كاتب الموضوع :
برد المشاعر
المنتدى :
القصص المكتمله من وحي قلم الاعضاء
رد: منازل القمر ( الفصل الثالث والعشرون)
السلام عليكم ورحمة الله وبركاته ()
مساءكم راحة بال
غلطت طبعًا لما سميت الفصل السابق بفصل المواجع
بس نقدر نصنف السابق بالمواجع الخاصة بقمر وخيبتها، وهذا بالمواجع الخاصة براد وندمه.
لكن يظل تأثري بقمر كان أكبر خصوصًا بعد ما عرفت أسبابها لتركه، في البداية قلت يمكن قلبها كان مريض من البداية لذلك تركته لأنها بتموت بس حسيت الفكرة غبية وما اقتنعت
وجانا السبب الحين وبالرغم من إن السبب قوي وما تعمدت تتركه بس وش يدري رائد؟ ماهو من المنصف نلومه لأننا بس عرفنا أسباب قمر.*
احنا كبشر لما ننجرح بنقول والله فلان كان معذور وعنده السبب الفلاني؟ طبعًا لا، وعلى هالأساس أكيد بنحقد على الشخص اللي جرحنا لأننا ما نعرف أسبابه.
احنا القُراء نشوف جوانب الشخصيات بأكملها، وكان ظاهر لعيوننا أسباب رائد بس من الجهة الثانية كنا واثقين إن لقمر أسباب.
العتاب على رائد بيكون على استمراره في غبائه وجرحه لها حتى بعد ما سمع اعترافها بحبه.
كنت بتخسر شيء لو سألتها وتنازلت شوي؟ أجل تستاهل اللي تواجهه الحين لأن لكل فعل ردة فعل ولكل غلط عقاب وهذا هو عقابك، تحمل فكرة موت قمر وهي أصلًا وعلى الأرجح عائشة.*
طبعًا ما عندي كلام كثير لأني استنفدته في تعليقي السابق :P بس نقدر نقول إن حزن رائد الحين قوّته ماهو في فقد حبيبته بكبر ماهو في قتلها على يده.
الإعتزال عن الناس، الروحة لأماكن الذكريات بينهم وتردده قبل الذهاب للأماكن السيئة كلها تثبت مدى فراغه الحين بعد ما كان السبب في فقدانها.
كثير نفقد، كثير يروح منا أشخاص نحبهم، بس ما يكون الحزن كبير مثل ماهو في كوننا السبب.
+ ما ودي اتكلم عن ابو قمر لأني بروحي متفاجئة فيه وبدأ ذهني يتشتت لذلك بنتظر للوقت اللي توضحين فيه كل شيء
كنت من البداية أظنه ميت وحتى جملة سلوى " مكانك دار الأيتام بالرغم من كونكِ لستِ منهم " استنكرتها في البداية بس ظنيتها مجرد حقارة واستهتار منها.
تحياتي لك.
|
21-03-15, 04:59 PM
جديد مواضيع قسم القصص المكتمله من وحي قلم الاعضاء
العرض العادي
