لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 29-10-13, 04:33 PM   المشاركة رقم: 11
المعلومات
الكاتب:
اللقب:
ليلاس متالق


البيانات
التسجيل: Feb 2013
العضوية: 250698
المشاركات: 275
الجنس أنثى
معدل التقييم: وجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جدا
نقاط التقييم: 629

االدولة
البلدSaudiArabia
 
مدونتي

 

الإتصالات
الحالة:
وجـــدد غير متواجد حالياً
وسائل الإتصال:

كاتب الموضوع : وجـــدد المنتدى : القصص المكتمله من وحي قلم الاعضاء
افتراضي رد: روايتي الرابعه هذي مو كل الحكاية هذي قطره من بحر

 


وتحديدا في بالرياض

في بيت من بيوت الطبقه المتوسطه
داخل البيت
وتحديدا في غرفه
من غرفه
كان

جالس مهمووم
بعد ما خلص مكالمه

مكان متوقع انها بتوافق

كان متامل انها ترفضه عشان كذا وافق على عرض ابوها
ولا هو ماايفكر يتزوج لا ووحده بعمر بنته ساره
حس ان الدنياء تضييق فيه وش الحل
لاا لاازم يلقى حل مايقدر يكمل
ام نايف ماتستاهل
وهو يعزها والله ليصير فيها شي لو عرفت انه بيتزوج وحده بعمر بناتها
تسند على السرير وراه وهو يدور بنظره على الغرفه
حمد ربه انه تركها تروح
لبيت اهلها اليله
وقف وهو يهمس:استغفر الله
طلع من الغرفه ومشى بينزل تحت
مر بقرب غرفه تبعد عن غرفته بمسافه ثلاث غرف بينهم
لعياله نايف 20 نوف 18وفاء13 الصغيره
وتجي غرفته دق الباب انتظر دقايق لااا رد
استغرب مو معقوله يمديه نايم
لا ولا مر عليه اليوم حد علمه فيه الصبح بالشغل

مد يده بتردد وفتح الباب لااازم يكلمه
مع انه خايف من ردت فعله يعرفه
دمممه حاار وردات فعله غير متوقعه دايم
فتحه ودخل الغرفه فاااااضيه
مو فيها لا واااضح مادخلها على ترتيبها
تراجع وهو يسكر الباب
وينزل تحت دخل المجلس لمكانه المعتاد
البيت فيه مجلسين واحد دااخل مقابل لدرج على طول
ويكشف البيت والثاني

بين قسم الرجال والحريم وكثير يجلسون فيه
وخاصة هو يجلس كثير فيه
فتح الباب ودخل والصدمه مسكر ولضو مطفى
محد دخله من طلعتهم منه الصبح سوى

احتار وين ممكن يرووح هو بعمممره كله ماعمره خطى خطوه
بدون لا يعطيه خبر ولا يمر اليوم بدووون لا يجلس معه ويسولف
او اقل شي يسلم عليه قبل ينام
بدى الخوف يدب فيه وين ممكن رااح
همس:ياااررب تحفضك ياوليدي
الله يستر عليك بستره
تقدم وهو يرفع التلفون ويتصل على رقمه
بعد ثلاث رنات جاه صوته هاادي باارد
مااقدر يفسره الا ان فيه شي يعرفه :هلا ابو نايف
ابو نايف بخوف من نطق اسمه لااا فيه شي اكيد:هلا يولدي

 
 

 

عرض البوم صور وجـــدد   رد مع اقتباس
قديم 29-10-13, 04:58 PM   المشاركة رقم: 12
المعلومات
الكاتب:
اللقب:
ليلاس متالق


البيانات
التسجيل: Feb 2013
العضوية: 250698
المشاركات: 275
الجنس أنثى
معدل التقييم: وجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جدا
نقاط التقييم: 629

االدولة
البلدSaudiArabia
 
مدونتي

 

الإتصالات
الحالة:
وجـــدد غير متواجد حالياً
وسائل الإتصال:

كاتب الموضوع : وجـــدد المنتدى : القصص المكتمله من وحي قلم الاعضاء
افتراضي رد: روايتي الرابعه هذي مو كل الحكاية هذي قطره من بحر

 


وينك اقلقتني عليك
اخذ نفس قوي ل ماايبي يسوي شي حتى يواجهه ويسمــعه
:موجود يالغالي حوولك ماني بعيد
ابو نايف وحاس ان فيه شي :وين حولي البيت فااضي انت مااجيت البيت اليوم
وانا استغربة انك مامريت علي
ميل فمه على نفس:ومافقدتني على العشاء
ابو نايف هنا تاكد ان فيه شي:اكيد بفقدك بس انا ماتعشيت بالبيت
كنت عند خوالك معزومين ومن رجعت للبيت دورتك
عض على شفته وهو يمرر نظره على الي حووله بنظراات قاتله للي واقف قدامه
:انا بالقصيم وبرجع بكرا

ابو نايف تهاوى على الكنبه بصدمه القصيــــــــم
لااا مصييبه اكيد عرف اكيييد لاا ياربي:_
:بو ناايف معي
هز راسه وهو يحاول يضبط صووته:معك معك يبه
انتظر لاتتاخر او ماتخلص غلك تعالي لني ابيك بمووضوع
..سكر منه وهو خاااايف
شاف الباب ينفتح ويدخل نايف وهو يغني رااايق
:
قم غنّ لجروح الزمـان العطايـب
ولا عاد تسألني على كل من غـاب

وإن عنّت الذكرى وهبّـت هبايـب
سكّر درايشها نرى الشوق غـلاّب
وقلـ.....سكت وعينه على ابوه جالس بشكل مايل على الكنبه
والسمااعه بيده وشكله يخووف
ركض له:يبه يبه وش فييك
ابو نايف هز راسه ويحس جسمه يجف وبصوت يتقطع:
السـ...كـ.,كرر
نايف انتبه لشكله وعرف انه السكر ركض للمطبخ فتح الثلاجه بخووف وبربكه
سحب جيك عصييير ركض وهو صب بالكوب
ورجع يركض لها جلس بجنبه وهو يحاول يشربه
لن السكر انخفض معه شرب ربع الكوب ورفض يكمل
شوي شوي بدى يرجع طبيعي
نايف بخوف:يبه وش فيك ليش انخفض معك السكر
هز راسه ابو نايف وهو يصد عنه:مدري يمكن اني ماكلت شي
نايف بستغراب:يبه ماتعشيت
ابو نايف :هاه الا بس زودت جرعه اليوم
نايف بخوف :يبه الله يخليك لي انتبه للعلاج لاتزود فيه ولا تنقص
ابو نايف وقف بضيق وطاحت السماعه من يده ماعطاه اهتمام
:ان شاء الله يبه انا بطلع ارتاح الحين تصبح على خير
نايف :وانت من اهل الخير يالغالي
مشى ابو نايف ونايف جلس
على الكنبه ورفع السماعه بيسكره وانصصصدم
وهو يشوف رقم اخوه او هو يعتبره اخووه
ناظر في ابوه الي يصعد لفوق ورجع نظره
عليه معقوووله هو السبب بنخفاض السكر على ابوي
هز راااسه مستحيل هو اكثر وااحد يعز ابوي
بس وش الرابط بين رقمه ونخفاض السكر
عند ابوي انتبه انه لسى على الخط
نصدم رفع السماعه لاذنه وهو يقول:
الوو
لكن تسكر الخط سكر السمااعه
ووقف وبباله لاازم يسئل لكن مو الحين هو عنده موعد مهم اهم منه


___________________
بعيدا عن ديارنا الحبيبه وتحديدا
في ماليزياء




:حـــمد تعبت خلنا نرجع خلاص الساعه 11
حمد بمزحه:تنعبي يالعجوز انا قايل بتزوج
خلاص انتي ماتفعين لي
هدى ام رعد بقهر ضربته على كتفه وبزعل:تتزووج هااه
رح هذااك الطرييق انا برجع للفندق وانت رح تزوج لك ماليزيه
حمد ماقدر يمسك نفسه ونفجر ضحك وهو يلف يده من ورااها:

 
 

 

عرض البوم صور وجـــدد   رد مع اقتباس
قديم 29-10-13, 05:01 PM   المشاركة رقم: 13
المعلومات
الكاتب:
اللقب:
ليلاس متالق


البيانات
التسجيل: Feb 2013
العضوية: 250698
المشاركات: 275
الجنس أنثى
معدل التقييم: وجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جدا
نقاط التقييم: 629

االدولة
البلدSaudiArabia
 
مدونتي

 

الإتصالات
الحالة:
وجـــدد غير متواجد حالياً
وسائل الإتصال:

كاتب الموضوع : وجـــدد المنتدى : القصص المكتمله من وحي قلم الاعضاء
افتراضي رد: روايتي الرابعه هذي مو كل الحكاية هذي قطره من بحر

 


هههههههههههههههههههههههههه
ياازينك وانتي معصبه تاخذين العقل
هدى ابتسمت بخجل 23 وعشرين سنه معه ولتزال تخجل منه بسبب لسانه
:حمد خلااص عاد وش فيك اليوم بديت ترجع مرااهق
حمد زادت ابتسامته وهو يشد على كتفها:لعيوونك اصير ابو17سنه هههههههههههه
هدى :ههههههه بس عااد والله ينقدون علينا شيبان وداقينا مغازل باشارع
حمد ضحك وجت عينه على شياب وعجوزه ماليزيين جالسين على الكراسي
ومتماسيك بيدين بعض ويسولفون بسعاده:هههههههههه
شوفي شوفي مو بس حنا حتى اجدادهم رومانسيين مو مثلك
هدى انتبهت لهم بس ضحكت بخفه:هم غير وحنا غير تكفى حمد خلنا نرجع والله احس العاالم
كلها تشوفني وناقده عليه
حمد ابتسم بخفه:ههه يالله ياااروح حمد نرجع لعيوونك مع اني ودي اجلس اكثر



________________________

سكر الخط من سمع صووت

نايف ماعنده شي يقووله
هو تااايه اكثر منه
لف على صديقه الماذون وهو يدخل مع البوابه المفتووحه
مايبي ينصدم بابو نايف
خاايف يطلع الخبر صدق مع انه الحين وشبه تاكد بعد ماشاف ردت
فعل ابو نايف على جيته للقصيم
هو يعززه ويعتبره ابووه
هو الي ربااه لكن سوواته هاذي ماتنغفر

لكن لو طلع الخبر صحيح يحس فيه
شي ناقص بالقصه
لازم يتاكد من الطرفين
انتبه من سرحانه على صرخت ابو احمد
:لااافي وش قااعد تسووي
لافي بروود وهو يتجه لصديقه:استر الفضيحه الي سواها ولد اخووك
سمع شهقت جارح وبتسم بنتصاار
زيين ياجارح انت وخالك والله وطحتوو بيدي:ايييييش
وش تخربط اي فضيحها مصاار شي يسوى
لف علي بقووه وهو يوااجهه:شي مااايسوى
تواعد ولد عمها وتطلع له باخر اليل عندك عاادي مايسوى
ماعدك غيره انت ولا لـ...
خلني سااكت احسن
جارح تقدم منه بصرخه:وش قصدك هاااااه
تكلم ليش سكت
لافي لف على حامد وهو يقول:مانبي الفضيحه تصير فضيحتين
جارح ماقدر يتحمل وهو يتقدم منه ويمسكه مع ياقت ثووبه:
احترم نفسسك وش فضييحته ووش تقصد بكلاامك يالاافي
لافي بكل برود فلت يدينه ودفه عنه بقوه متسوطه حتى مايكسر له ضلع من ضلوعه
فرررق بينه وبين جارح بالبنيه الجسمانيه هو معضل طويل
وجارح صح طويل وجسمه عريض بس مايقارن فيه
:خلني ساكت ياجارح احسن صحيح اكرهك لكن هذا ماخليني
انقل اشينه وبعد عنا مالك دخل بيني وبين حامد
جارح تماسك قبل يطيع وهو يقول :لااا مو على كيفك حامد يصير خالي وبنت خالي ماسمح لك
ترميها كذا
لافي عصب من كلاامه وبغضب زئر عليه:ماااتشوف خااالك مثلك العلى كيف يرمي بناته
بس لااا انا لييمكن اني اسمح له بريميهم
فااهم والحين بنت خالك بتلقى جزاها بعد سوواتها

وسن صرخت بقهر من كلامه ماتوقعته يصدق ابوها:خاااالي
حرام عليك والله كذب كذب رعد قالك ليش اتصلت فيه
وحتى هاه شوف شوف وين سدن ايه اتصل براافل هو يقولك الحقيقه
لكن لافي صد عنها وهو ينادي على ابو عبدالله الي واقف بعيد شوي ينتظر
من لافي يتكلم:ابو عبدد الله تعال لاهنت حتى نخلص
انا وراي مشواار
رعد مفجووع وكانت ردت فعله الصمت بعد كلام لافي

ماصدقه وصدق عمه حامد وهو يعرفه ويعرف طبعه
وسن صارت تصييح بنهيار وهومها تقدمت منها
وحظنتها وهي سااكته مناقشت اخوها ولافتحت فمها ولو تكلمت انهت كل شي
بس خوفها من حامد خلاها تسكت


____

قدام بيتهم وبالبيت الملااصق لهم
بدور الثاني
كانت واقفه على النافذه حقتها
وهي تسمع صياح وصراخ خالها ورجال معه
بالحديقه وتشوفهم لن الحوش مكشوف لها
اخوها جارح ورعد وخالها حامد
وشافت لافي وهو يدخل مع البوابه ويركض له وهو يبعده عن وسن
مستغربه وش فيهم بس نسيتهم وهي تراااقب لافي
بهيااام :اااه يازينك ليتك تحس فيني يالافي
والله احبك
ماحست بالوقت وهي تتابعهم
شافت الرجال يدخل ومعه شنطه سودى استغربت اكثر
قطع عليها دخل اختها
:جنااان وش تسووين
فزت بخووف وهي تلف عليه:وجع خرعتيني اششش
لتصدرين صوت
قربت جنى لهها بستغراب:خير
..طلت مع الدريشه وشهقت..يمممه وش هاذا يامجنونه
لو جارح شافك والله يذبحك
جنان بتطنيش:خليه يوولي شوفي فيه شي عندهم
من اليوم اسمع خاالي يصاارخ وضرب فتحت النافذه وشفت خالي يضرب رعد
وجارح فكه منه وراح ضرب وسن
شوي وجاء لافي...نطقت اسمه بهمس ذاايب..
ودافع عن وسن اااهه ياليته انا
جنى سكتت وهي تشوفه
يمسك جارح ويدفه بقوته:يمه اخوي
جنان بهيام:يستااهل ليش يتجرى ويمسكه
جنى بقهر:اخوك ياتبن
جنان مركزه وش يسوي

جارح 26سنه موضف بشركة اهليه
::جنى 22ثالث جامعه
:جنان 18ثالث ثانوي::


كانت اصواتهم واضحه لهم لنهم قريبين البيت على البيت
جلسو على كراسي الرجال الغريب ولافي وهو يقول
:حاامد تعال خلصني

حامد بقهر وعينه على ولد اخته مستحيل يزوجها لرعد
لاا مستحيل بيتكلم بس سدن

حامد :انامـ......





في زحام حياتك استغفر الله كثيرًا ..
فلا تدري كم من البلاء قد ينزاح عنك ."




انتهــــــــــــــــــى

الفصــــــل




توقعااتكم

وتعليقكم
على الفصل الاول والثاني




نلتقي

السبت ان شااء الله

 
 

 

عرض البوم صور وجـــدد   رد مع اقتباس
قديم 02-11-13, 05:05 PM   المشاركة رقم: 14
المعلومات
الكاتب:
اللقب:
ليلاس متالق


البيانات
التسجيل: Feb 2013
العضوية: 250698
المشاركات: 275
الجنس أنثى
معدل التقييم: وجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جداوجـــدد عضو سيصبح مشهورا قريبا جدا
نقاط التقييم: 629

االدولة
البلدSaudiArabia
 
مدونتي

 

الإتصالات
الحالة:
وجـــدد غير متواجد حالياً
وسائل الإتصال:

كاتب الموضوع : وجـــدد المنتدى : القصص المكتمله من وحي قلم الاعضاء
افتراضي

 




الفصـــــــــل الثالــث




~~~~~~~~~~~~~~




بقدر قُربك ؛ تزيد إمكانيّتي بتسلق جبال

السعادة ، وبقدر بُعدك .. أتهاوى منها

~~~


ِِِِِِِِِِِِِِِِِِِِِِِِِِِِِ





حامد بقهر وعينه على ولد اخته مستحيل يزوجها لرعد
لاا مستحيل بيتكلم بس سدن

حامد :انا مراح اوافق
لافي بقهر رص على اسنانه:حامد اخر مره اقولك
تقدم خلنا نخلص
وش تبي الناس تقول عنا تبي الفضيحه تنتشر
حامد توهق ماقدر يخرج نفسه منها كل مقال شي لافي عكسه
لو قال شي لافي عرف سواته مع بنته سدن
ولو سكت راحت وسن لولد حمد وجارح
مايقدر مايقدر يسوي شي مكبله يدينه
راح ايوافق حتى يخلص نفسه من قبضة لافي
وراح ينهي سالفة سدن قبل لافي يعرف شي
اصلا هو كاان متهور بقرار وناااسي لافي
نسيه اعمته الفلووس وانه يتخلص من بنت رهف
..تقدم بثقه وجلس قدامهم على الكرسي
وجارح واقف مشدووه
مو مصدق الي يصر قدامه خطيبته بتطير من يده
وخاله ساكت .
مو مستوعب كل شي هو مو مصدق الي يقول عمه
واضح ان فيه سالفه ثانيه بس هو صرفها
ماينسى كلامه او مادخل كان يردد انت وش دخلك بيني وبين عيالي
وكان يقولها ليش تعصين كلامي
:خااالي
طلعت منه بدون شعور وهو يناظر لخاله...
خاله صد عنه وقاله:انا اسـ...
انقطع صوته والكلاااام توقف على شفااته وهو يشوف
الي دخل مع البوابه

وقف بدون شعور والكرسي طاح من قوت الفزه
وهو يحس بقلبه بيووقف خلاااص انتهى وعلى يييد
لااافي

تقدم رااافل
وانتبه على رررعد
صرخ بصدددمه:رعــــــــد
وش الي مسوووي فيييك كـــذ ااا
قرب منه وشااف كيف الدم متجمد على خده نازل من راسه وتجمد
ووجه فيه جرووح مسكه مع يده وهو ينااظر له من فووق لتحت:
تكلللم انطق مييين الي مسوووي فييك كذا
لف على ابووه بصدمه وعلى الرجال الي عنده ليش
وش صاير حتى ذولا كلهم فيه انتبه لشخص الي جالس وباين انه
شيخ بستغراب سئل :وش فيييه وش تسوون انتم هنا
سمع شهقه ورااه لف والفااجعه وهو يشووف
اخته وسن بالارض طايحه ومرتكيه على يديها وتصيح ركض لها ومسكها
:وســـن وش صاااير
وسن رمت نفسها بحضن اخوها وهي تصيح بنهيار :
سكت ماقدر يكلمها وهي منهاره
انتظرها تهدى بما ان رعد مو راضي يتكلم وابوه نفس الشي
ووجارح لافي هنا وش جايبهم بهالوقت لا وومين هاذا الشيخ
رعد ليش كله دم من تضارب معه..
نسي ان رانسي وسدن معه بالسياره
هو اصلا كان بيروح لبيت عمه بس رانسي عيت لازم يرجع ويشوف رعد
كانها عارفه بيصير له شي




______
بالسياره


سدن بهمس:تاخر ليش
رانسي وقلبها خايف على اخوها الوحيد:الله يستر
ابوك ينخاف منه اسمحي لي
سدن بحزن :ماقلتي شي خطاء الله ايساامحه

رانسي فتحت الباب:انا بنزل اشوف اخوي والله خايفه
لفت على سدن...لاااتنزليين ابدا لوو تاخرت
اخاف يرتفع ضغطك لو صار شي
سدن هزت راسها:ان شاءالله الله يستر

دخلت ووقفت بصدمه عند الباب وهي تشوف الرجال
بغت تتراجع بس انتبهت لرافل وهو حاضن وحده انتبهت انها وسن
تقدمت شوي وشافت اخوها انفجــعة في شكله:رررررعدددد
وش فييك..
ركضت له وهي تمسك وجهه..من سوى فيك كذا
...لفت على عمها وهي تصرخ بووجه..
انت انت مااافيه غييييرك وش سوووويت بااخوي
ليش على وشو تعتدي عليه
رعد مسك يدها بهدوو:رنوو انا بخير وبعدين مو عمي السبب
لفت عليه بقهر:اجل مييين قلي ميين
رافل بعد اخته الي هدت شوي :رااانسي بس عاد
اطلعي لسيااره
رانسي صرخت عليه:ماااني طالعه انت ماتشوف رعد كيف صاير شكله
رافل رص على اسنانه:انا بتصرف اطلعي من هنا ماتشوفين الرجال
رانسي طنشته وهي تصرخ على عمها:انت وش سووويت باخوي
بتذبحه مثل سدن الي لو ماتصلت وسن فينا كان هي ميييته
وقف لافي بصدمه وهو يهتف:سدددددددن
لف على حامد بقوه:وش الكلااام الي اسمع ياحامد
حامد سكت او انه انطرم من شاف ولده لكن
صدمته رانسي ودخولها :
لافي بغضب صرخ عليه بقهر:سدددن وين ياحااامد
حامد ماقدر يتكلم وهو يتتابالكلام:اا سـ.دن موجوده
رانسي وماتعرف من هالشخص اول مره تشوفه:وانت ميين بصفتك مين تسئل عن سددن
لافي لف عليها مستغرب من هالبنت الي دخلت مع رافل وتصاارخ من اليوم
قبل يرد سسمع صرخت راافل وهو يتقدم منها:
بس عااد اطلعي من هناا بسرررعه
رانسي بعدت عنه وهي تتكتف :لااا ماني مبعده حتى اعرف
وش نهااية ابووك يعذبها قلنا معليه بنته وهو يربيها
لكن تاصل فيه يزووجها بجد اخوووانها هاااذ شي ليمكن انه
يغتفررر ياعم
رافل وقف متجمد هي قالت له ابوها بيزوجها بس مقالت مين
لكن يكوون ابو نايف مصييبه
كيف سمح لنفسه يسوي كذا
هذا كان رافل

لاكن لاافي وش كاانت ردت فعله

رانسي الي كانت تصارخ من دخلت تراااجعت بقووه وهي
تشوف عمها طااايح على بعد مساافه من لافي الي واااقف ونفس يرتفع وينزل
من اثر لكمه جته على خده بكل قوووته

الكل الكل كاان متجمد وهو ينااظر للمعركه الي كاانت بطرف وااحد
محد تجرا ووقفه وهو يشوفنه يصرخ عليه وسبه ببشع الشتايم
.تقدم وهو ينزل له ويرفعه بيده لين وووقف مقابل له كاان
ماسكه مع حلقه بيد وحده وهو يرص على اسنانه:
قلي وش اسوي فيك وش اسووي فيك
ياحامد ..ضغط على حلقه..
سكت عنك كثير عشان اختي وعيالها
وعشان شيباااتك يا يا عم حامد لكن تاصل فيك انك
بتزووج ابوي يالـ.... كيف جتك الجراءة تفكر هالتفيكر
انت تعرف مين خالد الوافي تعرف ميين
وش يكون بالنسبه لي هاذا ابووي
ياحامد والي يقهره تعرف وش مصييره
انا عااارف ان مو من كيفه بيتزوج
لكن انت ارغمته كيف جت ماعرف ولا ابي اعرف الي
اعرفه
الحين اني لو اشرب من دممك مااكفاااني
لـ....

علياء ام محمد ركضت له وهي تشوف زوجها بيموت
تحت يدين اخوها ومسكته مع يده:لافي دخيلك اتركه تكفى اتركه بيييمووت
يالافي بيمووت بيدينك
لافي ضغط عليه اكثر وهو يشوف عيونه حمر:خليه يموووت
خليه يموووت
وش له يعيش هذا خسااره فيه كلمة ابو وحدها يبيعها والثانيه يتهمها بشرفها
عمرك شفتي ابو يتهم بنته بشرفها
علياء مسكت يده وهي تصيح خلاص تشووف عيونه:لافي دخيييلك يابوي اتركه
لترملني وتيتم عياله
لافي ارخى يده بعد صياح اخته وهو يدفه بقوووه
ويتفل على جنب:تفووو علي هالشيباات ماهي على رجال
لكن والله لو شفتك مره ثانيه متعرض لنا او لعيال اختي لتلوووم الا نفسك لتقول عيالي وكييفي


لاا مدام لاافي موجود لازم تحسب له حسااب قبل تتعرض لحد من اهله

_______

رافل ماعرف وش الحساس الي حس فيه بذيك الحظه وهو يشوف
ابوووه بين يدين لافي
لافي يكرهه مثل ابوه واكثر لكن ماعجبه انه يسوي في ابوه كذا
ومع هاذا ماتحرك مايدري ليش رجله عيت لا تشيله
فيه شي يقول رح بعد لافي عن ابوك لكن ماتجاوب مع النداء
تنفس بعمق وكتمه شي جثم على صدره من المنظر
..هز راسه ابوه يستاهل هاذا شخص قاسي وكريه
ليمكن ينسى الي جرى له وهو صغير قبل يطلع له عمه حمد
مر بباله ذكرى قريبه من المشهد الي شافه لاابوه لكن السبب غير
هو كان طفل وبدون سبب

_ قبل 21 سنه"""

طفل مرتمي بحديقة الدار ووثنين واقفين قدامه
واحد بيده خيزرانه والثاني ماسكه

الاول تكلم:اختر من وين اضربك يارافل
الثاني وهو ماسكه ورافل كان يراافس برجلينه حتى يفلت منهم:
هههههههههه هذا ولد حامد مراح يسكت لك
الاول:هههههههه انت تشوف وضعه يسمح له
يابابا بوريه نجوم القوايل الحين وخل حامد ينفعه
.رفع العصاء ونزل فيها على سيقاانه
رافل سكر فممه بقووه وهو يعض شفااته حتى مايصرخ
,
اثاني يناظر لخويه:ياولد هاذا ماايحس
الاول رفع يدنه وهو يمسح على عوارضه :مممم
مسوي قوي لا الحين اخليه يحس
.مسك يدين رافل وهو يسحبها بعنف ويفرك كفه
قلبها وخلى اصاابعه متفرقه رفع العصاء وبكل قوته نزل فيها
على اصابع يده
صرخ رااافل بكل مااوتي من قووه من الوجع:ااااااااااااااااااااااااااه

:راااافل
انتفض بقوووه من الذكريات
شاف ابوه الي كرهه من كثر مايكررون عليه ولد حامد
وحامد رماه مايبيه صار اسمه كااابوس له شافه اليوم بمووضع مذلووول
نفس ذاك اليوم الي ذلوووه قدام كل اطفال الدار على سبب مايسيتااهل
لف على رانسي الي تناديه ركز فيها شوي
هاذي بنت الغالي الي لو يفديه بعمره ماوفاه
سكت وهو يلف على رعد:رعععد قدامي
يالله تاخر الوقت

لافي تقدم وهو يقول بقووه:مافيه طلعه قبل لايخلص الموضوع

رافل لف عليه وبروود:وش موضوعه
لافي بقووه:يملك على بنت عمه

رانسي بصدددمه صرخت:اييييش تستهبل انت

لافي لف عليها هالبنت من دخلت وهي رافعه ضغطه بسبب صوتها العالي
ومخلت احد ماصرخت بوجهه عطااها نظره تصغير وهو يرجع نظره لرافل:
ااوه مو فاضين للبزران ي بابا خلي الكلام للكبار
رافل تحرك ببرود بيطلع مستحقره هو وتفكيره:
انت شكل حامد ماثر عليك بعقله بالله بتبيع البنت كذا بكل بروود
لافي بقووه قال:انا مابعتها وهذا ولد عمها هي له الحين او بعيدن
رافل كمل طريقه وهو يمر برعد ويمسك يده تارك رانسي وراه
:واخوي مو مواافق ودورو لبنتكم زوج غير اخوي
طلع مع البوابه تارك لافي يغلي بقهر منه كيف خرب عليه كل شي
مستحيل يسمح له مسيتحيييييييل لف على البنت الي لاتزال واقفه وعينها على وسن
..



مستحيل تتركها مع الوحوش هذوولي
تقدمت منه وهي تقول بكل ثقه:وسن يالله امشي معي
وسن كانت لتزال عينها ونظرها مركز بمكان اخووها وكلاامه الي يدوور برااسها

..دورو لبنتكم غير اخوي اخوي اخوي
وانا وشو مو اخته
حست برانسي تلكمها
هزت راسها وهي تناظر لخالها:لا لا لا
رانسي مسحت على كتفها:وسوون وش فيك
يالله بنمشي مراح تجلسين هنا بين هالوحووش
ابوك كان بيذبح سن وهذا الوحش وش بيسوي فيك
اكيد مثل حامد

لافي رفع حاجب وحش الحين انا صرت وحش
والله حاله الحين هاذي ميين
ووين بتااخذ وسن
:خير خير على وين بتاخذينها
رانسي بتطنيش دخلت داخل البيت وبدايقطلعت وبيدها عباية
وسن
لافي انجن منها ومن حقرها له:
هيييييي اكلمك وين بتااخذينها
رانسي لفت عليه ورجعت نظرها على جارح
والشيخ الي كانه اطرم مافتح فمه من دخل وعمها الي طايح بالارض ومنزل نظره لتحت بذل
وهو يشوف بناته طلعو وتركووه
لوووين لحمد حمد حمد
كم يكره حمد هاذا عياله كلهم يحبونه اكثر منه
ويتفلتون منه له
:مالك دخل وصفتك منو تسئل .وبسخرياء قالت..ابوها ماسئل تجي انت
تسئل بعد عني بس شف الشيخ الي جبته وصله لبيته

:يالله وسن
وسن هزت راسها:لا لا بامي ارووح ابي احمد ابي احممممد
احمد وين
رانسي بحزن على حالها:وسون يالله عاد وين نجيب احمد
من إيطاليا فيه رافل هناك
صرخت وسن بقهر:رافل رافل ماشفتيه وش قال قبل شوي
رانسي عرفت انها مراح تقنعها تقدمت منها وهي
..تمسك يدها وسحبتها معها طالعه مع البوابه
شافت رعد واقف عند سيارته ينتظرها
جت وركبت هي ووسن وحرك رايح للبيت
من وصولو كان رافل واقف بالحديقه

نزلو ورعد يسسلم عليه
رافل:وعليكم السلام تاخرتو
رعد ناظر لرانسي يقولها ردي
رانسي بكل برود تحركت :المهم جينا انا طالعه ارتاح يالله وسن

رافل انقهر من ردها لكن كلمتها الخيره خلته مايعلق :لا لا وسن تعالي عندي
وقفت رانسي دقايق وهي معطيته ظهرها وبعدها لفت عليه
:شلون تجي عندك لالالا يابابا وسن وسدن عندي وخذ اخووك عندك
من اليوم ورايح خله يسكن معك حتى تفكنا من حنته
رعد بصدمه:ايييش انا الحين صرت حنه ماتشوفين نفسك ياوجه بن فهره
رافل ضحك بخفه:هههههه زين كان كذذا يالله دقايق انادي سدن تطلع معك
وانت..لف عليه.. يارعد رح جب قشك وتعال

رانسي بتريقه:لالا وش يجيبه هذا قش مطلقه تعال ساعده هههههههههههه

لو لحاله راح يموت البزر
هههههههه

رعد بقهر من تريقتها عليه :هاهاها بايخ ماتضحك
والبزر رجالك مو انا

قبل ترد رانسي رد رافل وهو يخزها بنظرات تحدي

:هيه ماسمح لك تسبني

رصت على اسنانها بقهر لفت بكل عصبيه وهي تدخل داخل الفيلاااه وتتركهم
يضحكوون عليها







ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ
~~~~~~~~~~~~~~~~~~~~~~~~
بعد يومين ..يوم الثنين







في بيت من بيووت القصيم

وتحديدا في بريده
وفي احد اجمل الحياء
وخلف البيوت الشاهقه
ولفيللا الفخمه
بطرازها الحديث

فيه بيت شعبي
صغير
يضم ثلاث غرف ومطبخ مع مجلس
وحمام ..
يسكنه بنت وولد مع امهم المريضه
بالسكر والرماتيزم الي تاركها طريحة الفراش
وكبيره بالسن بحدود69

داااء العصر مافيه شخص ماهو فيه

::اللهم اشف جميع مرضى اخوانا المسلمين::
.....


دخلت ببط يالله تتحرك وهي تتكي على الباب وبعدها قربت من بنتها وهي تجلس على طرف السرير
المتهتي ومربط بيسيمه مسحت على راسها وهي تصحيه:
ماما فرح قوومي يالله فاتت عليك الجامعه
فرح فزت بخوووف:هااه وشو يمه
امها مسحت على راسها :بسم الله عليك يمه قومي لجامعتك بتفوتك
فزت فرح بتخبط وربكه هي صلت الفجر وقالت بترتاح دقايق وتقوم
ماحتس بنفسها وهي تغفي:يمممه فااتني الباص
لااا كيف ارووح
امها بتهديه:لا يمه يمكن مفات لني ماسمعت صوته بسرعه
روحي
ركضت وهي ترتب كتبها وتلبس عبياتها نسيت حتى لاتغسل وجهها
راحت باستامها على راسها وهي تقول:مع السلاامه يمه انتبيه لعمرك



وخليك مرتااحه تكيفن يمه
ام فرح تهز راسها:مع السلاامه ياروح امك ابشري بس انتي روحي لمدرستك لتفوت عليك
طلعت تركض وقبل تطع تذكرت اخوها رجعت له حتى ماتعب امها
هو بعد نومه ثقل
فتحت باب غرفته وشافته غراقن بنوومه قربت منه:
فهد فهد قووم
فهد له شخير ولا درى فيها:___
صرخت عليه وهي تسمع صوت البااص:فهااااااااااااااااد
قووووووم بسرعه يالللتبن قوووم قوووم قوووم
ياالله المدرسه فااتت
فهد تحرك وهو يفتح عيونه وبنووم:هاه
انجنت وهي تصرخ عليه:اهوووااا قوووم بسررعه الباص جاء وانت لسى ماتحركت
يالله بسررعه برووح لتعب امي حرام عليك زي امس
جلس من سمع حنتها كا العاده.:زيين قمت قمت اف حنه عوذبالله
ركضت مجرد مشافته قام طلعت
برا البيت على الحي
الي قدامها كلها بيوت صغيرها
مستحيل احد يمر من الحي ويقول فيه بيوت بهالشكل
وبحي فخم يسكنه كباار التجار
كان حي حمد الراسي
لااكن من خلف القصوور

""""
فرح محمد الـ..21
فهد محمد الـ..13
ام فهد حنان خالد الـ..69
وحيده امها وابوها لها اخو وحيد من الأب
كان هو الي يرعاها من كانت حامل بفهد
ابو فهد اختفى من حياتهم وفرح عمرها 9 سنوات
ولا تعرف عنه شي غير الاسم حتى صورته ماتعرفها
توفى قبل سنتين وصارو وحيدين الى من زيارات صديقات
فرح مع امهاتهم لها
؛؛؛؛"""؛



ركضت لين اخر الطريق الي من قدام بيتهم يكون نهاية
البيوت الصغيره وعلى بعد مسافة 1كم.. تشوف القصوور
واضحه ركبت مع الباص الي واقف على اول الشارع
مايقدر يدخل من ضيق المكان...
مشت بهدو لين جلست بمكانها اركت راسها على النافذه وعينها على برا
حرك الباص ولف كم لفه طلع لشارع العام ووقف على اشاره
لفت انتبهها فيلااه
فاارهه ملفته للنتبااه بشكلها وفخامتها انتبهت
لبوابتها المفتوحه شافت سياره تطلع منها
ووراها سياره ثانيه
الاولى كانت سياره (بورش باناميرا)
قمة الفخامه..
والسياره الثانيه (بنتلي سبورت)
ابتعدو عن الفيلاه وطلعت بعدهم
سيارة سيارة نيسان سنترا اسود
ابتلعت ريقها وهي تشوف بنت فيها جالسه
بالمرتبه الي ورا وفاتحه النافذه
وتناظر لطريق كانت البنت متلثمه ولابسه نظارات مو باين منها شي

حست بدمعتها تنزل وعينها تتبع البنت
السائق اجنبي ممم يعني والي قبلها اكيد اخونها
هي ماتحسد احد ولا تعترض على شي
بس تتمنى لو لو كثر مرتب هالسايق حتى
تجيب علااج الاامها المريضه
وتقدر توفر اغرااض اخوها الي كل مجاء من المدرسه قام يسولف
عبدالله اشترى شنطه جديد
ولا محمد مصروفه 20ريال ولا خالد
يفطر اخوياه على احسابه
مسحت دموعها وهي تنتبه انها وصلت للجامعه



وماحست بنفسها نزلة من الباص
وبهدو راحت تمشي وهي منزله نظرها لتحت
دخلت مع البوابه وكملة مشي لمكانها مع صديقاتها
صدمت في بنت بدون قصد قبل تفتح فمها صرخت عليها
:عماااااااا ماااتشوفين انتي لـ...

:رااانسي بس البنت مانتبهت
رفعت راسها للبنت الي اسمها رانسي
وبكل هدووو قالت:اسفه ماشفتك
رانسي تكتفت وي تناظر لها ببرود كانت بتغسل شرااعها وتبرد حرتها فيها
بس ايثار سكتتها:وين اصرفها هاذي
فرح بهدوو وهي مو طاايقه نفسها تجي تتخانق مع بنات عز مالها خلقهم:
طيب وش تبين اسوي الحين
رانسي وبراسها تتطاق مع احد:الي ابيه انكـ..
قاطعتها صديقتها وهي تقول:رانسي بس عاد عقد رافل لتجين تفرغينها هنا علينا
رانسي صرخت بنرفزه :جااااااب
لتجيبين لي طاريه ..لفت على فرح..لتضيعين السالفه
انتي ليش تصدمين فيني عمياء مااتشوفين
فرح بنفذ صبر:ايه ماااشوفك انا عميا ارتحتي
شهقت رانسي بصدمه وهي تلاحظ النظارت الي عليها
:والله صددددق مااتشوفين
فرحح رفعت حاجب لا هاذي مو صااحيه قبل تتخانق والحين متعاطفه
ههههه:ايه والحين ممكن افوت المحاظره بتبدى وانا واقفه هنا
سكتت رانسي وهي تركز بملامحها تحس انها شايفتها:
مممم انتي وش اسمك
فرح لالا واضح انها نفسيه:اسمي فرح..تحركت من قدامها..عن اذنك

رانسي بسرعه :لحظه لحظه وييين
ماخلصت كلامي
لكن فرح كملت وهي تتجه لقسمها
تاركه رانسي تفكر بمليووون فكره
وهي الي ماايفوتها شي




~~~
الساعه 10:30




:فوووفه شو فيك

صدت فرح وهي تهمس:ولا شي
بس مصدعه
صديقتها بهمس :فرووحه والله احس فيك شي
غير الصداع لتخبين علي
وقفت ماتبي تتكلم ابداا وسجى مستحيل لتتركها
لين تعرف وش فيها وش
بتقول لها وش بتخلي
كل شي يهون لكن سالفة امها امس
ماتقدر تنساها ابوها ماختفى عبث تحس فيه شي ومامات
عاشي وهي متاكده بس كيف تعرف ونه:
عن اذنك بروح اصلي الضحى
سجى حاسه فيها شي توعدت فيها بالبيت تحشرها
قالت مبتسمه:اوك الله معك
"
"
"
مشت ونظرها لتحت وتعد خطواتها بالارض
رفعت راسها من حست بزول
قدامها مباشره
..شافتها نفس البنت الي اسمها رانسي بس هالمره لوحدها
وعليها عبايتها بتطلع شكلها
..لفت بتروح من وراها بس رانسي تحركت وصارت قدامها
رفعت راسها مره ثانيه وبهدووو قالت:
بعدي عن طريقي لو سمحتي
رانسي ركزت بعيونها وحست بدقات قلبها العيون مااهي غريبه عليها
والله اني شايفتها قبل بس كيف
اول مره اشوفها اليوم الصبح
:مو قبل ماعرف انتي مين
فرح بتعجب قالت:انتي وش تبين فيني بالظبط
بلييز حلي عني انا مو طااايقه نفسي
رانسي بتمسك :لا مستحيل لزم اعرف انا شاايفتك قبل كذا
لكن وين مدري انتي تذكري
فرح بدى الخوف يدب فيها من هالبنت واضح ان
فيها انفصام او مختله :لا ماعمري شفتك بحياااتي كلها
بس اليوم الصبح والحين ممكن افوت
رانسي هزت راسها :نووي بتقولي وبتعترفي انتي مين
ووين شفتك وبتركك

فرح لفت على صديقاتها من بعيد كانت سجى ترااقبها
شوي ووقفت وجت لهم من لفت عليها فرح

:فرح وش صاير
فرح تحاول تكون بارده:مدري وش قصتها هالبنت
ناشبه فيني الا اعرفها
انتي تعرفينها
سجى ركزت فيها وبعدها قالت:ايه هاذي صديقة
ايثار الجادي ماتعرفينها
فرح هزت راسها:لا ولا عمري شفتها
سجى ميلت فمها:وش تبين من فرح يارانسي
رانسي:مالك دخل انا اكلمها
ماكلمتك..لفت لفرح..انتي فرح ايش
فرح وصلت معها خلاص نشبه دايم:مو شغلك
..ومشت تاركتها
صرخت رانسي بصوت عالي:
روحي روحي بس حطي ببالك رانسي الراسي اذا حطت براسها شي
لازم تعرررررفه

مشت طالعه من الجامعه
لسيارت رافل الي ينتظرها
"
"
"
"فتحت الباب وركبت وهي تسكر الباب بكل قوووتها
رافل رفع نظره على المرايه وهو يرص على اسنانه:وجججع
كسر يد شوي شوي
رانسي وهي كاارهه عمرها من بعد موقفها مع فرح
البنت مالها ذنب بس هو السبب الصبح عصب فيها وفرغتها بفرح
والحين اتصل عليها وجت بوجهها باين ان البنت كرهتها
:يوجعك ويكسر يدك ان شاء الله تستاااهل انت وسيارتك من قااالك تمرني
مابي اجي معك
رافل بغيض:لمي السانك يا يارانسي قبل تشوفين شي ماشفتيه بحياتك
شخرت بسخريا وميلت فمها على جنب:وش بتسوي يابابا
بتضربني ولا بتحرمني لروح مع السواق ههههههههههههههههاي
جن جنونه وهي ترااده وقداام اخته فتح فمه بيهزئها
لكن قاطعته اخته:كيف المتحان رنوووسه
رانسي شهقت بصدمه :هئئئ سدددن
بسم الله ماشفتك
..سكتت وهي تفكر برافل وش بيسوي فيها
اليوم بتموت وهي تشوفه يضحك بنصر وبوها ايهزئها على شاانه
:زين ماعليه
صدت على جنب ولتزمت الصمت بعد كلمتها
ربع ساعه وشافته يمسك خط برا بريده فتحت فمها وين بيوديها



لفت عليه وطاحت عيونها بعيونه يناظر لها مع المرايه بس كاانت كلها غضب وكررره
:وييين رايحين..نطقتها بهمس..
سدن ابتسمت:نسيتي طلعت المزرعه
مزرررعه فتحت فمها بصدمه:مزرررعه شلوون لا
وو عمي والمكشله الي لسى مانحلت كيف
قاطعها رافل وهو يقول ببرود:ابوي مسوي العزيمه
قبل سبوعين والكل عاارف فيها بيكنسلها على شي مايسوى
هههه اكيد لا
انجرررحت ونطعنت
بمنتصف قلبها شرخ ليمكن ان ليلتم
اخوها يقول عن اهله شي مااايسوى مهما كان مكان المفروض
يقوله حبست دمعتها وهي تحس برااسها يوجعها
رانسي انتبهت لها بعد كلامه عارفه ان معه حق بس مكان المفروض يقوله قدامها
قربت منها من شافتها تسند نفسها:سدووون فيك شي
سدن هزت راسها بهدو:لا حبيبتي تطمني
مافيني الا العافيه
رانسي :اكلتي علاجك
هزت راسها بيه وهي مغمضه عيونها وينها ويين العلااج
اعلاجها ابوها واخوها يلتمون عليها
بس وين الابو او الخو الي مايعترف فيهم

صمت وبعد نصف سااعه وصلو المزرعه والي مكانت تبعد عن بريده الا40كم..
نزل وهو يسكر باب سيارته تاركهن وراه
متوجه للمجلس الي يجلس فيه ابوه حمد
ورعد وخالد
:السلام عليكم
رمى السلام وهو يتوجه لعمه يدنق على راسه يسلم عليه
لكن صدمه حركته وهو يرفع يده ويصده:
بعد عني لاتسلم علي ولا تلكمني مانت ولدي
ابتلع رييقه بصعوووبه وهو مو ستووعب كلام عمه
وش صار مكان كذا البارح كانو سهرانين ومستانسين
وش مزعله بصعوبه نطق:يبه
حمد صد عنه وعبرته تخنقه:لتقول يبه لتقول يبه
انا ولدي مايمد يده على ابوه مايرفع صوته عليه
"
"
"
في زحام حياتك استغفر الله كثيرًا ..
فلا تدري كم من البلاء قد ينزاح عنك ."
___




انتهــــــــــــــــــــى



لنتقي يوم السبت القادم ان شاء الله

ون كان مايعجبكم التوقيت
انتم حددو وقت
واكثر تصويت عليه
بحدده

 
 

 

عرض البوم صور وجـــدد   رد مع اقتباس
قديم 05-11-13, 12:33 AM   المشاركة رقم: 15
المعلومات
الكاتب:
اللقب:

البيانات
التسجيل: Jul 2008
العضوية: 84274
المشاركات: 14
الجنس أنثى
معدل التقييم: فتاة القلعة عضو بحاجه الى تحسين وضعه
نقاط التقييم: 39

االدولة
البلدSaudiArabia
 
مدونتي

 

الإتصالات
الحالة:
فتاة القلعة غير متواجد حالياً
وسائل الإتصال:

كاتب الموضوع : وجـــدد المنتدى : القصص المكتمله من وحي قلم الاعضاء
افتراضي رد: روايتي الرابعه هذي مو كل الحكاية هذي قطره من بحر

 

:اووووووه ...peace:

الرواية تحفة .. هذه اول مرة ارد على رواية من فترة طوييييييلة بس روايتك شحعتني..

رافل ايش هالاسم الكشخة ولا بعد شخصيته تخقق



على فكرة انا متابعة لك وكل روايتك الثلاث قريتهم

منتظرة البارت بفارغ الصبر

 
 

 

عرض البوم صور فتاة القلعة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الحكاية, الرابعه, روايتي, قطره
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:56 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية