ان شاء الله تستمتعون بالقراءه..
..البارت الخامس والثلاثون..
طالعت فيه بستغراب تكلم بطريقه عاديه ماكٲنه تو يطلب اغير تصرفاتي الي ماتعجبه وبعد يقول لي بسافر
قلت وانا افتح الباب""طيب""
كذا شكله فهم ان الموضوع انتهى ماراح اتغير علشان كذا تكلم بهدوء وين بيسافر وهو توه واصل اساسا
يلله بداية الاسبوع ببدا ادوام وهو قبلها بيوم بيرجع اهم شي اول يوم نداوم سوا
اما سالفة اذا احتجتي شي اتصلي علي فهي ذوق بس
نزلت وسكرت الباب بس رجعت فتحته
وقلت""افتح الشنطه""
ورجعت سكرت الباب فتحتها ونزلت اغراضي كلها طبعا مو كثيره هي
وسكرت الشنطه وشلت نص الاغراض وحطيتها عند الباب ورجعت للباقي وشلتها وحطيتها عند الباب
ووقفت وحركت يدي له بطريقة باي لانه للحين واقف
ولفيت دقيت الجرس وانا اسمع صوت السياره تتحرك
شوي وفتحت لي الباب امي اول ماسلمت علي سٲلت عن ليث
قلت لها بيسافر يومين مشغول
طالعت فيني شوي وقالت""ليش مااخذك معاه يخلص شغله وتتمشون شوي""
قلت""انا ماابغى هو اذا شاف الشغل ينسى كل شي والحين شغله تراكم علشان هذا الاسبوع وماابغى اضغط عليه وفوق هذا كله مشتاقه لكم كثير""
قال بٲبتسامه بارده""وانا اكثر والله بس لا تعودينه ع كذا الشغل مو اهم من البيت لا تخلينه مثل ابوك""
ياعقدتها بالدنيا قلت علشان اطمنها""حتى لو صار مثل ابوي انا مابصير زيك ماراح اسكت له""
قلتها بضحكه وكملت""عبدالرحمن موجود وجدتي صاحيه""
وشلت اغراضي وساعدتني امي ودخلت حطيتها عند الباب
وفسخت عبايتي وانا انادي عليهم لان امي قالت انهم موجودين
طلع عبدالرحمن والجوال في اذنه وامي راحت تطلع جدتي من غرفتها وحطيت عبايتي جنب اغراضي وطلعت هدية امي وجدتي وعبدالرحمن بحماس وحطيتها ع الطاوله
سلمت ع عبدالرحمن الي جلس وهو لسى يكلم
ورحت بتجاه جدتي الي طالعه من غرفتها سلمت عليها ودفيتها انا
لما جلسنا سكر عبدالرحمن الجوال وعدل جلسته وهو يقول""اش جبتي لنا معاك""
اعطيت كل واحد هديته وابتسامتي اش وسعها فرحانه فيها اكثر منهم
اشتقت لهذا الجو مو هناك طول الوقت وحدي مع ان بعض الاحيان اكون عكسهم جدا بالنظام
بس مااحس اني وحدي مثل هناك
صليت وتعشينا وطول الوقت عبدالرحمن يثقل دمه ليش هذي الهديه الرخيصه توقعت شي اغلى
ولا نسيتي ماتذكرتي الا في اخر لحظه واشتريتي كذا
واكيد هدايا اهله غير وليش رحتى دوله عربيه توقعت تسافرين لاوروبا
وليش ماكلمتي ابوك يقول انك مارديتي عليه مشغوله فايش
جدتي الي جدتي الي دايما اسلوبها مستفز اليوم ماقالت شي يمكن علشان مشتاقه لي مو مثل عبدالرحمن
لما راحو ينامون بقينا انا وهو كان جالس يطقطق بجواله
قلت له""اش سويت هذي الفتره""
حرك اكتافه وقال""ولاشي""
توقعت يعني نتكلم عن حياتي براحه لانه يعرف كل شي بس ماسٲل
قمت وانا كنت ناويه ادخل اغراضي من عند الباب بس ماشفتها اكيد امي دخلتها فديتها ياناس هنا الدلال
مديت يدي واخذت شنطتي قال عبدالرحمن""بتجلسين هنا كم يوم""
قلت""يومين ليش تسٲل""
قال وعيونه لسى ع الجوال""بس اسٲل طيب متٲكده انه بيرجع يٲخذك""
قلت وانا امشي""ترا اكذب مااشتقت لك""
سمعت ضحكته وانا ادخل غرفتي كل شي كٲن مرتب يعني مافيها روحي ابدا
رميت الشنطه ع السرير وجلست ع الكرسي وفتحت النت وجلست اقلب فيه
حتى سمعت باب الغرفه ينفتح كان عبدالرحمن الي دخل ورمى بنفسه ع السرير
وقال""مسرع اشتقتي لشغلك""
لفيت الكرسي بتجاهه وقلت""متحمسه لرجعه ولتغيير المعامله معاي""
تذكرت كلام ليث بس مااهتميت اكيد بيكون فيها تغير
قال وهو يرفع ظهره ع المخده""لو ماتداومين وتتغيبين يوم زياده تصير واضحه انها شركتك وكيفك""
قلت""اخاف يخصم من راتبي""
قال""حتى لو ياخبله قدام الناس انها شركتك والخصم محد راح يعرف فيه""
قلت""لا يعرفون صارو يرسلون انذارات مااقدر""
قال وهو يرجع ينسدح زين""ماعندك حس الشجاعه مادري اش سويتي بسفرك هذا بس جالسه مع السواق وتحكيله حياتك""
قلت ادافع عن نفسي""صرت معد اتكلم معاه""
قال بضحكت نصر""قلت لك بتصيرين مثل ليث قلتي لي ماابغى وماادري ايش""
قلت""فهمت غلط مااتكلم معاه مو علشان انه سواق لا لانه يقول لليث كل شي ومااعجبني كذا كٲنه مراقبني""
قال بعد غمزه""اش اخباره ليث""
قلت بعد تكشيره""اخباره ماتسرك الرجال متزمت مره""
مالقيت كلمه اوضح منها اوصفه فيها
قال بعقده بحواجبه""اش يعني متزمت""
فتحت عيوني ع وسعها وقلت بصدمه""منجدك عبدالرحمن ماتعرف معناها وانت بالجامعه""
قال وهو يجلس""انتي تعرفين معنى كلمة انوش(حركت راسي بطريقة لا وانا احاول اتذكر اذا مرت علي او لا كمل وهو يقلد صدمتي)منجدك تاج ماتعرفين وانتي خلصتي الجامعه""
قلت وانا مبتسمه""واضح من نطق الكلمه انها مو عربي فصحى مثل متزمت كلمه عاميه يعني""
قال وهو يرفع اكتافه""الي تكون المهم ماتعرفين معناها مثل مااعرف معنى كلمتك""
قلت""طيب اش معناها""
حرك راسه بطريقة لا وهو مبتسم بقوه""لو توصف زوجك كان قلت معناها بس لا بعيده عنه""
قلت وانا احاول اقرب للمعنى""طيب توصفك انت""
ضحك بقوه وقال""اشك انك تعرفين معناها دايما السب توجهينه لي الا ماقلتي لي الحقيقه اش صار بعد لا ليث طلع يدك""
ورجع كمل ضحكته متٲكده انه عارف بس بيرفع ضغطي
قلت وانا متجاهله سؤاله""انت ماتعرف الا السب وبعد تعلمني""
قال وهو يرجع راسه""مين تاج ماعرفتك انتي ماتحتاجين احد يعلمك وهذي متزمت الي منصدمه اني مااعرف معناها""
قلت بٲبتسامه""مو سبه هذي وصف""
قال عبدالرحمن""وانوش وصف بعد""
قمت من ع الكرسي وقربت من السرير وانا اقول بفضول""طيب احد تعرفه توصفه هذي الكلمه""
قال وهو يحط يده تحت راسه""مابقرب لك""
مهما كانت هذي الكلمه دام انها سبه فهو توصفه مع ليث الي سافر بدون حتى مايسٲل عن ابوي
ايوه صح تذكرت
قلت""ليث قال قبل مانرجع ان البيت ماراح يكون ملك الا اذا اثبت له اني ماراح اسوي شي غلط الحين بس ندمت اني مااثبتها بالورق""
جلس عبدالرحمن وقال""صدق""
قلت وانا اجلس ع طرف السرير""والله جد كنت شوي وبترجاه اذا ماترجيته وقال اني ماحددت يخليه بٲسم مين اهم شي يشتريه وبيخليه بٲسمه ب.....""
قاطعني وهو يقول بعصبيه""ليه اش سويتي انتي""
مع انه من مفهوم ليث اني سويت شي علشان كذا قال الكلام مع اني ماغلطت مو هو زوجي المفروض يصرف علي
واساسا هذا اول اسبوع وطبيعي ادلل نفسي طالعت فيه بتكشيره ووقفت
وقلت له""لازم اغلط يعني""
قال وهو يوقف بعد""يعني ماغلطتي""
راح ادفع من فلوسي من راتبي يعني ماغلطت ابدا
لهذي الدرجه لدرجة يخل بالشروط الاساسيه
قلت بيقين""لا ماغلطت عبدالرحمن""
قال وهو يوقف بعد""اسمعي تاج لا يلعب عليك ماتوقعته كذا ع بالي مثل ماوافقتي انتي ينفذ لك مو يعقدها انا بكلمه""
قلت""ايوه كلمه ماابغى اروح معاه بيته الا شغل ابوي والبيت كلها متنفذه""
قال وهو يطلع من الغرفه""بجيب جوالي"
..نهاية البارت..
..عافاكم..
..عجايب..
الحمدلله.



..بأذن الله لي حسنه ولك حسنه..
(اذكروا الله دائما حتى وان كثرت اشغالكم فإن ذكر الله حياة القلوب وغذاء الارواح وسمة المؤمنين ( ياأيها الذين آمنوا أذكروا الله ذكرا كثيرا) لا اله الا الله..)*

ان شاء الله تستمتعون بالقراءه..
..البارت السادس والثلاثون..
طلع من الغرفه وانا انتظرته عند باب الغرفه يجي يكلمه بغرفتي
وانا طبعا ابغى اسمع كلامهم لما رجع عبدالرحمن سكرت الباب بعده
ماابغى امي تسمع الصدق ماجات امي في بالي بس تصرف طبيعي علشان انا اسمع زين
واتصل واحنا لسى واقفين عند الباب وحطه سبيكر وانا اسمع كل رنه وانا احاول اتخيل كيف وضعه
وش الي اخره مايرد بس عجزت القى صوره له للحياه الطبيعيه ماشفته كثير علشان اتخيل
اول مارد طالعت بعبدالرحمن وقربت اكثر اسمعه زين""الو""
قال عبدالرحمن وهو يرفع الجوال شوي""السلام عليكم""
رد عليه ليث""عليكم السلام""
قالها بترقب يعني شكل ماقد كلمو بعض علشان كذا مستغرب وينتظر الكلام
قال عبدالرحمن""الحمدلله ع سلامة الوصول كيفك""
عقدت حواجبي وانا من اول اطالع فيه ليش يطول السالفه يختصر ويتكلم في المفيد
سمعت ليث يقول""الله يسلمك تسرك اخباري""
طالع فيني عبدالرحمن وعرفت انه الحين بيبدا في الكلام دام خلاص انتهينا من المجاملات الاساسيه
قال""لا والله بعض اخبارك ماسرتني تاج تقول انك للحين ماتميت الشروط واتوقع هذا حقها وانت وافقت عليه""
لما خلص كلامه اشر لي بيده بمعنى تمام حركت راسي بطريقة ايوه
وانا انتظر رد ليش ع كلامه عادي خليه يعرف ان عندي عبدالرحمن يوقف معاي ماني وحدي
مرت لحظة صمت وبعدها قال بطريقه عمليه صرفه""طبعا راح اتم الشروط الي طلبتها وهذا كلامي مع تاج بعد""
كذاب والله جالس يمطط بالسالفه مايبغى ينفذها وبعدين متى قال لي هذا الكلام لما ابغيت ابكي علشان اسكت
والحين اول ماوصلنا المفروض هو يكون اول شي يسويه مو يرجع يسافر
قلت لاني ماقدرت امسك نفسي""لا قلت ل....""
سكتت لما مد عبدالرحمن يده بوجهي وبعد الجوال عني فوق وحرك راسه بطريقة لا رجع الجوال سماعه وقال والجوال في اذنه بعد مااعطاني ظهره
(هذا المهم اول ماترجع من شغلك نتقابل،تمام،مع السلامه)
سكر الجوال وقال بعصبيه""اش فيك قال خلاص طيب ماله داعي تقولين شي""
قلت وانا اتخصر""يكذب عليك لا تصدقه حتى يشتري البيت هو من اول يٲجل""
قال""اساسا المفروض ماتتكلمين بهذا الاسلوب قدامه ولا حتى من وراه انتي وين وهو وين مليون بنت غيرك كانت بتوافق من غير شروط وهو عارف هذا الشي فلا تحسسنه بالندم لانه وافق ويمديه يسحب بدون ماتقدرين تسوين شي لان انتي السبب فااحسن لك اسكتي""
بنص كلامه تكتفت وعقدة رجلي ولما خلص كلامه قلت له
وانا لسى بنفس وضعي""تتذكر لما قلت او اقول معنى كلامك ان ابو ليث كثير علي وان ماراح الفت نظر احد من الاغنياء(رفعت يدي اوريه الدبله)الحين انا زوجة ليث ابراهيم وصلت المعلومه""
قهرني بكلامه بس لما قال بٲبتسامه""زوجه مؤقته""
قهرني اكثر مسحت فمي بيدي بقوه وبعدها قلت""طيب وريني انت اش بتسوي""
قال بغرور واضح""انتظري وشوفي""
قلت وانا امشي بتجاه السرير بنسدح""خلينا نشوف قد هذي الثقه والغرور هذا""
انسدحت وانا اسمعه يقول""قدها ونص""
وطلع من الغرفه وخلى الباب مفتوح بعده بس ماتكلمت عليه
تغطيت وانا اعطي الباب ظهري دايما جلستي مع عبدالرحمن ماتمر بدون مانتخاصم تقريبا ومع جدتي بعد نفس الاسلوب
لا يكون بس انا تعودت ع هذا الاسلوب وصرت اكلم الناس كلهم كذا
لا انا مو كذا شوفو البنات مااتذكر مره تخاصمنا اذا احد استفزني مااسكت بس
بعدت الغطا لما تذكرت اني ماسكرت النت قمت وقفلت النت وشفت شنطتي ع طرف السرير من الجهه الثانيه
طلعت الجوال منها وعدلت منبه الفجر وحطيته جنبي ورجعت انسدحت وتغطيت
تميت وقت افكر بكلام عبدالرحمن محد يعرف غيره علشان كذا محد بيجي هذا الكلام براسه
طيب لو عبدالرحمن مايدري شلون راح يكون موقفي بنظره دامه رمى قفاز التحدي في وجهي ماراح اقول له شي بعد اليوم
دامه يتحداني انه بيعرف يتصرف اكثر مني راح ابين له اني عرفت اتصرف لو كذب اهم شي انجح عليه
بعد وقت مو كثير نمت براحه بس لما صحيت ع صوت عالي تبدل مكانها قلق
عمري ماسمعت كذا صوت في بيتنا صح يعني يمر كل المواقف بحياتنا بس ماقد صحيت بسبب صوت عالي
نطيت من سرير قبل ماافتح عيوني زين لان بجد والله قلقت من اعماق قلبي
بس لما شفتهم بالصاله كلهم جالسين وشكل وجيههم طبيعي قلت بعصبيه""اش فيكم""
قال عبدالرحمن بضحكه""ادخلي غرفتك خرعتينا""
قلت وشوي واحس اني ببكي لان بجد احساس مو حلو لما تقوم من النوم وانت خايف كذا""يمه اش فيه""
قالت امي""مافي شي حبيبتي بس جدتك تتكلم مع ابوك""
تو انتبه ان ابوي موجود مع اني شفته بس مااستوعبت
قلت وانا احك رقبتي من ورا""يعني مافي شي""
قالت امي""لا مافي شي بس انتي باب غرفتك مفتوح ووصلك صوتهم يلله صلي الفجر وتعالي افطري""
رجع كبس علي النوم لما تٲكدت ان مافي شي رجعت لغرفتي وانا اسمع عبدالرحمن يقول""مو علشان الباب مفتوح بس علشان نبرة اصواتهم العاليه المهم اش اتفقتو عليه بتروح الشغل ولا لا""
الموضوع استوقفني فوقفت عند باب غرفتي بدون مااسكره اسمع كلامهم
علشان كذا امي فرحانه وانا ع بالي بس علشان ابوي موجود
قالت جدتي""والله انه رايح الرجال استٲمنه ع شغله انه مايخونه""
قال ابوي""هو مااستٲمني هو طلب""
قالت امي برجاء واضح""طيب لا تحرجنا معاه خلك لين يرجع وبعدين قرر""
قالت جدتي""يعني عاجبك حالك وانت ماتنام في بيتك كل يوم وبنتي جالسه تنتظرك اشتغل هنا وريحنا""
استغربت اسلوب جدتي شكلهم من زمان يتكلمون عن هذا الموضوع وانتهت كل كلمات جدتي الحاده
والحين تتكلم بطريقه عاديه قال ابوي""لا والله انه مو عاجبني""
قالت امي بفرحه واضحه""خلاص طيب جرب ولا ترد زوج بنتك دامه واثق فيك""
سكتو شوي عرفت ان الحوار انتهى ع كذا وشكل ابوي قرب يقتنع
بس ليش رافض ومن كلامهم فهمت انه اتصل عليه يطلبه يخلص له شغله يعني ماقال له ماتبغى تشتغل وكذا
يعني جاء بٲسلوب حلو اخذت نفس هذا الشرط وتنفذ الحمدلله
يعني ماكذب لما قال امس انه بينفذها ولا علشان تكلم قدام عبدالرحمن اما انا عادي يوعد ويكذب
المهم ماعلينا بقي البيت بس وارتاح منجد طالعت بالساعه كانت عشره الا من متى صاحين وبعدين جوالي ليش ماصحاني وانا معدلته لصلاه
دخلت الحمام وضيت وصليت وبعدها رجعت انسدحت ع السرير بالعرض بس اتمدد شوي
وبطلع علشان افطر مديت يدي واخذت جوالي شفت رساله فتحتها
كانت من ليث جلست وانا افتح الرساله كان مكتوب فيها(

..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(ولأن الحب دعاء سأكتفي بالدعاء لكم دائما عسى ان تصل دعوتي للسماء وتسعدكم دهراً..)

أنا أول من علق >> سبقبكم ‏



فصول جميلة وقفلات كالعادة ‏

حلوه واتجنن بس تجلط ‏



آخر فصل فيهم لأول مرة يعجبني ‏

عبد الرحمن بس جد إيش تعني أوش ‏

بحياتي ما سمعتها هههه ‏




ليت ماعاد مرتاحة له ومتمنية تاج ‏

تتخلص منه بسرعة ‏

يا خوفي رضا أهله بيها يكون تمثيل ‏

بس واتعاني منهم الأمرين ‏




يسلموو جيجي والله يحفظك إنتي ‏

بعد وكل من تحبي ‏