لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > المنتدى العام للقصص والروايات > القصص المهجورة والغير مكتملة
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المهجورة والغير مكتملة القصص المهجورة والغير مكتملة


رواية / بإسلوبي بأعتذر لك و أعلمك كيف تنسين/ بقلمي

السسسلام عليكم مساكم \ صباحكم وروود حبيييت انزل اول رواية لي اتمنى تنال اعجااابكم اتقبل النقد البناء لكنــ { ليس الجارح }

إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 28-12-13, 03:10 AM   1 links from elsewhere to this Post. Click to view. المشاركة رقم: 1
المعلومات
الكاتب:
اللقب:

البيانات
التسجيل: Aug 2013
العضوية: 257425
المشاركات: 13
الجنس أنثى
معدل التقييم: ههَهويتكك بسكآت.. عضو بحاجه الى تحسين وضعه
نقاط التقييم: 24

االدولة
البلدSaudiArabia
 
مدونتي

 

الإتصالات
الحالة:
ههَهويتكك بسكآت.. غير متواجد حالياً
وسائل الإتصال:

المنتدى : القصص المهجورة والغير مكتملة
افتراضي رواية / بإسلوبي بأعتذر لك و أعلمك كيف تنسين/ بقلمي

 


السسسلام عليكم
مساكم \ صباحكم
وروود

حبيييت انزل اول رواية لي
اتمنى تنال اعجااابكم اتقبل النقد البناء
لكنــ { ليس الجارح }

هنا سنعرف معنى [ القوة وضعف الحب .. والحزن والفرح .. العزة والغرور .. والثقة والتواضع ]

من نسج الخيال .. لكم

احلل النقل مع ذكر المصدر والاسم [ جنون انثى ]

.
.


 
 

 

عرض البوم صور ههَهويتكك بسكآت..   رد مع اقتباس

قديم 28-12-13, 03:23 AM   المشاركة رقم: 2
المعلومات
الكاتب:
اللقب:

البيانات
التسجيل: Aug 2013
العضوية: 257425
المشاركات: 13
الجنس أنثى
معدل التقييم: ههَهويتكك بسكآت.. عضو بحاجه الى تحسين وضعه
نقاط التقييم: 24

االدولة
البلدSaudiArabia
 
مدونتي

 

الإتصالات
الحالة:
ههَهويتكك بسكآت.. غير متواجد حالياً
وسائل الإتصال:

كاتب الموضوع : ههَهويتكك بسكآت.. المنتدى : القصص المهجورة والغير مكتملة
افتراضي رد: رواية / بإسلوبي بأعتذر لك و أعلمك كيف تنسين/ بقلمي

 


البآآرت الأأول ..


ملت من المكان وضاق خلقها قررت تطلع ع مطعم وتكمل شغلها هناك ..

دقت على صديقتها ..

......: هلآ همس كيف الشغل ان شاء الله تمام

همس : الحمد لله كلل شي ماشي تمام وانتي صارلك فتره ما جيتي عسى خير

.....: لا بس اراجع اوراق الشركات كتأكيد وعندي شوية مشاغل بخلصها واجيك

همس : اها قلتلي مشاعل

.... : وش فيك مو مصدقة والله مشاغل سيبك وش رايك نطلع مطعم نتغدآ

همس : الله احد يقدر يرفض عزيمة ولمين لـ الدانه

دانه : عارفه عارفه .. اسجدي شكر لله

ميس : اموت ع الثقة يا المجهوله

دانه : ههههه همس لا تفتحين الموضوع

همس : اوك ثواني وجايه

دانه : يلا بأمان الله

همس : بامان الله



سكرت من همس وجلست تفكر لمتى وهالحال دوم حالها قطعت افكارها خذت شور وطلعت لبست برموده جينز اسود وبلوزه موف عليها كتابات بالاسود وشوز سبور موف

ولبست عبايتها وتلثمت

الدانه : ابو احمد

ابو احمد { مدير شؤون الفله عمره 35 سنه دانه تثق فيه مره وتحسبه مثل اخوها } : اهلا طال عمرك امري

الدانه : هلا اعطي خبر لسايق يجهز السياره بطلع

ابو احمد : حاضر



طلعت وركبت سيارتها الهمر جون على مطعم الـ....

وصلت ونزلت اخذت مكانها المعتاد وفتحت اللاب وبدت تشيك على البريد وعلى المناقصات ومواضيع الشركة رفعت راسها وشهقت شافت همس جالسه

الدانه : يمه بسم الله متى جيتي

همس : لالا كملي طويلة العمر كان قلتيلي اجيب لابي مره وحده

الدانه : هههههههه لا خلاص وهي سكرناه وش تبين الغدآآ

همس : ع ذوقك

الدانه : اوك لو سمحت واعطته طلبات الغدآآ

وهم يتغدون همس دق جوالها ابتسمت وردت

همس : هلا حبيبي

.....: هلا فيك هموستي اخبارك

همس : بخير دامك بخير انت اخبارك

.....: بخير يا عيوني

همس : دوم

.... : تدوم انفاسك بطلبك طلب

همس : وانا اقدر ارفض طلب لفيصل

فيصل : ياويل حالي بسسس هموسه ابي نعجل بالزواج ما صارت سنتين وربي حراام

همس : فيصل والله حلوه المده على الاقل اكون انهيت شي براسي

فيصل : يارب صبرني

همس بخجل : هههه فصولي اسمحلي بتغدا

فيصل : اوك حبي صحتين سلام

همس : سلام


وسكرت لفت لدانه وكانت دانه تناظرها بنص عين دانه : يا حركاااااات يا انت يا خطير

همس باحراج : دااااااااااانه يا رب تطحين بحب

دانه ضحكت بقوه لدرجت الناس التفتوا : هههههههههه لالا انا هههههههههههه الله يخس ابليسك

همس : ههههه عارفه مو لايق اتركيك مو ناويه تعرفين الناس فيك ولا بتبقين كذا مجهوله

دانه : همس كم مره فتحنا هالموضوع

همس : دانه شركات الـ .... صار الكل يتكلم فيها والكل يهابها والكل مستعد يحلف ان مديرها بخبرته عمره 50 60 سنه مو 18

دانه : ومين قالك راح ابقى مجهوله بالوقت المناسب راح اظهر

همس : بس تصدقين لو احد قلي انك انتي ملكت هالشركات وانتي سويتيها من العدم وعمرك الحين 18 يعني باقي ما خلصتي جامعة والله لو ع رقبتي ما صدقت

دانه : ههههههههههههههههه يالله صدقي وبشويش ع الاكل ما كلت شي انا

همس : تحسبينهم علي يالدبآآ

دانه : اكيد مو انا راح احاسب

همس التفت ورى وناظرت دانه وبصوت اشبه للصراخ : انتي كيف تيجين بدون حرس

دانه : وليش الحرس وما احد يعرفني

همس : واذا للازم يا دانه للازم

دانه : اوك خلااص سكري الموضوع

وكملوا اكل وسوالف



دانه { بنت عمره 18 سنه عيونها تخقق مكحله خلقة ولونها رمادي مايل على ازرق انفها سلة سيف وفمها مثل حبة التوت وصوتها في بحة تذبح كان عمرها 15 كانت

لها رغبة انها تشتغل بشركة عائلها اللي ربتها واستجاب ابوها اللي رباها وعلمها شلون تتعامل مع التجار وش القوة وش الضعف وهي ذكية صارت تتعلم بسرعة

وشديدة الملاحظة صار يمشي لها راتب سوت فيه شركة صغيرة استيراد وتصدير وكان بعلمهم سوت صفقه مع وحده من الشركات الكبيره وكان الشرط الجزائي

مجموعة شركات { لان هذي الشركة ضامنه انها ماراح تخالف الصفقه } بس صار مشاكل بالشركة اللي عقدت معها الصفقة واضطروا لدفع الشرط الجزائي 5 شركات

سامحتهم بشركتين وبدت تبني نفسها بالشركات هذي وصارت اهم واقوى الشركات بس ما احد يعرف مين المدير لانها ما تبي تظهر الا بالوقت المناسب عرفت انو اهلها

مو أهلها وانهم لقوها ضايعة وكان عمرها 4 سنين فأضطرت تتركهم لان عندهم اولاد ما يربطها بهم شي واستقلت بفله لحالها صديقتها الوحيده همس }




همس { بنوته قمر عمرها 20 سنه عيونها سود ومكحله عيون خليجية وبيضا وشعرها اسود تحب دانه كانها اختها واقوى وعلاقتهم مره قويه وهي تفتخر بدانه بقووه

وتحب واحد اسمه فيصل خطبها وملك عليها والزواج شرطاها بعد سنتين تبي تقنع دانه تعلن انها المديره وتطمن عليها قبل تتزوج وهي يدها اليمين بالشغل }


فيصل { شب عمره 25 يشتغل مهندس معماري يموت بهمس ملامحه ناعمه ويخقق وما يعرف عن دانه الا انها صديقة همس بس }




بشركة ثانية شركة الـ ...

كان جالس على المكتب وقدامه واحد من اعز من اخوه يتحاور معها

....: بنوقف ضد شركة الـ،،،، بمناقصة

سعود : هالشركة الكل يهابها وعمرها ما خسرت مناقصة

..... : مو على الصقر يا سعود

سعود : والنعم بصقري

صقر : الله ينعم بحالك بروح اشوف مديرها واخليه يتقي ىشري

سعود بضحكة قوية : تشوف مين مديرها ههههههههههههههههه هالشركات بثلاث سنوات صارت الاعلى والاهم ومديرها ما احد يعرفه وانت بتشوف

صقر: ليه خايف

سعود : ما ادري بس اللي اعرفه ان ما حد يدري مين هو المدير والاشاعات كثيره

صقر : مو مهم بس واضح انه له خبرررره مره قوية واتوقع انه حول 50 سنه وللازم نروح نتفاوض مع اي احد يوصله الكلام احتراما يعني

سعود : دايم تعجبني يا الصقر

صقر : عارف ههههههههههه

سعود ناظره بنص عين : بلاش ثقة مالها داعي

صقر : قوم ع شغلك قوم


راح سعود على شغله وخلا صقر يفكر بالمناقصة كانها تحدي

صقر { رجل اعمال كبير عمره 30 سنة استغل كل فرصة جته شركاته الكل يهابها اذا مشى يشوف الخوف والاحترام والهبيه بعيون الناس انسان مغروور عيونه

عسليه ورموشه حاده حنطي على برونز ملامحه حاده وشعره يوصل الى اخر رقبته ما يهتم بجنس حواء ابدا واهم شي عنده عيلته وصديقه سعود }


سعود { انسان حساس امه تركية شعره مايل على شقار وعيونه زرقا يجنن بس صقر احلى يحب صقر مثل روحه ودايم يتطاقون }


,,
,,
تابع


 
 

 

عرض البوم صور ههَهويتكك بسكآت..   رد مع اقتباس
قديم 28-12-13, 03:25 AM   المشاركة رقم: 3
المعلومات
الكاتب:
اللقب:

البيانات
التسجيل: Aug 2013
العضوية: 257425
المشاركات: 13
الجنس أنثى
معدل التقييم: ههَهويتكك بسكآت.. عضو بحاجه الى تحسين وضعه
نقاط التقييم: 24

االدولة
البلدSaudiArabia
 
مدونتي

 

الإتصالات
الحالة:
ههَهويتكك بسكآت.. غير متواجد حالياً
وسائل الإتصال:

كاتب الموضوع : ههَهويتكك بسكآت.. المنتدى : القصص المهجورة والغير مكتملة
افتراضي رد: رواية / بإسلوبي بأعتذر لك و أعلمك كيف تنسين/ بقلمي

 

تابع


صقر كان يناظر الاوراق اللي قدامه عوره راسه دخل الاوراق وطلع ع البيت بعد ما اعطى سعود خبر
وصل البيت دخل وابتسم شاف امه : هلا يمه اكيد عارفه اني موجود عشان كذاا بأنتظاري
امه ( عبير ) ضحكت : هههه انت ما تجوز
صقر : وليه ما استاهل مثلا ولا ما استاهل
امه : لا يا عيوني تستاهل بس عازمه عماتك اليوم
صقر: اها خير ان شاء الله يلا يمه برخصتك بروح اريح شوي
امه : مرخوص يا وليدي
طلع لجناحة دخل على صالون كبير بوسطه مسرح منزلي يطل على غرفة نوم مفتوحه بوسطها سرير فخم مفتوحه على بلكونه زجاج بزجاج ومن الجهة الثانية غرفة تبديل وحمام اكرمكم الله اخذ شاور وجلس يفكر كيف بيكسب المناقصة ونام

عند دانة
جالسة على البلكونه راحت بفكرها قبل ثلاث سنوات
ابو عبد الله ( ابوها اللي رباها ) : هلا بدانه وش فيك متوتره
دانه : اليوم افتتاح شركة الاستيراد والتصدير
ابو عبد الله : عادي يبا عادي ان شاء الله تفتحين شركات اكبر
دانه : يبه بالنسبه للمدرسه ما ابي
ابو عبد الله قاطعها بعصبية : الا هالموضوع دراسة بتكملين بتكملين ولا اسمع ش وعلى غرفتك
بهالوقت دخل عبد الله : هلا يبه ابيك بموضوع ع انفراد
ابو عبد الله: تعال المكتب
طلعو للمكتب ابو عبد الله اجلس وش فيك واقف
عبد الله بصراخ : يبا ممكن تفهمني وش هذا ورمى عليه ورق
ابو عبد الله مصدوم : وين لقيتهم
عبد الله : بالمصنع القديم
ابو عبد الله : اجلس واسمع ( واللي ما كانو يعرفونه انو دانه كانت تمشي وسمعت اصوات و قربت ) كنا انا وامك وانت كان عمرك 6 سنوات وكنا نتمشى بشوارع لندن شفناها تبكي وضايعه وقالت ابي بابا وعرفنا انها تتكلم عربي وعرفنا اسمها واخذناها انا وامك تعلقنا فيها وسجلتها تحت اسمي بلواسطات وهذي الورق هو الواسطات
عبد الله بانكسار : يبه حرام دانه تنام بحظني وتاكل معي وتضحك وتلعب قلب ما حس انه حرام ما يجمعنا شي للازم تعرف للازم يابوي والله حرام حرام

شهقت دانه وافتحت الباب ابو عبد الله دانه :من متى وانتي هنا ما ربيتك تسمعين من ورى البواب
دانه : لش يبى ليش ليش وتشهق لا انت ربيتني عدل انا كنت جايه اقولك كسبت 3 شركات بس انت اللي فاجأتني ليه وعايشه مع عبد الله حرااااااااااام حرام وتشهق واغمى عليها
فاقت بعد فترة لفت نظرها لامها : ليه يمه ليه ما خبرتيني
وجهت نظرها لابوها : يابوي بخلي اسمي تحت اسمك الين القى اهلي الحقيقين
صحت من افكارها على صوت جوالها ينبأبقدوم اتصال شافت الاسم وابتسمت تلقائي بنفسها
دانه : هلا
همس مرحباا كيفك
دانه : بخير وشوله الازعاج
همس : احمدي ربك غيرك يتمنى
دانه : مثل فيصل مثلا
همس : اقول انطمي بقولك داخلين بمناقصة ضد شركات الصقر
دانه : ايه شفت البريد
همس : والله خايفه شركاته مره قويه
دانه : همس نسيتي انا الدانه
همس والنعم
دانه : ينعم بحالك وبنكبها يلا طسي عاد بنام
همس : طسي على خير هههه يلا باي
دانه : ههه باي
ورمت نفسها على السرير وهي تفكر بأهلها واهلها اللي مو اهلها والشركات والمناقصة وهمس وووو وغفت ونامت

عند صقر صحى وصلى المغرب ونزل يسلم على عماته
صقر : هلا فيكم كيفكم
الكل : هلا بخير الحمد لله ناقصنا علومك تمام ووو
صقر يوجه الكلام لام ياسر : هاه عمتي كيف ياسر
ام ياسر والعبره خانقتها : ببلاد الغربه يا وليدي والله قلبي متقطع عليه
صقر : وش رايك يا عمه نزوره انا وانتي
ام ياسر : شهقت جد يا وليدي
صقر : افا وانا قلت شي وما سويته
ام ياسر : لا بس فاجأتني روح يا وليدي ربي ييسر لك امرك
صقر : تسلمين عمتي يمه انا طالع الحين تامرين بشي
امه : ما يامر عليك عدوم انتبه لنفسك
صقر : حاضر يمه
تعريف بعائلة الصقر
ابو صقر ( خالد ) متوفي من ستة سنوات
ام صقر ( عبير ) تعز صقر واخواته وتسعى لسعادتهم ومظهرهم قدام الناس
صقر: وعرفناه قبل وهو حنوون مع اهله
منال : عمرها 26 ملامحها هادية متزوجه عماد ولد عمتها وعندهم توأم سامي ورامي يموتون بصقر
فرح : عمرها 16 دلوعة صقر وتشبهه مرررررره بس لون عيونها اسو وهي بيضا

عمات صقر

ام ياسر : انسانه حنونه وطيبه لابعد درجه عندها ولد وحيد اللي هو ياسر
ابو ياسر : انسان جدي يحب ياسر بس يرص عليه يبيه يعتمد على نفسه
ياسر : انسان عنده طموح حلو وملامحه ناعمه واسمراني بس سماره يجنن يدرس بلندن طب


ام رنا : انسانه حقووده تكره الكل وتبين عكس ما تخفي ما تحب الخير الا لنفسا ولبنتها
ابو رنا : توفا بحادث من قبل سنه
رنا : عمرها 20 جمالها مقبول تموت بصقر وتتعمد تطلع قدامه بدون غطى وهو مو شايلها من ارضها

ام خالد : انسانه حنونه تحب اولادها
ابو خالد : يحب اولاده ومشترك مع صقر في شركة
خالد : عمره 35 متزوجد من هند وعنده ثلاثه ولدين وبنتين
عماد : زوج منال اخت صقر رجال جدي ويحب الهندسه
لينا : اصغر العنقود عمرها 10 سنوات تحب جلسات الشباب


عنده عم واحد بينهم مشاكل
ابو ماجد : عم صقر يكره صقر لان ابو صقر كتب الورث كله لصقر
عنده ماجد : ولد مغازلجي يكره صقر مو حلو مره بس مقبوووول
ام ماجد : طيووبه بس تمشي بطوع ابو ماجد


وصل صقر على الشركة ومات ضحك وهو يناظر سعود
صقر : اعصابك على الورق
سعود : ...............
صقر : عبرني بموت اذا ما عبرت
سعود : اطلع بره صقر مو فاضيلك
صقر : مو طالع هذا مكتبي حلو هاي
سعود : ي رب اتزوج وافتك
صقر : فرط ضحك


عند همس خلصت من الاجتماع طعت وكانت بتجلس ع المكتب شهقت وهي تشوف فيصل موجود
فيصل : لهدرجه اخوف
همس مو مستوعبه : لالا كيف جيت ..؟؟
فيصل وهو يأشر على الباب : من هناك يلا عازمك على غدا
همس : اوك حبيبي بس دقيقة بدق على احد يا خذ مكاني
راحت تدق على دانه وخبرتها ودانه عذرتها




انتهى البارت

رأيكم يهمني

 
 

 

عرض البوم صور ههَهويتكك بسكآت..   رد مع اقتباس
قديم 28-12-13, 05:14 AM   المشاركة رقم: 4
المعلومات
الكاتب:
اللقب:

البيانات
التسجيل: Aug 2013
العضوية: 257425
المشاركات: 13
الجنس أنثى
معدل التقييم: ههَهويتكك بسكآت.. عضو بحاجه الى تحسين وضعه
نقاط التقييم: 24

االدولة
البلدSaudiArabia
 
مدونتي

 

الإتصالات
الحالة:
ههَهويتكك بسكآت.. غير متواجد حالياً
وسائل الإتصال:

كاتب الموضوع : ههَهويتكك بسكآت.. المنتدى : القصص المهجورة والغير مكتملة
افتراضي رد: رواية / بإسلوبي بأعتذر لك و أعلمك كيف تنسين/ بقلمي

 

البارت الثاني


عند عصافير الحب همس وفيصل على طاولة الغداء

همس : ما توقت جيتك

فيصل : لهدرجة مو مرغوب فيني

همس بسرعة : لا مو كذا بس انت فاجأتني

فيصل : هههههه كنت ألعب بأعصابك

همس : ماشي لو اني جالسة مع دانة احسن

فيصل فتح عيونه : دانه انقلعي عن وجهي

همس : اه بروح بروح وسوت انها بتقوم

فيصل مسكها : وين لو ع موتي

همس : هههههههههههههه بعيد الشر

فيصل قرب منها : فديت الضحكة يا ناس



نتركهم ونروح لدانة

عند دانة كالعادة داخلة بدوامة تفكير وتشيك على البريد والشركات ضاق خلقها قررت تطلع تتمشى على

الكورنيش جو الشرقية بالليل خياااال لبست شنطتها وخذت الاي باد

دانة : ابو احمد خبر جون يجهز سيارتي بطلع

ابو احمد : ان شاء الله

طلعت وركبت السيارة وكملت طريقها انتبهت لسيارة تلحقها من فترة

دانة : جون ايش هالسيارة

جون : هذي مس همس حطتها حراسة

سكتت وهي تفكر سرحت باحوالها ولمتى بتبقى كذا

جون : انسة دانة وصلنا

دانة : اوك جون خلك هنا بتمشى شوي

جون : اوك

كانت تتمشى وتفكر وتفكر وتفكر ناظرت البحر كان هادي ونسمات الهوى مغرية والناس بعيد جلست ع

البحر ترمي حصى وتفكر تفكر بنفسها هي بنت مين بنت حلال ولا ... نفضت هالافكار فكرت بعبد الله

(اخوها) وحشها وفكرت بمنى ( اختها عمرها 16 سنه ) وفكرت بامها بابوها العائلة الل ربتها بشركات

وكيف معتمده على دانه واسامه ( سكرتير همس عمره 32 يعرف انو في مدير بس ما يعرف مين )

ونزلت دمعة خانت المكابرة

جاها ثلاث شباب

الاول : شوي شوي ع الحصى ليتني حصى

الثاني : وش المعكر جوك

الثالث : حبيبك ما جاء تعالي معنا

وما انتبهوا لا على اثنين عراض وطوال سحبوهم وضرب الى ما هربوا


عند صقر جالس مع سعود

سعود : وش اللي شاغل بالك

صقر : ابي اكسب المناقصة راح تدعمني بقوه

سعود : انت الصقر ما ينخاف عليك

صقر : اتركك وين كنت

سعود يقلده : وين كنت حرمتي انت ولا حرمتي

صقر مات ضحك : ههههههههههههههههههههههههههههههه الله يقرفك يا شيخ قوم قوم

سعود : هههههههه ماشي ممكن اروح اريح

صقر : تفضل سلام

سعود : سلام


ركب سيارته البي ام دبليو وصل البيت اقل ما يقال عنه قصر دخل شاف رنيم

رنيم : هلا سعودي

سعود : هلا رنوم اخبارك يالغلا

رنيم : بخير

سعود : دوم الا وين الوالد والوالده

رنيم : الوالده عند خالتي ام صقر والوالد فوق بالمكتب

سعود : اها بروح اريح وصحوني المغرب

رنيم : اوك

وهو طالع صادف مجد : سعود هلا حبيبي وتبوسه على خده

سعود : هلا غريبه وينه عدوك ؟

ماجد : سعود امسكها امسكها

مجد : امسكها بعينك وبقوا يلحقون ورى بعض

سعود هز راسه ما منهم فايده وطلع ريح


تعريف بعائلة ابو سعود

ابو سعود : رجل اعمال مشترك مع صقر باكثر من شركة

ام سعود : تحب ام صقر لان تحسها تشبها ( ام صقر وحيدة اهلها وكذلك ام سعود ) تحب اولادها وتعز
صقر كثير

سعود : عرفناه قبل

رنيم : مخطوبة لولد عمها معاذ

مجد وماجد : توأم عمرهم 17 سنه ماجد اكبر من مجد بدقيقتين يشبهون سعود


لسعود عمين


ابو معاذ : رجال هادي ملتزم

ام معاذ : انسانه حساسه

معاذ :عمره 25 خاطب رنيم وهو ما يبيها بس تقاليد وما شافها ولا مره يشتغل دكتور

كادي : بنوته تجنن عمرها 18 صديقة فرح اخت صقر

عمه ابو لؤي : رجال طيب ويجب اولاد اخوانه وما عنده الا ولد وحد

ام لؤي : تموت بلؤي لانو ولدها الوحيد ودلوعها تهتم بالكل

منى : خريجة تاريخ وتنتظر وضيفتها جمالها مقبول عمرها 25

سديم : عمرها 17 سنه ثاني ثنوي علمي ناعمه وملامحها شرقية

لؤي : 10 سنوات اخر العنقود



عند صقر خلص الشغل وراح يريح



تابع ..~

 
 

 

عرض البوم صور ههَهويتكك بسكآت..   رد مع اقتباس
قديم 28-12-13, 05:16 AM   المشاركة رقم: 5
المعلومات
الكاتب:
اللقب:

البيانات
التسجيل: Aug 2013
العضوية: 257425
المشاركات: 13
الجنس أنثى
معدل التقييم: ههَهويتكك بسكآت.. عضو بحاجه الى تحسين وضعه
نقاط التقييم: 24

االدولة
البلدSaudiArabia
 
مدونتي

 

الإتصالات
الحالة:
ههَهويتكك بسكآت.. غير متواجد حالياً
وسائل الإتصال:

كاتب الموضوع : ههَهويتكك بسكآت.. المنتدى : القصص المهجورة والغير مكتملة
افتراضي رد: رواية / بإسلوبي بأعتذر لك و أعلمك كيف تنسين/ بقلمي

 

فجر يوم جديد يحمل بطياته احداث جديده


عند صقر بمكتبه

صقر : بروح اليوم لشركة الـ... يمكن يتنازلون عن الصفقه

سعود : عين العقل ومت العزم

صقر : بعد ساعة



همس كانت باجتماع وطلعت واصله حدها من الارهاق اتصل عليها اسامة

اسامة : انسة همس رجل الاعمال صقر موجود ويبي يقابلك

همس : اوك خلية يتفضل

صقر دخل بهيبته غطا المكان واي بنت ممكن تناظرله الا همس لان فيصل مالي عينها

صقر : مرحبا

همس وقفت : اهلا تفضل

صقر : انا ما احب المقدمات بدخل بالموضوع على طول انا جاي اذا في امكانية اني اشوف المدير
عشان يكون بينا تفاوض ويترك الصفقة

همس : احترم حضورك استاذ صقر بس انك تشوف المدير مستحيل وانه يتنازل عن الصفقة سابع
المستحيلات

صقر ما عجبه الرد : حصل خير حضوري اليوم احترام للمدير واكيد هالخبره ما نجمت الا عن واحد كبير
بالسن وله خبرته

همس تتخيل دانه مدير لا وكبير بالسن ما قدرت تمسك ضحكتها : ههههههههههههههههه سوري

صقر ما اعطى الموضوع اهتمام : على العموم انا استأذن واذا غير رأيه تعرفون ارقام الشركات

همس : اقدر تواجد الله معك




طلع صقر وهو واصل حده دخل المكتب واخلاقه بخشمه رمى نفسه على الكرسي

سعود : وش فيك

صقر : اخ ي سعود تخيل رفضوا العرض وبطريقة مستفزة وكأنه تحدي بنكسبة بنكسبة لو هالشي بكلفنا

سعود : اوك هدي هدي الله يعافيك

صقر : نرفزتني اسمع وش قالت وقال له كل السالفة من يوم دخل الى ان طلع

سعود : شكلها واثقة من المدير الله يقدم اللي فيه خير



عند همس دقت على دانة

دانة : اهلا

همس: هلا بك زود

دانة : امري

همس : اسمعي جاء صقر مدير شركات الـ... وقالت لها كل اللقاء

دانة بتفكير : تدرين كنت مشغولة بأفتتاح فروع شركاتنا بلندن وكنت راخ اتنازل بس جيته تعتبر لي تحدي ومو الدانه اللي
يتحدونها

همس : كفو والله

دانه : طيب تعالي لي البيت اعلمك وش تسوين وجيبي ملف المناقصة معك

همس : ان شاء الله يلا سلام

دانه : بأمان الله

دانة كانت تفكر وشلون بتكسبها بدون مماطلة دخلت همس وسلمت




عند الصقر

صقر : سعود اسمع بقولك وش راح يكون العرض

سعود : تفضل

صقر : ابيك تجيبلي بيانات المناقصة

سعود اوك



عند الدانة

همس وقفت : انتي مجنونة راح نخسر يا دانه ما يصير كذا

دانه : سوي اللي قلتلك عليه يا همس مستحيل اسعى بشي فيه خساره

همس : صدقيني اللي تسوينه قمت الجنون

دانه : اوك ما عليكم اليوم الله يعافيك تسهرين وتضبطين الموضوع

همس : من عيوني



عند الصقر

سعود : صقر كذا خطأ بنخسر صدقني ومو لصالحنا

صقر : هالمناقصة لي ياسعود وما ابي كلام انا طالع وجهز الاوراق قبل تطلع

سعود هز راسه : توكل ع الله

صقر : يلا سلام



تابع

 
 

 

عرض البوم صور ههَهويتكك بسكآت..   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لعملك, بأعتذر, بإسلوبي, تنسين/, بقلمي, رواية
facebook



جديد مواضيع قسم القصص المهجورة والغير مكتملة
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t192206.html
أرسلت بواسطة For Type التاريخ
ط±ظˆط§ظٹط© / ط¨ط¥ط³ظ„ظˆط¨ظٹ ط¨ط£ط¹طھط°ط± ظ„ظƒ ظˆ ط£ط¹ظ„ظ…ظƒ ظƒظٹظپ طھظ†ط³ظٹظ†/ ط¨ظ‚ظ„ظ…ظٹ | Bloggy This thread Refback 29-09-14 03:23 AM


الساعة الآن 04:52 PM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال  | شات قلب 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية