صباح الخير ال ليلاس الغالين

راح انزل البارت الثالث
بس ياليت
هالمره اقراء ردود تشجيعيه
ردود توسع الصدر ^^^^^^ الا غصب تبيهم يردون ههههه

كونو في انتظاري

البارت الثالث
……………………………………
(طيف )

خلصت من صلاتي
رفعت ساعتي
الساعه 9وانا توي اصلي الفجر الله يتقبل مني بس
شلت السجاده
لفيت الا ابوي واقف
طيف ببتسامه :صبحك الله بالخير يبه
ابو طيف ببتسامه : هاه يبه جاهزه

ياليل الليل نسيت الموعد
طيف: خمس دقايق واخلص يبه
ركضت بسرعه للغرفه
غيرت ملابسي ولبست العبايه
طلعنا ركبنا السياره
قطعنا نص المسافه
بعد تقريبا دقيقتين دخلنا
حي شهقت من المناظر والبيوت او بالاصح القصور
التفت لابوي بصدمه : يبه متاكد ان العنوان صح
ابو طيف :اكيد العنوان صح
فتحت الشباك عيوني شوي وتنط قدامي
ضميت شنطتي لصدري.
وطلعت لي سحابه على جنب مثل افلام الكرتون هههه
الله لو ساكنه احد القصور
وقفنا نزلت من السياره
شهقت بغت تجيني سكته قلبيه
من هول ما رايت
كان قصر كبير مرره والمرعب بالموضوع أنا بتتحمل كل مسؤوليته مسكت نفسي حسيت بتجيني دوخه
وامامي مباشرة بوابه كبيره وغير الحرس
وهذا كله عند البوابه الخلفيه
أجل البوابه الرئيسيه كيف
الصراحه خفت على نفسي يصير فيني شيء إذا بس تخيلت البوابه الرئيسيه
مشيت وراء ابوي وانا
مفهيه من المناظر وقفنا بالحديقه وامام باب المطبخ
احس المكان مو غريب علي
لما تذكرته وعرفت هالمكان زين لا مستحيل
لفيت لابوي بسرعه
طيف بخوف :يبه الله يخليك. خلاص بطلع
ما ابي اشتغل بطلت
ابوطيف بعصبيه :ليه احنا قاعدين نلعب
تحركت. وصار ابوي خلفي
نزللت دمعه مني
تذكرته وتذكرت كل شيء فيه
يا ترى كيفه
لا مستحيل يتذكرني بعد 10سنين
رجعت فيني الذاكره لسنين مضت
كنت اجي مع ابوي وانا صغيره مرت ايام وسنين وانا متعودة اجي له
تذكرت كل شخص هنا ابتسمت كانت ايام حلوه على الفرق اللي بيني وبينهم كانوا يحاولون بقدرالمستطاع ما يحسسوني فيه
كنت مجرد بنت السائق الشخصي مع ذلك اعتبروني اخت لهم وصديقة
كبرت ودخلت المتوسط وبعدها ابتعدت عنهم بحكم اني خلاص صرت اتغطى
اتذكرت كل لحظه من دخلت هنا
صحاني صوت ابوي
ابو طيف :طيف تعالي يبه
وقفت جنب ابوي
بغيت اغطي عيونه بالشنطه من الصاروخ اللي اقبل علينا
تمشي بكل ثقه وعينها على ساعتها
والخدم وراها والحجاب والعبايه
بالمختصر قمة بالاناقه
اه قمت اجمع ملامحي أنا عجوز معها
تحطيييئم وبقوه
بس ياترى من هي اتوقع انها فرد جديد
مدت يدها لي والابتسامه شاقه وجها :اهلين طيوفه كيفك ياحلوه
اتسعت عيوني وبعد تعرف اسمي
لا هنا أنا شكيت أن عيوني نطت قدامي من الخرعه
ابو طيف:طيف اعرفك رانيا زوجة المعزب سلمان
وجهت نظري لابوي
سلمان!!!!!!!!!!!!!!!!
مغيره اللي تشتغل عنده
لا لا لا بتشهد من كثر الصدمات اليوم
وزوجته الاولى وين راحت

رانيا :طيب طيف اش رايك الحين نروح أنا وياك وناخذ جوله بالقصر
ابو يزن :على كذا انا استأذن
تحرك ابوي
اتلفت الا ابوي راح
ورجعت طالعت فيها
وعطيتها ذيك الابتسامه الغبية
وركضت الحق ابوي
مسكته مع ذراعه
طيف بهمس :يبه الله يخليك روح معي خايفه ما اقدر ادخل لوحدي
نزل ابوي يدي من ذراعه
ابو طيف :طيف اتوقع انك كبيره وما يحتاج حركات البزرنه هذي يلا يا بنتي هذا اول يوم لك وصدقيني يومين وتتعودين
ابتسمت كلامه شجعني
اتجهت لرانيا
طيف :يلا نبدا
رانيا :يلا
………………………………………
(رداد )
لوحت لنا بيدها تنهدة
الحمدلله
احس هم وانزاح من قلبي
أنا ماكملت يومين في هالمكان
بس هالبنتين احس من جد محتاجات لعون لهم وشخص يكون مسؤول عنهم ويحميهم من بعد الله
رفعت نظري للشباك ابتسمت لما شفت يدها تلوح لنا
عاهدة بيني وبين نفسي اني طول الفتره اللي راح اكون فيها هنا راح احميهم واساعدهم بكل ما استطيع
اختفت يدها فجاءه وجهت نظري لمزون
تصارخ رجعت ناظرت بالشباك اختفت
اكيد صار فيها شيء
مسكت مزون مع ذراعها
ركضت بسرعه
لازم الحق عليها قبل لا يصير فيها شيء
وصلنا
حاولت افتح الباب
اه يارب
حاولت اكسره بعد ما نفع
ناظرت في مزون تضرب بالباب وتبكي
شكيت في شي قوي صار داخل الغرفه
اتلفت ادور شيء اكسر فيه الباب
لقيت مثل السيفين معلقه منظر
سحبت واحد دخلته
واخيرا فتح


الاسم : رداد
العمر : 29
……………………………………………
(راكان)
قربت منها
تفقدت وجها
اش فيها معقوله اغمى عليها او ماتت
لا مستحيل
تاكدت من نبضها
هزيتها :اسيل اسيل قومي
صارخت بصوت عالي :اسيل قومي صدقيني ما راح اسوي فيك شيء واحلف لك ما راح اسوي فيك شيء بس انتي قومي
وقفت شبرت الغرفه رايح جاي
افكر اش اسوي
قربت منها
دخلت يدي تحت ظهرها بشيلها
فتحت عيونها اسيل فجاءه وفزت من مكانها بسرعه
اسيل بصراخ :ابعد عني انت قلت ما راح تسوي لي شيء
ناظرت فيها مصدوم
اخ ودي اقتلها وانا اللي توقعت صار فيها شيء
هين يا اسيل
قربت منها
بعدت عني
بديت اقرب منها لين تقريبا لصقت فيها
اسيل بسرعه غطت وجها
اسيل بهمس وترجي :الله يخليك لا تلمسني
ابعدت عنها فجاءه وانا مصدوم
قلبي اوجعني من حركتها.
تحركت بهدوء وانا اقرب منها
وهي تبعد
لفت انتباهي يدها ترجف
في هاللحظه مشاعري تلخبطت
وسحبتها لحضني
حاوطتها بيديني
قاومتني حاولت تسحب نفسها مني.
بعدها خفت حركتها ؤوقفت عن الحركه
و المكان هادى ما فيه اي صوت
غير صوت شهقاتها


…………………"…………'………"
(طيف)
اه
جلست في المطبخ
احس بلخبطه مو قادره ارتب افكاري
طلعت مني تنهيده
يا رب كيف راح ادير هالمكان الكبير صعبه لوحدي
والله صعبه
طلعت الدفتر الصغير والقلم من الحين راح
ابدى ارتب الجدول
طلعت من المطبخ وانا امشي بالممر . وعيني على الدفتر واكتب
بس اول لازم قبل انظم الجدول احسب عدد الغرف
واممم والخدم واش ثاني
رفعت نظري عن الدفتر
طاح القلم والدفتر من الصدمه وعيوني مبققه ع الاخر
نزل مع الدرج وهو يمشي بسرعه فجاءه وقف يسوي الرباط حق جزمته
رفع نظره لي وانا مثل الصنم واقفه ما تحركت بس عيوني اللي تتحرك
رجعني لسنين راحت
مصدومه ما تغير الا انه كبر وصار احلى من اول بشوي
حسيت على نفسي ونزلت اخذ الورقه والقلم
عدلت لثمتي تنحنحت وكملت مشي.مريت من جنبه شفته
ابتسم بستهزاء
اش سالفته ما اذكر انه كان مغرور
طلعت بسرعه من الباب كان يفتح على الحديقه
جلست على الكرسي اتنفس بسرعه وخلفي مباشرة ممر
مو مصدقه يعني معقوله تذكرني لا مستحيل
ناظرت في المكان قدامي قهر
طول هالسنين ما غاب عن بالي دقيقه
وبألنهايه ما تذكرني
حبيته وحفظت حبه في قلبي
وبالنهايه ولا شيء
حسيت في الباب انفتح
طلع منه
فزيت بسرعه من مكاني واتخبيت بالممر طلعت راسي و راقبته
الشنطه الرياضيه على كتفه والسماعات ويهز راسه مع الاغنيه
وجهت نظري لجسمه
طويل وشخصيته كانه امير غير العضلات
بالحيل تغير قبل كان نحيف مرره ولا في لاعضلات ولا شيء وبعد قصير والشعر كوم لوحده هههههه
رجعت راسي خفت يشوفني قعدت افكر يا ترى وين رايح طلعت راسي مررره ثانيه اشوفه
نسيت نفسي اسولف بصوت عالي
طيف:هذا من شنطته ولبسه شكله رايح للنادي
لفيت على وراء بمشي
صارخت من الفجعه من اللي واقف قدامي رفعت عيني
هذا من وين طلع مرر نظراته فيني من فوق لتحت
شديت عباتي على نفسي وبعدت
حسيته قرب مني
هو يقرب وانا انزل على تحت
بلعت ريقي
هذا
هذا
هربت منه يمه
نظراته تخرع
وكل شوي التفت انظر وراء
هذا اول يوم لي وصار كل هذا
بس صح من هذا ما اتذكرته
اقول خلني اروح لابوي
……………………………………………
(مزون )
خلاص ما اقدر اوقف من سمعت صوت صراخه يصحيها
اكيد ماتت لا مستحيل تروح تتركني ما ابي اجرب شعور الوحده مرره ثانيه
ضربت الباب وانا اصارخ لعلى وعسى يحس فينا ويفتحه
يا ربي مستحيل لا


مزون بترجي :راكان اللله يخليك افتحه. لا تسوي فيها شيء
بعدها رداد
وكسر الباب

دخلوا الجناح بسرعه
وقفوا قدام باب الغرفه
شهقت مزون من المنظر اللي قدامها
رداد نفس الحاله مصدوم نزل عينه
............................................................ .
(راكان )
مرت خمس دقايق وهي بحضني ما تتحرك ولا تهمس
ضميتها اكثر لي
ليش ما ادري
على كثر ما اتلذذ بتعذيبها واكرهها الا فيني شيء ثاني يخليني الين لها
تنهدت
سمعت كسر الباب حق الجناح رفعت راسها بيدي
قرب راكان شفايفه من اذنها همس لها بعصبيه :اسيل فتحي عيونك احسن لك
انتظرتها ترد
لا رد هزيتها
طاحت من يدي للارض
سمعت شهقه
التفت للي واقفين عند الباب
………………………………………
(مزون)
دخلت الغرفه واشرت لرداد وراي انه يلحقني
طلعت القلم من جيبه
كتبت له بيده
مزون: رداد بسرعه ساعدني نطلعها تكفى
وجهت نظراتي لراكان
قربت منه
راكان اتسعت عيونه بعصبيه
لما حس باليد اللي انطبعت على خده
راكان بعصبيه
رد الكف كفين لها

طلع صوت صدى الكف في المكان من قوته
بلعت ريقي بصعوبه
مسحت الدم اللي سال من طرف شففتي
لفيت راسي لجهته ورفعتي راسي بشموخ وعيني بعينه
مزون وبتهديد :بتشوف يا راكان اوه قصدي يا سيدي. راكان بيجي اليوم اللي بتندم على كل فعله شينه سويتها فيني أنا واسيل
نزلت وجلست على ركبي وانا اثبت يدين اسيل ذراع على كتفي وذراع على كتف رداد
اوه نسيت وقفت قبل لا اطلع
مزون :وعلى فكره ماهو برجالل اللي مظهر قوته على حرمه يعني لا تظن انك شنب بافعالك هذي انت جزمه ولا الجزمه اشرف من… وعلى فكره ليت تدخل غرفة جانيت وتتاكد بنفسك هذي اللي ثقتك عمياء فيها محد جايب لك المصايب غيرها. جد الطيور على اشكالها تقع طلعت مثلك وسخه وحقيره و …
بلعت اخر الكلام وفضلت اني ما اقوله لاني عارفه نهايتها وش بيصير
وصلنا السكن ودخلنا الغرفة بسرعه
جبت قطعة مرايه وحطتها عند خشم اسيل
اشوف تنفسها كيف كان تمام
بس اكيد اللي فيها بس دوخه

بعد عشر دقايق
طلعت برى الغرفه
ابتسمت بحنية
كان رداد جالس قدام الباب فز لما شافها
قربت منه
طلع القلم وكتب لها بالنوته
رداد : هاه بشريني كيفها اسيل صحت
مزون : ايه وبخير والحين هي نايمه وانت اش مجلسك يلا لغرفتك نام تدري بكرا لازم نبدا تجهيزات ما بقى غير خمس ايام عن الاجتماع
تنهد رداد وكتب لها : بس ما اقدر انام خايف يا مزون
مزون : من ايش
رداد : خايف يسوي فيكم شي هالنذل هذا من اول ما شفته عرفت انه انسان ما يخاف ربه وحقير اقولك روحي نامي بس وانا عادي بجلس هنا لين يجيني النوم ا
ابتسم وكتب :يلا روحي نامي بس
مزون: لا انت قبل روح نام صدقني مايقدر يسوي شيء .نسيت اقولك تراه نفسيه جبان بس يلا روح
رداد : عنيده ومحد يقدر عليك يلا بروح
مزون:تصبح على خير
لفيت بدخل الغرفة
بس وقفتني يده
سحب رداد يدها وكتب لها بباطن كفها
(انتبهي على نفسك انتي واسيل )
ابتسمت لهه واشرت له على عيوني
مزون: من عيوني ما طلبت شيء
…………………………………
في ألحديقه
جالسات ع السجاده وراء الشجره
مزون وعينها ع الدفتر :اوف خلاص بكره الاجتماع واحنا ماجهزنا بعض الاشياء
رفعت عينها لاسيل اللي ماتشوف غير ظهرها و واقفه تراقب من وراء الشجره :اسيل هيه يالتيس اكلمك
اسيل اشرت لها تسكت :اوش تعالي شوفي تعالي لا يفوتك
مزون :اوه والله مافيني حيل اقوم قولي من
رجعت اسيل وجلست قدام مزون :ماادري اول مرره اشوفه
مزون بعدم اهتمام :يمكن ضيف راكان المهم مالنا بالطويله جهزتي الاكواب والصحون
قاطعتها اسيل :مليون مرره قلت لي وجاوبتك ايه وبعدين تعالي خمس خدمات ليش ما يسوون كل هذا جد لعانه حتى الصحون لازم احنا نسويها
مزون :اوف طيب رداد هذا وينه ابغاه عشان بتاكد إذا سوا كل اللي في القائمه
رمت الدفتر على اسيل واخذت القائمه
وقفت مزون تعدل حجابها :اسمعي أنا بروح اتاكد انه سوا كل اللي في القائمه لا تتحركين من مكانك فاهمه
اسيل : طيب بس لا تتاخرين وحاولي تجيبين معك شيء اكله اوكيه قوعانه اوي
…………………………………………
نزلت مع الدرج وبيدها النوته
توجهت للمطبخ
فتحت باب المطبخ
طيف : السلام عليكم
الخادمات
بعربي مكسر :وعليكم السلام
….........................
(طيف)
دخلت المطبخ
اشوف الترتيبات
وكيف الشغل
اليوم بيجون ضيوف للمدام رانيا
شيكت على الاكل
توجهت للغرفه الرئيسيه اتاكد من نظافتها
حطيت السماعات وقمت افتر من مكان لمكان
ما تاكدت من ان المكان مرتب ومنظم حسب ما طلبت
طلعت اتمشى ودي استكشف المكان
مشيت في الممرات
ومشيت
تهت ما ادري وين رحت
اوف لقيت باب قدامي فتحته ودخلت
وقفت بالوسط تجولت بنظري في المكان
لقيت ممر كملت مشي
اوه يمه المكان صار مظلم
نورت بالجوال اتلفت
واخيرا لقيت باب على جنب حاولت افتحه
الحمد لله فتح دخلت بشويش جسمي كله ينتفض من الخوف
ودخلت في مطبخ صغير
مشيت على روس اصابعي وانا خايفه
لين طلعت من المطبخ ولقيت نفسي في صالات استقبال مفتوحه على بعض
كان فله بس دورين
الانوار خافته مشيت بهدوء
قلبي كل ماله تزيد نبضاته
امشي ولا ادري وين دربي
مشيت بممر انواره خافته يميل للظلام
وكملت امشي
شد انتباهي باب تحت الدرج
قربت منه
هنا اشتغل فيني عرق اللقافه
فتحته ودخلت بس راسي
كانه ينزل للبد روم دخلت بهداوه
مشيت ببطئ
وماكان فيه نور غير الابجورة اللي معلقه فوق في الجدار
وقفت انفجعت وش جاب المصعد هنا
حسيته انفتح تداركت الوضع واتخبيت
وراء كراتين انكتمت من الغبار
طلعت راسي اشوف مين
مسكت شهقتي
هذا!!!!!!!!
نفسه اللي فجعني وفجاءه لقيته ورائي
من الحماس تربعت وقعدت افكر يا ترى من هو
انتظرته لما تاكدت انه طلع
وقفت قدام المصعد احاول افتحه
اوف غريبه اول مرره اشوف مصعد كذا
دوم اشوف هالنوعيه للمصاعد بس في الافلام.
ما يفتح الا ببطاقه او بصمة اليد او الاصبع
حاولت منا مناك مو راضي ينفتح
فجاءه وبسرعه رفعت راسي حسيت في شيء اشتغل
اوما كاميرااأ!!!!!!!!
سحبت نفسي وركض مع الدرج قبل لا تلقطني هالكاميرا اش هالمكان الاجرامي
بديت اشك أنه مقر المافيا ههه
فتحت الباب وركض لين طلعت من الفله بكبرها
وقفت وقلبي ينبض بقوه ويالله اتنفس من الركض
جلست على الكرسي استجمعت انفاسي
طيف وبتفكير : هالمكان مرعب احسه غريب وكله اسرار
توجهت للمطبخ فتحت الباب
ما حسيت الا أنا طايره
اه اه اه احييييييه
فتحت عيوني وانا متنحه من قوة الالم
ما اشوف الا السماء والشمس صاقعه على راسي
تحركت بالم اخ ظهري يوجعني
فتحت عيوني اناظر فيهم مفجوعه وانا ماسكه جنبي
من اشكالل الخدامات
كلهم واقفات حولي وانا متسطحه من قوه الطيحه
شد انتباهي طولهم
اما اش اللي مطولهم بين يوم وليله
هنا فزيت ؤقفت لما حسيت فيه جنبي
هذا وين ما اروح طالع لي
نفضت عباتي من الغبار
عدلت لثمتي
:لو سمحتي اختي فيك شيء
ناظرت فيه بحقد ما ادري هالرجال ما هضمته او بالعربي ما بلعته من شفته طالع اولى من ذاك المكان حسيت انه مو مضبوط
طيف وهي تناظر في الجهه الثانيه وبدون نفس :لا عادي مافي شيء
:طيب اسفين وياليت مره ثانيه تنتبهين لطريقك
ناظرت فيه
هنا بغيت اقوم عليه واعطيه لين يطيح مصروع الحين اللي مفروض ينتبه أنا والا هو
وجعاه انشاء الله
طيف بصوت منخفض :انشاء الله وانت بعد ياليت تقول للخدم اللي معاك مرره ثانيه إذا كانو ينقلون اغراض كبيره وثقيله مثل هالاشياء لا يركضون يمشون على مهلهم ترالدنيا مو طايره
رفع نظره لي بصدمه
يمه خرعتني نظراته وابوياه شكله حقد علي
ابتسم باستهزاء :اوكيه. على هالخشم اي اوامر ثانيه
يا مدموزيل
طنشته ودخلت للفيلا
أنا هالشخص لازم اعرف من هو؟؟؟؟



نهاية البارت

البارت الرابع
(كندا )
(مسك)
تقلبت على فراشي احاول انام موقادره
لازم اقول لعمي. بس صعبه هو رايح يتمشى عندهم اجازه وكذا بيقلق علي مو حاله مستحيل يكون تخيلات
اسبوع وانا احس باني مراقبه احس باللي يلاحقني ويراقبني من مكان لمكان
تعوذت من الشيطان وقمت صليت وتجهزت للجامعه
قفلت باب الشقه حصنت نفسي وتوكلت على الله وتوجهت للجامعه
جلست مع البنات
مسك :صباح الخير يا حلوين
البنات صباح الورد
وسن : ايه بنات هاه كيف النفسيات الاجازه قربت
مرام :أنا من كثر ما اعدالايام والليالي احس بطقني نفسيه
خلاص بس والله حرام اجازه بس شهر حتى عيد الاضحى ما عيدنا مع اهلينا
مسك :وين انتي الثانيه من الحين تعدين باقي كثير على الاجازه بالحيل متحمسات هههههه
قامت تغني مرام :يا اهلي الروح تعبانه جيبولي دكتور نفسيه
ؤمسك رافعه الكتاب وادق
ووسن تهز براسها هي وسلمى د
بحكم انهم جالسات بمكان منعزل
قامت وسن تهز خصرها وترقص بخكرنه
سلمى : عاشوا هلا لفت لفت على جنب على جنب
ومرام مع التشجيع تلف
مسك : هههههه اقول اقضبن ارضكن بس الحين لازم نسلم المشروع حقنا الاسبوع الجاي
ضحكت سلمى : الحين خلينا نبدا فيه بعدين
نسلمه
مرام وفمها مليان : اوافقك الراي يا اختاه
دقت مسك صدرها : ازهلوها وانا بنت بابا احم المشروع جاهز ما علينا الا نسلمه
مرام شرقت بالاكل :وشهو جاهز اي يالسلحه من وين جايبته
مسك :احم احم جيته وبس
وسن :اقول اعترفي بس من وين لاطشته
ناظرت سلمى بساعتها: اقول قوموا بس الكلاس بدا


…….................................................
(مزون)
اوف برد برا كنت ماسكه القائمه بيدي
اتمشى قربت من قسم الاستقبال
كاني سمعت صوت ضحك
كان. مصدر الصوت الصاله الرئيسيه
الصوت الاول عرفته مغيره ركانووه جعله اللي ماني بقايله خمس ايام ماشفناه ريحنا منه واهم شي اسيل حسيت نفسيتها هاه صارت ازين بعد اخر موقف بينها وبينه
طلعوا من الصاله وانا كنت واقفه قريب من عندهم
طاحت عيني ع الشخص الثاني اللي واقف جنب راكان
حسيت الدنيا توقفت حولي من الصدمة
ومافي غير أنا وياه
حسيت فيهم انتبهوا لي
غطيت وجهي بالقائمه لاجل ما يشوفني وركضت
بسرعه هاربه تمنيت اظل امشي وامشي بدون ما اوقف
خلاص قلبي تعب ما عاد فيه حيل يتحمل اكثر من اللي سواه فيني هدر كل طاقتي
استندت على الجدار نزلت دموعي بلا مقدمات
شوي شوي لين جلست على الارض ابكي بحرقه
اشاهق بالم احس بالغصه وروحي بتطلع من شدة الالم
صحت لا شعوري اه اه حسيت بصدى صوتي يتردد
مرت خمس دقايق حاولت اهدي مسحت دموعي
دخلت الحمام غسلت وجهي حاولت اخفي اثار الدموع
وطلعت بروح لاسيل
قربت من اسيل وكان رداد جالس شوي بعيد عن جلستنا
تنحنحت حاولت ابين اني عادي

مزون بابتسامه مصطنعه:اسيل ييلا قمنا الوقت تاخر لازم ننام بدري
اسيل :اساسا بقوم من دون تقولين لاني خلاص مصروعه ابي انام نومه اليمه هههههه
مزون:ههههههه أجل يلا سرينا بما اني اشك بالنوم دام جانيت موجوده انسي انك تنامين براحه وغير كذا السي سيد راكان لا تنسين تراه بصفها
نزلت اسيل راسها لما جبت طاري راكان
سمعت تنهيدتها
هفف ياربي انا وش خلاني اجيب طاريه هالتيس
قربت من رداد وكتبت له بورقه
مزون :رداد يلا تصبح على خير وانت نام بدري لان ورانا شغل مرره كثير بكره راح نكون مضغوطين
ابتسم رداد :اوكيه يلا تصبحين على خير
قربت اسيل واشرت لارداد:تصبح على خير

لفيت ابي امشي وقفت فجاءه ورجعت لوراء لا اراديا
من اللي قدامي
بلعت ريقي بتوتر
كيف عرف اني موجوده هنا
ليه ما قالوا له اني ميته
طنشته وعطيته ظهري واشرت لاسيل
مزون بهمس :يلا اسيل
مشينا من جنبه
ما حسيت الا بيده وهي تضغط على ذراعي يوقفني
مزون وهي تحاول تضبط اعصابها : لو سمحت اترك يدي
واخيرا سمعت صوته اللي جلست ايام وليالي اتمنى بس اسمعه سنتين ونص تركني وراح تركني بلا رحمه وحيده اقاسي الظلم في هالمكان لوحدي
::واذا ما تركتها وش بتسوين
سحبت يدي بالغصب منه
مزون بعصبيه وبصوت عالي واستفزازي :مو على كيفك غصبن عنك تتركها سامع وبعدين مين انت عشان
جاي وبكل ثقه تلمسني
رد عليها باستهزاء :الله يالدنيا مسرع نسيتيني يا مزون
رديت عليه مزون بضحكه :صدقني يا نايف سنتين كافيه بأن تخليني انساك وانسى عشره من امثالك
شهقت اسيل :مزون. هذا
فضلت اسيل انها تسكت
مزون باستهزاء :مو لزوم اعرفكم عليه
قربت شفتها من اذنه وبصوت هامس :لان افعاله وسمعته الشينه
ابعدت عنه وانا عيني بعينه
عضت مزون شفتها بدلع وباسلوب ينرفز :اوبس قصدي الزينه سابقته
قلت كلمتي الاخيره بعصبيه
مسكها مع يدها وسحبها. يجرها مثل التيس وراه
حس باليد اللي انحطت على كتفه
لف الا هو رداد
سحب رداد مزون وحطها خلفه مباشرة هي واسيل
وطلع القلم وكتب على قميص نايف الرسمي
رداد:إذا فيك خير حاول تقرب منها مرره ثانيه فهمت
نايف شوي ما استوعب حركته بعدين فهم انه مايسمع ولا يتكلم
طنش الموضوع نايف
وسحب مزون من خلفه
عصب رداد وكان رده انه عطاه لكمه على وجه
ونايف بالمثل رد له الحركه نفسها بس ضاعفها
وبدوا بهوشه عنيفه مرره
فجاءه صرخت مزون وقفت بينهم :خلاص يكفي
…........................................................... ...
(مسك)
خلص الكلاس
دخلت الكوفي جلست بطاوله في اخر الكوفي بجهة الزاويه
طلعت الايبود لبست السماعات
مرت خمس دقايق البنات تاخروا. كله هذا يشترون كتاب
طلعت كتاب رواية وبديت اقراء
صدفه رفعت عيني بغى يغمى علي
لما شفته
نفسه هو
في كل مكان اشوفه في كل مكان
اسبوعين وانا اشوفه بكل مكان طالع لي هفففف
وجه نظره لي وعطاني ذيك النظره
اللي خلتني ارفع اغراضي بسرعه وربكه وطلعت ركض من الكوفي
وقفت اشرب مويا وانا كل شوي اتلفت ورائي خايفه
قمت اضغط الارقام بربكه وخوف وانا اتلفت بالمكان حولي
وردت مرام وقلت لها تقابلني عند كوفي قريب من الشقه
مجرد قفلت الخط كملت ركض اخاف يطلع لي مررره ثانيه
…...........................................
(طيف )
وصلوا الضيوف
دخلت للمطبخ احس بربكه وصرت اركض هنا وهناك
اشرف على الاكل
جلست ع الكرسي اللي بالحديقه تنهدة :اه
مددت رجولي وصرت ادعكها من الالم
وبعد ما خلصت وقفت واتجهت للجهه اليسار من الفيلا
تصنمت من المنظر اللي قدامي


ماسكته مع يده وتتكلم:
منصور الله يخليك طيب قولي وش اقول لمريم
نزل منصور يدها وبدون نفس : قلت لك يصير خير والا تدرين قولي لها يقولك منصور لا
بعدها راح وتركها .
من شفتها واقفه مع منصور جاني الم في قلبي
مقعوله تزوج وهذي زوجته
حسيت الدموع تجمعت في عيني
وانا محتفظه بحبه وبالنهايه متزوج
بس دقيقه في شيء استغربته
نظرت في يد البنت لاهي لابسه خاتم ولاشي
ابتسمت
اه الحمدلله يعني ماهي زوجته
بس ليش واقفه جنبه اه اكيد بينهم شيء لزوم اعرف علاقتهم ببعض
الحين كيف اروح مستحيل امشي من جنبه
هونت عن الموضوع كله ورجعت لمكاني
دخلت الفيلا جتني لقافه الا اشوف الاشكال
والضيوف
وقفت عند الباب وطلعت راسي بحيث محد يشوفني وقمت اقزقز
شهقت من المناظر البنات كل وحده تقول الزود عندي
اه جتني بكوه
مستحيل يفكر يطالع فيني لاني وبكل اسف اقل من هالبنات بحاجات كثيره
تضايقت ورجعت لمكاني في الحديقه تنهدت اكيد وحده من هالبنات الشقر خطيبته
اوف أنا ليش مشغله نفسي فيه
اروح اشرف ع الشغل احسن من قعدتي كذا
دخلت المطبخ
دق التلفون حق المطبخ
طيف :الو
رانيا :ايه طيف ياليت تجين تشرفين ع المكان وتشوفين الضيوف إذا محتاجين شيء
طيف بصدمه :ايش!!!!!
رانيا ;مثل ماقلت لك وياليت تسرعين وبسرعه
طيف :اوكيه مدام رانيا اي اوامرا ثانيه
رانيا : لا بس بسرعه
توجهت بسرعه
دخلت الفيلا
وقفت عند مرايه نزلت لثمتي
ظليت فتره اتمقل في خشتي وشكلي
لا مستحيل ادخل جيت برجع
الا منصور داخل
رفعت لثمتي بسرعه
بس بعد ايش
يارب انشاء الله انه ما شاف ياخوفي عرفني وتذكرني
اوف تحركت بسرعه من قدامه ودخلت قبله للصاله حسيت فيه يدخل وراي
وقفت وهو وقف
لفيت له لانه كان واقف وراي
اشرت له بيدي
طيف : لو سمحت بس في ضيوف داخل
ضحك منصور : ههههههه وانتي محد قالك ان هالحفله عائليه
طيف : بس البنات
منصور بملل: لاتخافين البنات لبسوا عباياتهم ويدرون اني بدخل
بعدني عن طريقه بطرف اصبعه بقرف
حسسني اني زباله مو ادميه
بس هين
مشيت بسرعه لين جيت قبله فتحت الباب اللي يدخل على الجلسات حسيت اللكل يطالع فيني وخلفي
لفيت
واقف خلفي مباشرة مايفصل بينا الا مسافه
ابعدت بسرعه وناديت وحده من الخدم
وبديت اشرف على المكان
بالبدايه حسيت بخوف ورهبه
بس الضيوف ما كانوا كثير
تقريبا عائلتين او ثلاث
شكلي كان مرره غلط بينهم
كان في مثل المطبخ الصغير مفتوح (مطبخ امريكي )حق تحضير
جلست ع الكرسي ارتاح
شربت عصير وريحت
قمت اروح اشوف الشغل كيف
كنت امشي وعيني على الارض
رفعت عيني و طاحت عيني عليهم
منصور ونفس البنت اللي كانت اول معه
حسيت بنفسي ونزلت عيني
تضايقت عارفه مو من حقي
بس احبه والله مو بيدي
سنين ما نسيته ولا غاب عن بالي
حاولت اتناسى وجوده
…...................................................
(شموخ )
(في السطح )
:بس ابفهم هالمومري كيف جاء بالسطح حق العماره
كأن فيه شيء غريب
حور :اقول امشي بس انت. بطقك نفسيه من كثر ما تفكرين بالهمومري ماله الا يومين لاقينه وانتي بس تفكرين كيف جاء
شموخ بتفكير :اللي مشغلني الملفات اللي فيه غريبه
تحسينها طلاسم او بالاصح شفرات
قالت كلمتها الاخيره بهمس
حور بخوف : اقول عن الهذره الزايده بس ناقصه أنا تخرعيني بذا اليولي المهم مالنا بالطويله ترا احتمال نروح عمره
شموخ :جد الله واخيرا تدرين اني طاقتن نفسي على ما اعتمر انشاء الله هالسنه بحج وخلهم يقولون لا بس تعالي يوم ايش
ربس ما ادري متى بالضبط المهم هالشهر ذا او الشهر الجاي حور :احتمال بنص الشهر او نهايته
شموخ بعصبيه : وشهو بنص الشهر والا نهايته لا مستحيل
حور باستهزاء :وليه انشاء الله على كيفك ليكون ما راق لك التاريخ يا انسه شموخ
شموخ بستهزاء وعصبيه:لا ابدن راق لي بس تعرفين جدول اعمالي مرره ملخبط
حور :والله هذا جدول اعمالك لو مشينا عليه عز الله ما حصلنا شيء
شموخ ترفس حور برجلها : ابعدي عني أنا اروح الحين
لابوي
حور :اقول انثبري بس بتقومين ابوي من نومه اجلسي بس
شموخ رجعت وجلست :هفففففف وش ذا وقتهم مرره غلط مرره ماينفع
حور: اقول فكينا بس بكره نتفاهم
نطت حور عند شموخ تبوسها :شموخه اختي فديتك الله يخليك بما انا طفشانات ومالنا الا بعض وش رايك نتهندب في خششنا يلا مستعده اتنازل عن خشتي الزوينه وتسوين لي مكياج وتشقرين لي وتسوين لي كذا تسريحه عشوائي
قربت وجها من شموخ وشاقه الابتسامه:هاه وش رايك
شموخ تبعد حور عنها :اقول مناك بس فاضيه لك أنا
وراي اشغال
حور :ارحمينا يا حصه الشعلان
شموخ :احم احم بروح اشوف جدول اعم…
قاطعتها حور : إذا على الورقه اللي معلقتها على التسريحه راحت مراح جدي ههه
لفت شموخ على حور مفجوعه :هاه راحت
دعست لتحت لازم اتلاحق على الورقة ما اقول الا الله يعين الله رزقنا باخوان مقرودين بي يدرجون بهالبيت ويخربون
…...............................................
قاطعتهم وهي تشاهق وتمسح دموعها :خلاص يكفي
يكفي
قالت كلمتها الاخيره بضعف
قربت منها اسيل :خلاص مزون عشاني اسكتي الله يخيلك
كانت مزون شبه منهاره
اتجهت اسيل لرداد وسحبته مع ذراعه
كتبت له : رداد يلا مشينا خلهم لوحدهم
نظر فيها رداد بعصبيه وكتب لها :ايش اخليهم لوحدهم مستحيل اسيل أنا وعدتكم احميكم ما دمت موجود بهالمكان
اسيل :بس رداد هو زوجها
رداد بصدمه :ايش!!!!زوجها؟
اسيل :ايه زوجها يلا تعال نمشي
تردد رداد بالبدايه يخليها لوحدها
توجهوا للمطبخ
جابت اسيل كوبين مويا
مدت كوب لرداد
جلست قباله
شهقه اسيل واشرت لرداد : انت تنزف
قامت بسرعه تجيب الاسعاف الاوليه
قربت منه
اسيل:رداد لف شوي خلني اطهرجرحك قبل لا يتلوث
كان مجروح من جنب شفايفه وفي راسه جرح شوي ينزف
ابتدت تشتغل حست فيه يراقبها
التقت نظراتهم
شافته يتنهد
حست على نفسها ونزلت عيونها وكملت شغلها بهدوء
…
(رداد )
اه
ليه كل ما اشوفها اتذكره
سبحان الله يخلق من الشبه اربعين
رجعت فيني الذاكره لسنتين ونص ذاك اليوم الشنيع
دخلت مواقف السيارات كان الوضع مرره عادي فجاءه حسيت بطلق رصاص
ركضت ؤقفت وراء السياره وكان الطلق بالبدايه قدامي
فتحت الجوال واتصلت على رفيق عمري
رداد : الو ولد تسمعني
:ايه اسمعك اش فيك بسرعه
رداد بعجله :ركز معي لا عطيتك نغمه على طول تجي
:طيب بسرعه عطني العنوان
عطيته العنوان
قفلت الجوال وبحركه سريعه صار الطلق خلفي
جت رصاصه بذراعي
تسحبت لين حاولت افتح السيارات واخر سياره وقفت عندها كانت بورش لونها اسود النوافذ حقتها مضلله فتحت الباب
هنا رميت نفسي في السياره وبعدها غبت عن الوعي
صحيت لقيت نفسي بمكان غريب غريب غريب
وبعيد كل البعد عن ديرتي
تنهدت لليوم هذا ما ادري كيف وصلت هنا
رفعت نظري لها مره ثانيه شفتها تطهر جرحي
وكل تركيزها على شغلها
…
قفل باب الغرفه وراه
قرب منها همس باذنها
:اشتقت لك قد الدنيا ما غبتي عن بالي ولا دقيقه طول هالسنتين
ردت بعصبيه :كذااااب
تتردد صدى الكلمة بالغرفه
اللي ما تنازلت بس تمر من جنبها
سنتين ونص هجرتها مثل ما هو هجرها وتركهاا بالهالمكان الموحش
قربت منه مزون ورفعت اصبعها بتهديد : اسمع نايف وخذ العلم مني انسى ارجع مزون اللي كانت تتعب وتشقى عشان راحتك واللي كنت لها كل شيء بالهدنيا
نزلت دموع مزون بلا مقدمات :سنتين ونص تركتني ولا سالت عني عشتها بذل في هالمكان تزوجتني تسليه
قربت منه لين لصقت فيه تقريبا رفعت راسها بحكم انها قصيره معه ثبتت عينها بعينه : اعترف انك اخذتني تسليه اعترف يا نايف ترا كل شي يدل انه زواج تسليه بالنسبه لك
صد عنها نايف بعصبيه
جلست على طرف السرير تبكي بحرقه
مزون :تركتني ولا حتى فكرت بمشاعري كنت كل.يوم اطبطب علي نفسي
رفعت صوتها بعصبيه : كل يوم انتظرك وانت ولاتدري عني
قالت له بهمس :ليش سويت كل هذا فيني بس قولي ليه دامك مو قد المسؤوليه ليه تزوجتني وعيشتني بعذاب نفسي اقوى من اي عذاب
جلس على ركبه قدامها
نايف : عارف لو تاسفت منه لبكره ما راح تسامحيني
بس
قاطعته مزون وهي تمسح دموعها : هذاك قلتها لو تاسفت منا البكره ما راح اسامحك

بعدته عنها طلعت ركض من الغرفه
…........................................................... ...
(مزون)
طلعت من الغرفه وانا منهاره
بعد كل هالسنين جايني
يبيني اسامح
يا كثر ماسامحته على اشياء كثيره بالماضي
جلست بنص الدرج
احس بشوق كثير له
قمت اضرب صدري بقهر من اللي فيني واصيح بصوت عالي
الله لايسامحه
بس مشتاقه له وربي مشتاقه لله بالحيل
وقفت فجاءه
وبلمح البصر رجعت للغرفه بسرعه وانا شوي اركض وشوي اهدي
فتحت الباب
واقف قدام التسريحه شفته يتنهد
وبلحظه بدون ادراك
وانا بحضنه
ضميته بكل ما اعطاني الله من قوه
غرقت قميصه بدموعي
الغرفه مافيها الا صوت شهقاتي وبكاي
قام يمسح شعري
نايف :خلاص تعوذي من الشيطان
مرت خمس دقايق
سحبت نفسي فجاءه من حضنه بعدها
استوعب اللي سويته
اللي سويته غلط
بعدت عنه
نايف وهو يقرب :مزون اش فيك قربي
هو يقرب أنا ابعد
لين اخراتها
عصب
نايف بعصبيه :انتي واخرتها معك قلت لك ما اكل أنا ترا مو حاله هذي والا في وحده تستقبل زوجها كذا
تخصرت قدامه وانا احاول ابين صوتي عادي ونزلت علي قوة مو طبيعيه
مزون :إذا كان يستاهل والله افرش الارض له ورود اما إذا كان مثلك ما يستاهل الا هذا
تردد صدى صوت الكف
وجه صار احمر من العصبيه
أنا حطيت رجلي ركض
خله قليل بحقه الكف
بهذا الكف راح اعلمك اني انا تغيرت بالحييل يا زوجي المحروس
قمت اضحك وامسح دموعي طول السنتين وانا اتجهز لهاللكف



نهاية البــــــــــــــــــــــــــــارت

البارت الخامس
…........................................................... ......................
(شموخ )
وقفت ببداية الدرج من فوق. صحت با اعلى صوت :هيونه عزوز جعلكم اللي ماني بقايله
نزلت ركض مع الدرج
دخلت الصاله
شموخ بعصبيه:أنا بفهم يا ملاقيف اللي ما خذ الورقه مين بسرعه يطلعها الحين يا سلق
قامواهيونه وعزوز يطالعون ببعض
عزوز. منخرش منها:امممم كانت اول مع
شموخ بعصبيه:مع مين هاه بسرعه تكلم
عزوز من الخرعه قام يدورها. :دقيقه واجيبها
هففففف وش هالحاله
جلست ع الكنب طلعت المومري
قلبته بيدي
ما ادري قلبي ناغزني من هالمومري اممممم

طلعت لغرفتي فتحت الكمبيوتر شغلته طلع نور خفيف مره بالعافيية ينشاف من داخل المومري
فتحت الملفات
الملف الاول مافهمت شيء منه طلاسم
شهقت اكتشفت
ان في ملف ثاني
بس بكلمة مرور
هاه حاولت افتحه منا مناك
اوووف انسدحت
ساعه وانا احاول مو راضي يفتح
مافي حل غير انام وبكره لا رحت اشتري كتب اخذته
معي
طفيت الاضاءه وركضت لين استقريت تحت المفرش
تذكرت الورقه
يؤوه مافيني حيل انزل تحت بكره اخذها منهم
بس الله يستر لا تضيع مرتن ثانيه
……
»طيف«
الحمدلله مر اسبوع ونص ولا في عزايم ولا شيء
يعني اخذت راحة بعد ذيك العزومه
اوف كل.ما اتذكر منصوروالبنت اللي معه اعصب
أنا هالانسان بسوي المستحيل و انساه
حطيت يدي على قلبي
بس كيف وهالقلب مو راضي يطلعه منه اه
سمعت صوت احد يناديني
:انسه طيف
شهقت هذا وش يبي مني
رديت بارتباك وعيوني بالارض: هلا سيد جاسم امر اش بغيت
جاسم :اليوم الساعه 6المغرب تجيني بمكتبي تستلمين رواتب الخدم
طيف :انشاء الله
جاسم:وحبيت اقولك انتي ما راح تستلمين رواتبك الا لما يكمل لك ثلاث شهور
بققت عيوني بغت تطلع
بعد 3شهور استلمها
جاسم : اتوقع انك عارفه القوانين اي احد جديد بشغله هنا ما يستلمها الا بعد 3شهور وطبعا ما تستلمينها من عندي

هنا أنا بغيت اهفه بالجزمه يعني استلمها من وين وش هالمنكحه يذلونا عشان هالكم قرش
جاسم :تستلمينها من عند رانيا
طيف : اي اوامر ثانيه
شفته طنشني ودخل للفله
هالانسان ما ارتحت الا لما عرفت من هو طلع عمهم المصون
وجع انشاء الله ناس مافيهم احترام
ناظرت في ساعتي الساعه توها 2
دخلت الفله
ناظرت حولي بالمكان
هدوووء
طلعت للدور الثاني
كان خاص بغرف النوم
كان في ممرين
مشيت بالممر الثاني
كل الغرف مقفله الا غرفه بابها مفتوح
اكيد احد الخدامات تنظف
دخلت اشوف شغلهم كيف واشرف عليهم
لفيت اطالع المكان هادي مافيه احد
كان جناح كبيربالوسط جلست كنب مرره كلاسيكي رايق
لونه اسود وابيض
وقدامه مسرح منزلي
والغرفه كلمة وسخه قليله عليها الا زباله
و وراء الكنب تمشين مسافه وتطلعين ثلاث درجات
سرير كبير دائري ومرره نازل مو مرتفع
نزلت لثمتي من هول ما شفت ابي اكسجين
اه قمت اهف على نفسي بيدي جتني كتمه من اللي شفته
شيء ولا بالخيال
طبعا الجدران شيء ثاني التفت على الجهه اليسار كان في بابين
فتحت الباب الاول كان حمام
الباب الثاني غرفة ملابس كانت كلها ملابس وشرابات وجزم طايحة بالارض وريحتها تصرع وع
ماقدرت اقاوم دخلته اتلفت
جهة كانت ملابس الجهة الثانيه
تخصرت اوما وش ذا الانسان الفاضي
كانت الجهة الثانيه كلها اقنعه وملابس تنكرالمنظر كان مرره خيالي
طلعت الاقنعه جربت واحد ضحكت من قلب على شكلي
رجعته بسرعه خفت
جيت بطلع بسرعه من الغرفه وش موقفي لو دخل احد وشافني هنا اكيد بيقول هذي عندها شيء وبيشكون فيني وبعدين تنتهي بالفصل لا مستحيل
ما مداني امد ساقي الا
احد داخل
دخلت ساقي بسرعه
ركضت داخل الغرفة
شبرت الغرفه ما ادري وين اخبي نفسي
دخلت بين الملابس التنكريه وهاه هاه لين حشرت عمري
الصوت كل ماله يقرب
هنا تعرفت على صاحب الصوت
منصووور!!!
حطيت يدي على فمي امنع شهقتي
جسمي كله يرجف من الخوف
لا اكيد مافيها كلام بيفصلوني وبتروح علي 6الاف ريال وارجع احوس ادور وظايف مثل قبل
لا لا لا نو واي
مستحيل
دخل الغرفة
حاولت مااتحرك ولا اطلع صوت
يا ربي يارب ما يكتشفني
مرت خمس دقايق
كنت ما اشوف بس اسمع
مغمضه عيني
واسمع سوالفه كان يكلم. بجواله
انتهت المكالمه و سمعت صوت خطواته وهو يطلع من الغرفة

……...............................
(شموخ)
في غرفتي ومتربعه فوق السرير والكمبيوتر بحضني
سحبت الكوب وشربت المويا بسرعه وانا عيني مطيره على الكمبيوتر
بلعت ريقي من اللي قاعده اقراه قدامي فتحت الملف اللي كان بباسورد
وليتني مافتحته
أنا اش خلاني اخذ هالمومري من البدايه
ياربي سترك
اساسا وش اللئ جابه بسطح بيتنا
رجعت اقراء
كل اللي فهمته من المكتوب انها مثل الجدول تقريبا
حق عمليات تهريب
بس ايش الله يستر
دخلت حور الغرفه
قفلت الكمبيوتر بسرعه وطلعت المومري
حور :ماشاء الله انسه شموخ انتي جالسه هنا وامي من اول تناديك
شموخ :وش تبي امي
حور :تبيك تروحين للخياط تطلعين جلابيتها
شموخ بمللل:يووه مافيني حيل والله روحي انتي ومشعل
حور:انتي وش سالفتك عقلك ضارب مو امس ابوي ومشعل مسافرين

ضربت راسي يوه نسيت أنا من قريت الكلام وانا احس اني ما عاد استوعب يا ربي أنا وش اسوي
لازم اسوي شيء مافي حل غير اعطيه ابوي لا لا صعبه
لقيتها بكسر المومري وخلاص كذا ارتاح نفسيا

حور تصارخ بوجه شموخ :هيه يالاخت وين وصلتي
شموخ بفجعه :هاه لا ما وصلت ولا شيء قولي لامي موافقه. بس اول خليها تعطي ابوي خبر اني بروح مع السواق
حور :اوكيه
شموخ بابتسامه :طيب الحين ممكن تطلعين
كشرت حور :طيب بطلع يمه منك مسويه يعنني غرفتي محد يدخلها
شموخ وهي تسحبها لبرا : اقول تقلعي بس ولا تكثرين هرجك
رجعت حور تحاول تفتح الباب
هي تفتح وشموخ تسكر
حور ببراءه :الله يخليك شموخ تكفين والله طفشانه لوحدي خلينا نروح للمول لا اي مكان المهم نطلع
شموخ بتفكير :اممممممم خلاص تجهزي بنروح لبنات جارتنا ام عيسى اش رايك
حور :يلا قدام بس عطيني وقت اتجهز
شموخ: بس مو الحين اول بروح للخياط ومنها بمر المكتبه برجع كتاب شريته واجي ونروح
حور :اوكي
……
«مسك»
دخلت المكتبه لعلى وعسى القى الكتاب اللي ابيه
دق جوالي
حسيت ببكي من الوناسه له اسبوع ما اتصل علي
اشتقت لصوته
رديت بلهفه :يبه وينك اشتقت لك اسبوع وانت ما اتصلت علي
ابو مشعل :هلا يبوي انتي علومك وكيف دراستك
مسك :أنا بخير دامك بخير انت وش مسوي امي كيفها
شموخ وحور ومشعل كيفهم
ابو مشعل;كلهم بخير وصحه وعافيه ويسلمون عليك
وانتي كيف دراستك واختباراتك
مسك :كلش زين الحمدلله صح يبه جدتي كيفها اخر مرره كلمت البنات كان صوتها مره تعبان
ابو مشعل :جدتك مابها لوم بس اتغلى علييك مزعجتني كل يوم والثاني رجعوا البنت خلوها تكمل هنا عندنا
انتي يبه و ش رايكك تجين وتكملين عندنا يا بنيتي الغربه ماهي بزينه لك
مسك تنهدة :خلاص يبه تعودت وبعدين كلها 3سنين واخلص
ابو مشعل: وايه عمك السلح وينه
مسك :عمي عنده اجازه وراح يتمشى مع اخوياه
ابو مشعل:قايلن له لا يترك بس الله يهديه
ضحكت مسك:كان بيجلس بس أنا غصبته وهو ماله يومين رايح
ابو مشعل :بس يا يبه خوف عليك وانتي
قاطعت ابوها : لا خوف ولا صاير لي شيء باذن الله
أنا اليوم بروح اسكن مع صديقاتي لين يرجع عمي
ابو مشعل : أجل يالله ما اطول عليك انتبهي على نفسك ولا بغيتي شيء اتصلي علي وطمنيني عنك اول با اول
مسك : ابشر يبه وانت سلم على اللي عندك
ابو مشعل :يوصل انشاء الله
دخلت الجوال بالشنطه
كانت المكتبه شوي فاضيه ما فيها ناس كثير
تمشيت فيها
دخلت قسم كانت الرفوف كلها روايات وتقريبا كانت اخر المكتبه
وقفت على روس اصابعي
رفعت يدي بنزل كتاب كان شوي مرتفع
اووف الحين كيف انزله
ما انتبهت الا الكتاب قدامي التفت بشوف مين اللي نزله او بلأصح مين اللي وراي
لما جت عيني بعينه
رميت الكتب وركضت بهرب منه
هذا الانسان مو طبيعي ابد
صرت اركض والتفت ما انتبهت قدامي طحت و صرت أنا والارض واحد
سحبني مع يدي لين وقفت على رجولي
كانت المكتبه مقسمه مثل الممرات
دخلنا كذا بمكان فاضي
ثبت يديني وراء ظهري وكان ظهري ملاصق لصدره
همس لي باذني :لو اسمع بس كلمة صدقيني بتشوفين مني شيء ما شفتيه والحين تمشين قدامي ولو سويتي شيء قسم ما اتردد بغرس هذي بجسمك
حولت نظري للسكين هنا دموعي نزلت من الخوف وجسمي بدا يرجف
مشيت قدامه
مجرد طلعنا من المكتبه حررت نفسي منه وركض وهو كذلك يركض وراي وتوقفت سياره قدامي وقفت أنا ما ادري وين اهرب ما قدامي الا الطريق العام والسيارات رايحه جايه صرت اعد بنفسي من واحد لعشره واقراء وادعي
مشيت بلا وعي لين خلاص قربت ادخل بالطريق
الموت ولا يمسني احد
سحبني قاومت صارخت حاولت ابعده بس ما نفع
سوا اللي يبغاه ودخلني السياره




نهاية البـــــــــــــــــــــ الخامس ـــــارت

لا لا لا كذا بتزعلوني وابكي
لو رد واحد