ان شاء الله تستمتعون بالقراءه..
..البارت الثامن والثلاثون..
وقفت وقلت بعد ماعضيت ع شفايفي""ليش قلت له""
طالع فيني بستغراب وطالع بجميله لما قالت""صدق طيب""
بهذي اللحظه حسيت اني مو مهتمه يصدق او لا يصدق ولا اقول الافضل انه مايصدق ليش هو قال لي في وجهي ان بالقلب غير وهو لما سمع مجرد اتهام مو مني سوا كذا انا بالبدايه كنت متأثره من ردة فعله ومن كلامه بس الحين بعد ماعرفت السبب حسيت ان التأثر بكلامه خف خليه يجرب بس شوي من احساسي قالها بوجهي بدون اهتمام خليه يكون رد له اذا هو يفكر بغيري عادي في غيره يفكر فيني حسيت اني قويه شوي لان معاي الحق ميه في الميه بعد مادرى انه كذب كلام رائد واني مو غلطانه بس بنفس الوقت ماابغاه يعرف انه له ماكنت ابغى حامد يتكلم له ردة فعله الاولى واجربتها
كان بيرجع التهميش وبس مافي شي جديد في شي جواتي يقول لي انه شي حلو يغار عليك وقال لحامد مايكلمني وكلامه مع انه قاسي بقوه بس ماضربني يعني الا اطلع رماح صح ومو غلطان بس ع حساب نفسي هذي قويه مايغار ولا شي بس كان بدافع الرجوله ولما قال لحامد لا يكلمني قصده انه بيكفي ويزيد مايحتاج احد ثاني يساعده ابدا مامعاه حق باي شي قال حامد وهو يقرب منها""ايوه صدق""
قالت بأبتسامه""صدق صدق ولا بس يرضي نفسه بهذا الكلام""
حسيت اني خربت عليهم هذا اول يوم لهم مع بعض وجيت خربت عليهم وقفت وقلت""مو مشكله احنا بنتفاهم ومشكورين(وطالعت بجميله وكملت)بجد مستحيه منك احس....""
قاطعتني وهي تمد يده بمعنى خلاص""لا عادي تعالي كل يوم(والتفتت ع حامد وكملت)انا ماقلت لك من شفتها ذاك اليوم معاك بالسوبر ماركت حسيتها اخلاق مو مثلك وترى بس علشانها سحبت الشكوى""
لف عليها وصار معطيني ظهره وقال""انتي ماسحبتيها خليتيني اكتب تعهد مااقرب منك(وقرب منها خطوه)واتوقع اني قربت اكثر من كذا""
طلعت من الغرفه وهم ماحسو فيني سكرت الباب ومشيت بتجاه عبايتي ربي يهنيهم ويسعدهم الثقه اهم شي بالعلاقه وهي معدومه بيني وبين رماح انا مو واثقه اساسا من حياتنا صح ولا غلط شلون تصرفاته وافكاره لبست عبايتي اتوقع خربت عليهم بما فيه الكفايه وناديت نجود الي جات من غرفتها قلت""تعالي معاي واذا جاك النوم رجعتك ماابغى اجلس وحدي في البيت كلهم طالعين""
منجد مافي احد في البيت عمتي طلعت وراح تتأخر وزيدان معاه مباراه بكره واليوم بيتدرب حتى الساعه عشر وطبعا رماح ماراح يجي بس مو علشان هذا السبب اخذها معاي لاني بصراحه اكثر شي اطلبه الحين الوحده شوي بس علشانهم يأخذون راحتهم شوي واحس اني ريحت ضميري كذا بس قالت نجود""علي بكره مراجعه ضروري وبذاكر حتى انام""
خلاص قربت السنه الدراسيه تنتهي يعني المفروض تذاكر وتهتم بزياده بدروسها قلت""خلاص خليك بس لا تنشغلين بشي ثاني كتابك وبس""
قالت""طيب انتي ذاكري لي""
احس ابدا مالي مزاج بس اشغل نفسي بشي واتأكد ان نجود حافظه وبنفس الوقت اش اسوي في البيت هناك لاشي يشغلني احسن قلت""خلاص طيب""
فسخت عبايتي ورحت معاها الغرفه كنت معصبه عليها اكثر من العاده اذا غلطت مالاحظت حتى قالت""اش فيك ليش كذا معصبه""
معصبه لاني ابغى اعرف ردة فعل رماح لما قال له حامد ان الدفتر لي ومعصبه انه مافكر يدق ع حامد ويكلمني او ماقال له ومعصبه لاني ابغاه يصدق وماابغاه يصدق احترت مع نفسي بس الي متأكده منه اني هذي المره انا الي راح احط الحواجز وانا الي ببعد عنه بنفس اسلوبه يشوفني كل يوم واتكلم مع الكل ومعاه لا مااشوفه وانا الي انسحب قبل ماهو ينسحب كل شي كنت متقبلته بس حتى انه يشك فيني بس الي مو متقبلته انه بعد دقايق من الكلام القاسي هذاك وبعد اسلوبه الجاف معاي يعرف اني احبه ومو بس احبه اذا قراء الهدائات بيعرف قد ايش هو يعني لي ومو من الحين ماراح اخليه يصدق هذا الكلام انا مااحبه او الاقرب اني صرت معد احبه وتغيرت مكانته بنسبه لي يعني بالمختصر خسر حبي هذا الي بوضحه حتى لو اني من جوه انحرق اشتاق تهميش وبس هذا الي راح اسويه ان شاء الله احس بعد ماشفت جميله وقوة شخصيتها حسيت انها تنحب لان عندها شخصيه مستقله بنفسها مو انا الي بدون شخصيه اي شي يبغاه او يطلبه او احس انه يفكر فيه اسويه اش يحب بوحده بدون روح مستقله يعني معاه حق لما مايشوفني حسيت كثر ماعطتني هذي الافكار القوه اعطتني حسره ع كل لحظه كنت اسوي شي علشانه وعلشان رضاه ماكان يشوفني كانت ترن هذي الكلمه براسي بس راح اخليه يشوفني بسوي مثل جميله بكل شي بحط رائي واكثر وقت اقدر اخالفه فيه اكون شاطره اش يبغى مايهمني اش يبغى الي بسويه اذا ماقدرت اعاند واخالف راح اطنش وهذي المره مو مثل المره الاولى لان الحين انا اعطيته سلاح علي مو متخيله كل تصرفاتي تكون مكشوفه انا احبه وهو يطالع فيني ويضحك قلت وانا اوقف""مو معصبه بس انتي الي ماتركزين ذاكري زين وين عقلك لما الاستاذه تشرح لكم""
نزلت عيونها ع الكتاب وهو تتأفف قلت""الدرجات لك ماتبغين تذاكرين وتتأففين كيفك""
وطلعت من الغرفه طالعت بالساعه شوي ويأذن المغرب وانا اشيل عبايتي لاحظت ان الكيكه ع الطاوله مقطعها نزلت عبايتي وشلتها وحطيتها ع طاولة المطبخ وغطيتها وطلعت ولبست عبايتي وطلعت من البيت ماراح اتخبى منه هو الغلطان من بداية حياتنا هو الي يتهرب مو انا دخلت البيت فسخت عبايتي وانا اسمع اذان المغرب وضيت وصليت لما رفعت سجادتي شفت جوالي ع الطاوله اخذته وجلست ع السرير وفتحته مافيه الا مكالمتين من حامد مسحتها وارسلت رساله ع حامد مكتوب فيها(اطلعو الليله انا بأسوي عشى لنجود وبجلس عندها حتى تنام خذو راحتكم)كل هذا لجميله اما حامد مايستاهل بصراحه يعني مو قصة مايستاهل بس يعني زعلانه عليه شوي شويه وجاني صوت رساله فتحتها كان كاتب فيها(مشكوره الساعه ثمانيه بنطلع)حطيت الجوال وقمت للمطبخ سويت عشى لنا ولنجود بجلس عندها مو تهرب انا عند كلمتي بس كذا ابغاه يحس بعدم الاهتمام بحساباتي برجع وبنام بدون مااتكلم معاه وكل يوم كذا كل شوي شي يشغلني بعد ماخلصت العشى طفيت الحراره وفتحت الدولاب اخذ لي لبس تفاجأة ببذلته العسكريه بين ملابسي فكرت شوي اش الي يبين عدم الاهتمام فيها فطلعتها وطالعت فيها شوي بحيره ماابغى طبعا ارميها بكذا اوضح اني زعلانه او معصبه انا ابغى عدم مبالاه وبس فرجعتها مكانها بدولابي وبعدت عنها الملابس يعني تنشاف وسكرت الدولاب واخذت دش وطلعت من الحمام وانا احس بالعزيمه والاصرار اني انفذ الي فكرت فيها مو لهذي الدرجه انا مااتحكم بنفسي ومااتوقع صعب هذا لانه حتي هو اذا صدق اكيد مايبغاه واذاماصدق فنفس الاسلوبه الكريه لبست عبايتي ابغى اوضح اني رجعت البيت مو من اول في بيتنا فتحت الدولاب وطلعت المنشفه وحطيتها ع الطاوله وبلوزه حطيتها ع السرير وخليت الدولاب مفتوح يعني كنت مستعجله وقفت عند الباب بتردد احس ان ماله داعي يعرف رجعت ولا لا ليش يعني ابغى اوضح له كذا طالعت بالباب بحيره اخر شي توكلت ع الله وطلعت
..نهاية البارت..
..عافاكم..
..عجايب..
الحمدلله.
...بٲذن الله لي حسنه ولك حسنه...
الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا

ان شاء الله تستمتعون بالقراءه..
..البارت التاسع والثلاثون..
توكلت ع الله وطلعت من البيت بعزيمه واصرار حاسه ان هذا هو التصرف الوحيد الي راح يكون احلى رد اذا اهتم وسأل او جاه فضول راح يقول له اني رحت علشان نجود طيب اذا ماصدق حامد وحس انه عذر لاخته ومشى السالفه قدامه الا بنفسه لسى افكاره نفسها واسلوبه نفسه قررت اسأل حامد عن الي يحبها رماح اذا للحين متواصل معاها فراح ازيد شكه هو مو احسن مني بشي واذا لا فهو وصله كلام حامد وراح ابعد عنه نفسيا مره وبشوف دخلت البيت و ع طول رحت غرفة نجود لقيتها ترتب شنطتها اول ماشافتني قالت""خلاص خلصت ولا ابغاك تراجعين لي لو اجيب صفر هذي درجاتي انا""
قلت وانا افسخ عبايتي""كيفك""
ولا انا عندي مزاج اراجع لها بتحفظ او لا كيفها طلعت من الغرفه بعد ماقلت لها""لا تنامين حتى تصلين وتأكلين""
لما وصلت المطبخ سمعت صوت حامد ينادي جميله شوي وتسكر باب الصاله جهزت العشى السريع الي لنجود بس انا مو الحين ابغى اكل شلته وحطيته بغرفتها ورحت اوضي لصلاة العشى وطلعت وصليت ولما خلصت نجود العشى شلته وانا رايحه بتجاه الباب قالت نجود""انتي تبغين ترجعين عندنا""
اللتفت عليها وقلت بستغراب لان اكيد ماسمعت شي""ليش هذا الكلام""
قالت وهي تعدل جلستها""سمعت الظهر حامد يقول لرماح انه ينتظر وقت حتى تحبينه وترضين بنصيبك كذا قال له""
قلت بانتباه وانفاس مقطوعه""وش رد عليه""
قالت""قال له انه لا يتدخل وهو بيتصرف قالها وهو ماسك ثوبه بقوه وطلع بعصبيه خفت يسوي فيك شي يقول حامد انه ضرب رائد بقوه خفت عليك ولما جيتي ارتحت بس حتى حامد كان معصب ليش انتي اش سويتي""
قلت وانا طالعه من الغرفه""الي سويته اني ضيعت وقتي""
ليش يقول له حامد كذا وكأنه مايبغاني علشان كذا ماكان ناوي يتكلم وكان هذا الطلب قوي لدرجة انه عصبه بس اش يسوي ماعنده الا يسوي كذا حتى مايفرح رائد عليه دخلت المطبخ وحطيت الصحن اوكي انا قلت من البدايه
وماراح اغير فكرتي ماراح اهرب وراح اواجهه اذا بتنتهي تنتهي الحين غسلت الصحون وطالعت بالكيكه ع الطاوله فتحت الغطا وطالعت فيها ومن غير مااحس اكلت منها لقمه وبعدها جلست ع الطاوله جنبها واكلتها كلها تقريبا انا مو من عادتي كذا بس حسيت اني كذا بردة ع نفسي وكأني امحي واحد من اثار الموقف التفت ع باب المطبخ لما سمعت نجود تقول""بتروحين""
حسيتها خايفه من شي قلت لها""تعالي""
جات وجلست معاي ع الطوله والكيكه بيننا قلت لها""كلي(سكتت فتره طويله وبعدها قلت)ايوه بروح(وكملت بعد فترة سكوت قصيره)تكلمنا وتفاهمنا انا ورماح وانتهت السالفه""
قالت بعد تردد واضح""خاصمك بقوه""
