لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-04-13, 11:48 AM   المشاركة رقم: 116
المعلومات
الكاتب:
اللقب:
ليلاس متالق


البيانات
التسجيل: Mar 2013
العضوية: 252130
المشاركات: 233
الجنس أنثى
معدل التقييم: Noaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييم
نقاط التقييم: 1265

االدولة
البلدOman
 
مدونتي

 

الإتصالات
الحالة:
Noaaar غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

اقتباس :-   المشاركة الأصلية كتبت بواسطة زارا مشاهدة المشاركة
   السلام عليكم...

الله الله الله عليتس ياانواااره.. اجل ماتقدرين تردين على توقعاتي.. اجل ابشرتس وبااااقي بجعبتي الكثييييييييييييير منهااا.توقعاات نااريه.. قد تكون صااائبه وقد تكون خااائبه ...هخهخهخه

اقولتس نوااره اول شي ابي اعرف وشوو المنشب؟؟؟ اشتهيته من اسمه.. صدق اني نشبه >>فيس مشفوووح..هخهخهخه
اتوقع ان المنشب هذا غداااء الجمعه ويمكن يكون تقليد عائلي ولااازم ولاابد يكون على السفره يوم الجمعه..
ويمكن يمكن يمكن يكون يووم الجمعه هو اليوم الوحيد اللي تنزل فيه حرمة باسل وتشارك العايله غداهم وهي تحب المنشب ويسوونه مخصوووص عشانها.. وجت عليا بغفله وقررت تغير هالتقليد الغذااائي للعايله .. يعني باول يومين لها قلبت المنيو حق الجمعه وغيرته.. وهذا اللي ماسكها من قميصها يمكن يكون باسل ويمكن تكون حرمة باسل شخصياااااااا نزلت وعرفت انها غيرت الغداء من المنشب للقبولي وقررت توطا ببطن عليا ..


اسماااء : اكثر شخصيه غامضه هو انتي... الغموض مايحتاج متعلق بابو باسل.. بس ابي اعرف هو صدق باسل وش ماسك عليتس ياا اسووم.؟؟. اتووووقع اتوووقع ان السالفه فيها اختس ام عليا وابوها .. شلون مدري عاد.؟؟ يعني يمكن متهمينتس انتس ذبحتيهم؟؟ الا صدق هم كيف ماتوا اهل عليا؟؟ او يمكن انهم متهمينتس بعلاقه مع ابو علياا وهربتي فيها خايفه عليها من هالاهل؟؟ والاحتماااااااااااال عااد اللي مدري شلووون طرا على بالي انتس تكونين ام علياااا مو خالتها؟؟ وهالتوقع اعتقد انه بعيد جدااااا عن الحقيقه.. الا لوو كنتي متزوجه ابو عليا وحبتي ابو باسل؟؟ >>فيس بدا يخرررف..هههههه ماقلت لتسياانواره ان التوقعات اليوووم ناااريه..هع

ايه السفره لمسندم اعتقد بيصير فيها شي.. ياا بتقابلين احد تعرفينه هنااااك ..او انتس بتغرقين بهالعباره؟؟؟

علياا: احسن شي سووويته انتس قررتي اخفاء علمتس بامر الزواج.. اولها باسل ماااايستخدم حقه كزوج بالاوامر بالطلعه والدخله وثانيها انتي تكون خيوط اللعبه كلهاااا بيدتس..وتجلسين تلعبين بباسل يمين وشمال وهو ياااغافلين لكم الله.. واوولها انا مثل بنتك..ههههههههههه.. لقد اصبتيه بمقتل ياافتااااااة والرجال مصدووووم ..هخهخهخه
علياااااااااا تدرين الحين وش فكرت فيه..؟؟ ان حرمة باسل تحتاج نقل كليه وهنا مافيه احد بيناسب لها الا انتي؟؟؟
أأأأأأأأأأأأأأأأأأأأأههههههههههئئئئئئئ..>>فيس يشهق...يااااااااااااخوووفـــــــــــي انهم اصلاااا ماجابوتس الحين الا لانهم يبغون كليتس لهااااااااااااااااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
يووه يوووووه يوووووووووووووووهــــــــــــــ .. والله يمكن صدق انهم ماجاابوتس بهالوقت الا عشان تتبرعين لها بالكليه وهنا تقدر تعيش حياتها مره ثااانيه بشطل طبيعي..؟ وخصوووصاا انها طبعا ماتقدر تحمل وتجيب عيال وهي بهالوضع هذا؟؟؟؟؟

الجــده
: مدري انتي حبوووبه بجد والا مثل ماقالت عليا ايمكن تمثيلين الحـــب؟؟
انا افكر انتس مخططه لكل شي.. شوفي اذا انتم ماحبيتوا ام عليااا ما اتوقع تحبون علياا وخصووووصاا ان حرمة باسل بنت الولد اللي انتي تحبينه مريضه.. يمكن فكره انهم يجيبون عليا وانكم تاخذون كليتها لو صح هالتوقع تكون فكرتس انتي ياا العجوز..بس حرمة باسل هاللي للحين مانعرف اسمها واتوووقع ان اسمهااا على اسم جدتها وتعتبر غاااليه كثييير على جدتها ماتدري عن هالخطه وكبت العلوم كلهاا باول حوار دار بينها وبين عليا؟؟

نوااره تسلم الايااادي يااعسل..و واذا الله احيانا بنكون ابانتظار باقي الاحداااث على احر من الجمـــر عشان اعرف وش اللي صح واللي خطا من التوقعات الناريه.. وعسى ماتكون كلها فشششنكككككــ..هخهخهخه

دمـتي بــود

اقتباس :-   المشاركة الأصلية كتبت بواسطة زارا مشاهدة المشاركة
   ايه نسيت اقووول ان الحديقه هاللي تعدل فيها .. اخاف انها مكان محظووور استخدامه... يمكن له قصه وسالفه. ومايبون اي شي يذكرهم فيها. والا مو عجزانين انهم يحطون حديقه وورد .. بس الخوف انهم الحين يستقعدون للبنت ويرفعون ضغطها.. والا يمكن يمكن الورد يسوووي حسااسيه لاحد من اهل البيت سواء الجده اوووو حرمة باسل فممنوع انهم يزرعونه..

بس ان شاااء الله انهم مايقولون لعليا شي عن الحديقه ويتركونها تزرع وتحصد فيها بدون ماينكدون عليها وخصوووصاا ان لي توقعات حلووه وروومانسيه بهالحديقه..هخهخهخه

وعليكم السلااام والرحمه

هلا وغلا ومرحبااا بكبيرة المحللات ..ايه والله وانا صادقة
ماشاء الله عليكِ دااايم مواكبة ومستغرقة بالأحداث..

طال عمرك المنشب مثل ما قلت لمزوون قبولي او كبسة لكن
يضاف للرز حليب جوز الهند ..وما يضاف له اللحم او الدجاج
اثناء طبخة..يعني يكون رز لوحده..وفي العادة يقدم مع طبق من السمك
المشوي على جنب...

مو بالضبط..لكن الأكيد انه راح يصير تاتش بسبب هالمنشب بين عليا وباسل
وخصوصاً انه هو اللي طالب عمله في هذاك اليوم على غير العاده..!!

بالنسبة لنقل الكلية انا اقول عينً ما ذكرت الله صاابتك وهي تشوف توقعاتك هههه
عااد كله ولا عليا ..محد راح يرضى بهالموضوع واولهم السيد....!!؟؟

حديقة عليا راح تبان خباياها بالجزء القادم ان شاء الله..وصدمة باسل
بالأرض اللي مهيأة لزراعة الأشجار..قد تم احتلالها من قبل عليا..!!!

خالص المحبة والموده لك زارا..

 
 

 

عرض البوم صور Noaaar   رد مع اقتباس
قديم 27-04-13, 12:24 PM   المشاركة رقم: 117
المعلومات
الكاتب:
اللقب:
ليلاس متالق


البيانات
التسجيل: Mar 2013
العضوية: 252130
المشاركات: 233
الجنس أنثى
معدل التقييم: Noaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييم
نقاط التقييم: 1265

االدولة
البلدOman
 
مدونتي

 

الإتصالات
الحالة:
Noaaar غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

اقتباس :-   المشاركة الأصلية كتبت بواسطة ارادة الحياة مشاهدة المشاركة
   السلام عليكم
ظبية يا خطيرة

عليا بنت عمه صح ومو بنت اسما
بس اسماء زوجة ابو باسل صح عليج وهي حاليا مع ابو باسل

وشوفي شخصية باسل عكس شخصية ابوه المنفتحة بالعكس هو متشدد بزيادة كردة فعل لما فعل ابوه
وحتى يعوض جدته ابنها الي فقدته يعني باسل صور الابن وفق عادات العائلة
بس صورة مو حقيقية يعني باسل داخله رافض العادات الشديدة بس محمل نفسه مسؤلية ما فعل والده

تحياتي للكاتبة وجميع متابعيها قصة مميزة ومتابعين مميزين

ملااحظة دقيقة متميزة ...حول تأثر باسل من سلبية والده
في بعض الأمور....
..//

الله يحييك ارادة الحياة..

 
 

 

عرض البوم صور Noaaar   رد مع اقتباس
قديم 27-04-13, 12:43 PM   المشاركة رقم: 118
المعلومات
الكاتب:
اللقب:
ليلاس متالق


البيانات
التسجيل: Mar 2013
العضوية: 252130
المشاركات: 233
الجنس أنثى
معدل التقييم: Noaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييم
نقاط التقييم: 1265

االدولة
البلدOman
 
مدونتي

 

الإتصالات
الحالة:
Noaaar غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

اقتباس :-   المشاركة الأصلية كتبت بواسطة شبيهة القمر مشاهدة المشاركة
   السلاااام عليييكم

صبااح الامطااار والتوقعااات اللي قلبت ام راس اللي ماينقلب راسه ههههههههه

ابلا اراده هلا والله وغلااا نور المتصفح يالغاليه

مااااااااااااااااااااااماااااااااااااتي ..تكفيييييين احذفي توقعتس اللي مايخطر على البال اجل جايبين هالضعيفه علشان ياخذون كليتهاااااااا ؟؟؟؟؟؟؟؟؟؟؟>> فيس مطير عيونه

والله لو انهم لاقينها في الشارع ..الحين بنت عمهم وبنت الغالي على قولتهم واخرتهاا جايبينها علشان كليه ؟؟

ابداااا هالتوقع ماله اساس >> نوااار لايكون هالشي ببالتس ترى كلنا بصف علياا ونسويها حرب لو هالشي صاااااار

وبعدين ضااااااااقت مايناسب لها الا كلية علياا ؟؟ وين امها وابوها واخوانهاا !!!!!

المهم هالتوقع حطي عليه اكس ..


اما ان علياا بنت اسمااء ؟؟؟ فهالشي مايخالف وينبلع مو مثل اللي قبل >>هههههه

احس مربط الفرس عند هالاسماء .. بس اتوقع انها لازورت اوراق ولا شي ..بس كانت مجرد كذبه علشان تبرر لعليا سبب هروبها وابتعادها عن اهلهاا ..

بس فيه شي ثاااااااني ماسكه باسل عليهاا .. يمكن انها متزوجه من ابو باسل بالسر .. او يمكن ماسك عليها شي بخصوص شغلهاا .. والله هالباسل حسيت مااحد يعرف له الا اسووووم .. خخخخ

وعلى طاري سالفه زواج عليا من باسل اكييييييد زوجة باسل بتخبره ان عليا جات لها فوووق وعلمتهاا بكل شي ..



نوااااااري .. تسلم الاياادي ياقلبي .. بانتظااار الاكشن بين الوحش والجميله هههههه



وعليكم السلاااام والرحمه..

يا هلاااااا وغلااا بالنووووري..
الحمدلله على الأمطار اللي ربي انعم بها علينا وعليكم..
....
ههههه لا تكفووون لا حد يعلن الحرب علي ..انا مالي دخل حولوا هالحرب
على زارا هي اللي قالت بتوقع نقل الكلى ( فيس خيااااانه)
..

ما زالت الأمور في غموض بين اسماء وباسل..( وابو باسل يمكن..؟!!!)
..

هههه الوحش مره وحده....افااا راح فيها بااسل..
..
تسلم رووحك يالغالية....ربي يحفظك..

 
 

 

عرض البوم صور Noaaar   رد مع اقتباس
قديم 27-04-13, 01:02 PM   المشاركة رقم: 119
المعلومات
الكاتب:
اللقب:
ليلاس متالق


البيانات
التسجيل: Mar 2013
العضوية: 252130
المشاركات: 233
الجنس أنثى
معدل التقييم: Noaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييم
نقاط التقييم: 1265

االدولة
البلدOman
 
مدونتي

 

الإتصالات
الحالة:
Noaaar غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

اقتباس :-   المشاركة الأصلية كتبت بواسطة نجلاء الريم مشاهدة المشاركة
   السلااام النوووري اول مره نتفق على شي. الزوووري انهبلت الظاهر امس نايمه على فيلم

فيه اكشن قووي وين ياخذون كليتها وهم حللوا لها

تطابق ولا ما تطابق ومستحيل الجده ترضى

الي خلاهم يتحركون ويجيبونها مقابلة الطب ومع مين مع الغضنفر باسل
نواااااااارة تعالي اهنيك ان رواايتك جذبت اسمااااا كبيره بنسميهاا رواية عودة الطيور المهاااجره. االزوووري الي عسى ماتسكن بصلااااااالة قدام بيتهم حتا شكل الفله حافظتها ....ابلا ارادة. الي اشتقنا لها كثير واسماء كبيره تابعتها


علياااء ياخوفي هاللعبه الي تلعبينها اول من بيتضرر منها انتي اجل انا مثل بنتك ههه بتعجزين وهو يتنكس كنه ولد البااارحه

المهم المنشب مابيه مدام فيه جوز هند بس القبولي. قابلين فيه. يعني عليااا ماغلطت بهالنقطه هي راعية البيت وتطبخ الي تبي

اسمااااا واه من اسمااا وشو سرهااا هي اكيد لها علاقه باهل عليااا كزوجه. كحبيبه وطلب زواج انرفض من اهل هلياا وعارضوه. بس شلون عرفت انها عقيم !!!

مااالنا الا الصبر

ننتظرك نوااارة

تسلميييين نجلااااء
لي الشرف والله بأن الرواية تصل لذائقة
اهل منتديات ليلاس...وان شاء الله تكون على
حسن ظنكم حتى النهاااية...

الخالة قد حذرت عليا عن خطورة لعبتها...!
لكن عليا مستمره...بوعي او من دون وعي...والضرر لا مفر منه..

هههه ما عليك ترى المنشب لذيذ ..والبرياني بجوز الهند حلووو..جربيه انتي بس..
..
ربي يسعدك يالغلاااا..

 
 

 

عرض البوم صور Noaaar   رد مع اقتباس
قديم 28-04-13, 01:39 PM   المشاركة رقم: 120
المعلومات
الكاتب:
اللقب:
ليلاس متالق


البيانات
التسجيل: Mar 2013
العضوية: 252130
المشاركات: 233
الجنس أنثى
معدل التقييم: Noaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييمNoaaar عضو جوهرة التقييم
نقاط التقييم: 1265

االدولة
البلدOman
 
مدونتي

 

الإتصالات
الحالة:
Noaaar غير متواجد حالياً
وسائل الإتصال:

كاتب الموضوع : Noaaar المنتدى : القصص المكتمله من وحي قلم الاعضاء
افتراضي رد: يا صلاله خبرينا // عن قلوباً 'تهتوينا'

 

((الجزء العـــاشــر ))


[[ كلـــما ]]

بــــان الفــــرق . . . !

"بيــن سُــــعدي ،، و القــــلـــق "

~~ اختنـــق~~ . . . [ واليـــأس رد ]

& الشفق.....للشاعر سالم المعشني &



يد باسل ما زالت قابضة على قميصي من فوق... القى علي نظرة سريعة
ثم هز راسه بغضب وعدم رضا....!!!! من دون كلام ..واصل سحبي من قميصي باسلوب مستهتر..!!! اغضبني ...!!!

صرخت فيه ( هيييي وقّف ....انت بأي ...) قبل لا اكمل اطبق يده على فمي....!!!!

كان يسحبني باتجاه الباب الخلفي...!!! اللي يوصل للبيت عن طريق المطبخ ..!! ويده الكبيرة اللي يمكن بحجم وجهي ما زالت مكممه فمي ..!!

ومافي اي فرصة للمقاومة بالتأكيد...!!! ما في اي وجه للمقارنة بين حجمي وحجم باسل .!!

بس القهر اللي فيني ..خلق محاوله دفاعيه..فرجعت يدي بسرعة للخلف وارتطمت بقوة على صدره...!!!

قال ( لا توسخي ثوبي بالطين)..!!!! بسسسسسس ..!! هذا اللي صنعته ضربتي...!!

وصلنا للمطبخ ...امام نظرات العاملات المذهولات من المنظر الغريب..!!!

حسيت وجهي طاح قدامهم ..عقب هالموقف ما راح يحترموني...!!!! وكله بسبب باسل..!!
حاولت اتكلم بس يده ما زالت كاتمه علي ..!!!

واخيراً تذكرت السلاح الحاد اللي داخل فمي ...!!! اسناني..!!!!

فتحت فمي وبكل قوة اطبقت باسناني على يده المليانه بالعطر الثمين....!!
وابتسمت وانا اسمع تذمره وبعد ايده بسرعه

قال بغضب ( سيري قدامي )

رديت عليه بعناد ( مابا اسير مكان غير غرفتي ...وعلى فكره تراك مو محترم .....
وابا اشتكي عند جدتي من اسلوبك معي ...! انا قلت اني بحسبة بنتك....
لكن عاد ما قلت انته ابويه الحقيقي منشان تسحبني بهالطريقة )..!!!

بقهر سحب يدي بقوة خارج المطبخ ...صرخت فيه
( اترك يدي ...ويش هالوقاحة ..اترك يدي تراها عورتني من قبضتك)

وقف لما اصطدمنا بجدتي المنبهره بالموقف واللي كان معها كل الحق عشان تنبهر....!!!

قلت بسرعة ( جدتي شوفي باسل ..ساحبني بقوة من المزرعة لهنيه بقلة احترام..كلميه)

قالت بصدمة ( باسل ..!!!)

رد بهدوء مفاجئ (امي غاليه ..انا جاي من المسيد ( المسجد) ومعي واحد من ربعي وهذي واصلة عند شجرة الغيضيت (التين البري) جنب السبلة وهي بهالحاله اللي تشوفيها..!!

نظرت جدتي باتجاهي بعدم رضا ..!!انحرجت ووايد من هالنظرة..!!

قلت بدفاع ( وانا ويش دراني ( عرفني ) ...الريال من المفترض انه يتكلم قبل يدخل حد بيته)

رغم الألم ..إلا اني حسيت بالانتصار لما زادت قبضة باسل على يدي..وهذا دليل على ان الخطأ منه..!!!
قالت جدتي بانصاف ( عليا صادقة يا باسل..بعد ايدك عنها ..ومره ثانية ود حد جاي عندك تفطن ( تذكر) تخبّرنا )..!!!

ثم اردفت بسرعة ..( من ..من ربعك ( اصدقائك ) هنيه )

رد عليها ( هذا سعيد ..من زمان وانا اقوله تعال..قال بجي بس سويلي منشب مع سمك مشوي)

انصدمت فمكاني...!!!!!!!!!! لااااااا ويش هالحظ....يااارب ان العاملات ما سمعن كلامي..!!

قالت جدتي باستنكار ( منشب وسمك.....كان مسوين له قبولي لحم ( كبسة ) احسن )

رد عليها ( ويش اسوي به هذي طلبته روحه )

الهروب ..فكره اكثر من رائعة في مثل هذي المواقف..وبالتحديد المواقف اللي من الصعب اختراع حجج قوية لمجابهتها...الهروب خيار لا مناص منه .......!!!!!

لكـــن صوت العامله جلب الحسرة العظمى إلى قلبي..!!!!!!! ويش مسويه انا ...ويش هالحظ اللي عندي..!!!!

( ماما صغير قول سوي قبولي مافي سوي منشب) واكملت حديثها بالإشارة إلي كجانية ..!!!

قال باسل بحده ( ويـــــــش......عليـــــــــا )

لذت بالصمت ...!!! يعني ويش اقول..!!!!

قالت جدتي ( استهدي بالله يا ابويه ...ما استوى شي..)

رجعت اليد الحديدية تضغط على ذراعي بقوة وهو يلفني لجهته
( انتي بأي صفة تلغي كلامي ..وتمشّي اللي انتي تبيه ..هااه ) ثم التفت للعامله
( وانتي كيف تسمعي كلامها ..وانا جايب سمك طازج وموصنك تسوي منشب مع سمك مشوي)

ثم هز يدي بعنف ( تكلمي )

فكرة انك تعصّب في وجه انسان معصّب ..!!! ومن الأساس تكون انته الغلطان صعبه جداً ..!!

لذلك افضل شي لتعديل الأمور وتهدئتها .........تغييرها ..!!!!!

قلت بأسى مصطنع ( اوووه باسل شوف دشداشتك البيضاء ( ثوبك ) توسخت بالطين ..خليني ابعد عنك )

فكرة ما كانت عبقرية ..!!! لكنها ابعدت باسل عني..!! واقتنصت الفرصة للهروووب الى الطابق الثاني باتجاه غرفتي..!!!

بعد الانتعاش والنظافة كان للذة قبولي اللحم متعه خاصة ..!! هه يمكن لأني ناضلت في سبيل الحصول عليه بدل المنشب..!!!

بعد الغدا تمددت فالكنب..وشفت جوال جدتي..
قلت لها ( جدتي ممكن آخذ جوالك ابا اخزن ارقام عمامي وبناتهم)
قالت ( ما يخالف يا امي)
خزنت ارقام الجميع ..وكان رقم باسل في مقدمة الأرقام بأحرف اضافية..حتى يكون اسرع بالنسبة لجدتي للوصول له...احترت اخزنه معي ولا...؟؟؟ بس من يعرف يمكن احتاجله باحد الأيام..خلني اخزنه معي...!!

جدتي رجعت لغرفتها تقيل...وانا انتظرت اسمع صوت باسل يرجع ..عشان اكون متأكدة ان ربيعه راح.......واروح اكمل زراعتي ....... بس ماشي فايده..ماله حس ( صوت ) ابد..يعني ما زال عند ربيعه..!!!مالي الا انام عشان اصحى العصر بنشاط..!!!

العصر نزلت تقهويت بصحبة جدتي باستعجال و روحت اكمل شغلي بالمزرعة..

على باب مخرج الصالة حصلت باسل واقف يشوفني باستغراب ( وين ماشية )؟؟
رديت عليه بعجله وانا اتعداه ( رايحة اكمل زراعة الورود)
وصلني صوته المستغرب ( اي ورود ؟؟؟)
اوووه مو فاضية له ..ومالي بارض ارد عليه وادخل في متاهات معه!!

جبت الشتلات من جنب شجرة الغيضيت ونقلتهن لحديقتي الصغيرة اللي
سويتها ..وبديت اكمل شغلي..!!!!

وصلني صوته المقهور ( انتـــي ) ثم سكت وبعدها قال ( اعوذبالله من الشيطان الرجيم)

قلت له بقهر ( ويش شايفني قدامك لين تتعوذ هاه..ويش سويت لك هالمره عشان تعصب
انت اللي هالكني فكل مكان لاحقني..ومزعجني)

قال بنرفزة ( لو انك حالك حال العالم كان بسكت عنك...لكن روحك تدوري عن الشر)

قلت بصدق ( الحين ويش مضايقنك فالموضوع..المزرعة كلها اشجار كبيرة..ومزروعات وثمار.بس ناقصنها حديقة ورود ..وانا حصلت هالمنطقة فاضية وقلت استغلها..)
ثم اردفت بتذكر
( آآه صح ..متضايق منشان ما حاسبت السواق لما جاب الشتلات..ترى ما كان عندي كاش ..نسيت عن اسحب بارحة ....بس لما ابا اسحب بعطيه عشان يرجعهم لميزانية البيت وانتهينا.....والحين خليني اكمل شغلي..ترى اذان المغرب ما يتوانى ( يتأخر ) )

صرخة غضب وقفتني لا شعورياً ( عـــــليـــا) ثم اردف و هو يتنفس بغضب وااضح
( والله يا عليا ان ما تعدلتي ما ارحمك...ترى اعصابي على الحافة )

استغربت كل هالضيق وقلت باستغراب صادق ( الحين انا ويش مسوية )

قال بقهر ( انتي تبي تجننيني..!!! الحين بالله انا جاي هنيه عشان شتلات ورد حتى ما اعرف شي عنهن.....انتي كيف تفكري..!!!!)

الهدوء والعقلانية من طباعي اللي تساعدني على فهم من حولي والتصرف بحكمة وذكاء..!!!
لكن البلاهه هذي لم تكن احدى طباعي ابداً..!!! الا ان وجود باسل اظهر هالصفة..!!ليش ..؟؟
وكيف..؟؟! هذا اللي ما زلت لا اعرفه..؟؟؟!

لما طال صمتي..!! رفع يده واشار لحديقتي الصغيرة..!! وقال
( هالمنطقة محروثة ومجهزة لزراعة اشجار الموز....مو عشان ورودك)

بسسس..كل هالضجة..عشان كذاا..؟؟!!!

قلت له ببرود ( الحين حاشر العالم ..!! عشان اشجار موز...!!)
ثم اردفت بتذكر
( لا وبعد موجوده من قبل.. .)
اشرت على السياج اللي على جهة اليسار وقلت

( موجوده في هذاك الصوب )..!!!

انهيت جملتي لما حسيت شي ثقيل وناعم يتسلق جسمي لأعلى ...سرت القشعريرة في جسمي بأكمله ...نزلت نظري لهالشي الغريب...!!!

لأفجع بثعبان ناعم ملتف اعلى ذراعي وراسه بجنب عنقي..!!!

وصلني صوت باسل البارد ( لا تتحركي )

لكنه كان يطلب مني المستحيل ...اكبر عقدي اثناء وجودي في استراليا كانت الثعابين..كانت ما تفارق خيالي لا في يقظتي ولا في نومي ...
لكن الآن ثعبان حول ذراعي وقريب من عنقي وما اتحرك ..كان فرط من الخياااال....

اول ما فقت من صدمة المنظر تحركت بعنف وصراخي عم المنطقة ( داااااااااااااب )

حركت ذراعي بعنف وقوة عشان يسقط بس ماشي..!!!! كان مثبت نفسه بالتفافه حول ذراعي

حاولت اركض وابعده عني بس يد باسل منعتني وهو يصرخ ( لا تتحركي ..لا تتحركي)

صرخت بدموع وعنف ( خليني ..اااه ....لدغني ..اااااه يا امي ..باسل بعده..بعده عني بسرعه ..شلّه ( شيله ) عني ..لدغني ..بسرعة )

شفته من بين دموعي يمسك راس الداب ويضغط عليه من فوق ومن تحت بأصابعه
وبيده الثانية بدا يفك التفافته من حول ذراعي ..

والخدر والخوف مو الألم ...غطوا جفوني حتى ما حسيت بشي الا برودة الجو....ثم تلاشى كل شي من حولي....

اول صوت وصلني واثبت لي اني ما زلت في عالم الأحياء..!!! كان صوت جدتي المصدوم..!!

( باسل ويش فيها عليا ...ويش صار )

صوت باسل لما وصلني كان قريب ..قريب واايد

قال بصوت مطمئن لجدتي ( ماصار شي يا امي ..بس حصلنا داب الوادي الصغير ..وروعها)!!

الوضع ما كان مريح بالنسبة لي بس الغريب اني ما كنت احس بأي الم.؟؟؟!!!وين الم اللدغه..!!!؟؟

فتحت عيني ..وتحركت بسرعة منصدمة اول ما شفت الداب بيد باسل ...!!!
في نفس اليد اللي كانت حاملتني..!!!!وراس الداب كان قريييب من وجهي..!!!

تحركت بعنف وضيق من وجودي بين يدين باسل ..وبسبب وجود الداب
قلت له بصرخة ( نزلني..نزلني ..وبعد الداب عن وجهي)

قال بضيق ( اصبري لا تطيحي..ولا تخلي هالصغير الحلو يهرب مني)..!!!!

الحين الداااااب صار صغير وحلو ...!!!!!! لااااا هذا مو صاحي..

قلت بقهر ودموعي تنزل( انته مو صاحي..نزلني الحين....نزلني اقولك )

مددني في الكنب بهدوء....مو راحة لي ...لااا بس عشان الداب يكون ثابت في يده وما يهرب..!!

ما قدرت اقاوم البكاء من القهر اللي يصير قدامي..!!!

جلست جدتي جنبي وقالت ( تعالي يا امي ..سلمتِ ..سلمتِ )

مالي بارض اتذكر ويش ينقال ردً على اللي يقول سلمت...
بس واصلت تغطيت وجهي بحضن جدتي الدافي وكملت البكا بهدوء...مدري ليش ابكي ..؟؟
بسبب الداب اللي ما لدغني حتى..!!
ولا بسبب هاليوم اللي من اوله بادي بمشاكل ....!!؟!!!

حضن جدتي كان غيييير..لأنه مرييح كثييييير.....
بعث في قلبي الراحة...وكنت فحاجته...وجدتي مقدره وحاسه فيني...

بعد ما جفت دموعي رفعت جدتي وجهي وقبلتني اعلى جبيني
وقالت ( سلمتِ يا امي )
اخذت نفس عميق ورديت عليها ( سلم من قال)

رفعت عيني وتفاجئت من رؤية باسل هنيه ..!!! طول هالوقت وهو ما راح..؟؟!!
والداااااب ما زال في ايده ..!!!!!

قال بابتسامه ( كيف اللدغة عسى ما تعورك واجد )
يستهزئ فيني ..ما رديت عليه..!!!

قال بسرعة ( شوفي وتعلمي هذا الداب توه صغير ..داب وادي..يمكن جاي مع شي من المزروعات وما انتبهنا له..لكن هالداب مسكين ما يلدغ ..)
ثم قال وهو يقربه مني
( شوفيه وحفظي شكله ).!!!!!

قلت بصرخة ( مابا اشوف شي ..بعده من هنيه ..جدتي قولي له يشلّه)

قالت جدتي ( باسل ..لا تروعها ..قتله برع وارميه )

قال باسل بقهر متعمد لي ( لاااا ليش اقتله ..بحطه فحديقة الورود ..اصلاً هو جاي مخصوص يشوفها .. ويستمتع بالورود... )

قلت له بقهر ( والله انك تقتله ..وهذا انا قد حلفت )

ضحكته الصاخبة ضجت في الصالة وهو في طريقة للخروج ..لصلاة المغرب..


بعد العشاء ..اتصلت عمتي هاجر وكلمت جدتي..ثم طلبت تكلمني
ظلينا نسولف لفتره ..وبعدها سمعت صوت مزون وهي تحاول تاخذ الجوال من امها
و تقول لأمها اعطيني اياها ابا اكلمها..

اول كلمتني... قالت مزون بنرفزة
( اخيراً تنازلت امي وعطتني الجوال..!!كيفك عليا ..شخبارك
يا بنت الحلال نسينا ما خذنا رقم جوالك ..لا انا ولا بنات عمي احمد..!
عطيني اياه الحين ..خليني اكلمك على راحتي ..طول الليل..!!!
وبعد ما اخذ كل علومك ..بخليك ترتاحي ..وبعدها برسله لبنات عمي احمد..
عاد الله يعينك عليهم ..!!! ثلاث ...بس برأيي تخصصي حق كل وحده
يوم ...ويش رايك ...؟؟)

وييييش هالإعصار ..!!!!!

قلت بضحكة ( الحين تبيني ارد على سلامك ..ولا اعطيك رقمي..ولا ارد على كلامك )؟؟!

قالت بتذكر ( اوووه صح .. السلام عليكم..بس عادي لا تردي الحين ..احسن تردي
بعد ما اتصل فيك من جوالي ..هيا هيا ..اعطيني رقمك..)

الله يعين راسي على الازعاج اللي راح يجيني الليله..!!!!!

قلت لها بابتسامه ( ما يحتاج..رقمك موجود معي ..اخذته من جوال جدتي وابا اتصل فيك بروحي)
قالت بسرعة ( زين ..زين ..لا تتأخري ..وابا اخبرك عن مفاجأه راااح تعجبك واااجد..يله باي)

وصلتني دمدمة عمتي مزون( انا كم مره قايلة لك لا تقولي باي ..قولي فامان الله قولي كلامً
زين)
ورجعت قالت لي ( الله يعينك عليها يا عليا..!! ترى مزون ما فيها من العقل ذره..)!!

تكلمت معي شوي ثم قالت ( عليا باكر العصر بنروح السوق ..خليك جاهزة حبيبتي
بنمر عليك )
مررت الفكرة في بالي..فرصة حلوه ..وبالمره اجيب عباتي ..واتمنى انها جهزت
لأني وعدت الخياط بضعف المبلغ ..عشان يجهزها بسرعة..!!!

قلت لها ( يصير خير ان شاء الله )
قالت ( تمام ..اذاً..نلتقي باكر اذا ربي شاء ..يلله اخليك الحين..فامان الله)
...
بعد العصر كنت لابسه العباية والشيلة برقبتي ..وبايدي الغشوة ..وحقيبة يدي..!!
.وانتظر عمتي ... غمضت عيوني لما تذكرت ان مزون بعد بتكون موجوده..!!!
احس راسي متصدع من امس لحد الحين ..فيها هبل مو طبيعي..!!
او يمكن انا مو متعوده عليه..!!!

دخلت الصالة ....جدتي تعرف اني راح اطلع السوق مع عمتي هاجر..لكن لمحت في وجهها
نظرة غريبة..!!! لمحه من الاستنكار..........!!

جاء في بالي باسل..!!! هه اكيد ان جدتي ودها اني اروح استأذن منه..!!

لكن ما محصله الصيغة المناسبة.!!! .............ما علينا !! قريب راح تنتهي هالمهزله..

قلت لها وانا طالعة ( جدتي اذا ذكرتي شي تبيه من السوق ..اتصلي فجوالي..بروح انتظرهم عند المدخل) ..وطلعت..
فرصة ازور ورودي...من امس بعد ذاك الداب ما شفتهم..!!

حصلت المكان مرتب ..واخر الشتلات مرتبات صح..!!وموصولات بنظام
السقي ..!!!!! معقووله باسل ..!!!

حديقتي الجديدة كاانت رووووعه ...وريحة البلسم البري منعشة كثييير..
تميت ( ظليت) اتفقد الورود...

(عليا......؟؟؟؟؟ وين رايحة ؟؟؟؟؟ !!!!)

التفتّت ناحيته ...بصراحه غزاني الخوف...هو يعتبر زوجي يعني لازم اسمع كلامه صح..؟؟!!
واستأذن منه..؟؟؟!!

بس لاااا انا مو ملزومه اسمع كلامه لأنه ما يستحق..ومجرد معرفة ما يباني اعرف عن صلته
بي ...فكيف يأمر وينهى .....؟!! وكيف ينتظر مني الطاعة ..؟؟!!!!

رديت بلامبالاه ومزاجي اليوم في الحضيض( رايحة السوق مع عمتي هاجر)

قال باستغراب ( عمتي هاجر..!!! ومن بيوديهم..؟؟؟ وانتي بإذن من طالعة)

رديت عليه بنرفزة ( وانا ويش دراني ..؟؟هي اتصلت بارحة وقالت بنمر عليك وقلت لها تم
وخلاص..اما سالفة بإذن من طالعة..)

حطيت عيني بعينه ..ونزلتها بسرعة ..لأني مستحيل اكمل كلامي لو ظليت كذا
النظر بعيونه يقلب حالي..!!!!

اكملت بتوتر( انا مو محتاجه لاذن من حد..فقط حطيت خبر عند جدتي منشان لا تفتقدني وبس)!!
قال بروقان ( اهاا ... يعني كلامي هذاك اليوم ما هامّنك ؟؟ )

طلعت من السياج من دون لا ارد عليه ..وجلست فاحد الكراسي جنب البلكونة قريب من المدخل..!

طلع باسل واختفى من قدامي ... مدري وين راح....!!
بعد مرور دقايق...دخلت عمتي هاجر ..وسلمت علي
وقالت ( عليا حبيبتي ...روحي السيارة..انا بسلم على امي وبجي)

عدلت الشيلة والغشوة..وانا اسير..وصدمت شخص اكييد محد غير باسل..!!!

قلت لا شعورياً ( بسم الله ..من وين طلعت انته)
مسك يدي بس بخفة هالمره وملامح وجهه مجهولة بالنسبة لي ..!!تو ما ضبطت الغشوة
صح..ما اقدر اشوف زين ..بس وصلني صوته المحافظ على اعصابه
( دخلي داخل..وانسي الروحه مع عمتي هاجر )
!!!!!!
انا متأكده ان ضغط دمي مرتفع بدرجة ممكن تهدد حياتي .!!
قبل لا ارد عليه وصلني صوت عمتي هاجر

( عليا ..!!!ما رحتي..) ثم ضعف صوتها وقالت بتوتر ( ااه ..هلا ..باسل انت هنيه)
سلم عليها وايده ما زالت قابضة على ايدي..!!!!

قال بهدوء( هلا عمتي..رايحين السوق )؟؟

ردت عليه ( ايوه ..وخاطفين ( مارين ) على عليا ..عشان تروح معنا)
قال لها ( مع مروان )؟؟

ردت بتوتر ( ايوه ..مروان معهم اجازه من الكلية التقنية عشان يذاكروا لاختباراتهم الجاية
واقتنصنا الفرصة ..قلنا له يوصلنا )

قال بهدوء ولا كني موجوده ( اهاا..طيب روحوا ربي يحفظكم ..بس عليا ما بتروح ..)!!!

قالت عمتي بضيق ( وليش...؟؟؟؟؟؟ .خلي البنت تطلع ..يمكن محتاجه شي من السوق ..)

رد عليها وهو ينهي الحوار ( روحوا يا عمتي ..ولا بتتأخروا ..وعليا اذا محتاجه شي بنفسي
بوديها )

بقهر سحبت الغشوة بايدي اليسار اللي كنت حامله بها حقيبتي...وشفت عمتي تغادر..!!!!
حتى ما سألتني عن رأيي ..!!!!! بس كيف تسألني وهي تعرف ان هالمتسلط يكون
زوجي الخفي..!!!!!هه الزوج الخفي..ينفع يكون عنوان لرواية ..!!!!!

ما قدرت احجب دموع القهر من عيني...ورغم اللي صار ايدي اليمين كانت محبوسة
وسط ايده......
قلت له بصراخ ودموعي تجري ( من سمح لك تتحكم بروحتي وبجيتي..انت ما لك دخل
في حياتي ..مو انت ياللي تقرر عني ..وبالأصل من انت ..هاااه قولي من انت عشان تتحكم
فيني كذا ..والله انك حقير..و ما عمري تخيلت ان الانسان ممكن يوصل لهالمرحلة من ...)

يبتسم....!!!!! بااسل يبتسم ..!!!وانا في حالة غليان ...!!!!
مستمتع بشوفتي وانا بهالحال لاااااا
خلااااااص ما عندي اي قدره للكبت ..

بكل قهر رجعة حقيبتي للورى ومن ثم هويت بها على صدره القااسي..مره وثنتين وثلاث
في حالة قريبة من الانهيار..ودموعي ما زالت تهطل بقوة..

لحد ما وصلني صوته الحاد ( بس خلاااااص.... ..انتي مو صاحيه ..)
جمع يدي اليسرى مع يدي اليمنى في قبضة وحده ..وايده الثانية رفع بها ذقني وقال

( ايش فيك ..بس خلاااص ..اهـــدي ....حشاا ..كل هالقهر عشان ما خليتك تروحي للسوق..
تبي تروحي ..الحين بوديك بنفسي..بس لا يمكن اسمح انك تروحي مع مروان ولد عمتي..فاهمه)

قلت بتعب ونرفزة من قربي منه ( لا مو عشان السوق ..عشان انت مالك دخل في حياتي..فااهم
خلني فحالي تسمع ..)

ثم اردفت بندم وانهيار ( اصلاً جيتي لهنيه كانت كارثة من صنيعك انته ..كنت متهنيه مع خالتي..)

واصلت شهقاتي ..لما ذكرت خالتي ..مشتاقه لها..ومشتاقه لحياتي معها..ودي انهي هالحاله
اللي صرت عايشتنها ..بس خلاص تعبت من هاللعبه .....ما اقدر اتحمل..ولا قدرت افهم الوضع ...واحس اني قريب ما راح افهم نفسي..ولا تفكيري..!!!

نظرات باسل مصوبة على وجهي الباكي..وما زال على نفس وضعيته السابقة في قربه مني
قلت له بضعف( بعد عني ..بعد ) واردفت وعيني الباكية بعينه

( انت ما تخاف الله..ترى اللي تسويه ما يجوز...كيف تسمح لنفسك بلمسي وانا محرمه
عليك )ثم اردفت بقهر ( ولا بس فالح تأمر غيرك ..وانت بروحك ما تعرف الدين)

رفعة الحاجب..!!! غالباً تدل على تكذيب الشخص......!!! بمعنى اخر كأن الشخص يقول لك
بس من دون صوت "العب على غيري"

قلبي ساااح ..!!!! معقوله باسل يعرف اني اعرف عن زواجنا .. رحمتك ياااارب ..!
هذا اللي ما اقدر استحمله ...الله يستر...

بعدت عنه بالقوة ..لأنه هو سمح لي ... ومسحت دموعي وقلت ( حالتي هنيه لا تحتمل
الوضع ما ينطاق...خلاص..انا برجع مسقط.. برجع عند خالتي)

قبل لا ابعد وصلني صوت ضحكته ... التفتت له باستغراب

قال ( اي خاله...؟؟؟ انتي تعرفي وين خالتك)
حسيت قلبي طاح عند رجولي...!!

رديت بخوف وقلبي ينبض بقوه ( خالتي ماخذه اجازة مفتوحه ..ورايحه مسندم)
نظرلي باستغراب..وفتح فمه حسيته يبا يقول شي..بس رجع سكت

ثم قال بهدوء( روحي عند جدتي..انا بروح اصلي..واول ما ارجع خليك جاهزة
بنروح السوق)..وراح

قلت له بعناد وهو طالع ( اي سوق..مابا اروح مكان معك ..تسمع)


طرقات على الباب صحتني من نومي...رفعت جوالي شفت الساعة
ست ونصف الصبح...!!!! اذا نهضت من الحين ويش راح اجلس اسوي..!!

رجعت نمت ... بعد لحظات قمت مفزوعة ..!! ويش صاير فالعالم
كنت احس اني راح اقتل اللي واقف على الباب ويطرق بهالشكل المزعج..!!

قمت بسرعة وضيق وفتحت الباب ( نــــعـــم..) رجعت على الوراء لما شفت
باسل واقف بجسمه العريض قدام الباب..!! قلت بدون استيعاب ( باسل)!

قال ( ايوه باسل..رسلت الشغالة ودقت الباب لين ملت..حسبتك ميته مو راجده)

في اغلب الأحيان ...من الممكن انه الشخص يستحمل هالنرفزة ظهر..عصر..اي وقت آخر
لكن الصبح..!!!لا والف لا..!!!!!
رفعت عيني وتوني مو فاهمه سبب وجوده وشفته لابس دشداشة سوداء..وكمه.!

يارب..!!! وانا....لابسه بيجامه نوم.....اول ما اتضحت لي الصورة ..!!
بسرعة سحبت الباب عشان اقفله ..!!! بس يد باسل كانت بالمرصاد

قال ( شوفي تراني مشغول هالصباح..وامي غالية معها موعد بمستشفى السلطان قابوس
وما اقدر اروح معها...روحي غيري هالملابس اللي لابستنها..وانزلي افطري..وخليك جاهزة)

ثم ترك الباب وبعد لحظه رجع بسرعة..وقال ( لا اشوفك لابسه عباية الكتف اللي لابستنها امس)

قلت له ( والله ما عندي غيرها...عبايتك اللي شارنها تكفي لعشر حريم من طولها..!! ...
والعباية الجديدة اللي مفصلتنها والمفروض اجيبها بارحه من السوق ...ما جبتها بسببك)

ابتسم بخفه وهز راسه ثم قال ( انتي ما تبا تنسي هالسوق من بارحة لَين( لحد) اليوم..!!
الله يعينا عليك )

قهرني كلامه ..!!! صرت انا كني هالكتنه ومزعجتنه ..!!!!

حضّرت في بالي كلام طويل وعريض..من نصيب هالباسل..!!!!!
بس لما جيت ابا اتكلم كتم صوتي بيده..
قال بسرعة وهو يبتسم اكثر ( يا بنت الحلال خلي حركتك سريعه
وروحي هاتي الفاتورة مالت العباية وخلصينا )

بالفعل انا بحاجة لعباية ساترة ..تتناسب مع لبسي للغشوة..بالإضافة الى اني
ما حبيت اشوف عباية الكتف السابقة وزينتها وهي منسدله على جسمي..!!!

رحت اطلع الفاتورة من شنطتي اللي كانت بالتسريحة..طلعت ورقة وكتبت فيها
الرقم السري لبطاقة السحب..وطلعت البطاقة والفاتوره ..ورفعت راسي قدام الجامه !!

وانا اقول ليش باسل يبتسم وايد اليوم ..!!!! شعري كان في حالة فوضى..!!
كأني طالعه تو من اعصار...!!!!!!واكيد انه يضحك على منظري..ويش هالحظ
ما يشوفني إلا وانا في اسوء حالاتي..اما كنت ازرع ولا ابكي وكملتها اليوم .!!!

وصلني صوته المتملل( وينك يا عليا)

سحبت شيلة من كرسي التسريحة وحطيتها على السريع فوق راسي وطلعت له..

خذ الفاتورة والبطاقة والورقة تأكد من الفاتورة ..ثم فاجئني برميه للبطاقة والورقة

وسحب يدي وقربني منه وقال ( لو تتكرر هالحركة ..ما بيصير لك خير يا حلوه ..تمام)

وطلع ....وتركني بحيره....وقلة فهم لنفسي..او له ..ما ادري..ما قدرت اقول الا ياارب نجيني..!

 
 

 

عرض البوم صور Noaaar   رد مع اقتباس
إضافة رد

مواقع النشر (المفضلة)

الكلمات الدلالية (Tags)
'تهتوينا', للكاتبة noaaar, ليلاس, منتدى قصص من وحي قلم الاعضاء, منتديات ليلاس, تهتوينا, يا صلالة, خبرينا, روايات اجتماعية رومنسيه, روايات خليجيه, روايات و قصص, روايات طويله, رواية خبرينا يا صلالة عن قلوبا تهتوينا, روايه عمانية مميزه, نوره, قلوب, قلوب تهتوي
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:29 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية