بارت رغم انه مستفز للاعصاب الا انه جدآ رائع الي قدر يثير شعور المتابعات

نبدا بصيته مشكلتها جدآ بسيطه لها حلين اما الجد يتدخل لأنفصالها عن عناد او يرفع لها تميم قضية خلع وتخلص من عناد وينتهي موضوعها بسلام الا اذا للكاتبه وجهة نظر اخرى


توق وما ادراك ماتوق وما زالت مستمره بشي مدري شسميه غيرهبال حماقه لا مبالاه وش يضرك وانتي طالعه من البيت ام حاكم واقفه قاطه كلمتين وانتي تلبسين العبايه ما راح تعطلك ابدااا تقولين الوالده تعبانه وبروح لها
هذي تكفي تبرر خروجك الغامض

ما ادري شسمي الي سويتيه حتى يوم طلعتي وانتي بالسياره رساله لحاكم تكفي

يوم اخذتي جوال اختك ما اخذتي احتياطاتك مقفله الباب ومكلمه حاكم ما ادري ها الفهاوه الي انتي فيها راح توصلك وين

الحين رحتي لرماح وصار الي صار والحمل ماندري وش عواقب ها المطبات الي اكلتيهاسواء طاح الجنين او بقى

وانا اتوقع بيثبت

مالك حل الا شيهانه تدخلينها بالموضوع

حاولي تاخذين جوال الجازي عسى مامن جازي وتصرفي بذكاء واشرحي لها كل شي وشيهانه بعد الله بتدبرك
والاسباب واجد قريبه نفسيا من حاكم وقريبه لك بالمكان بتوصل لك بسرعه

وذكيه بتطلع لك حلول

سلهام وبدت التحديات اولها تويتر سكري اي باب يفتح عليك شبهه ويعيد الماضي احذفي حسابك وصلحي حساب جديد

هيثم ماضي اسود ادفنيه مع الاموات

حتى لو تطلقتي من تميم هيثم مرفوض لأسباب من اهلك انتي عارفتها

نوير يارااااسي حامت تسبدي من شفتها مقبله على تميم

تكفين رشا خلصينا منها لاتقرب تميم

انا ماخفت الا من ام تميم تقعد تسوي سوالف وقصص لين تخلي تميم يقبل بنويران

لكن الحمدلله جاب لها الله شغل ابو تميم اشغلها بورعه


تميم خذ اجازه مرضيه عرضيه الي هي وشد لجدك تراه محتاجك لين يعدي كم شهر وتفكنا من نوير وتقرب اكثر من سلهام وخذ شور عجايب تراه تنفعك

منال زي ماتوقعت و البنات قبلي السالفه ماهي ثار ابوها السالفه حقد مزروع من الطفوله

والظروف ساعدتها تبدا انتقامها من توق لكن حبل الكذب قصير بتنكشف وهي الي بتكشف نفسها لعبد الرحمن
بتصحي امه من الغيبوبه وبيربط الامور وبيتضح له شي من الحقيقه على الاقل بالوقت الحالي

سطام المطمن بموضوعه انه يمشي بطريق اعوج والورقه الي وصلت حاكم اتوقع اسمه من ضمن الموجودين يعني حتى لو انفصلوا حاكم وتوق

سطام نهايته قشره وقريبه

بارت رائع رشا وننتظر الاروع منك

وعندي طلب اتمنى البارتات ماتكون يوم الجمعه اليوم هذا الكل مشغول
اي يوم با الاسبوع بيكون تفاعل البنات اكثر

ما شاء الله طيف الاحباب كفيتي ووفيتي ..و بردتي حرتي ..
بس مهوب كنك متحاملة علي توق ..
ترا كل اللي صار مجموعة كوارث مالها ذنب فيها ..يعني بحسن نيه ..

شبت تسبدي من توق ودي من عطاها رقمة كوية على علباها تظهر قلبها هههههه

و الله انها طيبة ..بس اوقات بتكون غبية ..
الله يعينها علي اللي جاي
و تري حاكم بعد عليه غباء اوقات و تسرع "ظنجرة و لقت غطاها"