سلطان .. سوي مثل ما شخصيته حكمت عليه .. حس بان احمد متغير عليه و راح واجهه .. الله يسامحك يا سلطان .. صحيت احمدوه ..
حتي سلطان انجرح من اللي ما تنذكر ...
بس الجرح الاكبر كان من نصيب احمد .. كل شي حوله بيخليه يقارن ..
عوشه .. حنان
حنان .. عوشه
و قلبه يقول له ان حنان مهيب عوشه ..
و عقله يرد يصور له اسوا لحظات حياته ..
يعني الله يعين احمد علي الصراع النفسي .. اهو بس اذا يودر عنه العنف يكون ما علي حنان شر ..
حتي لما ضربها احسه قلبه عوره بس المسيطر ذيك اللحظه كان احمدوه مهوب احمد ..
و بعدين وين الخدامه .. هذيك اللي ما بلعتها من يوم ما خلي حنان تسويلها العشا ليلة عرسهم ....
حنان ... تعيش الحين في دوامة ... لا تهنت في حياتها مع احمد .. و لا دريت ليش احمدوه يعاملها كذا ..
تصرفها كان سليم ميه الميه ... لازم احمد يواجه احمدوه .. و اهي تكون بعيدة ...
بس .. وين راح احمد ؟؟ ...
ما بيروح لبيت اهله ... يمكن يروح عند بطي ؟؟؟
الله يستر ما يستوي فيه شي ..

و الحين لكارثة البارت ..
لا كارثة الرواية
لا لا .. كارثة كل الروايات الخليجيه و العربيه و الاجنبيه بكل اللغات و اللهجات ..
اول شي خل اعترف بشي .. ذا الفلاح ذكي و خبيييييييث ...
اخذ بنتي حبيبتي و عقها بمزرعة مكسرة باخر الدنيا .. و اكيد جوالها عنده .. يبي يقطع اتصالها مع العالم الخارجي ..
وصلوا اخر الليل او قرب الفجر و ما كلف خاطره .. تركها نامت و عقب شالها دخلها المجلس .. لا و حاط صقر فوق راسها و شبل بره .. و الله العالم وش بيكون في .. اسود و لا ثعابين ...
يمه يمه يمه يمه يمه .. انا تروعت بس من الوصف .. بس حصوص حبيبة قلبي قلبها اقوي مني .. اكيد ما بتطوفها له ...
و هاذي اللي تقول فلاح ماي هسبند ...
عساكم البلا اللي ينزل علي روسكم اثنينكم انتي و ياه ..
عساه الساحق و الماحق و الرصاص المتلاحق ..
عساه الحمي اللي ما تطيب ابد...
عساه تلاقيه عقرب في ذي المزرعه و تقرصه ..و عقبها ثعبان يلدغه .. و عقبها ذيب ينهشه .. و ياخذوه بالسياره للمستشفي تنقلب فيه السياره و يلاقي روحه بنص الصحراء لا شجره و لا ماي ..
الله يسلط عليه من يعذبه و لا يرحمه ..
ماني قادرة ادعي عليه من قهري ...
خلوني اروق شوي و انظم افكاري و عقبها عندي له موشح يشبهه .. الغثيث .. عيون البومة ..

أنا للحين منلخمة من الأحداث 😢😢😢

حمد أوكي مبدئياً ماألومه أي واحد بيشوف الصور بينهبل ، و كان الكف و الصراخ و رمية العقد ردة فعل واقعية ماينلام عليها ،
بس لما تمادى و ضرب بالعقال ؟ و لما اغمي عليها البنت ؟ يمه لا كذا أوجعني قلبي

و مافي مقارنة بين موقف حمد و موقف أحمد مع حنان ، أحمد كان شاهد حي على خيانة عوشة عياناً بياناً سمعها بنفسه و شاف كل شي ، بالتالي ردة فعله أول العرس مع حنان طبيعية لأنه مجروح و جرحه مابرى

لكن سبع البرومبه حميداني أول شي ماشهد على خيانتها بنفسه حتى لو الصور وصلت مب دليل كافي إنه يسن سكاكينه على البنت + مافكر يتأكد من الصور + مافكر يكتفي بالكف و الصراخ أو أقل الإيمان خلها عندك يومين و رجعها لأهلها ، لكن مانقول إلا ياالله إن الشكوى لك ، نصبر و نشوف 😅

فلاح سي السيد هذا سواياه مهب سوايا رجال ، و حتى لو رجع يحب حصه بعدين و بغاها و حفى عشانها و هذا اللي متأكدة إنه بيصير لأن حصوص تنحب ☺️ مابيها ترجع له ، زوجيها أخو عبدالرحمن صديقه اللي يبي موزه 😅 أو خليها تكمل دراستها المهم ماتخلينها معه ، لأنه لين الحين بعد ستين بارت بالروايه ماسوا شي يشفع له أبد أبد بإني أحبه أو أتقبله

أحمد للحين مالمته و لا بألومه 💔 أوكي حنان ماتستاهل بس اللي صار له يهد جبال و إنه يرجع أحمد اللي نعرفه يبي لها وقت

ذياب و اللي سواه هو الشي الوحيد المبهج بهالبارت 😅

أخيراً بعد كل هالهذرة
ترفقي بنا يالولوه ترا قلوبنا رهيفه و الله 😢💔💔

حصه حبيبتي .. الله يلوم من يلوم احمد و حمد .. صادقه ..
حمد تصرف بانفعال و ما فكر و لو شوي ..
فلاح .. ابي حصه تعذبه و تخليه لا ليله ليل و لا نهاره نهار ..
و انا مصره اروح لجده نهيان العود .. خليه يلعب بالخيزرانه علي جنوبه يمكن يصطلب و يصير رجال و يودر عنه تصرفات البزران ..
يالبزر يالصخله .. يا وجه المشاكل ... اااااااااااااااااااااااااااه يا من يمسكني رقبته بس .. اهو و هاذيك اللي تقول فلاه ماي هسبند ..هدوا عليك طوفة انت و اهي ..