لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > المنتدى العام للقصص والروايات > القصص المهجورة والغير مكتملة
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المهجورة والغير مكتملة القصص المهجورة والغير مكتملة


رواية قرب القلوب وبعد المسافة

بسم الله الرحمن الرحيم

إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 23-09-14, 04:24 PM   1 links from elsewhere to this Post. Click to view. المشاركة رقم: 1
المعلومات
الكاتب:
اللقب:

البيانات
التسجيل: Sep 2014
العضوية: 279074
المشاركات: 2
الجنس ذكر
معدل التقييم: نادر يتحدث عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
نادر يتحدث غير متواجد حالياً
وسائل الإتصال:

المنتدى : القصص المهجورة والغير مكتملة
Jded رواية قرب القلوب وبعد المسافة

 

بسم الله الرحمن الرحيم

[CENTERفالبداية اعرفكم بنفسي ..... كاتب يديد فالروايات و هذي الرواية اهي اول رواياتي عشان جي اتمنى تعيبكم

قر القلوب و بعد المسافة
.......

......

" قرب القلوب وبعد المسافة "
للكاتب: نادر يتحدث

جيتك وقلبي حامل كل الأشـــــواق..جيتك ونبضاته تزغرد بالأحســـاس جيتك أمل جيتك فرح جيتك إشراق ..جيتك وفاء وإخلاص ياطيب الساس...جيتك على أشفاهي تراتيل مشتاق ...متلهفه لقياك ياشمعة النـــــــــــاس


الجزء الاول :

شليت شنطتي وطلعت من المطار ,, خذيت نفس طويــــــــــــــــل ,, و جني من ست أشهر ما اتنفست ,, هواء دبي غير يا عرب ,, الله ع بحارها و ع كل شيء فيها ,, صج ان الروح ردت فيني و انا اطالع دار الحي دار بو محمد رحمة الله عليه ,, ردت الروحح فيني ,, حتى الحياة ردت لي ,, التفت ابسرعة صوب اليد الي ريحت كفها ع جتوفي ,, ابتسمت يوم شفت فيصل اخوي واقف وراي ...
لويت عليه : هــــــلآلالا
فيصل : مرحبا الســــأاااااع ,, اشحالك
رديت عليه مبتسم : يسرك الحال ومن صوبك
فصيل : عساك دوووم يالغالي ,, الحمدلله
عقبها تميت اتلفت حولي يمكن المح احد ثاني
فيصل : استريح محد اهني ياي يستقبلك غيري
عقدت حياتي : افاااا جي يعني محد مهتم
فيصل تم يضحك : هههههههه فديتك بالعكس الكل ينتظرك فالبيت ,, زين خلنا نطلع
طلعت وراء فيصل من المطار و ركبت السيارة و تحركنا متجهييين للبيت ,, كنت طول الطريج يالس اطالع شكل دبي صج انها تغيرت من آخر مرة ,, حتى اني كنت احس نفسي اول مرة اطالع دبي ,, ما كنت اتوقع أن دبي بأربع سنين جي تتغير عنيه ,,, فعلا كنت حاس نفسي جنيه بحلم و مابي انش منه ,, بس اول ما وصلنا البيت صج ما كنت اتوقع يكون تغير بالكامل ,, و اول ما دشينا بالسيارة من الباب الرئيسي ما كنت مصدق اللي يالس اشوفه ,,, البيت مررة تغير ,, شكله من برا غير ,,, بس متى صار هالشيء ما احيد أن احد خبرني انهم بيردون يبنون البيت ,, بس يمكن مغيرينه من برا و من داخل ما تغير شيء,, لكن المفاجئة يوم دشيت ,,, الحين من صج أنا فالبيت اللي قضيت طفولتي فيه ,, كل شيء غير حتى الديكورات متغيرة ,,, فعلا البيت صج صار جنه قصر , مب هذاك البيت الصغير اللي ما كان يسوا شيء
فيصل : ها صقر وين وصلت
صقر مستغرب : متى تغير البيت جي و كيف صار جي
فيصل يضحك : هههههه نسيت اخبرك ,, تذكر الشركة اللي أبويييه سواها
صقر : هيه شسالفتها
فصيل : يالغالي الشركة نجحت عشان جي حياتنا تغيرت
صقر عقد حياته : بس ليش ما خبرتونيه يوم كنت مسافر
فصيل : والله هالشيء تسأل أبوك فييه لانه اهو اللي قالنا محد يخبرك
صقر : ما علييه ,, زين وينهم الحين من دشيت البيت ما شفت أحد
فيصل : زين تعال وياي بنسير صوبهم
صقر : طيب
سرت وراء فيصل و عيوني كلها تتجول فالبيت وشكله عقب دشينا غرفة اول مرة اشوفها و ما اذكر انها كانت موجودة من الاساس ,, و اول ما دشيت ما صدقت نفسي الا والاهل كلهم متيمعين حولي
صقر جنه اختنق : بسكم عاد كليتوني
ام صقر : ههههه السموحة يا ولدي بس مشتاقين لك
صقر و سار حب امه ع راسها : فديتج ادري هالشيء ,, بس عاد مب جي والله كان باقي شوي اطلع من ملابسي
بو صقر : الحين جي ترمس مع أمك
صقر و سار وقف عدال ابووه : ههههه فديتك يالغالي ,, والله ما اقصد و السموحة ( و لوى عليه و حبه ع راسه ) .. رضيت الحين
بو صقر : هيه جي اباك تكون دووم
صقر : من عيونيه
نور : الحمدلله ع السلامة صقر ,, ها شرايك بالدراسة برا
صقر : الله يسلمج ,, والله حلوة و بنفس الوقت مب حلوة
نور : كيف يعني ؟؟؟
صقر : اقصد أن من ناحية الدراسة تستانسين ,, بس بعد صعب تتقبلين جي تتمين بعيدة عن البلاد طول هالمدة
نور : هههه يعني مافي أحسن من اليلسة فالبلاد
صقر : أكيييد
فيصل : زين مب بسكم ,, عاد أكيد أن صقر تعبااان و يبي يرتاح
صقر : هيه والله بس مافيها شيء ,,, اليلسة مع الاهل تنسيك التعب
فيصل : ما عليه بتيلس معاهم بعدين لين تمل منهم
بو صقر : جي تقول لاخوك بيمل من اليلسة ويانا
فيصل : هههههههه لآ بس كنت اقصد انه بيتم يالس وياكم مررة ,, عاد صقر خلاص خلص الدراسة
ام صقر : فديتك صقر اذا تبي ترتاح سير ويا فيصل بيراويك غرفتك
صقر : اهو صج تعب بس ما علييه بتم وياكم
بو صقر : ما علييه صقر سير ارتاح ,, لان بعدين بييون قوم عمك صوبنا
صقر : دام السالفة فيها قووم عميه بسير ارتاح شوي ,, بس لا تنسوون توعونيه اول ما يوصلون
نور : انشاء الله
عقب ما طلعت من الغرفة سرت صوب الدري صعدت فوق و تميت انتظر فيصل لين ياني
صقر : ها فيصل وين غرفتي
فيصل يآشر : آخر غرفة
صقر عقد حياته : من صجك الحين
فيصل : هههههه استهبل وياك ,, تعال وراي
سرت وراء فيصل و انا حاس بنفسي تعبااان و حيلي منهد من طول الطريج ,, صدق أن السفر تعب بس بالنسبة لي كل شيء يهون بس عشان ارد للبلاد و ارد اشوف اهلي مستانسين ,, عقب وصلنا أنا و فيصل لغرفة جي أظن انها كانت الاستور قبل بس الحين صارت غرفتي ,, واول ما فتح فيصل الباب تميت اطالع الغرفة و اول ما لمحت الشبرية سرت صوبها و انسدحت بدون ما اتكلم ولا حرف ,, و قبل لا اغمض عيوني عشان ارتاح شوي سمعت صوت فيصل يرمسني ...
فيصل : ها صقر انت مصمم ع قرارك
صقر بكسل : اي قرار ؟؟؟
فيصل : مب خبرتني قبل لا اترد البلاد أنك تبي تدش الشرطة !!
صقر : هيه مصمم
فيصل : زين ممكن اعرف السبب ؟؟
صقر عقب ما يلس : والله ماشي سبب ,, بس جي دش بخاطري ادش الشرطة
فيصل : زين بس ليش ما تدش الشركة وياي ,, فالنهاية أنت درست برا الدولة و عندك شهادة تفوق فأكيد ابوييه ما بيقصر وبيحطك فمكان الكل بيحسدك علييه
صقر : ادري عشان جي مابي ادش الشركة ,, أنا اخترت الشرطة عشان ابي ابني نفسي بتعبي مب جي اعتمد ع أهلي بكل شيء
فيصل : و منو قال أنك لو دشيت الشركة بتكون معتمد ع أهلك
صقر : لان هالشركة لابوييه ,, فأكيد الناس بتقول لانه ولده فحطه فمركز مهم ,, و انا مابي هالشيء ابي اشتغل فمكان اهلي ما عندهم سلطة فيه
فيصل : بس الدوام فالشرطة مب سهل ,, غير جي أنت تدري أنك بتم بعيد عن البيت لمدة شهر و أكثر و لا ننسى التدريب لمدة خمس اشهر اذا ما كانت أكثر ,, وغير جي عقب ما تخلص فترة الحجز ما بنشوفك غير فعطلة الويك آند
صقر : كل اللي قلته الحين عندي علم فييه ,, و تصدق هالشيء اللي ابيه و بعدين هالشيء بيفيدني فالنهاية ,, غير جي ابي اكون مستقل ابحياتي
فيصل : زين محد بيمنعك من هالشيء ,, و ما يحتاي تدش الشرطة
صقر : فديتك أنا قررت هالشيء و مصمم علييه فلا تحاول ,, المهم ما قلت عطوك الموافقة ؟؟
فيصل : هيه ,, و ترا بتبدأ الدورة عقب أسبوع
صقر : زين والله ,, هالمدة بتم فيها ويا الاهل
فيصل : صج اني ما بروم افهمك
صقر : هههههه انشاء الله بيي يوم و بتفهمني
فيصل و قام سار صوب الباب : زين اخليك ترتاح ,, نوم العوافي
صقر : الله يعافيك
اول ما طلع فيصل من الغرفة و سمعت صوب الباب تصكر قمت من مكاني و سرت غيرت ملابسي ,, و من التعب اللي كنت احس فيه رقدت اول ما رديت حطيت راسي عالشبرية ,, ع جريب صلاة العصر نشيت من الرقاد و انا حاس بنشاط مب طبيعي ,, قمت و سرت الحمام اغسل ويهي و عقب ما خلصت سرت اتوضى و عقبها طلعت من الحمام و فرشت سيادتي و صليت و عقب ما خلصت تميت يالس ع السيادة شوي افكر بكل شيء سويته و انا برا البلاد و كل شيء كنت احاول اتجنبه ,, صدق من قال ان الغربة تغير الانسان بس الحمدلله حاولت امنع نفسي طول هالسنين ,, عقبها نشيت من مكاني و عدلت السيادة و حطيتها ع الشبرية عقب دشيت الحمام اتسبح و عقب ما خلصت طلعت و سرت صوب شنطتي و فتحتها و تميت اطالع الملابس و افكر شو البس ,, و عقب تفكير طويل قررت البس كندورة و اتغتر و كنت شاك اني نسيت كيف اتغتر بس الحمدلله طلعت السالفة سهلة و عقب ما خلصت سرت شفت صوب التسريحة عطور انواع و اشكال ,, فديتهم والله ما نسوا شيء كل شيء مجهزينه ,, عقب شليت عطر كان لون غرشته بنفسجي و استخدمته ,, تبون الصراحة اول مررة استخدم هالعطر بس ريحة خبااال ,, و عقب ما خلصت طلعت من الغرفة و سرت صوب الصالة ,, قبل لا ادش الصالة سمعت صوت شخص ابد مب غريب و فعلا اول ما دشيت الصالة لمحته قبل الكل و سرت صوبه ,, ما اصدق ان عمييه سيف موجود ,, والله الشووق اللي فقلبي غيير بالذات لهالانسان كل شيء فيه غيييير حتى تصرفاته غييير ....
صقر : السلام عليكم
الكل : وعليك السلام
صقر و سار لوى ع عممه و خاشمه : هـــــلآلآلآلآلآ ملييييون و بذمتيه ما يسدن
بوعبدالله : هلا فيك صقر
صقر : شخبارك عمييه سيف
بو عبدالله : يسرك الحال و من صوبك
صقر : عســــــأك دوووم هب يوم ,, الحمدلله يالغالي
بو عبدالله : ها صقر وينك ما نزلت من اول
صقر : ليش متى وصلتوا ؟؟!!
بو عبدالله : قبل ساعة
صقر عقد حياته : زين ليش محد وعانيه
بو عبدالله : هههههه فديتك صقر والله أنك صج شرات قبل ما تغيرت ,, عاد يوم سألت عنك قالوا راقد و كانوا بيسيرون يوعونك بس انا منعتهم
صقر : اها بس عادي ما فيها شيء لو وعونيه
بو عبدالله : صقر االلي ياي من السفر لازم يرتاح ,, و غير جي اصلن انا ما كنت بسير من اهني لين ايلس وياك
صقر و سار حب عممه ع راسه : فديتك عمييه ما تقصر .. ( عقب سرت صوب ام عبدالله ) ..شخبارج عمتييه
ام عبدالله : الحمدلله ,, شخبار الدراسة وياك صقر
صقر : والله الحمدلله خلصتها و ارتحت
ام عبدالله : الحمدلله ,, بس ما قلت شرايك باليلسة برا الدولة
صقر : والله اهي حلوة بس ماشي شيء ممكن يكون أحلا من الردة للبلاد
ام عبدالله : صدقت والله
عبدالله : ها صقر شو تبي تشتغل عقب ما خلصت الدراسة
بو صقر : أكيد بيدش وياي الشركة
صقر يلس عدال عبدالله : بالعكس يالغالي ما بدش الشركة
بو عبدالله مستغرب : زين شو السبب ؟؟؟
صقر : ماشي سبب عمييه ,, بس فخاطرييه ادش الشرطة و غير جي ابي اعتمد على نفسيه
بو صقر : دام أنك تبي تدش الشرطة فما برفض ,, ترانيه اعرفك يا صقر دووم من كنت صغير كنت تحب تعتمد على نفسك
بو عبدالله : هيه والله
صقر : ما علييه يمكن ايي يوم اكــون شركة ابروحي ,, و عقبها يمكن ادمجها مع شركة الوالد
بو صقر : ما عندي مانع ,, بس شد حيلك
صقر : من عيونيه
عبدالله : زين ما قلت شرايك بالتغيرات اللي صارت فدبي
صقر : هههههه تبي الصراحة ,, اول ما طلعت من المطار و ركبت السيارة ويا فيصل و تحركنا تميت اطالع دبي و صج مرررة تغيرت
عبدالله : هيه وايد تغيرت
فيصل : عيل صقر شرايك نطلع نتمشى فدبي
صقر : لا وين تبانيه اطلع وعمييه موجود
بو عبدالله : هههه فديته صقر الوحيد اللي مهتم بعممه ,, بس صقر لو تبي تطلع عادي لاننا بنبات عندكم اليوم
صقر : لا عادي بتم يالس وياك ,, بس لو تبون تطلعون عندي لكم اقتراحين
فيصل : عطنا اقتراحاتك
صقر : اول شيء لو مستعيليين اطلعوا بروحكم ,, الاقتراح الثاني تنتظرون لين الساعة تسعة عقبها بطلع وياكم
فيصل يطالع عبدالله : ها عبدالله شرايك
عبدالله : خلنا ننتظر ما بنخسر شيء
صقر : زين بس ترا ما ترومون تتراجعون عن هالقرار
عبدالله : هههههه ما بنتراجع
بو عبدالله : هيه صح ,, نسيت اعطي صقر هدية نجاحه
صقر : ما يحتاي عمييه ,, ترا وجودك كافيني
بو عبدالله : لا ما يصير ..( و طلع سار صوب سيارته وطلع علبه مغلفه و رد دش البيت و عطاها صقر ) .. انشاء الله تعيبك
صقر : تسلم عمييه ما قصرت ,, دام أنها منك أكيد بتعيبني .. ( عقب ما فتحت العلبة شفت تلفون من النوع اليديد سرت صوب عمييه و حبيته ع راسه ) ... مشكـــــور يالغالي والله ما قصرت
بو عبدالله : اهم شيء انها عيبتك
صقر مبتسم : هيه عيبتني وايد
بو عبدالله : زين افتح الفون ترانيه شاحنه من قبل ,,, و غير جيه حطيت فيه شريحة و حطيت فيه خدمة
فيصل : لا لا لا لا لا ما نروم ع جي ,,, تلفون يديد و فيه بطاقة و خدمة صراحة شيء قوووي
صقر : ههههه عشان تعرف أن عمييه ذوقه ابد مب هين
عبدالله : ههههههه ما نروم ع جي
عقب ما فتحت الفون و شفته سرت و حطيته فوق الطاولة مابي انشغل فيه عن عمييه ,, عقب تميت يالس اسولف لعمي كل شيء سويته اهناك و كل موقف صار وياي ,, و ما حسيت بنفسي الا و فيصل و عبدالله يستآذنون
صقر : وين طالعين
عبدالله : شو نسيت انك قلت اننا بنطلع الساعة تسعة
صقر يطالع ساعته : اوووبــــــ متى وصلت الساعة تسعة
فيصل : تراك مشغول سوالف ويا عمييه سيف
بو عبدالله : ههههه بس صراحة سوالفه ما تنمل ,, حتى انيه ما حسيت بالوقت
عبدالله : زين صقر بتطلع و لا تراجعت عن كلامك
صقر : هههه لا بعدنيه عند كلمتيه ,, زين عمييه استآذنك الحين
بوعبدالله : تحمل بعمرك يالغالي
صقر : من عيونيه
طلعت من البيت ع اساس أننا بنسير بسيارة فيصل او سيارة عبدالله ,, بس المفاجئة يوم خبرني فيصل أن ابوييه مآخذليه سيارة يديدة خاصة فينيه بمناسبة النجاح ,, شليت المفتاح من فيصل و سرت صوب السيارة و صج ما كنت اتوقع أن السيارة تكون من نوع رااقي ,, بس هالشيء ما كان فخاطريه ,, كنت اتمنى لو يعطوني سيارة عادية مثل اي شخص ,, بس دامها هدية من الوالد ما برده ,, عقب ما فتحت السيارة ركبتها و ركب عدالي فيصل و وراء ركب عبدالله ,, شغلت السيارة و حركتها عقب ما كلم فيصل الحراس بأنه يفتح البوابة و عقب ما طلعنا تميت افكر وين نسير لين قررت اننا نطلع صوب الممزر و عقب ما وصلنا نزلنا من السيارة نتمشى شوي
صقر يأخذ نفس طوييـــل : والله انيه مششتتتاااق موووت لريحة البحر
عبدالله مستغرب : ليش ما كنت تطلع اهناك
صقر : كنت اطلع ,, بس ريحة بحر الامارات غيييير
فيصل يطنز: ههههه عاد من يسمعك يقول أنك ميت ع الامارات
صقر : اصلن منو قال اني مب ميت عليها
عبدالله : بس ما احيد ان اللي ييلسون برا يردون يقولون شرات ما تقول
صقر : لانهم ما حسووو بالغربة ,, بس عالعموم حتى لو يقولون اتسير تسافر برا اجازة ما بطيع
عبدالله : ليش ؟؟!
صقر : مابي اسافر مكان ثاني ,, بس لو قالوا اسافر دولة عربية ماعندي مانع
فيصل : ليش يعني شو الفرق
صقر : الفرق انيه ما ارتاح غير بالدول العربية ,, كل شيء تعلمته من كنت صغير بالنسبة لهم غريب أما الدول العربية بالنسبة لهم ها شيء ثاني
عبدالله : هيه والله صدقت
صقر : زين شباب ابي استانس اليوم ,,عاد صج مشتاااق احاوط فدبي
فيصل : فالك طيييب
طول الطلعة تميت انا و الشباب نحاوط فدبي ,, صدق ان دبي تغيرت و صارت أحلى عن قبل , فديت دبي والله ماشي مكان يسواها ,, تميت طول الطلعة كل شوي افترق عن الشباب عاد كان ودي اشتري هدايا للاهل بس مادري شسالفة فيصل و عبدالله ما اذكر أنه جي الفضول معذبهم ,, وعقب ما خلصنا حواطه ردينا البيت و كانت الساعة 12 فالليل و صج من التعب هذاك اليوم ما اتوقع أن في أحد من الشباب تم ناش ,, فاليوم الثاني على صلاة الفجر نشيت و انا حاس بنفسي مرتاح ,, هيه منو قدي يوم ارد دبي ,, بس صراحة مادري ليش احس حياتي غيير ,, اهني محد ينش من وقت غير اهناك ,, بس فوق جي بعدني مرتاح ,, عقب ما خلصت اصلي صلاة الفجر شفت أن الوقت بعده بدري فسرت صوب الفون و شفته بالجارج من امس فشليته و سرت صوب الشبرية ,, يلست و دشيت عليه ....
صقر فنفسه : امممممم شو ادش الحين ,, بس التلفون مافيه برامج ,, هيه صج فخاطريه ادش برامج دردشة بس أهم شيء تكون عربية ترانيه طفشت من برامج الدردشة الانجليزية
و تميت ادور ع برنامج شفته عند أحد فالجامعة قبل و طبعا هالبرنامج برنامج دردشة عربي وعقب ما لقيته حملته و سجلت فيه باسمي و اول ما دشيت ...
صقر : السلام عليكم
الكل : وعليكم السلام
صقر : اشحالكم
الكل : الحمدلله
صقر : عساكم دووم ,, امممم ممكن اتعرف ع الموجودين
( ........ ) : أكيد عادي
صقر : وياك صقر بن محمد من الامارات
( ........ ) : والنعم صقر ,, انا فهد سالم من السعودية
صقر : عاشت الاسامي فهد ,, والنعم فهد
فهد : أكيد انك جديد فالبرنامج
صقر : هيه
فهد : هههه كنت متوقع لانه نادر ما اتعرف على أحد جنسيته غير السعودية
صقر مستغرب : ليش كل المشتركين سعوديين
فهد : اغلبيتهم من السعودية
صقر : اها
فهد : كم عمرك يا صقر
صقر : 23 سنة
فهد : العمر كله ,, أكيد تشتغل صح
صقر : وياك ,, لا بعدني
فهد مستغرب : ليش ما لقيت وظيفة
صقر : لا السبب انيه كنت ادرس برا البلاد و خلصت هالسنة دراسة
فهد : اها , حلو الصراحة بس شو ناوي تشتغل
صقر : والله فكرت اداوم بالشرطة
فهد : حلو بس كيف وظيفة الشرطة عندكم في الامارات
صقر : صراحة يقولون تعب فالبداية بس بعدين تتعود عليها و ترتاح
فهد : اها يعني نفسنا
صقر : هيه ما اتوقع يكون مختلف عنكم ,, بس ما قلت كم عمرك يا فهد
فهد : عمري 24 سنة
صقر : العمر كله ,, تداوم صح
فهد : أكيد
صقر : شو نوع دوامك
فهد : اشتغل في شركة
صقر : حلو
فهد : صقر ما تفكر تزور السعودية
صقر : هههههه فالبداية ادوام عقبها بشوف يمكن اسافر السعودية
فهد : أجل بالتوفيق
صقر : انت شو رايك بالسعودية
فهد : ههههه بلادي ما استغني عنها ,, و اتوقع لو تزورها تعجبك
صقر : انشاء الله
فهد : ولو سافرت السعودية بتكون ضيف عندي
صقر : تسلم يالغالي ما قصرت
فهد : الله يسلمك ,, اممم صقر كيف اجواء الامارات عندكم
صقر : والله بالنسبة لاني كنت غايب عن الامارات اربع سنوات ف بنظري اشوفها خيااااااال
فهد : كل اخويايي يقولون أن الامارات حلوة
صقر : صدقت والله ,, بس بعد السعودية حلوة
فهد : صدقت
صقر : زين كيف أجواء السعودية عندكم الحين
فهد : والله تحس الجو شوية حر , بس تعرف ما باقي كثير و ندخل على البرد
صقر : هيه ادري
فهد : طيب ما قلت شو كان تخصصك
صقر : هندسة معمارية
فهد : ماشاء الله ,, نادر ما اتعرف على شباب دارسين فجامعة
صقر : و انت درست فجامعة ؟؟؟
فهد : أكيد
صقر : و شو كان تخصصك
فهد : ادارة اعمال
صقر : حلو
فهد : بس لو تريد الصراحة ,, الشغل بالشركات شوي صعب
صقر : هههه مافي شيء أساسا بالدنيا سهل ,, بس مهما كان لازم نثابر و بنوصل للي نبيه
فهد : صح
صقر : هيه نسيت اسألك ,, للحين ما عرفت أنت كيف تفهم اللهجة اللي اكتب فيها
فهد : ههههه ما احسها تختلف عن لهجتنا ,, و بعدين من قبل انا و اخويايي زرنا الامارات من قبل عشان كده متعود على كلامك
صقر : اها صراحة زين
فهد : طيب انت الحين ضامن الوظيفة بالشرطة
صقر : هيه لاني رمسة أخوي قبل لا اخلص دراستي بأسبوعين عشان يسجلني بالشرطة ,, و الحمدلله طلعت الموافقة
فهد : بالتوفيق
صقر : وياك ,, امممم شسالفة هالبرنامج ما اشوف احد معطيني ويه غيرك
فهد : هههههه لانك جديد ,, بس لو تعرفت عليهم فأتوفع يتغير الوضع
صقر : يعني يبالي مدة ؟؟
فهد : بالضبط
صقر : اها
فهد : بس لازم تنتبه للقواعد ,, لانه في طرد من البرنامج لمدة ساعات و مرات ايام
صقر مستغرب : في طرد بعد ؟؟!!!
فهد : اها عشان كده انتبه
صقر : بس شو القواعد ,, مابي انطرد من اول مرة
فهد : ههههه الموضوع سهل ,, حاول ما تتهاوش مع أحد و غير كده اذا احد شفت منه كلمه غلط لا ترد عليه يمكن المراقب ما شاف شو كتب و يلمح كلامك و يطردك
صقر : افاااا صراحة جي ظلم ,, بس هالشيء يبين أنه في مشاكل اهني
فهد : نادرا تحصل مشاكل ,, و الصراحة سببها يكون مشتركين صغار فالسن تلقى اعمارهم ما بين 12 و 16
صقر : هههههه عيل مشكلة والله
فهد : و اهم شيء نصيحة مني البنات خلك بعيد عنهم
صقر : و لايهمك فهالشيء انا اساسا بعيد
فهد : اهم شيء لانهم ممكن يسببون مشاكل للي يكلمهم
صقر : ههههه منكر البنات ها !!
فهد : ههههه ,, صقر شرايك ندش دردشة خاصة
صقر : بس مادري كيف
فهد : ولا يهمك انا الحين بفتح الدردشة الخاصة و بعدين بعلمك
صقر : اوك
فهد عقب ما فتح الدردشة الخاصة : باك
صقر : ولكم
فهد : شرايك بالدردشة الخاصة
صقر : حلو اروم ادردش انا و ربعي بدون ما يعرف احد شو نكتب
فهد : بالضبط ,, اممم صقر عندك واتس
صقر : هيه
فهد : شرايك تضيفني ,, احسن من البرنامج لانه مادري متى ممكن انت تدخل
صقر : اها طيب
فهد : مشكور
صقر : طيب ها رقمي ( **********97150+ )
فهد : اوك الحين بتوصلك الاضافة
صقر : تمام
فهد : وصلتك
صقر : ثواني بتأكد ( عقب طلعت من البرنامج و دشيت الواتس و رديت عليه ) .. منور فهد
فهد : عاكس نورك
صقر : رقمك مميز
فهد : أنت بعد ,, بس تعال ليش حاط هالصورة
صقر : هههههه والله مب أنا اللي حاطنها
فهد مستغرب : ليش في أحد كان يستخدم هالجوال قبلك
صقر : لا بعده يديد ,, بس هالفون عطوني اياه هدية من عمييه و اعتقد اهو اللي حط هالصورة
فهد : اها بس هذي صور من ؟؟
صقر : صورتيه
فهد : ماشاء الله واضح من ملامحك أنك خليجي
صقر : يسلمو بس بغيرها ثواني
فهد : خذ راحتك
صقر عقب ما غير الصورة : بااااك
فهد : ولكممم
صقر : شرايك بهالصورة
فهد : حلوة بس تذكرني بصور البلاك بيري
صقر : ههههه لانها صورة للبلاك بيري ,, بس بعد حلوة للواتس
فهد : اها
صقر : زين يالغالي استأذنك الحين
فهد : وين بدري
صقر : من عمرك ,, مشغول شوي الحين بس اول ما اكون فاضي برمسك
فهد : اوك ,, مع السلامة
صقر : فمان الله


هذا اهو الجزء الاول من الرواية و انشاء الله اذا لقيت مشاركة و تفاعل برد بكمل اط الاجزاء الباقية[/CENTER]

 
 

 

عرض البوم صور نادر يتحدث   رد مع اقتباس

قديم 23-09-14, 04:50 PM   المشاركة رقم: 2
المعلومات
الكاتب:
اللقب:

البيانات
التسجيل: Sep 2014
العضوية: 279077
المشاركات: 1
الجنس ذكر
معدل التقييم: ذيب الصحاري عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ذيب الصحاري غير متواجد حالياً
وسائل الإتصال:

كاتب الموضوع : نادر يتحدث المنتدى : القصص المهجورة والغير مكتملة
افتراضي رد: رواية قرب القلوب وبعد المسافة

 

يسلمو أخوي نادري صراحة الرواية حلوة و انتظر منك الجديد

 
 

 

عرض البوم صور ذيب الصحاري   رد مع اقتباس
قديم 29-09-14, 03:41 PM   المشاركة رقم: 3
المعلومات
الكاتب:
اللقب:

البيانات
التسجيل: Sep 2014
العضوية: 279074
المشاركات: 2
الجنس ذكر
معدل التقييم: نادر يتحدث عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
نادر يتحدث غير متواجد حالياً
وسائل الإتصال:

كاتب الموضوع : نادر يتحدث المنتدى : القصص المهجورة والغير مكتملة
افتراضي رد: رواية قرب القلوب وبعد المسافة

 

تسلم يالغالي انشاء الله كمل احط الاجزاء الباقية عقب العيد

 
 

 

عرض البوم صور نادر يتحدث   رد مع اقتباس
إضافة رد

مواقع النشر (المفضلة)

الكلمات الدلالية (Tags)
المسافة, القلوب, رواية, وبعد
facebook



جديد مواضيع قسم القصص المهجورة والغير مكتملة
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t196990.html
أرسلت بواسطة For Type التاريخ
Untitled document This thread Refback 29-09-14 03:21 PM


الساعة الآن 04:29 PM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال  | شات قلب 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية