كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
اقتباس :-
المشاركة الأصلية كتبت بواسطة NoOoFy  |
تتوقعين هموسه احمد طير الرد طيب ليش مهوب فلاح
فليح تجئ منه ذا الحركات هو أبوها وأمها
العلم تحت راس بنت عبدالله لولو هي المدبره والمعبره وعند لولو الخبر اليقين
شف حميدان طار وقع الرد نازل نازل والهزبه من صوبك صايره صايره
تبي تفهمني الحين انك كنت تحب عويش وأنها أجرحتك بحبها السلطان على مين تلعبها
لو انك تحب عويش ماحطيت رفيقتها اللي أرسلتها لك في حضنك واستقبلت حركاتها من اول موقف بينكم
الرجال رجال ماتغريه وصخه زي هذي
يأخي مافيه دين ولا خلق يردعك
طيب اذا الدين والخلق ممسوح من قاموسك وين الحب والإخلاص العوشه مهوب انت تقول تحبها وتعشقها
إذاً انت ما تفرق عنها في شي يوم هي حبت سلطان وخانتك وهي حب طفوله وجاهدت تأخذه بالحلال
انت خنت ربك اول وخنتها بالحرام لا تبرر النفسك كله منها ومن صدودها
هي حتى وهي معك ماحاولت تجرحك وتضغط على نفسها عشان تمثل لك الحب مع أنها تعشق واحد ثاني
هي أعطك ماتملك وماقدرت فما لا تملك اللي هو قلبها وكانت تبي الطلاق لانها معاد تتحمل
انا ماقول الكلام هذا أبرر العواش اللي سوته هي طبعن وصخه وانت اوصخ منها
نعيبو زماننا والعيبو فينا تعيب على زوجتك والعيب فيك
وبعدين تعال ليش ناقم على تاج رأسك سلطان بن ظاعن من زينك ولا من زين علومك
ذنب الرجال ان الله خلقه زين ورجال أخلاقه سنعه وعقل وثقل وقاتل قلوب العذاراء
وان زوجتك خمه وخايسه ومامليت عينها
اجل أبومايد تشوفه انت بنص عين وثاقل عليه ومطنشه
أقول جعلك فدوه لبومايد ماجيت نصفه ولا ربعه ولا حوله
اللي يحب مايخون تحجج انك تحبها وهي خانتك
هذا أخوك اللي من لحمك ودمك جلست الجازيه شهور تحاول أنها اطيحه بس ماعطاها وجه
تدري ليش لانه اول شي خاف ربه من الحرام ثاني شي أخلاقه تمنعه من الشين ثالث شي حبه وإخلاصه الامنه
ورابع شي وهو الأهم رجاااااااال وسلطان رجاااااااال وانت منتب رجااااااال
كلش كوم واللي سويته في حنان كوم
إنسان مريض تعلقها بذنب غيرها
يعني اذا اخوك راعي بنات تكون انت مثله ولا اخوك شارب خمر تصير انت زيه
متعب المجتمع الخليجي يعلق العيال بذنب أبوهم والإخوان بذنب أخوهم والخوات بذنب أختهم والبنات بذنب أمهم
ليتك تركت البنت تعيش باقي عمره تربي عيال أختها وتٌبر في والديها يقالك متفضل عليها وأنقذتها من العنوسة
الله لايشكر فضلك يأخي
التعذيب اللي سويته سوات مجرم ولله انك ما تفرق عن مسعود الوصخ في تعذيبه الرفعه
شكيت فيها واكتشفت انك ظالمه المفروض بست يديها ورجليها عشان تسامحك
مهوب على جبروتك الى الآن
وانتي يخبله من قال سفر قلتي معك
وشتبين بالسفر معه المفروض رفضتي السفر
انت ماتحب لا عواشه ولا غيرها انت بديت تميل الحنان عشان حاجتك الجسدية
مثلك مايعطاء إلا ركبه لا حب ولا غرام وععععععع ماحب الرجال اللي مايفكر بعقله وقلبه
حنين شوفي علم ياصلتس ويتعداتس تعطينه وجه ولا تخقين عند لمست يد ولا بوسه يأولتس
خوذي حقتس منه خليه يعض أصابعه واحد واحد ندم على اللي سواه معتس
ثم بعدها عطيه ربع وجه مهوب عشانه هو لا عشان عياله اللي مالهم ذنب ولا هو ماله الا الرفسه
اتوقع ان حنان وبأقل مانتوقع بتجيب رأسك بس يالله برر العمرك والحنان فعايلك فيها
بنجلط قسم بنجلط حصيص ياخبله انتي في البر الحين ليش ما تاخذين موقف قبل ماتصيرين تحت سيطرته
عمى بلا عمى موقفه الأخير يجيب الغثيان
بأي حق تسوي معها اللي سويته وتمد يدك
ولله لو انا مكانتس لاافضح سواياها واعلم أبوي وأمي وعماني بأفعاله معي
ليش ان شاء الله مقطوعة من شجره مالي سند ولا اهل يوقفونه عند حده
هذا تمادا ويبي العمايله رجال يصكه كف يصحيه
هي وش سوت عشان هذا كلها اللي شأفتهف منك يخليها تسوي أكثر
بدال ماتغير الصورة اللي شأفتها عنك تثبتها أكثر وترسخها برأسها
اذا ياحصيص ماقدرتي توقفين فليح عند حده وتعلمين عليه رجاجيلتس
أقلها هدديه ان سواياه بتوصلينها الأبوتس
واذا صار وتزوجتي طلعي اللي سواها فيتس من عيونه جعل عيونه البط
شوفي اول شي البسي وتغنجي وتدلعي واذا بغا منتس شي قولي حامض على بوزك
لاتخلينه يلمس ولا شعره منتس واذا خلاص الرجال استوى خوذي قشتس احردي عند اهلتس وقولي مابيه خليه يهذي باسمتس
نوميه في المستشفى من عشقه لتس نومه بلا قومه وعععععع ماحب الرجال المتسلط اللي مايشوف الحرمه شي
ليه هي مهيب بني ادم مالها مشاعر ولا احاسيس انت جرحتك كلمتها لك وهي ماجرحها اللي سويته فيها
لولو مهوب كني خببت حصيص على فليح
الله يعفو بس مهوب إلا روايه وماراح اتحاسب عليها ......فيس خايف
اتوقع حصيص بتجيب رأسك من اول ليله تجمعكم بس بعدها ياويلك وياسواد ليلك
جعل به أنهيان ينصر دينك يشيخ على ذا الحب الطر علم علم أخوك الحب وفنونه
بس تدري عاد مهوب ذا منك من الهياته اللي انت فيها طول شبابك من ديره الديره ومن بنت البنت
تحب هاذي وتلعب على هاذي وتزوج هاذي الله لايلومك لو تفننت في العشق وعرفت اتذوب البنت
جعل روضه اخر محطاتك وتصير مليت من البنات وملاحقهم
بس ولله ان جدك داهي مالومك اذا هاذي علومك انت تدريب نهيان الكبير
رويض أربطيه بالعيال لا يحن للعب كل سنه الكرشه ناطه جيبي له عشره
أعجبني تغيره المزاج امه ومعاملته الحلوه لها حياة نهيان وعروضه بتكون من اروع مايكون
عوضها يبوعبيد عن مر عمها واللي شأفته منه
الروايه بلي ملح لولو تصير ناقصه وملحها سلطان وشماء بعدين تكفين طالبتس لاتفجعينا في سلطان
انا عني لو بيطول سلطان أكثر بضرب عن قرأة الروايه لين يرد
حنا ماصدقنا بدت حياتهم تصفى الرجال ماذاق ألسعاده في عمره
ومني انا يبومايد بعد رجعتك من السفر تقاعد مبكر يأخي خلاص ارتاح وريح الحبيبه وعش البيتك وعيالك وزوجتك
نبي البارت الجاي نشوف فرحت سلطان بحمل شماء
لولو لولو لولو إلا حمد وحبيبته تكفين البنت ما تتحمل صدمه
وبعدين انتي تعالي ليش ساكته خبري أهلتس واذا خايفه قولي الحمد لايمسكها عليتس بكره
لولو لو بحكي بعبي صفحات ودي أتكلم عن بطي وعلاقته بسلطان
سيف وفعايله بالعنود
موزه وتحليل شخصيتها
حارب وعلاقته بناعمه
ان شاء الله المرات الجايه
حبي وتقدير لشخصتس
إعجابي إلا محدود في الروايه
واحترامي لتس بقد احترامتس للقراء والمحافظة على مواعيد تنزيل البارت تستاهلين المدح واكثر
|
أحمد كان يحب عوشه.. و عوشة هي اللي
مرسلة هذيك البنت لأحمد عشان يكون عندها
حجة تطلب الطلاق و اكيد انها اتفقت معها على كل شي.. هذا اذا مو هي اللي وصلتها للشركة..
أما احمد ما استقبل هذيك البنت على طول..
هو طلع من الحمام ولقى البنت قدامه وهي اللي بادرت بتقبيله بينما هو دخل في حالة صدمة وعدم
استيعاب للي يصير.. عقله تجمد و ماعاد اشتغل لينبهه عالوضع المشكوك اللي هو فيه.. وطبعًا عوشه متفقه مع البنت يعني عارفه انها بتلاقيهم كذا
فدخلت وسوت حالها منصدمه وعاشت الدور انه خانها ومدري وش.. مع انو احمد ما خانها ولا فكر يخونها اساسًا.. هي اللي جابت البنت واتفقت معها.. فـ من وين طلعتي انه خاين وماعنده لا دين
ولا خلق؟؟ و عوشة ما تحب سلطان..
هي متعوده انو كل شيء تبيه يجيها.. ولما سلطان
اللي حطته ببالها ما جاها مثل ما كانت تتمنى
بقى في تفكيرها لأنها ماقدرت تحصل عليه.. هذا حب تملك وانانية منها.. وهي تزوجت.. المفروض
تخلص لزوجها بكل شيء حتى لو ماقدرت تعطيه قلبها.. وعوشه وهي معه كانت باردة.. ما قد شفت انها حاولت ماتجرح احمد وانها تداريه ولا حتى حاولت اقل محاولة انها تضغط على نفسها عشان
تمثل لأحمد الحب.. عوشة كانت قطعة ثلج متحركة.. برودها معاه يجرحه اصلًا.. فكيف قلتي انها حاولت ماتجرحهه؟؟ ولا عمرها فكرت تعطي احمد كل ما تملك.. لأن حتى ادنى مسؤولية عليها واللي هم اولادها كانت ترميهم عالمربيات..
وهي طلبت الطلاق لأن سلطان خطب شما مره ثانيه.. ما ادري هي كانت تفكر انو بيتزوجها اذا تطلقت او شالسالفة.. بس هي ما طلبت الطلاق
الا من حقدها.. اما عن انو احمد ما ملى عين عوشه وانه مو رجال..! بالعكس انا اشوفه رجال
بس اللي مثل عوشه عينها ما يملاه الا التراب..
سلطان اتفقنا معك انو رجال بس ترا اي احد بمكان احمد رح يعامله بنفس المعامله.. احمد استغفل من اللي المفروض يكون اقرب شخص له..
حتى لو سلطان ماله ذنب .. احمد بإختصار شخص انغدر من زوجته.. و في فرق بين أحمد
وبطي.. احمد ماخان عوشه هذا اول شيء..
ثاني شيء عوشه هي اللي جابت البنت لعنده
وما اهملته حتى يستوعب قبل تهجم عليه وتقبله..
يعني هو يخاف من الحرام و اخلاقه تمنعه..
بس اللي صار ماترك له الفرصة انو يمنعه..
اما بطي اليازيه خرّبت علاقته من جهة زوجته
وسوت نفسها قدامه محترمه ومؤدبه..
أما اللي سواه في حنان.. انا معك انو غلطان..
بس عوشه ما بقّت شيء ما سوته فيه.. وماعاد
يقدر يحاسبها.. وحنان تذكره فيها عشان كذا
تصرفاته قشرا معها.. هذا شيء نفسي و ماراح
يزول لين يروح حقده من عوشه..
|
22-05-15, 07:07 PM
جديد مواضيع قسم القصص المكتمله من وحي قلم الاعضاء
العرض العادي
