الرياض
بعد الفجر

وقفت قدام الشباك وأخذت نفس عميق مثل ماعلمتها جوري وعدت لعشره وهيا تردد " أنا قويه..أنا قويه..أنا قويه" صار لها يومين ترددها لدرجة إنها صارت تحلم بها،من وقت اللي إتصلت لها جوري فجأه وهي تعاتبها وتقول لها إنها صار لها من يوم ردت لجده وهي منتظره إتصال منها أرتبكت وماعرفت شلون ترد عليها وفي الأخير أعترفت إنها خافت تزعجها بإتصالها، أتذكرت كيف ضحكت بإحراج من جوري اللي ردت بمزح "عادي لو أتصلتي وقلتي إنك أشتقتي لصوتي الجميل..ولأفكاري المجنونه..عادي مارح أقول لأحد" ومن بعدها وهي تتصل عليها كل يوم تقريباً، ومن يومين وجوري تقنعها إنها تنزل لجدها صقر وجدتها وديمه
لساعه بس واتفقت معاها إذا ماحبت جلستهم فمارح تعيدها..
دخلت دينا وبتساؤل/شو أررتي بتول..بدك تنزلي لما لا؟
مشيت للتسريحه وهي تعد خطواتها مثل ماقالت لها جوري ومدت يدها بحذر لحد مامسكت قارورة عطر شمت ريحتها ورجعتها مكانها وبعد كذا تجربه أستقرت على عطر معين وبخت منه وأستنشقته بعمق، وبهدوء/أنا جاهزه.
رفضت تمسك يد دينا اللي مدتها لها وبهدوء/أنا حفظت المسافه من هنا للمصعد.. رح أمشي لحالي بس خلك قريبه مني.
إبتسمت لها دينا وضمتها بتردد واتشجعت لما إبتسمت لها بتول بتوتر، وبتشجيع/ ماتألئي..أنا واسه إنك رح تأدري تعمليا لوحدك.
سمت بالله وبدأت تمشي وهي تعد خطواتها بحذر خرجت من غرفتها ووصلت للمصعد
بدون أي حوادث كانت متخيلتها وذا الشيئ اللي خلى ثقتها في نفسها تزيد بشكل كبير ،وبعدها كملت طريقها لفيلا جدها بمساعدة دينا،وقفت قدام الغرفه اللي بيجتمعوا فيها وأصوات ضحكهم واصله لعندها،وقفت بخوف للحظات قبل ماتبتسم بمرح خفيف وهي تحاول تتخيل أشكالهم لما يشوفوها داخله عليهم فجأه،فكرت "أخاف جدي ينجلط..ولا جدتي تنهبل..بسم الله عليهم وش ذا الفال" أخذت نفس عميق لأخر مره وكإنه بيمدها بالقوه اللي محتاجتها علشان تكمل اللي بدأت فيه وبدون تردد دخلت وسلمت،وقفت بهدوء وعقدت حواجبها وهي ترهف سمعها علشان تلقط أي همسه وماكان فيه غير الصمت التام ، رجعت سلمت بصوت أعلى وغمضت عيونها وهي تدعي بصمت ولثواني ظنت إن الكل صار لهم شيئ من اللي كانت متخيلتها وأنقذها صوت بدر المصدوم/بتول..أنتي وش جابك هنا؟
سمعت أحد يتحنحن قبل ماتسمع صوت جدها صقر وهو يرد السلام وتتبعه أصوات البقيه وهم يردوا وراه،حست بأحد مسك يدها ولما أتحسستها عرفت إنه أخوها بدر إبتسمت له ومشيت معاه لحد ماجلسها جنب جدها صقر اللي طلب منه ذا الشيئ،مسك يدها بحنان/ياحي هالوجه،زارتنا البركه شلونك يابنيتي..
باست يده بإرتباك/الحمدلله..
حست بيدين تتلف عليها وتضمها بقوه وبصوت بكاء متقطع/شلونك يمه..الحمدلله اللي شفتك هنيا.
ضمتها بتردد وصمت وبعد فتره من الأحضان والسؤال عن الحال من جدها مساعد وجدتها منيره وبدر بدأ الكل يتكلم معاها ببساطه ماخلت من الحذر في الكلام،في البدايه كانت تتكلم معاهم بإرتباك وعدم ثقه ومع مرور الوقت حست براحه خلت نبرتها تقوى وصوتها يوضح..بعد ساعه أكتشفت إن كل مخاوفها وتخيلاتها كانت مجرد أوهام.. ماحست بالشفقه والعطف اللي كانت متخيله إنها بتسمعها في أصواتهم، إبتسمت بفرح وهي تفكر في الوقت اللي ضيعته وهي حارمه نفسها من ذي اللمه الحلوه والبسيطه،لقت نفسها مستمتعه بحكايات جدها القديمه وحنان جدتها وديمه وخوف جدتها منيره..إهتمام جدها مساعد وفرح بدر اللي حست إنها شايفته بيقفز من وجهه لمجرد إنها إبتسمت له.
ساد المكان صمت مفاجئ غريب،الكل سكت مره وحده،عقدت حواجبها بإستغراب وهي تطالع في الفراغ بحيره وإرتباك/وش فيكم.. ليه سكتوا..جدي صقر!!بدر!!
جعدت خشمها بعد ماشمت ريحة عطر مألوفه فاحت في الجو وبتردد/با..بابااا.
حست بريحة عطره قريبه منها قبل ماتمسك يدها أيدين كبيره ودافيه وبصوت جامد/بتول!!!
سحبت يدها بخوف ووقفت وهي ترجف بوضوح للكل، وبتأتأه/دي..دينا..
قرب منها سند ومسك يدها، وبهدوء/وش تبين منها..أنا بسويه.
سحبت يدها بقوه وهزت رأسها برفض قاطع وبخوف/بدر..إبي بدر ..إبي.. أرد غرفتي.
أبو مساعد بحنان/بسم الله عليكي ..بتول وش فيكي توك وش زينك حبيبتي.
مسح سند وجهه بكفوفه بقوه وبهدوء/خلك هنا أنا طالع.
وخرج بهدوء مثل مادخل، حاولوا فيها علشان تجلس ورفضت بإصرار وفي الأخير خرجت مع بدر تحت أنظارهم المصدومه وراحت معاها لغرفتها وهي تبكي بحرقه.

خرج بسرعه للسياره اللي لسا ماراحت بعد ماوصلته ، وبغضب مكبوت طلب من السايق ينزل ويترك المفاتيح ركب وحرك السياره بسرعه وطلع برا القصر وهو مو شايف قدامه..
ساق بسرعه جنونيه على طول الخط للمزرعه وصورة بتول وهي تبكي وتتنافض قدامه تطالعه طول الطريق ، وصل المزرعه في وقت قياسي، علق على بوري السياره بقوه وإزعاج خلى حرس البوابه يخرجوا وهم رافعين سلاحهم بحذر أختفى بمجرد ماشافوه..دخل بمجرد مافتحوا البوابه ومالقي نفسه غير على ظهر الأدهم وهو برا المزرعه ويسابق الريح وكل تفكيره محصور في بتول"أكيد إنها تكرهني ومانست اللي صار ..للحين هي تلومني .. أنا قتلت أمها وخليتها عمياء ..حرمتها من حياتها ودمرتها لها في غمضة عين ..معاها حق تكرهني وتكره حتى تسمع صوتي ..معاها حق تكره تشاركني نفس الهواء والمكان..مارح تقدر تنسى ولا تقدر تسامحني أبداً..أبداً..

جده
المستشفى،الساعه ظ¥العصر


كان مار جنب الرسيبشن وهو راجع من مكتب المدير بعد ماقدم طلب الإجازه علشان العيد ووقف ولف وجهه بحركه أليه لما سمع أسمها،مشي لموظفة الرسيبشن وطلب ملف أسم أول مريض مر في باله واتظاهر إنه ينتظرها وأذنه مع صوفي ونوال ممرضة دكتور ناصف اللي تكلمها بحده/ وجع إن شاء الله ..لقد صرخ في وجهي بمنتهى الوقاحه..إني أشفق عليها حقاً..كيف يكون لها زوجاً بهذه الأخلاق السيئه.
صوفي بإبتسامه/زوجها السابق إيتها الحمقاء..لقد إنفصلا بعد خروجها مباشرة من هنا.
أتوسعت عيونه بصدمه"أتطلقت" أضطرت الممرضه تصرخ بأسمه لما يئست من إنه يسمعها،أخذ منها الملف بعد ماأعتذر لها بسرعه وهو يحاول يسمع باقي الكلام وهو يقلب في الملف بلامبالاة.
نوال بضحكه/حلال فيه المعفن.. لذلك قام بالصراخ حينما ذكرته بموعدها غداً لإزالة الجبس..وصارت تقلده بشماته/أنا مو مسؤل عنها..وتفكه ولا عنه لا أنفك.
صوفي بشرح/يبدو إنه لم يكن موافق على الإنفصال..حسناً إنه مثير للشفقه لإنه خسر جوري..في الحقيقه لم أكن أحبه أبداً.
ضربت نوال الأرض برجلها بعصبيه/ياربي وأنا أيش أسوي دحين..كيف سأقوم بأعلامها بموعدها غداً فالغبي أغلق الهاتف في وجهي ولم يخبرني برقم هاتفها.
طلعت صوفي جوالها ومشت مع نوال وهي تتكلم بضحكه/لاتقلقي سأخبرها بنفسي وغداً ستحضر في الموعد المحدد.
ترك الملف بدون مايرد على الموظفه اللي تكلمه وراح لمكتبه وجلس ويده على خده بشرود وباله يسترجع تفاصيل اليوم اللي عرف فيه إنها مشلوله..





كان في جوله على المرضى لما قابلته صوفي في الممر ووجهها شاحب وبإرتباك/أوه دكتور فهد..جيد أنك هنا.
طالع فيها بإهتمام/ماذا حدث صوفي.
نزلت دموعهاوبحزن/شيئاً فضيع دكتور فهد..إنها جوري..إنها لاتستطيع المشي.
زفر بضيق/قلعه تقلعك ياشيخه على بالي في مصيبه..وماذا في ذلك إن رجلها مكسوره وما إن يلتحم العظم من جديد حتى تعود لسابق عهدها .
لف ظهره ومشي قبل مايتفاجأ بيدها تسحبه لوراء،ألتفت لها بعصبيه/وش فيكي أنتي ..جنيتي.
حركت يدها بعصبيه قدامه/أنت دائماً متسرع ولاتدعني أنهي كلامي أبداً..إنها لاتمشي لأنها مشلوله..هل تفهم ماأقول..إنها مشلولة القدمين.
طالع فيها بصدمه/وشو.. من قال؟ مالذي تقوليه الأن..جميع فحوصاتها جاءت إيجابيه.
زفرت بضيق وهي تمسح دموعها وتحكي له عاللي صار وبعد ماسكتت،رد بهدوء/حسناً أكملي عملك وسوف أذهب لأراها وأقوم بفحصها .
شكرته وراحت واتوجه لغرفة جوري وهو يحلل وضعها، دق الباب بهدوء وانتظر تسمح له يدخل بس محد رد عليه،دق مرتين وأثنين وثلاثه وماجاه رد،فكر بصدمه "معقوله صار لها شيئ..هي مشلوله يمكن طاحت أوأغمى عليها..يمكن إنهارت زي لما صحت من الغيبوبه قبل" قطع أفكاره بسرعه وفك الباب ودخل رأسه بهدوء وهو ينادي عليها، ماتت الكلمه على لسانه قبل ماتطلع وأتوسعت عيونه بصدمه من اللي يشوفه..كانت جالسه قدام الشباك ورأسها منحني على حضنها ويدها مشغوله بشيئ فيه ويدها الثانيه بتتحرك على شعرها المفرود اللي بيلمع بلون ذهبي بسبب أشعة الشمس المعكوسه عليه وكان يتحرك بفعل الهواء ،كان مغطي وجهها ومو باين منه شيئ،رمش بعيونه للحظه ورجع برأسه لوراء وهو مقرر يطلع بهدوء زي مادخل.. بس في ذي اللحظه تركت اللي في يدها ورفعت رأسها وزاحت شعرها عن وجهها بنعومه وشاف جانب وجهها بوضوح وهي تبتسم وتحاول تلم خصل شعرها اللي بعثره الهواء وكل مامسكت خصله انفلتت منه خصله ثانيه وبعد عدة محاولات فاشله تركت شعرها للهواء وأستسلمت وهي تضحك ضحكه صافيه ومن قلب..وقف مكانه مبهور بالصوره اللي شايفها كانت خصل شعرها تطير وتتمايل في الهواء في كل الإتجاهات وكأنها سنابل قمح والسعاده اللي كانت باينه في وجهها وضحكتها ذكروه بطفله فرحانه بأول هدية ليها ..كانت مغمضه عيونها وحاضنه دفتر بقوه لصدرها وإبتسامتها ماغابت عن وجهها، وفكر "ياترى وش الشيئ اللي مخليها فرحانه كذا..معقول ذا شكل وحده توها درت إنها مشلوله" حس على نفسه وهو يبتسم ببلاهه وكأنها عدته بإبتسامتها،بلع ريقه بصعوبه وأستغفر ربه وأخيراً قدر يخرج ويقفل الباب وراه بهدوء.

اتحرك كرسيه فجأه لما طاحت يده اللي متكي وجهه عليها ورجع لواقعه، دار بكرسيه أبو عجلات لفتره وصورة جوري المبتسمه تتمايل قدامه،وقف الكرسي فجأه وهو يفكر يعزم ناصف على قهوه في الكافتيريا، خرج من المكتب وهو مبتسم وفي باله شيئ واحد بس، وهو إنه بكره لازم يظل مع ناصف مثل ظله ومايتركه أبداً.








إنتهى البارت


اللهم صل على سيدنا محمد وعلى إله وصحبه أجمعين.

فصل رائع كالعادة سلمت أناملك خيالة ‏

شكل الدكتور فهد ناوي على جوري معليش وخر شوي دكتور بتول وبدر محتاجينها أكثر منك وحتى سند محتاج تضربه على راسه ترجع له عقله ‏،‏ صحيح انته مؤذب وشهم وافضل من سند بسنوات ضوئية لكن للضرورة أحكام ‏

شكرا ‏
فيتو على النقل وعندي سؤال هل التنزيل له أيام مجددة وشكراااا يا عسل يا ورد يا قمر يا عمري يا فيتو ‏