لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المهجورة والغير مكتملة
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المهجورة والغير مكتملة القصص المهجورة والغير مكتملة


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 07-12-15, 08:04 PM   المشاركة رقم: 66
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,138
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المهجورة والغير مكتملة
افتراضي رد: خريف الحب / للكاتبة خياله،،والخيل عشقي

 


السلام عليكم ورحمة الله وبركاته.

صباح الخير لجميع المتابعين ،يارب تكونوا بخير..

زي ماوعدتكم ذا هيكون بارت طويل، وإن شاء الله ينال إعجابكم..

طابت جمعتكم..

،


(سورة الكهف نوراً مابين الجمعتين)
(إن الله وملائكته يصلون على النبي..ياإيها الذين آمنوا صلوا عليه وسلموا تسليما)
------------------
الورقة السادسة عشر

سلم أمرك لله و إبتسم وإطمئن ، فإن أتاك شيء فهو حتما لك و إن لم يأتك فتأكد أنه لا يناسبك ..ثق بالله دائماً ..

(بعد زواج خالد)

دخلت الصواني الثلاجة وغسلت يدها وصارت تعدد الأشياء الي باقي ماعملتها، رن جوالها وردت عليه بسرعة/ السلام عليكم.. ياهلا والله بالبكاشه..
لبنى بدلع/وعليكم السلام والرحمة.. أنتي ماهتبطلي عادة السلام ذي أول ماتردي.. وحشتيني..
جوري/لا إله إلا الله..ترى السلام لله..وأنتي واحشتني كمان..وينك.
لبنى/سوري حبي لأني ماجيت ،بس الأخ عامل فيها تعبان ولازق لي في البيت.
ضحكت جوري/يا عيني عالشوق وعمايله.. خفي عالرجال شويه حرام عليكي..
لبنى/خليه..ناس ماتجي غير بالعين الحمراء، ماعلينا المهم..كيف الأخبار..
طلعت الحلا من الفرن وحطته عالطاوله/ الحلا وورق العنب جاهز ،وصينية البشميل في الثلاجة..أممممم والسلطات أخر شيئ..
لبنى بقهر/مالت عليهم مايستاهلوا.. ال--
قاطعتها جوري/ههووووو علينا..رجعنا لنفس السيرة.
لبنى/طيب طيب..خلاص ،أنا بجيب معايا كيك ومعجنات.
جوري/لا تجيبي...وصيت مازن عليها ..أنتي شرفينا بطلتك البهيه وبس..ويلااا عطلتيني،السلام عليكم ..
لبنى بضحكه/إن شاء الله حبي،وعليكم السلام..
قفلت منها وخرجت للصالة والكل فيها..
طالعت في مؤيد اللي يرمش لها بدلع، وبضحكه/اللي بعده..أيش تبغى..
حك رأسه بإحراج/ يعني مافي فايده..
ضحكوا عليه ونط قصي لحضنها يبوسها..ضمته بقوة/هلا بشيخ الشباب وزينتهم..
مؤيد/هههعععععع...اللي مافقس من البيضه شيخ وزينتهم..أمال أنا أيه..
جوري بثقة/وسيد الرجال كمان..عندك أعتراض..بعدين أخلص وقول..
ياسمين بتريقه/يبغى حلا..عصافير بطنه بتصوصو..
مازن بضحكه/أمااا..تصوصو مره وحده.
أم خالد/مؤيد بلا شغل بزوره..أخوك وحرمته شويه ويوصلوا وبعدها كل براحتك.
طالعت فيه جوري وهزت رأسها/بااااس،ولك ساعه تبربش لي بعيونك كأنها مساحات سيارة علشان الحلا..مالت عليك أفتكرت عندك سالفه..
مؤيد/علشان تعرفي أني موطماع زي ماتقول الإشاعات..الموووهم بروح أكل..
جوري بتهديد/ياويلك إن عتبت باب المطبخ..تبغى تخرب شغلي كله في دقيقة.. كلها ساعة وأبشر أنت أول واحد بيذوق..
أم خالد/كله منك ..عودتيهم عالتزغيط زي البط..وذحين مو قادر يستنى.
شهق مؤيد/بط!!أنا ينقلي بط..أيش بقيتي للغرب..
ضحكوا عليه وراحت جوري ورمت له جالكسي/مشي حالك بذا للمغرب..وإن عرفت ولا سمعت إنك فكرت تدخل المطبخ هموتك..فاهم.
فتح الجالكسي وأكله بملل/لاتذلينا بحقك الحلا،من حلاته يعني ..بس أنا أحب أشجعك.
شبكت أيديها وحطتها قدامها زي المكرفون وبتمثيل/أحب أشكر كل من شجعني ودعمني في مشواري في عالم الطبخ.. وأخص بالذكر أخويا وصديقي مؤيد اللي لولا الله وثم تشجيعه ليا كنت لازلت ورطانه في صحون الكيك المحروق وصواني الحلا اللي محد بيأكلها غيره..
رماها بعلبة المناديل بضحك/أنقلعي..تتريقي أنتي ووجهك..نسيتي لما كان خالد يفشلك ويتريق عليكي،وأنا الوحيد اللي كان يعبرك ويأكل الحاجات الغريبه اللي بتسميها حلا.
طالعت فيه بحب أخوي/ومن قال أني أتريق ذي الكلمة اللي هلقيها لما أفتتح الكافيه تبعي..وببروز صورتك وأحطها في واجهة المحل..أيش تبغى كمان..
عدل فنيلة الرياضة اللي لابسها بغرور/أحم أحم..تصدقي صورتي ذي بتسوي شغل وتجيب لك البنات زي الرز..كلهم بيجوا علشان يسألوكي من الوسيم ذا..
مازن بتريقه/طيب أيش رأيك تروح تتروش ياوسيم ،لأنك صدعت روسنا بريحتك ذي..
نط عليه مؤيد بنذاله وحضنه بقوة/ياوااد كانت مباراة حماسية.. فاتتك.
وطالع في جوري /يا جبت فيهم هدفين زي الحلاووه.. فاتك بس .
دفه مؤيد بقرف/محلاك ماتجيب أهداف وجوري سنين تدرب فيك..
ياسمين بدلع/ماما أحسن منكم كلكم..
باستها جوري/عسل ياناس..يلاا روحي غيري وغيري لأخوكي..
هزت رأسها وأخذت قصي ..طالعت في أمها/يمه تبغى شيئ قبل ما أروح.
أم خالد/روحي حبيبتي وأرتاحي..مدري ليه تحبي تتعبي نفسك،كنا جبنا العشاء من برا وخلصنا.
جوري بإبتسامة/على أساس إنه مو من برا.. والمشويات اللي طالبينها أيش تكون.. معليش بخلي قصي معاكي شوية.
قلب مازن في القنوات بملل/أنا بآخذه معايا المجلس، وبعدين بأخذه نجيب العشاء .
إبتسمت بإمتنان وراحت غرفتها..فسخت جلال الصلاة اللي صارت تلبسه على طول في وجود مازن ومؤيد،أخذت دش وصلت المغرب.. ولبست تنورة بنية لحد الركبه وبلوزة مشمشية نص كم وقفت قدام المرايه وجففت شعرها بالإستشوار ووقفت محتارة أيش تعمل فيه وفي الأخير عملت نفخه خفيفة من قدام ونزلت خصل بعشوائية وجمعت باقي شعرها شنيون وهي تضحك وتتخيل رأسها كيف بيكون مع جلال الصلاة.. حطت بلاشر مشمشي وروج مشمشي ورسمت رسمه فرنسية وأتعطرت.. لبست إكسسوار خفيف وصندل بني .. خرجت عالمطبخ وولعت فحم ونادت ياسمين اللي جات تتدلع بفستان أخضر لتحت الركبه بشريطة عريضة عالخصر ومنفوش نفسه خفيفة..وطالعه تجنن ،سمت عليها وحصنتها/قريتي أذكارك..
أعطتها ياسمين الفرشة علشان تمشط لها/قريت الأذكار وصليت المغرب..وبرجاء/مامي،أعملي شعري زيك..
جوري بشرح/أخاف البنس تضايقك..
هزت رأسها بلا..عملت بسرعة نفخة و شنيون خفيف.. وأرسلت معاها القهوة والحلا للشباب في المجلس،لأنهم حبوا يخلوها تأخذ راحتها في التجهيز.. راحت غرفة العرسان بخرتها وشغلت الفواحات وشيكت على الترتيبات اللي عملتها برضى وحطت هدية ندى عالتسريحة وطلعت..
لقيت لطيفة وليلى ولبنى في الصالة يسلموا على أمهم..سلموا عليها ببرود ،وأخذتها لبنى بالأحضان وصاروا يدوروا مع بعض بهبل، لبنى/وحشتييييني..
ضمتها جوري بقوة/وأنتي أكثر ياقلبي..
طالعتهم ليلى من فوق لتحت/بلاش،أفلام الهنود دي..تراها بايخه..
لبنى/أيش فهمك في المشاعر ياباردة..ذا شوق وحب.. حاجات ماتعرفيها..
جلسوا البنات وراحت جوري تجيب القهوة والضيافة ..
ليلى توشوش لطيفة اللي ألتفتت تتأمل جوري،وبعصبية مكبوته/يعني علشان تقعدي براحتك،تطردي أخواني برا..
كانت جوري تتكلم مع لبنى بحماس وما أنتبهت للطيفة غير لما نادتها بحدة/ جوري.. من الأدب أنك تردي لما أكلمك.
رفعت رأسها وردت عليها بعفوية/معليش حبيبتي ماسمعتك..أمري..
ليلى بخبث/كيف تطردي مازن ومؤيد للمجلس علشان تقعدي براحتك..
أستغربت من كلامها/طردتهم..متى..من قال؟
لطيفة بعصبية/ذا اللي باين.. أخواني مو قادرين يجوا يسلموا على أخواتهم وقاعدين في المجلس علشان حضرتك ماتقابليهم بالمكياج..
أم خالد بحدة/لطيفة وليلى.. أشربوا قهوتكم من سكات وسيبوها في حالها..
ليلى بتمثيل/يعني مو شايفتهم يا أمي كيف قاعدين هناك لوحدهم ممنوعين من الدخله هنا..لا سلموا علينا ولا حتى أكلوا..كله علشان أفكارها الغبية اللي مو قادره تغيرها تفتكر نفسها..-----
قاطعتها جوري بهدوء/والله ذول أخواني زي مهم أخوانك..بعدين أنا ماطردتهم ولا طلبت منهم يروحوا المجلس،بس هما لإنهم ناس ذوق ويفهموا في الأصول إنسحبوا بطيب خاطر..ولاتخافي عليهم من الجوع قهوتهم وحلاهم عندهم..أما بالنسبة لأفكاري اللي مو عاجبتكم فأعتقد إنها فرض علينا مو جايبتها من رأسي،وكفاية إني بقابلهم لإني تربيت معاهم ومعتبرتهم أخواني،فمو معقول كمان أقابلهم بمكياج، بعدين أنا ماألزمتكم بأفكاري ،ولا أنتم ماشيين عليها أساسا..فما له داعي تعيدوا وتزيدوا في نفس الكلام لأني مارح أغير نفسي علشانكم..فصلوا عالنبي وأجلسوا أتقهووا وعينوا من الله خير..
لطيفة بغضب/أيش قصدك؟ أناماعندي ذوق ،أشوف لسانك صار طويل وتردي علينا..عالأقل أحترمي إنا أخوات زوجك الكبار..
لبنى بحدة/لا ياشيخه..دحين هيا اللي لسانها طويل.
جلستها جوري جنبها،وببرود/اللي يدق الباب يسمع الجواب، واللي يميزني شبر أميزه ذراع..
أم خالد بإبتسامة/قالت لكم اجلسوا أشربوا قهوتكم،بس مافي فايدة فيكم لازم تسووا فيلم وتسمعوا لكم كلمتين كل ماجيتوا..
لبنى بتريقه/المشكلة أفلامهم بايخة ومكرره.
وقفت جوري بهدوء/طبعاً البيت بيتكم... خذوا راحتكم لأني مشغولة في المطبخ.. راحت وسابتهم ولحقتها لبنى وبصوت عالي/خديني معاكي،الجو هنا مره يخنق..
التفتت لطيفة لأمها/أمي من جدك عاجبك كلامهاالوقحة ذي.. وقاعده تتفرجي عليها وهيا تغلط علينا..
طالعت فيهم أم خالد وهي تشرب قهوتها وتأكل بقلاوة ولا على بالها،وبهدوء/والله الوقحين أنتي وأختك اللي مو عاتقينها وكل ماجيتوا سمعتوها كلمتين تسم البدن.. وهيا عمرها ماغلطت عليكم،بترد عليكم بأدب..كثر خيرها اللي ساكته عنكم ومابتشكي لأخوكي من عمايلكم..وأنتي عارفه لو عرف باللي بتعملوه فيها ماهيحصللكم طيب..
ليلى بعصبية/أنا قلت لكم أكيد ساحرتكم ..أنتوا مو طبيعيين بالمره..
قامت لطيفة بقهر/بروح للي برا وأشوف لي حل معاهم..
إبتسمت أم خالد لما سمعت صوت خالد اللي وصل وأصوات العيال اللي يسلموا عليه في الحوش،التفتت للبنات/قفلوا السيرة أحسن وأقعدوا باركوا لأخوكم..ولا روحوا بيوتكم أحسن من الصداع حقكم..
طالعوا في بعض بقهر وراحوا للباب يستقبلوهم .


(جوري)

دخلت عالمطبخ مع لبنى اللي فاكه ضحك وموقادرة تتنفس/هههههههههههههههه.. خسارة ما جبت الكاميرا ،كان يبغالهم صورة.
جوري بإبتسامة/بس لاتفطسي عليا..ياحبك للشماته.
حاولت تتمالك نفسها بعد جهد جهيد/بس والله إنك رهيبة..أيش ذا البرود..الله يرحم زمان.. كنتي تطنشيهم وأصيدك في غرفتك تبكي.
طلعت ورق العنب وصارت ترصه في صحن التقديم بترتيب،وبهدوء/قلتيها زمان..كنت لسا صغيرة ومفارقه أهلي وبلدي،غير أني كنت عامله حساب لأبويا وأمي وخالد..بس بعد فترة فهمت أنهم من النوع اللي يحسب الأحترام خوف..والأدب ضعف،فقلت يابنت غيري سياستك يمكن يتعدلوا وربك يصلح الحال..بس مافي فايده فيهم،لكن عالأقل أوقفهم عند حدهم من غير مانزل نفسي لمستواهم.
لبنى تهز رأسها وهي تأكل ورق العنب اللي ترصه جوري في الصحن بتلذذ،ضربت جوري يدها بخفه/سخيفه.. سيبي ذا وكلي من القدر .
التفتوا للباب لما سمعوا الزغاريط وأصوات البنات اللي يباركوا لخالد وندى، سحبتها لبنى للحوض بعصبية/غسلي بسرعة ياغبية، حبكت ترصي ورق العنب دحين،طالعيني أشوف.
ضحكت عليها جوري ودفتها بشويش/بلا هباله ،هذي أنا حق كل يوم،بعدي بس خلينا نطلع.
عدلت لبنى شعرها بعصبية/ياحماره ماشافك من أسبوعين..لازم تكوني أحلى منها.. علشان يعرف أيش طير من يده..
مسكتها جوري بثبات وبتريقه/ عصفور على غفله،إيش اللي أطير..بعدين أنا اللي بيشوفني ،أنتي ليه متوتره..ريلاكس.. أيوه.. ذحين يلااا أمشي قدامي..
مشيوا خطوتين ولقيوا خالد قدامهم،نطت لبنى تحضنه وتسلم عليه/الحمدلله عالسلامه ياقلبي..
خالد/الله يسلمك يادلوعتي..كيفك حبيبتي. مدت بوزها بزعل/بكاش.. حبيبتك ودلوعتك وماتسأل عليا بإتصال.
حك رأسه بإحراج/في ذي مقصر،بس رح أعوضك.. رضيتي.
مسكته من كتفه ولفته لجهة جوري وغمزت له/أنا مو مهم..المهم ترضي بعض ناس.
طلعت وعند الباب أشرت لجوري إنه اتلحلحي وغمزت لها وقفلت الباب.
اتقدم منها خالد وأخذها في حضنه/وحشتيييييني..
ضمته بهدوء وباست خده/وأنت أكثر.. الحمدلله عالسلامه..
بعدها عن حضنه بشويش وطالع فيها بشوق/الله يسلمك.. أيش الحلاوه ذي..يقولوا زعلانه.
جوري بإبتسامة/يعني ماتعرف لبنى وحركاتها،سيبك منها.
حاوط خدودها بكفوفه وقرب وجهه من شفايفها،وهي على طول أعطته خدها يبوسه،وبعدت عنه بشويش ومسكت يده/يلااا نطلع اتأخرنا عالعروسة.
وما أعطته فرصة للرد سحبته وفكت الباب وطلعوا..
سابت يده وأتوجهت لندى اللي تطالعهم بقهر ،ضمتها بهدوء/الحمدلله على سلامتك، نورتي بيتك ياعروسة..
ندى بمجامله/تسلمي ،منور باللي فيه.
جلسوا وضيفتهم لبنى وجوري.
طالعت فيهم لطيفة وبخبث/عيني عليكم بارده..الخدود مورده والبال رايق..شكلكم أنبستطوا في شهر العسل..
كملت ليلى/وليه ماتورد والبال يروق..أحد معاه ندى القمر ومايغرق في العسل.
طالعتهم جوري بإبتسامة وهي تتقهوا بثقة وفي نفسها"لو تدروا إنه حركاتكم ذي ماهزت فيا شعره،كان ريحتوا نفسكم" وبلعانة/كان حقكم تجلسوا كمان أسبوع،الجو في مصر حلو في ذا الوقت..
ندى بغرور/والله كنا بنقعد..خالد حبيبي مره كان مبسوط ومايبغانا نرجع دحين،بس في ناس كل يوم يتصلوا وأزعجوناو-----
قاطعها خالد بهدوء/أنا قلت لك حاجز لأسبوعين بس..ماأقدر أسيب البيت أكثر من كذا..وشال قصي في حضنه وباسه وجلس ياسمين جنبه،وتابع/بعدين ما أقدر أبعد عن ذول الحلوين..وحشووني.
لبنى بمكر/بس دول اللي وحشوك..علينا.
ضحك على كلامها/وأمي وأنتي والكلاب اللي برا. ومن باقي..
شهقت لبنى/لا ياشيخ والحلوة اللي جنبي دي.
إبتسم خالد ومد يده لجوري/من غير كلام ،أكيد واحشتني الحلوة ذي وهيا على طول في بالي..تعالي جنبي..ليه قاعده هناك.
قامت من مكانها وجلست جنبه تحت أنظار ندى اللي تهز رجولها بعصبية،وبهدوء/يعني تأخذ راحتك مع عروستنا..بس عيالك ماصدقوا شافوك ولصقوا فيك..
أبتسم لها/أنا مرتاح وأنتوا كلكم جنبي.
التفت لأمه/إن شاء الله مانقصكم شيئ في غيابي..ومازن ومؤيد كانوا قد المسؤلية وماطفشوكي بهبلهم.
إبتسمت/مانقصنا غيرك ،وأخوانك ماقصروا وهبلهم جوري تقدر عليه..لاتقلق كأنك موجود.
وقعدوا في سوالف لين وقت صلاة العشاء. همست جوري لخالد/خذ ندى غرفتكم ،يمكن تبغى تغير ولاترتاح على مانحط العشاء.
خالد/على قولك علشان العيال كمان يدخلوا.


(خالد)

وقفت وأخذت ندى ورحنا غرفتنا ،وأول مادخلنا أستقبلتنا ريحة البخور والفواحات أنبهرنا بالشموع اللي موزعة بطريقة حلوة وبوكيه الورد اللي مزين الطاولة وعلى السرير بتلات ورد أحمر على شكل قلب..كان شكل الغرفة رووعة وقمة في الرومانسية ضمته ندى وبدلع/حياتي الغرفة تجنن..أكيد أنت اللي طلبت من لطيفة وليلى يرتبوها بالشكل دا.
هز رأسه بنفي/ماطلبت منهم شيئ..
طالع في الغرفة بإعجاب،وبثقة/ذي أكيد جوري اللي رتبتها.
شالت يدها من رقبته وبقرف/مو معقوله تكون هيا..أكيد لطيفة حبيبتي حبت تعملها ليا مفاجأة.
خالد بسخرية/ترى لطيفة مو حولك، ولافاضية لترتيب غرفتك.
شاف الهدية عالتسريحة،شالها وقرأ الكرت ومد لندى الهدية بإبتسامة/ أتفضلي ياعروسة..
فتحت العلبة المغلفة ولقيت خاتم ذهب حلو وفخم،طلعته ولبسته بفرح/واوووووووو حبيبي رووعه..
قربت منه بجرأه ولفت أيديها على رقبته/ودي هديتي ليك..باسته في شفايفه ووووو
وبعد دقائق بعدها عنه،وأبتسم/بالله كثري من الهدايا ذي..بس أيش مناسبتها..
رفعت يدها اللي فيها الخاتم قدامه/رد لهديتك الحلوة.
أخذ منديل ومسح الروج من وجهه وشفايفه و عدل ملابسه/بس مو أنا اللي جبته.. أعطاها الكرت تقرأه "ألف مبروك،ومرحبا فيكي فرد جديد في عائلتنا،أختك الصغيرة جوري "
طالعت فيه بصدمة أتحولت العصبية/مين سمح لها تدخل غرفتي،وبعدين أيش قصدها بالصغيرة.. شايفتني عجوزة.
خالد بإستغراب/تراها ما دخلت غرفتك من أول ماخصصتها ليكي،وأستئذنت مني قبل كم يوم وأخذت المفتاح من أمي علشان ترتبها لأستقبالك..وبعدين أنتي عمرك 25، وجوري21طبيعي تقول الصغيرة.
ندى بقهر/حبيبي كل دي أعذار علشان تكلمك وتخرب علينا شهر العسل ..
خالد بهدوء/تراها زوجتي ماتحتاج عذر علشان تكلمني..ولعلمك أستئذنتني برسالة ،يعني مافي شيئ من اللي في رأسك.. بعدين الحق عليها اللي عبرتك وحبت تعمل لك مفاجأة.
ندى/لا حبيبي محد طلب منها..الله يستر بس لاتسوي شيئ في الغرفة..لاتنسى إنها سمعتك وأنت تقول لي إنك ماتحبها..يعني أكيد تكرهني لإنك فضلتني عليها.
مسك كتفها بعصبية/الكلام ذا تنسيه ولاكإنك سمعتيه مني في يوم من الأيام.
ضمته لصدرها وبدلع/ليه أنساه..مو ذي الحقيقة..أنت ماتحبها وتحبني.
بعدها عنه بقوة/لا مو الحقيقة،أنا أحبها وما أستغني عنها..ولو عرفت إنك فكرتيها أو بس لمحتي لها بالكلام ذا يومك ما هيعدي على خير ياندى.. فاهمه.
طالعت فيه بصدمة/يعني كذبت عليا.
مسح وجهه بعصبية/أفهميها زي ماتحبي.. وقفلي السيره.
دخل الحمام(أكرمكم الله)ووقف تحت الدش وحاول يتمالك نفسه بصعوبة وذاكرته ترجعه لليوم اللي واجهته فيه جوري بمكالمته مع ندى واللي سمعتها وتعبت ذيك الفترة بسببها..

 
 

 

عرض البوم صور فيتامين سي   رد مع اقتباس
قديم 07-12-15, 08:06 PM   المشاركة رقم: 67
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,138
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المهجورة والغير مكتملة
افتراضي رد: خريف الحب / للكاتبة خياله،،والخيل عشقي

 

(قبل سنة)
(خالد)
صار لجوري أسبوع وهيا تعبانه ومتغيرة..من يوم مالقيتها متشنجة في غرفة الأولاد ووديتها عالطوارئ وحالها مو عاجبني.. كلامها معايا محدود، ووجهها جامد بدون ملامح،وتتجاهلني بنظراتها بشكل مو طبيعي..صارت تعاملني بطريقة غريبة،حتى بداية زواجنا كانت طريقتها أرحم..عالأقل كانت تعصب مني و تتفاعل معايا وترد عليا لما أرفع ضغطها ولا أحرجها بكلامي وحركاتي،أما ذحين كإنها مو شايفتني ،ترد عليا بالقطارة ،صرت أتعمد أقعد جنبها وأمسك يدها وأفتح معاها مواضيع قدام أهلي،لإنها بتعاملني في وجودهم بحذر وإنتباه علشان لاتلفت إنتباههم..ومع ذلك برضها بتتجنبني وتبعد عني بذكاء بدون ماتعطيني فرصة.. قربت أتجنن وصرت حذر في مكالماتي مع ندى لإني شاك إنها سمعتني وأنا أكلمها.. بس اللي محيرني ليه ماواجهتني أو لمحت لي عالأقل..كنت ملاحظ إنها تقوم بواجباتها المنزلية على أكمل وجهه،ولما ندخل ننام القاها لابسه ومتزينه،صح مو لابسه قمصان النوم الي اتعودت عليها وأكتفت بالبجايم الطويلة والبرمودا بس لو لبست خيشه بتطلع حلوة ،لكن البرود اللي في ملامحها كان يخليني أتردد..لكن بعد أسبوع مر بطيئ وكئيب من غير حسها حولي ومعايا..حسيت بشوق ليها،شوق لحضنها وريحتها حتى ضحكتها وكلمة قليل أدب أشتقت أسمعها منها..
اتروشت وطلعت لقيتها تقرأ رواية ، أعطتني ظهرها كعادتها لما ألبس ،أكتفيت بشورت واتعطرت وأنسدحت جنبها بتوتر ،أعطيتها ظهري وبعد فترة رجعت نمت على ظهري ومسكت جوالي وقعدت أقلب فيه بملل،دقائق ورميته وأنا حاس بأعصابي مشدوده ..ريحة عطرها في اللحاف وفي مخدتي وترتني زيادة وقربها مني حسسني بضعف.. صرت أحرك رجولي بعصبية في كل جهة وأنتبهت لعقدة حواجبها اللي تدل على أنزعاجها لإنها ماتحب حركتي ذي..قفلت روايتها وطفت الأباجورة وأنسدحت جنبي بهدوء.. مديت يدي بحذر وعملت نفسي مو منتبه وحطيتها على كتفها،ولما شفتها ما تحركت أتشجعت ومديت ذراعي تحت رقبتها وسحبتها لحضني وووووووووو

وقفت بهدوء ولفت نفسها بالشرشف وراحت تتروش.. اتأملتها للحظات، شكيت إنها كانت تجاملني مو أكثر..حاس إن جسمها موجود وعقلها كان مو معايا.. طالعت في الساعة ما بقي شيئ عالفجر.. لما شفتها طولت رحت أستعجلها،وقفت جنب الباب بقلق وأنا أسمعها تستفرغ وتتأوه بألم..دقيت الباب بشويش/جوري..فكي الباب
ماردت عليا وبعد شوية طلعت لابسه الروب ووجهها أصفر وتعبان..قربت منها وسندتها علشان أجلسها،بس صدمتني لما بعدت يدي بشويش ولفت وجهها عني وجلست قدام التسريحة تنشف شعرها ببرود..
جلست على طرف التسريحة وبشك/أنتي تعبانه..فيكي شيئ.
هزت رأسها بلا وأستمرت في اللي تعمله بدون ماتطل فيا حتى ،ماحسيت على نفسي غير لما سحبت الفرشه من يدها ورميتها عالأرض بعصبية/وبعدين معاكي..أيش فيكي، ليه بتعامليني كذا..
طالعت فيه ببرود/كيف بعاملك.
خالد بغضب/جوري لاتجننيني.. ليكي فترة مو أنتي..أيش بك.
وقفت وراحت الدولاب تطلع لها ملابس وبهدوء/ناقصك شيئ..بيتك مرتب ،أغراضك جاهزة،أولادك غيرك يتمناهم،زوجتك وتحت أمرك وقت ماتبغاها..أيش اللي مجننك.
خالد بقهر/أنتي ليه متغيرة..ليه صرتي بارده ومالك داعي..أنتي سامعه كيف تكلميني.
جوري بنفس الهدوء/متغيرة،بارده،ومالي داعي..أحسن من إني أكون كذابة ومنافقة وبوجهين..باردة لإن ذا فعلا اللي حاسه فيه..متغيرة لإني ما عدت نفسي.
خالد بإستغراب/ وليه تكوني كذابه ومنافقة وبوجهين؟
جوري بإستنكار/لما شخص يوهم شخص ثاني بحبه وهو كارهه،أيش يكون ..ولما يعيش معاه سنين وهومجبور ومضطر ومابيده حيله، أيش يكون..لما يقول له كلام ويقول للناس كلام غيره ،أيش يكون..
طالع فيها بصدمة وحس نفسه أنقطع"يعني سمعت كل شيئ"
مسك يدها بإرتباك/أنتي مو فاهمه،خليني أشرح لك.
نفضت يده ببرود/ جاي ذحين تفهمني وتشرح لي..للأسف اتأخرت..أتأخرت خمس سنين ،لا ستة سنين مع السنة اللي قضيتها في بيتنا بعد الملكة..
مسكها من كتوفها وثبتها قدامه/أعطيني فرصة وأسمعيني للأخير وبعدها قرري .
دفته عنها بقوة وبعصبية/لا تفكر تضحك عليا بكلمتين،وتفرحني بأني صاحبة القرار..
ليه من البداية من خليتني أقرر..لما انجبرت عليا وأتزوجتني ،ليه ماقلت لي وأنا أقرر.. لما عشت معايا سنين وماحبيتني ،ليه ماصارحتني وخليتني أقرر..لما رحت تتعرف وتحب وتعيش حياتك ،ليه ماخليتني أقرر..
سكتت وحاولت تتنفس بقوة وهي تحاول تسيطر على نفسها،وتابعت/ أنا ماكذبت عليك ولا خدعتك..كنت عارف أحساسي، ناحيتك من أول مرة شفتك فيها..ومع ذلك حاولت أحبك وأعطيتك وأعطيت نفسي فرصة علشان نبني بيتنا ونحافظ عليه.. حفظتك في عرضك وبيتك ومالك وأهلك.. ليه ماصارحتني باللي حاس فيه----
قاطعها برجاء/والله أنا حاولت زيك،ومن جد صرت أحبك.. اللي سمعتيه كان مجرد---
قاطعته بقوة/لاتكذب ولا تجيب سيرة الحب على لسانك،لإنه مايهمني ..على بالك زعلت وأنصدمت لما أكتشفت إنك ماتحبني،لايروح بالك بعيد..أنا زعلت إني ضحيت بسنين من عمري مع واحد مومهتم،لااا وطلع مغصوب عليا..أنا حرمة وانغصبت ذي فهمتها.. أنت أيش عذرك..
خالد بعصبية/جوري أحترمي نفسك..ما أسمح لك تغلطي عليا..
طالعت فيه بثقة/الحمدلله محترمة نفسي ومو محتاجتك تعلمني الأحترام..وماتسمح لي أغلط ؟
وأنت مين سمح لك تقلل من أحترامي قدام حبيبتك ،تتكلم عني وعن حياتي معاك عندها ،بأي حق تقلها إنك ماتحبني ومو طايقني ليه..و من سمح لك تأخذ القرار عني في حياتي معاك،وتقول إنك متمسك بيا ومارح تطلقني..لا ااا بصراحة غرقتني بكرمك وعظيم فضلك..
خالد بغضب/لايكون تبغي تتطلقي..
جوري ببرود/ذحين اللي همك طلبي الطلاق ،لكن اللي عملته أنت عادي..عموما ذا شيئ مايخصك.. زي ماصارحتك بداية حملي ..قلت لك كل شيئ وخيرتك وأعطيتك حرية الأختيار وأتشاركنا في قرار حياتنا...كان لازم تصارحني وتحطني في الصورة وتترك لي حرية الإختيار وأنا اللي أقرر أكمل حياتي معاك ولا لا.. لكن أنت كنت أناني ومغرور ،سويت اللي يرضيك ولغيتني من حساباتك ولافكرت في وجودي في حياتك. أنت أستكثرت عليا حقي وحرمتني من إني أقرر وذحين تقلي أعطيني فرصة..خلاص أنت مالك أي حق عندي.
مسح وجهه بنفاذ صبر/هوا بكيفك ،أيش اللي مالي حقوق،أنا زوجك لاتنسي ذي الشيئ.
طالعت فيه ببرود/لحسن الحظ أنا مو زيك.. يعنى مارح أقدر أنسى إنك زوجي.. زي ما نسيت أنت أني زوجتك وكرامتي من كرامتك..
طالعت في ساعتها وأعطته ظهرها وبجدية/هيفوت وقت الصلاة..
مسك يدها ولفها ليه و بتردد/أنتي.. ليه كنتي تستفرغي.. أنتي قرفانه من قربي ؟
سحبت يدها بشويش/كنت أتمنى ماتسألني.. لإن جوابي مارح يعجبك..ومارح أجاملك.
أخذت ملابسها وطلعت برا.

جلس عالسرير بقهر..كان لازم أعمل حساب ذا اليوم،وأعرف إنها مارح تمشي اللي صار على خير،أنا الغبي،كيف أكلم ندى في البيت وهيا معاها حق،أنا غلطت لما قلت لندى ذا الكلام..كيف أقلها كذا وأنا مخطط أنهم بيكونوا الاثنين على ذمتي،كيف هيكون شكل جوري قدام ندى اللي أكيد مارح تفوت فرصة إلا وتفكرها بيها..ذحين كل شيئ اتلخبط..أهل ندى مو موافقين،وجوري.. معقول تطلب الطلاق!!لااااااا..أنا مستحيل أطلقها،مستحيييييل..
سمع صوت الأذان،أستغفر وراح يتروش ويلحق عالصلاة.. ولما رجع جاب معاه فول وتميز للفطور ،ولقيها تجري في الحوش بكل نشاط..
وقفهاوبهمس/ ممكن نجلس زي الناس ونتكلم بهدوء.
وحطتها على جنب/أعتقد ذا مو الوقت ولا المكان المناسب للكلام.
وقف قدامها ومنعها من الحركة/يعني لمتى بنجلس عالحال ذا..ومتى يكون الوقت المناسب.
طالعت فيه بهدوء/لما أقدر أحط عيني في عينك من غير ما أحس بندم على أي لحظة قضيتها معاك..وقتها بجيك بنفسي وأحط النقط عالحروف.
طالع فيها للحظات قبل مايسيبها ويدخل البيت.
-------------------
(بعدها بيومين)
دخل المطبخ يشرب ولقاها جنب الفرن..
طلعت البسبوسة من الفرن وسقتها بالشيرة وحطتها على جنب ولا كإنه موجود..
طالع فيها للحظات قبل ما يفتح الباب ويطلع وتجلس عالكرسي بتعب وإستسلام.
وبعد ساعة دق باب المجلس،طلت جوري وهي لابسه عبايتها ونقابها في يدها/خالد أنا جاهزة.
طالع فيها بإستغراب،ونط مؤيد/على وين من غيري،ومن غير سنافرك..
إبتسمت وبهدوء/عازمه خالد برا ولوحدنا.. وسنافري عند أمي..ياريت تنتبه لهم..ممكن.
غمز لخالد،وبلكاعة/حركاااات،الحب راضية عليك وعازمتك وأنا أتدبست وبلوشي.
رفسه خالد بشويش ووقف/بلا لقافه وخليك في حقك الحب..
رمى مؤيد نفسه عالأرض وحط يده على قلبه وبهيام/ حبي فطوم..متى بس تخطبوها ليا..تراها قد جوري لما اتزوجتك،يعني كبيرة.
ضحكت جوري/الله يجعلها من نصيبك.. عموما البسبوسة في المطبخ،يعني رعايتك مو بلوشي.
وقف بسرعة ونسي فطوم في ثانية/بمكسرات..
هزت رأسها بأيوه..ومد يده وسلم عليها وهو خارج ،وهي فاكه ضحك عليه وبإمتنان/أصلي عليكي.. والله إنك بنت بنت.
هز خالد رأسه بيأس من أخوه اللي رافض يعقل..وطلع مع جوري..
وقفوا في البحر وأختاروا مكان مافيه ناس كثير وجلسوا فيه..
طالع فيها خالد وحاول يعرف في أيش تفكر بدون فايده، لطالما كان فاشل في قرأت أفكاره ومعرفة خطوتها الجاية رغم وضوحها الشديد..وذا الشيئ كان يسبب له التوتر لإنها بتفاجأه بردود فعل وكلام مايخطر على باله.
قطعت عليه أفكاره/أنت ناوي على أيه أنت وحبيبة القلب..
رد بتوتر/ماهي حبيبة القلب، لاتقول-------
قاطعته بهدوء/ياريت تختصر وتعفيني من تبريراتك اللي ماتهمني..أنا مو حابه أقاطع كلامك كل شوية.
خالد بعصبية/أتكلم على كيفك يعني.
ردت بنفي/لا طبعاً..بس ياريت تتكلم في اللي يخصني ويهمني..
طالع فيها وبحذر/ماتبغي تعرفي مين هيا، وكيف أتعرفت عليها.
إبتسمت بلامبالاة/مايهمني أعرف ولايفيدني في شيئ.
طالع فيها بمكر/كيف مايهمك..ذي المفروض هتكون زوجتي، وأنا زوجك..يعني المفروض تغي--------
وقفت وقاطعته بهدوء/إذا مصر نضيع الوقت في حاجات تافهه،رجعني البيت أحسن.
مسك يدها وجلسها بعصبية/خلاص..أنتي ماصدقتي! ناوي على أيش..ناوي أتزوجها طبعاً
جوري/حقك،وأنا أيش وضعي..
خالد بإستغراب/وضعك زي ماهوا،لاتفكري إني بطلقك..ذا الشيئ تنسيه وتشيليه من بالك..
ضحكت بخفه/بتعيشني معاك بالغصب..
خالد بعصبية/لا طبعاً،بالطيب وبرضاكي.. بحاول فيكي لين توافقي،ومارح أتنازل عنك أبداً..فإذا حاطه الطلاق في بالك،أنسيه.. فاهمه.. أنسيه.
ردت بتساؤل/وياترى وين بتسكنها..
رد بإندفاع/في بيت لوحدها،مارح تضايقك ولاتشوفك.. مالها أي علاقة فيكي..ورح أرضيكي بالهدية اللي تختاريها..بس أنسي الطلاق،أيش تبغي كمان..
طالعت فيه ببرود/أوكي..وأنا موافقة أنسى الطلاق بس بشرط..
طالعها براحة ممزوجه بحذر/أيش شرطك؟
إبتسمت وبثبات/ندى تسكن عندنا..في نفس بيتنا، وإذا حسيت في يوم بإي شيئ يقلل في أحترامي أو يهز صورتي حتى لو قدام نفسي، فأعتبر اللي بينا أنتهى وذي هتكون أخر فرصة لينا مع بعض.. إذا نفذت اللي قلته كان بها..غير كذا أنسى موافقتي.
طالع فيها بصدمة/هااا..ليه،وليه رابطه سكنها معاكي بطلاقك..أنا في البداية فكرت كذا، بس أعتقدت إنك هتفضلي سكنها بعيد عنك.
طالعت في البحر وإتنهدت بهدوء/لإنك أناني، أنت فكرت كذا علشان تشتري راحتك، تبعدنا عن بعض وبكذا تتفادى المواجهات اليومية اللي هتصير بين أي ضراير ،وتريح رأسك من النقار والشكاوي وتوابع الزواج اللي مافكرت فيها..صح!
تابعت بنفس الثقة لما مارد عليها/لكن في وسط تفكيرك ذا نسيت شيئ مهم..نسيت أمك اللي مالها غيرك.. نسيت أخوانك المراهقين اللي محتاجين لسند وعون في ذي الفترة..والأهم نسيت أولادك.. تقدر تقول لي متى هتلقى لهم وقت علشان تجلس معاهم وتشوف احتياجاتهم،وأنت متشحطط من بيت لبيت..
خالد بإرتباك/أنا مارح أقصر عليهم،ووضعهم ومصروفهم بيمشي زي ماهوا.
جوري بشرح/أنا ماقصدت الإحتياج المادي مع إنك هتحتاج ميزانية وقدرها علشان تفتح بيتين.. بس مو مشكلتي.. أنا قصدي الإحتياج المعنوي والنفسي..أنت هتضطر تغيب يوم أو يومين عند كل وحده أو حسب ترتيبك..يعني مارح تكون متواجد معانا على طول ،وإذا صار لها شيئ وأنت مو عندها،هيا كيف هتتصرف،عالأقل أحنا عندنا مؤيد ومازن إذا صار لنا شيئ..وبعدين لما تقول مالكم علاقة ببعض،أنت مستوعب إنك إذا ربنا أراد هتجيب منها أولاد..يعنى أخوان عيالي،تبغاهم يتفرقوا ويعيشوا في أحزاب.. لاااا معليش..أنا أبغاهم يتربوا مع بعض،يكبروا سوا وهم عيال خالد مو عيال ندى وجوري..يكبروا وهم يحبوا بعض وقلوبهم على بعض يكونوا عون وسند لبعض، مابغى يكبروا على شغل الضراير والكره والحقد،وطول ماهم بعاد عن بعض ذا اللي بيصير..فهمت ليه مصره ولا لسا..
وقف وراح وقف عالشاطيئ وكلامها يدور في رأسه"أنا كيف مافكرت في ذا كله،كيف ماحسبتها صح ووزنت الأمور بعقل..معقول حبي لندى أعماني،لذي الدرجة ..وصرت زي ما قالت جوري أفكر بس في راحتي حتى لو على حسابهم،كلامها غير كل حساباتي وصار لازم أعيد التفكير في الموضوع من جديد"
رجع لجوري ووعدها يفكر في كلامها بجدية..
وبعد كم يوم وافق على طلبها ودخل في دوامة جديدة مع ندى اللي رفضت بإصرار وبعد جهد جهيد أقتنعت على أمل إنها بتأثر عليه بطريقتها لما يكونوا مع بعض..
صحي من ذكرياته وركز إنه طول في دشه ،لف جسمه بالمنشفة وطلع وشاف ندى مكانها،فك الدولاب وإبتسم لما شاف ملابسه مبخرة ومرتبة بترتيب جوري المنظم ،لبس وصلى العشاء وهي لسا على وضعها..التفت لها بهدوء/غيري ملابسك وألبسي شيئ عدل وتعالي سلمي على مازن ومؤيد،لاتتأخري، وتركها وخرج..



انتهى البارت

أنتظركم..ودمتم بخير حتى الملتقى القادم.


لا إله إلا أنت ،سبحانك إني كنت من الظالمين

 
 

 

عرض البوم صور فيتامين سي   رد مع اقتباس
قديم 07-12-15, 08:10 PM   المشاركة رقم: 68
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,138
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المهجورة والغير مكتملة
افتراضي رد: خريف الحب / للكاتبة خياله،،والخيل عشقي

 

اللهم إني أصبحت أشهدك.. وأشهد حملة عرشك.. وملائكتك..وجميع خلقك أنك أنت الله..لا إله إلا أنت.. وحدك لا شريك لك..وأن محمداً عبدك ورسولك.
----------------

الورقة السابعة عشر

من أهم أسرار السعادة أن يتذكر الإنسان ما لديه من نعم قبل أن يتذكر ما لديه من مشاكل وهموم..

-------------------
أبتسمت وحطت كوب قهوتها عالطاولة وجلست قدام الأله الكاتبة ومررت أصابعها عليها بحنين وهي تتذكر لما طلبت من خالد يشتري لها وحده وكيف إستغرب لما عرف إنها تطبع بطريقة بريل،بعدها ظلوا فترة يدوروا لحد ما فاجأها بوحدة طرازها أحدث من اللي كانت معاها،يومها فرحت بشكل كبير خاصة إنها ماكانت تقدر تكلم أحلام براحتها بسبب أسعار المكالمات الدولية،فكانت تكتفي بالسلام والسؤال عن الحال بشكل عابر من وقت للثاني..لكن بعدها صارت تتراسل معاها بشكل أسبوعي ويوافوا بعض بأخر المستجدات في حياة كل وحدة فيهم.. أترددت كثير قبل ما تقرر إنها تكتب لأحلام عن زواج خالد ..خاصة إنه مر عليه إسبوعين ولسا أهلها مايدروا..بس صار لازم يعرفوا.. فردت أصابعها بتوتر وسمت بالله وبدأت تكتب..
(أحلامي الغالية)
السلام عليكم ورحمة الله وبركاته..
اتمنى توصلك رسالتي وأنتي في أحسن حال وبصحة جيدة. أحلامي أشتقت لك بشكل ما تتخيليه..أشتقت لملامحك الطيبة وصوتك الهادئ.. أشتقت لحضنك الدافئ.. أشتقت لجلساتنا سوا ومذاكرتنا ولمتنا مع البنات.. أشتقت لأيامنا الحلوة اللي كان فيها أكبر همي فيها إنه يمر صباحي بدون ماأشرب قهوتي مع أبويا..إني يمر عليا يوم بدون ما أطلع السطوح مع عبدالرحمن.. أو إني أروح المدرسة وما القاكي جنب البوابة تنتظريني،أو أتسلق شجرة التين بدون مايصيدني معاذ..أو إني أجيكم البيت وما يكون علي موجود وأطفش بدونه.. كبرنا وكبرت معانا همومنا وأتغيرت الأشياء اللي صرنا نخاف منها..صرت أخاف من إنشغال أبويا عليا وخوف أمي، أخاف من نبرة الشوق واللهفة اللي في صوتهم لما يكلموني،أخاف من معاذ وعلي وعبدالرحمن اللي على طول بيتصلوا علشان يعرفوا أحوالي.. أخاف أحد فيهم ينتبه لنبرة حزن أوضيق في صوتي،ينتبه لآه حنين أو شوق ،لكلمة تفلت مني بدون قصد وتحسسهم بعذابي في بعدي عنهم..
(أحلامي) أشتقت لكم لحد الوجع.. صرت أنتظر الأجازة بفارغ الصبر وأنا أدعي أن أموري تتسهل وأقدر أزوركم بدون تأخير.. لكن أول مرة أخاف من قرب الأجازة. خايفة من المواجهة واللي هيصير فيها..خايفة من زعل أبويا وأمي..من غضب علي وتهور معاذ، من غيرة عبدالرحمن، ومن قلبك الطيب..
أحترت كيف أوصلكم الخبر ،وبالأصح كيف أوصلكم الخبر وأنا بعيدة عنكم..كنت أتمنى أكون موجودة على الأقل أقدر أشرح لكم وأفهمكم دوافعي..أقدر أطمنكم وأريح بالكم عليا،أقدر أوريكم إني قوية وأتحمل أي شيئ في بعدكم.. أنتي أكيد مستغربة المقدمة الطويلة ذي..لكن لاتخافي ولايروح بالك بعيد،كل ما في الموضوع إن (خالد أتزوج) فقط لاغير..يعني كل شيئ في الحياة ماشي وفق نظامه الطبيعي..الشمس بتشرق من الشرق..أيام الأسبوع ثابتة..الطيور بتهاجر وترجع لموطنها الأصلي..مافي شيئ أتغير، حتى حياتي ماأتغيرت ولا أختلفت بزواج خالد، مر على زواجه أسبوعين وأنا مرتاحة ومبسوطة ومافي،أي شيئ يخليكم تقلقوا أوتخافوا عليا منه..عايشين مع بعض ومستقرين ولله الحمد..
أدري إنك ماهتصدقيني بس كوني متأكدة إني ما زعلت لإنه أتزوج أو حتى غرت..وعلى فكرة أنا حضرت زواجه ورقصت كمان..أيش رأيك فيا،قلت لك إني قوية ومو أي شيئ يأثر فيا بسهولة..الظاهر كلام علي ومعاذ طلع صح.. ماعندي مشاعر وأحاسيس،ولا أنا رقيقة زي باقي البنات..شفتي كل شيئ له حكمه..المهم أنا قلت لك الخبر لإني ماهقدر أمتص غضبهم وإنفعالهم وقت مايعرفوا، لكن وجودك جنبهم هيساعدني هتكوني حائط دفاعي الخاص،هديهم وحاولي فيهم يكونوا عقلانيين علشان ماألقى علي ومعاذ على أول طيارة..يمكن طلبي صعب وثقيل عليكي، لإنك هتكوني زعلانه بنفسك..بس أنتي أكثر وحدة عارفة أحساسي وإنه زواجه ماعنى لي أي شيئ من اللي ممكن يفكروا فيه.. (أحلامي)كوني قوية علشاني ولاتستسلمي.
أنا تعتمد عليكي وعلى عبادي..الله يعيني عليه..ذا لوحدة بجلس ساعة أفهم فيه لإنه أساساً منتظر لخالد غلطة ..
أدري إن رسالتي ذي مملة وكئيبة ياريت ترميها بعد ماتخلصي منها علشان ماتكتئبي كل ماتقريها..أقرأي رسايلي الثانية لإني أدري إنك محتفظة بيها مثل ما أنا محتفظة برسايلك ورسايل عبادي وسوسن والبنات.. وكل ما حنيت لكم أقرأها وأرجع جوري القديمة من جديد..
صار لازم أكلمهم فكوني مستعدة وهرجع أتصل وأسمع صوتك وأطمن عليكي..وحتى القاكي..دمتي لأحبتك ولي بخير..(جوريتك)


(بعد فترة)
جوري ولبنى وحنان متجمعات في بيت ساره، وقاعدين عالأرض وحاطين القهوة والحلا والشيبسات والعصاير ..ويتناقشوا في موضوع مهم..
ساره بعصبية/الله يعينك على برودك.
جوري بضحكه/يختي أيش تبغيني اسوي..
حنان بإستغراب/أنت تبغي تقنعيني إنك مابتغيري ولاتتضايقي؟ جوري حبيبتي أنتي لقطة البوس في الأفلام تغيري القناة،كيف عالواقع.
جوري بصدق/أكيد بتضايق..أنا ما أحب ذي الحركات،بعدين ذي أشياء حميمية المفروض يكون لها وضع خاص..لكن غيرة..ولا جات على بالي..
لبنى بضيق/وربي إنك مستفزه..أنا أنصدمت منهم وتنحت مكاني،وهيا شافتهم وكملت طريقها ولاكإنه صار شيئ.
طالعت فيها جوري بإستنكار/لاياشيخه..أجل أحجز مقعد في الدرجة الأولى وأحضر الفيلم.
ساره بتعجب/وربي صادقة ،إنها أفلام ومن تمثيل السوسه ندى.
لبنى بحقد/لا وأفلام +21
شهقت حنان/ياويلي..والله أنهم مايستحوا.. أنتي كيف متحمله.
أتنهدت جوري وبتفكير/للأمانة يعني..أول مرة شفتهم أنصدمت وتنحت فيهم قبل ماأستوعب المنظر وأفك رجلي، وبعدها صار كذا موقف وكنت أنسحب بدون مايحسوا ..بس لما أتكررت الحركة واتأكدت إنها بتتعمد تخليني أشوفهم في ذي المواقف.. غيرت سياستي.
سارة بإهتمام/واللي هيا.
شربت قهوتها بإستمتاع وبهدوء/سياسة التطنيش..يعني هيا بتسوي كل ذا على بالها بنقهر وأنجن وأغير...خلاص أنا صرت إذا شفتهم في وضع محرج أكمل طريقي ولا كأنهم موجودين..وذا الشيئ رفع لها الضغط والسكر..
سارة بقهر/الواطية ..الحيوانة ..تستاهل ،يارب ي------
قاطعتها جوري/لاتدعي عليها..مالنا ومالها..
لبنى بملل/بالله سيبوكم منها ذي كمان.. خلوها براحتها لين تتطلق من تحت رأس الحربايه ندى .
جوري بشرح/لعلمكم ترى ندى طيبه وحبابه، بس أمها الله يهديها هيا اللي تبلفها وتحشي دماغها بكلامها الفاضي.
سارة بتريقه/أي مرررره طيبة،بدليل أفلام البوس والأحضان اللي بتعملها مع زوجك قدامك..يا أمي طيري بس..أنتي اللي هبلا.
ضحكت جوري بخفه/أنا هبلا ،طيب مقبوله منك يا دبتي..
وتابعت بجدية/والله أكلمكم جد..ندى من جواها طيبه،بس مشكلتها إنها وحيدة أمها وأبوها،ماعندها أخوان وأمها من النوع المتسلط ،بتتحكم في خرجاتها ومين تصاحب ومين تكلم،يعني بالعربي ضيقت عليها الخناق..وخالد كان الشيئ الوحيد اللي أختارته بنفسها، حبته وأتعلقت فيه بس كان فيه مشكله واللي هيا أنا..أمها كانت معارضه زواجهم بحجة إني بحول حياتها لجحيم، والبنت اتأثرت بالأفلام وشغل الضراير..
قالت في بالها توريني العين الحمراء وتفرض سيطرتها من بدري خاصة إنها عارفه إن البيت كله في صفي..فهمتوا..
طالعوا فيها بتفكير وكل وحده تقلب الموضوع في دماغها بتفكير غير الأول.
حنان بعصبية/وخالد كيف يسمح لنفسه يسوي كذا..
جوري بهدوء/خالد ماله صلاح..ندى كانت تتعمد تكون هيا اللي في الواجهه،يعني لما كنت أدخل مكان بيكون معطيني ظهره ومو شايفني أساسا..ورغم كذا أنا ما ابرأه بالعكس المفروض هوا الرجال وهوا اللي يكون له الكلمة الأخيرة ،والمفروض حتى لو ندى هيا اللي كانت تجيه وتسوي له حركاتها التافهه،المفروض كان يوقفها عند حدها ويفهمها إن ذي الحركات لها مكان معين..بس ما عليكم،اللي ينساه أنا دايما أفكره بيه..
سارة/قلتي له؟قولي قسم.
ضحكت بقوة/وأنتي الصادقة..قلت لهمااااا..
التفتوا لها بحماس/أيش قلتي...
طالعت فيهم بنص عين وبدأت تحكي..
خلصت جري في الحوش قبل صلاة المغرب ودخلت المطبخ تشرب مويا..ولقت ندى عالطاوله وخالد عالكرسي وضامين بعض وو وفي عالم ثاني.. نزلت عيونها بسرعة بملل من المنظر المتكرر وصبت لها كأسة مويا من البراده وطلعت بعد مالمحت إبتسامة ندى الخبيثة..
بعدها خالد بسرعة ووقف بإرتباك/مين اللي دخل؟
باسته في خده بلامبالاة/جوري أخذت مويا وطلعت..
مسح الروح من شفايفه بضيق/ياالله منك ياندى..يعني حبكت لك.
ندي بعصبية/والله بيتي وبأخذ راحتي..لسا هستئذن منها علشان أبوسك.. بس أنا اللي أستاهل لإني وافقت نعيش مع بعض..
وطلعت من عنده معصبه،وقابلت جوري في الصالة مع عمتها،وبحده/ترى من باب الذوق لما تشوفيني مع خلودي في وضع حميم تطلعي وتسيبينا،مو تكملي عادي..أناليا خصوصية و ما أحب أحد يتدخل فيها..
طالعت فيها جوري بإستغراب/ذوق!! وخصوصية!!
سكتت شوية وضحكت بخفه/هههههههههههه
ترى الذوق والخصوصية مايجتمعوا معاكي أنتي بالذات..
ندى بعصبية/جوري أحترمي نفسك..أنا ساكته عنك من يوم ماجيت ومطنشه حركاتك وأنتي كل شوية تتطفلي علينا..
أم خالد بإستغراب/أيش فيكم يابنات...
ألتفتت لها جوري بإبتسامة/مافي شيئ حبيبتي ،بس في كلمتين بقولها لندى.. روحي صلي المغرب وأنا بجيكي عالغرفة..
طالعت فيهم بقلق من نظرات ندى اللي تحرق الأخضر واليابس وراحت لغرفتها.
ألتفتت لندى بجدية/شوفي يابنت الناس أنا مارح أناقشك في الأحترام لإني محترمة نفسي من قبل لا أعرفك.. وبعدين داخله عليا حاميه وخصوصية وذوق وأتطفل..أولاً من باب الذوق اللي تتكلمي عنه إنك ماتعملي الحركات ذي هنا..تانياً أي خصوصية ذي اللي بتتكلمي عنها وأنتي بتقدمي لنا عرض مفتوح على كراسي درجة أولى،ثالثاً وهو الأهم أنا ماأقتحمت عليكي خلوتك علشان تقولي أتطفلت عليكي وأنت ساكته ومتحمله.. إذا كنتي ناسيه فذا بيتي،وحطي في بالك إني همشي في كل ركن فيه بدون ما أعمل لك حساب أنتي وزوجك..وإذا تبغي خصوصية فمكانها في غرفة النوم،وإذا شفتيني نطيت لغرفتك ذيك الساعة قولي أتطفلت عليكي..مو فاضحة نفسك قدام الله وخلقه وتجي تحطي اللوم عليا..سكتت تأخذ نفس وتابعت بهدوء/أسمعيني ياندى وأفهمي اللي هقوله..حركاتك ذي كلها ماهمتني ولاهتهمني في يوم..فريحي نفسك يابنت الناس وخلينا نعيش مع بعض مرتاحين وبدون وجع رأس وحركات ماسخه مالها داعي ..
طالعت فيها ندى بإرتباك من كلامها اللي ماتوقعته وراحت بسرعة.
دخلت جوري غرفتها ولقت خالد،طنشته وراحت طلعت ملابس علشان تتروش ،مسك يدها وبرجاء/جوري والله ماكنت أدري إنك هنا..أنا وعدتك مارح أضايقك.
فكت يدها بهدوء/وإذا ماكنت موجوده..أمك وأخوانك وأولادك مو موجودين كمان...
أرتبك و ما عرف أيش يقول،تابعت بجدية/أنا ماأقدر ألوم ندى لإنها زوجة وعقلها صغير وأكيد بتفكر بطريقة غير..لكن اللوم كله عليك ،أنت الرجال وأنت اللي المفروض توقفها وتعلمها الصح من الغلط مو تمشي وراها مغمض عيونك بدون إعتبار لأي أحد..
هز رأسه بموافقة وبإحراج/والله ماكان قصدي شيئ..
جوري ببرود/قصدك ولا لا..مايهمني ،بس عيب عليكم اللي تسووه.. عن جد عيب.
أخذت ملابسها وراحت تأخذ دش .
رفعت رأسها للبنات وبتمثيل/وتوته توته خلصت الحدوته..حلوه ولا فتفوته..
ساره بشماته/جزاهم وأقل..
حنان بقهر/يابجاحتها الندى ذي..الله يعينك عليها..
جوري بملل/قلنا لكم خلاص عقلت وبطلت، فضوها سيرة طفشتوني..
كملوا سهرتهم يتفرجوا فيلم رعب..وبعدها رجعوا عالبيت..


سمعت صوت صراخ وبكاء،رمت كتاب ياسمين من يدها ووقفت بسرعة/ياسمين خليكي هنا ولا تطلعي.
خرجت للصالة وكلها خوف على أمها،بس كان الصوت جاي من المطبخ،دخلت بسرعة وشهقت من الصدمة..كانت ندى طايحة عالأرض وتبكي بألم ويدها على بطنها،قربت منها وحاولت يكون صوتها هادي/بسم الله عليكي ،لاتخافي بسيطة.
ندى ببكاء/جوري الحقيني...آآآآهه بطني، كلمي خالد يجي.
حاولت جوري توقفها بس ندى ماساعدتها بالمره من كثر بكاها وألمها،أرتبكت جوري لما أنتبهت لبقعة دم في بنطلون ندى البيج..
أخذت نفس عميق،ومسكت ندى من كتوفها وبهدوء/أنا بروح أجيب عبايتي ونروح المستشفى،بطلي بكاء حبيبتي علشان ماتتألمي زيادة..مارح اتأخر.
خرجت بسرعة ونادت عمتها علشان تنتبه لندى،لبست عبايتها وجابت عباية ندى وفي دقائق لبستها بمساعدة أمها..
أم خالد بعصبية/يا بنتي حاولي توقفي علشان تروحي، كذا ماينفع ..مافي أحد يساعدنا حتى الأولاد برا.
بكت وغمضت عيونها بألم/عمه والله مو قادرة.. تعبانه..جيبوا لي خالد..كلموا ماما..
علقت جوري شنطتها بشكل مايل على كتفها وجلست قدام ندى وأعطتها ظهرها.
وبأمر/ أطلعي على ظهري..
أم خالد/جوري من جدك ،بلاهبل..ماتقدري..
جوري بهدوء/ندى خلصيني أركبي على ظهري ،كأننا نلعب يلااا ياقلبي.
ندي برفض/لااا ما أقدر ،بستنى خالد لين يجي..ولا---
قاطعتهاجوري بحدة/لين يجي بيكون اللي في بطنك مات..خلصيني يلااا.
طالعت ندى في أم خالد بصدمة/أنا حامل؟
لفت عليها جوري وسحبت ذراعها وحطتها على كتفها ورجعت أعطتها ظهرها/يلاا ياندى ما عليكي أنا قوية وأقدر أشيلك لاتخافي..
أتعلقت في رقبتها بمساعدة أم خالد وسمت جوري بالرحمن ووقفت بصعوبة في البداية،وبعدها أتوازنت ومشيت بشويش وهي مثبته ندى على ظهرها بيديها،وصلت لباب الحوش وفتحته أم خالد ونادت جوري على واحد من العيال يوقف لها تاكسي ويجيبه جنب الباب ،وأول ماوصل خرجت وأشرت للسواق اللي نزل وفتح لها باب السيارة ،دارت بظهرها وحطت ندى بشويش عالكرسي وعدلتها وركبت جنبها من الجهة الثانية..
وبعد ساعة في العيادة، خرجت الدكتورة لجوري اللي وقفت على طول بخوف/هااا بشري..
الدكتورة/الحمد لله الجنين بخير وأختك كمان ..لا تقلقي..
جلست عالكرسي براحة/يستاهل الحمد.. يعني هيا كويسة أكيد..
الدكتورة/الحمد لله الطيحة ماكانت قوية ولا كان الحمل نزل خاصة إنها في الشهر الأول ،أنا أديتها مثبتات للحمل ويبغالها راحة وتنام على ظهرها لمدة أسبوعين ، وماتشيل شيئ ثقيل ..
جوري بثقة/بسيطة..أنا بنفسي بنتبه لها..
تابعت الدكتورة/وأهم شيئ ممنوع أي أتصال حميم في ذي الفتره..طبعاً فاهمة قصدي؟
أستحت جوري وبإرتباك/شوفي..هوا زوجها بيجي وأنتي فهميه عالحاجات ذي..أنا دوري لحد هنا وخلص.
ضحكت الدكتورة وسابتها وراحت..
حركت يدها قدام وجهها كإنها تهويه"ماعاد إلا هي ،أروح أقله كذا..يمه"
دقت الباب ودخلت لندى ،شالت نقابها وأتوجهت لها بإبتسامة/الحمدلله على سلامتك،ماتشوفي شر يارب..
ندى بتعب/الله يسلمك..
ضمتها جوري وباست رأسها/ألف مبروك يا عروسة..ولا هههههههههههههههه خلاص راحت عليكي..شدي حيلك وبطلي دلع..
إبتسمت ندى/والله مو دلع حسيت روحي طلعت..وين خالد.
سحبت كرسي،وجلست جنبها وطلعت كأسة عصير فريش من كيس معاها، حطت لها المصاص،وقربته من فمها/أشربي ذا..خالد كلمته من أول مادخلتي ،دقائق ويكون هنا إن شاء الله..
بعدت ندى الكأسة،وبقرف/أيش ذا..مو حلو..
جوري بضحكة/أدري إنه مو حلو،حتى أنا ماأحبه الله يعز النعمه..ذا برتقال بالجزر بس كويس ليكي..
رجعت لها الكأسة بالغصب وبأمر/لازم تخلصيها كلها وتعوضي الدم اللي راح،ولا ترى بجيب لك عصير طماطم..ههههههههه.
ندى بضيق/طماطم أيه أنتي كمان..جزر وبرتقال أرحم..
جوري/هههههههههههههههه..أيووه..جني نعرفه ولا أنسي مانعرفه..
تنحت ندى بغباوة/يعني أيه.
أتنهدت جوري/يالييييييل أبو لمبه..مثل يمني ياقلبي.. .ومفاده اللي نعرفه أحسن من اللي منعرفوش..فهمتي.
هزت رأسهابأيوه/قولي كذا من الصبح.
هزت جوري رأسها بيئس/ يمنية فاشلة، شكلك والله أعلم ماقد طبيتي الحدود حتى.
اتثأبت ندى بتعب/من جد ما أعرفها ولا رحتها ولا عندي فضول أروحها..أنا حابه الحياة هنا وذي بلدي من يوم ما ولدت.
جوري بتفهم/ما أختلفنا،بس الواحد لازم يتمسك بهويته. .يعرف عنها..ينتمي لها..يكون عنده جذور..فاهمه قصدي؟
ندى بلامبالاة/أنا ولدت واتربيت وعشت هنا، وذا يكفي..لكن أنتي غريبة..على كثر مافي ناس يتريقوا عليكي ويستهزئوا في جنسيتك، إلا إنك ماشية تغنيها في كل مكان حتى في الزواج لما سألتك الحرمة أنتي شامية،قلتيلها لااااا يمنية وبالفم المليان..
طالعت فيها بإستغراب/وليه ماأقولها بالفم المليان..أنا يمنية وأفتخر بذا الشيئ،ليه لازم أستحي وأفرح لمجرد إنها قالت لي شامية..المفروض كل إنسان بيفتخر بجنسيتة أيش ماكانت..ماعلينا بعدين بعطيكي دروس في الوطنية والإنتماء.
أتذكرت ندى وشهقت بقوة/ ماما اتأخرت ،لايكون صار لها شيئ في السكة..
جوري بهدوء/أيش المأساوية اللي أنتي فيها..أنا ما كلمتها أساساً.
ندى بعتاب/ليه ماكلمتيها..
جوري/ماله داعي تخوفيهم عليكي..نوصل البيت بالسلامة وترتاحي،وبعدها بشريها بحملك بدون الأضافات اللي مالها داعي.
انفتح الباب فجأة ودخل خالد/السلام عليكم.
ردوا السلام ،وأتوجه لندى بخوف/سلامتك حبيبتي،ليه حاطين لك مغذي..أنتي مو اتزحلقتي بس.
شافته جوري لما جلس عالسرير جنبها وبدأت ندى تبكي وضمها لصدره بخوف وأهتمام ،طالعت فيهم بنظرة غريبة وإبتسمت وطلعت بهدوء وأخذتها رجولها للمكان الوحيد في المستشفى اللي ممكن تجلس فيه لساعات بدون ماتتضايق أوتقرف من ريحة المعقمات فيه..وقفت قدام القزاز وصارت تطالع في الأطفال بحب والإبتسامة ماليه وجهها،راقبت وجوههم اللي تحمل تعابير مختلفة المبتسمة والباكية والنايمة ..واتفرجت عالناس اللي بيجوا يطلبوا أطفالهم علشان يشوفوهم..قعدت فترة بدون ماتحس بالوقت لحد ماحست بحركة على كتفها، ألتفتت لقت خالد/كنت متأكد إنك هنا.
مشيت معاه بهدوء/ألف مبروك..ويتربى في عزك ..
رد عليها بإبتسامة/يبارك فيكي.. مشكوره عاللي سويتيه،ندى قالت------
قاطعته بسرعة/قالت الدكتورة متى تخرج؟
خالد / كنت عندها،بروح أدفع الحساب وأوقع الخروج وأجيكم..
رجعوا عالبيت وبعدها بيومين أتصلت ندى على أمها وجات تزورها وتطمن عليها..
دقت الباب ودخلت بإبتسامة/حيا الله من جانا،نورتي البيت ياخاله.
مدت لها كاسة القهوة والحلا/أتفضلي.
أم ندى بهدوء غريب/تسلمي حبيبتي.
طالعت فيها جوري بإستغراب وأشرت لندى بمعنى أيش فيه،هزت ندى رأسها بإبتسامة إنه عادي لا تقلقي.. طالعت فيهم وخرجت..

 
 

 

عرض البوم صور فيتامين سي   رد مع اقتباس
قديم 07-12-15, 08:11 PM   المشاركة رقم: 69
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,138
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المهجورة والغير مكتملة
افتراضي رد: خريف الحب / للكاتبة خياله،،والخيل عشقي

 

(بعد8سنوات)


ياسمين وبعدين معاكي..ركزي شوية..
ياسمين بضيق/ماما والله طفشت..
جوري بحزم/باقي ربع ساعة خلصي بسرعة ولا بمددها لساعة كمان.
مسكت ياسمين يدها برجاء/لاااا لا خلاص.
ضحكت ندى بشماته/هههههههه ماكان من الأول طيب..لازم العين الحمراء.ياسمين بقهر/يارب يجيكي يوم وتسوي
فيكي زيي.
شرقت ندى بالشاي/كح كح كح..أعوذ بالله من عينك ياحيوانة..الله لايوقعني في يدها..أنا ناقصة..
ضحكت ياسمين عليها وطالعت فيها جوري بنظرة خلتها تسكت،والتفتت لند/ترى سكت عنكم كثير وأنتوا مسختوها،كل ماشفتوني قلتوا الكلمتين ذي.
ندى مدت بوزها بطفش/وأنتي كمان مو سامعتها،ناقصة أنا تدرسيني وأتنكب معاكي، عيدي،صححي،ركزي،يلا خلصت ثانوي وأفتكيت..أنتي اللي بس غاوية تعب،ولا في وحدة عاقلة ترجع تكمل دراستها ومنازل..وووع.
جوري بضحكة/فاشلة..وياخوفي تأثري على العيال.
ياسمين/ من جد ماما..كل ماأقول لصحباتي إنك تدرسي منازل يستغربوا..
جوري بإستغراب/أيش الغريب في الموضوع، وحده وقفت دراستها ورجعت تحملها..عادي..بتحصل في أحسن العائلات.
ندى بفخر/بس مو كل وحده تدخل منازل وعلمي تجيب إمتياز..
جوري بإحراج/ترى الإمتياز كان في أولى لإنه سهل.. ذحين علمي والله يستر..
ضمتها ياسمين بفخر/لاتنسي الترم ذا جبتي 98%..مرررره فخورة بيكي،بالذات يوم إجتماع الأمهات..كل صحباتي جابوا أمهاتهم علشان يتعرفوا عليكي..وواوووووو.
رمتها ندى بعلبة المناديل/شوف اللي ماتستحي وأنا ماجبتي سيرتي ياناكرة الجميل..ما كأني قاطه معاها من الصباح في،الإجتماع الخايس ذاك.
باست ياسمين رأسها/أنا ناكرة الجميل،الله يسامحك..أصلا لماسألوني عليكي البنات.قلت لهم هديك المزة تصير ماما الثانية..
ومنها جوري بالمحاية في رأسها/آآآي آي.. أيش فيها دحين..
شدتها جوري من أذنها/كم مرة قلت (مزه)ذي لاتوصفي فيها أحد.
فركت ياسمين أذنها بقوة/والله نسيت،بعدين كل البنات يقولوها في المدرسة،جات عليا يعني.
طالع فيها قصي وبهدوء/وأنتي مع القوم ياشقرا،ماعندك شخصية..
ردت بضيق/مالك لاح ياملقوف ماكلمتك. جوري بتريقة/الله الله..قوموا مدوا يدكم كمان ،ليه قاعدين،عادي شوالات بطاطس أحنا..
قام قصي باس رأسها ورأس ندى/أسف ماما..بس هيا تعصب الواحد،كل شوية تفهميها وترجع تعيد نفس الأشياء.
قامت ياسمين وباستها وباست ندى/أسفه ماما..مو قصدي.
مسكت ندى ضحكتها على شكلهم وشكل جوري المعصب اللي ماعندها مزح في ذي الشغلات.
جوري بجدية/أولاً: أعتقد قلت لك معنى كلمة (مزه)قبل كذا ،وفهمتك إنهاكلمة تقلل من قيمة البنت وتحط من قدرها لإنه كان القصد منها هو تشبية البنات بالمزة(خضار أو فاكهه أو مكسرات) اللي تنأكل مع الخمر علشان يضيعوا طعمها الكريه،وكانت تنقال لبنات الليل لوصف عملهم..يعني مو معناها جميلة وحلوة ..فأعتقد إنه من الوقاحة وقلة القيمة إنك تنزلي نفسك أوغيرك لذا المستوى بذي الكلمة،وأحنا ولله الحمد عندنا في لغتنا العربية كلمات بليغة ومعبرة عن الجمال ،أختاري منها اللي يعجبك. فهمتي..
أخذت نفس وتابعت/ثانياً وهو الأهم: سياسة القطيع ذي لاتتبعيها في كل شيئ وتصيري زي ما قال أخوكي مع الخيل ياشقرا لازم يكون لك تفكير ورأي مستقل مايتأثر لمجرد إن مجموعة من الناس خالفوكي فيه حتى لو كانوا أكثر منك.
ياسمين/يعني كلهم غلط وأنا لوحدي صح؟
مسكت جوري يدها ويد قصي وجلستهم جنبها وبهدوء/ذحين الرسول عليه الصلاة والسلام وكل الرسل اللي قبله ،لما أرسلهم الله عزوجل للناس كان الكل كفار فيهم الملحدين اللي أنكروا وجود الله،والمشركين اللي معترفين بالله ولكن بيشركوا في عبادته مخلوقات ثانية ،صح كلامي..
هزوا رأسهم بموافقة وندى معاهم،تابعت/ولما أرسل الله الرسل كانوا شاذين ومختلفين عن الناس ،مو مختلفين عن عائلة واحدة بل عن قرية أو بلد بأكمله لإن الرسول أو النبي بيدعو للتوحيد وعبادة الله وحده، بينما كل القرية كانت مشركة ومجتمعة عالكفر ،فهل ذا معناه إن النبي كان غلطان؟
صرخوا كلها/لااااا.
إبتسمت وهي شايفه حماس هم/أهااا، وصلنا لمربط الفرس اللي هوا ،مو شرط إنك لما مابتعملي شيئ الكل بيعمله،إنك تصيري غلط وهم الصح.. لإن أوقات كثيرة الناس بتتعود على عادات وتقاليد،غريبة ومالها أساس من الصحة لمجرد إنهم اتوارثوها عبر الأجيال زي ماذكر ربنا في القرآن فيما معناه لما كان الأنبياء يسألوا الكفار هم ليه كافرين ويعبدوا الأصنام فكانوا يردوا عليهم بإنهم لقيوا أبائهم وأجدادهم يعبدوها فأتبعوهم وصارت عادة من جيل لجيل لحد ما أنتشر الشرك في كل مكان..بس لو كان واحد فيهم وقف مع نفسه شوية وفكر وحلل الموضوع كان غير حياتة وحياة غيره..وأنتي نفس الشيئ لاتقولي ماجات عليا ،وأنا وحده و ما بيدي شيئ لإن ذا تفكير الناس الكسالى والإتكالية اللي تبغى كل شيئ بسهولة.
ياسمين بتفكير/ وأيش بيدي طيب.
مسحت شعرها بحنان/الأول تكوني حيادية يعني تنظري للموضوع بعقلية بحته،يعني مو علشان عاجبك أو شخص يهمك تقومي تحددي صح الموضوع أو غلط ،ينفع أو ماينفع ، لازم تفكري وتتأكدي إذا كنتي على حق ولا لا.. وبعدها تقنعي نفسك واللي حولك،وبكذا مارح تكوني لوحدك أنتي هتغيريهم وهم بدورهم بيغيروا غيرهم وكذا لحد ماتزبط كل الأمور فهمتي.
هزوا رأسهم بالموافقة..وأتنهدت براحة لما أستوعبوا كلامها عن جد..




أنتهى البارت

ودمتم بخير


(سبحانك اللهم وبحمدك أشهد أن لاإله إلا أنت ،أستغفرك وأتوب إليك)

 
 

 

عرض البوم صور فيتامين سي   رد مع اقتباس
قديم 07-12-15, 08:14 PM   المشاركة رقم: 70
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,138
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : فيتامين سي المنتدى : القصص المهجورة والغير مكتملة
افتراضي رد: خريف الحب / للكاتبة خياله،،والخيل عشقي

 


(ياحي ياقيوم،ياذا الجلال والإكرام..برحمتك أستغيث ،أصلح لي شأني كله،ولاتكلني إلا نفسي أوغيري طرفة عينً ياأرحم الراحمين)

---------------------


الورقة الثامنة عشر


إن خسرت شيئاً..فتذكر أنك قد ربحت أشياء في المقابل،فليست خسارة شيئ هي نهاية المطاف...




رن جوالها وردت بملل/هلا عبدالفتاح..
عبدالفتاح/اهلين..ترى ماهقدر أمرك اليوم..نامي عند أهلك..
لطيفه/ليه إن شاء الله..
عبدالفتاح/واحد من الشباب سوا حادث وبنام معاه في المستشفى.
لطيفه بقرف/وأنتا ليه تتلقف..وين أهله.
عبدالفتاح ببرود/والله صاحبي وبرافق معاه، اللي يسمعك يقول هتموتي نفسك على ماتشوفيني وتقعدي معايا..ارتاحي بس وبكره بجيكي..سلام
قفلت بعصبية"مالت على وجهك..أموت على شوفتك،من حلاته يعني"
لبنى بضحكه/مالك طالعه زاربينك،ههههههه.
لطيفة بغرور/ذا عبودي الله يهديه عصب مني علشان قلت ببات اليوم..تعرفي مايستغنى عني.
لبنى بإستغراب/غريبة تبغى تباتي ،مو عوايدك يعني.
ليلى/وأنتي أيش حارقك،بيت أبونا وبنبات ،عندك مانع..
ضحكت لبنى بقوة/هههههههههههههههه،لا فيكم شيئ اليوم..حتى ليلى خانوم بتبات ،أعترفوا سويتوا مصيبة وشاردين من بيوتكم هههههههههههه.
أبتسمت جوري ودقتها علشان تسكت وهي مستمره في الضحك..
لطيفة بقهر/بس ياسخيفة مافي شيئ يضحك..
ندى بحماس/ونااااسه..أيش رأيكم بعد العشاء نلعب..
ليلى بأحتقار/أشوفك انعديتي من بعض ناس،ورجعتي لطفولتك..
جوري بهدوء/والله الواحد مهما كبر يظل فيه شيئ يحن دايما لطفولته..
لبنى بتأكيد/أيووون.. أنا معاكي..وعلشان كذا بكلم رورو حبيبي يخليني أبات كمان.
التفتت لليلى ولطيفه وبإبتسامة/ماأقدر أفوت جمعتنا سوا..
فكت ندى وجوري ضحك وأنسدحت جنبهم لبنى وهم يشوفوا لطيفه وليلى اللي قاموا معصبات وخرجوا من الصالة
أم خالد/خفي عليهم يالبنى،ما ينفع كذا .
هزت رأسها وأتصلت وهيا لسا تضحك/ألو حبيبي..
ياعيونه وقلبه وروحه..
لبنى بدلع/رااااائد بطل إستهبال ..
رائد بفهاوه/ يابختك يارائد..شكلي بسوي حادث بسببك.
شهقت/بسم الله عليكي..بس ياسخيف كم مرة أقول لك لاتفاول على نفسك.
رائد/لااا ،خلاص أنا بجيكي ذحين..
لبنى بسرعة/لا..أنا ببات هنا..
رائد/نععععععم..مافي بيات..أنتي قلتي تزوريهم بس ما أتفقنا على كذا.
لبنى بدلع/روروووو..بيبي..بليييييييز.
رائد ذاب بس مسوي معصب/مافي لاتحاولي..بيات لا..
مدت بوزها بزعل/بيبي،أخواتي هنا ولينا زمان مابتنا سوا..بليييييز رورووو.
أتنهد بضيق/دحين تسيبيني علشان ريا وسكينه..
فلتت منها ضحكه/يا ويلك لو سمعوك.. بتروح فيها اليوم
رائد/خلاص رحت واللي كان كان ،مادام سبتيني وبتباتي عندهم..
لبني بضيق/رائد مو معقول كل ماقلت أبات تزعل..أنت عارف إني ماأعرف أنام وانتا زعلان مني.
رائد/لا ماني زعلان،حبيبتي قدامي تفتيش، شوية وأكلمك.
قفلت وهيا معصبه منه وزعلانه عليه،أنتبهت لها جوري وبهمس/خييير..قلبتي طختك، دوبك كنتي شاقة الحلق بالضحكه ماشاء الله.
لبنى بضيق/رائد زعل علشان قلت ببات..
ضربتها على كتفها بخفه/وتباتي ليه يامتخلفه..سايبه حضن زوجك وجايه تباتي عندي .
لبنى بإستغراب/جوري أنتي ليه متناقضه.. على طول بتنصحيني وتنصحي البنات وتعلمينا أشياء حلوه..بس أنتي مابتعمليها..
طالعت فيها وعضت على شفايفها وأتنهدت ،مسكت يدها وبهمس/حبيبتي لولو.. كل إنسان ليه حياته الخاصة اللي تفاصيلها بتختلف عن حياة غيرة ..لاتجلسي تقارني بينا في كل شيئ..أنتي ربنا رزقك برائد يحبك ويموت على ترابك واستناكي سنتين لين خلصتي الثانوي ، لاتضيعيه منك بحركات الدلع والبزرنه اللي تسويها عمال على بطال..الدلع حلو ومطلوب، بس مو طول الوقت.. بعدين أنتي ماتقدري تنامي غير في حضنه مو ذا كلامك..كيف تخليه ينام وهوا زعلان كمان..ولا قدر الله لو صار له شيئ وهوا يسوق بسبب كلامك الماسخ، هتنبسطي وقتها..
حست بالندم ونزلت منها دمعه،مسحتها جوري بأصابعها/أتصلي عليه..وسمعيه كلمتين حلوين ولاتنسي تتمرقعي.. ههههههه قولي ماهان عليا زعلك ،ولا أقدر أنام وأرتاح غير في حضنك..هههههههههههههههه.. روحي غرفتي أتكلمي براحتك.
أعطتها جوالها وراحت لندى اللي أستلمتها تحقيق/أيش بها لولو..كأنها زعلانه..
ضحكت جوري/ياحبك للقافه..تموتي وتعرفي أيش حاصل لكل واحد.
دفتها ندى بقهر/مالت عليكي،مو لقافه إهتمام..يلا قولي..
جوري بهدوء/كانت بتبات ورائد زعل،قلت لها ماله داعي تروح بيتها الله يسهلها مو مستاهله تزعل زوجها علشان بيات،وفي الأخير ما تقدر تنام.. دلع حريم بعيد عنك.
ندى بتريقة/لاياشيخه..وأنتي مو حريم؟
جوري بتريقة مماثله/أعوذ بالله،أصير زيكم ماعندي سالفه،حاشا وكلا.
ندى بشوية غيرة/وليه أيش ناقصك،بسم الله عليكي تجنني..
جوري تدغدغها/وأنا أقول أيش صاير لك ،أتاريكي اتجننتي بسببي.
نطت معاها ياسمين وخلود بنت لطيفه وريم بنت ليلى وقلبوها لعبة..



(لبنى)
راحت غرفة جوري واتصلت على رائد اللي رد على طول/ها حبيبتي في شيئ.
لبنى بتمثيل/قلبي يعورني وموقادره أتنفس.
رائد بخوف/لاتخافي ذحين أجيكي،أنتي نامي..قصدي أرتاحي..دوبك كنتي كويسه أيش صار؟
لبنى بدلع/كنت أكلم حبيبي وزعل مني، وتعرف لما حبيبي يزعل أنا ما تحمل وأتعب على طول..كيف أكون كويسه وهوا زعلان مني وموراضي عليا..
اتنهد براحة،وبثقل/أجل تستاهلي اللي صار لك،ليه تزعليه وأنتي عارفه إنه يحبك ومايحب تنامي بعيدة عنه..
لبنى/وأنا أحبببببه وأموت فيه ومستنياه يجي يأخدني لبيتنا علشان أصالحه.
رائد بإرتباك/أأحلفي..قصدي كويس لاتزعليه مرة ثانية علشان هوا كمان يتعب لما تزعلي.
لبنى بدلع/أمووووه،ذي علشان نصحتني بروح أجهز وأستناه ،قله لايتأخر.
رائد بفرح/طيرررررران ياقمر.
قفلت وهيا طايره من الفرحة ووقفت قدام المرايا تعدل مكياجها وهيا تتذكر كيف خطبها..
---------------
جات من المدرسة فرحانه ومبسوطه، فسخت عبايتها أول ما دخلت الحوش ومشيت لمجلس الرجال لما سمعت صوت التلفزيون.. دخلت بسرعة وشافت خالد يشبك السوني ومعطيها ظهره..جريت عليه وضمته من وراء بفرحة/خلودي،نجحت نجحت..مو مصدقه..نجحت.
وقف فجأة ولف عليها ورمت نفسها في حضنه وهي تبكي/لو بابا كان هنا كان أنبسط علشاني صح خلودي..خالد.. ليه ماترد أنت موفرحان علشاني..
بعدت عنه وهيا تمسح دموعها وتنحت مكانها بغباوه وهيا تطالع فيه،وبصوت مبحوح/ر..ر..رائد .
رد عليها بإستغراب/لبانه!..ذي أنتي..إلا والله أنتي ..
نزلت دموعها بقهر وبعصبية/لبانه في عينك يا غبي.
وطلعت تجري من المجلس وهي تبكي دخلت الصالة وخبطت في خالداللي مسك يدها/وووووو، هدي..من وين جايه وليه تبكي؟
رمت نفسها في حضنه وصارت تبكي،ضمها لصدره بإستغراب/حبيبتي لولو ليه تبكي، في شيئ.
هزت رأسها بلا وبهمس/أنا نجحت..دوبي جاية من المدرسة.
ضمها بفرح/ألف مبروك ياقلبي..وليه البكاء طيب.
جريت على جوري اللي جات من المطبخ على صوتهم/بشري لولو..إن شاء الله ناجحة
جريت وضمتها بقوة/نجحت.. بس أفتكرت بابا..
باستها جوري وبحنان/الله يرحمه..أكيد لما يعرف هيفرح علشانك..
لبنى بإستغراب/وكيف هيعرف؟
إبتسمت جوري ومسحت دموعها/لما يروح خالد والأولاد يزوروه هيكلموه وهيسمعهم وهيفرح.. بس أنتي لاتبكي لإنه ماكان يحب دموعك..مو..
هزت رأسها بموافقة وراحت تبشر أمها..
خالد بحزن/كانت مره متعلقة بأبويا..وشكلها لسا ما نسيته.
جوري بهدوء/محد بينسى الأموات،بس بنحاول نتعود على بعدهم وفراقهم لا أكثر.
أتنهد وضرب جبينه/نسيت رائد،عجلي بالفطور بالله.
بعد ما جهزت لهم الفطور وأخذه خالد..راحت للبنى ولقتها عالسرير تبكي.. دخلت وقفلت الباب وجلست جنبها،مسحت على ظهرها بحنان/ماتبغى تقولي ليه جالسه تبكي..أنا عارفه إنه مو علشان أفتكرتي أبويا..أحكي علشان ترتاحي..
أتعدلت لبنى ومسحت دموعها وبشك/ويفضل سر بينا؟
مدت بوزها بزعل/أخص عليكي لولو..من متى اللي بيني وبينك يطلع برا.
لبنى بندم/مو قصدي..بس..ذا شيئ محرج.
مسكت يدها وضغطت عليها وإبتسمت/ومن متى بينا إحراج،مو قلتي إني أختك الكبيرة.. أتطمني اللي هتقوليه هيكون بينا واتأكدي إني إذا ماقدرت أساعدك فمارح أضرك.. أوكي.
عضت أصابعها بإرتباك/أنا رحت المجلس.. وووحكت لها اللي صار..
طالعت فيها جوري وهيا حاطه يدها على فمها وماسكه ضحكتها وكتوفها تهتز..
لبنى بعصبية/أتخيلي الغبي لدحين فاكر لبانه ويقولها بكل بجاحه.. الغبي هوا اللي علم مؤيد عليها .
طاحت جوري عالسرير تضحك/هههههههههه، مو متخيله ههههههههههههه قطعتي خلفه، ههههههههه،أستفغر الله أستغف هههههههههه. وقفت لبنى بقهر/أنا الغلطانه اللي حكيت لك..
لحقتها جوري عالباب ورجعتها/هههههه، لحظه بس هههههههه،خلاص وربي..
أخذت نفس لحد ما هدأت وبضحكه/ذحين أنا أقلك غضي البصر ولاتفكري فيه ولساتك صغيرة عالحاجات دي ،تقومي تترمي في حضنه مره وحده..الله أكبر على إبليسك..
بكيت لبنى بقهر/والله مو قصدي..أفتكرته خالد..أيش عرفني إنه صايع،سايب شغله وجاي يلعب الغبي..دحين أيش هيقول عليا..أكيد يفكرني بالعنيه..
مسكتها جوري من كتوفها وبجدية/خلاص، إن الله حليماً ستار،ربنا عارف إنه مو قصدك.. وهو أيش هيقول يعني..أكيد فهم اللي صار وإنك من فرحتك ما أنتبهتي..
لبنى بخوف/يمكن يقول لخالد عاللي صار، أنتي عارف الغبي بيتكلم عني عادي قدام خالد..
جوري بتفكير/ هوا بيتكلم عنك من باب إنك لبانه اللي يعرفها الدلوعه أم ظفاير اللي يوديها البقاله ويشتريلها حلويات.. لكن ماأظن يحكي له عن دخلتك..لإنها قوية شوية..ههههههههههههه.
وتابعت بتريقة/شوفي هوا هيصير حاجة من أثنين..يا يحرم يجي بيتنا بعد الفجعه اللي أكلها،يايجي يخطبك..
شهقت لبنى بصدمة/أتخيلي..يعملها..يخط.. يخطبني..رائد يخطبني..
حركت جوري يدها قدام وجه لبنى/ووووو، أنتي ماصدقتي..أيوه يخطبك،أيش ناقصك.. سحبتها ووقفتها قدام المرايه/أنتي شايفه شكلك..من اللي تضميه وتبكي في حضنه وأنتي بذا الوجه الحلو،وماينضرب على قلبه ويحبك ويخطبك من ثاني،يوم...يعني مو شرط ثاني..يمكن شهر.. أثنين،حسب تفكير الرزل..سوري..رائد..
طالعت لبنى في نفسها بتفكير،الكل يشهد لها بالجمال..شعرها الأسود اللي واصل لكتوفها، عيونها اللوزية البنية،خشمها الواقف وفمها الصغير..كانت تشبه أخواتها وأخوانها بس على أجمل..طالعت لبسها اللي كان تنورة سوداء للركبة وبلوزة حمراء نص كم مبينه بياض بشرتها وجسمها المتناسق ،كانت طالعه حلوة..بس ياترى رائد شاف كذا..
جوري برجاء/يمكن أكون غلطت وأتسرعت في كلامي..أوعديني ماتفكري فيه كثير،أو حتى تفكري إنك تكلميه أوتلمحيه حتى بالصدفة..أنتبهي تنزلي من نفسك قدامه أو قدام أي أحد..فاهمه يالبنى.
لبنى بإنكسار/بس..أنا أحبه..عارفه أيش يعني أحبه..
جلستها جنبها وبهدوء/شوفي يالبنى مارح أقلك ليه وكيف حبيتيه لإن أكيد ذا شيئ مو بيدك..ولا هقلك لاتحبيه لإنه حرام و ما يجوز..بالعكس الحب موحرام..أم المؤمنين خديجة رضي الله عنها أعجبت بالنبي عليه الصلاة والسلام وبأخلاقة ويمكن حبته علشان كذا أرسلت له عن رغبتها في زواجها منه..وهوا كمان لماعرف عن أخلاقها أعجب فيها ووافق يتزوجها بدون تردد..يعني الحب موحرام..بس الحرام إنك تكلمي رجال مو من محارمك وتطلعي معاه بعذر الحب زي مابيعملوا البنات اللي بتحكي لي عنهم في مدرستك..الحب شيئ أكبر من كذا..أكبر من المقابلات في السر..والكلام في التلفون من وراء أهلك..أصلا لو الرجال حب وحده عن جد ،مارح يرضى لها بالغلط والمضره..صح ولا لا.. ذي كلها تسالي بيتسلوا بيها،لكن وقت الجد بيروح يدور له بنت مايعرف عنها أي شيئ وتكون عن طريق أهله، لإنه مافي رجال بيتزوج وحده كان يعرفها قبل الزواج ،إلا من رحم الله،وذول نادرين.. وحتى إذا صار نصيب واتزوجوا صدقيني حياتهم هتكون جحيم لإنه مافيها ثقة..هوا هيفكر إنها بتكلم غيره وهيا نفس الشيئ..
لبنى بحيرة/طيب كيف أعرف إذا يحبني ولا لا..
جوري/أنتي ليه مستعجله..أنتي لسا ماعديتي16 سنه،يعني العمر قدامك..ويمكن مايكون رائد حبك الحقيقي..يمكن مجرد مراهقة منك..أتعلقتي فيه لإنه على طول قدامك..وكان يلعبك ويوديكي ويشتري لك..
إبتسمت لبنى بحب/ولسا بيشتري لي ويرسلها مع خالد.. بعدين مين قالك إنه مو حبي الحقيقي..أنا متأكدة من دا الشيئ..
جوري بإستغراب/وأيش اللي خلاكي متأكدة كذا..
أشرت على قلبها/دا.. دا اللي أكد لي..أنتي ماتعرفي كيف بيدق لما أشوفه أو أسمع صوته أو حتى أفكر فيه بس..بيدق بقوة لدرجة إني بفتكر إن الكل سمعه صوته..بيدق لدرجة إني بحس إنه هينفجر..بحس براحة لما أشوفه مبسوط وبيضحك..وبزعل لما أشوفه زعلان ولا أسمع من خالد إنه صار له شيئ.. أنتي لما بتشوفي خالد مو بتحسي بدا الشيئ!
طالعت فيها بجمود وهزت رأسها وبحزم/أوعديني ماتسوي شيئ غلط، وتحكي،لي أي شيئ يصير.
ضمتها لبنى بإمتنان/أوعدك ياأحلى أخت في الدنيا.
وقبل ماتخلص الأجازة كان رائد فاتح خالد في خطبته للبنى اللي كانت بتموت من الفرحة ووافقت بدون تردد..وتمت خطبتهم ،وبعد تخرجها من الثانوي أتزوجوا على طول..

 
 

 

عرض البوم صور فيتامين سي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة, الحب, خياله،،والخيل, خريف, خريف الحب, عشقي, قصص وروايات
facebook



جديد مواضيع قسم القصص المهجورة والغير مكتملة
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:17 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية