ان شاء الله تستمتعون بالقراءه..
..البارت الخامس والثلاثون..
راح انتظره حتى يرجع من الصلاه ان شاء الله وراح اسوي له فطور اذا يبغى هذي الفكره حسستني بالكسل وساعد برودة الجو مع نعومة المخده نعستني حتى نمت من غير مااحس..
فتحت عيوني وانا اسمع احد يدق الباب ولما فتحت عيوني التفت ع مكان رماح ماكان موجود طالعت بالساعه كانت الساعه وحده ونص جلست وقلت""ادخل""
صلاة الظهر راحت وقفت وانا اشوف نجود قدامي تقول""صلي واطلعي تنتظرك عمتك""
مشيت للحمام وانا اقول""طيب""
في البدايه لما شفت نجود تفاجأة بس بعد ثانيه تذكرت كل شي امس زواج حامد وضيت وطلعت ولقيت نجود لسى بالغرفه قالت اول ماشافتني""بنروح بيتنا وبنام هنا و لا هناك اليوم""
قلت وانا اطلع السجاده""خليني اصلي واشوف""
صليت الظهر ولما سلمت جلست نجود جنبي ع الارض وقالت""ها""
قلت لها""اول شي رماح هنا ولا لا""
قالت""كان هنا قبل شوي بس اتصل عليه حامد وراح معاه يعني هم صاحين ليش مانروح ليش رماح يروح قبلنا""
استغربت منجد ليش يتصل عليه مو علي اش فيه قلت""بنروح بس اول بنتصل عليهم ماادري يمكن يطلعون""
قالت بحماس""طيب اتصلي عليهم الحين بجوالك""
اي صح وين جوالي امس كان بالشنطه لما طلعت من القصر اتوقع لسى الشنطه بالسياره وانا اتذكر امس لما شالني قلت بهمس""نسيت الجوال بالسياره""
وكأنها راح تعرف السبب قالت""طيب اتصلي بالتلفون""
قلت بأبتسامه""ماني حافظته وبعدين ليش مستعجله كذا""
قالت بستنكار""بيتنا وابغى ارجع له""
قلت وانا اقوم""ياسلام هذا عذرك""
قالت وهي تقوم بعد""مو عذر هذي الحقيقه طيب انا حافظه رقم حامد كذا مره ادق عليه من المدرسه""
قلت""طيب انتي اسبقيني شوي وجايه""
قالت وهي رايحه بتجاه الباب""لا تتأخرين ولا انا بكلمه مابنتظرك""
وسكرت الباب بعدها ابتسمت وانا اطلع لي ملابس غيرت ومشطت شعري وحطيت مكياج بسيط وطلعت من الغرفه ولقيت عمتي وزيدان ونجود بالصاله سلمت ع عمتي وقبل مااجلس قالت عمتي""الاكل بالمطبخ رماح قال قبل مايطلع انك مااكلتي شي امس""
ابتسمت وانا ارجع شعري ورا اذني والبيتزا نسيها حبيت اهتمامه لي حسيت ذكرى امس ترجع لي والله اني احبه طالعت بنجود الي تنحنحت كانت نظراتها حاده زادت ابتسامتي وقلت""تعالي نجود دقي لي رقم حامد""
بسرعه قامت وراحت لتلفون وهي تجلس جنبه قال زيدان وهو يطالع فيني""انا اعرف له احسن من نجود كان طلبتيني انا""
حسيت السالفه طويله فجلست انتظر قالت نجود""مين يقول مو يعني مو في بيتنا مااعرف له""
قال زيدان""طيب نحسب الوقت الي تدقين فيه والوقت الي ادق فيه""
قالت بحماس""ع رقم حامد""
قال""لا انتي ع اخوك وانا ع اخوي""
قالت""لا يا ع حامد يا لا""
قال""لانك عارفه انك خسرانه""
قالت نجود بقهر""مين الي خسر قبل اسبوع برمية جزاء""
قال زيدان وهو يطالع في امه""لها اسبوع وهي تتريق علي مين قال لها""
قلت وانا ارفع يدي""انا ماعرفت الا الحين""
حسيت منجد لما قالها قالها بقهر طالعت بنجود بحده بمعنى اسكتي قالت عمتي""عادي مو انتو قبل امس نجحتو""
قال بفخر وهو يطالع نجود""الا وثلاثه واحد""
قالت نجود وهي تطالع فيني""تعالي الحين يدق""
قمت وانا اطالع في زيدان الي واضح عليه انه عصب بقوه اخذت السماعه ووقفت عندها شوي وجاني رده""اهلا""
قلت بأبتسامه""السلام توقعت القى جوالك مقفل""
قال بعد ضحكه""لا ولا يهمك مافي شي تغير""
ليش يعني يحس بالفخر ع هذا الكلام مافي شي تغير لو مو الكل يسمع المكالمه كان رديت عليه بقوه يمكن تسمعه قلت""الا تغير كل شي المهم وينك انت""
قال""رايح لعمي اتصل يبغاني""
قلت بستغراب""ليش""
قال""ماادري حتى ماجاء الزواج يمكن تعبان""
قلت""علشان كذا اتصلت برماح""
ضحك وقال""اسمع صوت شك وين بنروح يعني انا خلاص رجال متزوج ماعندي هذا الكلام""
شكله مبسوط الحمدلله قلت بعتب""الله اعلم زمان ع بالي كذا واكتشف امس غير هذا الكلام""
ضحك بقوه وسمعت صوت رماح الاسر بنسبه لي يقول""كنت اهدد اني اقول لك ويخاف مايبغى يتغير بنظرك""
بسرعه تذكرت الاكلام الي قلته علشان اعرف اش سمع شكله حاطه سبيكر قلت بصدمه مصطنعه وانا مبتسمه""وانت بعد تعرف وساكت""
حسيت بشعور يشبه الغرور بعلاقة اخوي بزوجي واثنينهم قريبين مني ضحك رماح وقال حامد بسرعه""اي هو علمني اساسا اقوله اش اسوي فيها قال خذ رقمها""
حسيته حط يده ع الجرح بتمام هو علمه ماعلقت سكتت وطالعت بالموجودين وكلهم عيونهم علي طالعت بنجود وتذكرت ليش متصله بسبب نظرات قلة الصبر قلت بسرعه""وزوجتك حامد بالبيت وحدها""
قال بستغراب من الطريقه الي تغير فيها الموضوع والجو""في البيت قلت لها انك بتجون عندها من اول اتصل ع جوالك ماتردين وقال لي رماح انه بسيارته""
تجاهلت كلامه الي حسيته اثر فيني وركزت ان جوالي بالسياره وانه قال لامه قبل مايروح اني مااكلت قلت""خلاص العصر ان شاء الله بنروح عندها انتو تتوقعون تتأخرون""
قال رماح""السؤال موجهه لي بس قالته جماعي مجامله لك ايوه حبيبتي مابتأخر""
حسيته قال حبيبتي علشان يقهر حامد ابتسمت وانا اللعب بشعري وانا اسمع حامد يقول""اساسا شوف في مكالمه لحبيبتي انتظار بسكر وانتو تبغون تكلمون بعض اتصلو ع بعض مو ع جوالي""
وسكر بجد والله ماعنده ذوق كان قال مع السلامه الحين حسيت بشعور رماح لما قال ماتعرفين كلمة مع السلامه ابتسمت ونزلت السماعه وقلت لنجود الي تنتظر""العصر بنروح عندها""
ابتسمت براحه جلست وانا اسمع عمتي تقول""اش فيهم وين راحو""
قلت""عند عمي""
حركت راسها بطريقة طيب وواضح عليها التفكير معاها حق ليش ماجاء عمي الزواج واليوم يطلبه صح يمكن تعبان وبيعتذر هو لما ماجاء بزواجي عارفه السبب بس الحين مااتوقع فيه سبب طيب ليش مااعتذر منه حامد يروح له بكره ترك جميله وحدها تذكرت نفسي بمثل يومها كنت بغرفة عمتي انتظره يروح لصلاة العصر علشان اغير احس مر وقت طويل من ذاك اليوم وتغيرت احوالنا للاحسن الحمدلله امس ماكنت احس بنقص بس اليوم ودي بس يقول انه صار معد يحبها وقفل قلبه حتى بالنسبه لي المهم مايحب وحده غيري ياانا يا لااحد منجده حامد لما قال هو علمه ولا بس كلام طالعت بعمتي لما قالت""قومي كولي""
قمت اكلت بالمطبخ وانا استرجع كل شي صار امس وانا مبتسمه احس اني اشتقت له نفسي يجي الحين احس لو معاي الجوال كان ماترددت اتصل عليه رتبت المطبخ ولما كنت بطلع مع باب المطبخ لقيت نجود في وجهي قالت""بدخل غرفتك بمشط شعري""
كانت لابسه وجاهزه قلت لها""بدري مو الحين بنروح""
قالت""ادري بس بخلص"" قلت""طيب خلاص""
دخات وراها الغرفه جلست ع السرير قالت وهو تمشط قدام المرايه""بطول شعري مثلك""
قلت بأبتسامه""ان شاء الله""
تذكرت كلام رماح لما قال ان شعري شي ثاني احس واثقه انه يعجبه شعري بس شكلي وشخصيتي مدري بس الاكيد انه تقبلني الحمدلله مع انه اخذ وقت طويل بس طلع ناتج اش يقولون يأتي متأخرا خيرا من لا يأتي ابدا وقفت وعدلت لها شعرها وقالت قبل ماتطلع""بقي ساعه""
ضحكت وقلت""خلاص فهمت""
متحمسه بزياده نجود رتبت الغرفه وبعدها عدلت شكلي ووضيت وصليت وطلعت من الغرفه ودخلت المطبخ اسوي كيكه اشيلها معاي طبعا مع المعمول الي ضروري اشيله هم عاداتهم غير عنا بس راح تعرفها معاي لما حطيتها بالصينيه سمعت باب الصاله ينفتح طلعت من المطبخ وانا مو مصدقه خطر في بالي نجود بتروح وحدها مثل تهديدها بوقت الاتصال بس شفت رماح دخل ابتسمت ودخلت بسرعه المطبخ علشان اغسل يدي لان كلها عجين لما نظفتها حطيت الكيكه بالفرن بسرعه حاسه اني ودي مااروح اليوم عند جميله واجلس مع رماح طلعت بعد ماعدلت لبسي بيدي واخذت نفس عميق مالقيته بالصاله نشفت يدي بثوبي بحركه عفويه ودخلت غرفتنا هو قال كذا عنها فتحت الباب بهدوء ودخلت الغرفه بعد مادخلت راسي وشفته واقف عند الدولاب مفتوح
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)احيو سنة التكبير..

ان شاء الله تستمتعون بالقراءه..
..البارت السادس والثلاثون..
سكرت الباب بهدوء مافي بالي شي اقوله انتظرته شوي يلتفت علي لما سمع الباب بس ماالتفت ولسى واقف عند الدولاب كان بابه مغطيه نصه مااشوفه فوقفت عند المرايه اعدل روجي يعني ع انه هذا السبب الي دخلني الغرفه كنت اطالع فيه بطرف عيني وهو شكله مشغول بشي طالعت بشكلي بنظره اخيره وانا ناويه اسأله اذا يدور لشي يقول لي انا اكيد اعرف مكانه بس التفت لما سكر الدولاب بقوه ويبده مافيها شي يعني اش كان يسوي فيه له وقت طالعت فيه حتى طلع من الغرفه كانت ملامح وجهه تدل ع انه ماسك نفسه بالغصب بفضول رحت لدولاب وفتحته كان مخربط مره بس واضح انه مايدور ع شي في ملابس بجهه مرتبه مثل ماهي وبجهه مخربطه رتبتها مثل ماكانت وانا اطالع بكل شي حتى اتأكد ان مافيها شي يمكن الغرض هذا حطه بهذي الجهه لما خلصت ترتيب سكرته وانا احس بفضول اش هذا الشي المهم اكيد شغله مااهتميت نسيت بسرعه واخذت عبايتي وطلعت شكل رماح طلع مره ثانيه اكيد رجع حامد حطيت عبايتي بالصاله ودخلت المطبخ فتحت الفرن حتى اشوفها يبغى لها عشرين دقيقه يالله بتأخر خلاص بخلي نجود تسبقني طلعت من المطبخ ودخلت غرفة زيدان مالقيت احد وينها نجود ودقيت باب غرفة عمتي فتحت الباب وبيدها عبايتها قلت بأبتسامه""بتروحين معاي""
قالت وهي تطلع وتسكر الباب""يوم ثاني ان شاء الله بيوديني رماح انا وجارتنا عند حرمه(كملت وهي تلبس عبايتها)وهو ينتظرني برا""
طيب اش كان يدور قبل شوي عادي يمكن يوديها ويروح شغله الي مااعرف نظامه للحين ولا مره فكرت اسأله بعدين ان شاء الله راح اسأله قلت""وين نجود ماشفتها""
قالت بصوت واضح فيه الضحكه""تقول انك قلتي بعد صلاة العصر وهي تسمع الكلام راحت من اول""
ابتسمت لو مو ناويه اقولها تروح كان عصبت عليها بس من حظها قلت""انا كنت بقول لها تسبقني""
قالت وهي رايحه بتجاه الباب""سلمي لي ع مرة اخوك""
قلت""ان شاء الله""
لما سكرت الباب اتجهت للمطبخ مع انهم يقولون لا تفتحين الفرن لان الحراره تطلع بس مااقدر لازم افتح واشوف سكرته بقي له وقت طلعت وجلست بالصاله وشغلت التلفزيون بتسلى حتى تجهز الي بالفرن بعد ربع ساعه وانا كل شوي عيوني ع الساعه قمت للمطبخ احس اني تحمست اروح واتعرف عليها واشوف شخصيتها وطبعا اعرف كيف تعرفو ع بعض احس اني منصدمه للحين من حامد لو هذا حالي كان قتلني ولا ع قول رماح اروح فيك قصاص ياما هذي الكلمه حللتها الف معنى ابتسمت بتأمل وين كنا واش صرنا الحمدلله فتحتها يمكن عشر دقايق يبغى لها احس اني بلشت عمري فيها تأخر الوقت وانا ماراحت للحين رجعت جلست بالصاله انتظر عشر دقايق اش اسوي طالعت في التلفزيون حتى بقي خمس دقايق ودخلت المطبخ وجهزت المعمول وطلعت طبقت التزين من الثلاجه وفتحت الفرن وسكرت الحراره وطلعتها وحطيتها ع الطاوله يالله يبغى لها تبرد شوي علشان احط الزينه احس نفسي غبيه راح الوقت طلعت من المطبخ ولبست عبايتي علشان اختصر الوقت ودخلت المطبخ وبسرعه جهزتها وحطيتها بطبق وحطيت المعمول عليها المفروض تكون نجود هنا علشان تساعدني احس اني ماافكر لو اختصرت ع نفسي واخذت المعمول وتوكلت ع الله بس ماادري اش فيني لما طلعت من المطبخ طالعت بباب الصاله لما انتفتح وقلت اول ماشفت رماح""تكفى رماح تعال ساعدني""
جاء بتجاهي وعيونه ع الي بيدي ابدا مارفعت عيونه فيني انا مع هذا الثقل والقلق انها تخرب مااهتميت انتظرته حتى اخذ المعمول الي فوق الكيكه لما رفعها رفع عيونه وطالع فيني بنظره فيها شرار حسيته وده يخنقني رجعت خطوه لورا وانا اطالع فيه بصدمه من الي حسيته اش سويت له ليش هذي النظره بلعت ريقي ونزلت عيوني للكيكه ورجعت رفعتها وكأنها راح تتغير النظره بس كانت مثل ماهي قال بصوت واضح فيه الحقد""ماتذكرتي شي نفس هذا الموقف بوقت غير وبمكان غير""
رمشت بعيوني كذا مره وانا احاول استوعب كلامه مااتذكر مره شال عني شي هذي اول مره يساعدني طيب ليش كذا حاقد علشانه ساعدني يعني وانا لا قلت بسرعه لاني بصراحه خفت من نظرات الاتهام هذي""والله مااتذكر انك ساعدتني""
قال بحده وسرعه وبصوت عالي""اسكتي""
سكرت فمي بقوه وانا اطالع فيه بخوف والله مو فاهمه عليه مو فاهمه ليش هذا الصوت العالي وهذي النظرات قلت وانا اتقدم خطوه وامد يدي""خلاص رجعها طيب""
كنت حاسه اني مثل الي ضايع وفجأه لقي طريقين ومحتار بينهم واحد بيلقى فيه الخلاص والثاني راح يضيعه بزياده محتاره بين اسأل واستفسر وافهم وبين اني اروح واهرب منه بعد مايهدى نتكلم بس اخاف يزيد تعمقها قال بصوت اعلى""رؤيا""
حسيت بدقات قلبي قويه من صراخه حسيت دموعي تجمعت بعيوني وقلت بصوت يرتجف""خلاص طيب""
وانا ابعد بعد خطوه لورا كثر خوفي من صراخه كثر صدمتي بأسلوبه اش الي صار قال وهو يضغط ع اسنانه""لا تسوين فيها مو فاهمه""
قلت بسرعه""والله والله مو فاهمه""
لما شفت عضلت وجهه تتحرك حسيت برعب لهذي الدرجه هو كذا وماسك اعصابه بعد طالع بكل مكان بعد صبر وبعدها رجع وحط عيونه بعيوني بقوه وقال بصوت منخفظ متشنج""انا ماكنت ناوي اتكلم بس يوم شفت هذا(وهو يمد المعمول الي بيده)فارة اعصابي تذكرت كل شي مع اني مانسيته اساسا""
طالعت في المعمول بتفكير معمول ويتذكر وبمكان غير وبوقت غير وشي زمان وتتذكرين اش قصده رفعت عيوني ببطئ وانا استوعب ان قصده زمان لما كنت صغيره وقلت له احبه واعطيته معمول عضيت ع شفايفي بقوه وتأكدت من تفكيري بنظراته نفس زمان ماتغير شي الا تغير انا زوجته وفي بيته وعلاقتنا في تحسن تذكرت كل شي مره امس بسرعه منجد لما قالو ان الذكرى السعيده تحزن لاني عارفه انها ماراح ترجع ابدا بس اش الي استجد بالموضوع علشانه بس شال المعمول من يدي كيف لو قلت له احبك بينفجر في وجهي لانه تذكر بهذي اللحظه ودي امسح دماغه من كل شي حتى اني اخاطر واخليه مايعرفني من الاساس اخذت نفس وقلت بكل طاقتي""كنت صغيره""
ماابغى ابدا نرجع لهذا الموضوع ونتكلم فيه غلطت بس مو ذاك الزود شوفو جميله كلمت حامد بالجوال فتره واكيد قالت له احبك اكثر من مره وهذا هو تزوجها ولا اتوقع يقول لها هذا الكلام كأنه ماصدق اعتذر لانه انفك مره وحده في وجهي وقال بصوت حاد""صغيره ها بس ماكنتي صغيره ع هذا الكلام وقتها ومو بس وقتها حتى كبرتي وانتي ماشاء الله منفتحه كل ماحسيتي بحب احد قلتي له بكل راحه وانا الي صدقت برائتك بس ونسيت كل شي بس كويس ان تنبهت قبل مااندم""
ماقدرت اتم واقفه مكاني وانا اسمع هذا الكلام كله رجعت خطوه وبعدها تقدمت ورجعت وانا احس الكيكه الي بيدي وزنها طن نزلتها ع الارض ووقفت وانا اطق اصابعي بقوه واعض لساني مو عارفه شلون ارد عليه كان كلامه مثل الي يذكرك بشي تعمدتي تنسينه وتو قدرتي تنسينه رجع ذكره قدامك وهو قاصد يخرب عليك ابغى اعرف شي واحد ليش مخليه عيب لي للحين هو مو له فتره معاي وعرفني وعرف شخصيتي وعرف اني مااقدر احب غيره ليش يقول اني قلتها لكل واحد يعني للحين
في باله للحين اني مو تمام هو كان يمدح اخلاق حامد بس الحين بيغير رايه ولا لا هو رجال يحق له بس انا لا اعتبر ماعندي اخلاق وش قصده بقبل مااندم يعني قبل ماتكون بيننا علاقه فعليه قلت بعد ماجمعت شوي من قوتي وانا ارفع ذقني""هذا الوقت كله وانت تعرفني ولسى مو واثق بأخلاقي""
قال بحده وسرعه وبختصار""لا""
حسيته طعني بهذي الكلمه لانه قالها بكل هذي الثقه حطيت يد ع عين وانا اطالع فوق بالعيون الثانيه ماابغى اوضح اني امسح دموعي قلت وانا اضغط ع اسناني""وليش تزوجتني كان يمديك تقنع امك وتقول لها عن اخلاقي الي تشوفها""
كنت انتظر اي شي الا كلامه قال بأختصار بعد""ماصدقت""
قلت وشفايفي ترتجف""تمام""
ونزلت شلت الكيكه من الارض لاني ابغى شي يشغلني
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

يالليل الليل شكل السالفه فيها غلط ومااحد فاهم الثاني

السلاام عليكم
جننوني هالثنائي ونسيت اسلم هههههه
شوفي جوجو انا عندي احساس ان ولد عم حامد قايل لرماح شي
عن رؤيا والمعمول او احتمال ان فكره انها كانت تقول احبك لاي احد
مازالت متمركزه براسه
عجزت افهم هالرمااح والله ماألوم رؤيا لو يجيها انفصام بالشخصيه
بسببه هالمتخلف الشكااك
جوجو تكفين نبيك تبردين خاطرنا بهالرماح وتبعدين رؤيا عنه كم يوم
علشان يعرف قيمتها >>فيس مقهور منه

جوجو ..بساتين من الورد اهديها لك ..

يييييييي عحظك يا رؤيا...
كل ما نقول زبطت خلاص يطلعلك اشي جديد..
ايش علامه رمااح الحين ها وليش معصب... عالاكيد مشيته لعم رؤيا هي السبب.. ويمكن ابن عمها اللي كان وده يخطبها سمع رماح كلمه من هنا ولا هناك...
ياربي ودي امورهم تستقر وارتاح خخخخ ما بعرف ليش شااكيه همهم ههههه
عجووبه.. الف الف شكررر عالباااارتين...
يجننوا زيك حبيبتي...
بانتظار القادم
سلااام

Sent from my GT-I8150T using Tapatalk 2