لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 20-09-06, 02:31 PM   المشاركة رقم: 6
المعلومات
الكاتب:
اللقب:

البيانات
التسجيل: May 2006
العضوية: 5051
المشاركات: 78
الجنس أنثى
معدل التقييم: for ever عضو بحاجه الى تحسين وضعه
نقاط التقييم: 11

االدولة
البلدEgypt
 
مدونتي

 

الإتصالات
الحالة:
for ever غير متواجد حالياً
وسائل الإتصال:

كاتب الموضوع : همس الليالي المنتدى : القصص المكتمله
افتراضي

 

الرواية فعلا روعة
ياريت التكملة عن قريب ان شاء الله

 
 

 

عرض البوم صور for ever   رد مع اقتباس
قديم 22-09-06, 02:29 AM   المشاركة رقم: 7
المعلومات
الكاتب:
اللقب:

البيانات
التسجيل: Aug 2006
العضوية: 10372
المشاركات: 8
الجنس أنثى
معدل التقييم: ساكورا عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
ساكورا غير متواجد حالياً
وسائل الإتصال:

كاتب الموضوع : همس الليالي المنتدى : القصص المكتمله
افتراضي

 

متى راح تكمليها ياحلوة

 
 

 

عرض البوم صور ساكورا   رد مع اقتباس
قديم 22-09-06, 04:48 PM   المشاركة رقم: 8
المعلومات
الكاتب:
اللقب:

البيانات
التسجيل: May 2006
العضوية: 4772
المشاركات: 57
الجنس أنثى
معدل التقييم: همس الليالي عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
همس الليالي غير متواجد حالياً
وسائل الإتصال:

كاتب الموضوع : همس الليالي المنتدى : القصص المكتمله
افتراضي

 

"*"الجزء العاشر"*"
صباح اليوم الثاني.. نواف يالس في غرفته ويا نورة يخبرها يوم سار دبي وشاف سارة
نواف: نوااري خلاص انا بقول حق امي تخطبها لي ..
نورة وهي طايرة من الفرح: صدق؟ الله .. واخيرا بتحقق حلمك
نواف: والله لو شفتيها يا نواري.. قمر قمر.. لا شو قمر هاي تقول حق القمر وخر وانا بيلس مكانك.. لا ويوم قالتلي انا بخير.. ااااه خلاص كنت بطيح من طولي ..
نورة: ههههههههههههه نواف شوي شوي عن تموت علينا هههههه
نواف: نواري انا احبها والله احبها بتخبل عليها خلااااص..
نورة: هههههههههههه وينها عنك تسمع هالرمسه ..
وفجأه دخل عليهم عبدالله مثل المينون ووقف في وسط الغرفه ..
نورة وهي معصبه: عبووود .. انت ما اتوب لازم كل مرة تنضرب وياراسك ؟
عبدالله مب قادر بتنفس ويصاارخ: عطلت الجتينه ... انا جنححححححححححت
نواف: شووو؟
نورة: ما عليك منه مخرف ...ضاربه فيوزاته ههههههههه
عبدالله: يالدبه.. يالمينونه.. يالغبيه.. طلعت نتاااايجنا.. انا نجحححححححححححححت ياهاااهاااي
نورة كانت يالسه على الكرسي واول ما سمعت الخبر نقزت من مكانها: شووووو؟ نتايجنا انا وياك ولا بس انت؟
نواف: عبدالله وين سمعت هالخبر ..
عبدالله: اول شي من موبايلي .. وثاني شي يدووه سمعت الاسامي في الراادو..
نواف: هااه بشر كم النسبه ؟
عبدالله والضحكه شاقه الويه :80%
نواف: ههههههه ماشاءالله عليك يا بوعابد ,,, انزين ونواري ؟؟
نورة كان شوي وبيغمى عليها: عبوود انا شو نجحت ؟ كم نتيجتي ؟؟
عبدالله كان يضحك وفجأه يوم سالته نورة عن نتيجتها سكت ... ونزل راسه
نورة والدموع في عيونها : عبووووووووود قولي دخيلك .. شو ليكون رسبت..
نواف: لا لا ناجحه ان شاءالله .. عبيد كم نتيجة نوااري؟؟..
عبدالله وبصوت حزين: نزلي تحت وانتي بتعرفين بنفسج سواد ويهج ..
نورة نزلت دموعها على خدودها الورديات.. وتمت تربع على الدري ويوم نزلت شافت شيخه وام امحمد يالسين يضحكون ويسولفوون..
شيخه : مبرووووووووووووك نواااري مبروووووووك..
نورة وقفت في مكانها وهي مب مستوعبه : ؟؟؟؟؟
ام امحمد : فديت نوااري الشاااطرة انا .. تعالي خلني ابوووسج ..
نورة وهي تصرخ بصوت عالي : نجحت ؟
شيخه وهي متشققه : ويبتي 88.9% بعد ...
نورة تمت تصارخ وتصيح من الفرحه وراحت لوت على شيخه وام محمد.. نواف وعبدالله نزلوا على صوت صراخها اللي واصل ليين اخر الفريج هههههه
نواف: مبروووك نواااري تستاااهلين ..
نورة : الله يبارك في حياتك يا نواف.. وانت ما عليه بتشوف يا عبووود جيه زين تخوفني يالدب ..ههههه
عبدالله وهو يبوس راسها : هههههههههه مبروك فديتج .. كنت ابى اسويلج مفاجأه ..
نورة وهي تضحك: وهااي احلى مفاجأه يا حلو انت هههههه ...
نواف: هااه ترى اليوم بطلعكم برى بعشيكم شو قلتو ؟؟
نورة: انا مواااافقه بدون أي كلام ... هاه عبود بتيي؟
عبدالله: بس شرط .. يكون على حسابك هالمرة هههههه
نواف: ماطلبت شي يا الغالي هههههه
ام محمد: نواري فديتج اتصلي في امنه وباركيلها..
نورة: هييه صح امنه كم يابت ؟
شيخه : يابت 86% ومب عايبتنها ..
نواف: ليش مب عايبتنها .. والله نعمه ...بس هي بطرانه ..
نورة: هيه والله صدقه نواف .. انزين الحين بتصلها بس خلني اشوف وعد وسلاّمي كم يابن !!
شيخه : وعد يابت 92% وسلامه يابت 82% ..
عبدالله: ماشاءالله امي مستويه وزارة التربيه تعرف نتايج الكل ههههههههه انزين امايا ربيعي نصّوور كم ياب ؟؟
نورة: هههههههههههه... فديتهم والله بتصل ابارك لهم ..بس اول شي بدق حق امنه..
ويوم دقت نورة حق امنه رد عليها سلطان.. سلطان كان يموت على سوالف نورة ويحب يسولف وياها.. وكل اخوان امنه كانت علاقتهم اكثر من اوكي ويا نورة ما عدا امنه
نورة: مرحبا سلطان ..
سلطان وهو مستاانس : مرحبتين هلا والله هلا بالقاطعه .. مبرووك نورة ..
نورة: هههه الله يبارك في عمرك .. يالله عقبالك السنه اليايه ان شاءالله ..
سلطان: اااميين.. شحالج ... وشخبارج ؟؟ وينج أنتي من زمان ماشفتج !!
نورة: هههههههه شوي شوي علي.. انا بخير يعلك الخير ..وبعدين انا اللي ما انشاف ولا انت.. كل ما ايي بيتكم يا تكون طالع ولا يالس ويا ربعك برى ..انت ليش ما اتي بيتنا ؟؟؟
سلطان : ههههههههه عبيد عازمني على العزبه باجر وان شاءالله يوم برجع من العزبه بمر على بيتكم اووكي؟
نورة: هههههههه اوكيه حياك الله في أي وقت .. اقولك وين امنه ؟؟
سلطان: مممم امنه فوق في غرفتها .. مب طايعه تبطل حق أي حد..
نورة: انزين وماماتك وينها ؟
سلطان: ههههههه ماماتي .. صبري شوي ..امايا .. امايا ..
طارق: امي محد .. منو يباها ؟
سلطان : نورة بنت عمي تبى تبارك لها بنجاح امنه ..
طارق: حليلها والله ييب خلني ابارك لها ..
طارق: هلا نورة..
نورة منصدمه : اهلين .. طارق؟؟
طارق: هههههه لا يمكن خياله هاهاي..
نورة: هههههههههه شحالك؟
طارق: الحمدلله .. مبروك النجاح يا نورة ..
نورة: الله يبارك فيك .. ومبروك حق امنه ...
طارق: الله يبارك فيج .. تصدقين مب عايبتنها النسبه يالسه تصيح وما سكتت ..
نورة: حليلها يمكن هي تعبت واايد ما توقعت هالنسبه توقعت اكثر ..
طارق: أي تعبت .. الله يخلي المدرسين اللي حاطنهم ابويا حقها ههههههههه
نورة: ههههههه .. انزين عيل بخليك الحين .. سلم عليهم كلهم .. ولاتنسى تسلم على نوال اوكي ..
طارق: يبلغ.. هييه صح.. أنتي ملجتي ما يتيييها.. وعرسي عقب اسبوعين ويا ويييلج اذا ما يتييي.. ترى نوال زعلانه منج بعد ..
نورة: افا كله ولا زعل نوال .. ان شاءالله بكون اول من يحضر العرس ولا تاكل هم ..
طارق: حياج الله .. يالله سلمي على اخوانج ..
نورة: يبلغ.. فمان الله ..
طارق: فمان الكريم..
اول ما سكر طارق التلفون نزلت امنه من فوق وعيونها منفخه من الصياح ..
طارق: اموون ترى نورة اتصلت فيج اتبارك لج ..
امنه تطالع طارق بنظرة يعني اسكت عني وخلني بروحي: افف شو تبى هاااي بعد .. اكييد متصله تتشمت فيني لاني يايبه اقل عنها ..
طارق: اموون استحي على ويهج.. البنت على ويهها داقه وتبى تبارك لج.. وانتي تتشمت وما تتشمت.. ليش شو قالولج البنت نفسج؟
امنه سكتت ولا علقت على اخوها.. وسلطان استانس عشان طارق هزب امنه اللي محد يروم يقولها شي .. دخل بوطارق وباس بنته على راسها وطلع فلوس من مخباه وعطاها حقها.. بس امنه ما تنعطى ويه ردت يد ابوها ..
بوطارق: افا .. هاي هدية نجاحج تردينها ؟؟
امنه( وهي مادة البوووز عشر اشبار ): مابى هدايا من حد ..
سلطان: ابويا يييبهن انا اباهن .. ما عطيتني هديه نجاح هههههه
بوطارق: وخر مناك يا سلطان خلنا نشوف بلاها امنه زعلانه ..
امنه: ما بلاني شي ..
طارق: ابويا لا تدلعها هالكثر .. ترى كل هذا مب زعل .. هذا بزى ..
بوطارق: مايخصكم فيها فاهمييين.. امنه حبيبتي خلاص انسي السالفه وكلها الا نسبة.. والجامعه بتدخلينها نفس ما بغيتي..
امنه: لا يا بويا السالفه مب جامعه ولا شي.. كيف نوروه تييب نسبة اعلى عن نسبتي.. كيف لطووف تييب نفس نسبتي وهي مستواها اقل عن مستواي بمليون مرة كيف كيف؟
سلطان وهو يضحك: ههههههههههه والله الدنيا حظوظ..
طاارق وهو مار من عدالها يبى يطلع من الصاله: صدق انج حقوووده ..
بوطارق: يا بنتي هالشي استوى وخلاص انتهى.. شو بينفع صياحج وزعلج الحييين؟ أنتي سويتي اللي عليج والباقي على ربج ..
امنه سكتت ولا ردت على ابوها وتمت تصيح ..
بوطارق: يالله عاد مسحي دموعج .. وسيري غسلي ويهج الحلو وتجهزي ..
امنه حست ان في شي : ليش يا بويا ؟
بوطارق: اليوم بييون بيت عمج احمد عشان يحددون ملجتج على نواف.. يالله ..
امنه حست براحه نفسيه شوي.. وقامت وسمعت كلام ابوها ..وسارت غرفتها عشان تريح شوي قبل لا ايوون بيت عمها ويشوفون ويهها المنفخ.. رن تلفونها.. امنه شافت رقم غريب وفضولها ولقافتها خلتها ترد على التلفون ..
امنه : الو
خليفه: مرحبا امنه
امنه انصدمت : نعم ؟ أي خدمه ؟؟؟
خليفه : مبروك يا امنه على النجاح ..
امنه: الله يبارك فيك .. باي..
وسكرت في ويهه.. رد واتصل مرة ثانيه.. خلته يرن ويرن وعقب نص ساعه شلته مرة ثانيه ..
امنه: وبعدين وياك انا كم مرة قتلك ان اللي بينا انتهى ؟
خليفه: يا امنه انا متصل ابارك لج وانتي تسكرين في ويهي التلفون.. كفايه انج مقاطعه اختي لطيفه وما ترمسينها.. وحتى ما تردين على مكالماتها..
امنه: متصل تبارك لي ولا تتشمت فيني؟؟
خليفه: افا عليج يا امنه .. انا الصراحه متصل فيج ابارك لج واخبرج خبر بيفرحج واايد ..
امنه: لا الخبر اللي بيفرحني وبيفرحك انت اكثر.. عندي
خليفه فرح وتوقع انها عرفت الخبر اللي بيخبرها ياه: صدق؟؟ يعني لطووف خبرتج اني بيي وبخطبج؟
امنه وبكل استهزاء: هااااهاااي ضحكتني والله .. اونه هذا هو الخبر ..
خليفه سكت وانصدم وحس ان السالفه في ها إن ..
امنه: يا حبيبي انا اليوم بيحددون متى ملجتي انا ونواف ولد عمي وانت تقولي بيي بخطبج.
خليفه كان ساااااااااااااااااكت ومنصدم صدمه خلته عاجز انه ينطق ولا حرف ..
امنه وهي تكمل : وبعدين تعال.. انت تتحرى عمرك منو عشان اتيي وتخطبني.. روح دور لك على وحده من مستواك.. هييه صح ومرة وحده.. حبيت اعزمك على عرسي الي بيتحدد قريب انشالله.. لا تنسى تييب الاهل وياك اوكي ههههههههه يالله تشاااااااو..
وسكرت في ويهه.. خليفه كان حاط التلفون على اذنه وبعده مب مستوعب الخبر اللي قالته امنه.. وهو اللي كان فرحان ومتصل فيها يقولها انه بيي بيخطبها الاسبوع الياي.. لكن هي خربت فرحته وحولتها حق قهر وغصه ..
#في دبي في بيت الخاله وديمه #
كانت العائله كلها متجمعه عقب الغدا ..ومايد منسدح وتعبان شوي...
ام فهد : سارة.. جواهر.. اتصلتوا تباركوون حق نورة على النجاح ؟
سارة + جواهر: هييه يامايا
بوفهد: نورة نجحت؟ كم يابت ؟؟؟
سارة: يابت 88%
جواهر: 88.9 فقط لتصحيح المعلوومه خخخخخخ
بوفهد: ماشاالله عليها ماشاالله ..
فهد وهومبتسم: ماشاالله عليها . .
جواهر وهي تغمز حق فهد : امايا شو رايج نسير لهم هالويك اند ؟
ام فهد: والله فكره حلوه.. وبالمرة تسلمون على ام محمد لانكم ما سلمتوا عليها يوم طلعت من المستشفى ..
فهد لقاها فرصه وقال : امايا.. ابويا .. شو صار على موضوعي؟
ام فهد : والله يا فهد لقيتلك بنت.. ماشاءالله عليها .. ربيعة جواهر وتشتغل وياها في البنك ..
جواهر: منو ؟ ليكون نوف ؟؟؟؟
ام فهد: هييه فديتها .. جمال ودلال .. لا وعلى نياتها ..انا اعرف امها من زمان ..
فهد: لالالا يامايا .. انا لقيت وحده خلاص ..
بوفهد: منو؟
جواهر: انا اعرفها ...
ام فهد : منووو هي؟؟؟؟؟؟
سارة: نواري بنت خالووه موزه ..
فهد ضحك وسكت ..
مايد نش من مكانه: الله نواااري .. عشان تلعب وياي في الدريم كاست خخخخخ
فهد: هههههه استريح انت ..
ام فهد وهي طايرة من الفرح : صدق؟ صدق ياوليدي ؟ تبى نورة؟
فهد: هيه يامايا .. شو رايج تخطبينها حقي ؟؟
ام فهد : شو رايي بعد؟ اكيييد بخطبها حقك وين بنحصل وحده شرات نورة.. كلولوولولوللوووووش
بوفهد: ههههه الولد بعده ما عرس ..وانتي طايحه كلولوش وكلولوش ههههههههه
ام فهد : ان شاءالله قريب.. قولو ان شاءا لله ..
كلهم : ان شاءالله
~~~~~~~~~~~~~~~~~~~~~~~~~
نرجع حق العين وحق نورة اللي كانت طايره من الفرح لانها نجحت ويابت نسبة ما كانت تتوقعها موليه.. نورة كانت ترمس وعد وسلامه ويالسين يغنون وطلعوا كل خبالهم على بعض ..
نورة: هااااهااااااااي الله يغربل ابليسج يا وعد .. عليج حركات ارعه
سلامه: لا واللي يشوفها يقول هاي مالها خص في الدنيا ههههههه
وعد: ههههههههههه
سلامه: نواااري .. رمستي بنت عمج ؟
نورة: لا باركت حق اخوها .. هي مب عايبتها النسبه وكانت حابسه عمرها في غرفتها..
وعد: ليييش؟
سلامه: ليش بعد؟ وحده خقاقه وشايفه عمرها على الكل ..يعني الحين ال 86% مب تارسه عينها؟ مالت عليها
نورة: خلاص سلوم سكري السالفه ...
وعد: هيه صح صدقها نواري ..انزين انا بخليكم الحين لان احمد اخويا وصل تحت وبسلم عليه ..
سلامه (وهي تتمصخر): وعد.. ليكون هذا اخوج الحلو اللي توه راد من برى؟؟ الله يخليج وصلي سلامي انا ونورة حقه اوكي خخخخخ..
نورة: لا لا يا وعد .. سلوم غربلج الله أنتي تبين تسوين لي مشاكل ؟؟
وعد: يوووصل هههههههه اصلا هو دايما يسال عنج ..
سلامه وهي تشهق: منووو انا؟؟؟؟
وعد: مالت عليج أنتي هههههههههه لا يسال عن نواااري..
نورة انصدمت : وليش يسال عني؟؟
وعد: شو بعد ليش يسال عني ؟؟ ... الظاهر انج بتصيرين حرمة اخوي عن قريب هههههههه
سلامه : طاعو هذيلا يخططون بعد ههههههه اقووول ترى بيتنا في المسعودي قريب العياده يعني اذا في أي استفسار تقدرون اتيوون في أي وقت.. وعلى فكره ابوي 24 ساعه طايح في الميلس خخخخخخخ
نورة: هههههههههه انا مالي خص .. هاي وعد..
وعد: ههههههههههههههه سلاّمي والله انج نكته ..انزين عيل يالله بخليكم الحين ..
نورة : ههههه انزين بلقاكم على الماسنجر ..
سلامه: هههههههه اوكي يالله باي بسير اشبك ..
وعد + نورة : مع السلامه ..
نورة ما اهتمت باللي قالته وعد عن احمد ولا حطته في باله.. وسارت على طول على الكمبيوتر وفتحت الماسنجر.. وكان جرح محد.. تمت تترياه تقريبا نص ساعه وبعدين دخل ..
جرح الزمن (ويسوي عمره ما يعرف وهو سائل وعد ) : هاااه بشري شو النتيجه ؟
وجه المرايا: بسم الله هههههههه الناس يقولون السلام عليكم
جرح الزمن : ههههههه السلام عليكم .. هاه شو النتيجه ؟
وجه المرايا: مممم كم تتوقعني يبت ؟
جرح الزمن : مممممم 100%
وجه المرايا : ههههههههه ويا ويهك .. لا يبت 88.9
جرح الزمن: ماشاءالله علييييج مصرية الاخت ؟؟ ههههههه.. مبروووك مبروووك
وجه المرايا:هههههههه الله يبارك فييك ..
وتمو يسولفون.. احمد كان مستانس من الخاطر على نتيجة نورة بس بعده كان يحاتي انه كيف بيخبرها انه هو احمد ...
وجه المرايا: اقوولك .. ما وصلني الايميل ...
جرح الزمن: أي ايميل ؟
وجه المرايا: والله برقعك تراني هههههه لا تيلس تستهبل علي ..
جرح الزمن : ههههههههههه هييييه تذكرت ..
وجه المرايا: هييييه الحمدلله ..يالله انزين طرشه الحين ولا قولي السالفه الحين ...
جرح الزمن : ابى اعرف ليش أنتي ملقوفه ؟ههههههههه
وجه المرايا: كيفي انا طبعي جيه ههههههههه
دخلت وعد على احمد بس بدون ما يحس فيها لانها كانت تبى تخرعه وهو كان مشغل اغنية وجه المرايا باعلى صوووت وما سمعها يوم بطلت الباب ..
وعد وقفت ورى احمد وشافته يرمس نورة وبطلت حلجها ..
وعد وهي تشهق :نواااري؟؟؟
احمد تخرع منها ولف عليها وصرخ : أنتي من متى هنيه ؟
وعد: احمد؟؟ شو هااا.. انت ماخذ ايميل البنت بدون ما تدري؟ وانا اقول ليش يسالني هذاك اليوم و...
احمد: وعد بليز هدي شوي وانا بفهمج السالفه .. انا نفسي انصدمت انها نورة ..
وعد: كيف؟؟؟؟؟ انا مب فاهمه شي.. انت جرح الزمن؟؟؟؟؟
احمد : أنتي يلسي شوي وانا بفهمج كل شي ..
وعد وهي معصبه: اوكي يالله اشوف ..
وجه المرايا: الووووووو .. انت وين سرت .. ليكون مشغول؟
جرح الزمن: سمحيلي الحين بطلع لان اختي تباني ظروري ..
وجه المرايا وحست ان فيه شي : اوكي برايك .. وسلم عليها
جرح الزمن : اوكي .. باي
وجه المرايا: فمان الله
وطلع احمد من النت وسكر كل شي ...
وعد: ليش قصيت عليها .. حرااام عليك .. حرااام
احمد وهو يحاول يبرر موقفه حق وعد: والله ما قصيت عليها والله.. انا اصلا امس انصدمت يوم دريت انها نورة ..
احمد خبر وعد بكل السالفه ..
وعد وهي تتنهد : تصدق.. لو تعرف انك احمد والله لا تذبحك .. بروحها البنت متعقده ..
احمد: متعقده من شو ؟؟؟؟؟
وعد: من سالفه استوت لها ..
احمد: ليكون هذاك اللي حبته ؟
وعد وهي مبطله عيونها : ليش هي خبرتك عن فهد ؟
احمد وهو منصدم: فهد منو ؟؟؟
وعد: ولد خالتها ؟؟؟؟!!
احمد: الحيييييييييين تقوليلي السالفه كامله بسرعه يالله..
#في دبي في بيت الخاله وديمه#
مايد: فديت جواهر حبيبتي ..
جواهر وهي تطالعه بنص عين: ميوود شو تبى؟ ما تشوفني مشغوله على النت؟ وانت بعدين شو اللي قومك من سريرك ..
مايد:اباج تييبين الدريم كاست مالتي من الميلس ..
جواهر: نعم يا خويا؟؟ جنه ماشي بشاكير في البيت ..
مايد: ماما تقول البشاكير مشغولين الحين لانه بيوونهم حريم اليوم..
جواهر: انزين سير عند ساروه..
مايد: سارونه مشغوله ويا ماما ..
جواهر: اففف..
