كاتب الموضوع :
Metvirus
المنتدى :
الاسرة والمجتمع
رد: القضية السادسة من قضايا المجتمع ... تقديم .. أبو رقية
اقتباس :-
المشاركة الأصلية كتبت بواسطة malak99  |
السلام عليكم ورحمة الله
وعليكم السلام ورحمة الله وبركاته
ازيك يا ست الكل
نورتيني ونورتي المنتدى كله والله العظيم :)
هرد باللهجه المصرية لاني حبيتها اكتر ما بحبها بعد قرايتي للقصة
ده من ذوق حضرتك والله بس
غير اني باشك في انك م اليمن أصلا :)))
الحقيقة اتفاجأت لما عرفت انك بتكتب قصة و إجتماعية
أول مرة والله .. بس موضوع ممتع جدا على فكرة
بصراحه وبدون مجامله برافو بجد جميلة اوي .. مش هتكلم عن المشكله الاجتماعية المطروحه لان المشاكل الاجتماعيه الي زي دي بتصادفنا كتير ومعروفه أسبابها ونتائجها وكويس انك طرحتها هنا للاستفاده والتذكير
اكتر حاجة حلوة انها عجبتك بس
وهي ماكانتش مشكلة او قضية بالمعنى المفهوم على أد ماهي قصة حقيقية .. المنطقة كلها كانت بتتكلم عنها .. انا كل الي عملته زودتلها سيناريو .. بس الموضوع خلاني أفكر في اني أجرب أكتب قصة طويلة فعلا :)
هركز اكتر على الأسلوب
اللهجة المصريه خلا النص اكتر تلقائيه وبساطه
ماهي عشان قصة حقيقية حصلت فعلا .. لقيتها صعبة اني أخليها بالفصحى .. حسيتها هتبقى دمها تقيل
وانك بتدي لكل شخصية لغتها الخاصة بيها يعني طريقة البواب في الكلام , الاب المتسلط . البنت اللعوب .. والتركيز على جوانب الشخصيه من الداخل اكتر من الخارج ..
بيتهيألي الصعب في كتابة حوار رواية التوصيف بتاع الشخصيات والمكان .. ان شاء الله في التجربة الجاية يبقى أحلى ..
المنشيه .. والعجمي ومحرم بيك .. والكورنيش واللهجه الاسنكدراني
اللذيذه خليتنا نحس بالمكان اكتر ونعيش فيه
اسكندرية عشقي الأزلي .. ولولا اني واثق انك من اليمن .. لأفتكرتك جارتنا :)
الابتسامه كانت مرسومه على وشي طول ما انا بقرا القصة مكنتش مركزة على المشكله او القضية قد ما كنت مركزة على الشخصيات وجوانبها والاسلوب واللغة الي استخدمتها
يارب دايما .. بس دي حاجة صح بقى على كده .. ولا مش كويسه ^_^
عجبني انك بتوضح المشهد ومكانه وزمانه والشخصيات الموجوده فيه بلمحه سريعة ومن غير تطويل
رأي الشخصي انك نجحت وبتفوق في كتابة القصة بأسلوب بسيط من غير ما تهمل الجوانب الفنية للقصة والعناصر الخاصه بيها
شهادة أعتز بيها والله .. ولو ان فيها مجاملة كتير ... بس ذوقكم الي مالوش وصف
واكيد جراب الفنان لسه فيه الكتير 
دعواتك
في انتظار الجزء الثاني
بالتوفيق
|
قرائتك مختلفة دايما .. وعلى فكرة ده طبيعي .. بالنسبالكم يعني في السما كملايكة :)
انما احنا كا بني آدمين عاديين صدقيني هنشوفها أقل كمان من العادي
يمكن عشان أول تجربة بس
أوعدك الجاية تظبط أكتر .. يعني ده لازم بعد التشجيع ده كله ان الواحد يتحدى نفسه
كنت باقرا من فترة رواية لأحمد مراد اسمها الفيل الأزرق .. انصحك بيها يا ملاك والله
هو عمل اربع روايات بس
فيرتيجو الي اتعملت مسلسل بتاع هند صبري اول حاجة له .. و تراب الماس والفيل الأزرق وآخر رواية لسه نازله اسمها 1919 بس لسه مش لاقيها .. ده بقى فعلا الي بتقراله بياخدك لعالم تاني .. وبتقري المشهد يكاد يكون شايفه وسامعه فعلا ... الأمر الي بيخلى الواحد يحس انه لسه بدري اووووووي
استمتعت بردك جدا
نورتيني من الأرض للسما
يارب دايما بخير .. ويارب دايما هنا :)
تحاتي ملاك ليلاس
|
13-04-14, 03:03 AM
جديد مواضيع قسم الاسرة والمجتمع
العرض العادي
