طلع عمر من البيت فصخ غتره خله القحفيه ع راسه
وصل عند البحر
نزل من السياره

عمر : ياربي شلون بتكون حياتي معااج

عمر رجع البيت ع الفير وهو تعباان من كثر التفكير
دخل البيت شافه صخه

مر صوب غرفة ساره شاف الباب مردود
عمر : ساره .,!
ساره كانت تكلم سعود تخرعت
ساره تبلع ريجها : هلا عمر
عمر : شتسوين قاعده هالحزه
ساره : ولا شي متملله قاعده ع المسن اكلم ربعي
عمر : ربعج ماعندهم مدرسه
ساره : امبلا
ساره صكت اللاب
ساره : عمر ., شفييك
عمر : تعباان ابي اناام
ساره : قوم روح غرفتك
عمر : الحين برووح

عمر ماقدر يرقد

راح يتوضى ويصلي
ورجع بعد ماقدر يرقد


في غرفة شوق

شوق قعدت ع السرير وهي متضايقه
شافت صورت راشد
شوق : ياربي اللي اسويه صح << مب غبيه تقهر
شوق : شلون بتكون حياتي بدونك

كيف اتخيل حياتي اتصير من دونك
وكل ما ابعدت عنك احبك اكثر !!!

راشد من جهه ثانيه كان متعذب يصيح من قلبه يعني تخيلو ريال يصيييح ولله يعور القلب << صج سخيفه شووق

راشد :

احاول انساك لكن صعب نسيانك
كانك تدل درب السهو دلني
ياللى تعلمت كيف ابكي على شانك
كن البكا من عرفتك شغلته عيني !!


اليوم الثاني

الساعه عشر الصبح

ساره تقوم بصعووبه

المس : قومي بسج رقااد
ساره : اووووف
المس : انتي ياييه تدرسين ولا ترقديين
ساره : اوووووووووووف
المس : وانتي كل ماقلت لج شي قلتي اووف

دانه : مس الجرس طق وقت البريك الحيين
المس : يلا طلعو
دانه تروح عند ساره
دانه :شبلاج
ساره : تعباانه
في البريك
دانه قعدت مع ساره ع الارض ساره قطت راسها ع حظن دانه ورقدت دانه تلعب في شعر ساره

عقب ساعه

دانه : ساروه قومي خلص البريك
ساره : اووف مابي خليني انااام
دانه : سااره قوومي
ساره نقزت و صرخت : انتي شفييج
دانه تخرعت : مافيني شي بس خلص البريك
ساره : ويعني
دانه تبلع ريجها : ريلي تعورني انتي من سااعه راقد ع ريلي
ساره :اووووووووف انا برقد ف المسيد نهاية الدوام تعالي قوميني
دانه : انشاء الله
دانه تقوم راحت كلاسها بسرعه
ساره : خخخخخ تخاف مني

منيره تتقلب ع السرير
منيره : اوووووف خل ارقد ماعندي شي

عقب ساعه حاولت تنام بس ماقدرت

طرشت مسج حق عمر

غرامك بس يكفينى
غرامك شربي وزادى
ياساكن قلبى وعيني
غرامك كان ميلادي
ولو الغربه بتكويني
عيونك دايم بلادى


عمر ف المكتب حاطه ع الصامت عند اجتمااع << يحليله

منيره استغربت العاده ماتمر ثواني الا يتصل او يطرش مسج
راحت تسبح غيرت ملابسها ونزلت تتريق
منيره : الووووو
اليده : الوووووووو
منيره : شخبارج يدوه
اليده تمام انتي وينج ماتبينين
منيره : يدووه كنت مسافر
اليده : انتي من ليش متصله
منيره تضضحك : يدوه انا منيره
اليده : ويعه منور خرعتيني
منيره : ههههههههههه يدوه بمر عندج معليه
اليده : الله يسلمج << شدخل
منيره : يدوه بجي عندج
اليده : ياتج البركه حياج مع السلامه
منيره : هههههههههههههههههههههههههههههههههه
منيره : شفيها يدووه

اليده مخرفه شوي خبركم عمرها وهالسوالف

منيره خلال اسبوعين تبي تكلم ساره كله يقولون لها ساره راقده ساره مشغوله منيره استغربت
عقب اسبوعيين الكل كان مستانس لان راشد خطب مريم
خطوبتهم كانت ف فندق الماريوت

البنات كشخوا وتعدلو

منيره لبست فستان اسود ناعم مثل الممثله هيلاري سوانك

والقاعه كلها ورديه

شوي ودخل راشد لبسها الخاتم والشبكه صور معاها
منيره وصلها مسج من عمر

حبيبتي تعالي برع انطرج

منيره طلعت من القاعه شافت عمر
منيره : عمر .,
عمر : هلا حبيبتي شلونج
منيره : الحمدلله وانت
عمر : بخيير
منيره : شجايبك .,؟!
عمر : انا الي يايب الحبيب رشود
منيره : اهاا
عمر : ابي اشوف كشختج
منيره : موبي
عمر : ليش
منيره : بس .. انا بروح الحيين
عمر مسكها : مافي
منيره : هد يدي والله بصارخ
عمر يقرب منها : اتحدااج
منيره تطالعه بخووف : ــــــــــــ
عمر : يلا صرخي
منيره : عمر لاتسوي جي
عمر يقربها منه: شفيج
منيره : هدني لاتخلي احد يشوفنا جي
عمر : عادي خطيبتي
منيره : عادي ف عينك احنا ماتزوجنا لين الحين حتى لو تزوجنا مب عدله
عمر : مب هادج شبتسوين
منيره نزلت راسها
عمر خاف لاتزعل
عمر هد يدها
منيره : كاااااااااااك صدق
عمر : ايا بنت الذين
منيره : ههههههههههههههههه
عمر : براويج
منيره :باي باي

عقب الخطوبه باسبوعيين
ساره اهملت دراستها واهملت نفسها وكله ع المسن مع سعود


منيره ف بيتهم قاعده تشوف فستان العرس
نايف : شفيج .,؟!
منيره : متوتره
نايف: والله بتوحشيني يا السباله البيت بيتم فاضي
منيره تبتسم : والله انت بعد

يوم العرس

ف الريتز

خلصوا الكوشه منيره راحت تشوفها طلعت رووعه
جاتها وحده حق الشعر

سوت لها تسريحه حلوه وناعمه مع تاج وطرحة وحطت لها الميك اب
في القاعه

في شاشتين
ينقلون عرس الريايل والحريم استخفوا ع هالحركه

عند الباب

منيره : شوقاني خايفه
شوقاني : مابياكلونج الناس
منيره : ربعي هني
شوقاني: كلهم
منيره : اخاف اطيح ولا يصير شي فضييحه
شوقاني : هههههههههههه

انفتح الباب
ودخلت منيره ع زفه رووعه كاتبينها علشانها فيها اسمها واسم عمر
منيره مبين عليها خايفه
ام محمد : لاتخافين
منيره لمت خالتها وخالتها صاحت
قعدت ع الكرسي والكل جا يبارك لها

عقب ساعه
الحريم تغطو


منيره : فضييييحه
شوقاني : هههههههههههه

ام محمد غطت منيره
دخلو شباب العايله الكريمه
استنزلو شوي ورزفوا عقب محمد سوا لهم كش برع
عمر واقف عدال منيره بس طلع راشد شلو عنها الغطى
قرب منها عمر رفع الطرحه وباسها ع يبهتها
عمر : الف مبرووك حبيبتي
منيره : الله يبارك فيك
نايف: الف مبرووك حياتي
منيره تلم اخوها : فديتك نيوف والله بتوحشني
نايف: الف مبروك ولد عمي عاد ماوصيك ع اختي اختي امانه ف رقبتك
عمر : لاتوصيني عليها ., منيره بعيوني
بو محمد :هالله هالله في بنتي
عمر : لاتوصيني ياعمي
بومحمد : الف مبروك يابنتي
منيره : الله يبارك فيك عمي
بو راشد : مبرووك يا بنتي
منيره : يبارك فيك
بو راشد : عمر حطها ف عيونك لاتزعلها
عمر : ماقدر اصلاً ازعلها ., احد يزعل حياته
منيره اوبيه هاي شيقول :ــــــــــ
طلعوا الريايل وقعدوا شوي وتصورا
عمر : يلا انرووح
منيره : يلا
وصلوهم لين الغرفه
ام محمد دخلت وامه
ام محمد : ماوصيك ع بنتي حطها ف عيونك لاطلع لك عيونك
منيره : هههههههههه
عمر : يه شفيكم كلكم علي والله مابزعلها وصوها علي مب بس انا توصني عليها
منيره : هههههههههه
ام راشد : هالله هالله ف البنيه
عمر : حتى انتي يما
ام راشد : هههه اي حتى انا
عمر يبوس امه ع راسها
طلعو عنهم وصورتهم المصور شوي عقب طلعت

منيره واقفه حذا الدريشه
عمر : اشفيها حبيبتي
منيره مستحيه : ولا شي
قعدت ع السرير وهي تلعب ف الورد
عمر يستهبل : توه للسانج شطوول من كم شهر وينه
منيره : هههههههههه
عمر : ماتبين تغيرين ملابسج
منيره : ياريت
عمر : يلا قومي
حطت الباقه ع السرير وشلت الطرحه والتاج بشويش علشان لايخترب شعرها

دخلت الحمام فصخت فستانها

ولبست قميص نوم سكري ناعم حيل مع الروب ماله . الروب حرير
عدلت شكلها وتعطرت وطلعت قعدت ع الكرسي

عمر بدل لبس بجامه سكريه

عمر : اشفينا على السكري
منيره : هههه مادري
عمر : تبين عشا
منيره : مادري كيفك
عمر يقرب منها : صج عااد
منيره خافت : شفيك عمر لاتسوي جي
عمر : هههه ليش تخافين
منيره شوي وتصيح : عمر
عمر يمسك يدها : عيونه
منيره : لاتسوي جي اخاف
عمر : انشاء الله
منيره تلعب في شعره
عمر : عاجبج
منيره : اي واايد
عمر : بس شعري
منيره : لا كل شي فيك عاجبني
عمر : فديتج والله


الصبح فتحت عيونها بكسل
التفت الصوب الثاني شافت عمر نايم
منيره حست بخجل من الي صار امس
قامت تتغسل وتعطرت عدلت شكلها
خذت الروب مالها ولبسته
منيره تقعد ع طرف السرير
منيره : عمر عمر
عمر : خليني اناام
منيره : عمر حبيبي قووم
عمر يسمعها وهو مستانس
منيره : فديته نايم بخليه يرتاح شوي
اول ماقامت مسكها عمر قعدها ع السرير
عمر : قعدي قري مكانج
منيره : ههههه انزين
شوي وحسته رقد مره ثانيه
قامت راحت عند الستاره تشوف السما
شوي والي ينط لها
عمر يلمها : ماقلت لج قعدي
منيره تحط يدها ع صدره : شفتك رقدت
عمر يحط يده على يدها : لا مارقدت
منيره تبتسم له



في بيت بوخليفه

بوخليفه : متى العرس
خليفه : مادري
راشد حس بصدمه
كيف اتخيل حياتي اتصير من دونك
وكل ما ابعدت عنك احبك اكثر !!!

بس تعبت وانا اكتب لكم

نهاية الجزء

الجزء (17) .,!



في بيت بوخليفه

بوخليفه : متى العرس
خليفه : مادري
راشد حس بصدمه
كيف اتخيل حياتي اتصير من دونك
وكل ما ابعدت عنك احبك اكثر !!!

بوخليفه : روح لها اليوم وقعد معاها شوف متى تبون العرس
خليفه : يصير خييير


في بيت ساره

ҚѐѝŦ ..ДђβēҚ : سوسو علشان خاطري عاااااد
ŠỞšổ : لالا ماقدر
ҚѐѝŦ ..ДђβēҚ : انزين خلاص بس لو وحده ياتني وكلمتني لاتزعلين
ŠỞšổ : لا والله
ҚѐѝŦ ..ДђβēҚ : اي كيفج
ŠỞšổ : انزين ابي افكر شوي
ҚѐѝŦ ..ДђβēҚ :فكري براحتج
ŠỞšổ : اوكي
ŠỞšổ: : انا بطلع الحيين
ҚѐѝŦ ..ДђβēҚ : اوكي ., بس لاتنسيييييييين الموضوع
ŠỞšổ : اوكي بااي
ҚѐѝŦ ..ДђβēҚ :باي




صكت اللاب وحست بضييق




في بيت شوق

بو جاسم : شوق
شوق مندمجه في الفليم وهي تاكل البوب كورن : نعم يبا
بوجاسم : اليوم خطيبج بيي البيت
شوق غصت وطاح قوطي البوب كورن
شوق: كححححححح احححممم احححححححح
بوجاسم : اشفيييج
مها : ههههههههههههه
شوق انقلب ويها صار احمر من الكحه
مها : ههههههههه اشفييييج .,؟!!
شوق : غصيييت
مها : هاج شربي الماي
بوجاسم : شوق ولد عمج بيي اليوم
شوق يعلك المرض يا خلووف : انزين
مها : روحي لبسي
شوق : مهوي سكتي مايخصج وليش البس من الظهر قالو لج خبله
مها : يبا شوقوه ماتبي تلبس
شوق شوي وتصيح : مهوي سكتي
مها :ههههههههههه
شوق : اووووووووف

شوق صكت باب غرفتها

شوق : اوووووووووووف ياربي
شوق تشوف الصوره
شوق : راشد محتاجتلك .,



في غرفة راشد

راشد قاعد ف الظلام


أفرض اني في يوم خطيت تجازيني اب هجر تهجرني
مثل ما الماء يهجر للشجر مثل ما الناس تفرقهى الزمن

أفرض اني لو منك شكيت تجازيني اب قدر ييركني
مثل الصحراء بليا مطر مثل عاشق ضايع في الزمن

أفرض اني بحبك رضيت تجملت اب صبر تجرحني
بعد ما الحب في قلبي كبر بعد ما الروح لفراقك تحن

راشد يصيح : ليش يا شووووووووووق لييش تركتيني
امه تدخل الغرفه

امه : رااشد
راشد صد ع طوول : نعم يما
امه : ليش قاعد ف الظلام
راشد : يما انا مرتااح جي
امه : حرام علييك يا ولدي لاتسوي ف نفسك جي والله قطعت قلبي
راشد : يما انا مرتااح جي ولو بتعدين هالكلام مره ثانيه اقولج من الجين لاتقولينه ارتااحي يما انا بتم جي ع طوول
امه تصييح : بس ياولدي
راشد : يمااا خلااااااص
امه طلعت من الغرفه

خليفه : يما شفيييج .,؟!
امه : اخووك بيضيع من يدي
خليفه : ليش اشفييه
امه : يعني انت ماتشوف حالته
خليفه : امبلا يماا بس لاتعورين قلبج انا بروح له


في فندق الرتز

عمر : اكلي .,
منيره : الحمدلله شبعت
عمر : يلا اكلي علشاني
منيره : بس هاي اخر لقمه
عمر : ههه انزين يلا اكلي
منيره : عمر
عمر : لبيييه
منيره : متى الطياره
عمر : الساعه 7
منيره : بنروح استراليا و ماليزيا
عمر : اي
منيره : شكثر بنقعد
عمر : ليش تسأليين
منيره : لا بس اسال
عمر : اسبوعين ف ماليزيا واسبوعين ف استراليا واذا حبيتي نقعد زياده بنقعد
منيره : لالا كفايه شهر ., انا برووح اسبح الحين
عمر : انزين لاتتأخريين
منيره : امممم اوكي

دخلت منيره تسبح وغيرت ملابسها
منيره لبست بلوزه ورديه ستان لها ربطه صوب البطن مع بدي اسود وبنطلون اسود
عمر يغني ف الغرفه

منيره تسمعه : ياربي صوته رووعه

على شانج كتبت لعمري قصيدة حب تعيش كل يوم في ايدينج
على شانج ابيع الروح واشوف الناس تحسدني لي تلاقت عيني
اب عينج لاكن الحب فينا كبر فينا كبر فينا كبر
ما تدري الناس ما تدري الناس ما تدري الناس
منيره : الله صوتك حلو
عمر انصدم : من وين طلعتي
منيره : هههههه يلا كمل
عمر : لالا مابي
منيره : الله يخلييك

عمر مسك يدها :
على شانج كتبت لعمري قصيدة حب تعيش كل يوم في ايدينج
على شانج ابيع الروح واشوف الناس تحسدني لي تلاقت عيني اب عينج
لاكن الحب فينا كبر فينا كبر فينا كبر
ما تدري الناس ما تدري الناس ما تدري الناس
ما يدرووووووووووون يدروووووووووووووووون
شكثر في اليوف شكثر حبج
شكثر في اليوف شكثر حبج
حبج حبج كل يوم يكبر كل يوم يكبر
ما يدروووووووووووووووون يدرووووووووووون
شكثر في اليوف شكثر حبج
شكثر في اليوف شكثر حبج
حبج حبج كل يوم يكبر
على شانج كتبت لعمري قصديت حب تعيش كل يوم بيدينج
على شانج ابيع الروح واشوف الناس تحسدني لي تلاقت عيني اب عينج
لاكن الحب فينا كبر الحب فينا كبر الحب فينا كبر
ما تدري الناس ما تدري الناس

منيره : صوتك روووووعه
عمر : لا تعيبين
منيره : والله حلوو
عمر : عيني ف عيينج
منيره : ههههههههههه
عمر : يا الجذابه
عمر يهد يدها ويقعد ع الكرسي اونه زعلان
منيره : ههههههه اونك زعلان
عمر صاد عنها
منيره خلته وقعدت تحط الميك اب
حطت البودره دمجت للون الوردي مع الاسود حق الشدو
ورسمت عيونها بالكحل وحطت لها مسكرا وبلشر وردي
وروج وردي وفوقه قلوس سشورت شعرها الخصل القصيره ع برع والباقي خلته سيده وحطت لها ورده صغيره ع صوب ولبست دبلتها وتعطرت بعطرها

منيره التفت : عمر .,!! لين الحين قاعد
عمر اونه زعلان
منيره حست ان صج زعلان
منيره تقعد عنده : عمر .,!
عمر صاد عنها
منيره تلف راسه صوبها : عمر
عمر : شنو
منيره : لاتزعل ., والله انا ماجذب والله صوتك حلو
عمر يبي يضحك : صج .,!
منيره : صج ., يلا قووم بدل بنتأخر
عمر : مب للازم نروح
منيره تجره من يده : يلا عاااد
عمر : شفيييج مطيوره
منيره تهد يده : مطيووره هاا .,!
منيره : خللك مب للازم انرووح
عمر : الحين دورج مره انا ومره انتي
منيره : هههههههههههههههه
عمر : يلا حبيبتي انا برووح اسبح
منيره : بجهز لك اغراضك
عمر يبوس يدها : فديتج .,الله لايخليني منج


خليفه مر صوب الفردان ياخذ شي حق شوق

خذا لها ساعه حمرا مرصعه بالالمااس
ودها يغلفونها وحطها مع باقة ورد حمرا


شوق قاعده ف الغرفه
تدور الدبله لانها حاذفتها


مها : يلا البسي
شوق : اوووووووف سكتي عني
مها : يلا ترا خليفه تحت
شوق : شنو هاي شيبي راز ويهه هالحززه
مها : هههههههههههه شوق انطمي هاي بيصير ريلج
شوق : طلعي برع
مها : بطلع بس عندج دقيقتين عشان تلبسين
شوق لبست بنطلون اسود كلاسيكي مع بلوزه بيضه وفوق البلوزه حزام اسود وربطت وربطت شعرها كله لفوق حطت قلوس ومسكرا وكحل لبست ساعاتها

نزلت تحت
جاسم : يحليلج كبرتي وصرتي عروس
شوق : اووووف جسوم اسكت عني
جاسم : شفييييج
شوق : ولاشي راسي يعورني وهاي ملقى ايي الا اليوم
جاسم يرفع لها حاجب: مب هاي الي انتي تبينه
شوق تنزل راسها
جاسم : اشفييج شوق ليكون ابوي اغصبج ع الزواج
شوق : هااا
جاسم : انا كنت حااس
شوق : لا شدخلل بس بس
جاسم : وانتي شلون وافقتي ع واحد ماتبينه
شوق : عشان مصلحت العايله
جاسم صرخ : طز في العايله ومصلحتها انتي تضحين بنفسج عشان العايله والله حالنا كان احسن لما كنا بعاد عنهم
مها : جاسم مب وقته الريال برع
جاسم : سمعي الحين بتروحين له بس بعدين لي كلام ثاني معاج
شوق وقفت عند باب الميلس ريلها ترجف مب قادره تشيلها
فتحت الباب ودخلت
شوق : السلام عليكم
خليفه : وعليكم السلام