرال/تصدقين تروعت يوم التفت علي احسبه غتار اخوك يخلق من الشبه اربعين صدق...!

المهر تتنفس بعمق/ مانتبهت له متروعه على عنود...يالله يااشراق حرك تاخرنا واجد البنات كلهم اجتمعو بمزرعة ام راكان وامي ارتفع ضغطها مني الحين
ضمت صغيرتها بين احضانها بحب ...
منى/ يازين خالتي العنود انتي الي ام شر والاهي سمحه ليت مايهاوش الاهي عزالله سلمنا

غرقتا بضحك تحت اهداب العنود الصغيرة التي داعبها النوم


عقاب وهو يركب سيارته/زينها يافخر البنيه شفتيها!

فخر تبتسم/تهبل الله يحفظها لامها!

عقاب والابتسامة عالقه بشفتيه/واسمها عنود...
فخر بصوت غاضب/وخير ان شاء الله !

غرق بضحك متواصل وهو يشد يدها ليقبلها فتقبل يده وتضحك....

.
.
.



في المساء

عقاب الذي تولى مسألة الشواء مع ممدوح

عقاب بضحك/عط ولدك من الشوي شوي ابوك ماهو بخيل

ابتسم ممدوح وناول صغيرة قطعه وذهب لوالدته


على الجانب الاخر

فخر بهدوء/يمه ترا وضح عليك مره وش فيك

عمشاء من بين اسنانها/وش فيني ماتشوفين ها العوبا الي ترزز عند الباب تبي ابوك يلمحها

فخر/يعني ابوي بيعطيها وجه اصلا خفي غيرتك ياالرمح

كانت تحاول تهدئة والداتها

عمشاء/ابوك طبعه يحب المدح وانه ملفت لنظر ماهي بجاية بعينه بس ماحب مال وجودي قيمة شوفيه توه يغير مكانه

فخر/يمكن توه انتبه وبعدين تسوين عيون ابوي يمه وش ذا الحكي

عمشاء وهي تنهض/ذي البزر بهجدها...




عمشاء وهي تشد عبائتها وتضعها عليها من ثم تشد برقعها فيتضح صف الرموش والعينين الواسعة

وكزتها بخفه وهي تتظاهر بمرور

رنا/بغيتي تطيحيني يا ام فارس

عمشاء /والله يابنت حزام نجبر طيحة العظام المووت الطيحه من العيون هذي الي تضيع الناس
رنا بتوتر / وش تقصدين
عمشاء بحزم/اهجدي وعيني خير ترى مافي صيد بتصيدينه طارت الطيور با ارزاقها والبنت الي ماتحشم سمعة رايجيلها ماهي بجاية شي في عين اي رجال...!

توترت رنا وانسحبت من جدية عمشاء ومباشرتها.
فخر التي التصقت بوالداتها/يمه بلاش تفقدين اعصابك على شي تافه اخت مرة ممدوح خليها تولي...

زفرة عمشاء بعد ان القت النظر على عقاب الذي كان منشغل في الشواء من ثم عادت ادراجها


زفرة فخر برتياح وشدة الخطوات لوالدها الذي تركه ممدوح وذهب خلف ابنه الصغير




عقاب ينتبه لفخر وبحب عميق/هلا هلا يا ازين من وطى مزرعة رياش...
ضحكت بهدوء/لاتصرف وش موقفك هنا ياالله معك ثانيه ترد...

عقاب بخبث يرفع يديه ب استسلام/ اشوي طال عمرك مثل ماتشوفين...

غمزة له/ام فارس مولعه داخل...

ابتسم/من الخبلة الي تطل وش يولع فيها الله يهديها...؟
ابتسمت /ماعليه امي كلمتين منك تجيب اقصاها بس انا عندي موضوع وشفني شايفتك رايق وبقوله لك

