كاتب الموضوع :
توتا عشيني
المنتدى :
ارشيف خاص بالقصص غير المكتمله
رد: مهما تفرقنا الايام تجمعنا / بقلم tota A ash
الجزء الخامس
يا يمه تعالي خديني
ترى العذاب تربع فيني
وعت من نومتها وهي عـ الارض وجسمها متكسر كله .. ما تقدر تحرك شي الا والدمعة تنزل من عينها .. وقفت عـ حيلها وهي يادوب تمشي .. بتطلع وخلي تضربها مرة ثانية .. تبي تقوي نفسها باي طريقة ومع ان اطرافها ترتجف بس مكملة الطريق وهي تتلفت لكل اتجاه .. وصلت لاول درجة رن الفون مشت له وردت
-الو
سمعت صوت احن خلق الله عليها .. صوت دائما ما يريحها
هاي نونو وشلونك !؟-
قالت بغصة تخنقها بس البسمة على محياها بامل
-مكسرة
ردت عليها اختها بحنق
ضربوك يعني !؟ -
قالت ودموعها نزلوا .. صوتها الواثق القوي دوم بيريحها
.. جنى وينك عني !؟ _
معاك يا قلبي معاك .. سكتت شوي وقالت لها :-_
جنى وش تفكرين به !؟
قالت بتعب تحس فيه وتتجمله فووق اشياء تتحملهم واختها ماتعرف ربع منها لحتى تريحها
-الحمل متعبني حيييل .. ابيك تجييين لي بعد يوميين .. وانا بحجز لك لاتجين لحالك لازم محرم معك .. كلمي عمي لا اوصيك
-واذا رفض !؟
قالت لها بقوة
-نمارق افهمي عاد .. ما يقدر يرفض خليك واثقة بنفسك .. عارفة انك بتسوي اللي تبيه وهم بيسوونه لك صدقيني قوي نفسك يا اختي .. خلييك قوية
قالت لها بصوت متشنج
-اخاف يقتلوني
ضحكت لها اختها وقالت
ما يقدرون لانهم يبون اموالك-
-بس
قالت لها اختها بمقاطعة
-لا تبسبسين ولا شي .. ردي عليهم بقوة وثقة ولو قربوا لك تحديهم يضربونك .. لا تخليهم يوصلون لك ولو حاولوا.. قولي جنى كلمتني وقالت لي عن كل شي
قالت نمارق كـ تصريف وتغيير للسالفة
اوك .. حبيبتي وش سوى فيك البيبي !؟-
قالت وهي فاهمة عليها
-متعبني حييييل .. وعبدالرحمان للحين ما جاء من الرياض
بجيك انا لا تحاتين _
اييييه زين .. بسكر احجزلك -
سكرت ودارت بتطلع .. وشافت راس الحية قدامها .. ناظرت فيها نمارق بهدوء ودارت بتركب فوق صارخت ام ياسر وقالت
وين ماشية يا قليلة الخاتمة -
ردت عليها نمارق بهدوء وبرود من طبعها
لغرفتي-
وركبت درجة وسمعتها تقول
بالي ما يحفظك انت معاقبة وما بتنامين الا تحت-
ناظرت فيها وهي رافعة راسها لفوق وقالت
-جنى كلمتني وخبرتني كل شي .. عندك شي تعقبين به !؟
شافتها بلمت وسكتت .. فييييه اللف علامة استفهام وما فهمت منها شي .. وش اللي خافي عليها بس !؟
وش اللي ما تعرفه !؟
رجعت لغرفتها .. توضت وصلت لربها وبعدها تدوشت وانسدحت عـ السرير تفكر اللي تعرفه ان امها بريطانية مسلمة من حبها للاسلام ومن اختلاطها بعض الطالبات العرب هناك .. حبها ابوها وهو يدرس هناك الماستر وتجوزها عـ سنة الله ورسوله .. ولانها غنية ساعدته في اعماله نجح ابوها وكان غني عكس عمها وبعدها بفترة ققروا يرجعون لارض الوطن .. بس ماتوا وهم هنا في السعودية يبون ينتقلون وتركوا وراهم بنتين لهم الجنسية البريطانية ,, وانتقلوا لعمها وسكنوا في هـ الذل .. انجلزيتها عدلة لان ابوها وامها علموهم يسولفون اللغتين وبس هذا كل اللي تعرفه .. صارت تهوجس وتقلب الافكار براسها لين نامت
*****
غربة الروح كوفنتني
وغربة البلد خوفتني
والغربة عايشة فيني
كان في المكتب جالس وهو يشتغل عـ ملف في يده .. مو مهتم بشي الا شغله في هـ اللحظة .. الدنيا مقلوبة برا .. وقف عن شغله وقام يشوف وش اللي صاير .. سمع كلامهم وهم يتناقشون
_ i need to him انا احتاج اليه
_sorry but you can't اسفة لكنك لا تستطيع
_but i have to see him
لكن يتوجب علي رويته
_no you don't have an appointment .. I can't let you in
لا انت لا تملك موعد مسبق .. انا لا استطيع ادخالك
جاء صوته قاطع لـ نقاش
_what is going on here ? ما اللذي يحدث هنا ؟
_mmm .. He wants to meet you without an
…appointment ممم .. يريد مقابلتك بدون موعد مسبق
_ok .. Let him in
لا باس اتركيه يدخل
من تعابير وجهه عرف انه عربي .. ما بغى يسولف وياه .. واضح يبيه بشي ضروري .. راح جلس في مكانه واستناه .. دخل وقال
_i am so sorry
انا اسف جدا
قاطعه بكلمة
_لنا لغتنا
سكت الشخص الغريب اللي مقابله واستناه يتكلم
_وشلون عرفت !؟
رفع حواجبه وقال
-حلو .. انت سعودي ؟
هز راسه بمعنى اييه وقال
_انا طالب هنا ادرس ادارة الاعمال ..
و سكت واستناه يكمل بس شافه متوتر الواضح انه ما عرف شلون يقول اللي يبيه
_و ؟
_انا عارف كل شي عن الشركة لاني اطمح اشتغل وياكم
قال له هو بهدوء
-جيب درجات زينة بس وحياك الله .. تراك ما عرفتني بنفسك
ابتسم له يطمنه وقال له
_اسف .. بس انا اسمي ماجد .. والمشكلة اني رحت للبيت ابي اتكلم وياك في شغل وشفت هناك حرمة .. كانت تتكلم مع الخدم وتقول انها حرم عبدالرحمان ال. ..... وهـ الشي مستحييل بما ان امك هي قريبة امي من بعيد واليوم اللي قبله اتصلت بالاهل اشوفهم وقالت انها عندهم وبما انها صغيرة ما وصلت لثلاتين
تغيرت نظراته للجمود وقال ببرود يقاطعه
-قصدك ان فييييه وحدة تقول انها متزوجة ابوي صغيرة وتكشف ؟
قال له وهو متوثر
_اييييه
سكت شوي وقال
-مشكور يا ماجد .. تفضل
طلع من عنده وهو في باله فكرة وحدة بس ومافي غيرها .. لان اللي سمعه شي ما يدخل الدماغ
*****
هم في الحديقة يستهبلون وفالينها عـــ الاخر والكاميرا تصورهم لابسات بدلات المنتخب بيلعبون كورة ..
الاء كوني في فريقي يا الغلا يا الحب يا
قاطعتها رنيم وقالت
_انت حدك تلعبين مع هـ العنزة اللي ما تعرف تجري
صارخت حنييييين وقالت
_هيييييييييه
ضحكوا البنات وقالت الاء بجدية
_فزتوا علينا بكورة الموية .. كنكم شاطرات فوزوا علينا الحين
بدت اللعبة بحماس والاء مسيطرة عـ اللعبة كلها
_مرري لي
رمت الكورة لـ رنيم وتسجل اول جول ورهف تجري وراء الكورة تبي توقفها وحنين طاحت بعد ما تعبت من الجري وراء الاء كانت المسافة بين المرمى والثانية طويلة وجاء حمد يكون الحاكم بينهم .. ضحك ووناسة وجو جنان طبعا مو لازم احكيلكم ان القوانييييين كلها طاارت لانهم ما يتابعوون بس يبون يتريضوون ويلعبون ع قولتهم
قالت رهف باعلى صوووووووووت
_غش
صرخ عليها حمد وهو مصدق نفسه انه حاااااكم وقاعد يصفر ويسكتها
_اوشششششششش والا اعطيك كرت احمر
ضحكت الاء وجت حنين تنتقم من حمد وتعصبه بس طلع ورقة سبق ولونها بالاحمر رجعت وهي تحووس بفمها ,, صفر حمد
و الكورة كانت عند رهف وحنين وقفت تبي ترد الجووووول لكن ويييين والاء ضدهم .. جتهم الاء واخدت الكورة بسرعة وهي تموهها وتحركها تبي تطفشهم والبنات يجروون وراها واللي تطيحها واللي تدفها وهي يا جبل ما يهزك ريح هربت منهم اول ما زادت سرعتها ورمتها لرنيم ... رنيييييم كانت تجري بالكورة والبنات رجعوا يراكضوا وراها يبون الكورة .. متونسة ومتوترة المرمة لساتها بعيدة .. شافت الاء واقفة قريب شوووي شوطت الكورة لها وقطعت عليهم رهف .. ولفت ترووح لمرمى تسجل جووول وحنييين تسبقها عشان تقرب وترمي لها الكورة بس جرت لهم الاء واخدت الكورة بسهولة واعطتها لرنيم وردتها رنيم لها بسرعة وركض للمرمى
_جوووووووووووووووووووووول
كانت رهف معصبة تكره الخسارة وتعرف ان مالها امل .. الاء لاعبة اولى تموت في الكورة ولعب الكورة ومتابعة الكورررررة واخوها علمها من زمان وما نست فازت الاء ورنيم بنتيجة مرة كـ العلقم لحنين ورهف 6-0
ضحكت الاء وقالت
_ابعدوا بس ابعدوا ما لكم فايدة لو كنت اللعب مع الجدران كان ماسجلت كل هـ الاجوال ...
عصبت رهف ولحقتها ووراها حنييييين والاء بخووف جرت للبيت خايفة من اللي بيصير فيها .. دخلت للبيت وهي تسمع صوت خالتها ام محمد تكلم بالتالفون حرت لها تتخبى وراها وهي تتنفس بسرعة وتلهت من الجري وتقول
-كلمي رهف الله يخليك
جت رهف تجري دخلت وشافت الاء جالسة وراء امها وتناظرها بقوة وضحكت الباين انها ماشافت شي ولا ركزت بشي
_اللو تعالي
قالت ام محمد بضحك وهي تضحك عليهم وعـ جوهم الجنان
_رهف
اعترضت رهف وقالت
_يا يمه ما يصيييير
اما هو فكان جالس مقابل امه عـ اليميييين .. وهو يشبع عيونه منها .. الفرق كبير .. الصبح كانت متكشخة بفستان حليو ومكياج وتقول الجمال عندي والحين شعرها حوسة ووجها احمر من الركض .. ولابسة زي المنتخب .. وباينة ملاك حلوة كييييف ماكانت .. لقى نفسه يتكلم بلا ارادية,وهو يغض البصر
_ انت وش عليك .. اطلعي عشان تطلع والا اقول .. انا بطلع وخلاص
وقف من جده وطلع البنت عجيبة فهم انها لو طلعت رهف ما بترحمها .. طلع من باب المجلس الخلفي وركب لغرفته بيستريح. .. ما عنده شغل كثير وطلع مبكر علشان يشوف هـ الجمال مرة ثانية اما هي فـ جمدت وسكتت هذا ثاني موقف له معه .، وش رجعه بس كانت ضايعة بافكارها والموقف المحرج ينعاد .. هذي ثاني مرة يشوفها والفرق واضح .. ثاني مرة يمشي ويتركها .. ثاني مرة تسمع صوته اجل ليش حاسة بهالشعور البايخ بانها متقصدة هـ الشي ؟ وهي مالها علاقة ابد سمعت ام محمد تقول
-لا تحاتين يا بنتي ... المواقف زي دي بتصير .. وانت اتركي البنت بحالها
رهف كانت تضحك وقالت
_اوك يمه والله ما اسوي لها شي .. انت بس خليها تطلع
نزلت الاء من مخبائها وطلعت وهي تناظر في المراية اللي مقابلتها وقربت تبكي مو من الموقف لا ... لان رهف شافتها بموقف زي دا يعني بيتسجل للابد وبتتعاير به للابد رهف اي شي تشوفه .. اي موقف محرج .. يظل معها في ذاكرتها للابد مشت لهم وسمعت حنييين تقول
_بنتابع الفيلم بعدها ننام ونرجع لبيوتنا مع العشاء
قالت رهف
_لا .. بننام لنا شوي مثلا لساعة سبعة .. نتابع فيلم تتعشون واذا تبون ترجعون للبيت ارجعوا ولو لا باتوا
قالت رنييييم
_ايييه .. بروح غرفتي استحمى
رجعوا يتسابقون والاء لانها منحرجة كانت تمشي بالشويش وهي تناظر يمين يسار .. فوق تحت .. تعقدت خلاص حنين والاء واقفات يستنون الدور وقالت رهف
_الاء روحي تحممي في غرفة محمد وانتي حنون استنيني
ضحكت حنين لان رهف سبق وقالت لهم بالي صار .. والاء عصبت وقالت بنرفزة
_بروح استحمى في غرفة رنيم
بعد نصف ساعة كانوا كلهم لابسات بيجامات .. وفرشوا باغات حق النوم التابعة للبر والتخييم وناموا عـ الارض لانهم يبون ينامون جنب بعض .. اخدهم النوم وكل وحدة تفكر بشي
*****
وهو كان قاعد في غرفته يبي ينام وافكاره راحت لها .. لجمالها الخلاب .. لحوستها الجذابة .. لشعرها الروعة ولوجهها اللي كان احمر من الركض ولكل شي فيها عجبته شخصيتها الدلوعة .. والمرحة .. عجبته هـ البنت حييييل نادتها رهف بـ ( اللو ) يا ترى وش اسمها !؟ وش بيكون بعد كم اسم جاء عـ باله ورجع لتعابيرها اللي انحرفت بذاكرته تنهد وهو يرمى نفسه عـ سريره .. قلب كم من جهة يبي ينام .. بس انحرفت افكاره لمجرى خطير .. مجرى مدمر راحة بالة ومشتتة انتباهه
عصب من افكاره وحاول يرجع يفكر بملكة جمال السعودية بجمالها .. بكلها
بس مااش
صار يتقلب ويتقلب والنوم جاه بعد فترة طويلة وافكاره ما هدت .. جسمه ثاير عليه بسبايبها .. تعود الشيطان كم من مرة وقام من مكانه لانه ما هدى .. توضى وصلى له ركعتيييين يهدي فيهم نفسه .. ورجع انسدح في سريره غمض عيونه وهو يقراء القران لما نام
*****
بعد ساعة ونص صحوا من نومهم وكل وحدة شعرها حوسة اول من صحت كانت رنييم .. رنة المنبه وعتها عـ الدنيا وابتسمت للكاميرا اللي كانت تصورهم في نومهم وكانهم في ستار اكاديمي عـ قولة رهف وقالت لها
_مساطيل ربي يكافيهم
وقفت ورتبت نفسها ونزلت جابت تلج وحطت لكل وحدة مكعب ثلج تحت البجامة وكل وحدة وحظها لوين تتوجه القطعة ورجعت هي لمكانها قاموا البنات يصارخون وصرخت هي معاهم
_برد ... برد
رهف كانت تحرك قميص البجامة وهي حاسة ببرودة الثلج .. بردت وهي تبي تنام وافكارها كلها في النوم والدمعة في طرف عينها .. الاء تناقز وهي ما تعرف ليش ما طاح هالشي البارد .. توقعتها رهف لكن حالها يبين انها ضحية زيها بالضبط .. وحنين ما فكرت كثير كل اللي سواته انها رمت البلوزة ورجعت تنام .. اخر همها الثلج .. تعبانة تبي ترتاح بعد ما ارتاحت رهف من الثلج ناظرت فيهم تبي تعرف من اللي سواها .. البنات جلسوا وكل وحدة كشتها حالة مناظرهم تضحك .. دخلت رهف الحمام وهي تشوف كم الساعة .. و توسعت عيونها لهم ساعة و نص وهم خايسات في النوم الوقت ما يمديهم .. غسلت وجهها وهي تتوضى تبي تصلي .. شافت رنيم والاء يسولفون واللي جذبها انهم سكتوا اول ما شافوها .. رفعت حاجب وهي ترمي حقيبة عـ وجه حنيييين قبل ما تكبر وتبدا في صلاتها
الاء بهدوء _اخوك وش يقوول عني ؟؟
رنيم ببسمة _ اقول له يخطبك واخبر خالتي وربي فكرة
حمررر وجه الاء
_هااه بتوافقين لو خطبك
الاء صدقت _ استخيييير ولو ارتحت بوافق
ضحكت رنيم وهي تغمز لها والاء قامت تغسل كشتها وتصلي وتهرب من الموقف بعد نص ساعة بالتمام كانو البنات كلهم نايمات ع السرير وهم متكدسات على بعض .. يتابعوا في فيلم safe haven وهم ذايبات مع البطل كان التشيبسات والشوكلتات والفشار قدامهم .. واللي تبي تاخد الصحن عندها .. الجو كان هادي حييييييل
******
جلس محمد مع ابوه وامه وهو مشتاق لاخته واللي ما شافها من صباح الله نام له نص ساعة وصحى ... قالت امه انهم يتابعون فيلم وهو جالس على الاب يحوس به ...! ابتسم يوم تدكر البنت واللي اسمها اللو .. حلوة وكيوت لكن فلة وضحك بصوت هادي وهو يتدكر منظرها بملابس المنتخب السعودي ! تحب الكورة .. واه بصراحة البنت تخش القلب بسرعة ¡!. ركز في اللاب وهو يبعدها عن افكاره و شاف اخوه احمد موجود عـ النت وبعت له رسالة
_نام احسن لك يا اخي ..
وشاف ان اخوه الصغير يكتب رد عليه .. ولكن هو رفع فونه واتصل به ... رن اول مرة وما رد تاني رنة والتالتة رد فيها بصوته الضاحك
_هلا وغلا والله .. حيا الله صوتك يا اخوي وينك قاطع من زمان مادورت
ضحك محمد من كلام اخوه وقال له
-من زمان يا العيار اجل انا اش اقول لك بالله ... انا اتصل طالبك ترد وانت مو يمي ابد
ضحك اخوه وقال بصوت عاقل وجدي خلى اخوه يبتسم بفخر بعد ما عرف من فراس السالفة .. والله ورفعت راسنا يا ابو تركي والله ولك الاحترام اللي تستاهله
_لي ظروفي يا محمد لا تحاول ... شلون الاهل !؟
_بخير يا وجه الخير .. امي وابوي معاي تبي تكلمهم اكيد
..! _ما يبيلها سوال يا محمد ... مشتاق لهم موت والله بس تجري الرياح بما لا تشتهي السفن يا اخوي .. عطيني امي واللي يعافيك
مد محمد التلفون لامه واللي ما كانت معه بمكالمته والباين ما عرفوا انه يكلم احمد .. اخدت الفون باستغراب وسمعها تقول
_السلام عليكم
ابتسم وهو يناظر امه الي تصيح جنب ابوه وهي تحي وتهلي باخوه وتدعي له بالسلامة وتساله وابوه يطالبها بالفون .. كان مبتسم من الفرحة اللي شعت في عيونهم وهو مو داري ايش السواة .. يعرف تعلق احمد برهف ورح يطلبها تكلمه وتقنعه اكيد بس مو اليوم يا ابو تركي اليوم رمتنا اختك وراها لا انت ولا انا لهم مكان في نكاتها وهبالها .. جت في خياله صديقتها الاء كيف ما فهم من امه .. ونفض راسه وهو يشوف حمد يبكي يبي يكلم احمد بعد ... نزل لمستواه وقال
-ايش فيك حمد ؟ بلاك تبكي ؟
طاح حمد يبكي وهو يقول بصوته الطفولي
-ابي اكلم احمد
_حاضرين على هالخشم وانا اخوك .. ليش تصيح ؟
_صدق
_ايه لا تصيح واللي يعافيك تعال
رفعه وحطه على كتافه وهو يوقف به يبي يلاعبه حتى تكمل امه وتعطي الفون لابوه في الاول وبعدين الله كريم كان حمد يتكلم مع احمد وابوه راح لمكتبه عنده شغل بيكمله ويرجع ... وامه جنبه _محمد خاطري افرح بيك .. واشوفك عريس جنب شيخة البنات
ابتسم لها بعطف وقال
_اتوقع جيتيني بعد ما لقيتي بنت الحلال
ابتسمت له
_ايييييه
فكر فيها بهدوء وقال وهو مايبي يكسر بخاطرها وهو عارف ويين الباس
_اعرفها ؟
ردت عليه وقالت
_لا ما اظن .. تراها حلوة حييييل .. تقول للقمر انزل واجلس مكانك .. امها صديقتي وانا اكلمها لك .. واهلها انا اضمنهم لك .. والبنت طيوبة وصديقة لاخواتك بعد
_يمه لو علي انا برفض لكن بالاول قولي من هي !؟
_الاء ال ..... ليش بترفض ترى البنت غييير شي تعرف انها الحيييين فوق .. اسال البنات في الاول والا بتندم .. ترى خطابها واجد
سكت للحظة قروب اخته ٤ بنات .. رنيم وبنت عمها اللي اسمها حنيييين .. اخته والاء ابتسم وقال
-يلا ما ابي اكسر بخاطرك كلميهم وشوفي وانا بنطر البنات وبكلمهم
حمد ربه ان امه ماحست بشي من ناحيته وهو يتمنى يكون قراره صحيح .. باس راسها وطلع وهو مبتسم .. واول ما طلع ابنها .. اتصلت هي بام فراس .. كانت ناوية تخطب الاء له من زمااان بس اليوم جزمت انهم مناسبين لبعض .. وكلمت زوجها ووافق يعني تبي تعطيهم خبر مع انها قد لمحت لامها انها تبيها لواحد من عيالها .. ومن فرحتها ما قالت خليني اصبر للصبح هههه
_اللو السلام عليكم
ردت ام فراس بحنية اكبر
_هلا هلا بام محمد وشلونك ؟ وكيف البنات معك ؟ مسويات شي ؟
قالت ام محمد بمزح
_افا بس يا ام فراس البنات بناتي .. واللي يسوونه راضيييية فيييه .. بس تعرفي اتصلت علشان شي ثاني
قالت لها بنية بيضاء
_تفضلي يالغلا اعطيك اللي تبينه
ضحكت ام محمد وقالت
_انا متصلة لاني ابي اخطب بنتك لابني محمد رسميا مع اني قد كلمتك عـ السالفة .. بس الاصول اصول
قالت ام فراااس وهي تضحك فرحانة
_وانا قد قلت لك ان بنتي هي بنتك .. بس القرار الاول والاخير لها
_اكييييد يهمنا رضاها
رجعوا يسولفون وكل وحدة فرحانة اكثر من الثانية صديقات حيييل واتنييييناتهم يعرفون تربية عيالهم زيييين
****
فوووق وعـ السرير المسكين اللي عليه اربعتهم .. حالتهم تضحك جد .. معفوسات فوق تحت .. رجل هدي على رجل ديك وكتف هادي على كتف ديك ولابد من الهواش بس نسوا كل شي من انسجامهم مع الفيلم ... قالت حنييييين بصوت طالع همس بلا ارادية وهي متنحة في البطل
-البطل جذاااااب .. مافي منه سعودي !؟
قالت رنيييييم بهبل تطق بيه الاء
_اخوي محمد احلى
ضحكت رهف بقووة من كلمتها وقالت
_صدقتك
كملت الاء عليهم بصوت مو مهتم
_الفيلم يا جماعة
لكن حنييييين طنشتها وحبت تغير الجوو والسكون اللي يلفهم
_لو كان احلى اخطبوني له
ما تعرف الاء ليش اتنرفزت وقالت
_الفييييييييلم
سكتوا وهم يتابعون وعادت خقتهم مع البطل وكبرت .. بعد خلصوا البنات من الفيلم وكل وحدة .. تتصل باهلها بيرجعون بيوتهم .. طبعا رنييييم بتبات واخدت الاذن من عمها وعشاااان الاء وحنيييين نزلوا للمجلس اتصل بدر بحنيييين يبيها تطلع
_اوووك ثواني بس
وقفت حنيييين وهي تضمهم وتقول بصوتها الحلو
اشوفكم بكرة في العرس .. رنيم والعرس !؟
قالت رنيم بتفهم
_الصبح بيجيبني محمد للبيت .. لا تحاتييين
هزت حنييين راسها وهي تودعهم بيدها وتلوح لهم وهي ترجع لوراء ضحكت رهف وقالت
_تمنيتها طاحت
قالت الاء بصوت دلووووع
-حرررررااااام علييييك
ناظرت رهف فيها بسخرية وهي تستخف فيها بنفسها وقالت
-انطمي ارجوووووك
طبعا غصب عنهم دخلوا في مناجر وهواش وضحك وتعليقاات
انتهى البارت
|
16-06-15, 10:48 PM
جديد مواضيع قسم ارشيف خاص بالقصص غير المكتمله
العرض العادي
