المنتدى :
الارشيف
رواية : كل الحكاية مافهمت الحكاية \ بقلمي
السلام عليكم ورحمه الله وبركاته
اضع بين صفحات هذا المنتدى وبين العديد من الروايات المختلفه
ثاني رواية لي والتي تحمل مسمى
( كل الحكاية : مافهمت الحكاية )
فاتمنى ان تنال على رضاكم
ولا احلل من نقلها دون ذكر اسمي
Razan_97
منتديات ليلاس
تحوي روايتي على الكثير من الفئات
الفقير والغني و السعيد والتعيس والطيب والحقود .. والكثييير ايضا ..
مدخل :
تبحث عن عمل حتى تستطيع ان تعيش هي وعائلتها دون الذل والاهانه.. تحمل مسؤولية فوق طاقتها تقف بوجه الجميع حتى تحافظ على كرامتها ..
تحمل اسم (مطلقة) وينظر لها البعض بنظرات استحقار وتصبح وكأنها ارتبكت جريمة ولكن من يفهم بأن ليس لها ذنب بهذا كله
يقسو ويجرح ويحب ويخون ونسي المثل الذي يقول ( الدنيا دواره )
تمرض ويبدا المرض بجسمها ثم تفكيرها وتبدا هي مسيرتها في مقاومة المرض فهل سيتمكن منها او هي ستتمكن منه ؟
والكثير الكثير ..
وتمضي بنا الحياة
ويتعثر البعض ويسقط من عتباتها
ويستمر البعض الاخر باكمال السير
وتسير بنا الحياة الى عالم مجهول
لا احد يعلم الى ماذا سوف يتعرض
البعض ينظر بتفاؤل والبعض يخاف من الـ (عالم المجهول ) الذي يتجه له
سنمضي جميعنا ونحن لا نعلم ماكتب لنا
ولا نعلم متى سنتوقف عن السير وتخرج ارواحنا
نمضي ونحن مجبورون على التعايش مع الواقع حتى وان كان (مر)
قد نصطدم بأشخاص لا نعلم هل س يرسمون الابتسامة على شفاهنا ؟
أو يبدأ البعض منهم بإعطائنا بعض من الدروس كي نستفيد منها
وتستمر الحياة ..
في احد الاحياء القديمة ..تحديدا في دولة الكويت
بنت بالعشرين من عمرها منسدحه عالسرير وراسها تحس انه بينفجر من الصداع
جلست وعدلت جلستها على فراشها المفروش بالارض وبدت تتأمل الغرفه
دولاب قريب وينكسر .. باب شوية ويطيح .. جدران الغرفه شوي وتطيح .. مراية جزء منها مكسور .. حتى الشباك مكسور
غمضت عيونها بألم ورجعت فيها الذاكرة لقبل شهر تقريبا
كانت في قصر شخص يقال بأنه ( عمها )
صرخ بعصبيه : ابوي مات وهو اللي كان ضافكم انا مو مسؤول عنكم الحين وبيت ابوي من باجر تطلعون منه فاهمين
وقفت بوجهه وهي تحاول تاخذ حقها هي واختها وامها منه : ياعمي عبدالله يدي مات الله يرحمه وما بقى لنا الا انتم يا عماني كيف تبينا نطلع وين نروح ؟ انت مفروض تفتح لنا بيتك مو تطردنا من بيت يدي ! ترا احنا شايلين اسمك انت وعماني
العم عبدالله بسخرية : هههههه عمج ؟ اقول بلا كثرة كلام وذلفي يا منيرة انتي وامج واختج شيلوا اغراضكم دام النفس طيبة عليكم وللمعلوميه هذا القرار مو بس مني من كل اخواني
قربت ووقفت جنب اختها وقالت بصوت يرتجف : بس عمي وين نروح ؟
العم صرخ : انا ايش دخلني يا سارة ؟ روحوا لوين ماتبون بيتي وبيت ابوي وبيوت خواني كلها تتعذركم ابوكم مات وخلاكم ثقل علينا وحنا طفشنا خلاص مافينا
صرخت منيرة : انتم بس همكم الفلوس انتم حتى ورث ابوي حرمتونا منه بس لا تحسبوني بسكت ! لااا يا عمي يا اخو ابوي قريب اخذ حقنا غصب عنك
قربت امها ومسكت يدها بترجي : بس يا منيرة جدج مات والله يرحمه خلينا نطلع بدال ما ندخل نفسنا بمشاكل مالها اول ولا تالي
رمى 100 الف عالارض : مشوا حالكم فيها
مشت سارة بخطوات بطيئة وخذت الفلوس .. كانت اهانه لهم ولكرامتهم .. كانت تضن انها ماراح تذوق طعم الذل والاهانة .. بس للاسف ذاقته ومن اقرب الناس لها ..
منيرة كانت بتمنعها بس مسكتها امها
وخلال ماهي سرحانة بالماضي .. دق الباب
رفعت راسها وبصوت مبحوح : تفضلي
دخلت سارة وبابتسامة كلها الم على وجها : يالله منيرة الاكل جاهز
جلست تتأمل اختها لمدة قصيرة .. كانت تقريبا قصيرة شعرها قصير لرقبتها وناعم ونحيفه عيونها عاديه لا هي كبيرة ولا صغيرة فمها كان صغير .. يعني يقال عنها عادي لا هي جميلة ولا قبيحة
ابتسمت منيرة : ان شاء الله الحين بجي
قامت ووقفت قدام المراية تتأمل شكلها
كانت اطول من اختها وطولها متوسط .. شعرها لكتوفها اسود .. جسمها مليان شويه عيونها نفس عيون اختها ورموشها كثيره .. فمها صغير وفيها غمازة بخدها اليمين .. يعني مملوحة كانت املح من اختها ..
منيرة " عمرها 20 سنه عنيييييده بشكل فظيييع وفيها غرور واهم شي عندها كرامتها كل شي ولا تنذل شخصيتها قوية على عكس شخصية اختها .. عندها شهاده ثانويه بس وتدور عن شغل تصرف للبيت .. ابوها متوفي من زمان وكانت عايشه عن جدها "
سارة " عمرها 19 سنه اول سنه جامعة شخصيتها ضعيفه جدا ماتعرف تدافع عن نفسها مالها اي راي محدد لكنها طيبه مره "
..
في مكان ثاني وبنفس المدينة لكن بحي راقي جدا .. في بيت ماهو قصر ولا هو صغير .. يعني كبير وفخم
كان واقف قدام المراية ويعدل شكله ويتكلم بغرور : مال وجمال وكل وحده تتمناني
اول ما خلص جملته انقتح الباب بقوة التفت ولقى اخته واقفه ومتخصرة وتتكلم بصوت عالي : جراح يالله الغدى خلص
ناظرها بحدة وتكلم بعصبية : ليال ترا حركتج ماعجبتني ابد
ليال : اوف طيب اسفه يالله الغدى خلص
جراح اكتفى بالنظر لها بعدين قال : طيب الحين بنزل
التفت يكمل تعديل شكله وابتسامت الغرور واضحه على وجهه
ليال بسخرية : هههههه ياخي ايش هالابتسامه ليش شايف نفسك علينا
جراح : ياختي انا جراح بن خالد النامي ، ماتبيني اشوف نفسي ؟ كمل بضحكه : انا الكل يبيني يا حلوه
ليال : مقدر يا واثق .. عاد تدري مافي شي عاجبني كثر اثر الجرح اللي على حاجبك
ناظر مكان الجرح القديم كان جد معطيه وسامه اكثر ناظر عيونه كانت بني غامق وخشمه كان عادي فمه كان عادي بعد لا كبير ولا صغير وكان حاط عوارض معطيته جمال اكثر
التفت لها : ممكن توريني عرض كتوفج ؟ قلت الحين نازل
ليال تأففت وطلعت .. ناظر نفسه نظره اخيره ونزل ورا اخته
..
طلعت من الغرفه وشافت امها واختها ينتظرونها مشت بخطوات سريعه وباست راس امها وجلست جنب اختها
ناظرت الاكل كان عباره عن بقايا غدى امس .. شويه رز ونص دجاجه ابتسمت يوم تذكرت عيشتها القديمه في اكبر القصور وانواع الاكل اللي يحتار الواحد ايش ياكل منه .. الخدم يمين ويسار .. ابتسمت وحمدت ربها عالنعمه
ام منيرة بابتسامه : ايوه يا ساره متى جامعتج ؟
ساره بابتسامه : باجر يمه .. التفتت على اختها : منور حبيبتي ليش ماتكملين وياي ؟
منيرة : انا ادور شغل الحين لازم احد يصرف عالبيت الفلوس اللي عطانا اياها اللي ما يتسمى بتخلص
ام منيرة : بس هذا مستقبلج
منيرة : يمه انتي قلتيها مستقبلي وانا هذا اللي يريحني
حست الجو بدا يتوتر : يالله منور ويالله يمه خلونا ناكل تراني يوعانه
سموا وبدوا ياكلون
..
نزل واتجه لغرفه الطعام وبابتسامه ثقه دخل وباس راس امه وابوه وجلس جنب امه
جراح باستغراب : فرح وينها
ليال : كالعاده لازم تتأخر . التفتت بعصبيه للشخص اللي جالس جنبها : سعيدان خلاص ترا وربي بكف اجلس زي الناس
ام جراح : عيب يا ليال مفروض تحترمين وجودي انا وابوج
ليال : اسفه يمه بس ولدج حركي بشكل فظيع
انفتح الباب ودخلت بنت بالعشرينات كانت مملوحه شعرها طويل وكيرلي شفايفها وخشمها صغار عيونها تقريبا صغيره ولونها اسمر شوي .. ابتسمت : السلام
رد الكل : وعليكم السلام
جلست جنب جراح
جراح : ليال متى جامعتج ؟
ليال بابتسامه كبيرة : باجر
فرح : عاد شوي شوي مو تفشليني وتخربين سمعتي
ليال : الله والسمعه عاد
فرح ناظرتها وابتسمت ببرود وسمت وكلت
ليال ماهتمت وبدت تاكل والكل بدا ياكل
بعد صمت لمدة دقايق
ابو جراح : جراح ابيك بكره تروح توزع الصدقات
جراح بانزعاج : ان شاء الله يبه
جراح " تقريبا ماخذ صفات امه السيئه .. مغرور كثير صح قاسي لكن يحن قلبه عمره 25 ويشتغل مع ابوه بشركتهم الصغيره "
فرح " عمرها 21 متاخره سنه ثاني سنه جامعه مغروره شوي وتستغرب من معامله امها معها طيبه مع الكل بس ياويل اللي يدوس لها على طرف "
ليال " عمرها 19 تعشق الرجه والهبال شعرها لنص ظهرها وكيرلي فيها غمازه بخدها اليسار بيضا وشفايفها عاديه .. اول سنه جامعه .. بنت مملوحه "
سعد " عمره 15 ثالث متوسط ويحب يرفع ضغط الكل واولهم ليال "
..
في اليوم الثاني صحت بدري الساعه 6 الصباح عشان تروح ووتعرف على كل شي بالجامعه
ماعرفت ايش تسوي بشعرها القصير .. اكتفت بوضع فيونكه صغيره .. فتحت دولابها كان فيه ملابس من اغلى الماركات .. حبت تلبس لبس مستر شوي .. اخذت لها تي شيرت اف سان لوران وفوقه جاكيت خفيف اسود مع جينز اسود وشنطه اف سان لوران .. حطت لها روج وردي مع شوية بلاشر وماسكرا .. شكلها باختصار ناعم
اخذت جوالها وطلعت شافت سيارتها بي ام اللي اهداها اياها جدها قبل يموت
ابتسمت بألم وركبتها متجهه للجامعه ..
..
دخلت الجامعة هي واختها .. التفتت على اختها وبهدوء : لا تنسين كلامي خلج عاقله ولا تفشليني
ليال : اوامر ثانيه ؟
فرح تبي ترفع ضغطها : امممم ثواني افكر .. لا يالله روحي
راقبت اختها لما غابت عن انظارها .. ماتعرف شي اول مره تدخل هنا
رن جوالها شافت الاسم وردت على طول : هلا جوريتي
جوري : هلا ليول وينج ؟
ليال : انا عند باب الجامعه انتي اللي وينج ؟
جوري : اي هذاني شفتج يالله باي
سكرت في وجها .. ناظرت ليال الجوال لثواني .. بس رفعت وجها لصوت تحب راعيته حيل
..
اتجهت للكفتيريا وشافت صاحباتها جالسين سوا ابتسمت وتجهت لهم
قامت لها صاحبتها المقربه مره وحضنتها بقوه : وحشتيني يادوووووبه
فرح احضنتها هي بعد : وانتي يا اسووول وحشتيني
تكلمت مروه : طيب وانا عطيني ويه شويه
بعدت عن حضن اسيل وابتسمت لمروه وحضنتها : فديت اللي يغارون بس
دفتها مروه باستهبال : انا اغار منج ومنها طيري بس
ضحكوا كلهم بس قاطع عليهم صوت واحد : هلا فرح
التفت له .. ناظرته بغرور : هلا .. بغيت شي ؟
ابتسم ناصر : لا سلامتج بس حبيت اسلم عليج
فرح : سلامك وصل ..
التفت على صاحباتها : يالله بنات احس بخنقه خلونا نغير مكانا شوي
مشت ومشوا وراها .. التفت على صاحبه وابتسم : هذي عمرها مابتتغير مغروره من يوم عرفتها
فواز : اللي يسمعك يقول انك تعرف البنيه من عشر سنين المهم تعال نروح نتكي عند باب الجامعه نشوف طلاب اول ياخي اشكالهم تضحك
ناصر : ههههههه والله انك صاج يالله خلنا نروح
ناصر "20 سنه انسان جماله عادي .. يحب يجنن البنات اللي معه بالجامعه ويحب يرفع ضغط فرح .. صديقه المقرب فواز "
فواز " 20 سنه .. متعقد من فكره الزواج ولا يفكر انه يتزوج بيوم من الايام والسبب مجهول "
مروه واسيل " 20 سنه اسيل اكثر وحده مقربه لفرح ودايم تشكي لها .. اسيل كانت جميله شعرها طويل وناعم وعيونها سوده ورموشها كثيفه وفمها صغير .. مروه كانت مملوحه شعرها لكتوفها وصابغته كستنائي "
رفعت راسها من على الجوال وحضنت جوري بقوه
وكملت بضحك : خرعتيني
جوري: هههههه افا عليج .. وحشتيني
ليال : ههههههه امدى توني شايفتج قبل 3 ايام .. عاد تصدقين الجامعه شكلها كبيره واحنا مو عارفين شي
جوري : اي والله شكلنا بنموت ما حفضناها .. طيب ايش نستكشف اول ؟
ليال بدت تتلفت .. بس لفتت انتباها بنت كانت لحالها وواضح انها جديده ومو عارفه وين تروح
التفت على جوري : شرايج نتعرف على هذي ؟
جوري طولت النظر في البنت : تصدقين احس شخصيتها ضعيفه
ضحكت ليال : طيب يالله تعالي وياي نتعرف عليها
ابتسمت جوري : قدام يا شيخه
جوري " عمرها 19 بنت عم ليال .. مهمله لشكلها كثير لسبب بعدين نعررفه .. فاصله حالها حال ليال ماتحب تظهر الوجه الحزين للناس وماتحب تحكي لاححد شي .. باختصار كتومه ما عدا لليال تقول كل شي "
..
كانت واقفه وتتأفف كل ماجت تمشي وقفت وغيرت مكانها .. مو عارفه وين تروح
سمعت السلام والتفتت تشوف الكلام موجه لها ولا لا
شافت بنتين وحده منهم شعرها لنص ظهرها وكيرلي فيها غمازه بخدها اليسار بيضا وشفايفها عاديه والثانيه مهمله لشكلها كثير كان شعرها شعر ولد قصير بالمره ولبسها شوي مبهذل ومو حاطه ذره مكياج
حست بارتباك وابتسمت : وعليكم السلام
البنت : اممم انتي شكلج يديده هني صح ؟
ساره : ايوه ..
البنت بابتسامه : حلو .. حتى احنا امم انا اسمي ليال وهذي بنت عمي جوري
اكتفت بمصافحتهم
تكلمت جوري بدفاشه: اذا ماعندج مانع نكون صاحبات ولا نذلف ؟
تأملتها ساره .. كان صوتها قمه النعومه تأملت ملامحها كانت ملامح جوري ناعمه .. استغربت ان وحده بحلاوتها تصير مهمله لشكلها .. لاحظت جوري ان ساره تتأملها
حست على نفسها : لا اكيد ماعندي مانع
ابتسمت ليال : حلو طيب اسمعي .. جوري صديقتي وبنت عمي واختي بعد .. تراها هبله وتحب الرجه مستحيل تسكت عن الغلط تحب تساعد الناس ويالباها بس :$
ناظرتها جوري وضحكت : هههههه ماشاء الله مابقى شي ماقلتيه .. التفتت على ساره وقالت : وهذي ليال عمرها 19 سنه عقلها عقل امم وحده عمرها 10 سنين .. بتشوفين حركات غريبه منها بس مشي معليه وعندها اخو غثيث ويرفع الضغط اسمه جراح
ساره حابسه ضحكتها وتحس انها بأي وقت بتنفجر .. التفت ليال على جوري : هيه انتي يادبه انا عقلي عقل وحده عمرها 10 سنين .. وبعدين تعالي شنو دخل جراحوه بالسالفه .. ( سكتت شوي ) : عاد تصدقين ترا جد هو غثيث
...
كانوا يضحكون ومستانسين بس كان فيه واحد يراقب ضحكهم
كمل ناصر : ها شرايك بالفكره ؟
فواز : ...
ناصر ضربه مع كتفه : هيه انت طلعت احاجي نفسي من ساعه !
فواز عقد حواجبه والتفت له : خير ايش تبي يا مزعج
ناصر : الحين انا المزعج ولا انت الاهبل لي ساعه اكلمك مو حولي
فواز التفت للبنات : اي كنت اشوف هذول الثلاث بنات
ناظرهم ناصر بعدين عقد حواجبه : اللي معاهم الهبلا ذي ؟
فواز : ايوه شكلهم يدد عالجامعة اول مره اشوفهم
ناصر ضحك : اي وشكلهم بنات عز شوف لبسهم وشنطهم ماعدا ذي لبس ماركه بس حوسه
فواز ناظره من طرف عينه : وانت ماهمك الا الفلوس .. اسمع انا والله لاطلع قرون لهذي(واشر على جوري)
ناصر : وانت ايش دخلك فيها ! وربي متخلف المهم متى بيجي سعود الكريه هو وشلته
فواز كشر يوم سمع طاريهم : وانا ايش يدريني عنهم صاحبهم انا ؟
ناصر : استغفر الله شفيك انت اليوم نفسيه
فواز طنشه ومارد ورجع يراقب الثلاث بنات
..
صحت من النوم ناظرت الغرفه .. تذكرت ايش صار لهم
تنهدت وقامت تنظف البيت شويه .. دخلت غرفه اختها تصحيها بس مالقتها
وقفت ثواني بعدين تذكرت ان اليوم اول يوم بالجامعه
طلعت ماشافت امها فعرفت انها نايمه ولا حبت تزعجها
وبدت بتنظيف البيت ..
...
في الجامعه وعند مجموعه من البنات المتجمعين بالكافتريا
مها : اوف بنات شفتوا البنات اليدد ثلاث ارباعهم ماعندهم ذوق
ميعاد : هههههه اي وربي انج صاجه بذي .. تعالوا شفتوا فرح وشلتها
ريماس : اي اي شفتها كانت ويا مروه واسيلوه
سوسن : غريبه السوسه الاخيره ؟
مها بغباء : قصدج شوق ؟
سوسن التفتت على صاحباتها : تصدقون ربي رزقنا بوحده ذكيه .. التفتت على مها : يعني بقى غيرها مين مثلا !
مها : اوف اوف هدي اعصابج يمكنها مابتجي اليوم
ميعاد : دوم يارب ماتجي
نتكلم عن هالقروب شوي .. اعمارهم كلهم 20 يكرهون فرح وشوق واسيل ومروه كره مو طبيعي بأي طريقه يحاولون ينتصرون عليهم طبعا هالقروب منبوذ من الكل محد يسميه الا قروب المشاكل مايطيقون لا سعود وشلته وولا ناصر وفواز لان دايم يجننوهم
..
دخل عليه ابوه وهو في مكتبه
قام وباس راس ابوه : تفضل يبه
ابو جراح : زاد فضلك امسك هذي 1000 دينار اي بيت فقير عطه ميتين لما تخلص بعدين نشوف موضوع الاكل
جراح اخذ الفلوس : ان شاء الله .. اجل اطلع الحين اوزعهم تامر بشي ؟
ابو جراح : سلامتك
طلع جراح وركب سيارته لكزس موديل 2012 وجلس يدور في المناطق الفقيره
..
كانت تنضف البيت سمعت دق الباب .. استغربت مين راح يجي هالوقت
راحت وفتحت الباب .. شافت واحد شكله ولد عز سكتت شوي وبدت تتأمله
جراح : السلام عليكم
منيرة : وعليكم السلام امر اخوي ؟
كانت ام منيرة صاحيه .. بس سمعت دق الباب وطلعت
ام منيره : منيرة يمه مين عالباب ؟
منيرة التفتت وبصوت عالي : واحد يمه
جت ام منيرة ووقفت جنب بنتها : امر ولدي
جراح بنفسه " بسم الله علي انا اكون ولد هالاشكال "
جراح : مايامر عليكم عدو .. مد 200 دينار وكمل كلامه : خذوا هذي الفلوس
منيرة رفعت حاجبها حست بذل : نعم ؟ !! ايش نسوي فيها ؟
جراح من غير نفس : صدقه
ام منيرة كانت تبي تاخذها بس منيرة سبقتها : شكرا مانبي صدقات
جراح رفع حاجبه : نعم ؟ انتي شايفه بيتكم .. احمدي ربج فكرت اعطيج
منيرة عصبت : محد طلب منك انك تعطيني
جراح : احترمي كلامج معي لاقص لسانج وربي ترا لاخليج تندمين
منيرة : انت اللي اعرف مع مين تتكلم
جراح باستهزاء : هههه مع مين مثلا ؟
منيرة : منيرة بنت محمد الفهد
جراح انصدم كيف لبنت من هالعايله اللي تعتبر من اغنى العوائل تعيش هنا ! فكر انها كذابه : جذبي على غيري يا حلوه
رمى الفلوس بالارض وراح لسيارته
صرخت منيره على امل انه يسمعها : انا مو جذاااابه وفلوسك مانبيها
ام منيرة التفت لبنتها : يا بنتي الولد بساعدنا ليش سويتي جذي ؟
منيرة حست دمها يغلي ماكانت تبي تاخذ الفلوس لانها حست باهانه : يمه حنا مو محتاجين لها
ام منيره : فهميني من وين تبين تصرفين عالبيت
منيرة : انا قلت لكم ادور شغل عطوني وقت شوي
ام منيرة : براحتج .. اخذت الفلوس ودخلت داخل
تأففت منيرة : مين هذا ولشنو يشوف نفسه .. قال ايش جذابه ! مالت عليه بس يحسبنا ميتين على فلوسه
..
سارة كانت حيل مستانسه مع ليال وجوري .. ما همها جوري مهمله نفسها ولا لا .. كانوا هذولي اول بنتين تثق فيهم سارة لهدرجه .. كانت بالمدرسة اغلب وقتها لحالها ماكانت تحب تختلط مع احد
ليال بلقافه : ساره انتي ايش اسمك الكامل ؟
سارة ابتسمت : ساره بنت محمد الفهد
جوري بحماس : وانا اقول ماشاء الله شكلك بنت عز طلعتي من عايله غنيه حيل
اختفت ابتسامه سارة وتذكرت اللي صار وحسوا جوري وليال
ليال تغير السالفه : سوير ماودج تعرفين ايش عايلتنا ؟
سارة : الا طبعا
جوري : احنا من عايله النامي
سارة : والنعم والله قد سمعت عنها وحتى انتو ما شاء الله شكلكم بنات عز
فجأة ليال رمت شنطتها عالارض و ركضت وحضنت واحد بقوة !!
سارة انصدمت حيلل وانتبهت لها جوري وفهمتها السالفة ..
..
التفت فواز وصرخ بوجه ناصر : شووووووووف حضنته !
ناصر فتح عيونه عالاخر : ايش هالجرأه ! هذي مو جرأه هذي قله ادب ..!
فواز ضرب رجوله : اخخ بس ياليت فرح تشوف هالمنظر عشان تذبح البنيه ويصير اكشن
ناصر وعجبته الفكره : ...
يتبع
|
01-04-13, 09:40 PM
جديد مواضيع قسم الارشيف
العرض الشجري
