المنتدى :
القصص المهجورة والغير مكتملة
تركتهم جيتك!
السلام عليكم.
هذي اول مشاركه لي بالمنتدى وان شاء الله تنال رضاكم.
في غرفه ظلام و هاديه الا من صوت انفاس جازي اللي كانت نايمه بعد ما *تعرضت *لنوبة صرع ثانيه هدت حيلها!..رن جوالها وكانت سارا هي *المتصله.
تقلبت *السرير ب ازعاج و مدت يدها *ردت بصوت كله نعاس:الو!
سارا:جااازي باقي نايمه للحين؟؟؟
جازي:ايه ليه ايش صاير..!
سارا:لا ابد مو بصاير شي بس المحاضره بدت منتي ناويه تجين.
جازي:هفف لا لا مالي مزاج للجامعه ابد ماراح اداوم.
سارا:فيك شي؟
جازي:لا بس يلا وخري بكمل نومي.
وقبل ما ترد عليها سارا قفلت الخط و دخلت راسها تحت المخده يمكن ترجع لحلمها اللي قبل شوي!
.............
سجى: ها وش قالت لك؟
سارا:قفلته بوجهي قليلة الادب بس هين خليني اشوفها.
سجى:ههههه ناظري ناظري اماني مين معه!!
سارا وهي تناظر اللي تناظره سجى:اوف اوف والله لو تدري عنها جازي ذبحتهم.
سجى:من جد.
سارا:يلا امشي وصليني لكلاسي اكيد الدكتوره جت.
كانت سارا تمشي سريع *ما انتبهت للبنت اللي ما نزلت عينها من عليها *وصلت بعد دقايق للكلاس *حمدت ربها لما دخلتها الدكتوره هي و المتاخرات اللي معها.
..........
Ý*حمام الطالبات كانت افنان و لما و اديم يتزينون نفس كل يوم ف وقت الفسحه.
اديم:وجع وش ذا موقفتني حصه كامله كسرت رجليني جعلها للكسر.
لما:هههههه محد قال لك تهاوشي معها وعلي صوتك.
اديم:تاكل تبن بكره اوريها.
افنان:خلصوني جعت ابروح افطر بعدين وش لزمته ذا الزينه كلها؟
اديم:والله محد مرتاح غيرك لا شعر و لا مكياج ولاشي تجين من السرير للمدرسه هههه
لما: مع ذا كلهم خاقين معك وجع!
افنان:هههه قل اعوذ برب الفلق.
اديم:يلا يلا ريحة الحمام كتمتني.
طلعو من الحمام و افنان راحت للمقصف و اديم ولما لباقي البنات .
اديم:ببببو!
سميه:يمه يمه خفت شوفيني اتراجف.
اديم:ههههههه كلي تبن بس.
سميه:ليه م جبتو لنا اكل وين كنتم؟؟
لما:الحين افنان بالمقصف حبي لها تشري لنا كلنا.
سميه:مدري وش اسوي بدونها افناني :(
بعد دقيقتين..
افنان:يازززق تعالو ساعدوني بيطيحون الاغراض!!
اديم:هههه هاتي هاتي عنك
افنان:وبعدين تراكم طفرتوني!! متى يعني وحده منكم بتتشرف وتدفع؟
محد منهم لقى لها بال و صارو ياكلون الفطاير و العصاير اللي جابتهم و كل مامرت من عندهم بنت حشو ف لبسها و لا *شعرها.
........
في حي متواضع مره ويسكنه ناس بسيطه *على قد حالهم..كان ماجد يتفاوض مع صاحبه على..!
ماجد:تراي تعبت على ما جبتها لك وانت تقول لي 200 وش اصلح فيها بالله هذي!
عبدالرحمن:ياخي ايش فيك صار لي سنه اتعامل معك واسعارك من عالي لاعلى.
ماجد:لما تتعب مثلي تعال قل ذا الكلام.
عبدالرحمن:الله يخليك مشها لي هالمره بس..والله احتاج الحبوب.
ماجد معقد حواجبه:يابن.... وط صوتك لاحد يسمع ناقص مشاكل انا؟..اسمع انا ابعطيك اياهم لكن لازم فيه مقابل.
عبد الرحمن:انت امرني بس!
ماجد بخبث:همم عشانك صاحبي *وتعز علي ابطلب منك شي مره بسيط.
عبدالرحمن:ايش؟
ماجد:فيه سياره جديده و عاجبتني و مجهز لها اللوح بعد بس ناقص اللي يجبها لي.
عبدالرحمن:اجبها لك لكن من وين؟
ماجد:تسرقها!
عبدالرحمن:اسرقها!!! اسرق سياره؟ وش تبي يصير فيني مجنون انت!
ماجد:انت الحين جالس تبلع هالسم وماخفت على نفسك..خايف عليها من سرقه صغيره؟
عبدالرحمن:ابفكر والله صعبه ياماجد.
ماجد سحب الحبوب من يده:خلاص لما تنتهي قلي واعطيك اياهم.
عبدالرحمن:لا لا خلاص ابشر ابسوي اللي تبيه.
ماجد:هه شاطر.
رمى الحبوب بوجه عبد الرحمن و ركب سيارته وحرك.
..........
2 الظهر..
دخلت البيت و ركضت على طول لغرفة امها..دقت الباب مره مرتين *ثلاث بس ما جاها رد.
اديم:ماما ادخل عادي؟
..:..
دخلت الغرفه *اول *جت عينها على امها طاحت الشنطه من يدها *وقفت مصدومه!
امها كانت طايحه *الارض وما تتحرك و *لا لها اي صوت..راحت لها اديم *هزتها حاولت تصحيها بس ما صحت دورت جوال امها *مسكته واتصلت على ابوها اللي كان عند زوجته الثانيه!
اديم:الو بابا!
ابوسامي:مرحبا.
اديم: بابا الحق علينا ماما طايحه بالارض ماتتحرك.
ابوسامي:ايش؟خلاص شوي واكون عندكم خليك عندها.
قفلت من ابوها و*راحت تجيب كاسه فيها مويه وترشها على وجه امها يمكن تصحى.
............
اول م فتحت عينها ناظرت ساعة جوالها :هفف الساعه 3!!
قامت بسرعه للحمام تروشت ولبست لها جينز وقميص ابيض وحطت عبايتها ع كتفها بطريقه م توحي انها انثى ابد ودخلت جوالها بجيبها مع بطاقة الصراف ونزلت..!
ام محمد قامت بسرعه لما شافت جازي نازله مع الدرج:جازي يمه.
جازي:هلا يمه!
ام محمد:كيف صرتي؟ صرتي احسن؟؟
جازي:يو يمه ع اساس اول مره يصير معي كذا؟ لا تخافين مافيني شي.
ام محمد:طب وين رايحه شايفتك لابسه!
جازي:ايه يمه ذي الحب عيد ميلادها اليوم وباقي م اشتريت لها شي.
ام محمد ماعجبها الكلام: هفف ياجازي وش قلت لك انا م قلت لك ابعدي عن ه الحركات؟
جازي:يمه احبها ا ح ب ه ا مقدر ابعد..المهم يمه ترا لا رجعت من السوق ابروح لبيتها ويمكن اجي ع 11 او 12 طيب؟
ام محمد:روحي وانتبهي لنفسك
جازي:ان شاء الله حبيبي.
باست راس امها وطلعت..
..........
ام ماجد تشهق:ياويل حالي وش ذا يا ماجد؟؟
ماجد اللي كان ف سابع نومه:ها وش يمه!
ام ماجد:الفلوس ذي م تقلي كيف جت لثوبك؟
ماجد:ههه يمه خذي اللي تبين منها حلالك.
ام ماجد بعصبيه:اصحى كلمني زي الاودام!! قلي كيف جبتهم؟
ماجد:ذا راتبي يمه.
ام ماجد:راتبك 20 الف؟؟؟
ماجد فز على طول من سريره:20 الف!!!
سكتت ام ماجد وكانت تناظر ولدها وهو يسحب الفلوس من يد امه ويحطهم بدولابه
ماجد:يمه ذي ترا مو بفلوسي فلوس خويي ابرجعهم له.
ام ماجد:الله يرضى لي عليك ياولدي لا تسوين حاجه مو بزينه انا مابي منك ولا ريال تقاعد ابوك مكفينا اهم شي اشوفك احسن واحد لا تكرر غلطتك ياماجد!
ماجد:يمه ايش فيك يعني فاكره حبيت حياة السجن وابي ارجع لها؟ صدقيني ذي فلوس خويي وابرجعها له اليوم.
ام ماجد:مصدقتك يلا قم كل لك شي و حط ثيابك بالغسيل عشان اغسلهم لك.
ماجد:لا لا يمه مابي اكل ابطلع انا.
ام ماجد:اللي يريحك.
...........
دخلوها قسم الطوارئ و فحصها الدكتور العام وقال ان معها انيميا حاده وممكن تاثر ع الجنين وعليها خصوصا وقت الولاده.
الدكتور:مدام ربى! ما ينفع كذا ابد انتي مو بجالسه تتغذين ولا حتى تاخذين الفيتامينات اللي كاتبهم لك دكتورك.
ربى:اكتب لي خروج لو سمحت مابي انام هنا اليوم!
الدكتور يكلم زوجها:اسف مقدر اطلعها اليوم حالتها م تسمح .
ابو سامي:لا دكتور ماعليك منها سو اللي تشوفه.
ربى بعصبيه:انت وش جابك لهنا؟
الدكتور:عن اذنكم .
ابو سامي:هدي ايش فيك؟
اديم:ماما حبيبتي لا تتعبين نفسك الله يخليك اجلوها لبعدين.
سكتت ربى ولفت وجهها عن زوجها و صارت تمسح على شعر اديم اللي كانت حاطه راسها على كتف امها.
ابو سامي:يلا اديم بابا خلينا نرجع البيت!
اديم:لا ابي اجلس مع ماما هنا! وبعدين كيف اجلس بالبيت لحالي؟
ربى:خلها معي.
ابو سامي:ماينفع بكره وراها مدرسه ولازم تروح.
اديم:غياب يوم واحد ما ياثر الله يخليك مابي اروح .
ابو سامي يتنهد:طيب خلاص..اي شي يصير دقو علي.
ربى بصوت واطي:فكنا بس.
وطلع منهم بعد م طلب انهم يجيبون سرير ل اديم.
............
كانت حاطه السماعات باذنها وتسمع اغنيه ورا اغنيه وتسولف مع اماني بالبي بي وتقول لها انو اليوم بتجيها.
فجاه ضرب راسها ب المقعد اللي قدامها و من قوة الضربه مسكت راسها وجلست تسب السواق وتلعنه.
جازي:وجع انت عيونك وين هي فيه!! ماتشوف اللي قدامك؟
السواق وهو خايف:انا مافي شوف هوا.
نزل الرجال اللي كان بالسياره الثانيه وكان واضح من ملامحه انه معصب وصار يدق شباك السواق بقوه.
جازي تصرخ:انزززل له ايش تنتظر؟؟
السواق نزل وهو خايف ومو بعارف يتكلم و الرجال جلس يتكلم ويتحلطم عليه.
جازي ضحكت على شكله وفتحت الباب و نزلت.
جازي:اخوي كلم الدوريات تجي.
ماجد اللي كان عنده فوبيا من شي اسمه شرطه و دوريات:ها! لا لا ليه الدوريات ؟ الضربه بسيطه وانا مسامحكم مابي منكم شي.
جازي مستغربه:الحين انت م بقى سبه م قلتها ل هالفقير والحين تقول لي مسامح؟
ماجد:ايه سمعته كم كلمه عشان يتادب بس ههه.
جازي وهي تناظر سيارة ماجد القديمه:لو فرضنا انو بنصلح لك السياره احس حرام فيها التصليح! مره رايحه فيها.
ماجد وهو منصدم من كلامها:هه على قولتك خلاص توكلو الله يستر عليكم.
جازي:لا لا امش معنا لاقرب صرافه ابسحب لك اللي تبيه عشان تصلحها.
ماجد:امم خلاص تم.
..............
كانت فاتحه الدولاب ومحتاره ايش تلبس لها؟؟
دخلت عليها اختها نوف وبيدها شبس حار.
اماني:ي الله تعبت منك كم مره اقولك دقي الباب قبل تدخلين!!!
نوف:اقول بس..وين تي شيرتي الرمادي ذاك؟
اماني:نننننوف اننننقلعي عني ماعندي شي لك.
نوف:شف السراقه ذي..طيب اوريك.
ولفت تبي تطلع بس نادتها اماني.
نوف:خير؟
اماني:وش احلى ذا الفستان ولا ذا :$؟
نوف:كلهم خايسين.
اماني:امانه !!هفف يعني وش البس؟
نوف:ليه وش عندك؟
اماني:جازي بتجيني اليوم .
نوف:اخسس وش عندها ؟
اماني:يعني وحده بتجيني تبين اسالها وش عندك؟
نوف:شوفي البسي لها الفستان الاسود اللي لبستيه الاسبوع اللي راح ب العزومه بتخق عليك.
ضحكت نوف وطلعت.
..........
الروايه بقلمي..لو شفت انها عاجبتكم بكمل :)...
|
22-12-14, 08:55 PM
رد: تركتهم جيتك!
رد: تركتهم جيتك!
جديد مواضيع قسم القصص المهجورة والغير مكتملة
العرض العادي
