كاتب الموضوع :
متمللة
المنتدى :
القصص المكتمله من وحي قلم الاعضاء
رد: انتماءات كاذبة
" البارت التاسع والعشرين
- في مجتمعــي آلعيب أهم من آلحـــرام ,
بعـــد مرور أسبوعين على أحداث التشابتر السابق /
في سيــارته وهو يسوق بضيق نطق بقرف : الله يلعن الزحمه وأهلها .. تقول اهل الرياض ماعندهم بيوت كلهم بالشوارع !
لؤي : ههههههههههه روق يخي تراك بالشارع معهم ..
فراس بقرف : الله يلعني بعد انا .. زين ؟!!
لؤي : رمضـان مابقى عليه الا اسبوع خل منك اللعن .. إلا انت متى ناوي تروح الكويت لك اسبوعين تأجل
فراس : ماتضبط معي .. كل ماحجزت يطري علي شغل واكنسل واللحين بدر بيرجع بكرة مايمدي شكل اول ماتخلص عزيمته بطــير .. سمعت انك المتكفل بعزيمتهم ؟!
لؤي : ايه هذا انا بطريقي للمصلخ اتفاهم معهم .. وبخلص ثم باخذ امي تبي القاعة والمنسق وخرابيط واجد
فراس : غريبة عليك متطوع ! كان تركتها للحريم
لؤي بضيق : خل اشغل نفسي .. وش لقيت من الفضاوه ..
فراس : ايه احسن لك .. " ضرب البوري باقوى ماعنده " يلعن شكلك بعد
لؤي : اعوذ بالله كم لعنت انت من مره للحين .؟! عادي ترا معروفة الرياض وزحمتها
فراس : يخي انا من الله اكره السواقة .. باخذ لي سواق قريب
لؤي : ليه سواقك وين .؟! اخبرك اصلن على طول مع سواويق
فراس : استقال .. وانا قلت خلاص معد له لزوم بس عقب ذالوضع له لزومين بعد
لؤي : ههههههههههههههههههه الله يعينك على مابلاك
سكــر فراس السماعة واخــلاقه بخشمه من وضع الزحمه والطريق اللي مو راضي يمــشي ..
فـي طريق آخر ..:-
على عكس الأعصاب المتوترة .. هنا اعصاب باردة رغم الزحمة اكتفى بتشغيل اغنية بالراديو لترويق مزاجه حتى ينفك الطريق .. دق جـواله " نهى " حاس بفمه بإنزعاج ورد : هلا
نهى : هـــاي .. كيفك نانو ؟ وكيفه زيزو ؟
نايف : كلنا حمد الله ..
نهى : راح اتــأكد اذا انتو بخير بجد ولا لا ..
نايف عقد حواجبه مافهم ..: كلامي مب أكيد يعني ؟!
نهى : هئـــه .. مو اكيد , لأني جالسة اسمع بلبله من كل مكان , هذا وانا برا السعودية ..
نايف بنرفزة : وانا وش علاقتي بإيش تسمعين ؟!
نهى : لأني اسمـع كلام عنك .. وعن المدام
نايف : والمطـلوب مني اللحين ؟!
نهى : شفيك بس أقـــولك ..
نايف : تكلمي بوضوح ولا لاتقولي لي شي ..
نهى تنهدت : مافيه .. بس انا راجعه بعد يومين ومامتك عزمتني على عزيمة ميهـاف وزوجها
نايف اندهش من المعلـومة .. نطق بسخرية : امي عازمتك .؟! ليش من متى هي تطيقك عشان تعزمك ؟
نهى : منت مصدق اسألها .. بس انا اعرفها امك يهمها الشكليات وتبي توضح للناس ان الوضع عادي
نايف ضغط على جواله : مالي علاقة بكل الأحـوال .. فتفاهمي مع امي
سكر السمـــاعة وهو يضغط مباشرة على رقم امه .. جاه ردها : هلا نايف بوقتك تو بدق عليك
نايف : شـنو ؟
ام نايف : انا مشغوله اللحين بطلع مع لؤي نكمل تجهيزات العزيمة وخبرك .. تعال خذ يزيد وفهود ماعندهم احد
نايف : ماشي ماشي .. بس وش سالفة عزيمة نهى ! من جدك عازمتها ؟
ام نايف : انت تعرف اني اعز امها .. ومايصلح اعزم امها وما اعزمها فقلت تجي مافيها شي خلاص دام انت تزوجت وكلن مشى بحياته وابتسام صارت تدري عنها
نايف : تدري عنها شي وتقابلها شي ثاني !
ام نايف : شفيها ما تقابلها ...؟! ضراير هن .. ؟
نايف : والله انتي بتحطيني في وجع راسي مالي فيه .. ! ومحد ماكلها غيري
ام نايف : خل مني خرابيطك وتعال خذ فهود ويزيد بسرعه انا بطلع
سكر نايف السمـاعة ومزاجه قفل .. ماصدق ان ابتسام هالفترة ماشيه معه تجي نهى كأنه وقتها !
عـــند إبتسـام : -
بالحديــقة هي وغادة ... وغادة تحتسي شاهيها بصمت معتاد منها كل هالفترة .. وتراقب رنيم اللي تلعب قدامها ..
ابتسام قالت بحماس تبي تغير جوها : شرايك نطلع نتغدا برا .؟
غادة : لا مالي خلق ..
ابتسام طالعت شعرها اللي رابطته بعشوائية وجالس معها بالكرسي : طيب نروح صالون .. نغير قصة شعرك ؟!
غادة : مافيه داعي اتركيه بحاله
ابتسام : غـادة وش هالإحباط .؟! لك اسبوعين على هالحــال مافيه شي يفتح نفسك
غادة بضيق وهي تحضن كاس شاهيها بيدينها : إبتســام .. ابي اقولك من أول بس مو عارفة كيف
ابتسـام : قولي
غادة بغصة : بما اني تطلقت خلاص .. معناها وضعي مو مؤقت , مابي اضل عايشة هنا معاكم ابي شقة صغيره لي
ابتسام : ليش غادة مضايقتك العيشه هنا .؟!
غادة : مو كذا ... بس انتو محتاجين خصوصية و .. وبالمستقبل اذا جاكم عيال راح يصير وجودي هنا مزعج .. عاجلا ام اجلا راح اطلع لحالي فانا اقول من اللحين ..
ابتسام : مو محتاجين خصوصية ولا شي ! شوفة عينك لو انتي مو عندي فنص يومي طفشانه وفاضيه .. نايف نادر يجلس بالبيت .... تفي هالموضوع من فمك انتي بتضلين عندي انا ابيك
غادة سكتت وهي تحس بخيبـــة : ...................
ابتسام تنهدت : غــادة اقولك سر بيخليك تغيري مزاجك هذا كله ؟!
غادة : سر شنو ؟
ابتسام ابتسمت وقالت بهمس : انا حـامل
غادة رفعت عينها من الارض وهي تبتسم لأول مرة بقلب : بجد ؟!
ابتسام : ايه .. يمكن اللحين بالشهر الثاني اتوقع
غادة : الف مبروك تستاهلين بجد .. ايش سوا نايف لما عرف ؟
ابتسام : لا للحين مايدري
غادة عقدت حواجبها : معقـــولة ! ليش ماخبرتيه ؟
ابتسام : هالفترة انشغلت وماحصل لنا وقت و ...........
قاطع كلامها نظرة غـادة اللي رجعت تحبط : مو قلت لك محتاجين خصوصية ..
ابتسام : لا لا مو منك ! من اول ترا عارفه من قبل ترجعي ولا قدرت ..
غادة : لا تجامليني ابتسام .. انا ماني بزر فاهمه فتكفين باقرب فرصة انا محتاجة اطلع من هنا
ابتسام تنهدت : اسمعـيني .. حتى لو صح مراح تطلعين من عندي لحد ما انا اقول هالفترة مقدر اتركك تطلعي لشقه لحالك ..
غادة سكتت دون تـرد : .........................
ابتسام استعملت آخر خدعها : غـدو .. بعد بكرة فيه حفلة كبيرة بمناسبة رجعت ميهاف اخت نايف من شهر العسل !! تروحي معاي ؟
غادة اشتعلت عيونها حماس لوهله .. لكن استوعبت مباشرة وقالت : لا مستحيل ما اتوقع حتى هم يبغوني عقب الكلام وال. ..
ابتسام قاطعتها : حكي فاضي .. صدقيني البنات كلهم سألو عنك كثير ومشتاقين لك .. وصدقيني لو اروح اليوم دونك بيسألون عنك
غادة بتردد : مدري ... " تنهدت " مو عارفه نظرتهم لي
ابتسام : وين غـدو اللي اعرفها .؟! واثقة ومايهمها كلام احد ... على خبري بهالمواقف كنتي بتكشخي احسن كشخة وتروحي تقهريهم
غادة : شدعوه اقهرهم .. ماعندي شي اقهرهم فيه اساسا .. لا دراسة ولا حتى حياة
ابتسام باحباط : وبعدين غـــادة ..؟ لمتى يعني هالحالة
سمعـوا صوت الباب ينفتح .. وقفت غادة وهي تراقب رنيم : انتبهي لها لحد ماتخلص لعب .. انا داخله لجوا
سحبت رجلها لداخل وهي تسكر على نفسها بغرفتها ... وتجلس بصمت تنهدت بضيق من عقب هيثم وهي تحس داخلها حره قهر .. تبي تفرغها ومو عارفه كيف .؟! تبي تطلع من هالجـو ومو عارفه كيف .... حفله ! مو فكرة سيئة بس خوفي تنقلب عكسية ..
عـند ابتسـام : -
عقـدت حواجبها وهي تسمع صـوت اطفال .. وقفت وهي تمشي ناحيتهم وتشوف يزيد فوق كتوف نايف رافعه وفهود وراهم : هلا والله بالضيوف الحلوين
نايف وقف عندها وهو ينزل نفسه : هههههههههههههههههههه خذيه
سحبت يزيد من كتوفه حتى حطته على الأرض ... وقف يزيد وفهود يطالعون الطفلة الجميلة باللبس الصيفي وعيونها الرمادية وتلعب بالارض ... فهد : من هذي ؟
ابتسام : هذي بنوته حلوه جايه تلعب معكم .. روحوا العبوا معها
انطـلقوا ناحيتها يلعبون معها .. نايف : فينها غادة اجل ؟
ابتسام : كانت معاي بس لما جيت دخلت ..
نايف : للحين مكـــتمه ؟
ابتسام : الله يعينها اللي جاها مو سهل .. هيثم ماتوقعته بيسوي فيها كل هذا للحين جسمها متشوه جروح
هز نايف راسه : حتى انا ماتوقعت اخوك كذا .. توقعته دكتور تفكيره راقي شوي
ابتسام : اقول نايف .. عزيمة ميهاف تتوقع بيتضايقون لو تجي غادة معي .؟! احسها مكتئبة مره بس لما تكلمت عن العزيمة تحمست شوي ... ابي اطلعها من كئابتها
نايف : ايه جيبيها عادي .. عزيمتهم هذي كل من هب ودب فيها ماراح توقف عليها
ابتسام : عساها تقتنع .. اللحين رافضه بس بقنعها ان شاء الله
نايف : امي اليوم مشغوله بتجهيزات العزيمة وما ادري ايش .. ففهود ويزيد بيضلون عندنا
ابتسام : حيـاهم الله " التفتت لهم وهم يلعبون مع رنيم " ههههههههههه كأن ولدك جازت له المزه
نايف رفع حواجبه : طالع لأبوه مايجيب راسه الا بنات مشعل
ابتسام رفعت حواجبها : من اللحين ماراح نزوجه ترا .. كافينا واحد من الشمري
نايف : افااا .. تقطعين نصيبهم كذا
ابتسام : ههههههههههههههههه ايه نقطعه مو مشكله .. مو محصله سبب عشان نوافق على ولدك !
حاوطها نايف من خصرها وهو يسحبها له : تعالي معاي فوق واعطيك مليون سبب توافقين
انتبهت ابتسام لنظرات يزيد لهم .. همست بإذنه : نايف ابعد مو وقته .. يزيد يطالع
نايف رفع حواجبه وهو يبوسها .. ثم نطق : خل يطـالع .. مو ناقص انحرم من زوجتي كل ماصار قدامي " ابتسم " خل يتعود من اللحين
وردت خـدودها وهي تضربه بصدره بخفه تحاول تفلت منه : ههههه بس برضو بزران فضحتنا خلاص
نايف طالع ناحيتهم : ههههههه يالييييل .. اقول فهود بشويش على عيونك لاتطلع من مكانها
فهد ويده على خصره بنبره طفولية : انت تسوي عيب قدام الدادا
نايف : انت دادا .!
فهد وهو يأشر لرنيم : هذي دادا
نايف : ههههههههههههههه الخوف من عيونك انت مو من رنيم
ابتسام قبصت يده حتى افلتها : مو حق تربية انت نهائي .. عيب بجد
زفر نايف لما ابعدت منه وهو ياشر ليزيد وفهد : اقول قومو اركبو السيارة برجعكم لاهلي
يزيد بحمق : مااااانبغغغى
فهد بحماس : ناخذ الدادا معنا .؟!
سحبتها ابتسام وهي تشيلها : لا الدادا تجلس عند امها .. وانتو تعالو داخل نلعب لعبه حلوه .؟!
فهد قفز بحماس : يااااااااااااااااي
بينما يزيد مشى معهم عادي .. لأنه مو متحمس يلعب مع هالمرأة بالذات ..
***
اسـماء : -
نزلت مجبرة بعد اصرار امها تجلس معـهم .. ام فراس : سلامات يالهانم معد تجلسين معنا !
اسماء وهي تتربع : مو عارفه .. مالي خلق
ام فراس : مالك خلقنا هاه .؟!
اسماء : لا ماما مو كذا ... بس " تنهدت بضيق " ابي اجلس لحالي شوي ..
ام فراس : المهم بعد بكرة عزيمة اخـوك .. وبيوصل بكرة
اسماء كبست بعيونها : اخوي مين .؟! " كملت بحماس "بدددر !!
ام فراس ابتسمت : كنت عارفه محد مطلعك من هالكئابة الا هالخبر .. ايه بدر جاي
اسماء : اخييييرا مابغى ..
ام فراس : هجل انبسطي وخلي مني التكشير والتعبس !
اسماء وهي تحاول تتناسى اللي شاغل بالها : ........ ان شاء الله
ام فراس تنهدت : ابي اكلم ابتسام اعزمها .. بس مو عارفه وش اقولها
اسماء عقدت حواجبها : وش وشتقولين لها ..؟ سلمي واعزميها
ام فراس : مو عارفه كيف اتكلم معها عقب اختها ..
اسماء بتناحه : اختها .؟! من اختها ماعندها الا غادة ومنحاشه
ام فراس : هذي فايدة غرفتك ... اختها حصلوها لها نص شهر يمكن
اسماء : هااااااااااه !!
ام فراس : ايييه .. حصلها نايف ورجعت لأهلها وتطلقت والحاله حاله ..
اسماء كبست بعيونها " قبل نص شهر .؟! يعني فترة لما قالي هالكلام ! " تكسر قلبها مليون كسرة .. كان مكتئب وقتها عشان اخته .؟ وانا جالسة ازعجه .... بس حتى ولو مايحق له يقولي رخيصة ! كملت لامها : كلمي ابتسام .. وخليك طبيعية وقولي شخبار اختك بعد .؟! حرام عليكم خلو البنت تحس انها تقدر تكمل حياتها يكفيها اللي جاها
ام فراس : ظنك .؟!
اسماء باصرار : ايه ايه .. شلون يعني تتطلق خلاص تكبتونها خل تجي العزيمة وتوسع صدرها
ام فراس فتحت جوالها : اجل بكلمها اللحين اخلص ..
وقفت اسماء وهي تصعد لغرفتها .. ونفسيتها ارتفعت شوي , راح اسامحك عشانك معصب بس ماراح اسامحك كليا بوريك من الرخيصــــة ..!!
***
ســارا :-
مشـت بثقل ناحية المطبـخ .. تعيش هالفترة شهورها الأخيرة , فتحت الثلاجة ونطقت بضيق : صوفي ! اين الإناء الذي وضعته هنا ...؟!!!
صوفي : ابحثي عندك ستجديه
سارا : لا أجده صوفي .. لا اعلم لماذا لايبقى شي في مكانه هنا !!
دخل جاكسون المطبخ : هذا مذهل ! اخيرا سمعنـــا صوتك .. فعليا مرت 8 ساعات حتى هذه اللحظه لم تتكلمي فيها
سارا ارمقته بنظرة ورجعت تبحث عن غرضها .. وجدته بعد فترة في مكان مختلف : هاهو .. رجاء صوفي عندما اضع شي بمكان لا اريد من احد ان يغير مكـــانه
صوفي : ربما ازاحته الخادمة قليلا عن مكانه اثناء عملها
سارا بحده : اذا اخبريها الا تزيحه مرة اخرى
جاكسون : ماهذه الأخلاق التجــارية .؟! فقط لأن شيء تغير من مكانه
تجاهلته سـارا وهي تصعد لغرفتها ... جلست على سريرها بتعب وذكرى تمر امام عينها
( قبل زواجهم ... بشركتها زارها بمكتبها بعد مارجع من سفرته : احلفي انك ما اشتقتي لي .؟!
سارا رفعت عيونها وابتسمت : حمدالله على السلامة
لؤي برواقة : يســـلمك ... كيفك سارا ؟
سارا : حمدالله تمام ... انت كيف حياتك ؟!
لؤي بحالمية : من شوي قالت انها حمدالله
ابتسمت بخـجل وهي تعبث بالاغراض بطاولتها لتصرف نفسها : أيـوه بس كانك طولت بهالسفرة ..
لؤي وهو يبتسم لتصريفها .. سحب تحفة صغيره من مكتبها وهو يلعب بها بيده : ايه الشغل كان ماخذ وقته شوي .. فقدتيني اجل .؟!
سارا : انت اللي شكلك مافقدتني نهائي .. حتى مافيه برفع التلفون اشوف اخبارها
لؤي : اما انا ما افقدك .. ليش اللي يجمعنا ايام اجل وبس .؟! واذا عيوني ماشافتك قلبي مانساك
سارا : أيـوا خذني بالحكي مو ؟
لؤي وهو يرجع التحفة للطاولة : مابتصدقيني يعني .؟
سارا تضايقت من ان التحفه مو بمكانها الاساسي .. سحبتها وهي ترجعها لمكانها بالأول انتبه لؤي بحركتها : ماتخلصين من هالوسوسة انتي .؟!
سارا : وربي كان شكلها فوضوي .. كذا كويس
لؤي وهو يغير مكانها مرة ثانية : اتحداك تخلينها كذا لحد ما أطلع من المكتب
سارا وهي تشد على قبضتها وتحس بنرفزة : ايه عـادي اقدر .. بس وش دعوه يعني .!؟
لؤي : مو عشان شي .. مجرد تحدي
سارا وهي تطالع التحفة بضيق .. وتحاول تتجاهلها : .......................
لؤي لما انتبه لمعاناتها الواضحه من تعابيرها ضحك وهو يرجعها مكانها : ههههههههههههههههههههه خلاص خلاص هدي وجهك قلب احمر مو صاحية
سارا : اففف صدق ما اعرف .. احب الشي احطه بمكان ويضل فيه مايتغير نهائي
لؤي : بس هذي وسوسة بتمرضك كذا .. لازم تبردي
سارا : لما تبطل اسراف راح ابطل وسوسة .. اقل شي وسوستي مافيها ضرر مادي واقتصادي
لؤي : ههههههههههههه حجرتي لي هاه ؟
سارا هزت كتوفها : اللي بيته من قزاز مايرمي الناس بالحصا )
تنهـدت وهي تفيق من ذاكرتها ... وقلبها يقبضها : يالله قد ايش اشتقت لك .. ياترى وش مسوي بغيــابي ..؟!
***
لـؤي : خلاص أكيد بعد بكرة اقدر اعتمد ؟! .... ايه الساعة 10 , لا ابغى اكبر شي .. لا تنسى
سكر السمـاعة وهو يرفع راسه لأمه : خلاص كذا كلش جاهز .؟!
ام نايف : لا تو باقي مشوارين للحلى والمنسق
لؤي طالع ساعته : مابقى شي على المغرب .. بوصلك البيت وبكمل الباقي انا
ام نايف : على هواك اجل .. الله يعينك تعبتك هالاسبوع معي بتجهيزات رجعت اختك
لؤي : هذي ميهاف قليل بحقها بعد .. وبالمرة بروح اخذ مفتاح القاعة
ام نايف : ايه زيين ذكرتني رايح عن بالي .. " تنهدت " بعد عمري بنيتي مو مصدقة انها بكرة بتكون قدام عيني اشتقت لها
لؤي : على فكرة ايش راح يسوون .؟! وين بيسكنون .؟
ام نايف : بيتهم باقي ماجهز .. فبتضل عندي اسبوع لحد مايجهز وينقلون
لؤي : كثير اسبوع وبيتهم جاهز على حد علمي
ام نايف : لا خبرك عتيق .. ماراح يسكنون الدور اللي بناه ابو فراس الله يرحمه فوق بيتهم , بيسكنون منفصلين في بيت لحالهم
لؤي : اهـــا .. غريبة تو ادري اجل وش بيسوون بهالدور .؟!
ام نايف : اذا بيتزوج فراس بيجي فيها ماحتضيع
لؤي : هههههههه فراس ماحيتزوج طيب
ام نايف : اجل انس موجــود وقت يكبر يجي فيها
***
" وانبسطي على حالك صرتي مطلقة قبل توصلين 20 سنة "
" دون ما احتقرك العالم كله بيحتقرك .. نظرة المجتمع للمطلقة حقيرة "
" خلي العقل والشرف لأهله لانك بعيدة عنه"
" بـــــــــــــس !!! شايفتني ملزوم فيك ولا لك معروف علي تعاتبيني ... تاكلين اللي انتي خابره وتحمدين ربك اني ماضيعتك وتركتك بحياتك الصايعه .. حطي ببالك انك مديونه لي طول عمرك اني حصلتك وحفظتك .. ولا كان دربك اللحين درب امك "
" الطلاق للشريفات مو لك "
" عارفه اللي مثلك حتى الشارع يكرم يعيشون فيه"
" مفروض الموت خذاك ولا خذاه بس هذي هي الدنيا الطيب يروح والنجس يضل "
عبست ملامحها بنومها بضيق وهي تحس الهوا ينخنق .. معادت قادرة تتنفس فزت برعب من نومها مسكت صدرها وهي تحاول تنظم تنفسها وتحس بخنقه فضيعه معادت قادرة تنام هالأيام .. الساعة 12 ! واضح طولت مرة بالنوم تنهدت وهي تجلس وترفع شعرها .. مو معقولة نامت كل هالوقت !! وقفت من سريرها وهي توقف قدام المغسلة تغسل وجهها .. عقدت حواجبها وهي تسمع صوت رنيم تبكي ! طلعت من الحمام مباشرة وهي تسحب غطاها على السريع وتطــلع ..
طالعت بالصالة طفلين ماعرفتهم ببجايمهم النوم .. هذا فهد اخو نايف .؟! وهذا مين .؟ والشخص المجهول ساحب لعبة رنيم من يدهـا حتى استغرقت بدمـوعها , رفعت عينها له بحده وهي تهاوشه : خيــــر ان شاء الله .؟! رجع لعبتها لها !
يزيد بنظرته المتمردة : بيتنا العابنا !
غادة دون تفاهم سحبت اللعبه من يده وحطتها بحضن رنيم ورفعت اصبعها له بتهديد : لو اشوفك قارب لعبتها مرة ثانية كسرت يدك .. سااامع !!
لمعت عيونه بدموع حاول يكابرها وهو ماعمره احد اخذ شي من يده : بعلم عليك بابا .!
تجاهلته غادة وهي ترفع رنيم من الأرض .. وتمشي بانحاء البيت تنادي : ابتســــام .. ابتسام ! غريبة وينها معقولة نامت وهالبزران تو هنا .؟! ..
تجاهلت وهي تدخل غرفتها مع رنيــم ...
بالحديـــقة / نايف وابتسام جالسين بجلسة رايقـة ... ابتسام : ايه بس ليه مو فاهمه كيف فجأة تركت وظيفتك !
نايف : تركتـها وبس .. من أول مو عاجبتني وبحصل حاجة ثانية
ابتسام : براحــــتك بس لا تطول عطالي اهم شي عشان ماتطيح بالكسل
نايف بدون اهتمام : يصير خير
شبكت ابتسام يدينها ببعض وهي تستجمع كلماتها : نايف
نايف اللي يشتغل بجواله بيده : لبيك
ابتسام سحبت جواله من يده : اتركـه شوي على جمب .. ابي اقولك حاجة مهمه
نايف : معليش ابتسام شوي رجعي الجوال فيه حاجة مهمه بخلصها وعقبها انا لك
رجعت له الجوال وهي تطالعه بملل : بتطـــول ,؟
نايف : لا دقيقة بس .
بعد مدة سكر الجـوال والتفت لها : لبيـــك آمري
ابتسام : اخيـــرا .. ايش كل هالشغله بالجـوال ؟
نايف : اسأل بدر متى بيرجع عشان استقبله وخبرك اخذتنا سالفه
ابتسام : اهااا .. " حضنت يـده بيديها الثنتين " المهم ابيك تعرف اني فرحتي اكبر من كلش وان شاء الله تكون زيي
نايف عقد حواجبه : هههههههه شالسالفة ابتسام وش هالاعتراف الـ ..........
قاطعه يزيـد يطلع لهم وهو يبكي .. سحبت ابتسام يدها وهي تتنهد , نايف : شفيك يابابا ؟
يزيد وهو يمسح دموعه : فيــــه مره داخل .. غافصتني وطقتني
نايف : ههههههههههههههههه اوه غادة !
ابتسام : يؤ يؤ .. غريبة ضاربته خلاص حبيبي انا اطقها لك .. " التفتت لنايف " انا داخله اشوفها
نايف : ارتاحي ابتسام سوالف بزران
ابتسام : ولأنها سوالف بزران مفروض تكبر عقلها ولا تضربه !
نايف : وين رايحه تعااالي .. ايش الاعتراف ؟
ابتسام وهي تتوجه لداخل : خلاص بعدين .. مو حاجة مهمـة
دخـلت ابتسام لداخل وهي تحس بإحباط . . كان بتـــقوله خلاص !! , دخلت غرفة غادة اللي كان جالسة تلبس رنيم : علامك على يزيد .؟ ليش ضربتيه ؟
غادة دون اهتمام : من يزيد هذا ؟ اهاا اسم البزر اللي مع فهد .. ماضربته
ابتسام وهي تجلس جمبها : اجل ليش يقول ضاربتني ؟
غادة ببساطة : لانه كذاب .. مجرد غافصته عشان جالس يناقر بنتي
ابتسام : ههههههههههههه حمايه يعــني ؟!!
غادة : من هذا عموما ؟! وين اهله الوقت متاخر
ابتسام : اوه ... صح ماتدرين من هذا ..هذا ولد نايف
غادة وقفت حركتها وهي تلتفت لها : نعـــــــــم ؟!!!
ابتسام وهي تهز كتوفها : هذا اللي صـار .. نايف طلع مطلق وعنده ولد
غادة وهي تلتفت بانفعال : كيف كيف كيف .؟! طيب ليش ولده هنا ! ينقلع لامه الله لايحفظه ولا يحفظ رجلك بعد
ابتسام : هاو هاو .. هدي شفيك طرتي !؟
غادة : ليش يكذبون ويقولو اول مره يتزوج ..
ابتسام : للامانه هم ماكذبـوا .. بس اغفلوا هالمعلومة ماذكروها
غادة : يعني كذبوا استغفلوك ! .. حصل خير معليه بس وش ذنبك انتي في ولدها
ابتسام : لا غادة انا ابغاه يتعود علي .. وقت يجي اللي ببطني يقعد يعيش عنده اخو ولا يعرفه ويكرهون بعض
غادة انقلبت ملامحها استنكار للي جالسة تسمعه : والسيد نايف كان بيموت لو قالك انا مطلق وعندي ولد
ابتسمت ابتسام على عصبيتها .. كل هذا وهي ماتدري وش وضع نايف ونهى اول : حصل خيـر .
غادة هزت راسها : والله كيفـك خلك مهبوله .. لو مكانك ما اخليه عندي ولا اقلها يجي زياره ليش ينام هنا ماعنده ام ؟
ابتسام : أمه مسافره .
غادة : عشنا وصارت تسافر وتتركه عندك .. خدامتها انتي ؟!
ابتسام : اقول خلي مني هالهـــــبال !! اسمعي بعد بكرة العزيمة بتروحي معاي .. كلمتني ام فراس واصرت تجين
غادة شلت حركتها وهي تنطق : ام فراس ؟
ابتسام : ايه تعرفينها ام اسماء .؟
غادة هزت راسها بهدوء : ايه اعرفــها .. " كملت بسخرية " كيف ما اعرفها !؟ واصرت اجي ؟
ابتسام : ايه ياحليلها تقول غادة لازم تجي نشوفها اشتقنا لها .. خلاص غدو شفتي الناس لبعض روحي ووسعي صدرك
غادة : خلاص ابتسام اتركيني افكر ..
ابتسام : يبيلها تفكير بعد ؟!
غادة سكتت وهي تتأمل رنيم وايامها الماضيه تمر عليها .. وقفته الشامخه .. رفعة حاجبه المتغطرسة .. الجو المرتبك بوجوده : ......................
ابتسام تنهدت وهي توقف : اوك فكري بس مو تطولي
مجرد ماطلعت .. طالعت غادة رنيم وهي تتنهد بضيق , الصدف كيف تخوف ! كيف بتقابل ام فراس بعد كل هالفترة ... بعد ما عاشت كل هالفترة قريب من ولدها ....
***
دبــــي /
دخل بدر وميهاف الفندق بعد وصولهم من رحـــلة طويلة .. نطق بدر وهو يطلع ملابسه من شنطته : طيارتنا للرياض بعد ساعه فعجلي .
طالعته ميهاف وهو يرمي كلمته باقتضاب ويدخل الغرفة .. الأيام الأخيرة بباريس واضح عليه مزاجه متعكر بس ساكت .. تنهدت مفروض تكلمه .؟! مو معقولة يوصلون للرياض ويقابلون الكل وهم بهالمزاج .. ايش راح يقولوا عليهـم .؟! خصوصا ان البلبلة بكل مكان ان زواجهم زواج بعد قصة حب اسطورية , فتحت شنطتها وهي تحاول تتجاهل .. ايش راح تسوي غير تمشي الوضع مستحيل تصير غبية زي أول وتراضيه .. مفروض هو يراضيها ! سحبت فستانها وبدلت ملابسها وهي تحس مزاجه المتعكر الصامت بدا يأثر فيـــها طالعت بانعكاس المـراية لما طلع بالثوب والعمـامة المعصوبة على راسه باللون الكركمي ... زمان ماشافته بالثـوب .. وحشتها طلته العربية البحته .. لكن تجاهلت وهي تلتفت له وتنطق بهدوء : مشينـا .؟!
رد ببرود اكثر وهو يوقف قدام المراية يتعـطر : لحظه !
حطت عبايتهـا على كتوفها .. وهي تحاول تتكلم : خـلاص أكيد .. بظل عند اهلي هالفترة لحد مايجهز بيتنا .؟
بدر وهو يسحب شنطتــه : ايه .
هزت راسها وهي تطـلع معه .. وطول الطريق صمت غريب , لكن طبيعي يكون الوضع صمت كذا عقب طريقتهم بباريس .
***
غـــادة – صبـاح الساعة 9 ... : اكيد ابتسام طلعت للدوام ..
طلعت برا الغرفة وهي تسكر الباب بهدوء لا تصحى رنيم .. وتحس راسها صداع فضيع لها كم يوم ماتنام أرق ماتركها , وهذي حالتها اذا احترت أو انقهرت ... تفقد النوم تفقد الراحة لحد ما ترد اعتبار لنفسها .. بس كيف خلاص غادة الظاهر للحين منتي فاهمه أنك فقدتي الحق بكلش ...
طالعت من نافذة المطــبخ تتأمل الحديقة المبـدعة .. عقدت حواجبها وهي تشوف يزيد يقطع بالورد والعشب , تركت كاسها وهـي تطلع لبرا لحد ماوصلت عنده : انت هيه !
يزيد فز بخوف وهو يمسح يدينه : ماسويت شي
غادة وهي تطالع الورد المقطع : لا والله ماسويت .؟! هالورد المقطططع وشهو !!!
يزيد عطاها ظهره وهو يمشي متجاهلها .. غادة : تعال تعال .. لا تعطيني ظهرك وتمشي تعال شيل الورد اللي قطعته
يزيد : مابي ! شيليه انتي
زفرت غـادة وهي تلحقه وتسحبه مع اذنه وترجعه للورد : اسمممع مب بكيفك .. مافيه شغاله هنا تمشي وراك هذا مب بيت امك مثل ماوصخته بتشيــــله !!
يزيد نزلت دموعه وهو فعليا اول مره تنمد اليد عليه .. فتح عيونه وهو يشوفها تفلت اذنه لما وصلته عند الورد وجلست على طرف حوض الورد وهي متكتفه وتطالعه : اخلص علي
يزيد بخنقة نطق : انتي حمـاره
غادة بصرامة : حمارة كلبه اللي هو .. بتشيله يعني بتشيله
يزيد وفي داخله رهبه انولدت من هالبنت اللي بيومين ضربته مرتين ... انحنى يلقط الورد وهو يخنق عبراته متعود يخرب ببيت ابتسام وتمشي له : ....................
غادة مجرد جالسه وتعلق : نسيت ورده هناك .. تحت الشجره هناك
بعد ماخلص خذتها من يـده وحطتها بباقة حلوه وجلستها على الطـاولة .. بطريقها لغرفتها سمعته ينطق بصوت خافت : جويع .. ابي فطور
غادة وهي مكملة طريقها : شغاله عندك .!؟
وسكرت البـاب على نفسها .. اما يزيد بعد هاللي صار رجع لغرفته وهو ينتظر أبوه يشكي له وهو منخنق من اللي صار : ....
***
بيـت أبو فراس – الساعة 3 عصرا :-
نزلت ام فراس وهي تطالع أنس وياسمين بالصالة عند التلفزيون : هاه وين اخوانكم ؟
انس وعيونه على التلفزيون : بــرا بالحديقة
طلعت أم فراس لبـرا .. فراس جالس رجل على رجل ويراقب الطـاولة المزينة واسماء واقفة تعدل الزينه وتجهز المناديل والشمـع , وتروح وتجي : ما شاء الله شتسوون .؟
فراس مسند ذقنه على يده : هلا يمـه تعالي تفرجي على السنع بس
اسماء وهي توزع الصحـون : اكيييد بتسنع .. مشتاقه لهم ماتدرون قد ايش
ام فراس : ما شاء الله جعـــله أول !
اسماء : فراس متى بيوصـــلون .؟!
فراس : تو كلمني بدر قبل ربع ساعه يقول وصـلوا مطار دبي .. على مايلحقون طيارتهم ويوصـلون قولي على العشاء بيكونوا هنا
ام فراس : وبيجون هنا على طـول ولا بيروحون عمك ؟!
فراس باستنكار : ماسألته بس مافيها كلام بيجون هنا ! امه هنا مو
هناك
اسماء بتأييد : ايه ايه واسماء هنا مو هناك ........ ايه صح يمه تذكرت .. كلمتي ابتسام .؟!
ام فراس : أيه كلمتها وأكدت عليها تجيب اخـتها .. لا تعليني عاد
اسماء : ايييه عال حمد الله
فراس : وانتي ليش متعلقة فيها تجي ولا ماتجي .. خلي العالم براحتهم
اسماء : لأني احب البنت .. ومابيها تحسب انها عشان تطلقت ومدري ايش بتنبذ
ام فراس : لو هي على مطلقة كان ارحم .. بس بعد نحشتها ذي هي اللي خلت العالم يستنكرون
اسماء : انا ما استنكرت .. وعادي تجي وبسولف معها وبسلم وكلش .. شنسوي يعني ننبذها ! سلامات . ؟
فراس جَلَسْ فنجـال قهـوته وهو يوقف : انا طالع وراجع عشـــاء ان شاء الله
ام فراس : وين يا امك .؟
فراس : بـروح لعمي لي اسبوع أأجل شغلي معه وبكمل اجراءات سفري
ام فراس : للحين مصر تسافر بكـرة .؟! اقلها عقب بكره
فراس : لا يمه خلاص يكفيني تأجيل .. خل اخلص قبل رمضان
ام فراس : الله يعـــينك .. انتبه على نفسك
***
إبتسـام /
طالعت ساعتها " 3 ونص " اخيرا خلص وقت دوامــها .. فكت طرحتها وهي تعدل مكــياجها بمكتبها وترش عطرها .. البيت مره ماينفع تتكلم معاه فيه وسط كل هالفوضى , مسكت جوالها ودقت على " غادة " : هلا ابتسام
ابتسام : هلا غدو حبيبتي .. صاحية .؟!
غادة : أيــه .. ليه ؟
ابتسام : معليش حنا بنتأخر شوي .. بطلع مع نايف لمطعم عشان نتغدى وتدرين عشان بالمرة اقوله ..
غادة : ههههه راح تقولي له اللحين .؟!! بالتوفيق اجل
ابتسام : ايه بس قلت اقولك عشان ما تتباطيني
غادة : لا مو مشكلة .. باخذ الأخبار منك لارجعتي
ابتسام : يله يله .. ادعي لي بس
سكرت السمـاعة و طلعت بحماس وهي تدق على نايف : الـو
نايف : هلا هلا .. خلصــتي .؟!
ابتسام : ايوه انا عند المواقف اللحين .. فينك ؟!
نايف : جايك
ابتسام : يـلا انتظرك لاتطول
خذت لهـا مقعد تنتظـره ... اثناء ماهي جالسة : ابتسام .؟!
التفتت وهي تشوف " ابو نايف " واقف بهيبته .. انحرجت وهي توقف تسلم عليه لها فترة ماشافته : هلا هلا عـمي
ابو نايف : هلا فيــك .. شتسوين هنـا ؟!
ابتسام : انتظر نايف يجي ياخذني .. قصدي بالطريق جاي يعني
أبو نايف بنبرة منزعجة : وماعــــنده نية هالولد يرجع يشتغل .؟!
ابتسام بانحراج : والله مو عارفه .. تكلمت معاه بس مدري ليش معند كـذا , هوا اساسا ليش ترك الشـغل ؟
ابو نايف : مو عـارفة ولا تسوين حالك مو عارفه
ابتسام ارتبكت من نبرته : لا والله عمي مو عارفه .. عسى مايكون السبب كايد بس ؟
ابو نايف : اسأليـــه اجل ! " وتوجه لسيارته يركبها "
عقدت ابتسام حواجبها وهي تحس انها التمست بنبرته اتهـام لها .. شدعـــوة وش سويت انا ؟! .. صحاها من تفكيرها بوري نايف .. سحبت شنطتها وهي تركب .. نايف وهو يحرك سيارته : هلا بالغـلا .. ليش جالسه تنتظريني برا بهالشمس
ابتسام : نايف .
نايف وهو مستغرب نبرتها : لبيه
ابتسام : امنتك الله تجاوبني بالصدق ... انت ليش تركت وظيفتك .؟!
نايف : قلت لـك .. ماعجبني الجو
ابتسام : لا .. فيه سبب ثاني كمان ؟!
نايف بانفعال : لأني مابي اشتغل عند واحد باخل علي بفلوسه , خلاص ؟!
ابتسام : ماعمره عـمي بخل عليك بشي .. بالعكس
نايف : ماتدري عن شي أنتي .. إلا بخل وياما طلبت منه ورفض ماكنتي بينا بيوم فماراح تعرفين وش اقصد
ابتسام سكتت وهي تحس مستحيل يقولها الصدق لو ايش : ...................
دق جـوال نايف طالع المتصل .. عقد حواجبه : هذا البيت .. غريبة داقين .
ابتسام : غريبة انا معطيه غادة خبر انا راح نتأخر .. رد شوف
رد نايف : الــــو ؟! ..... " فرك جبهته باصبعه " هلا يزيد ... شفيك بعد .؟! ....... ايه ...... خلاص زين بسك بكاء ! .. مع السلامة ... اوهووووه يزيد خلصنا ! خلك مع فهود لين اجي ... زين
سكر السماعة بنرفزه ... ابتسام : شفيه يزيد شصاير .؟!
نايف : مدري شفيه يبكي وشكله متلاقط مع غادة والحاله حاله .
ابتسام بضيق : اجل خل نروح البيت نشوف ..
نايف : تبين شي ناقص البيت شي قبل نرجع .؟!
ابتسام باحباط : لا مافيه شي .. خل نروح البيت وبس .
كالعــادة محاولاتها في انها تقــوله تحبط .. غادة معها حق محتاجين شوي خصوصية .
***
: جااااا جااااااا
: انسسس بـــــــــــــــــدر وصصصل !!
: قــــولي والله !
تـــراكض الكل لبــرا ... واســماء المتقدمه بينهم وهي تقفز وتضمه بكـل قوتها ... ارتد بدر على ورا وهو يستقبل قفزتها وعناقها المفاجئ : هههههههههههههههههههههههههههههههههه هلا هلا بالهبله بشويش
اسماء وهي متعلقه برقبته : وحشتني موت موت موت موت
بدر : وانتي اكثر والله ... كيفك ياقلبي شلونك تمام .؟!
اسماء : تو صرت بخير يوم وصلت ونورت الرياض كلها
بدر وهو يطالع امه .. وينزل اسماء : ابعـدي خل اسلم على الوالدة
نزلت اسمـاء وافلتت عنقه وهي تتوجه لميهاف بعبايتها وراه .. وعانقتها بكل قوتها : هلااااا بممرة اخوي هـلا والله , كيفك شلونك .؟
ميـهاف : حممدالله كلوه تمام انتي شلونك ..؟!
اسماء : خليني منك بس .. " كملت بخبث " تكمي كيف حياتك الزوجية .؟
ميهاف : هههههههههههههههه عال العال عقبالك الله يرزقك
ابتسمت ميهاف لام فراس وهي تسلم عليها بحميمية .. وتبوس راسها : بالخير خالتي .. كيفك .؟!
ام فراس : الف الف حمدالله على السلامة ..
ميهاف : يسلمك يارب ويخليك لنا
سـلم بدر على اخوانه الصغار .. ام فراس : بس كنكم تأخرتو ! وينكم لنا ساعه نتحراكم
بدر : لأن اللي يعتمد على نايف حمـار .. سحب علينا بالمطار سحبه يم يأسنا كلمنا لؤي وجابنا !!
ام فراس : الله يهـــديه ويصلحه .. وين لؤي عاد كان قلط
بدر : اخذ اغراض ميهـاف ورجع بيتهم ..
ام فراس : اجل اقلطـــوا حياكم تفضلـوا
اسماء متعلقه بذراع بدر وميهاف وتمشي بينهم : هاه شخبــــار باريس ياعصافير الحب .؟!
ميهاف : خيــال خصوصا برج إيفل حاجه تجنن
بعـد ماجلسـوا .... ام فراس : ايه وترا جهزنــا ملحقك يابدر ارتاحوا هنا عاد لين تستقرون والبيت
ميهاف بلباقة : لا خالتي صعبـه وفراس موجود ماراح تزبط
ام فراس : فراس بيسافر بكـــرة مالك عذر
ميهـاف طالعت بدر يفزع اللي كان يراقب بصمت ... ميهاف : لا اعذريني هالمـرة .. مشتاقه لأمي واهلي خل اشبع منهم ومتى مابغيتوني بتحصلوني عندكم ان شاء الله
ام فراس : اجل براحتك يابنتي ... ووش استقريتوا عليه بالبيت .؟!
بدر : الدور الفوقي ماراح نسكنه .. خلاص البيت اللي شريته يخلص المصمم تأثيثه وراح ننقل له مباشرة
ام فراس : والله ودي بكم فوقي وحولي .. بس الله يهنيكم
ميهاف : آمـــين خالتي وياك
اسماء بحماس : اقول ميهــــاف دريتي ان اخت ابتسام رجعت !!
ميهاف : ايه قالت لي أمي .. الله لا يبـلانا بس
ام فراس : ايه والله آميـــن ,
اسماء : يارب تحضـــر بكرة احسني مشتاقه لها صدق
ميهاف : الله لايقوله .. بصراحة احس الجو بينربك بوجودها وما أدري ايش وانا مابي العزيمة تنقلب كذا وبعدين ارحم لها من كلام الناس تجلس ببيتهم
بدر خلص فنجاله ووقف : هذا نايف جا انا رايـــح ..
ام فراس : بدري تو ماجلست حتى !
بدر : راجعلك يمه بس اشوف العيال واسلم عليهم واجيك
ميهاف طالعته : انا معـاك .. وصلوني بطريقكم لأمي
اسماء برجاء : يووووه ميهاف ياشينك !! امك بتنامين عندها وبتشبعي منها اقعدي شوي ماشبعنـا منك
بدر بلهجة غير قابله للنقاش : بوصلك لأهلك وقت ارجع .
وطـلع مباشرة .. اسماء بحماس : قولي أنك صورتي اهم شي !
ميهاف " وش اصور هو انا طلعت .؟! " : لا والله مافضيت أصور حبيبتي مشغوله انبسط .. بس جبت لك حلـويات باريسية
اسماء باست خـدها باقوى ماعندها : هذا اهم شي .. وه فديـــــــــــتها !!
***
بســـيارة لؤي .. وقف قدام شركة أبـوه وجلس ينتظر , طلع بعد فترة فراس ودخل : سنة .؟!
فراس : دوبي خلصت
لؤي : أيه ترا بدر وميهاف وصـلوا .. تو وصلتهم بيتكم
فراس : ايه كلمني بدر .. " طالع ساعته " تتعشى عنـدي .؟!
لؤي : لا والله مشغـول .. ابوي موصيني بكم مشوار وحوسه
فراس : معنـاها وصلني البيت اجل وبس
لؤي : اقول تو تقول بستاجر سواق .. لا يكون مستاجرني انا .! ؟
فراس : محشـوم .. السواق ادفع له انت ما ادفع لك
لؤي طالعه بنص عيـن : بنزلك ترا !
فراس فتح النـافذة وهو يسحب سيجارته : نزلني ماعندي مشـــكلة
لؤي بضيق : اقول فراس ماعندك نيـه تبطل هالتدخين .؟! والله مو زين عليك يارجال بتهلك عمرك
فراس ببرود : مستحيل مقدر
لؤي : وليش ماتقدر .؟ ان شاء الله انك قـدها
فراس : واحد مشغول زيي مستحيل يبطل لأني خلاص بمجرد ما أفكر يجيني صداع وانزل ادخن ولو مادخنت فصلت على اقرب واحد جمبي
لؤي : مب مشكله افصل .. اصلن انت دون شي تفصل على العالم , مع الوقت بتتعود
فراس : وبعدين انا محرقه يعني حتى لو ببطل ما حأبطل بسرعه
لؤي : مو انت برمضان راح تصبر عنه .؟!
فراس : برمـــضان , ولاني عارف اني بعد المغرب راح اشفط
لؤي : شوف هي قاعدة اساسية اذا تبي تلقع من عادة سيئة فابدا عادة حسنه تملآ فيها الفراغ
فراس بملل : بالله بطــل هالوعظ ماراح ابطــل امي حاولت فيني قبلك ماعرفت
لؤي : لا بوعظك وبقلقك بعـد لين تهجد ... والله انت ماتتخيل وشهي تسوي فيك تحرقك من داخل بشويش
فراس ببرود : خل تحرقني .. ان احرقتني هي ولا احرقني غيرها
لؤي : ليش متشائم انت كــذا .؟! وبعدين فيه برامج مخصصه للادمان هذا
فراس : اقول لؤي حط وجهك قدام اكبر جدار وفرغ فيه انتقاداتك هذي كلها اذا استجاب لك وقتها باستجيب لك انا !
لؤي زفر : الحمـار اللي ينصحك اصلن .. خلك دخن خل تحرق فيك لين تموت
فراس ببرود : دون تقـــول ..
***
هيـــثـم :-
طــلع من غرفة العمـليات وهو يمشي بأنحاء المستشفى .. وقفته الممرضه : فيه شخص بالاستقبال يطلبك ..
هيثم : انا .؟!
الممرضة : ايوه .
هيثم عقد حواجبه " معقوله هـي .؟! " تنهد بضيق كيف جت عقب كلامه اخر مره .. لكن كويس اقلها يعرف انها ما انجرحت يكفي المرض النفسي اللي مصاحبه هاليومين من ورا غادة ..... مشى ناحية الإستقـــبال بخطوات ثقيلة حتى وصل ابتسم بخفه وهو يشوف لؤي : هلا والله بالقاطع ... كيفك يارجال شلونك .؟!
لؤي وهو يسلم عليه : هـلا فيك .. حمدالله عايشين
هيثم : وش ذكرك فينا اللحين .. اخر خبري فيك بالكويت
لؤي : خبرك عتيق رجعت من زمـان ... انت فاضي ولا مشغول .؟!
هيثم : لا فاضي ...امرني
لؤي بربكة وهو يحك ذقنه : تعرف انت سارا طبعـا .. شفتك معها بزواج نايف اخوي
هيثم : ايه .؟!
لؤي : هي موظفه عـــندنا مثل ما انت عارف بس لها فترة تركت الشغل .. وفيه ملفات ضرورية تخصها ومو عارفين نوصلها , عندك خبر هي فين .!؟
هيثم : لا والله .. من شفتها اخر مره بالرياض وحنا مابينا تواصل انا انشغلت بوظيفتي الجديده وهي الظاهر سوت لها شركة ما أدري ايش , وزمان ماسمعت عنها
لؤي باحباط : طيب انا سمعت انها عايشه بامريكـــا .؟! تعرف عنوانها هناك ... يمكن احتمالية رجعت يعني
هيثم : اعرف عنوانها القديم بس غيروه من زمان .. ليش الملفات هذي ضرورية مره
لؤي : ايه ضرورية .. فإذا عرفت أي شي عنها ياليت تساعدني اوصلها لها
هيثم : ان شاء الله ولا يهمك
لؤي : يــله انا ماشي اجل .. وقبل انسى حياك بكرة لعزيمة بدر
هيثم : راح احاول بس ما اوعدك اني بقدر ..
طـلع لؤي واحباطه بكل يوم يـــزيد ... معقولة ماراح يحصل طريقه لها انقطعت كل طرقها ..؟!
***
بيـــت أبو فراس /
اثنــــاء تأثر اسماء مع لقطة هجــر حبيب لحبيبته بفلم تلفزيوني .. اسندت راسها على كتف ميهاف : يخرب بيت الحب شو بيذل ..
ميهاف : لا ! باللهي يافاهمه ..؟! من وين تحبين انتي ووجهك
اسماء : لحووول الحب مو شرط يكون لشخص .. ممكن اكون احب أكل او اعشق دوله او معجبه بالبرقر بس اخونها مع البيتزا ... شفتي اسوي لك عالم عاطفي كامل بعيد عن البشر
ميهاف ضربت راسها بخفه : ههههههههههههههههههه اعتقيني هاه
اسماء وهي تطالعها : إلا انتي وش كل هالكشخة .. ترا بس بيتنــا
ميهاف : ولو بس اول زياره لي لكم عقب الزواج .. فيعني
اسماء : ماااالت صار فيه رسميات يعععني .؟!
ميهاف : اقول طيري لو رسميات كان جلستك قدامي تصبين لي القهوه بدل ما انتي متبطحه بحضني تتابعين افلامك
" أحححم .. اححححم " ... اسماء : لحظظظه فراس اصبر ميهاف هنا
فراس وهو واقف عند الباب : حمدالله على السلامه ميهاف .. كيف الحـال .؟!
ميهاف بنبره هاديه : يسلمك ان شاء الله يارب .. حمدالله ماعلينا بخير , انت شلونك كيف امورك .؟!
فراس : كلش تمـــام .. فين بدر هنا .؟!
اسماء : لا طلع يقول بشوف العيال وراجع
فراس : طيب أبمر بصعد لفوق
اسماء : تغطت الدرب سلام امش
صعـــد لفوق مباشرة ثم نزلت ميهـاف غطااها وهي تطالع الساعة " 12 ونص " : تأخر بــــدر
اسماء : لا تأخر ولا شي ارتاحي اجلسي
ميهاف وهي تطلع جوالها من شنطتها : لا بكلمه اشوف وينــه .. مو معقوله لهالحزة حتى امي بتتباطاني
دقت على رقمه وهي توقف وتمشي بعيـــد .. اسماء تصوت لها : لحححححول حتى في السماعه تشفير عشان تقومين تجمحين بعيد
ميهاف اشرت لها : هششش .." رد " الـــو .!؟
بدر بنبرة باردة : نعم
ميهاف : فينك تأخرت ..؟! اهلك بينامون متى بيمدي توديني
بدر : بينامون معناها نامي وارتاحي اليوم وبكرة أوديك لأهـــلك .
ميهاف : لا يكون هذي نيتك من أول وحسبالك بتمشي علي .؟! هيييه حبيبي بتجي انت ولا دقيت على واحد من اخواني ياخذني
بدر : وش ذنبهم اخوانك تشغلينهم فيك .؟! ولا صارت الجلسة عند اهلي تضايقك .!؟
ميهاف تحاول تسايسه : مو سالفة .. بس حنا متفقين اني بنام عند امي ليش التعقيد اللحين .؟!
بدر بملل : بالطــريق جايكم خلاص عاد .!
وسكر السمـاعة طالعت الجوال بتذمر .. وهي ترجع وتجلس , اسماء : هاه خلصت حصة المغازل .؟!
ميهاف " مغازل وين يابنت الحلال " : يقـــول بالطريق
اسماء : هجل ريحي اعصابك احسك مره مو مرتاحه
ميهاف : امك احسها جالسه صاحيه بس عشاني .. الوقت بجد متأخر يا اسماء مو معقولة يعني
بعـــــد نص ساعة .. دخل البيت : مســاء الخير
ام فراس اللي جت تجلس معهم : مساء النور ... هلا والله يمه وينك ابطيت .؟!
بدر وهو يجلس : خبرك الشباب ومبطي عنهم خذتنا السوالف .. " طالع ميهاف " جهزي لي حاجة اكلها قبل نمشي
ميهاف رفعت حواجبها باستنكار لطلبه ... طالعها بحده : ماتسمعين .؟!
ام فراس بانحراج : اسماء قومي مع ميهاف .. ماراح تعرف للمطبخ والخدم نايمين
ميهاف رمته بنظره وهي تقوم .. دخلت المطبخ مع اسماء وقالت : كيف اجهز اللحين ما أعرف بمطبخكم شي .؟!
اسماء وهي تكبت ضحكتها : هههههههههه اجلسي اجلسي بزين انا
ميهاف ويدها على خصرها : سلامات إيش يضحك ضحكيني معك .؟
اسماء : هههههههههههههههههههههه بدر وانتي هههههههه يعني عشنا وشفنا بدر يتأمر على ميهاف مره مو لايق عليكم يالخكر
ميهاف : ماتضحكين يالســامجة .. واخلصي جهزي شي خل نمشي
اسماء : اووووه عصبت ابعدوا عنها ..
ميهاف بعد ما ارتفع ضغطها : اقول وخري .. انا بجهز الغلطان اللي يطلب منك شي
سحبت كيسة الخبز وطلعت المربى وهي تدهن الشريحة وتحطها بصحن مع كاس عصير : وخلصنا الله لايحدنا عليك يختي
اسماء : هذاك سنعتيه من أول كان بدل هالنظرة اللي رميتيه بها هههههههههههههههههههههههه
ميهاف والصينية بيديها : بفقع وجهك بهالصينية اسوم !
جلست الصينية عـنده وراحت تلبس عبايتها عشان تحطه قدام الأمر الواقع : ..................
مجرد ما قظم من التــوسته تفلها مباشرة وهو يدخل بنوبة سعــال ... فتحت ميهاف عيونها مفزوعه من حركته بينما وقفت ام فراس مباشرة تضرب على ظهره : بسسسم الله الرحمن الرحيم ... اسماء بسرعه جيبي مويه لاخوك
ركضت اسماء للمطبخ وسط نظرات ميهاف التايهه : شفيه شصاير .؟!
شرب بـدر المويه في نفس واحد .. ام فراس فتحت الساندويشته وطالعت ميهاف بعتب : ماتدرين يعني انه عنده حساسيه من البرتقال ! والمربى مربى برتقال
ميهاف : والله ياخالتي مادريت .. بسم الله عليك بدر صار لك شي .؟!
بدر ويده على فمه ووجهه منقلب : إيش تتوقعي انتــي .!؟
اسماء بقلق : هد بالك بدر ماصار شي ... بتصير احسن .؟!
وقف بدر بقرف وهو ينطق : اخلصي اوديك وعقبها بمر الصيدلية اخذ مضاد
شدت ميهاف على قبضتهــا بقهر وهي ترمي طرحتها على وجهها وتطــلع .... التفتت اسماء لامها : يمه انا الوحيدة الملاحظه اليوم انهم مو مبسوطين سوا .؟!
ام فراس : إلا ملاحظة بس جالسة اكذب عيوني اقول مابينهم الا كل خير ... الله يستر امداهم يتناقرون توهم راجعين من شهر العسل
اسماء : من فترة خطوبتهم وهم يتناقرون مدري وش يحسون به .؟! كلمي بدر انتي ترا له حركات تخلي الواحد يطفر غصب ... وميهاف ما شاء الله حساسه من اقل شي تسوي سالفة
بالســـيارة ... بعد فترة صمت نطقت ميهاف بقهر : لو سمحت حتى لو غلطت .. لا تكلمني بهالطريقة قدام اهلك !
بدر : خلك ساكته احسن لك .. فوق انك غلطانه تتشرطي شين وقوي عين
ميهاف بقهر : احترم مصطلحاتك معي .. ترا ماني بنت ماخذها من الشارع , واساسا ليش تقولي اسوي اكلك بأول زيارة لي لاهلك .؟! محد عطاك خبر اني ما أدخل المطبخ اساسا !!
بدر طالعها بنص عين : اللي بيسمعك بيقول مابقيتي وماخليتي .. كلها سندويشته ترا وفوقها مسمومه
ميهاف : والله شعرفني انك عندك حساسيه يامستر !
بدر : حتى اصغر معجباتي تعرف هالمعلومة .. وانتي زوجتي ماتعرفين .؟! مو مشكلتي اذا مايهمك تعرفي شي عني
ميهاف سكتت وهي تطـالع الطريق .. مالها خلق جدال معه خلاص بتوصل لبيت أهلها وتفتك من كل هالأسطوانات معه , مجرد ماوصلت ونزلت من السيارة حرك السيارة مباشرة حتى ما انتظرها تدخل لداخل , ضربت الجرس وانفتح مباشرة واستقبلتها امها بعناااق طويل : هلا والله هلا ببنتي هلا بعيوني ... كيفك يابعد قلب امك .؟!
ميهاف : ماما حياتي .. حمدالله طيبة , انتي كيفك ؟وحشتيني موت
ام نايف : انتي اكثر ... وينه بدر اسلم عليه .؟!
ميهاف : مشغول وتعبان من الطيارة .. فمشى لبيتهم بيسلم عليك بعدين ان شاء الله
ام نايف : وانتي بعد اكيد تعبانه من هالطريق .؟!
ميهاف بتذمر : ايييييه ماما حدي ... فين بابا .؟!
ام نايف : ابوك نايم .. انتظرك انتظرك بس طولتي
ميهاف : شاسوي خذتنا السوالف هنــاك .. وعقب الشين تركوني اطلع
ام نايف : لؤي بغرفته صاحي روحي سلمي عليه
ميهاف : لا لؤي سلمت عليه ... هو اللي خذانا من المطار انا وبدر
رمت ميهـاف عبايتها وهي تسترخي مع امها على الكنبة .... واستغرقوا بسوالف طـــويلة
***
بغـــرفة غادة :-
إبتسام بنبرة غير قابله للنقاش : بتروحييييييين يعني بتروحين .!
غادة : خلاص ابتسام بروح .... بس هاه رنيم مقدر اتركها
ابتسام : لا تتعذرين ولا تتحلطمين .. هناك مربية للبزورة حطيها عندها
غادة : مو عارفة ابتسام ...
ابتسام : قلت لك مافيه نقاش .. يله انا طالعه انام راح وقتي اقنعك يالخايسه
غادة تنهدت بضيق : اوك بروح ... بس والشقـــة .!؟
ابتسام : مافيني حيل اتكلم غادة سكري هالموضوع بالله " وطلعت "
صعــدت لفوق بعد ماتاكدت ان فهد ويزيد ناموا ... دخلت الغرفة وهي تفتح جوالها تدق عليه : هلا ابتسام
ابتسام : نايف فينك .؟! الساعة 2
نايف : لا تنتظريني نامي ... بدر تو راجع والعيال مجتمعين والسهره صباحي
ابتسام تنهدت : اوك تصبح على خير
نايف : وانتي من اهـله
سكرت السمـاعة وهي ترمي الجوال على جمب ... الظــاهر ماراح يعرف الا لما يبرز بطني وقتها بيعرف غصب .
***
طـلعت ميهاف لفوق بعد ماخلصت سوالف مع امها الساعة 4 .. ابتسمت بحنين وهي تطالع باب غرفتها تحس نفسها غريبة بجد ..؟! .... انتبهت لصوت المسجل من غرفة لؤي عقدت حواجبها وهي تطرق باب الغرفة : .................مين ؟
ميهاف : صاحي .؟!
لؤي : ميهاف ..تفضلي
دخلت الغــرفة بينما لؤي مد يده للآيبود يسكر المقطع : ..... مانمت للحين .!؟
لؤي وهو جالس على كنبته وممدد رجليه : ماجا النوم ..
خذت لها مقعد وهي تحط الوسادة بحضنها : شمسهرك .؟!
لؤي رفع حواجبه : اخوك فيه مخ مو تاركته ينام ولا لحظه
ميهاف : ايش جالس تفكر فيـه .؟
لؤي : كثيــر اشياء .. مثل ليش الوفاء صار عملة نادرة .؟! لا من صديق ولا من اهل ولا من حبيب
ميهاف : قلبك هو اللي صار عمله نادره .. صدقني لؤي ماقابلت انسان للحين قلبه زي قلبك لاتعامل الكل على اساس نفسك لآن غيرك مايهتم ..
لؤي ابتسم : خل منك انا .. كيفك انتي وبدر .؟! مبسوطة ؟
ميهاف : ايه حمدالله ... عقبال ما اشوفك مبسوط مع عروستك ان شاء الله الدور عليك اللحين
لؤي سكت دون يرد : ...........
رمت ميهاف كرتون المناديل عليه : ههههههههه وجع قول آمين
لؤي وقف بضيق : قومي انقلعي بنام لي ســـاعة قبل الفجر ..
ميهاف وقفت وهي تطلع : تصبح على خيــر
لؤي : وانتي من اهله
***
اليـــــوم التالي _ الساعة 7 مساءا : -
اسمـاء .. طالعت نفسها بالمراية تقيم كشختها بعد ماخـلصت نزلت لاهلها تحت
ام فراس : سنـــه عشان تخلصين .؟!
بدر : هاه فراس ما تأجل هالسفرة .. احس بتنضغط
فراس : شدعوه انضغط .. بسلم على الموجودين وبطلع عزيمة ترا مو عرس ..
بدر : براحتك اجل .. ومتى بترجع ؟
فراس : متى ماخلصت شغلي ..
اسماء : اقول بدوري .. ميهاف راحت ولا لسى .؟
بدر عقد حواجبه : وانا شعرفني .؟! شوفة عينك هي عند اهلها وانا هنا من وين بعرف
اسماء : شفيكم انتو صاير شي ..؟ ترا زوجها يعني عادي لو تعرف !
بدر : عندها جوال تبغي تعرفي كلميها ..
ام فراس : لا يكون متهاوشين بس .؟!
بدر وقف : اللي هو ... اللي بيروح معي يركب من اللحين
***
فـور وصول ام فراس واسماء ... كانت ام نايف وميهاف موجودين .
اسماء : واااااااااااااوطالعه كيوت يالعروسة
ميهاف : ههههه تسلمي من ذوقك
اسماء وهي تسلم على وداد وسجى
: هلا سجـــى اخيرا شفناك .. وين مختفية هالشهر .؟!
سجى بنبره محتده : مادخلك !
اسماء : يممممتي بس نسأل ترا ... إلا اقول ابتسام جت .؟!
ميهاف : امنيتي مره ما تسألين عن ابتسام .. ألمشكله ما اشوفكن تسولفن مع بعض ولا شي ... وش يشحنك يعني ؟!
اسماء : الحب من الله مب لزوم اسولف معها عشان احبها وابيها !!
ميهاف شهقت : اقول بنات شوفوا من دخــل
التفت الكل .. للمرأة ذات الجسم الريان بشكل معتدل ... والشعر الاشقر القصير والمكياج القيل .. اسماء : مو هذي طليقة نايف .؟!
ميهاف : ايه هي نهــــى !! وش جابها
سكتت ميهاف لما اتجهت نهى ناحيتها : هلا والله بالعروسة الحلوه كيفك .!؟
سلمت ميهاف كمجاملة : حمدالله طيبين .. انتي كيفك ؟!
نهى : ايه منيحة ... وينه يزيد ما اشوفه معاكم
ميهاف : يـزيد مع نايف اكيد بيجي معاه
نهى : اها وقت تشوفيه عطيني خبر
وراحت .. اما وداد قالت بتقزز : يا قوي وجهها !! ظنكم ما تجي ابتسام بسببها .؟!
ميهاف : وابتسام ايش يعرفها .؟! اذا انا انا صاحبة شرف الحفل ما أدري كيف هي
اسماء : هذي هي ابتســــام ..
ميهاف تلفتت : وين .؟!
اسماء : الله بعبايتــــها .. " ابتسمت " وجمبــها وحده اكيد غادة !
ميهاف : اقول انا بروح اجلس مع الحضور .. ولا لي دخل بكل هالمشاكل .
ابتسام توجهت نحـو الإستعداد .. ومعها غادة اللي تنهدت بضيق : مو مرتاحة وانا تاركه رنيم عند هالمربية .؟!
ابتسام فصخت نقابها وعبايتها : غادة لا توجعي راسي .. خلاص وصلنا افصخي وتسنعي
إبتسام بعد ماخلصت من ترتيب نفسها : انا بدخل لاخلصتي الحقيني
مسكت غادة يدها : وييييييييين .؟! مافيه اقعدي معي لحدما أخلص وندخل سوا ... ما حدخل لحالي
ابتسام : يوه غادة هجل اخلصي علي
غادة وهي تعدل مكياجها نطقت بربكة وهي تطالع المكان كيف مكتظ : انا مو عارفه كيف طاوعتك ... ابي ارجع البيت
: بــــــو !!! وحشششششتيني غدو
التفتت غادة .. وهي تشوف اسماء اللي دون مقدمات سلمت عليها سلام حار : هلا والله بالزين كله ... اووووه يابنت محلوه فديت الأحمر
غادة وهي تحس اسماء ريحتها : هلا والله اسوم ... وحشتيني اكثر , كيفك انتي ؟
اسماء : فينهـــا رنومه ابي اشوفها !
غادة : ههههههههههه تخيلي اجيبها لكل هالحوسه مسكينه شذنبها
اسماء : معناها بجي بعدين اشوفها
ابتسام وهي مرتاحه لطريقة اسماء معها اكيد ريحتها : حياك الله أي لحظه ياقمر
اسماء : ليش جالسين هنا حياكم تفضـــلوا
ابتسام : لي ساعه اسحب فيها اقنعيها الأخت مستحيه
غادة قبصتها بانحراج : ابتسام !
اسماء : لا لا كل هالحلا وتستحين ..؟! ادخلي وانتي واثقة ياعمري محد قدك بالأأحمر عااااد ملكة
غادة : ههههههههه من قدي بعد ؟!
اسماء : يله انا بروح امي تبيني .. بسرعه ادخلوا بروح اخلص شغلي وجايتكم
ابتسمت غادة وهي تشوفها تبتعد ... هذي اخته ! صار كلش معقـــد خلاص غادة لعد تفكري هو قالك سوي حالك ماعرفتيني خلاص سهله اعتبري نفسك ماعرفتيه ...
دخـلت مع إبتسام وهنا ابتدت المعركة .... من كل مكان همس
: من هاللي مع ابتسام .؟!
: هذي اكيد اختها المنحاشه يقولون رجعت وتطلقت ... واستغفر الله الواحد مايدري بهالنحشه وش سوت
: غريبة حاضره هنا ... لا ما شاء الله وش هالثقة تقولي ماسوت شي !
: هذي هي تربيتها وش تقولين
: بنت فقر حاطه نفسها غصب وسط هالمجتمع ... الواحد يعرف مكانته يختي
شدت غادة قبضتها على شنطـــتها وهي تحس الإنشراح اللي بعثته اسماء داخل نفسها اختفت فجأة وصارت مو قادره تتنفس :...........................
ابتسام كانت تطالع تعابير وجهها اللي انقلبت بقلق وهي تهمس لها : لا تهتمي لكلامهم
توجهـت ابتسام لأم نايف تسلم عليها وتبارك لها .... طالعت ام نايف وراها وهي تنتبه لغادة ثم طالعت ابتسام : شوي ابتسام ابيك لحــالك ..
نزلت غادة عيـونها وهي ماكانت محتاجه ان ابتسام تروح بعيد عشان تعرف وش ام نايف قايله لها .. واضح بتقولها كلام عنهــا .. كلش بدا يوقف .. مو عارفه تبادر السلام لأحد تحس بعجز وسط نظراتهم , تنتبه لوجيه معروفه ميهاف .. سجى .. وداد ... كلهم يطالعونها بس مافكروا حتى يكلمونها ... مثل ماتوقعت قرارها كان غلط ومتهور ..
رفعت عيونها ناحية الجهه اللي راحت فيها ابتسام وام نايف ... وهي تنتبه للضيق بوجه ابتسام كان كلش واضح ... رجعت ابتسام لعندها وهنا نطقت غادة مباشرة بخنقة : إبتسام انا بطلع ...
إبتسام ماعارضت وقالت بهدوء : بكلم نايف يوصلك
غادة : لا ! باخذ تاكسي وبروح ... خلاص
ابتسام هزت راسها بحزن : وقت توصلي كلميني
التفتت غادة مباشرة وهي تطلع وحابسه دموعها وتدعي على نفسها بالموت مليون مرة عشان فكرت تجي هنا ... النظرات كسرتها والكلام كان قاسي وهي ماهي محتاجه قســــوة ... مكتفيه للنخــاع ..
***
دخلت ابتســام بضيق .. خصوصا بعد كلام ام نايف السيء الصريح عن اختها وعن عدم رغبتها في انها تكون موجودة .. سلمت باختصار على ميهـاف وجلست وهي تنتبه للناس يطالعونها بشكل مبالغ فيها .. معقولة للحين يهمسون فيها عشان غادة .؟!!! انتبهت لمــرأة بنصف العمر تتوجه ناحيتها بفستانها البنفسجي وتمد يدها ... وقفت ابتسام وهي تسلم عليها ومو فاهمه ميــن .... نطقت المرأة : عـــرفتيني .؟!
ابتسام : لا والله ماحصل لي الشرف .. .ميــن .؟
ابتسمت : انا أم يـــزيد .. " كملت بخبث " على وزن أبو يزيد
ابتسام استوعبت .. واكتفت بكلمة : هلا والله تشرفنا !
جلست ابتسام وهي تحس هالجلسة تضيق فيها اكثر واكثر كل دقيقة ... وهي ماتقاوم كل لحظة ولحظه ترفع عيونها لها وتفكر " زوجة نايف الســابقة .؟! "
بعد فترة من صمتها بالجلسة ... نطقت نهى بصوت واضح : شفــــيك ابتسام كأنك متضايقة .؟!
ابتسام وهي تضغط على نفسها تبتسم : سلامتك مافيني شي .
نهى ببجاحه : متـــاكدة .؟! ضايق صدرك واضح ..
ابتسام باقتضاب : قلت لك مافيني شي معناها مافيني شي ... إلا غصب يعني .؟!
نهى : لا حبيبتي سلامتك ... بس يعني تو كانوا يقولون لي عن اختك وكسرتي خاطري بجد .. رحتي ضحية لفعايلها الســوداء
إبتســام رفعت حواجبها بقهر : نعـــــــم .؟!!!!
نهى : شفيك طارت عيـونك والله بس منكسر خاطري عليك وعلى وضعك تحزنين
إبتسام : محد طلب منك تعاطف ولا غيره ... ولو سمحتي خلي خشمك بأمورك الخاصة ولا تدسينه في امور الثانين لأنك باختصار مـــالك دخل ... " كملت ببرود " اوك ياحلوة .؟!
نهى : كيف مالي دخل وانتي عمـــة ولدي وبمكانة أمه ان شاء الله
ابتسام وهي تتمنى تجلدها على الموقف اللي حطتها فيه وسط مجلس كامل.. فقالت بقهر تبي تسكتها : لا حشى انتي امه بالأول والاخير .. انا عمته وبس , امومتي بوفرهـا للي ببطني
ميهـاف بفرحة : واااااااو ابتسام الف الف مبروك .. ياتعبانه تو ادري انك حامل !
ابتسام : يبـارك فيك حبيبتي ..
سكتت نهى نهائي وقت انهلت التبريكـــات عليها من كل مكــــان وهي نسيت تماما ..
***
لبست غادة عبايتها وهي تحبس دموعـــها وقهرها .. حتى لما فكرت تطلع من جو الكئابه ماقدرت .. قالها هيثم " نظرة المجتمع للمطلقة حقيرة " ..... اثناء ماهي واقفة على الطريق تحاول توقف لها تاكسي انشلت حركتها وهي تنتبه لجمبها بكـــم متر ... شابين واقفين قدام سيـــارة والأول واضح ومعروف .... تعرفه كثر ما انلجمت قدام هيبته : ................
يسولف مع شاب قدامه ... تسمرت عيـــونها فيه وهي تطالعه وكل قهر الدنيا بعيـونها , لعنته مليون مره لحظتها على الحال اللي هي فيه اللحين .. صحت من تسمرها على صوت البــــوري للتاكسي .. التفتت مباشرة بخوف وهي تنتبه له يلتفت لهم بضيق اثر إزعاج البوري ... وركبت مباشرة قبل يعرفها : ............................
ركب مباشرة مع سايقه وتحركت سيــارته ... اما غادة بلحظة قهرها وغضبها على المجتمع وعلى حياتها نطقت : إلحق السيارة اللي قدامك ...
***
إبـــتسام :-
بعد العشاء مباشرة ... مسكت جوالها وهي تدق على نايف : الـــو .!
نايف بربــكة من ردة فعلها بعد ماتقابل نهى : هلا والله ..
ابتسام : خلصت .؟!
نايف : خلصتـــي انتي .؟!
ابتسام بحده : مالك فيــــني ... انت خلصت ولا لا ؟
نايف وهو فهم لحظتها انها قابلتها : خلصت .. بتطلعين .؟!
ابتسام باقتضاب : ايه ..
سكرت السماعة وهي تسحب عبايتها ... وقفها صوت ام نايف : وين ابتسام بدري .؟
ابتسام : حمد الله تعشيت وخلصت ... ماعاد فيه داعي اجلس اختي بالبيت لحالها
ام نايف تنهدت : لا تزعلين يا ابتسام .. انا ماقلت كذا عن اختك إلا عشانها وعشانك الناس ماحيتركونكم بحالكم
ابتسام : اذا بزعل ماراح ازعل من هالشي .؟! راح ازعل من اللبــاقة اللي قابلتني فيها ضيفتك
ام نايف : يوه نهى ماعليك منها كل الموجودين عارفينها وحافظينها انها سفيهه ... " ابتسمت " المهم انتي انتبهي على صحــــتك والله فرحتيني بهالخبر ان شاء الله الف الف الف مبروك
ابتسام : يبــارك فيك ... يله انا طالعه نايف برا
رمت طرحتها على وجهها وهي تطـــلع وتركب السيارة بصمت ... قابلها صوت نايف : هـلا والله .. مسرع خلصتي لسة بدري .؟!
ابتسام : لا تخاف الساعتين اللي جلست فيها تسوى عمـــر .. كثر الله خيرك
نايف تنهد : قابلتيـــها .؟!
ابتسام التفتت له بصدمه : كنـــــت تدري انها موجودة .؟! !!
نايف : أيــه .. بس ماحبيتك تشيلين همها فماتكلمت
ابتسام بانفعال : لا ياشيخ ... ليتني شلت همها وعرفت انها انسانه وقحه
نايف : ليش شصـــار .؟!
ابتسام بقهر : مايحتاج اقولك ... كلمها تواصل معها كعادتك وبتعرف ..
نايف : لا تطرين سوالف قديمة يا ابتسام ... سالتك انا وش صار .؟!
اشاحت ابتسام بوجهها وهي تكبت دموعــها : ماصــار شي ..
نايف : ...... ابتسام تكفين مو رايق لكل هالموجز ... بتعلميني ولا عرفت من امي
ابتسام بقهر : امـــك .. امك تشوف انه عادي نهى تكون موجوده بحضوري وتسمممني بحكيها ..!! وتعارض ان غادة تكون موجودة وتسمعني كلام ماله داعي في اهلي !!!
نايف وهو ينتبه ان غادة مو موجوده معهم : ايه صح .. وين غــادة .؟! لايكون طردتها .؟
ابتسام بانفعال : لا .. كان يكفي منها انها تبدي وجهة نظرها وتقول ما ابيها هنـــا ! اذا اهلك ماراح يحترمون اهلي وقتها انا ماني ملزومة احترمهم ... تدري لو وحده غيري اليوم كان سوت مشكلة ماصارت ولا حصلت اليوم من ورا معاملتهم
نايف بقهر : بســـك الغاز ... تكلمي بالواضح وش صار اليوم .؟!!!!!
ابتسام : اللي صار انهم ذلـــوني في أختي .. وانا اللي مايحترم اهلي يا نايف ماني ملزومة فيه ! يا كثر مايصير عندكم لو الواحد يبغى يتشمت قدر بس الواحد يحترم !
نايف : خلاص روقـــي .. امي وبكلمها ومالك إلا اللي يرضيك يامعودة
ابتسام : اممـــك مالها دعوة !! امك ماجرحتني وسط العـالم زي طليقتك المصونة هذا جزاي عشان مسكت ولدها لها هالفترة .؟!
نايف : مايحتاج تتمنني في ولدي يا ابتسام !
ابتسام : آسفة .. الظاهر حتى انوه الواحد يفرغ صار ممنوع !
نايف : فرغي ماقلت شي .. بس يزيد ماله علاقة بكل هذا ! واذا على نهى قلت لك احقريها وراح تكون اخر مره تشوفيهـا على كل حال
ابتسام : هذا اللي قدرت عليه .؟! اني ماراح اشوفها ... والكلام اللي سمعه الكل ودخل عقلهم , انساه كمان ؟
نايف وقف السيارة قدام البيت وقال بهدوء : انتي هـدي بالك وقتها بنتكلم .. مقدر اكلمك وانتي منفعله كذا
طالعته ابتسام بقهر ثم نزلت وهي تدخل البيت .. بينما نايف اسند ظهره على مقعد سيارته وضرب المقود بيده بقهر ثم طلع جواله ودق على ميهاف : الو نيوف هلا
نايف : هلا ميهاف ... على السريع وش صار اليوم ؟!
ميهاف بضيق : ايه قصدك نهى وابتسام .؟!
نايف :علميني بالله اللي عندي مو راضيه تتكلم
ميهاف : خبرك نهى ... وسط العالم عيرتها بغـادة وكلام كثير ضايق ابتسام ..
نايف تنهد : كله من امي ... قايل لها لاتعزمها بس معنده ..
ميهاف : انت روق ان شاء الله كلش تمام .. اهم شي مبــــروك
نايف عقد حواجبه : مبروك على شـنو .!
ميهاف : هههههههههههههههه ياويلي الولد خرف ... مبروك حمل المــدام
نايف : ...........
***
بعـد مشـوار طويل ضرب فيه عداد التاكسي ... وقف قدام المطـار ونـزل وهو يطالع ساعته , نزلت غـادة مباشرة بخــطوات مقهورة حتى صارت قريبة منه بمسافه معقولة ... عقد حواجبه وهو يشوف المــرأة اللي قدامه بعبايتها : ..........؟
نطقــت غادة بقهر : يـــا كذاب ...
|
24-03-17, 12:18 PM
جديد مواضيع قسم القصص المكتمله من وحي قلم الاعضاء
العرض العادي