قلت بأبتسامه""ايوه بقوه وحتى قال لي اني موشاطره ولا استاهل اطلع اليوم بس بكره بنطلع وش رايك قدرت عليه صح""
احس انا مو فاهمه كلامي في البدايه كنت ابغى افضفض وبعدها نويت امزح وبعدها فكرت اني اغير تفكيرها بشي ثاني وحسيت اني بلشت نفسي لما قالت""وين بتروحين""
قلت""ماادري لسى مااخترت واذا ماغير رايه راح اخذك معاي ان شاء الله""
تو طلع حامد من قدامها وانا عارفه اني مو طالعه ولا راح اتكلم بس كذا يعني كلام نزلت من الطاوله وقلت""يلله فرشي اسنانك ونامي""
نزلت وقالت""خلينا نروح البحر""
قلت وانا احس اني عشمتها بشي""ان شاء الله الحين روحي نامي""
راحت غرفتها وانا رتبت المطبخ ولحقتها الغرفه انسدحت جنبها وقلت""متى تنتهي المدرسه""
قالت بعتب واضح""بعد شهر وثلاثه اسابيع زمان كنت انا اسألك""
قلت بضحكه مفتعله""كبرت وصرت انسى""
غمضت عيونها وقالت بكلام فاجأني بقوه""واذا كبرتي زياده بتنسيني""
جلست وطالعت فيها وقلت بعصبيه""ليش تقولين كذا"" فتحت عيونها وتكتفت وقالت""والله مو بس انتي حتى حامد""
قلت وانا اهدي نفسي""اش فينا"" قالت وهي رجعت غمضت عيونها""صرتو مشغولين مو مهتمين مثل اول ماتعرفين حتى ان بكره يوم الامهات في المدرسه ماتدرين""
قلت بستنكار""وانا كيف راح اعرف اذا ماقلتي لي حتى زمان انتي تقولين لي""
قالت بسرعه واندفاع""لانك تسألين""
اخذت نفس وقلت""يعني لو ماجيت اليوم مابتكلميني""
حركت راسها بطريقة لا ماعرفت اعصب عليها ولا احزن ع حالها الي حست فجاءه كذا انها مهمله قلت بهدوء وانا ارجع انسدح جنبها""خلاص الساعه تسعه راح اجيك المدرسه ان شاء الله""
ابتسمت بدون ماتعلق حسيت اني شلت همها مااتوقع جميله من النوعيه الي تهتم فيها بس نجود كبيره ماشاء الله انا بعمرها كنت مكتفيه بنفسي مو محتاجه مسانده من احد بس اختلف الزمن اخذت نفس عميق بس مهما كان راح يكون جو العايله احسن لها وماكانو بيطلعون حتى انا ارسلت له يعني مطمن عليها يمكن مره ثانيه يأخذها معاه عشر دقايق تقريبا ونامت قمت وطلعت من الغرفه واخذت عبايتي اذا وصلت البيت ان شاء الله برسل لحامد اني رجعت البيت خلاص كفايه الساعه الحين احدعشر الا عشر دقايق يمديهم تعشو لبست عبايتي وفتحت باب الشارع ورجعت قفلته لما شفت سيارتين واقفين ع الطريق شكلهم يكلمون بعض الا يسولفون لهم وقت وهم واقفين تأففت من الانتظار ولما سمعتهم تحركو فتحت الباب وتأكدت وطلعت وانا امشي بتجاه البيت وقفت السياره بعد قدام بس هذي المره وحدها احترت ارجع ولا اكمل طريقي وقررت ارجع بس لما شفت سيارة رماح توقف عند الباب كملت مشي وانا اردع كل فكره جالت بفكري ومشيت بخطوات صغيره وكأني غيرت رائي بس مايمديني ارجع انا قلت ماراح اهرب منه اذا قدرت الحين راح اقدر بعدين لما نزل من السياره بسرعه وجاء بتجاهي بخطوات خففت خطواتي اكثر حاسه اني اسحب رجلي سحب ليش جاء بتجاهي بهذي السرعه بلعت ريقي وانا اثبت نظري ع الارض قدامي ماراح اكلمه ولا راح ارد عليه ومااحتجت اتكلم لانه اساسا ماتكلم معاي بس مسك يدي وهو يمشي جنبي سحبت يدي بقوه وانا مستغربه مره من حركته ليش جاء وحتى ماقال حرف وليش يمسك يدي لما سحبت يدي سرعت بخطواتي وانا احس بانتصار خفيف انا الي تركته مثل ماقلت بس رجع يمشي جنبي هذي المره بدون مايمسك يدي يمكن قصده السياره او ماادري والله مو فاهمه عليه ابدا فتح باب الشارع ودخلت قبله وسيده ع الغرفه بدون ماانتبه اذا احد موجود بالصاله او لا فسخت عبايتي وانا اترقب دخوله ولاحظت ان الدولاب مسكر يعني جاء هنا قبل تمام بس ماادري تمام ليش بس كذا احساس غريب اخذت الجوال وفتحت وكتبت(انا رجعت البيت ونجود نايمه لا تتأخرون)انفتح الباب ودخل رماح انا من كثر مااحاول اركز ع الرساله ماعرفت كيف ارسلها اساسا بس لما دخل الحمام تذكرت ارسلتها له وشوي انتظرت رده مارد المهم اعطيته خبر وتذكرت بكره بروح مدرسة نجود فتحت انشاء وكتبت(بكره ابغاك توديني مدرسة نجود)بس ماارسلتها تذكرت انه معرس ماراح اطلب منه كفايه امس خربت عليه مسحتها طيب كيف اروح عندها بس ماابغى اكلم رماح رجعت كتبتها وبعد تردد ارسلتها لرماح وانا اقول بسم الله الذي لا يضر مع اسمه شي وحطيت الجوال جنبي وانا اسمع صوت الرساله بالغرفه
..نهاية البارت..
..عافاكم..
..عجايب..
الحمدلله.
...بٲذن الله لي حسنه ولك حسنه...
(‏علمتني الدنيــــــــــــــــــــــــا أن هنــــاك أخوات لم تلدهــــم أمنـــــــا يحرصون على إضاءة عالمنــــــــــا ربي احفظهم لي..امين)

أخخخخخخ يا قلبي مافي كمان بارت > طماعة ^ _ ^

السلام عليكم ورحمة الله وبركاته () .

ياخي ليش قفلاتك كذا تجلللللط تجلللللط

قلبي الصغير لا يتحمل

رماااحي وش موقفه بعد الإعتراف الصريح

جميلة عجبتني حيـــــل

بس خلي هبلتنا رؤيا هبلة زيما هيا حلاتها بهبالتها و عفويتها ما ابغاها تتحول لجميلة
اصلاً صعب عليها هو بس لو رماح قرب منها تنسى اسمها :)


بإنتظارك | $

اشتقنالك عجاايب..... وشكرا عالثلاث بارتات الجميلله......
ممم رمااح نعاه حق يعصب.. ورائد بيحكي هالحكي...
،. بس رؤيا هي المسكينة في القصة كلها.
صراحه ما حبيت شخصية جميله... حسيتهي شوي جريئه و... وقحه!

بس الجاانب المنيح.. انها اعطت رؤيا دفعه لتقوية شخصيتها . . بانتظار القادم بشووق. سلااام

Sent from my GT-I8150T using Tapatalk 2