لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > ارشيف خاص بالقصص غير المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية


معزوفه تعزفها افواه الذكريات/بقلمي

السلام عليكم كيفكم ان شاء الله بخير طموحي أصير كاتبه وان شاء الله يارب كتبت ثلاث روايات ولا وحده كملتها لي أيام جاء في بالي الروايه ان شاء الله تعجبكم

مشاهدة نتائج الإستطلاع: ما رأيك برواية معزوفه تعزفها افواه الذكريات
جيد 2 66.67%
جيد جدا 0 0%
عادي 0 0%
ممتاز 1 33.33%
إستطلاع متعدد الإختيارات. المصوتون: 3. أنت لم تصوت في هذا الإستطلاع

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 13-09-13, 09:19 PM   المشاركة رقم: 1
المعلومات
الكاتب:
اللقب:

البيانات
التسجيل: Sep 2013
العضوية: 258468
المشاركات: 23
الجنس أنثى
معدل التقييم: لحظة امل24 عضو بحاجه الى تحسين وضعه
نقاط التقييم: 16

االدولة
البلدSaudiArabia
 
مدونتي

 

الإتصالات
الحالة:
لحظة امل24 غير متواجد حالياً
وسائل الإتصال:

المنتدى : ارشيف خاص بالقصص غير المكتمله
افتراضي معزوفه تعزفها افواه الذكريات/بقلمي

 

السلام عليكم كيفكم ان شاء الله بخير طموحي أصير كاتبه وان شاء الله يارب كتبت ثلاث روايات ولا وحده كملتها لي أيام جاء في بالي الروايه ان شاء الله تعجبكم نزلتها في منتدى ليلاس الثقافي ابي اتحمس معاكم وأكملها روايتي الأولى :معزوفه تعزفها افواه الذكريات بقلمي لحظة امل24
إذا أعجبتكم روايتي وحبيتوا تنقلونها ما أحلل من ينقلها بدون ذكر اسمي لحظة امل24
أما عن موعد تنزيل البارت متى ماكملته نزلته مافي وقت محدد لان المنطقة إلي انا فيها ضعيف فيها النت فاعذروني





˚* ◦ ♫ ◦ . رواية معزوفه تعزفها افواه الذكريات . ◦ ♪ ◦ *˚

مأجمل تلك السماء المحاطة بالغيوم التى تداعبها خيوط الصباح مهمهمه بالخروج لتزين سماء الحياه مأجمل نسائم الهواء الباردة التي تلفح أجسادنا فنشعر بقشعريره تسري فينا
تحت تلك السماء في أقرب الأماكن إلى الله حيثما يرتبط العبد بربه يرتل فيه أعذب الكلام بصوت خاشع حيث تخفق له القلوب وتدمع الاعيون من خشية الله سلم الإمام من الصلاه فألقى كلمة خفيف ماتتجاوز عشر دقائق عن فضل الاستغفار وعن قول الله تعالى ((وَمَــــــا كَــــــــــانَ الله مُعَذِ بَهُمْ وَهُمْ يَسْــتَـــغْــفِــرُونَ )) وأن الاستغفار يذهب السيئات ويجلب الحسنات أنها الإمام الكلمة وهو يتمنى أنا الله ينفع بها .
خرج من المسجد بعد مصلا صلاة الفجر وهو يسبح ويستغفر ويهلل ويحمد الله على نعمه اتجه لبيته هوو يشتت نظره في النحاء القريه ويتأمل جبالها الشاهقة وجريان ماؤها العذب بين صخورها و نباتاتها الخضراء التي تداعبها سيول الامطار منتجه رائحه زكيه لاحظ تأثير مطر البارح على بعض البيوت القديمة المصنوعة من الطين أنعشه ريحة الطين المبلل اه كم يعشق ريحة المطرقطع عليه تأملاته صوت ولده وهو يناديه :هلا
:يبه بروح أشوف الغنم بعد المطر
وهو يرفع راسه إلى السماء الملبده بالغيوم:روح ونا أبوك بس لا تطول الحق قبل ماينزل المطر
:أبشر يبه
كمل طريقه وهو يمشي بهدوء ورزانته صادف جاره أبو علي عند باب بيته أتجه ناحيته:سلام عليكم
أبوعلي :وعليكم السلام ورحمه هلا الله والله بأبو عبد رحمن
أبو سعد :هلا فيك علومك يا رجال
أبوعلي :بخير ولله الحمد
أبو سعد :عسى ما تضرر بيتك من المطر
أبوعلي :الحمد الله بعد مارممناه ماعد ينزل علينا المطر
أبو سعد:الحمد الله لك يارب يالله بتسهل تامر على شي
أبوعلي :حياك يا رجال القهوة
ابو سعد:أن شاء الله مره ثانيه يالله فمان الله
أبوعلي :هلا والله
اتجه لبيته فتح بابه الحديد الذي وضح عليه الصدى دخل وهو يسمي بالله شتت نظره داخل بيته الي عباره عن اربع غرف وحمامين ومطبخ مفتوحه على الحوش والحوش يتوسطه بيره صغير شافه جالسه تخبز اتجه يمها وهو يقول :السلام عليكم
عدلت جلستها بحياء وهي تقول :وعليكم السلام
ابتسم على حياء بنته هو يقول:شتسوين ونا ابوس
رد وهي تبعد الخبز عن النار:قرصان أن شاء الله تعجبك سوات يديني
قال وهو متعمد يحرجها:إيه يابوس تعلمي ماباقى على عرسس إلا شهرين
حمرت خدودها من الأحراج وهي تقول لبوها محاولة الهروب من إحراجه لها:بروح أجيب القهوة
ضحك أبوها منها وهو يشوفها رايحه المطبخ معتذره بالقهوة عرف انه احرجها
دخلت على خطواتها بالمطبخه وهي مره من حرجه ودقات قلبها تتزايد
قالت لها أختها :عسى ماشر أخت عواطف وجهس حمر
ردت حسنة:أكيد احد قالها شي عن حبيب القلب ولد العم
عواطف بحالميه ووه يزينه
طيرت أمنه عيونها :البنت مصخت
حسنة:ايوالله قلت حيا
جت بترد عليهم عواطف سمعت صوة أبوها يناديها:يا عواطف وين القهوة
شهقت عواطف وهي تضرب رأسها بكف يدها :نسيت القهوة
قالت أمنه باستهزاء :مالس حيله بالس مو معس
ردت عليها عواطف :عن الهرج الزايد ودي القهوة
أمنه وهي تتخصر :لا والله وانتي ليش ماتودينها أن شاء الله
عواطف :هاه لا أنا عندي شغل
قطع عليهم هوشتهن دخول انس:خير انتي وياها وين القهوة أبوي له ساعه طالبه
حسنة وهي خايفه: عانهي وهي تمد له طفرية القهوة
أخذ منها القهوة وهو يتوعد فيهن :احسابسن عندي بعدين طلع من المطبخ
التفتت على أخواتها بعصبية :عاجبسن سواتسن ذي يالله قدامي جهزن الفطور

________________________________________

خرج من المسجد وهو يقول دعاء الخروج " بسم الله والصلاة والسلام على رسول الله ،اللهم إني أسألك من فضلك، اللهم اعصمني من الشيطان الرجيم " يبحث بعينه عن صاحبه حاله موعاجبه دايم شارد ومهموم موراضي يفضفضله ويقول عن الي بداخله شافه يمش متجه نحو الجبل
رح يمشي مسرع يبي يلحقه نداه بصوت عالي وهو يرفع ثوبه بيده عن الطين : ليث يا رجال استنى
وصل عند صاحبه
سلم عليه بموده:شخبارك يا رجال
ليث:نحمد الله انت شعلومك
جلال :الحمد الله في أحسن حلا
ثم أردف يقول:الأجواء اليوم حلو
ليث :ايوالله حتى السيول في كل مكان تمتم بهذه الكلمات وهو يرفع ثوبه ويربطه على خصره
رفع راسه الى السماء :الجو مغيم الله يستر لو يجي مطر أقوى من مطر البارح بتغرق الديره
ثم أردف :ماقلتلي عسى ماخر بيتكم البارح(دخل المطر إلى بيتكم)
ليث:خر علينا بس الحمد الله على كل حال الله وحده الي حامينا
جلال:الحمدلله كمل بعد ماقرب من الجبل وجلس على احد الصخور :حالك الأيام هاذي مو عاجبني
جلس بجنبها ليث وهو يقول:ليش وشفين الحمدالله ما فيني الا العافية
:دايم شارد ومهموم عسى ماشر وش الي مضايقك
:لا أبد مافيني شي يتهيئلك
جلال وهو يحط يده على كتف خويه:حنى مثل الإخوان ومتربين سوى وأعرفك زين إذا ماقلتلي تقول لمن فضفض وقول الي بداخلك عسى أساعدك بالي اقدر عليه
ليث هوو يناظره بامتنان :عساني مانحرم منك يارب
:ولا منك يارب قول وأنا أخوك لا تتردد
قال بعد تنهيده من قلب:آه يجلال أمي حالها مو عاجبني كل ليل اسمع صوت بكاها ادموعها تقطع قلبي مو هاينه علي وكل ما سألتها قالت مافيني شي البارح وأنا ألح عليها قالتلي أنا اشتاقت لخوي وأنها حاسه ان في شي
قاطعه باستغراب :أخوك !!!!!
ليث هو ينفخ الهواء من فمه يحاول يطلع الكبت الي جواه :إيه أخوي تقول أمي أنها تزوجت بعد أبوي وجبات ولد طلقهازوجها وأخذ ولدها منها
:وش ناوي تسوي
:بدور عليه عسى تجف دموع أمي وترتاح
:وين بتدور عليه طيب تعرف مكانه وين ومنيلك سياره
:لا والله ما اعرف مكانه بس اعرف اسم أبوه بسأل عنه عسى الله يدلني على طريقه أما عن السياره ربك يحلها
:أمين يارب قام ومد يده لاخو دنياه وهويقول:يالله قوم خلنا نروح نفطرتلقى أبوي معصب علي
ابتسم وهو يمسك يد خويه ويقوم:يالله
كملو طريقهم راجعين للبيت وهوم مو دارين ايش ينتظرهم في المستقبل

_____________________________________________________
نادت بأعلى صوتها :يمه عواطف
رد عليها بعتب:قصري حسس يامره الجيران يسمعونس
ردة على زوجها باحترام:العذر وسموحه نسيت
جتها عواطف وهي تمسح أيدها بملابسها:هلا يمه
:يمه اغسلي الملابس ونشريها قبل ماينزل المطر علينا
:ابشري يمه
:يبه قابلت ناجي اليوم بعد صلاة الفجر وقالي انه بيجيب المهر لك بعد صلاة العصر قالها انس بأعلى صوته يبيها تسمعه وهو يراقب تحركاتها مبين عليها الارتباك
أبو سعد:الله يحيه بأي وقت
قالت أم عبدرحمن وهي تأخذ رأي زوجها :أقول يابو سعد وشرايك إذا أخذنا المهر نروح لسوق نبي نشتري لوازم العرس أنا والبنات تعرف ما بقى شي على العرس
قال وهو يمسح على لحيته ويناظر بنته الي تشتغل واذنها عندهم:خلاص انتي روحي وشتري لوازم العرس والبنات وشهوله يرحن
قال انس وهو مؤيد كلام أبوه :كلامك عين العقل ماله داعي روحتهن خسرت فلوس على الفاضي
قالت امه باعتراض :هاو ليش العروسه لازم تروح وتختار أغراضها بنفسها
أما هي كانت تشتغل قلبها واذنها عندهم مؤيده كلام أمها ومعترضه على كلام أبوها وأخوها ما تقدر تتعارض حيائها يمنعها
قطع عليها سرحانها أختها الي واقفه عند باب المطبخ وهي تقول:يمه الفطور خلص اصرفه(اوزعه بصحون
أم سعد:لا أستني شوي إخوانس ماجو التفتت على انس وهي تقول:ما شفت اخوانك من بعد ماطلعوا لصلاة الفجر مرجعوو
رد عليها وهو يشرب فنجال قهوته :إلا شفتهم بعد الصلاه جلال طلع مع ليث وصلاح راح يشوف الغنم وعليان يلعب مع عيال الحاره هو وهاجر
أردف بعصبيه بعد مانزل فنجاله:يمه أنا ممتى وأنا أقولكم هاجر ما تطلع مع الباب إلا وغطى على راسها
:يمه الله يهديك أختك توها صغيره من بيناظر فيها
:ولو يمه لزم تتعلم على الحشمة بنات الحاره كلهن يلبسن غطى على روسهن إلا بنتس
ردة امه بطواعيه:أبشر وأنا أمك من الحين اخليها تتغطى
دار هذا الحوار على مسامعه بدون مايتكلم لان من طبع مايتكلم بشي مايعنيه أعجبته غيرت ولده على أخته ويحمد ربه أنا صفه هاذي بولده
دخل جلال وهو يرد السلام مع اخوه صلاح الي تلاقو هو وياه عند الباب :سلام عليكم
رد الكل عليهم:وعليكم السلام
: يمه وينك انت وياه تأخرتو
جلال:كنت مع ليث نتمشى تعرفين اخذتنا السوالف مانتبهنا إلا والوقت رايح علينا
صلاح :ونا رحت أشوف الغنم بعد المطر لقيتها عند راس الجبل
أبوسعد:هاه عساك طلعتها
:إيه الحمدالله طلعتها أنا ووحد من العمال
على سفرت الفطور والكل متجمع
جلال وهو ياكل من القرصان ويشرب حليب الغنم :من سوا القرصان هذي مو قرصان أمي
هاجر بالقافه وبراءه بنفس الوقت :هذي عواطف سوتها تتعلم كيف تسوي القرصان على شان إذا تزوجت تعرف تسوي قرصان لرجالها
شرقت عواطف بالحليب من الحياء بعد ما سمعت كلام أختها
امها وهي تهبد ظهرها:بسم الله عليس وش فيس ونا امس
حسنة وهي تلكز هاجر بكوعها:احسابس عندي بعدين
هاجر ببراءه وألم :أي وش سويت والله ماسويت شي
أمها بملامه:هاو وش فيس على اختس مقالت شي غلط
قال جلال بعباطه:أنا أشوفها مو ذاك الزود هضر عواطف الي مسويتها
قال صلاح وهو مشاركه بالكلام:ايوالله صادق ماصخ حتى ملح مافيه
قال انس هو الثاني بعباطه :الله يعين ناجي بيقول عطوني وحده ما تعرف تطبخ
قامت من السفره بقهر من كلام إخوانها
قالت أمهم بعصبيه وهي تناظر بنت الي دخلت المطبخ :انتم وراكم على أختكم بدال ماتمدحونها
وتشجعونها على السواه تحطمونها
:شنسوي ببنتس بقره تصدق كل شي قالها وهو يرفع صوته يبيها تسمعه
سمعت كلامه بس طنشته كن ماقال شي

بعدالفطور
جلس بجنب أبوه الي يشرب الشاهي بهدوء:أحم يبه
كلم أبوه بكل ثقل:تكلم ونا أبوك اسمعك
جلال بتردد:يبه شرايك بدال قعدتنا أنا وإخواني بلاشغل ولا مشغله انت عارف ورانا مستقبل ورانا زواج
:اختصر الكلام وقل وش تبي
:نروح نكمل دراستنا في الرياض ونكون انفسنا
:بس يابوك الدراسة يبيلها فلوس وانت عارف حالنا عايشين على راتب التقاعد
:ولا يهمك يبه بنشتغل بليل وبندرس الصبح ومنها نصرف على انفسنا ومنها نكمل دراستنا
أعجبه كلام ولده ليش لا حط يده على لحيته وراح يمسحها وهو يفكر :مو بطالي كلامك بس بفكر واستخير
قلها بحماس:خذ راحتك يبه
:قم رح تسبح لاتنسا اليوم الجمعة
:أبشر يبه
قام يسابق إخوانه على الحمام على شان يتسبح ويخلص بدري
___________________________________________________
على الساعه11:00 بدو الناس يتوافدون للمسجد الجامع الصغير الذي يادوب يحمل أهل القريه
منهم من يستغفر ومنهم من يقراء القران ومنهم من يصلي يتطلب الله والأطفال الي يتجمعون آخر المسجد يضحكون ويسلفون كل منهم متسبح ولابس لبس نظيف بنسبه لهم يوم عيد لان غير عن بقيت الأيام حين بدء الشيخ بالخطبه كل أنصت له يحاولون يستفيدون من الخطبه الي يقولها الشيخ حتى الأطفال تركو الضحك والعب انتصتوا له وهم يحاولون يفهمون كلام الشيخ
بدء الشيخ بتحميد الله والصلات على الرسول ثم ألقى ما تحويه خطبته من فضل الصلاه والاستمرار عليها ثم بين فضل الدعاء والصدقة في يوم الجمعه وطلب منهم تكثير الصلاه على الرسول وختم خطبته بداع للامه الإسلامية ولأهل القريه خاصه نزل الشيخ من المنبر وبدء بصلاه الجمعه ركعتين خفيفتين قراء فيها الصور الي حفظها
أنها الشيخ الصلاه وبدء يسبح ويهلل ويستغفر
طلع الشياب من المسجد متجهن لبيت أبو علي لان عازمهم على الغداء أما الشباب طلعوا مع بعض للبر والأطفال يلعبون في الحاره
______________________________________________
نهااااااية البارت


عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان..


 
 

 

عرض البوم صور لحظة امل24   رد مع اقتباس

قديم 13-09-13, 09:24 PM   المشاركة رقم: 2
المعلومات
الكاتب:
اللقب:

البيانات
التسجيل: Sep 2013
العضوية: 258468
المشاركات: 23
الجنس أنثى
معدل التقييم: لحظة امل24 عضو بحاجه الى تحسين وضعه
نقاط التقييم: 16

االدولة
البلدSaudiArabia
 
مدونتي

 

الإتصالات
الحالة:
لحظة امل24 غير متواجد حالياً
وسائل الإتصال:

كاتب الموضوع : لحظة امل24 المنتدى : ارشيف خاص بالقصص غير المكتمله
افتراضي رد: معزوفه تعزفها افواه الذكريات/بقلمي

 

ألبارت الثاني
عمرك جربت السعاده يوماً ما ذقت طعم الحياه جربت العائله عطف الأب وحنان الأم ومعزة الأخ
إذا جربتها وعشتها قووول الحمدلك يارب لان غيرك ما جربها ومنهم اناااااااا (ليه؟؟؟؟؟؟)وسبب؟
ياترا ماهو السبب ظلم الأب وجبروته ؟
ولا ضعف الأم وعدم مقدرتها على الوقوف أمام الكل؟
أما الصحاب السوء الذين نتعرف عليهم؟
ياترا ياغيث شنو جوابك؟
(بطلنا الأولى غيث راح نتعرف على قصته بروايه)
______________________________________________
قالوا عني معاق وهل ابكي
قالوا عني معاق .. وهل ابكي
وهل أبكي .؟
قالوا عني معاق ...
وما ذنبي .؟

ولدت وهكذا قدري ..
فهل أحكم على نفسي بالموت ؟
وهل أقدر أن أغير خلقي ..؟

أتيت لهذه الدنيا كي ألقي العبر .
كي أقتل اليأس .
وأقهر المرض ..

نسجت مما لدي بساطاً من الأمل .
أسير عليه في دربي .
أتابع رحلة عمري .
لا شيئ يدفعني ..
سوى الاصرار والجد ..

ساعات وأيام وأزمان من الصبر .
كي ألحق الركب .

فأنتم تعيشون ..
ومن حقي العيش ..

فهل تنتظرون مني أن أبكي .؟
وأنتم تشيحون بانظاركم عني ..

لا ..لن أحكم على نفسي بالموت ..
ولن تسيل دموعي من اليأس .
لا ..وألف لا ..لن أبكي .

معاق ولدي طموح وهل يتحقق طموحي يوماً ما؟؟؟أما ستقفون ضدي؟
ياترا البراء بتحقق طموحك ؟ولا تضعف وتتألم من رؤية المجتمع لك؟
البراء بطلنا الثاني راح نتعرف عليه في باقي البرتات
____________________________________________
إذا ما قال لي ربي أما استحييت تعصيني ..؟


وتُـخفي الذنبَ عن خلقيَ وبالعصيانِ تأتيني


فكيف أجيبُ يا ويحي ومن ذا سوف يحميني؟


أسُلي النفس بالآمالِ من حينٍ الى حيني


وأنسى ما وراء الموت ماذا سوف تكفيني


كأني قد ضّمنتُ العيش ليس الموت يأتيني


وجائت سكرة الموت الشديدة من سيحميني؟؟


نظرتُ الى الوُجوهِ أليـس منُهم من سيفدينـــي؟


سأسأل ما الذي قدمت في دنياي ينجيني


فكيف إجابتي من بعد ما فرطت في ديني


ويا ويحي ألــــم أسمع كلام الله يدعوني؟؟


ألــــم أسمع بما قد جاء في قاف ويسِ


ألـــم أسـمــع بيـوم الحـشر يوم الجـمع والدين


ألـــم أسمع مُنادي الموت يدعوني يناديي


فيا ربــــاه عبد تـائب من ذا سيؤويني ؟


سوى رب غفور واسع للحقِ يهدييني


أتيتُ إليكَ فارحمني وثقــّـل في موازيني


وخفَف في جزائي أنتَ أرجـى من يجازيني
لمتى نحن هكذا ؟نعصي ولا نخاف من رب العباد؟
لمتى يالوليد ؟؟
ومتى يابو طيف؟؟
____________________________
البعض يعتقد بأنهم لن ولم يكونوا أحياناً الأحلام صعبة الوصول
لأكن عليك بالاستمرار مهما كانت المسافات بعيده إذا كنت تؤمن بحلمك وان وكنت تؤمن بذاتك
فأعلم بأنك ستجعل الحلم حقيقه
هل ستحقق أحلامنا يوماً ما؟أما لا؟
___________________________
قبل سنه من الآن
بعد الغداء حيث تجتمع العائله من الأب الظالم والقاسي وآلام ضعيفة الشخصية والحنونه إلى الابناء الي حكم عليهم القدر بأب قاسي لا يعرف ألرحمه
قال بأمر :اسمعوا ترا أخوي عبدالله خطب طيف لولده الوليد وأنا وفقت
شهقت بصدمه:لا تكفى يبه الا الوليد لاتزوجني إياه
رد عليه بقسوه ليست غريبه عليه:ليش ان شاء الله وش فيه الوليد رجال ونعم وش تبيني أقول لأخوي بنتي ما تبي ولدك ماباقي الا هي
قالت بخنقه:بس يبه وليد سكير وراعي بنات
:إذا تزوج يعقل ومالس الا ولد عمس فهمتي هاه
قالت وهي تبكي و تحب يده:يبه الله يخليك لاتزوجنيه
دفها بقسوه وهو يقول:ان قلعي يالله هذا الي ناقصني دلع بنات
مسكها مع شعرها وهو يصر بين أسنانه :اسمعي بتزوجينه يعني بتزوجينه فهمتي والملكة الخميس الجاي فاهمه
رماها في الأرض وخرج من البيت كل الي حصل تحت أنظار أمها المسكينة الي ومقادره تسوي شي ضمت بنتها بألم وقهر على ظلم زوجها
___________________________
بعد صلاة العصر سويت القهوة وجلست مع أمي في الصاله وبدينا نسولف
قطعت علينا سوالفنا أختي وهي تتمخطر في مشيتها وبكامل زينتها:هاي
استغفرت بداخلي منها وقلت بسخرية:وعليكم السلام
ناظرتني باستحقار ولفت لامي وهي تقول بدلع ماسخ:مامي صاحبتي عزمتني مسويه جمعه للبنات بروحلها تكفين
ردة أمي عليها بحنان بالغ لها بس:روحي ياقلبي بسس لاتتاخرين
: حاظر مامي
قلت لامي وأنا مقهوره من دلع أمي لها الي بيدمرها:يمه الله يهديك وش تروح صديقتها كل يوم رايحه لصديقتها مايصير كذا ترا دلعكي هذا بيدمرها
ردة علي بوقاحه:اسكتي يالعانس انتي مقهور مني لأني عندي صاحبات مو زيك يا لعجوز ورجاء لاتدخلين بيني وبين مامي
ردة علي أمي وهي تقول:حوريه وش فيك على أختك خليها تروح وتتونس
ثم أردفت :يمه حور روحي لصاحبتك لاتتاخرين
قمت مقهوره منهم انا وش ذنبي إذا ما احد خطبني ليه مصرين يلقبوني بعانس وأنا مالي 27سنه دخلت غرفتي وأنا إداري دمعتي ليه أمي تفرق بيني وبين أختي بس لانها أزين مني
وقفت قدام المرايه طيب انا ماني شينه ملامحي مقبوله ليه الكل يستهزئون فيني ما اكذب عليكم لو قلت ما أغار من أختي إيه أغار منها لانها أحلا مني والخطاب يجونها وأنا ولا واحد خطبني
استغفر الله يارب ما اكرها بس أغار منها مسحت دموعي ومسكت القران انيسي الوحيد في هذا الدنيا
مَهمُا تطَاولوا عليَك الآخُرينَ وزادوا فَي التجْريح اعتمُدَ على هُذةَ القناعَة منَ تقُتله الغيُرةَ يبَدأ بالسُخُرية *
_________________________________________
:شوف لك الي تبي بس جيبلي البنت
:أبشر من عيوني بس مافي شي ببلاش
:لك مئة ألف هاه وش قلت
:خلاص اتفقنا
هه ابتسم بمكر هين يابنت أبوك إذا ما وريتك ما أكون ولد أبوي تهدديني يابنت الكلب هاه
__________________________________________
صحت من النوم كالعادة متأخرة عن صلاة العصر تعوذت من الشيطان وقامت تصلي خلصت صلاتها نزلت تحت لقت أبوها وجدتها وأمها يتقهون ردت السلام: سلام عليكم
الكل :وعليكم السلام
أبوها :هلا والله ببنيتي رحوب قالها وهو يضمها
الجده:صح النوم ليش متعبه حالتس وقمتي كان كملتي
رحاب:حرام عليك جده والله تعبانه دومت وأنا مواصله
الجده:وش حادس لاترقدين هاه
رحاب:علي اختبار صعب ورحت الذاكر ستي جبيلي غدا
أمها:وانتي ليش ماترحين تخذين غداس بنفسس
رحاب:كسلانه لقوم
أمها:مدام انتي على هل حاله والله لينطلس رجالس ما تقعدين عنده ليله وحده >كلام أمي لي ههههع
رحاب:احول يارجالي ذا الي بلشتوني فيه إذا تزوجت يصير خير
الجده توجه كلامها لام رحاب:أقول علمي بنتس على الطبخ ماتدرين أمكن تزوج بدري ثم تتورطين
أمها :هي تعرف بس باقي القرصان
رحاب:ماني متعلمه القرصان تبينها تحرق يدي اصلن انا بتزوج واحد حظري مايعرف القرصان
صح يبه زوجني حظري مابي من الديره
هز أبوها راسه:إيه يصير خير
الجده:إيه هين إذا ماتزوجتي من عيال الديره



على طاري الديره اليوم زواج ناجي بعد شهر من التجهيزات لزواج
وأهل القريه مرا فرحانين حيث انصبوا الخيام خيمه للحريم وخيمه لرجال
بدو الرجال يتوافدون من بعد صلاة العصر لان بعد صلاة العشاء ينتهي الزواج حسب عداتهم
بدو الرجال برقص بسيوف وطلق النار معبرين عن فرحتهم بهذا الزواج
بعد صلاة العشاء زفو المعرس على عروسه وهم يمشون ورا بسياراتهم وهوم يضربون البواري ويطلقون النار
أما عند العروس
كانت تجلس في استحياء حيث كانت مزينه لابسه فستان ناعم لونه ابيض شعره تاركته على طبيعته كحلت عيونها الواسع وحطت فلوس احمر خفيف ويدينها مزينه بالحنه >اعذروني ما اعرف اوصف
باست راس بنتها وهي ماسكه دموعها:مبروك يمه
ردت بحياء:الله يبارك فيس
أمها :هلله برجلس حطيه بعيونس
عواطف :ان شاء الله يمه
سلمو البنات على اختهن وطلعن لان المعرس بيدخل
دخل المعرس ومعه أبوها واخوانها
باس جبينها وهو يقول:مبروك
ردت بصوت غير مسموع من الحياء:الله يبارك
:مبروك يابوس منك المال ومنها العيال قالها وهو يحب راس بنته
جلال:مبروك عطوف وأخيراً تزوجتي مابغيتي
صلاح:ايوالله مابغت نشبه
انس:شفتو عاد الوراعين تزوجو وحنى لا تكفى يبه زوجني والله أني اشتهيت بناجي
ناجي:قول ماشاء الله لاتصكني بعين
انس:عيني عليك بارده مشاءالله عليك
طلعوا من عند أختهم بعدما باركوا لها

تقطر من ثغر السماء رحمات تغسل الطرقات وتغمر قلوب البشر انسا
تمحو من قلب المحزون حزنه وتطهر الموجوع من وجعه وتبعث السعاده في النفوس
هكذا تهيأ الأرواح لاستقبال الخيرات لعمر زهيد
في الساعه الواحدة بعد زواج ناجي حيثما تسقط الأمطار بغزارة على أهل القريه
سبحان الله بعد زواج ناجي نزل عليهم المطر خاصه وهم في الربيع
صحا على صوت ضرب الباب المتواصل
طلع من الغرفة وهو يركض تحت المطر رايح يفتح الباب الي أزعجهم من كثر مايدق يارب تستر عساه خير فتح الباب طاحت بثقلها عليه قال وهو مفزوع:عواطف وش فيس
_____________________________________
نهاية البارت توقعاتكم
ياترا عواطف ايش جابها ليلة زواجها؟
ياترا طيف بتزوج وليد؟

 
 

 

عرض البوم صور لحظة امل24   رد مع اقتباس
قديم 13-09-13, 09:25 PM   المشاركة رقم: 3
المعلومات
الكاتب:
اللقب:

البيانات
التسجيل: Sep 2013
العضوية: 258468
المشاركات: 23
الجنس أنثى
معدل التقييم: لحظة امل24 عضو بحاجه الى تحسين وضعه
نقاط التقييم: 16

االدولة
البلدSaudiArabia
 
مدونتي

 

الإتصالات
الحالة:
لحظة امل24 غير متواجد حالياً
وسائل الإتصال:

كاتب الموضوع : لحظة امل24 المنتدى : ارشيف خاص بالقصص غير المكتمله
افتراضي رد: معزوفه تعزفها افواه الذكريات/بقلمي

 

البارت الثالث
على كف القدر نمشي ولا ندري عن المكتوب
عبارة كنت أرددها صدق من صاغ معناها



مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا


تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها


من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا



وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها



نظرت الناس من حولي وكم بالناس هو منكوب
حوادث هزه الوجـدان أجـل بالعـيـن شفناها



ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس لـذيـذ النوم يهـنـاها



متى يحـالفـنـي الحظ ويصحح وضعـي المـقـلـوب

يعـدل قسـوة الأيام وغلطة ما ارتـكـبـنـاهـا




يجلس بمكتبه الفخم الممزوج بالون البني الغامق والفاتح معطي المكان منظر رائع وعلى يمينه مكتبه صغيره فيها مجموعه من الكتب مصفوفه بطريقه منظمه تدل على ثقافة صاحبها وعلى يساره كنب بالون الأسود مصنوع من الجلد متفرق بطريقه جميله أرخا جسمه على الكرسي وعينيه مركزه على شاشة الأب توب وهو مؤشر الأسهم
يقطع عليه طرقات على الباب تستأذن بدخول صاحبها ابعد نظره عن الشاشه وهو يقول:تفضل
دخل بهدوء وألقى السلام بأحترام :السلام عليكم
ركز نظره عليه وهو يرد السلام بهدوء:وعليكم السلام
مد له الملف :هذا الملف الي طلبته
عدل جلسته وهو يردف:مشكور نزلها ع المكتب وتفضل روح لشغلك
:ان شاء الله تامر على شي
:سلامتك
راقبه بنظراته وهو يخرج من المكتب تنهد براحه أي تصرف بتصرفه محسوب عليه احتى انه مراقب وهو يبي العصابه تثق فيه سند راسه على الكرسي شكثر اشتاق لأهله له سنتين ما شافهم هو بنظرهم ميت سرح لخياله لذاك اليوم الي تغير فيه مجر حياته
:سلام عليكم
:وعليكم السلام
:قالي العسكري انك تبيني
قال بتردد : ايه حياك بصراحه حنى نبيك مهمه لصالح الوطن
قال بشجاعته المعهودة وحب الوطن يسري بدمه:أمر انا كلي فدا للوطن
:مايامر عليك عدو في عصابه تهرب المخدرات للوطن حولنا نمسكهم بس ما قدرنا قائدهم ذكي وصعب الوصول له فقررنا بعد ما اجتمعنا احنى الضباط ان واحد من العسكر يدخل مع العصابه نبي نعرف مخططاتهم
فما لقينا شخص مناسب الا انت
تكلم بدمه اعتلت تقاسيم وجهه :قصدك أني أصير واحد من العصابه
هز راسه علامه للإجابة
تكلمم بتردد:بس صعبه المهمة وأنا موقدها
:الا قدها ونص فكر آمالنا كلها عليك انت الوحيد الي تقدر تساعدنا ان نمنع المخدرات تنتشر ونمسك العصابه
قال وهو في حير:بفكر واستخير عسى الله يكتب الي فيه الخير
:خذ راحتك بس لأطول علينا
صحى من أفكار على صوت الأذان وهو يصدح في المكان قام يتوضأ وهو يتعوذ من الشيطان ويتمنى من الله ان يسر له أمره
_______________________________________________
جالسه تتابع البرنامج بصمت حيثما يروي الشيخ قصة ذالك الشخص الذي لم ينجب أطفال منذ سنوات فستمر على الاستغفار والآن لديه ثلاث أولاد
سؤال يتردد في بالها انا ليه ما استمر على الاستغفار عسى الله يفرج همي أجزمت بنفسها أنها بتستمر على الاستغفار
لها سنه معلقه مو راضي يطلقها وأبوها واقف ضدها يبيها ترجع له كيف ترجع له وهو سكير
ما يخاف ربه الثلاث الشهور من زواجهم ورها أنوع العذاب هربت لها وهي تطلب الطلاق مو راضي يطلق الا بخمسين ألف
قطع عليها تفكيرها صوت فتح الباب هذا أبوها جاء سرا الرعب في أوصالها قامت وهي تتخثع في مشيتها كيف تقابله وهو اصلن مايطيقها حتى انو ما يصرف عليها أختها من أمها هي الي تصرف عليها دخلت الغرفة وهي تسكر الباب وتتأكد عدت مرات من القف تنهدت براح
صرخ بأعلا صوته الي يسبب الارتجاف والخوف لأهل بيته :وينهوووووووو
جاته وهي ترتجف من الخوف :منهو يبه
سحبها مع شعرها وهو يهزها:اخوس وينه
ردت بألم :أي يبه أي واحد
رماها على الجدار بقوه:غيث الله يخذس
أشرت بيدها اتجاه غرفته
دخل على ولده زي الأسد الهائج دف الباب بكل قوته
صحى غيث برعب وهو يشوف شكل أبوه الهائج ما حس الا وبوه يضربه بكل وحشية شسالفه ما يدري
قال وهو يضربه :الله يأخذك فشلتني متى تعقل هاه لا متى
ترك ولده وهو يسب ويشتم ويلعن
طلع من البيت تارك خلفه ولد مجروح من اب ظالم

جاته وهي تسحب نفسها ما تقدر تتحرك ضربة أبوها لها كسرتها ضمت أخوها الملقى العاجز عن الحركة من قوة الضرب وهي تبكي بألم :غيث فيك شي
ضمها زياده وهو يمسح ادموعها قال بتماسك:لا تبكين مافيني شي طيف أبوي شافها؟
:لا ما شافها دخلت الغرفة وسكر عليها
ثم أردفت :أبوي ليه ضربك
قال بألم :تلقين وازته علينا في احد غيرها
قالت بألم :حسبي الله ونعم الوكيل
قام مهمهم بالخروج وهو يدوب يشيل نفسه
:وين بتروح
:بطلع أشم هوا
طلع من البيت وهو يتمنى ما يرجع له مرا ثانيه


قمــتُ مــن الســرير سريعــاً .:. على صــوت أبـي مجيـبـاً

فـوجـــدتـه قــــد نَــهَـرَ أمـي .:. وضــرب إخــوتـي ضــربــاً شــديــداً

فقـلتُ لنفسـي ما الـذي جـرى .:. تغيـر هـذا الأب تغييـراً شـديداً

يعـاملنـا في البيـتِ بقســوةٍ .:. وفي خـارج البيـت تصـرفـاً عجيـبـاً

صبـرتُ على هـذا الحـالِ متـألمـاً .:. أتـألـم كـل يـوم ألمـاً شـديـداً

صــبرتُ فــلم أجــد منهـم مفـراً .:. أصبحـت بيـن أهـلي إنسـانـاً غريبــاً

تـألمـتْ نفســي ومـرضـتُ مرضـاً .:. فـلم أجـد لشـفآئـه طبيــبـاً

أنـادي وأشكـو فـلم أجـد .:. إلا رب العبـادِ مجيـبـاً

يـارب أسـألـكَ الثبـاتَ فإننـي .:. قـد ضـاقت بـي الدنيـا ضيـقاً شـديداً

فأُضــربُ كـل يـومٍ ضربـاً مبـرحـاً .:. وهـذا الآن حـالي حـالاً كئيبـاً

وأُطـرد يـومـاً مـن البيـت مُهــانـاً .:. فـما أجـد صاحبـاً ولا حبيــباً

فدعـوتُ الله أن يخلصنـي .:. مـن هـذا الغـم ويخرجنـي سليـماً

تغيَّـر قـلب أبـي الـذي كـان .:. لا يرحـم قريـباً ولا غريـبـاً

وذهـبت القسـوةُ وأصـبح قلبـاً .:. عطـوفـاً رقيقـاً بالأُنـاس رحيـمـاً

فللهِ ربـي الحمـدُ رب القـلوبِ .:. مقـلب الأحـوال تقلبـاً عجيــبـاً

__________________________________________
في خاطري الكثير من الكلام لأبوح لكم به

ولكن عندما تدمع العين وينفطر القلب وتتهشم المشاعر

تضيع الحروف وتذبل الكلمات وتمحى كل العبارات

وعندما لا يملك القلب ما يقول ولا اللسان ولا العقول

تنهمرالدموع وتنطفي الشموع.......
رسالة لبيتي
إني معاق يا أمي وأعلم خجل أبي مني
بين جدران البيت تم ردمي
وبأخي السليم تمارسان جلدي
فله جميع الحياة وأنا حبيس قبري
هيا غطوني عن عيون الوجود
وتفاخرا بسارة وسعود فهما رحيق العمر
وزهرة المستقبل وطموح القادم وفجر كل صباح
فهما أمل وأنا موت وهما قوة وأنا عجز

رساله لمجتمعي
مهلا أيها المحيط فقبل أن تغرس
إبرة الدواء في جسدي الضعيف
وتبني لي دار متخلف بغيض
وتعاملني كدابة ظلت طريق راعي القطيع
وتصرخ في وجهي ليس هناك عمل
لمعاق مريض فأنت عالة وتكلفنا
رعاية خاصة فلا تحلم أن تكون
نافعا في هذا المحيط ....


رسالة لمؤسسات الرعاية
كحيوانات السرك أعامل
أساق أمام أصحاب السعادة والمعالي
والحضور لتتفاخروا وتصعدوا على
كرامتي بين يد المسؤول أنا إنسان وشعور
ولست سلعة عرض أمام الجمهور


رسالة لعيون تطاردني
بين نظرات الشفقة والحذر
والضحكة في بعض العيون
لست كما تتصورون أنا
أنا موهبة وإبداع وإرادة
وتحدي وصمود أنا من علمكم
معني الحياة في ظل القيود
أنا من تعلم الحديث باشارة
لأمارس الحياة كما تمارسون
أكتب بلغة اللمس وأمسك
الريشة والقلم بين الضعف
والقوة وأعبر بالرسم والخط
أنا الكثير من العزم والانتصار
فقد وهبني ربي طاقات
كلهيب الانفجار خذوا بيدي
فأنا احتاج الحياة والاستمرار

نزلها في أحدا المنتديات وهي تعبر بما فيه يتمنى احد يحس فيه يحس انه وحيد مايقدر يطلع من البيت يشم هوا زي باقي الناس كيف يطلع وهو مايقدر يمشي وبالأصل محد فاضيله يطلعه أبوه يتهرب منه ومرت أبوه تتفشل منه ودائم تتذمر منه تنهد بألم حرك كرسيه لتجاه الشباك
وهو يراقب أطفال الحاره وهم يلعبون
سبحان الله كان نفسهم قبل يلعب ويضحك بس شاء الله من ثلاث سنوات ان يجلس على هذا المقعد ما اكذب عليكم لوقلت انه يأس من الحياه كونه معاق ثقيل على أهل بعد وفاة امه الله يرحمها مافي احد اهتم فيه أبوه بعد زواجه انشغل عنه وإخوانه كل واحد لاهي في دنياه
هو لوحد بالبيت الحين لان الكل معزوم على زواج عمه الا هو ماعزم هه لانه معاق يخافون يتفشلون
تعوذ من بليس وهو يحاول يبعد الأفكار السوداء عن مخه
________________________________________

دخل البيت بهدوء بعد مافتحتله الخدامه اتجه لصاله حيثما تجلس عمته لقها جلسه على الكنب وقهوتها قدامها رد عليها السلام :السلام عليك
ردت السلام وهي ترحب وتهلل فيه :وعليكم السلام هلا والله بالغالي ولد الغالي
جلس على الكنب بخفه بعد ما سلم عليها :هلا فيك
أخذت براد القهوة وصبت له فنجال من القهوة مدت عليه الفنجان وهي تقول:حيا الله وسام مابغيت تزورنا يا لقاطع
أخذ منها الفنجال رشف من القهوة :الله يحيك انتم دوم على البال بس تعرفين مشاغل الدنيا قالها وهو يأخذ التمر من الصحن الي مدته له عمته ويدسها في فمه
العمه مزنه :الله يعين
قال بجديه:بصراحه يعمه انا جايك بموضوع مهم
العمه مزنه :خير اللهم اجعله خير
:ان شاء الله خير الحين لي عم اسمه ماجد
العمه بستغراب :إيه ليه تسأل
:طيب ليش أبوي ما قالي عنه
:هو يصير أخونا من أبونا وصارت مشاكل بينه وبين عمك محمد وبوك بعدها ترك الديره وابتعد عنا
:إها طيب شنو سبب المشاكل الي صارت بينهم
:والله مادري عنهم ماقلتلي ليه تسال
:أبد كنت اقلب في ملفات المرضى لقيت اسم ماجد راشد ال وستغربت من الاسم لأني ماكنت داري عن السالفة
:عساه بخير مو انت تقول من المرضى
:لا ان شاء الله بخير
جاتهم تتمخطر في مشيتها وريحة عطرها تسبقها ولبسها الله اعلم به قالت بدلع ماسخ وهي حاطه نفسها مدرت :آه وسام عندنا
غض بصره عنها وهو يستغفر الله داخله من منظرها قام وهو يقول لعمته:انا خارج تأمرين على شي
مزنه :لا سلامتك انتبه لنفسك
حور:آفا وسام ما تبي تسلم علي
طالعها باحتقار وطلع من البيت
تكلمت بقرف:وش فيه المغرور ما يرد علي
قالت أمها بعتب:انتي تعرفين وسام مايحب هذي الحركات جايته بدون غطاء وتبينه يسلم عليس
حور:أف خلاص فهمنا وأنا وش دراني عنه
تكلمت أمها بصبر :الله يصلحس بس
____________________________________________
يبـه شلـونك

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ...

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا.. وياماخذا.. وياما..خذا ناس يحبونك

يبه حنا غدينا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟


اشيلك داخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يبه وينك ؟؟
عسى الداعي يبه بس خير ؟!!
عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!

يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!

يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين ..!!

يبه شلونك ؟


ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابـيـي

ملل هالكون من دونك..


امي ابحث عنها كل ليله بين كومه الاحلام المتناثره

اتمنى لو يجمعنا الحلم لا نقطاع امل اللقاء

في الحقيقهاريد الحديث معها فقد طال الصمت جدرانه بيننا

كتمت انفاسي وثارت اشجاني

اريد ان ابوح بما في مكنوني

اريد الصراخ بكلمه

مرت ايام وشهور لم يتلذذ لساني بنطقها

ولكن سامعها قد ذهب

بعدها يكرمني الله ويريني حلما احضنها فيه

احادثها وتحادثني

اكفكف دمعي وكل ليله اتمنى ان اراك حلما لكنه يؤلمني اكثر

اه ... اه ... امــاه .....اماه .....اماه

الموت فرقنا ياغاليه ..اماه.. ياحبيبه

يامن تربعت في قلبي

يامن كنت لي الصديقه والاخت اراك في نعيم الاخره لماكنتي عليه من صلاح في الدنيا

فانتي نعم الام الصالحه فلا اصبر نفسي الا بالدعاء

بان يجمعنا الله في مستقر رحمته وفي النعيم الابدي



يامن لكي في القلب اعظم منزله ... كنت الحياه وبضها كنت الامل

يامن لذكراك انظم اعظم قافيه ..... فلقاك ما اسمو اليه على عجل

خارت قواي ولم تزال عيوني باكيه... وقتي يمر علي كالطود الجبل

توقف الحلم الجميل فلن ارك ثانيه .... اماه ينطقها لساني في وجل

الموت فرق بيننا يااماه ياغاليه ........ فالععمر يمضي دربه ذقت الملل

مر الحياه انا ذقته في فقدجك ......... مر تحول خالص الشهد العسل


تبكي بصمت وألم ثلاث أيام مرت على وفاة أمها وأبوها البيت اصبح يسوده الحزن مافيه حس
دخلت عليها أختها :بالقيس حبيبتي يكفي دموع ادعي لهم برمحه
ضمت أختها وهي تقول:راحو يشجون راحو من لنا غيرهم من الصبح عليها كل صبح واحب رأسها وتدعيلي من يعطيني مصروفي ويوصلني للمدرس
نزلت دموعها على كلام أختها مسحت دموعها وهي تقول :لنا الله هو الي أخذهم وهو الي جابهم
بعدت عن أختها وهي تقول:الله يرحمهم
مسحت على راس أختها بحنان:يالله ياقلبي البنات يستنونا على الغداء
قامت مع أختها وهي تمسح ادموعها
_________________________________
نهاية البارت آراءكم؟؟؟؟؟؟
لا تحرمونا من ردودكم

 
 

 

عرض البوم صور لحظة امل24   رد مع اقتباس
قديم 13-09-13, 09:26 PM   المشاركة رقم: 4
المعلومات
الكاتب:
اللقب:

البيانات
التسجيل: Sep 2013
العضوية: 258468
المشاركات: 23
الجنس أنثى
معدل التقييم: لحظة امل24 عضو بحاجه الى تحسين وضعه
نقاط التقييم: 16

االدولة
البلدSaudiArabia
 
مدونتي

 

الإتصالات
الحالة:
لحظة امل24 غير متواجد حالياً
وسائل الإتصال:

كاتب الموضوع : لحظة امل24 المنتدى : ارشيف خاص بالقصص غير المكتمله
افتراضي رد: معزوفه تعزفها افواه الذكريات/بقلمي

 

بليزززز ابي ردود إذا شفت ردود نزلت الرابع والخامس

 
 

 

عرض البوم صور لحظة امل24   رد مع اقتباس
قديم 13-09-13, 09:44 PM   المشاركة رقم: 5
المعلومات
الكاتب:
اللقب:

البيانات
التسجيل: Sep 2013
العضوية: 258468
المشاركات: 23
الجنس أنثى
معدل التقييم: لحظة امل24 عضو بحاجه الى تحسين وضعه
نقاط التقييم: 16

االدولة
البلدSaudiArabia
 
مدونتي

 

الإتصالات
الحالة:
لحظة امل24 غير متواجد حالياً
وسائل الإتصال:

كاتب الموضوع : لحظة امل24 المنتدى : ارشيف خاص بالقصص غير المكتمله
افتراضي رد: معزوفه تعزفها افواه الذكريات/بقلمي

 



تكلمت البارت الرابع


ابي الغالي اليوم سأخرج من قوقعتي لأقابل العالم وحدي اليوم يا ابي ستحصد ماجنته يداك في تربيتي
اليوم سأخبر العالم وأصرخ بأعلا صوتي انا اليوم أسجل في التاريخ رجلاً وداعاً يا قريتي الصغير اليوم سأثبت لأهلكي أني رجالاً
هذا حال لسان كلن منهم وهم يودعون أهلهم بعد شروق الشمس التي تزين السماء الصافية بخطوطها الذهبية لا يخلو الوداع من بكاء الأم ونصائح الأب واستهبال الإخوان ختموا الوداع بكلمة دعواتكم اتجهوا إلى سيارتهم وهم من كثر الفرحة يحسون ان الأرض مو شايلتهم لان اول مره يخرجون خارج القريه اسلكو طريق الرياض وفي كل خاطر واحد منهم أحلام وأماني
ياترا راح تتحقق؟؟؟ولا راح ينصدمون من الواقع؟؟؟

على كف القدر نمشي ولا ندري عن المكتوب
عبارة كنت أرددها صدق من صاغ معناها



مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا


تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها


من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا



وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها



نظرت الناس من حولي وكم بالناس هو منكوب
حوادث هزه الوجـدان أجـل بالعـيـن شفناها



ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس لـذيـذ النوم يهـنـاها



متى يحـالفـنـي الحظ ويصحح وضعـي المـقـلـوب

يعـدل قسـوة الأيام وغلطة ما ارتـكـبـنـاهـا


بعد 4ساعات ونص وصلو الرياض تفاجئو من منظرها الزداحم السيارات والعمارات العاليه
وكثرت البيوت بنسبه لقريتهم بيوتها ماتعدى عشرين بيت يعني صدمه عليهم
قال علي الي جاء يكمل دراسته مع اعيال جارهم ابو سعد وهو كبر صلاح وهو مبقق اعيونه :ياطولها طولها وهو يناظر برج الفيصلية
ضحك منه ابو نايف وهو يقول:قل مشاء الله لا تصكها بعين
قال علي وهو ماوده يفوته شي :مشاء الله تبارك الله
نزلو في احد الشقق الي استأجرها لهم ابو نايف دخلو الشقه وهم مبهرين منها
ضحك ابو نايف من علي وهو فاتح فمه مذهول من الي يشوفه ومن صلاح الي يجلس السرير وهو يقول:يازين بيوت أهل الرياض قصور مو بيوتنا خرابه
قال علي وهو ينبطح ع السرير :يا زينه النومه على الباليه ذا يتخفش
ضحك جلال وهو يتذكر كلام أبوه :انتبه لاخوك هوعليوي تراهم دلوخ ما يدرون وين الله حاطهم
ابونايف:انا بروح عندي أشغال تبون شي
انس:سلامتك
طلع ابو نايف من الشقه وهو يدل انس ع مطعم قريب يأخذون منه غداهم
________________________________________________
راح تختنق من ضغط يده عليها حاولت تفك نفسها منه ما قدرت أنزلت دموعها وهي تتخيل نهايتها
ماحست الا احد يسحبها من بين يدينه ويلفها ورآه ويمسكه مع ياقة ثوبه ويضربه ويعطيه بكس
قال وهو يهدده:والله ان شفتك مره ثانيه لتشوف شي ما عمرك شفته
سبحان الله الي جابه وقت حاجتها له جاي يتطمن على بنات عمه بعد ماعرف من المستشفى
ان فارق الحياه هو وزوجته
طرده برا البيت وهو يلتفت لبنت عمه فيك شي
هزت رأسها بنفي
قال بعتب :مره ثانيه ما تطلعي من البيت لحالك المره هذي سلمتي من السكير المره ثانيه مندري شيصير
الرتجفت وهي تتخيل ينعاد معها المره الثانية
:انا جاي التطمن عليكم بعد وفاة عمي الله يرحمه وعظم الله أجرك
ردة بحزن :أجرنا وجرك بس ماقلتلي من انت
:وسام سلطان راشد ال******ولد عمك
ردة بصدمه:ولد عمي أي عم انا ما عندي عمام
قال وهو مستغرب منها معقوله ما تعرف عمامها :الا عندك معقوله ما تعرفين
:لا ماعرف أبوي الله يرحمه ماقال لنا انا عندنا عمام
حس على نفسه انه طول معاها :أختي انا طولت معك وهذا مايجوز انا بخلي جدتي تكلمك
الحين ادخلي داخل لأني مقدر أروح وانتي برا لحالك
ردة بحياء ممزوج بخجل:ان شاء الله مشكور
:على ايش
:على ألمساعده
رد ببتسامه:العفو محتاجين شي
:سلامتك
قالتها ورحت ركض لداخل
طلع من البيت هو مستغرب من عمه ليه ماقال لبناته انه عنده إخوان يترا ايش السر الي ورا عمامه

دخلت البيت شجون وهي تحط يدها ع قلبها من الخوف وإحياء وخجل واستغراب مجموعه من المشاعر تجتاحها في نفس الوقت جتها أشجان وهي مستغربه من أختها :وش فيك
سحبت أختها وهي تقول:تعالي أقولك
جلست ع الكنب بجنب بالقيس وهي تقولهم كل السالفة
أشجان وبلقيس انصدموو مومستوعبين يعني كيف يطلع لهم عمام في يوم وليله
وليه أبوهم ماقال لهم علامة استفهام تدور حول هذي السالفة
__________________________________
يحس بالملل من كثر ماهو جالس بلحاله بالغرفة خاصه انو مافي احد يتكلم معه حرك كرسيه خارج الغرفة متجه لصاله عسى يلقى احد يتكلم معه على دخلته لصاله ارتعش جسمه من الي سمعه وده يموت ولا يصير معه كذا وش ذنبه انه معاق يحس انو رخيص مثله مثل الأثاث الي بالبيت مسك نفسه لا يبكي وهو يسمع مرت أبوه وهي تكلم بتلفون :أف من ذا المعاق طفشنا جيبوني وحطوني وسوو كذا مدري ايش أف ياخي فشل ابوه حتى انو اصاحبه ما يقلون الا ابو المعاق
ردت مره ثانيه وهي تقول:اصلن ابوه سجله بإحدى الجمعيات يعالجونه ويفكونه منه إيه ياختي غاثنا
حركه كرسيه وهو ماوده يسمع اكثر كلامها زي الخنجر يطعن قلبه المسكين ليه ما احد فاهمه وش فيه المعاق حاله من حالهم بس عشان ما يمشي دخل غرفته وهو يحس نفسه مخنوقه يارب رحمتك
تعوذ من الشيطان وهو يرفع يدينه يدعي ربه انه يهون عليه ويحنن قلب ابوه القاسي
_____________________________
وسط الظلام الدامس الذي يحيط بالمكان تسمع صوت صراخها وبكها وهي تقول :يممممه الحقيني لاتتركيني يمه انا أتعذب بدونك
صحت من النوم مفزوعه وهي تتعوذ من الشيطان وتمسح وجها بيدينه
: بسم الله عليس وش فيس قالها وهو يمد لها كوب المويه
أخذت كوب المويه وشربت منه شوي قالت وهي ترجع الكوب مكانه :سمعتها تناديني وتستنجد
:تعوذي من الشيطان ان شاء الله ما فيها الا العافية
أنزلت دموعها وهي تقول ان شاء الله
انقلبت ع الجهة الثانية وهي تتعوذ من الشيطان
______________________________
نهاية البارت
لا تحرموني من توقعاتكم وردودكم؟؟؟؟

(رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ

 
 

 

عرض البوم صور لحظة امل24   رد مع اقتباس
إضافة رد

مواقع النشر (المفضلة)

الكلمات الدلالية (Tags)
معزوفه, الذكريات/بقلمي, افواه, تعزفها
facebook



جديد مواضيع قسم ارشيف خاص بالقصص غير المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:53 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية