لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > ارشيف خاص بالقصص غير المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية


رواية بعيدا عن حدود الوطن/ بقلمي

" بعيدًا عن حدود الوطن " ~~~~~~~~~~~~~~ لكل منا احلام من الممكن ان تتحق ومن الممكن ان تكون احلاما حقا هذا ماحصل مع اسيل تحلم وتحاول تحقيق حلمها

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 19-08-13, 09:08 PM   المشاركة رقم: 1
المعلومات
الكاتب:
اللقب:

البيانات
التسجيل: Jul 2013
العضوية: 255233
المشاركات: 12
الجنس أنثى
معدل التقييم: "نبض" عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
"نبض" غير متواجد حالياً
وسائل الإتصال:

المنتدى : ارشيف خاص بالقصص غير المكتمله
افتراضي رواية بعيدا عن حدود الوطن/ بقلمي

 



" بعيدًا عن حدود الوطن "
~~~~~~~~~~~~~~
لكل منا احلام من الممكن ان تتحق ومن الممكن ان تكون احلاما حقا
هذا ماحصل مع اسيل تحلم وتحاول تحقيق حلمها فهل سيساعدها المجتمع ع ان تكون اعلاميه تمثل دينها ومجتمعها ام سيدفن احلامها بسبب عادات وتقاليد

هيا سنبدأ رحلتنا مع حياة تملؤها المحبه والمغامره والحب والتفاؤل ههه والاكشن وكما هو معهود مسمى الفله

اتمنى ان تتقبلوني بصدر الرحب واتمنى ان لاتشغلكم الرواية عن صلواتكم فان مقصدي الحقيقي من الروايه مناقشة بعض الامور في المجتمع وتبين عقيدتنا عقيدة الاسلام واتمنى ان تكون الروايه شاهدة لي لا علي

اتقبل الانتقاد في صفحتي او في الردود هاهنا وانا هنا لارى ماتتمنونه
ودي لكم اختكم نبض
~~~~~~~~~~~~~
1. " من هنا ستكون البداية "
الساعه10:30الصباح
: وين ابوي
:راح لشغله
اسيل: الله اكبر غريبه وش مودي ابوي الحين لاحقين بعدين
هدى: ووراك ماتصيرين مثل ابوك لك سنة عاطلة عن الشغل لاشغل ولا مشغله
اسيل: والله عارفه يمه كل ماجيت بقدم على شغل ابوي يرفضه وش اسوي
: والله كنت رافض قسمك من الاول بس ماحد سمع لي استاذه اسيل
اسيل: عبدالعزيز والله من تفكيرك المعقد
عبدالعزيز: والله من تفتحك الزايد
اسيل: اقووووول وش رايك تروح لجامعتك
عبدالعزيز: قاعد ع قلبك اليوم ماعندي جامعه
اسيل : لاابوكم ارووح اكلم ريناد ابرك لي
عبدالعزيز: لاتحسبين الناس مثلك قاعدين ببيوتهم
اسيل: هي مرسلة لي اتصل عليها
اسيل: هلا والله ي حي الله ريناد
ريناد: هالله تحييك
اسيل: الا وراكم يالجامعيين قاعدين ببيوتكم لايكون الملك معطيكم اجازه وانا مادري ههههههه
ريناد: لاابد بس عندي اوووف
اسيل: اها المهم ريناد تعرفين وش افكر فيه
ريناد : هاه ي عبقرينو وش تفكرين فيه
اسيل : افكر ابتعث
ريناد: هههههه تستهبلين صح
________________
ومن الجههة الاخرى
: اقول بنات ابي اطلع من ذا
سحر: ريم حبيبتي نامي نامي
ريم: ي امي انا طفشانه اه عاد تصدقين قاعده امس اسولف مع عبدالله اخوي اقوله ودي اجرب شعور النحشه من المدرسه قعد يضحك تتوقعين يسويها ههههههه
رهف: والله انكم مخفه انتي وتوامك
ريم: اييييه ان هجيت وخليته يهججني مااكون انا ريم بنت احمد
سحر: طيب المهم بنات شفتوا هنوف وراها غايبه
رهف : لا ليييه
سحر: انا اسالك
: بنات فيه عندكم بنت اسمها ريم احمد
ريم: يمه وش مسويه انا وش يبون فيني
سحر: هههههه اللي يسمعك يقول بيخطفونك رووحي شوفي وش يبون منك
ريم: انا ريم احمد
المراقبه: خوذي اغراضك واطلعي ابوك ينتظرك
ريم: اما عاد
المراقبه: ايش
هههههه والله انك خبله ريم..... ريم ترا بتنطردين
هذا اللي اسمعته ريم من بنات فصلها فصل الثالث متوسط
ريم: لا استاذه ولا شي الحين بشيل اغراضي
رجعت ريم لمكانها
ريم: بنات من جد من تتوقعون جاني تتوقعون عبدالله اخذ كلامي جد امس
سحر: عبدالله من وين له سياره
ريم: ايه والله اقول يالله باي
رهف : ي هلا والله
ريم بقلبها" من بيكون جاي ياخذني"
يوم طلعت ريم برا شهقت " سيارة السواق وش جايبه مستحيل ارووح مع السواق وتونا بدري ي ويلي"
: بنت ذاابوك
" يربي وش اقووول " : هاه اييه سواقنا برووح
يوم فتحت الباب الخلفي
: كومارو ودني البيت
: ان شاء الله عمتي اوامر ثانيه
: عبدالله ي حيوان هذا انت
عبدالله: هههههههه شفتي كيف اسوي اللي تبيه اختي
ريم :وقف بركب قدام
عبدالله: طبعا بوقف تبيني اصير مثل السواقين ههههه
ريم: اقول عبدالله انت توامي وفاهمني وكذا وش رايك نطلب من برجر كنج تكفى جوعانه
عبدالله: حتى انا مثلك
ا______________
: خالد السالفه قديمه لاتفتح الموضوع
خالد: بس مهما كان مافكرت حرام عليييك ترا عليهم حق علييك
احمد: خلاص شي صار وانتهى واللي فات مات ي اخووي
خالد: بس يعني لو
احمد: تبيني اخرب حياتي وبيتي
خالد: عيالك بيدرون اليوم ولا بكره
احمد: اذا دروا يدرون من غيري احسن لي ولهم اقول ي ابو صقر تعال تغدا عندي اليوم بس
خالد: مشكلتك عنيد ي احمد يالله نرووح نتغدى من طبخ ام عبد العزيز
________________
عند برقر كنج وهم ينتظرون
ريم : الا عبدالله ماسالتك كيف طلعتني واخذت سيارة السواق وكذا
عبدالله : انا اقولك قلت للسواق يوديك ويودي حنين اول لما وداهم قلت له يعطيني مفتاح السياره بالاول رفض وقال بابا يعيي بعدين وافق المهم وقفت السياره ورى المدرسه ويوم جت الحصة الخامسه انحشت من الجدار
ريم : وكيف اخذتني لازم بطاقة العايلة
عبدالله : وراك مستعجلة اعلمك امس قلت لامي المدرسه تبي بطاقة العايله الاصليه وعطتني ههههههه
ريم : والله منت بهين
عبدالله : طبعا هههههههه اخوك واعجبك
عبدالله يلتفت ويطالع بالمرايه: ريم لفي ورى شوفي
ريم : عبدالعزيز وش جايبه ذا هو ولا لا عبدالله خوفتني
عبدالله : والله شكله بس خليني اطق اللثمه
ريم : ي شيخ يعني مايعرف سيارة السواق
عبدالله : واذا مسكنا وش بنقول
ريم : يويلي ببنجلد وبنرووح بخرايطها
عبدالله : لا ان شاء الله سافعل المستحيل لانقذ الووضع
ريم : حتى وحنا بورطة تستهبل
عبدالله : وش اسوي يعني تبين ابكي
_________ ____________________
: ريناد ليش كلكم كذا والله انا جاده بكلامي يعني في اكثرالوظايف لازم ماجستير وش اسوي
ريناد : انتي تعرفين عمي زين ي اسيل وهذا ابوك وانتي ادرى به
اسيل : بس ابوي مااتوقع يرفض ابوي متفتح
ريناد : بس كل شي ولا الدين انتي لو بتروحين بتروحين لحالك وعمي مايرضى تروحين لحالك بدون محرم
اسيل : والحل يعني اقعد لين مااعجز بدون وظيفة
ريناد : فيه حل واحد يخلي الفلوس تجيك وانتي نايمه بسريرك
اسيل : وشو لاتقولين حافز
ريناد : لا شي طول العمر يخلي الفلوس معك وانتي نايمه
اسيل : وش حمستيني
ريناد : وش تزوجي ههههههه تبين ازوجك اخوي صقر تراه حليو وبعمرك ويشتغل مهندس وش تبين بعد
اسيل : يع على بالي عندك سالفه ومن جدك اتزوج
ريناد : فرصة لاتنكرين
اسيل : ي شيخه انا افكر بموضوع وانتي بموضوع
ريناد : اقول اليوم بجي عندكم
اسيل : حياك بس ترى مدري اذا عز فيه ولا لا
ريناد : ي اخي ام الفله ان خالتك تتزوج عمك يعني لو تجين ببجامه عادي كلهم محارم بس المشكله لاكان فيه ولد عم كبير ههههه هنا المشكله
" اه ي ليت عندي ي ريناد مثل ماعندك من فكاهه وحس مرح " : اقول يالله فمان الله بسكر التلفون
____________________

: هللا ابو عبد العريز
: هلا والله هدى هدى ترا اخوي خالد بيتغدى عندنا اليوم
هدى : حياه الله
احمد : نص ساعه وحنا جايين
____________________
: المهلي مايولي محمد
محمد : ي هلا والله وش السالفه داقن علي بهالوقت
عبدالعزيز : ليه انا غثه
محمد : تقريبا
عبدالعزيز : شكرا المهم تطلع معي اليوم المغرب مشتهي ارووح اتمشى
محمد : ايه عادي بس وين
عبدالعزيز : اي مكان نطلع ممشى نطلع حديقه اللي هو
محمد : حصل خير الا انت وينك
عبدالعزيز : عند برقر كنج طق براسي اطلب منه فطور
محمد : يالله لك الحمد احد يطلب همبرجر ع الفطور
عبدالعزيز : الله عاد يبطني اللي بيعرف كم الساعه اءاءاء محمد اكلمك بعدين
محمد : يالله سلاام اجل
" لا مستحيل من اللي بالسياره لايكون السواق ماخذ البنات وموديهم بس تونا الساعه11 باقي وقت طويل على مايطلعون البنات لا الرجال اللي بالسياره لابس ثوب وكومار مايلبس ثياب بقرب بشووف يمكن غلطان"
" الا والله سيارة السواق مشى الحيوان بلحقه "
: الله كم يمشي هالسواق الحيوان لاوريه وان ماارسلته لديرته مااكون انا عبدالعزيز
****
: تكفي عبدالله وقف خلاص
عبدالله : من جدك ريم عشان يضربنا وناكل بذاك الوقت اللي ماينوكل
ريم : عبدالله يكفي شف كم نمشي
عبدالله : والله لااوريه لين مايوقف
وعبدالله يمشي بسرعه وعبدالعزيز نفس الشي كل مااسرع عبدالله اسرع عبدالعزيز
لين ماوصلت سرعة عبدالله لحالة الجنون
عبدالعزيز : ذا مجنون يمشي كذا
عبدالله : ماعليك ريم لاتخافين بوريه
" اطلع من المدرسه مره ثانيه بدون علم احد ياويلي "
فجأه ويسرع عبدالله ويلف السياره بقوه ويلفها بعد لين ماحست ان السياره تدور
ريم : تكفى عبدالله وقف
عبدالله : ماني موقف
" عبدالعزيز بطي السرعه لاتصدم فيه "
خفف السرعه عبدالله وماامداه يخففها الا ويسرع عبدالعزيز و استغل عبدالعزيز توقيفة عبدالله الخفيفه واسرع ووقف السياره بالعرض عشان مايقدر يمشي عبدالله
عبدالله : ومسكنا
ريم : ي ويلي نازل وشكله معصب
عبدالله : الله يعين
فجاه انفتح باب السياره من جهة عبدالله
____________________
: هلا يمه
هدى : انزلي ساعديني عمك بيجي والبسي
اسيل : طيب يمه
اسيل : وهذا حنا رتبنا السفره يمه
هدىى : والله وبنتي السنعه الله يزوجك من يقدرك ي ربي
اسيل : هههههه يمه انا ابي دعوه اكثر قولي ربي يحقق اللي ببالك هنا بستانس
هدى : شايفتني خبله ادعي هالدعوه وانا وش يدريني وش ببالك هاه
اسيل : هههههههه شكل ريناد ماخذه خفة دمها من خالتها
هدى : اقلب البنت لامها تطلع البنت لامها هي كذا صح
اسيل : يمه خربتي المثل بس خليك ع الامثال البدويه احسن بلا مصري لاتخربينه ههههههه
هدى : اقول بلا حكي فاضي وروحي البسي
: ي ولد
هدى : يالله تحييه
احمد : الله يحييك ي ام عبدالعزيز
هدى : هاه ابو صقر عند الباب
احمد : ايه ادخلي وين اسيل
هدى : راحت تلبس
احمد : ناديها تسلم على عمها بسرعه لان صقر بيجي
هدى : طيب تامر امر
**
هدى : خلصتي ي بنت
اسيل : لا يمه دقايق
هدى : اخلصي الرجال بيجي
اسيل : يالله ع مايدخل يمديني خلصت
هدى : وش يدخله انتي صاحيه بتسلمين وهو فيه
اسيل : لا يمه بسلم علييييه وهو برا وش رايك
هدى : والله انك ماتستحين وش تقولين انتي
اسيل : اقول انه عمي اذا دخل يمديني خلصت وبروح اسلم عليييه
هدى : هههههه الله يقطع بليسك انا اقول صقر بيجي وجيت اعجلك عشان تسلمين ع عمك قبل لايجي
اسيل : اها وانا وش يدريني يالله هذا انا خلصت
****
: السلام عليكم
: ي هلا والله ببنتنا وعليكم السلام ورحمة الله وبركاته
اسيل : وشلونك عم
خالد : الحمدالله بخير وانتي ي بنت
اسيل : والله بخير ي عم
: ي ولد
احمد : لحظه صقر دقايق الله يعافيك اسيل بتطلع
احمد : اسيل بسرعه قومي واطلعي مع باب الصاله
اسيل : طيب يبه
وطلعت " هههههه تخيلي دخل علي ي ابو الاحراج الحمدالله انه تنحنح ولا كنت في خبر كان "
****
بعد الغداء
خالد : ي ابو اسيل حنا جايين نطلبك
احمد : سم ي ابو صقر وعطيتك
خالد : لحظة اسمع قبل لاتعطي
احمد : هاه وش خوفتني
خالد : والله انت عارف ي احمد صقر تخرج ولقاله وظيفه زينه الحمدالله بس باقي له البنت الصالحه وانا والله ماهو مدح فيك ي ابو عبدالعزيز بس انا مالقيت مثل بنات تربيه وسنع وكلام حكيم وانا والله جاي اخطب صقر لبنتك اسيل
احمد : والله وصقر رجال ماشاء الله عليه بس لازم بهذي اشاور البنت
صقر : خذ راحتك ي عم واعرف ان البنت وافقت فان شاء الله اسعدها واتشرف بقربكم والله وان ماوافقت فالله يرزقها باللي احسن مني وهذا مايقطع العلاقه بيني وبينكم ي عم
احمد : والله والنعم في المنطق ي ولدي والله ييسر
خالد : يالله عاد نستأذن
احمد : قعدوا شوي
خالد : والله ودنا مره ثانيه ي رجال وايه اسمع ترا بكره نبي نطلع للمخيم تعرف العيال يبون يستانسون تعال انت وعيالك
احمد : رجال وحريم
خالد : ايه ومن بيزعجني غير البنات
احمد : هههههه الله يصلحهن
خالد : امين يالله عاد نستاذن
احمد : ي هلا الله
____________________
: ي حيوان من هذي اللي معك
فجاه ينسحب عبدالله من الكرسي ويرصه عبدالعزيز ع السياره
: وش مطلعك تكلم
عبدالله : طالع اتمشى
عبدالعزيز : لا
عبدالله : اه عبدالعزيز خلاص اه وقف بتموتني
عبدالعزيز : اتوقع هالضرب كفيل يعلمك كيف تتمشى مثل الاوادم تكلم من اللي معك بالسياره
عبدالله : هي مالها دخل لاتسوي لها شي
عبدالعزيز : وش لايكون عايش قصة عشق تدافع عن حبيبتك
عبدالله : عبدالعزيز اضربني انا بس لاتقربها تكفى
عبدالعزيز : بعد طالع معها لموعد غرامي وتقول كذا انت ووجهك
ومشى عبدالعزيز متوجه للسياره وهو جاهل من هذي البنت
فجاه احد يمسكه من وراه
: تكفى اضربني بس لاتسوي لها شي
عبدالعزيز : شكلك ماتفهم زين
ويسمك عبدالله ويدخله بسيارته : ي ويلك لو تحركت من مكانك فاهم
ورجع متوجه لسياره السواق
ركب مكان السايق ووقف السياره واخذ المفتاح
وسكر الباب وراح للباب اللي من جهة ريم
عبدالعزيز : هيه انتي انزلي قدامي
فقد عبدالعزيز اعصابه هنا : هي ماتسمعين انزلي قدامي
انزلت ريم بهدووء
ووقف عبدالعزيز قدامها : وش معرفتك بعبدالله
تفاجات ريم من السوال " شكله مايدري اني ريم "
: ماتسمعين انتي ولا ايش
بدون سابق انذار تزها بقوه لدرجة رجعت ورى وطاح الغطا لانه ماكان معدل زين
: ريم وش مطلعك من مدرستك وش مخليك تنحاشين
ريم : عبدالعزيز
عبدالعزيز : ولا كلمه عدلي غطاك وامشي
ريم " غريبه ماضربني ليييه "
دخلت السياره لف عبدالله عليها : ريم فيك شي
ريم : لا انت تعورت
عبدالعزيز : هي انت وياها مابي اسمع صوت راسي مصدع
عبدالله : بس
عبدالعزيز : اص اللي بيتفاهم معكم ابوي
وقال عبدالله بنفسه " عبدالعزيز لهدرجه انت عصبي "
عم الهدوء بالسياره بعد ربع ساعه
عبدالله : عبدالعزيز اخوي انت انت تدري انا احبك واعشقك تدري اخووي
عبد العزيز : ااممه اخلص علي
عبدالله : ي اخوي ي عمري انت
عبدالعزيز : قالب بنت اخلص وش تبي
عبدالله : لا يدري ابوي تكفى اسوي اللي تبيه
عبدالعزيز وهو يحرك يديه بلا : بالاحلام تفحط وتطلع اختك من المدرسه وتنحاش ولاتبيني اعلم ابوي احلم حبيبي
وصل البيت فتح الكراج وقف السياره داخل وصرخ فيهم : يالله انت وياه قدامي
نزل عبدالله وهو يناظر ريم وريم نفس الحاجه " يربي وش بسوي ببنقتل عاد ابوي كل شي ولا الدراسه
: مطولين يالله قدامي
وعبدالله وريم يمشون خطوتين ويرجعون خطوه من الخوف

____________________
في الصاله
" اذا ابوي مروق بكلمه انا استخرت وخلاص "
: هلا ببنتي اسيل هلا هلا
اسيل : هلا واولله يبه كيف حالك
احمد : بخير والله ي بنت
جلست اسيل جنب ابوها
اسيل : يبه
احمد : هلا ي بنتي
اسيل : يبه بكلمك بموضوع ولا تردني
احمد : قولي ي بنتي اسمعك
: يالله بسرعه انتي وياه
قطع الموضوع صوت عبدالعزيز
احمد الناس تسلم ي ولدي
عبدالعزيز : والله يبه من الشيب اللي طلع براسي من الثنين هذولي
احمد : من
الا يدخلون التوام عبدالله وريم
احمد : ههههه هذولي هههههه ووش مسوين حياكم ي عيالي حياكم
رفع عبدالله راسه بصدمه وريم تناظر عبدالله مستغربه قال عبدالله لريم : لو درى تتوقعين بيكون كذا
عبدالعزيز بعصبيه : تهلي فيهم وانت يبه ماتدري وش مسويييين
احمد : لاتصارخ ع ابوك وتعالوا اجلسو جنبي اسمع السالفه
جلس عبدالله وريم جنب اسيل وجلس عبدالعزيز جنب ابوه
احمد : هاه وش صاير
عبدالعزيز : قول عبدالله وش مسوي
عبدالله : هاه
عبدالعزيز : السواد اللي مسويه ماتقدر تتكلم يبه ذا ماخذ سياره السواق وماخذ ريموه من مدرستها وهاج من مدرسته ورايحين للمطعم ويوم الحقه ابيه يوقف قعد يسرع ويفحط وتبيني يبه مااعصب
احمد : وش مسوي كل ذا عبدالله صحيح كلام عبدالعزيز
عبدالله " ي ويلك وش اقول ي ربي " : هاه
احمد : اللي قاله اخوك صح ولا لا
عبدالله نزل ااسه : ايه يبه
احمد : ماشاء الله عليكم والله انتوا ي التوام مدلعكم بزياده ماتستاهلون تطلعون ع كيفكم ماعمري قلت لكم شي روحات ولا قلت بس تهجون من المدرسه والله الدلع الزايد خربكم مايصلح معكم غير العقاب والله
اسيل : لحظة اذا عبدالله اخذ سيارة السواق من راح يجيب حنين الساعه1:00 لها نص ساعه طالعه
عبدالعزيز : انا بروووح اجيبها الحين
احمد : عبدالله ريم الحقوني لغرفتي اشوف وش سالفتكم
****
: يبه والله كان يعني ايام مراهقه مشها لنا
: اصلا انا يبه الغلطانه انا اللي قلت لعبدالله ودي اجرب انحاش
احمد : كلكم غلطانين ي عيالي وتعرفون انا اهم شي دراستكم
عبدالله : والله مانعيدها يبه
احمد : اسمعوا اختاروا وحده من الثلاث عقابات عشان اعاقبكم
ريم : الاول
احمد : الاول اسحب اجهزتكم شهر
عبدالله : مستحيل قلبي الصغير الثاني
احمد : الثاني مافيه طلعات الا للمدرسه بس
ريم : مستحيل السوق اه
احمد : الثالث مافيه مصروف لمدة شهر
عبدالله : يبه يهون علييك نصير مثل الفقارى ماناكل ولا شي
احمد : اكل البيت موجود والعصير موجود
ريم : يبه المقصف احسن
احمد : طيب روحوا لغرفتكم وتشاورا ثم تعالوا علموني قراركم بس ابيكم تحطون شي براسكم اني مشيتها هذي المره لانكم عيالي بس والله لو شفتكم مره ثانيه تلفون يمين يسار بتعرفون وش يصير لكم
عبدالله : اسف يبه
ريم : اسفه يبه ندري غلطنا بس ملينا من الروتين حقنا
عبدالله : يالله نستاذنك يبه
احمد : لحظه اذا طلعتوا نادوا امكم واسيل
ان شاء الله تامر يبه من عييوني
احمد : ههههههههه
****
" عندما تحلم منذ صغرك بحلم كان الجميع يضحكون ويقولون سيحصل قريبا باذن الله وعندما تكبر وتريد تحقيق الحلم يقفون ضدك فحاول ان تححق حلمك فهم من اعطوك الحق بالاحلام "
سكرت اسيل مذكراتها او كتاب خواطرها
: تسمعيني ي جحش
اسيل : ايه اسمعك عبدالله الحين رايحه
طلععت اسيل من غرفتها متوجهة لغرفة ابوها " يارب يسر ي رب يسر "
****
اسيل : اهلين يبه قلت تبيني
احمد : ايه كنت تبين تكلميني بموضوع اليوم الظهر
اسيل : ايه يبه انا مدري كيف ابدا بالموضوع
احمد : ابدي بالطريقه اللي تحبينها ي بنتي
اسيل : يبه انت تعرف ان لي سنه ابحث عن وظيفه وعمري الحين23 سنه واكثر الوظايف لازم ماجستير
احمد : طيب
اسيل : وانا يبه افكر ابتعث
هدى : وش تبتعثين ي بنتي ناظرها احمد وكانه يقول خلي الموضوع انا اتصرف
احمد : ماعندي قانون اسمه مافيه بنات يبتعثون
اسيل بفرحه : يعني موافق يبه
احمد : بس يااسيل انا عندي قانون اسمه البنات يبتعثون مع محارمهم
اسيل : عبدالعزيز موجود
احمد : عبدالعزيز لسى ماكمل الجامعه ولا ابيه يترك دراسته
اسيل : يعني يبه تفهمني ان البعثه حلم
احمد : تقريبا او حاليا هي حلم والاحلام في يوم من الايام بتتحقق ي بنتي
اسيل : يبه تكفى والله البعثه بتعطيني فرصه اني ادرس واتعلم
احمد : تدرسين وتتعلمين بس ي بنتي انتي بنت مطوعه وعارفه ان البنت ماتجوز تسافر بدون محرم لها
اسيل : طيب يبه فهمت قصدك هه يعني احلمي فيها ي اسيل
وبكت اسيل وطلعت من الغرفه
لما طلعت الا عبدالله وريم عند الباب
المهم دخل عبدالله الغرفه مع ريم واشر على عيونه كانه يبكي وسوى حركة بيده يعني وش فيها
ريم : اسيل تبكي ليييه
احمد : تبون ابكيكم مثلها
عبدالله : لايبه يكفي التعذيب اللي عطيتنا كلهم صعبات والله مافيه اختيار رابع
احمد : هههههه لا مافيه
ريم : اجل يبه حنا اخترنا انك تحرمنا من المصروف
احمد : اجل من بكره تاخذون سندويشكم والعصير طيب
عبدالله : ايه طيب ويبدا التعذيب الداخلي للاكل اححح
: السلام عليكم ورحمة الله وبركاته
عبدالله : وعليكم السلام ورحمة الله وبركاته وراك صايره مطوعه تقولين السلام كامل ههههههه
حنين : ووش فيهم المطواعه مافيه ازين منهم اه ي ليتني منهم بس الا لحظة يبه السواق وش فيه ماجاني
: اسالي المخفه
حنين : ايه اذا السالفه فيها عبدالله وريم اجل غاسله يدي
عبدالعزيز : ههههههه والله ي لبى قلبك ي حنين م يوسع صدري بهالبيت غيرك
حنين : شكرا لاداعي لا داعي
ريم : ايه وحنا بس هواش وصراخ
احمد : هههههههه وبدت غيره الحريم
عبدالله : خلو هالموضوع بس اسيل والله جد وش فيها
عبدالعزيز : ليييه وش مسويه هذي بعد
عبدالله : مادري دخلت من ابوي ويوم طلعت طلعت تبكي
احمد : اللقافه مهي زينه ي عبدالله
عبدالعزيز : الا جد والله يبه اسيل وش فيها اليوم مب عاجبتني ابدن
احمد : تبي تبتعث
عبدالعزيز : ايش تبتعث هههههه تحلم الاخت
احمد : وليه ماتبتعث ؟
عبدالعزيز : والله يبة حنا مانطش بناتنا للغريبين
احمد : شف ي عبدالعزيز والله لو كان عندها محرم لااوافق ع بعثتها بس هي مامعها محرم
هدى : حرام علييك ي احمد البنت طول عمرها تتمنى تكبر وتبني مستقبلها
احمد : فيه عند اسيل حل واحد بس ان وافقت عليه تبتعث وان ماوافقت تقعد ببيتها احسن لها
عبدالعزيز : وش هو يبه
احمد : حنين قومي نادي اسيل
****
: طيب وش كان موقف عمي
صقر : ماعطانا بس احسه فرح
ريناد : عاد والله ي صقر اسيل طيبه وتستاهلك
صقر : ايه تدافعين عن صديقتك
ريناد : عاد تصدق صقر اسيل اعتبرها اكثر من اختي
صقر : ايه المهم ترا بكره ان شاء الله بنروح المخيم مع عمي احمد وعايلته
ريناد : تبيني اخليك تشوفها النظره الشرعيه
صقر : اما عاد تقدرين تسوينها
ريناد : ايه طبعا اقدر تبي اسويها اخليك تطيح فيها وكانك ماتدري ولا راح اعلمها
صقر : لا يمكن البنت ترفضني انا ان شاء الله اذا وافقت البنت اشوفها النظره الشرعيه
____________________
اه ليييه كذا الدنيا ليييه وش اسوي يعني والله حرام علبهم حرام اه ليييييه كذا ليييه
: اسيل افتحي
اسيل : حنين مالي خلق لك مابي افتح الباب وروحي عني
حنين : اسيل ابوي شكله وافق ع بعثتك
اسيل : هاه
ونطت من سريرها وفتحت الباب لحنين وسحبتها داخل الغرفه
اسيل : كيف واافق ومتى
حنين : مادري بس قال اسيل مالها الا حل واحد ان وافقت والا تقعد ببيتها
اسيل : كذابه
حنين : بسرعه ابوي يبيك
اسيل : يالله بغسل وجهي وبجي

____________________



انتهى البارت ولربما من هنا تنتهي احلام اسيل

اتمنى تجاوبون عن الاسئلة
وتتوقعون اسيل تبتعث؟
واذا بتبتعث وش شرط ابوها ؟
بتوافق ع الشرط؟
وش جديد عبدالله وريم وبيحافظون ع العقاب ولا كيف؟

 
 

 

عرض البوم صور "نبض"   رد مع اقتباس

قديم 19-08-13, 09:10 PM   المشاركة رقم: 2
المعلومات
الكاتب:
اللقب:

البيانات
التسجيل: Jul 2013
العضوية: 255233
المشاركات: 12
الجنس أنثى
معدل التقييم: "نبض" عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
"نبض" غير متواجد حالياً
وسائل الإتصال:

كاتب الموضوع : "نبض" المنتدى : ارشيف خاص بالقصص غير المكتمله
افتراضي رد: رواية بعيدا عن حدود الوطن/ بقلمي

 

الروايه نشرتها بمنتدى ليلاس لاني ارى فيه ناس كبار وكتاب اخجل ان اضع هذه الروايه بين يديهم

اتمنى ان تساهموا في تشجيعي لاكمل الروايه

اختكم نبض

 
 

 

عرض البوم صور "نبض"   رد مع اقتباس
قديم 20-08-13, 06:43 AM   المشاركة رقم: 3
المعلومات
الكاتب:
اللقب:

البيانات
التسجيل: Jul 2013
العضوية: 255233
المشاركات: 12
الجنس أنثى
معدل التقييم: "نبض" عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
"نبض" غير متواجد حالياً
وسائل الإتصال:

كاتب الموضوع : "نبض" المنتدى : ارشيف خاص بالقصص غير المكتمله
افتراضي رد: رواية بعيدا عن حدود الوطن/ بقلمي

 

2" تحديد مستقبل"
" في هذاالبارت سيحدد مصير شخصيات الرواية "

في بيت احمد

: مستحيل يبه انت صادق
عبدالعزيز : وليه مستحيل ست اسيل
اسيل : يبه صقر رجال يشهد الناس له بالطيب بس والله انا رايحه ابتعث ماني فاضيه لطبخ وزوج
احمد : يعني افهم من كلامك انك رافضته
اسيل ودموعها ع وشك الانهيار : ايه يبه رافضته
احمد : يعني انتي رافضه البعثه؟
طلع عبدالعزيز من الغرفه تارك احمد واسيل لحالهم يقررون
****
: اسمعي انا معي59 كم معك
: الله بقى ريال ويجي60 انا معي70
عبدالله : من وين لك هذي
ريم : تجميع طلعة السوق و
: وش تسوون
عبدالله : هاه لا بس ريم قاعده تعلمني عن الاسواق الحلوه وكذا صح ريم
ريم : هاه ايييه صح اصلا ذا يخب عليييه المحلات الرجالية
عبدالله : ايه انا اصلا وش يعرفني
عبدالعزيز : والله مدري عنكم ارووح اشوف ابوي واسيل ابرك وطلعع
عبدالله : اه ذا لو سمع وش نقول قلب الدنيا
ريم : عصبي قسم بالله
عبدالله : ايه والله المهم لو جمعنا اللي معانا يطلع المبلغ امممم 130 الا ريال يمكن
ريم : حلو يعني باليوم الواحد نصرف 10 ريال تقريبا
عبدالله : حلو وحنا مانصرف كل يوم 10 يعني 5 وكذا نوفر
ريم : ايه صح حلو وباخر يوم من الشهر نطلب من ماك هيه
عبدالله : جميل
****
: لا يبه ماني رافضة البعثة ولا انا رافضه صقر
احمد : اجل رافضه وش
: انا رافضه فكرة الزواج الحين
اححمد : بس انتي تدرين ان رفضتي الزواج ترفضين البعثه
هنا اسيل بكت : يبه بس مهما كان حرام عليكم حرام
عبدالعزيز : وش الحرام
اسيل : عبدالعزيز ترا مالك دخل مصختها
احمد : ي بنت لاتكلمين اخوك بهالطريقة خلاص اسكتي بكلم خالد
عبدالعزيز : وليش ماتقوله لما نروح المخيم مو انت تقول بكره بروح المخيم قله هناك
احمد : لا والله ماودي اضيق صدر صقر هناك
عبدالعزيز : الله اكبر بيرووح يخطب بنت ابرك منها والله ي اسيل مدري وش تفكرين فيه اصلا مدري ماتجي مطوعه واعلاميه تطلع بالتلفزيون
اسيل : وش دخل ذا بذا ارجوك اسكت وانا اعلاميه اعلام صحفي بس
عبدالعزيز : مافرقت
اسيل : يعني يبه هذي كلمتك الاخيرة
احمد : ايه هذي هي
وقامت اسيل وراحت لغرفتها وبكت وبكت حست ان الدنيا كريهه ليه كذا ووش ذنبها هي اذا ماتبي تتزوج
****
من البكره الساعه8:39 الصبح
بيت احمد
بالصاله
احمد : يالله ي عيال قمتوا
عبدالعزيز بنص عين مفتوحه والثانيه مسكره : ايه قمنا بس يالله بنمشي
احمد : وين اسيل
هدى : الظاهر ماتبي تروح
احمد : وش وليه ماترووح لا قوموها بسرعه
هدى : قلت لابو صقر ان البنت رافضه
احمد : لا ماقلت له بقول له اليوم
عبدالله وهو ينزل الدرج بسرعه وبحماس : هاه نرووح
احمد : وانت مستانس
عبدالله : افا عليك يبه انا قايم من ثمان عشان نرووح
احمد : زين متحمس اجل رح قوم اسيل
حنين وهي واقفه عند اخر درجه من الدرج وعبايتها على يدها : هاه نركب السياره
احمد : ماشاء الله متحمسين كلكم ايه دقايق واركبوا
عبدالله وهو يصارخ من فوق : يبه تقول ماتبي ترووح،
احمد : قل ابوي يقول قومي بلا هرج زايد
عبدالله يكرر كلام ابوه وهو يدخل غرفة اسيل: ابوي يقول قومي بلا هرج زايد
اسيل وهي تنزل من الدرج: وجع عبيد ماتخلون الواحد ينام
احمد : قمتي
اسيل : ايه يبه قمت
عبدالعزيز : ماشاء الله مبروك يالله اجل قوموا من بيروح معي
هدى : حنين واسيل والشغاله بيروحون معك وانا و عبدالله وريم مع ابوك
عبدالعزيز : حصل خير يالله اللي بيروح معي بسرعه
حنين : ريم عبدالله مايصلح نتبادل
عبدالله : بالاحلام حنا نبي نموت انفسنا بيدينا
ريم : لا لا حبيبتي هذا عصبي
عبدالعزيز وهو حاط يده ع خصره : ايه كملوا حش بسرعه انا بالسياره
وركب الجميع السيارات وتوجهوا للمخيم
****
بسيارة احمد
: يبه نبي دبابات
: اصلا عمي عنده دبابات
: يالكذاب ماعنده الا دباب واحد
: عادي لنا حنا يالعيال
: طيب وحنا نلعب بايش
: العبوا بالطين
: اسكت عني
هدى : بلا لجه وازعاج

****
اما بسيارة عبدالعزيز كان الوضع عكسه تمام هدوء حتى الموت
حنين : ي اخي وش فيكم ماتسولفون واسيل انتي مانتي اسيل اللي نعرفها
اسيل : والله انتوا ماخذيني غصب عني وش اسوي
عبدالعزيز : اسيل مو معنى ابوي رفض انك تبتعثين تصيرين كذا
اسيل : كم باقي ونوصل
حنين : ههههههههههههههه تعجبيني اسيل ام التسليكه
عبدالعزيز : ايه وانتي معجبك هاه
****

لما وصل الجميع المخيم نزلوا
حنين : اسيل
اسيل : نعم
حنين : شوفي ذا المزيون خطيبك
اسيل : ومن قال اني وافقت عليييه
حنين : اما عاد وانا اخر من يعلم
اسيل : وش اسوي لك
حنين : ولك وجه تجين لهم اونتي رافضتهم
اسيل : وش اسوي بابوي وبعد عادي عمي وخالتي وهم عارفيني
: هلا والله ي حي الله،
اسيل : هلا بالغلا ي هلا بريناد
بعد السلام
ريناد : شفتي خطيبك " وتضربها بكتفها "
اسيل : هاه لا ماشفته " ونزلت راسها "
ريناد : اذوب ع الحيا ي ابويي
اسيل قعدت تناظرها يعني اسكتي
: هاه شكل الاجابه تبشر
هدى : تعرفين ي اوخيتي البنات امالهن كبيره
حصة : ههههههه لا يكون مو عاجبك صقر ي اسيل
اسيل : هلا خاله لا صقر اخوووووي ومن يومنا صغار وانا اعتبره اخووووي بس انا السنين هذي ماافكر بالزواج والله
حصة وهي متفهمه لوضع اسيل : ايه يعني رافضته عادي ي بنت مو معنى ان قرابته قويه عشانه ولد عمك وولد خالتك توافقين عليه وانتي ماتبينه
اسيل : لا ي خاله انا ماني رافضه صقر نفسه انا رافضه الزواج لاني قاعده افكر ابتعث بس ادعي ان ربي ييسر
حصة : ووش دخل الزواج بالبعثه شوفي خالك راكان متزوج ومبتعث
" خالي راكان ايه والله كيف مافكرت فييه " : ايه صح ي خاله بس الحرمه غير بكثير
" اي والله خالي راكان "
بعد السوالف والقهوه والشاهي على اذان العصر
: ي ولد
ريم : هذا عبدالله تغطوا
العنود : لازم
ريم : والله خايفه ع اخوووي يغمى علييه من الخوف
العنود : ليه شايف شبح
ريم : والله انتي تخوفين اكثر من الاشباح ههههههه
: أدخل
ريم : ايه
عبدالله : السلام
حصة : هلا والله بولدي
عبدالله وهو يحب على راس حصة : هلابك ي خاله وش الاخبار
حصة : بخير تقهوا
عبدالله : والله مالي فيه المهم بنات ترى الدبابات برى
وفجاه مانشوف الا غبار
عبدالله : ههههههه ماسرع بسم الله جن
****
انا بركب قدام
لا انا. وخري رجلك.
وين احطها
هذا اللي نسمعه هوشات البنات ع الدبابات
اسيل : والله لك فقده ريناد
ريناد : وانتي بعد
اسيل : يالله بمشي
ريناد وهي تتمسك باسيل : لاتسرعين طيب
اسيل : ايه هين
فجاه وتمشي بسرعه اسيل وريناد تصارخ وطلعوا من قسم الحريم
ويلفون ع قسم الرجال وواللفه كانت قويه وينقلب الدباب،
اسيل : حاولي تطلعين
ريناد : مااقدر انتي حاولي
اسيل : ي ويلي عجزت
ريناد : ببكي حماره قلت لك لاتسرعين
عبدالعزيز : صقر تسمع صراخ
صقر : يعني مااتهيا ايه اسمع
عبدالعزيز : امش نشوف
يوم وصلوا للبنات
صقر : بسم الله جن
عبدالعزيز : تستهبل وصرخ هيه انتم وش فيكم
اسيل : عبدالعزيز تعال ساعدنا
عبدالعزيز : البنات بروح اساعدهم
صقر : لحظة اسال من معها
عبدالعزيز : من معك
اسيل وهي شوي وتبكي: ريناد
صقر : من جدك بتروووح
عبدالعزيز : هاه اجل وش نسوي
صقر : الحل نروح نقول للشياب يساعدونهم كلهم محارم لهم
عبدالععزيز : صدقت امش
اسيل : عبدالعزيز ي حيوان وين بترووح
عبدالعزيز : اقعدي بنادي ابوي وعمي
ريناد : ي فشله
اسيل : انا اللي المفروض اتفشل اصارخ قدام اللي رفضته ي فشله
ريناد : طيب خلاص جاء عمي وابوي
اسيل : شوفي عبدالعزيز وصقر واقفين يناظرون ي الفشله
احمد : وانتوا الله يهديكم وش مخليكم تركبون دبابات
ريناد : ماتبينا ي عمي نستانس
احمد : تعال خالد ساعدني نشيل الدباب
خالد : طيب
احمد : شوفوا بنات بنعد لثلاثه وحاولوا تبعدون
البنات : طيب
احمد : واحد اثنين ثلاثه
ويحاولون البنات بس عجزوا
خالد : وش فيكم ماطلعتوا
البنات : رجولنا عالقه
خالد : لا حول شكل ماعاد لنا قوه ي احمد
احمد : الدباب كبير ي خالد وبعد البنات نص ثقل جسمهم عليه يعني مانقدر

****
قريب من باب الحريم
كان جالسات على الدباب يتفرجون
: هههههه ريم تعالي شوفي اسيل وريناد
: مههههههههه اه ي العنود بطني بطني يعورني اشكالهم تضحك
العنود : شوفي شوفي العيال بيساعدونهم
ريم : وخري اشوف ههههههههه اه اشكالهم شوفي العيال مستغربين
: هي انتي وياها وش تسووون
ريم : حنين تعالي شوفي
حنين : ي حرام وهذا اللي تضحكون عليه
العنود : بذلهم فيه سنه
****
خالد : صقر عبدالعزيز تعالوا
ريناد : وش له يبه
عبدالعزيز : هلا عم
خالد : تعالوا ساعدونا
صقر : لا تستهبل
خالد : ايه عادي انتوا امسكوه من قدام ودفوه لاتقربون من البنات والسلام
عبدالعزيز : يالله بس بسرعه
ريناد بصوت هادي لاسيل : ي فشله الله ي خذك انتي وسواقتك
عبدالعزيز : يالله صقر وش فيك منحرج تراهم خواتك
صقر : هاه لا ماني منحرج ولا شي
عبدالعزيز : واحد اثنين ثلاثه
وشالوه العيال ثم ابعدوا عن البنات
اسيل : ي فشله فشلتنا ي عم
خالد : هههههههه ليه
اسيل : لا ولا شي ريناد يالله نركب الدباب
ريناد : توبه اركب تبين تركبين اركبي انتي ويقلب فيك الدباب ويجي اخوك يساعدك اما انا توبه
اسيل : هههههههه ي حليلك
ورجعوا لقسم الحريم ولما دخلوا
ريناد : ي فشله
العنود : اشكالكم كانت خقه صراحه ذبت
هدى : ليه وش صاير
اسيل : اسكتي عنود
العنود : هاه شفتي اخوووي خههههههه
ماحست الا بريم تقرصها مع خصرها
العنووود : اه وجع لييه تقرصيني
اسيل : ههههههههه ي حليلكم ي البنات هههههه
العنود : اسمعي ي خاله هدى الله يسلمك اسيل وريناد كانوا راكبين الدباب المهم وينقلب عليهم
هدى : يويلي ع بناتي
العنود : ماجاك شي المهم ويجون الرجال يساعدونهم عمي وابوي حاولوا بس البنات ثقال هههههه فنادوا صقر و عبدالعزيز وجوا وبسرعه شالوا الدباب والبنات شكلهم مستحيات تهههههه
حصة : هههههههه والله مخفة
ريم : لا ولا تشوفون ريناد احسها استحت واما اسيل مسويه وكأن ماهمني الموضوع تتكلم ولا كأن اللي قدامها صقر
حصة : خهههههههه والله مادري وش تحسون فييييه اعقلوا
حصة : ترا اليوم بنشوي ي بنات هاه من تساعدنا
العنود وريم : الله وناسه ي حبني للشوي
اسيل وهي تهمس لريناد : امشي ابي اكلمك
ريناد : وين نطلع
اسيل : برا بعيد عن الخيمه
ريناد : يالله قومي
ولما قاموا بيطلعون
هدى : وين ي بنات
اسيل : بنروح يمه نتمشى
هدى : انتبهوا لايصير لكم مثل اللي صار
ريناد : ههههه لا توبه اركب مع اسيل الدباب مره ثانيه
ولما طلعوا جلسوا ع االارض
ريناد : خوفتيني وش فيك
اسيل : تدرين ابوي رفض البعثه
ريناد : قلت لك وربي
اسيل : تخيلي وش قال لي
ريناد : وش قال
قامت اسيل وانسدحت
اسيل : قال انا ماارفض البنت تبتعث
ريناد : وليه رفضك
اسيل : بس ارفض البنت تروح بدون محرم طبعا ابوي رفض يسافر معي عبدالعزيز
ريناد : ادري ي اسيل مالي حق اسالك بس انتي جتك فرصة محرم يسافر معك لييه رفضتي صقر؟ ادري والله مايحق لي واذا ماودك تقولين هذا شي راجع لك
اسيل : ريناد انا وياك واحد ومااتوقع اني بخفي عنك بس صراحه لو تاخذينها بالمنطق انا ابي ابتعث وسالفه الزواج بتاخر بعثتي ويمكن صقر يرفض البعثه ويمكن احمل ولا يخليني اكمل بعثتي صح ولا لا ولا ابي ارتبط بزوج صراحه .... واليوم احس اني منحرجة من خالتي وعمي كيف لي وجه اجيهم بعد مارفضت ولدهم بس الحمدالله ان خالتي وعمي ناس متفهمين واليوم اللي زادني احراج الموقف اللي طحنا فييه
ريناد : عاد تبين السراحة انتي صادقه موضوع الزواج يمكن مايخليك تبتعثين بالذات اخوي يشتغل بس معك حق وانابكثر مافرحت لما قاللي صقر بكثر ماكنت خايفه يصير لك مشاكل مع صقر او مشاكل مع اهلي ونتفرق
اسيل : صدقتي دايما زواج الاقارب احسه يبعد الناس بالذات لا صارت مشكله بين الزوج والزوجه او طلاق هنا بيبتعدون عن بعض بكثير
ريناد وهي تنسدح جنب اسيل: طيب نرجع لموضوعنا البعثه
اسيل : اه لقيت حل بس ان شاء الله يوافق ابوي
ريناد وهي تلف ع اسيل : وش ؟
اسيل : خالي راكان
ريناد : والله انك ذكيه صح هههههههه
اسيل : وش اللي يضحكك بس انا خايفه ان ابوي يرفض يقول ماودي احرج خالك ومن هالكلام
ريناد : جربي
اسيل : اه الله ييسر الا وش رايك اليوم تنامين عندنا
ريناد : فكره حلوه اسمعي انتي قولي لابوي
اسيل : طيب بس اذا رفض سوي نفسك زعلانه وكذا هههههه
ريناد : افا عليك اقلب حياة الفهد هههههه
اسيل : وش دخل
ريناد : مادري
اسيل : شكلهم بدوا يشوون اشم ريحة شوي
ريناد : قومي نشوف
****
ولما وصلوا
: ماشاء الله الريحة تجنن
اسيل : عاد انتي ريناد تحبين الشوي
ريناد : واحب ريحته حتى
حصة : روحو جهزوا السفره بس
اسيل : امشي طرده محترمة
ريناد : ههههه ايه
****
بعد اذان الفجر
في مخيم الحريم
احمد : ي بنات يالله بنمشي
اسيل : يبه
احمد : هلا
اسيل : ابي ريناد تنام عندنا
احمد : حياها الله بس اذا ابوها موافق ماعندي مانع
اسيل : يالله قومي بنروح لعمي
خالد وهو يدخل : ي ولد
اسيل : جابك الله ي عم
خالد : هلا وش تبين
اسيل : عطني راسك بحبه
خالد : وش هالرحمه
اسيل : عطني راسك عطنياه
وتقوم وتحب راس عمها
اسيل : تكفى عم خل ريناد تنام عندنا
خالد : وكل هالحبحبه عشان تنام ريناد عندكم هههه خلاص اذا ريناد تبي ماعندي مانع
اسيل : والله
خالد : لا هونت
اسيل : لا خلاص خلاص ريناد يالله قومي بسرعه
****
في البيت
: اه وين السرير
اسيل : نبي نسهر
ريناد : وجع الساعه 5:30الصباح
: حنا نبي نسهر
ريناد : تسوون خير اسهروا مع اختكم انا برووح انام
عبدالله : انتي وراك ماتتغطين عني
ريناد : ههههه تستهبل عبدالله توك صغير لا دخلت الثانوي بتغطى عنك هههه
اسيل : قومي ريناد بنام
ريناد : طار النوم
اسيل : توك تقولين نبي ننام
ريناد : وتوك تقولين نبي نسهر
اسيل : يعني نسهر ولا ننام
ريناد : وش رايك طبعا ننام
اسيل : قدام
ولما فتحوا الباب وسقوط مفاجئ ع السرير
اسيل : ريناد تعبانه مايصلح تنامين تحت
ريناد: انا ضيفه عندكم
اسيل : طيب
بعد ربع ساعه
اسيل : ريناد
ريناد : هاه
اسيل : تتوقعين لما اقول لابوي عن خالي راكان
ريناد : اساليه يالله بنام
اسيل : يالله نامي اففف

____________________
بالصاله
: ريم جوعان
ريم : لا يكون تبينا نطلع
عبدالله : جوعان وربي
ريم : والمطلوب
عبدالله : كم قلنا معنا امم130 صح
ريم : ترا باقي شهر
عبدالله : اف ي ربي
ريم : انا عندي لك حل
عبدالله : وش
ريم : فيه همبرجر وش رايك نقليه
عبدالله : اممم يفي بالغرض
ريم : يالله اجل قوم
عبدالله : تعرفين تقلين
ريم : هاه يعني مو مره
عبدالله : يالله نجرب
في المطبخ
عبدالله : هاه وش نسوي
ريم : شغل الغاز
ريم وهي تقلي : اه اح
عبدالله : وش
ريم : جت نقطة من الزيت على يدي
عبدالله : تعور
ريم : لا بس تعال خلص
عبدالله : مسرع
ريم : مايحتاج شي بسرعه
عبدالله : وش رايك نقلي بطاطس بعد
ريم : مالي خلق
: وش تسوون
عبدالله : يالله وش تشوف
ريم : ندخن مثلا
عبدالعزيز : مااستبعدها منكم المهم ابي
ريم : سو لك
عبدالعزيز وهو ياشر على عبدالله : ومن مسوي له
ريم : ساعدني عبدالله مو انت
عبدالعزيز : ووش مسوي
ريم : هاه
عبدالله : شغلت الغاز
ريم : ايه صح
عبدالعزيز : خلاص ماعاد ابي بروح انام بس شوفوا لي طريق
ريم : ماقدامك احد ريناد واسيل بالغرفه نايمات
عبدالعزيز : اجل فمان الله
عبدالله : الله والله لذيذ ريم
ريم : شكرا هاه خلاص شبعت
عبدالله : ايه والله جزاك الله خير
ريم : وياك يالله استاذن بنام
عبدالله : وانا والله بعد
____________________
المغرب
بغرفة اسيل
اسيل : قومي ريناد صلي المغرب الا لحظة صليتي الظهر والعصر
ريناد بصوت خشن: ايه اكيد لما قومتيني قمت
اسيل : زين اجل انا بنزل اكلم ابوي بموضوع البعثه
ريناد وهي تقوم بسرعه : ابنزل معك
اسيل : يالله صلي وتعالي
ريناد : عبدالعزيز فيه
اسيل : لا خوذي راحتك طالع مع خويه
ريناد : اجل بصلي واجي
****
في الصاله
احمد : هلا والله باسيل
اسيل : اهلين يبه
احمد : وين ريناد
اسيل : بتصلي وتجي
احمد : ايه زين
هدى : قمتوا صليتوا صلواتكم
اسيل : ايه يمه
حنين : النومه اليوم خوقاق
احمد : الا وين ريم و عبدالله
حنين : هم اخر من ناموا شكلهم للحين نايمين
اسيل : يبه اقدر اكلمك بموضوع
احمد : ايه تفضلي
ريناد : السلام عليكم
احمد : هلا والله ببنتي
ريناد : اهلين عم احم لايكون جيت وانتوا تتكلمون بموضوع
احمد : لا ابد انتي بنتنا بس ماندري عن اسيل هاه ي اسيل وش تبين
اسيل : يبه تذكر موضوع البعثه
احمد : ايه
حنين : ياليل رجعنا لهالموضوع
ناظرتها اسيل يعني اسكتي
اسيل : يبه انت قلت انك ماترفض البعثه صح
احمد : ايه
اسيل : بس تبي يكون معي محرم
احمد : ايه ي بنتي بس لايكون وافقتي على صقر
اسيل : يبه الزواج قلت لكم عنه بس انا لقيت محرم
احمد : هاه مين
اسيل : خالي راكان هو هناك وبلندن ومحرم وكل شي
احمد : خالك راكان بس خالك متزوج اخاف تحرجينهم
اسيل : يبه وش احرجهم وش دخلني واصلا هو يقول لي انهم ساكنين عند عجوز يعني عادي
احمد : اييه طيب بفكر بالموضوع وانا استخرت فيه ان كان فيه خيره فربك بييسره وان ماكان فيه خيره فالله يبعده عنك
احمد : انا استاذن هدى تعالي ابيك شوي
هدى : طيب
ولما طلعوا
اسيل : وبدت المشاورات
ريناد : من وجه عمي احسه دخلت الفكره براسه
حنين : ايه حتى انا احس
اسيل : اقول شغلوا ع ذا البرنامج شكله حلو
****
وبعد نص ساعه نزل احمد وهدى
احمد : اسيل
اسيل : هلا يبه
احمد : انا شاورت امك بالموضوع وفكرنا فيه وانا موافق
اسيل بلا مقدمات قالت : والله
احمد : ايه ي بنتي بس ابي اقولك حاجه
اسيل : تفضل يبه
احمد : اذا خالك رفض انه يكون محرم لك ماحنا جابرينه
اسيل : طيب
احمد : وابيك يا بنتي تحطين الله بين عيونك حنا يمكن نكون بعيدين عنك بس ربك مهو بعيد عنك وابيك تحافظين ع حجابك وماتاخذين وتعطين مع الرجال
اسيل : يبه حتى لو ماقلت لي هذا الكلام انا بسويه ،
احمد : اجل الله يوفقك
اسيل : يعني موافق
هز احمد راسه بالايجاب
فجاه قامت اسيل تضم ابوها : الله يخليك لي يبه ولا يحرمني منك
احمد : امين
وبدا شغل الضمضمه ضمت امها وضمت حنين وضمت ريناد
اسيل : ريناد ابوي وافق وافق
ريناد : مبرووك ي الغاليه الله يوفقك والله انك تستاهلين كل خير
اسيل : الله يبارك بعمرك
____________________

انتهى البارت بسعادة تغمر شخصياتها
ولكن
ماذا ينتظر اسيل ؟
بيوافق عبدالعزيز ع البعثه؟
وبيوافق خالها راكان انه يكون محرم لها؟
وبتنقبل على البعثه؟
ووش بيصير هناك؟؟


اتقبل الانتقاد واتمنى ان لاتشغلكم عن الصلاة
كل هذا بنتعرفه في البارت الجاي ان شاء الله

البارت الثالث باسم
" بداية حياه "


انتظروني




اختكم
نبض

 
 

 

عرض البوم صور "نبض"   رد مع اقتباس
قديم 21-08-13, 05:53 AM   المشاركة رقم: 4
المعلومات
الكاتب:
اللقب:

البيانات
التسجيل: Jul 2013
العضوية: 255022
المشاركات: 11
الجنس أنثى
معدل التقييم: رواية مات كاتبها عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
رواية مات كاتبها غير متواجد حالياً
وسائل الإتصال:

كاتب الموضوع : "نبض" المنتدى : ارشيف خاص بالقصص غير المكتمله
افتراضي رد: رواية بعيدا عن حدود الوطن/ بقلمي

 

روايه جميله جدا ^^
استمري يابعدي

 
 

 

عرض البوم صور رواية مات كاتبها   رد مع اقتباس
قديم 27-08-13, 05:01 PM   المشاركة رقم: 5
المعلومات
الكاتب:
اللقب:

البيانات
التسجيل: Jul 2013
العضوية: 255233
المشاركات: 12
الجنس أنثى
معدل التقييم: "نبض" عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
"نبض" غير متواجد حالياً
وسائل الإتصال:

كاتب الموضوع : "نبض" المنتدى : ارشيف خاص بالقصص غير المكتمله
افتراضي رد: رواية بعيدا عن حدود الوطن/ بقلمي

 

3. "بداية حياة"





****
في بيت احمد
في غرفة احمد
: انت صادق يبه مستحيل اخليها تبتعث لو على جثتي
احمد : عبدالعزيز اسمعني مالك كلمه بعد كلمتي فاهم وليه ماتبتعث انا موافق ومو انت اللي تغير كلمتي
عبدالعزيز : يبه انت جاد واصلا خالي راكان متزوج اكيد بتحرجه
احمد : بخليها تدق عليه وتستاذنه ان وافق ماعندي مانع
عبدالعزيز : يبه ماهي برايحه
احمد : عبدالعزيز لا مت قل رايك طيب
عبدالعزيز وهو خجلان من كلام ابوه: بعد عمر طويل يبه
احمد : خلاص اجل اتفقنا
عبدالعزيز : اللي تشوفه يبه
****
في لندن
: دانه ي امي وراك ناسيه كيف تطبخين
دانه : راكان تعرف الغربه تنسي الواحد
راكان وهو يضحك : ههههههههه ي عمري عليييك اجل لاتنسين هاه تراهم يمدحون المره الثانيه
دانه : راكان وجع لاتزعلني علييك
راكان : هههههههه المهم بكره ماعندي دراسه بنطلع نتغدى طيب
دانه : براحتك
****
في بيت خالد " ابو صقر "
بالصاله
: ايه واقولكم الحمدالله اسيل بتبتعث
صقر : هذا سبب رفضها لي؟
ريناد كانها انصدمت من السوال : هاه اصلا هي قالت لي انها مو رافضتك بس رافضه فكره الزواج
خالد : عاد لاتنصدم صقر معليييه نخطب لك غيرها
صقر : لا بس استغربت رفضها لي مع انها بنت بعمر الشباب وماهي ببزر
خالد : ايه بس قالت لك ريناد البنت تبي تبتعث
حصة : الا ماشاء الله خلاص بتبتعث
ريناد : والله ماادري اكيد لو تاكد كل شي عمي بيقول لابوي عاد المسكينه لها فتره تبي تبتعث
خالد : الله يوفقها
حصة : الا صقر من ودك نخطب لك
صقر : الحين مابي خلوها بعد فتره
خالد : وليييه
صقر : لا بس الحين ماببالي بنت وخلوها بعدين
خالد : عاد والله احمد من وجهه انه ماوده يردنا بس يالله ماكتبها ربك
صقر : ايه والله كان عمي ابد مو على بعضه بس يالله مكتوب

****
: هاه كم ناخذ بكره
ريم : خمسه ريال
عبدالله : هاه خوذي خمسة لي وخمسة لك
ريم : بس لحظة كيف مانخلي اهلنا يشكون
عبدالله : ناخذ السندويش والعصير ونعطيه العمال عندنا
ريم : بس اخاف السواق يفتن علينا
عبدالله : لا ماني معطيه بعطيه الهنود اللي ينظفون
ريم : ههههههه ولو درى ابوي تتخيل وش بيسوي
عبدالله : بيسوي كل العقابات الثلاث
ريم : هههههههه
عبدالله : عاد مر الجمعه والسبت بسرعه
ريم : ايه بكره دوام هههههه
عبدالله : هههههه تبين اسوي مثل اللي سويناه الخميس
ريم : تقلع بس
: عندي لكم خبر
عبدالله : وش
حنين : ذا اسيل بتبتعث
ريم : كذابه
حنين : والله ابوي وافق بتقعد عند خالي راكان
عبدالله : وحنا اخر من يعلم
حنين : والله انتم كنتم نايمين
عبدالله : ووش قال عبدالعزيز
حنين : عصب وعيا بس ابوي قاله ماتفرض كلامك وابوك حي
عبدالله : تعجبني ي ابو عبدالعزيز
حنين : هههههه واخيرا بافتك من ريم
: تتكلمون عن ايش
عبدالله : عن بعثتك
اسيل بفرح: عاد كنت جايه بعلمكم
حنين : يصلح اخذ غرفتك
ريم : ويصلح اخذ لابتوبك
: حشى بتورثونها ماكانها رايحه كم سنه وجايه
اسيل : هههههه شفت كيف عبدالعزيز وانت وش تبي تاخذ
قعد يطالعها بنظرات وهو ساند يده ع الباب : هه اخذ منك انتي
" وش فيه كذا معي ماكانه اخوي الحمدالله لهالدرجه معصب يعني " : ايه عادي اختك
عبدالعزيز : المهم ابوي يبيك تعالي
اسيل : طيب يالله
****
ولما دخلت مكتب ابوها
اسيل : هلا يبه بغيتني
احمد : ايه تعالي كلمي خالك راكان
اسيل بابتسامه : ان شاء الله
عبدالعزيز : هاه رد
اسيل : لا يتصل
: الو
اسيل : هلا والله بخالي
راكان : هلا والله بالغاليه وش اخبارك
اسيل : بخير الحمدالله وانت
راكان : بخير
اسيل : كيف البعثه معك
راكان : حلوه والله ليه
اسيل : بنت اختك بتصير خويه لك
راكان : ماشاء الله بتبتعثين
اسيل : ان شاءالله بس عندي مشكله ي خال
راكان : افا وش
اسيل : مالقيت محرم
راكان : انا اكون محرم لك قدمي على نفس مدينتي وانا محرمك
اسيل بفرح : واالله
راكان : ايه والله افا على بالي عندك سالفه،
اسيل : هههههه ي جعلني ماانحرم منك ي خال
راكان : ولا منك ي بعدي الا قدمتي اوراقك
اسيل : لا اليوم اخذنا الاذن من الوزاره الداخليه
راكان : هههههههه وبكره بتقدمين ع الوزاره الخارجيه
اسيل : باذن الله
راكان : عاد اسمعي حنا عندنا رز ابو كاس وهاالحركات بس جيبي معك قهوه عربيه اه ي اختي مفتقدها
اسيل : ان شاء الله ي خال اجل ريحتني مااقش معي الخزينه
راكان : لا لا بس جيبي قهوه واكون شاكر لك
اسيل : باذن الله اجل يالله ي خال استاذن
راكان : ي اهلا وسلها ولاتنسين القهوه
اسيل : ههههههه ان شاء الله
سكرت الاتصال وراحت لغرفتها جري
****
: بروح برووح ماني مصدقه
ريناد : خلاص ازعجتي امنا ي حبيبتي
اسيل : ماني مستوعبه
ريناد : المهم اسمعي حملي السكايب ابي اكلمك منه هناك
اسيل : من عينيه الثنتين
ريناد : لبى عيونك مع انها صغيره
اسيل : هههههه بتقبل مزحك البايخ
ريناد : عاد تصدقين احس الجمعه والسبت ماعاد له طعم يعني اه عجزت اعبر
اسيل : لا ان شاء الله يكون بيننا تواصل
ريناد : ان شاء الله
اسيل : يالله فمان الله
ريناد : فمان الله
وسكرت السماعه
____________________
من البكره الساعه7:00 الصباح
: وبنقدم اليوم اوراقك والله يقدم اللي فيه خير
اسيل : الله لا يحرمني منك يبه
احمد : ولا منك بس ابيك ترفعين راسي
اسيل : ان شاء الله يبه
****
: يالله كل وحده لفصلها
ريم : اصبحنا واصبح الملك لله
سحر : هههههه شكلك متعقده
ريم : ترفع الضغط اقول وراها رهف تاخرت
: سلااام
ريم : سالنا عن الحمار جانا يناهق وراك متاخره
رهف : اخووووي ماقام واخرنا
ريم : عندنا وعندك خير بس زين ابوي يقوم ومعه العقال ولا كان انا كل يوم غايبه
سحر : ههههههه الحمدالله اننا نروح مع سواق
ريم : تصدقين اني ارووح مع الشغاله
سحر : اليوم الاخلاق زفت
ريم : لامروقه
رهف : ادخلو الفصل وانتوا ساكتين
بالفصل
روان : ي بنات الفصل الاستاذة غايبه
ريم : بالله عليك
روان : والله
ريم : الله يبشرك بالشهاده
روان : وياك
وتلف ريم على البنات : الا ماعلمتكم
سحر : وش
ريم : تذكرون يوم اطلع
سحر : ايه
ريم : تخيلوا من جاي ياخذني
رهف : مين
ريم : عبدالله
سحر : كذابه
ريم : والله العظيم وتخيلوا وش صار
رهف : وش صار
ريم : كنا واقفين عند برجر كنح
****
: وين كنت هاج الخميس
عبدالله : ههههه ماعلمتكم رحت وفحطت وتعاقبت
سعود : كذاب
عبدالله : والله
محمد : ههههههه لاتستبعدها منه
****
: وهذا اللي صار
رهف : اه ي ليت عندي مثل اخوك
سحر : واشوف اولا معك فلوس
ريم : هههههه ايه جمعت انا و عبدالله وطلع معنا130 تكفينا الشهر هذا يعني بالقطاره
رهف : ي حرام وش بتسوون
ريم : وش بنسوي بنموت
رهف : ي مصخك
ريم : اقول من حلت واجب العلوم
سحر : انا حليته
ريم : عطينياه بشوف
سحر : خوذيه
ولما اخذته ريم وبتفتح ع الواجب : ايه ماعلمتكم
رهف : هاه وش بعد
ريم : الاسبوع هذا اسبوع الفله والمغامرات صراحه تخيلوا اسيل بتبتعث
سحر : اما عاد
ريم : والله وحنين بتاخذ غرفتها اخيرا بصير لحالي
سحر : ثلاث سنين وبترجع صح
ريم : بس تلقين لما ترجع عمرها عمر زواج وتزوج واصير لحالي مدى العمر ههههههه
رهف : وش اخبار العنود
ريم : رحنا معهم للمخيم فله كان وتخيلوا ريناد وااسيل طاح الدباب عليهم ي حرام ويجون العيال يساعدونهم ههههههه
سحر : من العيال
ريم : صقر و عبدالعزيز
سحر : ي فشله عجزت اتخيل
ريم : وحنا نطالعهم من بعيد قسم متنا ضحك
رهف : المهم ترا ماباقي على حصة العلوم غير عشر دقايق
ريم : اما عاد
وتفتح الكتاب وتقول : ايه ماعلمتكم
رهف : لا حول
ريم : ههههههه امزح معكم

****
في الجامعه
: وش تفكر فيه عبدالعزيز
عبدالعزيز : ي اخي شايل هم ي فيصل
فيصل : افا ليييه
عبدالعزيز : اختي بتبتعث وخايف عليها
فيصل : اختك الكبيره
عبدالعزيز : ايه
فيصل : لاتخاف عليها ان شاء الله امان متى قدمت الاوراق
عبدالعزيز : اليوم ابوي بيروح
فيصل : ممكن بعد اسبوع يطلع قبولها
عبدالعزيز : الله يوفقها
فيصل : يالله خلص وقت البريك قوم بندخل قبل لايطردنا الاخو
عبدالعزيز : قوم ماني بفاضي له ولقرقه
****
الساعه 12:30
في مدرسة ريم
ريم : يالله مع السلامه
سحر : فمان الله نشوفك بكره
رهف : ي اهلا وسهلا سررنا بمعرفتك
ريم : هههههههه يمصلك
" هاه وين سيارة السواق ايه هذي هي " : سلاام
حنين : هلا والله
ريم : اه وين البيت
حنين : لييه
ريم : حنين
حنين : نعم
ريم : مايصلح اصيير عاطله
حنين : السعوديه مهي فاضيه لعاطل ثاني بعد
ريم : ايه ي حرام اقنعتيني ولا كنت باصير عاطله
حنين : شكل ضاربتك الشمس
ريم : مره
____________________
بعد اسبوع تقريبا
في بيت خالد
: قبلوني قبلوني قبلوني
احمد : ماشاء الله مبروك ي بنتي
اسيل : الله يبارك فيك يبه
خالد : مبروك ي بنتي
اسيل : الله يبارك فيك ي عم
ريناد : والله بنفقدك
اسيل : عاد لاتبكيني
ويناد : الا ببكيك والله باطفش اذا بغيت اسولف بسولف مع مين
اسيل : ي بعد قلبي والله امشي نروح لامي وخالتي نبشرهم
ريناد : يالله
****
في مجلس الحريم
:انقبلت
هدى : ماشاء الله مبروك ي بنتي
حصة : تستاهلين كل خير
حنين : مبروك
اسيل : الله يبارك فيكم انابدق على عبدالعزيز ابشره
هدى : رد
اسيل : لا حاطته سبكر اصلا
عبدالعزيز : هلا
اسيل : هلا والله كيف حالك
عبدالعزيز : بخير
اسيل : وينك
عبدالعزيز : مع صقر
اسيل : عندي لك بشاره
عبدالعزيز : وش
اسيل : قبلوني
عبدالعزيز بكل برود : ماشاء الله مبروك
اسيل وهي متضايقه: وش فيك تقولها ببرود
عبدالعزيز : وش تبيني اقول يعني
اسيل : سلامتك فمان الله
وسكرت الخط
ريناد : يالله اخوووك بارد مره
اسيل : بقوه
ريناد : لهدرجة يعني مايبيك تبتعثين
هدى : لامن قال
ريناد : لا خاله لاتزعلين
هدى : هو الله يهديه عنيد
اسيل : بتصل ابشر خالي
****
في لندن
اتصال من
: ماشاء الله مبروك
اسيل : عاد جهز لي الغرفه
راكان : ابد من عيوني الغرفه جاهزه
اسيل : الله يسلمك ي خال
راكان : ويسلمك الا متى بتنور لندن
اسيل : ان شاء الله الشهر الجاي
راكان : اجل علميني متى بتجين عشان استقبلك،
اسيل : ان شاء الله يالله فمان الله
راكان : ي هلا والله فيك
وسكر الخط
راكان : اسيل انقبلت
دانه : والله ماشاء الله مبروك
راكان : ايه وبتجي عندنا ترا
دانه : حياها الله
راكان : بقول للعجيز حقتنا
دانه : ليه طيب ماناخذ شقه وتصير لنا بالنص
راكان : لا اغلى ي بنت اغلى بكثيييير
دانه : يعني
راكان : ايه
____________________
وبعد 28 يوم بالظبط
ببيت احمد
بغرفة اسيل
: هاه وش اخذتي
اسيل : 8 بجامات 4 ملابس طلعه واخذت قهوه و4 جزم بس وبطانيه وو اشياء بعد
حصة : لاتنسين حاجه
ريناد : واذا زاد شي شيلي من البجامات
هدى : واقري ع نفسك وتغطي
اسيل : ان شاء الله طيب تتوقعون هذا قليل
ريناد : وش قليله ترا مامعك الا30 كيلو
اسيل : مشكله والله
عبدالله : اخيرا بنفتك منك
ريم : ايه والله ماعاد فيه وحده تسلك لنا ولا عاد فيه شي ابد
عبدالله : بس هي اطيب اخواني ترا
ريم : ايه والله
وفجاه ينطون على اسيل ويضمونها
عبدالله : والله بنشتاق لك
ريم : ايه والله من اللي بيعطينا فلوس لاحتجنا
عبدالله : ومن بياخذنا لابغينا السوق
ريم : اه والله بنفقدك اسيل
اسيل : اه باقي لي يوم ونص وخلاص
ريناد : اسيل والله ببكي
هدى وهي تصيح وتضم حصة : والله بنشتاق لها
اسيل هنا قامت وضمت امها وبكوا
ثم قامت وشافت ريناد تبكي وارتمت ع احضانها وبكت
بعد فتره مب بالقليله
ريم : خلاص ترا ببكي
حنين : جد وان شاء الله تجينا كل سنه بالعيد
اسيل : ان شاء الله
حصة : ريناد يالله صقر عند الباب
ريناد : ان شاء الله اشوفك قريب ي حبيبتي
اسيل : ان شاء الله
____________________
: للللووووووووش وخلص العقاب وخلص العقاب
عبدالله : ي سعادتي
احمد : ههههههه لهدرجه مستانسين
عبدالله : يبه الله يعافيك ابي20
ريم : وانا بي20
احمد : ليه
كلهم مع بعض : بنطلب من ماك
احمد : لهدرجة مشتاقين يالله خوذو هذي خمسين
اسيل : ي حليلهم والله مافيه زيهم بشتاق للجتهم
عبدالعزيز : لا والله من يشتاق لهذولي
حنين : معليه تسافرين بكره ونشوف
اسيل : ههههههه حرام عليكم
هدى : لا والله مافيه ازين منهم
ريم : ي حبني لك يمه
عبدالله : ايه واالله
____________________

ومن البكره
: يالله اسيل بيروح الموعد
حنين : والله بنشتاق لك
هدى : ي بنتي
عبدالله : اتصلي لما توصلين
ريم : بنفقدك
سيتي ( الشغاله) : انتي في روح اسيل وارجع ابي شوف انت قبل مافي سفر انا
اسيل : ان شاء الله يالله فمان الله
****
موعد السفر
بالسياره متوجهين للمطار
احمد : عاد اسمعي ي اسيل انتبهي مو اي وحده تشوفينها ترتاحين لها تراهم غشاشين واسمعي اللي يشحذون سوي نفسك مانتي فاهمتهم وامشي وانتبهي من صديقاتك لاتصيرين مره معهم ولاتنامين عند احد
والعيال اللي معك لاتختلطين فيهم ولا تروحين معهم
اسيل : ان شاء الله يبه
لما وصلوا المطار
احمد : يالله فمان الله ي بنتي
وتضمه اسيل : فمان الله يبه
وتمشي مع عبدالعزيز " طبعا عبدالعزيز بيروح يوصلها للندن ويرجع للرياض بنفس اليوم "
عبدالعزيز وهو يرفع الجوال لاذنه : هلا صقر هاه عند المطار حياك وسكر
اسيل : مين اللي عند المطار
عبدالعزيز : صقر جايب اخته بتسلم عليك
اسيل : ي حبني لها الله لا يخليني منها
ثواني عبدالعزيز : هذا هم
صقر وهو جاي يركض: السلام عليكم ورحمة الله وبركاته
عبدالعزيز : وعليكم السلام ورحمة الله وبركاته
وريناد واسيل بعدوا عن العيال
ريناد : اه والله باشتاق لك
اسيل : وانا بعد ي قلبي
ريناد : حاولت بصقر لين ماوافق يجبيني
اسيل : الله لايحرمني منك ماتوقعت تجين
ريناد : اذا ماجيت لك اجي لمين
اسيل : يلبى
" نداء ركاب الطائره رقم 27 نداء ركاب الطائره27 "
اسيل : هذي طيارتنا
ريناد : يالله فمان الله
عبدالعزيز : اسيل يالله
اسيل : يالله
وظلت ريناد تلوح لاسيل لين مااختفت عن انظارها
صقر : هاه ارتحتي
ريناد : ايه مشكور
****
عند الموظف : الوزن زايد بزياده
عبدالعزيز : كم
الموظف : 80 لازم تفضيه المسموح بس30
عبدالعزيز : ووش نسوي
الموظف جيب كرتون وحط الاغراض فيها
اسيل : عبدالعزيز لا انا بخلي وحدة من الشنط واحط الاغراض اللي مااحتاجها بدل تضييع الوقت
عبدالعزيز : تسوين خير
وبدت تشيل وتطش بذا الشنطه وتشيل وتطش بذا الشنطه
واعطت الموظف الاغراض ولما شاف الوزن : لا مظبوط
اسيل : الحمد الله
ودخلوا
****
في الطياره
" وبدانا رحلة جديده مليئة بالمغامره مليئه بالخطر مليئه بالتعلم اثق انها ستكون حياة جيده "
واغلقت اسيل دفتر مذكراتها وانسدحت ونامت وغطت في نوم عميق جدا
: اسيل يالله قومي وصلنا
اسيل : هاه الساعه كم وكم نمت
عبدالعزيز : الساعه9:00 الليل تقريبا نمتي السفره كلها
ولما نزلوا من السياره الا راكان ودانه في انتظارهم
راكان : ي اهلا وسهلا تو مانورت لندن
اسيل : منوره بوجودك
عبدالعزيز : يالله انا استاذن
راكان : اقعد شوي
عبدالعزيز : والله ودي ي خال بس مره ثانيه المهم اني وصلت الامانه يالله فمان الله موعد طيارتي بعد ساعتين
راكان : فمان الله
ولما ابتعد عبدالعزيز شوي
: عبدالعزيز عبدالعزيز
عبدالعزيز لف : اسيل هلا
اسيل : بشتاق لك
ابتسم عبدالعزيز : وانا بعد
وحب راسها وقال : انتبهي لنفسك هاه
نزلت راسها : ان شاء الله
عبدالعزيز : يالله فمان الله
اسيل : فمان الله " اه ي اخوي بشتاق لك كثيييير "
: هاه نمشي
اسيل : ايه يالله خال
ولما طلعوا من المطار بدت حياة جديدة لاسيل
____________________
انتهى البارت الثالث اتمنى انه نال ع رضاكم

ارحب بتوقعاتكم
هل اسيل بتكمل بعثتها؟
وش راح تواجه من صعوبات بدايه حياتها؟
هل بتكون قد الثقه اللي عطاها ابوها لها؟

انتظروني في البارت الرابع

" بداية تحقيق الحلم "

ودي لكم اختكم نبض

 
 

 

عرض البوم صور "نبض"   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الوطن/, بعيدا, بقلمي, حدود, رواية
facebook



جديد مواضيع قسم ارشيف خاص بالقصص غير المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:51 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية