اية القفلة الشريرة دي ............. حرام علكي ...... انا اعصابي باظت

صديقتى العزيزة ريرى
السلام عليكم ورحمة الله وبركاته
ازيك عامله ايه وحشتينى من الاسبوع اللى فات
الهمستين دول بالنسبه لى ذروه الاحداث وبدايه التغير الجزرى فى العلاقات بين الشخصيات وبعضها استمتعت بيهم جدا بصراحة
نبدا من اياد ورفيف لفتى نظرنا فى الفصل دة الى حاجات مهمة جدا فى علاقتهم من ضمنها عدم المشاركة اياد بيتعامل مع رفيف بتباعد وشىء من الجمود نابع من خوفه انها تتغير وتتحول لريلام رقم 2 تبعا لمبدا " اديلها صوباعى تاكل دراعى " زى ما ريلام بتعمل بس هو مش واخد باله من حاجة مهمة ان كثير من الزوجات يطعن ازواجهن ويفعلن كل ما يسعدهم ، لكن لما يلاقوا ان مفيش مقابل بشىء من الاهتمام والرعايه والمشاركة ممكن يتمردوا وتتغير المعامله دى 180 درجة طبعا انا عارفة ان رفيف من النوع اللى بيستحمل بس اى بنى ادم بيستحمل ممكن يجى عليه وقت ومش بيقدر ويعمل حاجات خارجة عن طبعه وشخصيته والد اياد لفت نظره لوجوب الاهتمام بزوجته لكنه للاسف ما انتبهش لفت نظره كمان ان البنى ادم بيتصرف طبقا لطبيعته بس هو واضح ان اياد حاسس بنقاء طبيعه رفيف وخايف يدخلها العالم بتاعه تفسد بس برضو مش بيحاول يشاركها عالمها فكدة بيقصيها عن حياته ومن هنا تبدا الشكوك بينهم زى شك رفيف انه اتجوزها بس عشان الاطفال حتى تميم انتبه لتصرف اياد ونصحه بس اياد وضح نفسه جدا انه خايف تتغير
نروح لياسين طبعا ردة فعل كانت متوقعه انا قولت على ياسين انه بركان خامد ماتعرفش ممكن يثور امتى واهو ثار وخرج عن شعوره لما عرف برفض روفان بس اللى عجبنى ان روفان رفضت تخوص فى عيوب ياسين ودة من خلق الاسلام عدم ذكر مساوئ الاخرين وعيوبهم الاسبوع اللى فات ايهاب دل ياسين على الطريق عشان يوصل لها اما المرة دى روفان بنفسها دلت ياسين من غير ما تاخد بالها على الطريق عشان يستحقها اراهن على انها غيرت نظرة ياسين لنفسه وانه هيفكر كتير جدا فى كلامها لحد ما يقتنع دة اذا ما كنش اقتنع انه محتاج يتغير دانه عندى احساس انها هتلعب دور الخاطبه لما يروح ياسين يتقدم لروفان للمرة التانيه بعد ما يتغير لفتى نظرنا لشىء مهم جدا يا هومتى ان الاباء قدوه لابناءهم ياسين عمره ما شاف احد والديه يصلى فبالتالى عمره ما اترسخ فيه الحكايه دى
ننتقل لدانه وعم العصبى المندفع يزن باشا صدفه جميله جمعتهم بس للاسف يزن باشا كان هيبوظ الدنيا باحس ديما ان الوحيد اللى بيعرف يحجم اندفاع يزن هو عبد الرحمن اما عن دانه فهو بدا يدخل دماغها وتفكيرها شويه بشويه بس هى للاسف لسه متمسكة بوهم حبها لايهاب
ههههههههههه نروح لايهاب و نااااااااااار النهاردة انا هسميها نار بس اولا لما تخيلت شكلها وهى ماسكة السكينه كنت هاموت من ابضحك ولا لما غرقتهم بالميه فكرتنى بالافلام القديمه وجردل الميه اللى بيترمى من الشباك هههههههههههههههه بصراحة طلعت مش سهلة ابدا دى ممكن تجيب لانجى شلل رعاش بمنتهى البساطة والسهوله خطوة ايهاب نحو الخطبه خطوة جريئه بس زى ماقلتى لينار هتنشف دمه هو بصراحة مش دمه بس اللى هينشف دة كله هينشف هتحمصه قبل ما توافق ربنا يستر عليك يا ايهاب يا ابن عمو سالم من لينار يا رب
عمو سالم اعتقد ان عمتو كريمه بدات تتقبله وتتقبل وجوده حوليها واعتقد انها مع الوقت هتبتدى تحبه وتفتقد وجوده
انا حتى الان نسيت اتكلم عن الحفله وجمال الحفله وفساتين البنات والبوفيه بتاع علياء اللى ملا معدتى حتى التخمة تسلم ايدك يا لولى
كنزى و يحيى لسه بينهم مسافات حتى يصلوا للحب القوى الراسخ احساس كنزى بالذنب عامل بينها وبينه حاجز كمان هى حاسه انها ما تستحقوش ليه بس كدة يا بنتى انتى قعدتى سنين تستغفرى ربك وتطلبى غفرانه مستخسرة فى نفسك ليه شخص زى يحيى ربنا بيعوضك بيه بدل الاستاذ اللى اسمه ايهم اللى مش بيقدر النعمه اللى فى ايدة لا بعد ما تروح منه وحتى هو مش مصدق انها خلاص ما بقتش بتاعته
فاضل كدة عبد الرحمن و كارما حرام يا هومى الدم وقف فى عروقى انا كنت عارفه انها هتتمسك فى مرة وهى بتتلصص كدة بس ما كنتش عارفه نها هتتقفش بالشكل دة من عبد الرحمن و ابوها مرة واحدة لا المرة دى هما الاتنين اتقفشوا هيتفهموا غلط خالص مش بعيد ابو كارما يمسك لهم المسدس ويقول الجمله الشهيرة الناااار ورا العااار وكله من تدابير مرفت اللى كل دة هيجى فوق دماغها قريب لا كارما كدة هتتجوز عبد الرحمن ولا هيبقى فيها لا هديه ولا ماديليه ولا اى حاجة يا حلوة عشان تعرفى تخططى وتدبرى كويس بعد كدة
مبدعة يا ريرى مستنيه الهمستين القادمتين على نار وادعى لى الدكتورة تلغى المحاضرة كل اسبوع هههههههههههههههه عشان اعرف اجر كل احد
يلا بقى اشوفك على خير الاسبوع االقادم
السلام عليكم ورحمة الله و بركاته😘😘😘😘

فصلين رائعين جدا ملئين بلمشاعر

معجبه جدا جدا بالروايه خصوصاً الطابع الاسلامي القريب جداً من واقعنا لامست الروايه قلبي ،،واعجبني التسلسل والدقه والصور والايحاءات مجهود رائع ورايه اروووع ❤️❤️😍😍

الهمستين النهاردة روووووووووووووووووووووووووووووووووووووووووووووعة ماشاء الله عليكى ياريهام ابدعتى فيهم ربنا مايحرمنا منك ابدا

روفان انا النهاردة اعجبت بطريقة تفكيرها اوووووووووى وشايفة ان عندها حق فى اللى عملته وكويس انها كسرت حتة الغرور اللى كانت فى ياسين وفهمته ان الانسان باخلاقه وبشخصيته وبقربه من ربنا مش بغناه اوبماله مع ان كنت قلقانة عليها من غضب ياسين لما يعرف انها رفضته بس كويس ان دانه كانت موجودة وقدرت تهديه شوية
وشايفة ان ان شاء الله فى امل كبير ان ياسين يحاول يتغير عشان يبقي ججدير بروفان وساعتها روفاان هتقدر تفتحله قلبها وتحبه

دانه ويزن بقي انا مبسوطة اوى انهم اتقابلوا تانى اخيرا وان شاء الله فى الهمسات االجاية تقدر تكتشف ان حبها لايهاب مجرد وهم وتتعرف اكتر على يزن وتحبه بس يارب يبطل عصبية هههههههه

رفيف واياد الصراحة انا زعلانة من اياد عشان بيهمل رفيف حبيبة قلبي وهى عسولة اوى تستاهل انو يحبها ويثق فيها ويفهم ان مستحيل رفيف الجميلة ده تتحول للوحشة ريلام

وكمان قلقانة من الزفتة ريلام ده تقدر تاثر على اياد وخاصة انها ماعندهاش دم رجعنله تانى وطلبت منو يناموا فى نفس الاوضة حتى لو هينام على الكنبة وللاسف مش هقدر الومه لو حصل حاجة عشان فى الاخر ده مراته وهو راجل بس هتصعب عليا رفيف اوى يارييهام ويالهوى لو الزفتة ده بقت حامل تانى مش هتسيب اياد ابدا وكمان ريلام ده انسانة انانية ومغرورة ومش شايفة فى الدنيا ده حد غير نفسها ومش تستحق انها تفضل زوجة لاياد اصلا او تشارك رفيف في اياد راح ياريت تخلى ريلام تفشل فى خططها والنبي ياريهام واياد يسييبها ومش تقدر تفرق بين رفيف واياد حبايبي

علياء كاننت امورة اوى فى حفلة الخطوبة وتميم بقى واضح بيحبها اوى وكان عسول لما غار من ايهاب انو راح الحفلة وهو ماتعزمش وخد منو صورتها وطلب منو يمسح الصورة من عنده

اما بقي ايهاب ولينار بجد عجبونى اوى النهاردة وانبسطت لما غرقت لينار انجى بالمية احسن تستاهل ههههههههههه
وايهاب النهاردة عجبنى اوى لما غار عليها وهى لابسة فستان ضيق شوية وكمان لما حاول يفهمها ان والده كان بيعمل فى مقلب وهى قعدت تغيظه وتقوله وانا مالى انا مش بقيت صديقتك بجد لينار ده شقية اوى وعسولة خالص ابدعتى فى كتابة المشهد ده اوى ياريهام كان حلو اوووووووووووى
ولينار برافو عليها لما قررت انها مفروض تقرب من ايهاب اكتر وبعد كدة تشوف هتوافق عليه ولالا بس شكل قلبها هيخليها توافق ان شاء الله بس انت ابعدى عنهم انجى ياريت ياريهام الواحد قلقان منها

اما كنزى وويحيي حفلة خطوبتهم كانت حلوة اووووووووووووووى ربنا يتمملهم على خير وكنزى تحب يحيي يارب بس انا قلقانة من ايهم وشايفة انو خلاص فات الاوان وماينفعش بعد ماكسر قلبها وراح خطب واحدة غيرها يرجعلها بعد 5 سنين وهو متوقع انها هتسامحه الصراحة ده انانية منو

كارما صعبت عليا لما مسكها النهاردة عبد الرحمن بس ياريت والد كارما يقرر ان عبد الرحمن لازم يتجوز كارما او عبد الرحمن يقرر يتجوزها لما يلاقى قريب مرات ابوها ده هيتجوزها بالغصب بسبب اللى حصل

وبجد متشوقة للهمسات الجاية اوووووووووووووى ونفسي الاسبوع ده يجرى ويبقي بكرة الاحد

ونفسي اشكرك على الرواية الحلوة اوى ده ياريهام ربنا يخليكى لينا يارب الواحد بيستفيد منك اوى وكمان بيستمتع بكل فصل بتنزليه وبتخلينا ندخل عالم تانى رقيق ونقي وكله حب واخلاص ورومانسية