لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


روايه ليندا

بسم الله الرحمن الرحيم.. اشهد ان لااله الا الله واشهد ان محمد عبده ورسوله.. لاحول ولا قوة الا بالله العلي العظيم.. آسمحوا لي بالانضمام لمنتدى ليلاس...

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 03-09-13, 02:37 AM   المشاركة رقم: 1
المعلومات
الكاتب:
اللقب:

البيانات
التسجيل: Sep 2013
العضوية: 257912
المشاركات: 2
الجنس أنثى
معدل التقييم: فرانسيشيكا عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
فرانسيشيكا غير متواجد حالياً
وسائل الإتصال:

المنتدى : الارشيف
افتراضي روايه ليندا

 

بسم الله الرحمن الرحيم..

اشهد ان لااله الا الله واشهد ان محمد عبده ورسوله..
لاحول ولا قوة الا بالله العلي العظيم..



آسمحوا لي بالانضمام لمنتدى ليلاس...

فالشرف لي بأن آبداء آول بارت لروايتي هنا معكم...

آنا كما الجميع قارئه وسأظل قارئه...

آحب آقدم لكم آول كتآبآتي وآتمنى تعجبكم...

رواية (ليندا)


للكاتبه:francesheka

................................................

على ذاك الطريق اللي يسمونه غـرام أحبـاب
وطت رجلي على دربه ولاأدري وش نوى فيني


تبعته لآخر دروبه .. ألين أن القمر قـد غـاب
تعـب قلبـي ، ولا تعبـت مسافـاتٍ تودينـي


لقيت الليلة الجردا : هدب ظل وسما واعشـاب
بعـد ذاك الظـلام اللـي يتوهنـي عناويـنـي


صدفتك معجبه فيني وياليت..الغرام : اعجـاب
وتراك انتي ليندا اللـي هقيتـك تستحقينـي


عطيتك عشق من قلبي..وسلمت لغـلاك رقـاب
وغيـرك يحتـرق قلبـه ولا يقـدر يحاكينـي


أنا قبلك صدفت عيون لكن ويش جاب لجـاب
ترى كـل العيـون اللـي لقتنـي مـا تكفينـي


رماني حظي العاثر عليك وجيـت لـك طـلاب
ولا أنتي اللي عشقتيني ولا انتي اللي عتقتينـي



تعالي واعتقي ذاك الخفـوق المولـع المرتـاب
ماهوب لاجلي ، عشان الله يجازيـك ويجازينـي



تعدي في سما عشقي ولو عشقي خراب أصحاب
وصوني بالهوى نفسك قبل لا انتـي تصونينـي



وشيليني على متنك : خفـوقٍ بـاريٍ منصـاب
ومن فوق الغرام العذب .. شيلينـي وحطينـي



ولا منك هقيتيني شجـاع ومـا يطيـق يهـاب
أنا لك بالهـوى والله مثـل مـا انتـي هقيتينـي





أنا ما أمشي ورا غيرك ولو أنـه يطـق البـاب
وترى عيبٍ عليّ أطعن..ولو كثـرت سكاكينـي



زهودٍ مـا يطيـق الـدم لا دايـن ولا طـلاب
شجاع وعارفٍ نفسـي وأظـن أنـك تعرفينـي



غيورٍ ماعرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونيـنـي



إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشـقٍ يوطّينـي



أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي



سؤالك لو يزعزع بي كياني مـا قبلـت عتـاب
اجي لك وأسالك نفس السـؤال اللـي سألتينـي



عن العشق القديم أبواب .. تقفيها كثيـر أبـواب
بعد ذاك الحبيب اللي خدعنـي وانخـدع فينـي



أبي عشق تحسب له كل نظرات العيون حسـاب
وابي قلبٍ علي قلبي ، وابى ديـنٍ علـى دينـي



وابي نظرة عطا توفي ولا تخلف بدون أسبـاب
وابي منك قبـل لا نتـي تصدينـي .. تودينـي



وابي دربٍ على العذال صعبٍ ومتعبٍ وغـلاب
وابي نفس الطريق الصعـب يبعدهـم ويدنينـي



ترى لو للقلوب عيون ولدموع العيـون أهـداب
حشى ما تنزل الدمعـه لغيـرك لـو تركتينـي



أنا أول من عرف قدرك وأنا توي صغير وشاب
وابي منـك مـا دام أنـك عرفتينـي تحبينـي



ما دام أني لقيتك في طريق أسمه غرام أحبـاب
دخيـل الله ، وبعـد الله دخيلـك .. لا تخلينـي



ما دام أن كل من يحيا على وجه التراب تـراب
عسى تنسانـي الدنيـا مـادام أنتـي ذكرتينـي



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
البارت الاول


دخلت بيتهم...توجهت للمطبخ..لكن استوقفها صوت عمتها زوجة ابوها...
صالحه بحده:ليندا على وين..؟
ليندا: ابروح افطر جوعانه..
صالحه بتهديد:قبل لاتطلعين رتبي البيت سامعه..
ليندا: ليه الحين!!خلي لحتى اجي..
صالحه:انا اللي أأمر وانتي تنفذين وياويلك ان مالقيت البيت يلمع ...
ليندا:ليه بيجي احد!؟
صالحه:وانتي وش عليك ان جاء احد او لا..اسمعي الكلام وانتي ساكته...
الله ياخذك مثل مااخذ امك ويريحني منك...
ليند: وياخذك ان شاء الله..
صالحه راحت لها وبعصبيه :نعععم ان كنتي بنت امك وابوك عيدي اللي قولتيه..
ليندا:وليه ماعيده خايفه منك انتي ووجهك...قولت الله ياخذك ان شاء الله...


ماحست الا بكف ورفسه قويه ببطنها خلتها تستفرغ كل شي ببطنها...


صالحه تشدها مع شعرها:والله ان طلع منك هالكلام ثاني مره ليكون ومايكون سااامعه..
ليندا ماقدرت ترد عليها لان الالم اللي تحس فيه اكبر من اي شي ثاني..
قامت وبصعوبه وصلت التواليت..
استفرغت وهي تحس روحها بتطلع من قوه الاللللللللم...
ظلت تبكي وهي جالسه على الارض...
راحت لها صالحه:كل ذا البكى عشان كف بسيط وش ذا الدلع فيك...
قومممي لازيدك روحي غسلي الصاله قبل لايقوم ابوك...بسرعه قداممي..

قامت من دون اي كلمه راحت تاخذ المكنسه والمويه ونظفت الصاله وجهزت الفطور..
وطلعت رايحه المدرسه مع سواق الباص استقبلوها صديقاتها وع الساعه 8:30..
ليندا:بنات الله يخليكم انا بنام واذا انتهت الحصه قوموني..
رنيم بخوف:فيك شي..؟
هاجر بحنيه:حبيبي تعبانه اوديك الارشاد..
ليندا بتعب:لاشوية الم وان شاء الله يروح...
غفت حوالي ربع ساعه شوي تصحيها غاده..
غاده بهدوء:ليندا ليندا يلا قومي خلصت الحصه..
هاجربعصبيه على غاده:بالله كيف تقوم مع صوتك اللي يالله ينسمع..
انتي لاعاد تصحين الناس ماتعرفين تصحين..
غاده عصبت من هاجر:يلا قوميها انتي اشوف...
هاجر بصراخ ف اذنها :ليييييييينداااااااا....
قامت ليندا مفجوعه وهي تشهق :هاااااااااا وش صاااااييرر..
البنات كلهم ضحكو عليها من شكلها المعفوس وهي عصبت لكن ماقامت..
تضرب هاجر لان الالم لسى يهاجمها..
نزلت للارشاد..
ليندا:استاذه ابى اروح بيتنا..
المرشده:ليه فيك شي..
ليندا: تعبانه من الصباح..
المرشده:عطيني رقم ولي امرك...
ليندا: ابوي سافر اليوم ومافي احد يوديني...
المرشده:لحظه بدق على ابو علي اشوف اذا فيه احد من السواقين..
موجود...انتظري شوي..
ليندا جلست ع الكنبه..

المرشده :ليندا روحي جيبي اغراضك ابو علي يقول صدام موجود..
قامت ليندا تجيب اغراضها .....طلعت لصديقاتها..
رنيم:ها لقيتي احد..
ليندا: اي السواق صدام بيوديني..
هاجر شهقت بفرحه:هاااااااا...ياحظظظظظككك المزيون ذاك بيوديك وانتو لحالكم بالباص..
روابي برجاء:ليندا انتي تعبانه اوصلك معاه لبيتكم..
وارجع هنا قولي للمرشده الله يخليييك..
هاجر: هههيييييييي انتي روابي وش تروحين معها اللي يسمعك..
يقول تقربيله تراك مب محرم له..
ليندا بتعب:وربي فاضين انا وييين وانتو ويين...يلا بروح هو ينتظرني باي...
الكل : الله معك..
هاجر بغمزه :تهني فيه هاا لاوصيك..

ركبت ليندا الباص وكان راكب صدام سواق الباص..
ليندا: السلام عليكم..
صدام بخشونه: وعليكم السلام ....وين بيتك؟؟
ليندا وصفته بيتها وبما ان الطريق طويل نامت..
صحت على صوت رجولي يصحيها ويضربها على خدها بخفيف قامت مفجووعه وبهالحظه..
ادركت انها من دون غطى لفت الشيله عليها بسرعه..وعدلت جلستها..
صدام:بسم الله عليك...يلا انزلي وصلنا..
نزلت بسرعه وهي تتنفس بقوه من خوفها دخلت على طول الملحق وارتمت على فراشها
ونامت...

,,,,,,,,,,,,,,,,,,,,,,,,,,,,,,,,,,,,,,,
ف المدرسه وتحديدا عند هاجر..
هاجر بهيام:ااااااءءءءء يخققق يارنيم ليتك تشوفينه..
رنيم:طيب هو متزوج..؟
هاجر:فال الله ولافالك ان شاء الله مو متزوج الله يجعلني من نصيبه...
روابي بعصبيه مفتعله:منو هذا اللي تكونين من نصيبه هاااااا...
هاجر بحب:صدام الله يطعني عنه...
روابي:ويطعني عن ذاك الخققه....بس المشكله ماهو يودينا مدري من يودي..
هاجر :اليوم نروح عنده ونسأله وش رايك..
روابي بحماس :قسم انك جبتيها
رنيم:اقوووول آنتي وياها روحو ذاكروا الاختبار وخلو صدام عنكم...
غاده:آي صادقه رنيم روحو ذاكرو....بس ياحليلكم والله صععععب مممره تستاهلون...
لو ذاكرتوه ف البيت كان ارتحتوا الحين..
هاجر وروابي بعدم اهتمام:يووووه فاضيه انتي..


عالساعه 1:30نادى للباصات طلعو روابي وهاجر مستعجلين..
دارو كل الباصات لكن مالقوه وف الشارع ماهو موجود..
هاجر بخيبة امل:يووووه هذا وقته يكون ماهو فيه..
روابي :خلاص لبكره وتكون ليندا معانا..
هاجر بتساؤل: مو ليندا ماتطيقه..
روابي: ويييييييين ماتطيقه قسم انها تعشقه حد الترف.... هذاك اول ماشافته قالت مو حلو..
بس بعدها دققت وخقت عليه..
هاجر: مالومها وربي احد يشوفه ومايخق عليه..
روابي:بس اسمه مو لايق عليه...وبحب... يعني كان لازم يكون رعد ولا طارق او اي اسم حلو...
هاجر:لا وين صدام لايق عليه وبقوه بعد...

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,

عالساعه 7 المغرب صحت ليندا وراحت للبيت لقت عمتها تكلم اشرتلها عمتها تجي عندها..
راحت لها بعد ماخلصت المكالمه..
صالحه ومن دون ماتناظر في ليندا:غسلي ملابسي وروحي الملحق اليوم مابيك بشي..
ليندا بضعف:طيب..
غسلت الملابس وعلى طول راحت تنام من التعب اللي تحس فيه من كثر الغسيل..
نامت ع الساعه 11...

صحت الصباح وهي تحس بنشاط لكن تحس قلبها مقبوض مو مطمنه لهاليوم لكن..
تفائلت خير وصلت الفجر وقرت شوي من القران ولبست وراحت تنتظر الباص...دقايق
وكان الباص عندها..
ركبت واستغربت لما ماكان ف الباص احد ..
كان فاضي ومافيه ولا بنت وكان صدام هو اللي ماخذها...
كان متلثم وهي استغربت ماهي من عادته يتلثم...

ليندا ف نفسها: يخقق باللثمه اااءءءء ياليت روابي وهاجر يشوفونه...
معي قسم ان يتسدحون عنده...
جلست بالمرتبه الاولى وهي نظراتها بالمرايه في عيونه وتتامله...
ماحست انه بلحظه لف عليها وبعدها هاجمها صداع قوي وماعاد شافت شي...

.................................................. ..........

انتهى البارت ان شاء الله لما القى تفاعل انزل البارت الثاني
ابي تشجيع عشان انزله حبايبي
.................................................. ......
FRANCESHEKA
لااحلل مسح اسمي من على الروايه

 
 

 

عرض البوم صور فرانسيشيكا  

 

مواقع النشر (المفضلة)

الكلمات الدلالية (Tags)
ليندا, روايه
facebook




جديد مواضيع قسم الارشيف
أدوات الموضوع
مشاهدة صفحة طباعة الموضوع مشاهدة صفحة طباعة الموضوع
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:09 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية