المنتدى :
الارشيف
أنا المتيم بحبك وما عذر قلبي في هواك إذا كنت مقيدا خلف قضبان صنعتها بيدي
بسم الله الرحمن الرحيم ..
الحمد لله رب العالمين والصلاه والسلام على سيد المرسلين سيدنا محمد وعلى آله وصحبه أجمعين ..
كتاباتي // المشآآكسهـ
لا أحلل ولآ أستبيح لمن ينشرها دون ذكر إسمي
* أَنَـا الـمُـتَـيّـمّ بِـِحُـبّـكّ ومَـا عُـذّرُ قَـلّـبِـِي فِـي هَـوَاكـِ إذَا كُـنّـتُ مُـقَـيَّـدَاً خَـلّـفَ قُـضّبـَانٍ صَـنَـعّـتُـهَـآـا بِـِيـَدَيّ
مدخل //
يَخٌطُ قلمي عن شابٍ رمى به القدر أو رمى بنفسه في المكان الذي لايصلح إلى للمجرمين الكبار وينتظر العقوبه العادله التي يستحقها ولايريد مساعده من الذين ربوه
من صغره ولا من آباه الذي جعله عضيده الأيمن ويلبي كل مايطلبه منه وجعل له مكانه خاصه في قلبه هذا الاب الذي ضحى بنفسه وتجاوز كل الصعوبات من أجله
هذا الاب الذي كان يحلم يوماً ما بأن يكبر صغيره ويصبح شاباً يستطيع تحمل الحياه وقسوتها ويستطيع الإعتماد عليه في جميع شؤؤن حياته ولكن قدر الله بأن
يتلاشى هذا الحلم ويصبح شيئاً يستحيل الوصول اليه..وأصبح هذا الاب الذي كان بالأمس لايرى في عينآآ صغيره سوى البراءه .. اصبح اليوم يرى في عيناه
الكره والحِقد عليه .. فا الإبن الذي كان صغيراً لايعرف سوى ألعابه.. اليوم أصبح كبيراً يخافه كثيرٌ من الناس .. لايريد أي مساعده من هذا الأب مع كل المصائب
التي جلبها هذا الابن لعائلته وتسبب في مشاكل كثيره بين أفراد هذه العائله .. إلا أن هذا الاب لاتزال يداه ممدوده لمساعدته فـ مهما يكبر الإبن يظل صغيرا في عينآا
والديه ويحتاج اليهما دائما { ربي إرحمهما كما ربياني صغيرا }.. سوف نتعرف على احداث كثيره من هذه الروايه .. سوف يملئ روايتي الغموض والاكشن
والرومنسيه بشكل كبير وهي خياليه هذه روايتي الثالثه التي أكتبها ولاكنها الأولى التي أنشرها أتمنى أن أرى منكم متابعه وتحفيز حتى أكمل
مسيرتي ..
# البدايه .. البارت الاول ..
أقولُ وقد ناحت بقربي حمامةٌ
أيا جارتا, هل بات حالك حالي؟
أتحملُ محزونَ الفؤادِ قوادمٌ
على غصُنٍ نائي المسافةِ عالِ
أَجارتَنا، ما أنصف الدهرُ بيننا
تعالَي أقاسمْكِ الهمومَ تعالِي
تعالَي ترَيْ روحاً لديّ ضعيفةً
تردَّدُ في جسمٍ يعذَّبُ بالِ
أيضحكُ مأسُورٌ وتبكيْ طَليقةٌ؟
ويسكُت محزونٌ ويندبُ سالِ؟
لقد كنتُ أولى منكِ بالدَّمعِ مقلةً
ولكنّ دمعِي في الحوادثِ غال
أبي فراس الحمْداني
في مكان مظلم خلف القضبان يستلقي ع السرير المصنوع من الحديد ويغطيه غطاء باللون الأسود ويتكون السرير من طابقين ..وهو باسط قدماه في الطابق الثاني
مرتدياً البنطال والقميص الازرق الخاص بالسجناء ويقلب بين كفيه دفتر مذكراته فتح الصفحه الاولى وكان مكتوب فيها..{ اليوم / الجمعه .. تاريخ 20/ 7 / 1432
الساعه ..1:00 م بتوقيت مكهـ المكرمهـ .. بعد صلاه الجمعه ..اليوم كالعاده الكل متجمع عند جده مريم عًمّانِي كلهم خالد وسلطان ونايف واحمد بس الزايد علينا
عمي محمد اللي مستقر في ايطاليا جاآي ومعطي جو عائلي أكثر مع ان الجو حلو الا إني ماني قادر اجلس معاهم من بعد مادريت بالسالفه احس اني حاقد عليهم
من اولهم الى آخرهم وما ابغى لهم السعاده ولا يوم مع اني خربت حياه أكثر من شخص فيهم بس لسى اللعبه مابديت وماراح ارتاح الا لمن احرق قلوبهم كلهم زيي
ماحرقوا قلبي } //<< طبعا الشخص رااح يكون مجهول وماراح اكشفوا دحين ..يعني واحد من عمانه هو ابوه بس ماقلت لعشان ماتعرفونه مع الاحداث راح تتعرفون
عليه بإذن الله... //
# رجع بذاكرته إلى الوراء قبل سنتان في ذالك اليوم ..
في بيت الاخ الكبير نايف الذي تستقر عنده امهم المُسِنّه بعد وفات ابيهم منذ سنين بعد صلاه الجمعه كانت العائله جميعها مُجّتَمِعَه هناك ..
# في قسم النساء //
يدخلون رنيم ورانيا بنات الدكتور خالد مع امهم مروى ..رنيم بطبعها الفله وبايعه الدنيا عكس اختها رانيا الهاديه والنعومه ..
رنيم / السلام عليكم اهل الدار هل يوجد اشخااص على قيد الحيااه ؟؟!!
لمار وألمار التؤام بنات نايف مدير شركه الحَيَّـآآنّ < من خيالي..التؤام هاذولي من .أرَجّ = مزعجين .خلق الله .. لمار وألمار بصوت واحد
وعالي وبِالمــد / وعليكم السلام ورحمته الله وبركاته نورتي البيت يارنيم انتي البصل واحنآ العسل تفضلي تفضلي يا اختنا الحمقاء لقد ازداد البيت سوءً بدخولك
رانيا / اف ايش هاذي الرجه من اول ما دخلنا خلاص اسكتوا
رنيم / سيبيني عليهم الحمارات ذولي تعالوا تعالوا مين البصل والحمقاء هاااه .. قاموا يجرون وطلعوا فوق ورنيم تلحقهم بتصفقهم = تضربهم ..
رانيا / الحمدلله على نعمه العقل استغفر الله العظيم بس
الام مروى / بس خلاص عاد هم ايش اللي سَوّوُه خليتيها سالفه ..
تدخل ليلى زوجه نايف / ياهلا يامرحبا تفضلوا الله يحيكم تو مانور البيت
مروى / هلا فيك حبيبتي ,, منور بوجوك يا ام عمار
.. جات لارا اخت التؤام شخصيتها جدا ضعيفه وخوافه بقوه وتخاف اكثر شئ من شخص معين نعرفه بعدين..وسلمت عليهم ..
لارا / نورتونا
مروى / منور بوجودك حبيبتي كيفك
لارا / الحمدلله تمام كيفك خاله
مروى / الحمدلله بخير
ليلى / الا وين رنيم ما أشوفها ؟!!
مروى / ماتعرفينها الخبله هاذي راحت تجري ورى بناتك
ليلى / هههههههههههه ما تعقل الله يحفظهاا مايصلحلها الجري هي تعبانه
مروى / ماظنتي والله عجزنا فيها انا غاسله يديني منها
ليلى / هههههههههههههههه الله يعينك عليها تفضلوا حياكم الله عمتي مريم فالصاله اللي جواا
مروى / مافي احد جاء روزا ماجات
ليلى / لسى والله مابعد احد جاء انتم اول من جاء الله يحيكم
مروى / الله يبقيك تسلمين
.... # فوق في الطابق الثاني رنيم تجري ورى المار ولمار ..
رنيم / ماسكتكم ماسكتكم لاتحاولون
لمار والمار/ ماراح تقدرين ياحراام بطيئه مره وق وق واااق
رنيم / انا بطيئه يا السناجب طيب اوريكم تشوفون
لمار والمار/ والله لو بتجلسين الى بكره ماراح تمسكينا
رنيم وبان عليها التعب / ماعليكم القادم أكثر بإذن الله انا بروح اسلم على جدتي احسن من المرابد وراكم ياتؤام ابليس
لمار وألمار / مع نفسك يا الجنيه
....# دخلت رنيم وسلمت على راس جدتها .. الجده / هلا ببنيتي وراه وجهك محمر كذا متضاربه مع احد
رنيم / والله ذولي التؤام النشبه من اول أجري وراهم
الجده / وليش تجرين وراهم انتي ماتعرفين انه مو زين لك الجري كم مره بنعلمك انتي كبرتي ماشاء الله وماباقي لك شئ وتروحين الجامعه اللي زيك متزوجات
وعندهم عيال بعد ولاَّ مرّه ماتهمك صحتك ..الله يكملك بعقلك يابنيتي < رافعه يدينهاآ فوق وتدّعِي
رنيم / اامين ياارب ادعيلي ادعيلي جده إني أتزوج
الجده تمسك العصايه حقتها وتضربها ع رجولها / آآآ ياقليلت الحيا انتي ماتستحين بدال ماتقولين جده ادعيلي الله يعقلني تقولين الله يزوجني فاسخه الحيا مره
وحده قومي عن وجهي اشوف
ليلى / ههههههههههههههه يقولون في ذا الزمن اللي استحوا ماتوا
مروى / واني الصادقه
رنيم تضحك وتمسك العصايه حقت جدتها / ههههههههههههههههههههه والله خلاص توبه ما اقولها ولا زعل الحلوه ..وتسلم ع راس جدتها
الجده / الله يصلحك بس ما اقول غيرها
رنيم / هههههههههههههه ااااااااااااااامييييييييييين ارتحتي
الجده / لاحول ولا قوه إلا بالله هاذي مامنها فايده ..أقول بس عساك قريتي سوره الكهف اليوم جمعه ترا فضلها كبير وقال الرسول عنها _(من قرأ سورة الكهف في يوم
الجمعة أضاء له من النور ما بين الجمعتين)
رنيم / ايوا جده قريتها الحمدلله من قبل ما أجي هنا
الجده / ايه أشّوَا بس ..الله يصلحك يابنيتي
رانيا / جده كمان في يوم الجمعه لازم نكّثِر من الصلاه على الرسول صلى الله عليه وسلم
الجده / ايه وانتي الصادقه اللهم صَلي عليه
الجميع / صلى الله عليه وسلم
# دخلت الصاله الواسعه ذات اللون الابيض والكنب إيـكيـا الممتد ع اطراف الصاله بلونه الابيض وعليّهِ خداديات بألوان زهريه وكماليات بالألوان الزهريه تزيده جمالا ..
بشرى زوجت سلطان أستاذ الرياضيات في الجامعه مع بناتها تولين اللتي نستطيع القول بانها تؤام رنيم في تصرفاتها هي طائشه جدا ومثل مايقولون
بايعتها ..وريتال دلوعه البابا نعومه مَرّا .. وترف الفتاه التي صَمَتَ فمها وتحدثت عيناها بكلمات تدمي القلب ولكن مامن مستمع الفتاه التي تلتف عليها هاله سوداء
من الغموض لاأحد يكلمها ولا ترتفع عيناهم لرؤيه وجهها ولا لحديث عينيها البراقتين نستطيع القول بانها فتاه اصبحت صامته جدا ..
بشرى / السلام عليكم ورحمته الله وبركاته ..
الكل / وعليكم السلام
ليلى / ياهلا ويا مرحبا تفضلوا
بشرى / هلا فيك .. تسلمين ياروحي
ليلى / الله يسلمك
رنيم / هلا والله بتولين يااامراااحب
تولين / هلا بك يا بعد حيي والله اشتقتلك يا بطريقه
رنيم / وانا اكثر يا بووومتي العزيزه
ريتال / وانا ماليآآ ترحيب
رنيم / لا مالكـ ترحيب من زينك ارحب فيك
ريتال / اللي قال ميته ع ترحيبك طيري بس
.... سلمت بشرى وتولين وريتال ع ليلى و مروى وبناتها وع الجده اما ترف فقط باليد ويتقاضون النظر في وجهها ..
الجده / ياهلا فيكم تو مانور البيت بشوفت بناتي
جات ترف بتسلم على الجده لكن ...........
&&&&&&&&&&&&&&&&&&&
.......... ردد~ي (اللهم صل على محمد ).. (سبحان الله وبحمده عدد خلقه ورضا نفسه وزنته عرشه ومداد كلمته ) ثلاثا
&&&&&&&&&&&&&&&&&&&&&&&
# في قسم الرجال / كان الموجودون بالمجلس نايف واولاده علاء ذا الشخصيه المرحه والمحبوبه والطيوبه يُضَيِّفّ أعمامه بالقهوه العربيه وعمار ذا الشخصيه الهادئه
والغامضه جداً ينطوي بنفسه بركن من اركان المجلس المصمم بالطراز القديم .. والدكتور خالد وابنه رائف دكتور الجراحه الصغير هو ذا شخصيه طموحه ومثقفه
وأغلب وقته بين كتبه ..رويد الفتى الذي تغير مئه وثمانين درجه فلقد كان بالامس ذا شخصيه مرحه جدا ووزيي مايقولون فالها وبايعها واليوم أصبح العكس تماما
هادئ مثل هدوء الليل واصبح الصمت جزء لايتجزء من شخصيته ماهو سبب تغيره ؟! نتعرف عليه لاحقا ^__^ ..والاستاذ سلطان وأبنائه تميم العصبي والغامض
والذي اصبح اهم شئ في حياته دراسته وتامر ذو الشخصيه الفكاهيه والمرحه ويتميز ببرود اعصاب لاأحد يضاهيه فيها عكس تميم تماما وهو بارع في قراءه العيون
..وكانوا بإنتظار آخويهم الضابط احمد واولاده باسل صديق علاء الروح بالروح وشخصياتهم متشابهه جدا وإياس الشخصيه الهادئه والرومنسيه ..والسفير محمد
المستقيل عن عمله منذ بضعه سنوات وهو يستقرالان في دوله ايطاليا ويأتي الى اهله بين الحين والآخر وابنه الوحيد مؤيد الذي لم يأتي معه لانه يدرس في الجامعه
الايطاليه وهو محب لدراسته لانه يدرس التخصص الذي يعشقه وهو علوم البحار وهذه هي السنه الاخيره له فيها وبعدها سينتقلون الى المملكه ..
نايف / حيا الله من جآآنا ..
خالد وسلطان / الله يحيك
خالد / شلونك نايف وشلون العيال
نايف / والله بخير الحمد لله اخباركم انتم
خالد / الحمد لله بخير
نايف / شلونك سلطان
سلطان / بخير الحمد لله عساك بخير
نايف / نحمده بصحه وعافيه
سلطان / الله يديمها
نايف / اجمعين ياارب
خالد / هااه شخبار الشغل معاك عسى مو تاعبك
نايف / لا الحمد لله الشغل ماشي تمام نستنى عمار يخلص من الماجستير ويعاوني بالشغل ان شاء الله
خالد / ان شاء الله
سلطان / إلا يا خالد مافكرت تستقيل من الشغل
خالد / اذا فكرت تستقيل استقيل
سلطان / هههههههههههههه لا انا بعدني شباب
خالد / اجل انا العجوز يعني
سلطان / حشى والله ماقلناها ههههههههههههههه
خالد / حلمي كان إني أصير دكتور والحمدلله ربي حققه وماني مفرط فيه لين نهايه عمري
سلطان / الله يطول بعمرك ياارب
خالد / اجمعين ياارب
رائف / الا جده وينها ما شفناها بنسلم عليها
علاء / جده جُوَا عند عماتي بعد شووي تجي
رائف / اها يعني دايما إحنا بالاخير
علاء / هههههههههههه ع قولك
.... دخل احمد الذي أتى باخيه من المطار احمد + محمد / السلام عليكم
الجميع / وعليكم السلام ..
# وقامَ الجميع مع بعضهم لِـيُسَلِمُوا ع محمد بحراره لأن لهُ سنه واكثر لم يروه ... وبعد السلام
محمد / كيف حالكم ان شاء الله طيبين
الجميع/ الحمدلله بخير
سلطان / نسال عنك
محمد / الحمدلله طيب وبخير ونعمه بعد ماشفتكم
خالد / هااه مانويت ترجع
محمد / الا ان شاء الله بس بعد مايخلصون العيال من الدراسه
خالد / وزوجتك بتجي معك
محمد / ايه ان شاء الله
نايف / ترى حالف عليكم اليوم الغداء والعشاء عندي
الجميع / ماتقصر والله
احمد / والله يا خوي ما اقدر اجلس للعشاء عندي شغل ولازم اخلصه
نايف / ماعليك اجله الشغل مهو طاير
احمد /والله لو اقدر أءَجِلَه كان أجلته بس هو ضروري
نايف / ماعليه روح شوي وارجع تعشى شوفنا الحمدلله كلنا متجمعين من زمان ماتجمعنا هالجمعه
احمد / خلاص ان شاء الله
# كانَ هُناك شخص ينظر إليهم بنظراات حقد وكره ولاكنها تحولت الى توتر عندما صَرَحَ العم احمد بأن لديه عمل مهم وهو قبل فتره تلقى مكالمه مهمه ..
باسل / عيال ايش رايكم نطلع براا
علاء / يالله
# وقاموا العيال وخرجوا في حديقه البيت ..
&&&&&&&&&&&&&&&&&&&&&&
في مكاان آآخر بعيد كل البعد عن هذا المكان وعن هذه الدوله في دوله إيطاليا عند مؤيد بالجامعه بعد ما إنتهى من مكالمته مع والده الذي يخبره فيها بأنه
وصل الى السعوديه هو وامه واخته بسلام حَمِدَ الله ثم ذهب الى محاظرته وكان يمشي في طريق خالي من الطلاب ولكن اوقفته يد شخص مجهول تشُد ع انفه وفمه
بمنديل مخدر لم يستطع مقاومته وسقط مغشياً عليه ..
&&&&&&&&&&&&&&&&&&&&&&&&&&&
........... / سلام ياحلو-ه اخبارك
....../ وعليكم السلام تمام
..../ جبتلك العلوم المتكتكه
...../ هاااه صار
...../ ومثل ماتبي-ين
...../ كويس هاااه تبي -ين شئ
.../ لا بس اتصلت اخبرك
..../ ع فكره ترى اليووم الشرطه بتكوون بكل مكان فخليك -كِ منتبه-ها
..../ آخذين الاحتياطات لاتخاف-ين
.../ اجل يالله مع السلامه
..../ سي يو
&&&&&&&&&&&&&&&&
سبحان الله وبحمده .. سبحان الله العظيم ..
&&&&&&&&&&&&&&&&&&
في قسم الحريم / جات ترف بتسلم على الجده لكن الجده قامت عنها وماسلمت عليها ولاطالعت في وجهها ..
# اي حزنٍ يكسوني وأي وجع ٍ احكي عنه كيف لي قلبي بأن يصبر وانا أرى اهلي وجنتي ينظرون الي بنظرات احتقار حتى جدتي التى كانت تعشقني اصبحت اليوم
لاتصافحني ولاتريد رؤيه وجهي الذي اصبح شاحبا ولاعيّنَيّ التي يحيط بها هاله من السواد ماذا افعل لقلبي الذي يشتعل بحرقه ؟! من الذي يطفئ النار التي تسكن
جوفي ؟! مانوع قلوبهم حتى يعملوا بي هكذا فأنا فتاه والله فتاه ولست بصخره وطبعي من طبع الفتيات ودائما يقولون بأن الفتيات حساسات و يتحسسون ويتضايقون
من كلمه .. كيف اذا كان من يضايقني هم اهلي وعزوتي كيف اذا كان اكبر همهم هو التخلص مني صحيح انا اخطأت وخطأي كبير جدا ولاكنَنِي نادمه حقا انا نادمه
واريد التوبه والصفح أريد ان أصحح اخطائي اريد أحدا يمسك بيدي إلى الطريق الصحيح أريد قلباً أحكي له مابي داخلي أريد أن أخبره بأني يأست من الحياه ولا
طاقه لي للتحمل أكثر فأين أجد هذا القلب ؟!
مشت بخفه وجلست على كنبه منزويه وهي تـتنهد بصمت ..
دخلت ميرفال وهي تركض بسرعه / Ciao ياحلوووووووووووين
قاموا البنات يصارخون ويتناقزون بيسلمون عليها / ووووواااااوو ميرفال ... ويسلمون ع بعض بحرااره
دخلت دلال زوجه احمد وروزا ذات الجنسيه الإيطاليه زوجه محمد .. دلال +روزا / السلام عليكم
الكل / وعليكم السلام .. وحولوا البنات لروزا يسلمون عليها بحراره ..
رنيم / كيفك خاله روزا والله وحشتينا مرره ..
روزا ذات اللَكّنَه العربيه المكسره/ الحمد لله بخير ..وانتوا اكـتر حبايبي
ميرفال راحت لجدتها وتضمها بقووه / وحشتيني بقوووه والله اشقتلك اشتقتلك .. وتسلم ع خدها وراسها
الجده / ياحبيبتي انتي والله انا اللي اشتقتلك ياروحي
ميرفال / هاذي بوسه من مؤيد يقول بوسيلي جدتي بقوووه
الجده / ليه ماجاء معاكم
ميرفال / لا ماجاء عنده جامعه
الجده / اها الله يعينه ويوفقه يااارب
ميرفال / امييين يااارب
# وجات روزا وسلمت على الجده والجده سلمت عليها بحرااره ... وبعد السلام والترحيب لروزا وبنتها ميرفال اللي جو من المطار مع احمد وزوجته دلال
ومعاها بناتها الين المزاجيه ولانا اللي من شله رنيم وتولين ومعاهم ميرفال ..
لانا / يعني من لقى احبابه نسى اصحابه
تولين / نعم نعم بالضبط المُتَضَبِـِطّ
رنيم / أصلا طفشنا منكم نبغى ناس جدد
لانا / مالت عليك وعليها يا الخاينات
ميرفال / اقوول لاتجلسون تتضاربون ابغى اسمع اخباركم من زماان عنكم
نقزة رنيم عندها / مادريتي اخر خبر طاااازه
ميرفال / لا ايش قووولي بسررعه
رنيم / يووووه يابنت عمي الفضول عندك اخذ نسبه ميه بالميه
ميرفال / اقول سيبيك من السماجه وقوليلي ايش الخبر
رنيم / بنسوووي حفله تخرج فالمزرعه لاصارت ولا إستوت لياا أنا وإنتي وتولين ولانا .. قلنا ماراح نسويها الا لمن تجين ونخطط مع بعض
ميرفال/ منجد يا سلام وناااسه وراح نزبط المزرعه من إلى ..
رنيم / اكييد يابعدي هاذي مو أيي حفله هاذي حفله رنيم بنت الدكتوور خالد
تولين / اقول خف علينا ياااهووو
ريتال / وأنا كمان معاكم مالي دخل انا تخرجت من المتوسط
لانا / يوووه يا الكتكوته تووك من المتوووسط الله يعينك ع الثانووي بتشيـبين قبل يُومِكـ
ريتال / كتكوت ينشب بشعرك ان شاء الله اقلبي وجهك انا ماني كتكووت
لانا / هههههههههههههه امزح معاك يا دلوعه البابا انتي هههههههههههه
ريتال / ميرفال قوليلها تسكت ولا ترى اقوم وأضربها
لانا / خف علينا ياااقووي انتا هههههههههههههه طيري بس إنتي تضربيني
رنيم / ههههههههههههههههه اتخيل شكلك يادلوعه البابا لمن تُضّرُبّين ههههههههههه تووووحفه
ريتال / ميرفال شوفيهم
ميرفال / خلاص لانا رنيم سيبوها خلينا نخطط للحفله
ريتال / ترى من دحين قتّـلُكُم أنا معاكم سامعين
رنيم / يصير خيير << يعني إحلمي هههههههه
ريتال / بقووول لبابا وتشوفون
رنيم / قلنا يصير خير
رانيا / اقوول ميرفال طنشيهم وقوليلنا ايش سويتي الفتره اللي فاتت
ميرفال / ملل بملل مافي شئ بس اصحى اروح للمدرسه اجي اخذ غفوه بعدين اصحى اذاكر للمغرب وبعدها اجلس ع النت وبعدين اجلس مع ماما نسولف وبعدين انام
وفي ايام الاجازه نطلع انا ووماما وبعض الأحياآن يروح معانا مؤيد ونـتمشى وبس
الين / احنا ماقلنا قولي قصه حياتك قوولي شئ فيه هرجه يعني شئ فيه شئ
تولين / اموت على شئ فيه شئ ههههههههههههههههههههههه
الين / اقووول اقلبي وجههك يالله ميرفال تكلمي
ميرفال / ههههههههههههههههههههه ايش اتكلم
تولين ورنيم مع بعض / مغامراتك
البنات / هههههههههههههههههههههههههههههههههههههههههههههههههههه
الين / الله لايبلانا مأثره عليكم الافلام
لارا / بقووووه مرره ههههههههههههههههههه
رنيم / اخيرا طلع صوتك انتي
لارا / اقول لاتضيعين الهرجه
رنيم / ع تبن اقوول
ميرفال / خلالالاص خلالاص خلاص لاتتهاوشوون خلاص اقولكم مره كنا طالعين الحديقه انا ومؤيد الا ............
&&&&&&&&&&&&&&&&&&&&&
فتح عينيه الزرقاوتان ببطء وراسه يكاد يتفجر من الصداع ولايستطيع تحريك جسمه من الالم الذي يشعر به ..يحاول التركيز في المكان لكـن ................
&&&&&&&&&&&&&&&&&&&&&&
.... / عملت-تِ اللازم
... / بس باقي شوويه اجراءات ويصيير تمام بس (شكلها) -(شكلوا ).. شك-ت بالموضوع
...../ كيييييييييييف !!!!!!!!!
@@@@@@@@@@@@@
# انتهى البارت ..
اتمنى لكم قراءه ممتعه ويـــآآآآرب يحوووز على رضاكم وإستحسانكم ...
انتظروني يوم الجمعه القادم بإذن الله ..
صديقتكم / المشآكسـهـ
لآتلهيكم عن الصلآه .. وعن ذِكـر الله ..
|
12-04-13, 01:34 PM
جديد مواضيع قسم الارشيف
العرض الشجري