قطب حاجبيه وبهدوء/وش موضوعك؟

همست باابتسامه\ الموضوع انحل خلاص..بس مع كذا بودي لو يكون لك علم فيه
تناول سيخ شواء جديد ووضعه على النار..\قولـي أسمعك..!
أبتلعت قليلاً من التوتر..\انا مابيك تعصب ولايرتفع ضغطك من شي اشوفه روتيني ومايعنني وانت تعرف اني وحده عن الف رجال وماينخاف علي..!
قاطعها وهو يحاول تماسك اعصابه..\اي انا عارف ذا الحكـي كله وش الي عقبه...!
أبتسمت بهدوء..\انتي الحين منظرك بيخوفني ولاهو مخليني اتكلم..وتقاطعنـي بعد وتزيد توتري...أهد الموضوع خلص وانتهى اصلاً..
عقاب بحاجبـي معقوده..\فخر تكلمي تعرفيني ماني صبور..!
زفرة بضيق\ابد كان في واحد يضايقني بشغل دايم ويرمي على كلام ماله طعمه وكنت اتجاهله..وكان نائب مديري للاسف و
صارت مشكله جمعتني فيه واحد مشتكيني في خطأ طبي حاصل له في ولد اخته يقول واستدعاني وتكلمو بمشكله وانا احسب المشكله متفقين عليها عشان يلوي ذراعي بس طلع ماهو متفقين وانه صحيح مشتكيني الرجال هذا ولما قلت لنائب المدير انا عارفه الاعبيك وعارفه انك تبي تلوي ذراعي لانك تصيديني كل ماجات لك فرصه جن جنون الرجال الي كان مشتكيني وماشفته الاماسك الدكتور ودايسه دوس بين رجليه...
...!
حاول ابتلاع غضبه فلم يفلح..!
فقد سيطرته واحترقت يده من احد الاسياخ...
فخر برعب/بسم الله عليك يبه
اشاربيده بأنه غير عميق

شعر ان صدرة يرتفع وينخفض بغضب مرعب...
ومرعباً جداً...
فخر أبنته..!
أبنت عقاب البندر...!
يتعرض لها رجل..ولاتخبره..
أي عيون وضعتها عمياء في مستشفاها..!
فخر بذعر...\يبه...هد اعصابك...انا قلت لك المشكلة انتهت وانت تعرف ان شغلي هذا اختلاط وان عشرين واحد بيرمون علي كلام بس الي واثق من نفسه ماحد يتعرض له باكثر من كذا..!
عقاب بغضب جامح .\وليش ماقلتي لي ذا الحـكي من زمان وانا حاطك في مكان مديره كله ولد عمك رياش عشان تكونين تحت عيني...!
وبغضب اكبر..\انا بنتـي بنت عقاب البندر يرمون عليها كلام وتسكت ليش ابوك ميت والاماله حساب..!
فخر تقترب منه لتحاول تهدئة ..\يبه بسم الله عليك من الموت ياقلبي انا...يبه السالفة سخيفة مره...تكفى لاتنفعل ماكنت ابي اضايقك في شي سخيف...وبعدين انحلت خلاص..!
عقاب بغضب...\وشلون...!
اردفت..\عقب الرجال هذا الي اقولك داسه بين رجليه على طول فصلوه واكيد هو الي سعى بفصله لنه حلف انه اخر يوم اشوفه في القسم..وصدق بحلفه..ومن ثم عقبه قال لـي انا اعرف ابوك...!

قطب حاجبية..وشعر بوخز في صدره من شي ما شك فيه ليهمس..\قالك اسمه..!
فخر بهدوء\قالي سلمي للي على ابوك وقولي له غتار يسلم عليك...!
شعر بـ أن أبنته قذفت في وجهه كرة نارية ملتهبة..فـ هو لم يستوعب ان يترصد لها قذر حتى تأتيته بـرجل الذي اسمه طامة اخرى
شعر بدنيا كلها تدور..!
أخر ماكان يتوقعه جميل يحمله لأبن بندر..!
همس بعدم تصديق...\غتار...!!!
فخر وهي تقبض على كف والدها ..\اي اسمه غتار...يبه..!


صوته الهازئ اخترق حديثهم /الله يقطع سوالفيك ياغتار ذا نعرفه وحب يمازح ابوك ياشريهانة البندر وهو يحب يسوي اني ابو العريف دايم

فخر بستغراب/عمي رياش سمعت سواليفنا شكلك؟

رياش يحرك مسبحته/كم مرة اقولك ماحبك تناديني عمي كل ذا الصغر وتقولين عمك مابينا الا يمكن خمس سنين وبعدين تعرفين طبعي احب اتسمع الي يتكلمون بصوت واطي

عقاب يقاطع فخر قبل ان تتكلم/امك شكلها تبيك روحي لها

صمتت فخر وهي تبتلع حدة والداها ثم انسحبت

رياش بغضب/جعلك في وسط السيل ياعقاب زوجني شريهان والله ماهو ب ازين لك يطير فيها قناص غيري

عقاب بغضب/ على شحم هروجك دايم كلها مزوح كنها وجهك والاانا عارف انها بحسبة بناتك عندك وبعدين ولدك الخبل ذا وش موصيه على بنتي؟

رياش/وش بلاك انتفخت علي اكيد كنها بنياتي بس تعرفني احب احارشك ادري ضغطك بيضرب عقب ذي السالفة ماصفطتها لعيالي من كبر غلاك عندي تبيني اصفطها لنفسي
من ثم اردف /وولدي مثل ماقلت خبل وفي اجازة ذا اليومين انا ماقلت لك ماهو تكانة وخير ياطير ياغتار مسك حلق الي يرمي حكي على فخر خله يدري ان وراها رجال
عقاب بغضب/ اسكت لااشوي فمك بذا السيخ!!

رياش بمداعبة/ابو ممدوح تشوي براطمي من بيسولف معك عقبها يا الكريه!

القى عقاب نظرة ناريه

رياش/والله مايقدر ذا الغتار يسوي شي ماغير يهوش كذا عشان مثل ماتشوف يوترك وانت لاتعطيه مجال فخر بتوريك فيه خلك طبيعي ان شافك تنوقز حول بنتك منا ومنا ترا بجيب له شي مانتوقعه خلك ولاكن بنتك قالت لك شي

من ثم همس/ ولاتستهين بفخر ترا عقلها اكبر من عقلك خل عنك بس اندفاعك،...وقد قلت لك اترك الداب وشجرته

عقاب بتهكم/ والله ان اقطع راس الداب وانا ابو فخر
رياش بتهكم/الداب مايموت لو قطعو راسه قل افقش راسه

عقاب ضحك بشدة /فقشو راسك ذا ولد نفود يا الخبل

رياش يغمز بخبث/افقشه اقفصه ماحد محتر جوفه غيرك !

عقاب تجاهله وهدأ واخذ يقلب الشواء بصمت ورياش اخذ يسرد عليه قصص له ماضيه مع لصوص تعرضو له
بعدها هدأ تماما وضحك بشدة من اساطير رياش البطولية

.
.
.
بعد العشاء في المزرعه وبقرب من السيارات

عقاب بخبث/وش عندها الرمح ماهي على بعضها؟
عمشاء بعصبية/وش الي ماعندي يوم ترزز قدام البيبيان انت الي وش عندك!

عقاب يمسك يدها/لابعد الرمح تنتفص معناته الضغط عامل عمايله!
عمشا غاضبة/عقاب خل عنك ها السوالف متى تترك ها الطبع الشين فيك وش موقفك مقابل البيبان وانت تشوي؟

عقاب بغضب/عمشاء اتركي ها الخبال ترى ها الكلام مايطلع منك انتي بذات ماخبر عقلك صغير اذا قصدك على البزر الي توايق ف هي لاراحت ولاجت عندي..
عمشاء بستهزاء /ماشاء الله مركز بعد وش عرفك انها بزر وهي كبر الجدار!
عقاب بهدوء مرعب/امسي يا ام فارس وعيني من الله خير ازين لك لاتحطين ها السوالف براسي وانا مستبعدهااا من ركبتي السياره وانتي براسك يدق الف جني ماخبرك كذا
عمشاء/ اجل ياعقاب انا بروح مع السواق قبل افقد اعصابي !


نزلت بسرعه ولم تعطه مجال للرد وركبت مع سائقها تحت رنين هاتفها


غزيل /عمشاء وينك من اليوم ارسل وادق ومافي تغطيه
عمشاء/كنت بعشا عند ال رياش ومافي تغطيه
خير وش عندكم فيكم شي
غزيل /ولد فهاد النشبه فلق راسه وودته لمى وامها بالشت ببيت بعيالهم وامه متنومة فيها زايده والبنت لحالها بمستشفى وانا عندي حمواني عشا وبينامون

عمشاء تتنهد/طيب طيب بروح لها الحين



اغلق عقاب بغضب هاتفه/ ها ضرب معها الضغط السواق يقول بروح مستشفى والمدام تكلم بجوال

فخر وهي التي ركبت بعد مشكلتهم/يبه تكفى هد اعصابك ترا الموضوع مايستاهل زعلكم

عقاب بمحاولة هدوء/بالله عليك يافخر تشوفين ان الي سوته امك معقول انا نفسي مستغربها
فخر بضحك/امي كل شي تلاعب عنده الاحضرت جنابك اذا الشي لك علاقه فيه تقلب ام فارس ماهي بذيك الي نخبرها

زفر بعد كلام فخر من ثم ابتسم بخبث/وش رايك يافخر ابوك!

فخر كادت عينيها تظهر /وشووووو

غرق بضحك/اقول يعني وش رايك نلحق امك يمكن لاحبيت راسها زان ضغطها

ابتسمت/اي ياابو فارس كذا الجنتل مان خلك كءا احثن للجميع والامور تستتب


.
.
.
نقف هنا
.
.
.
همسة محبة/ ظهر العري وقل الاحتشام ورائحة الجنه تشتم من المحشر لاتحرمو انفسكم رائحتها من اجل قطعة قماش
.
.
.
نلتقي ان شاء الله السبت القادم
.
.
.

ضمضم يسسسعد صباحك بكل خيييير يالغاليييييه😘يسسسعدك ربي لي عوده للتعليق بعد القراءه🌹🌸