مايد: يالله عاد جواهر انا احبج .. وما تشوفين خدودي مستوييات طماط..
جواهر: ههههههه وانا بعد اموت فيك.. صبر الحين بسير.. بس سير ارقد في فراشك وارتاح انزين حبيبي..
مايد: انشاالله حبيبتي ..
جواهر: هههههههههه ويا ويهك ..
لبست جواهر شيلتها وسارت الميلس ..دخلت جواهر وهي مستعيله يالسه تشل الاغراض.. وسمعت صوت سيارة وقالت هذا اكيد فهوود راجع من الشغل ولا شالت هم ..وهي يالسه تشل الاغراض دخل هزاع والي كان ياي ياخذ تلفونه اللي نساه في الميلس.. وما انتبهت له وهو واقف ويطالعها من بعيد ..
هزاع ( وهو يتحمحم): احم .. منو هنيه ؟
جواهر اول ما رفعت راسها وشافته واقف من بعيد تمت واقفه في مكانها تبى تشرد بس مب قادره.. هزاع مشى خطوة وحده بس ..جواهر كانت تستعد حق التحليق ..
هزاع: جواهر صبري انا باخذ تلفوني وبطلع ..
جواهر طبعا ما عندها ون تو.. داست على الريس وطيران على غرفتها ..دخلت عليها سارة وشافتها بعدها لابسه شيلتها ويهها احمر.. وكانت شوي وبتصييح ..
سارة: جواهر بلاج لابسه شيلتج؟
جواهر وبدون ما تحس: زقرني .. زقرني .. كيف عرفني؟؟؟؟؟؟كيف عرف اسمي؟؟
سارة: منو هو ؟؟؟
جواهر: هزاع ...
سارة وهي منصدمه : هاااه ؟ شوووه ؟؟؟ شو السالفه..
جواهر سكتت شوي واستوعبت انها خارتها جدام سارة ..
جواهر: ماشي سالفه .. خلاص خليني بروحي شوي ..
سارة : شوووو؟ هزاع شو سوالج ؟؟؟؟
جواهر وهي تدز سارة برى : ماشي ماشي يالله باي ..
سارة تمت مستغربه من جواهر وحطت في بالها ان هزاع سوى شي جايد حق جواهر ..
~~~~~~~~~~~~~~~~~~~~~~~~~~~
#في العين وفي بيت احمد الشامسي#
كان وقت صلاة العصر .. دخل محمد على ام امحمد وشيخه وريلها سعيد ..
محمد: السلام عليكم
ام محمد+ شيخه+سعيد: وعليكم السلام ورحمة الله
محمد: شحالج امي؟
ام محمد: بخير بشوفتك يا وليدي..شحالك انت؟
محمد: بخير ... اقوول وين نواف؟
شيخه: فوق ..
محمد:سيري ازقريه .. اباه في سالفه
شيخه : ان شاءالله
ويوم نزل نواف وطبعا بالغصب منزلتنه شيخه ...
محمد: اقولك نواف.. تجهز ترى عقب صلاة العشا بنسير بيت عمي ناصر عشان نحدد موعد ملجتكم ..
نواف وهو منصدم : شوووه .. أي ملجه؟
محمد: هههه شو أي ملجه .. ملجتك انت وامنه ..
نواف: اسف..
محمد وبدى يعصب: كيف يعني اسف؟
نواف: انا مب مستعد حق الزواج الحين ..
محمد: هذا مب سبب.. وبتيي وياي اليوم فهمت ولا لا ؟؟؟
ام محمد حست ان محمد بدى يعصب وبيسويلهم مشكله: خلاص يا محمد.. بنكون عقب العشا في بيت عمك ..
نواف: بس يا مايا ..
محمد: خلاص عيل بلقاكم هناك ..وان قلتوا حق فصّووول ياويلكم .. ماباه ايي ..
وطلع محمد من عندهم وهو مب هامنه ولا شي.. نواف من داخل محترق وخلاص شوي وبيموت ..
نواف وهو معصب: امايا ... تبيني امووت؟
ام محمد: بسم الله عليك يا وليدي.. لا تقول جيه.. بس انت تعرف محمد اذا ما سوينا اللي في باله بيسويلنا مشكله ..
نواف عصب وسكت وراح غرفته ..
سعيد: لا حووول .. وبعدين وياه محمد بيتم متحكم فيكم جيه ليين متى ؟؟
شيخه: يا حليله نواف.. والله كاسر خاطري.. واللي مخلي محمد على كيفه ان امي تسمع كلامه ولا تناقشه في أي شي ..
ام محمد: يا شيخه أنتي تعرفين انه يقدر يسوي مشاكل ..وانا مابى تستوي هالمشاكل بينكم ..انتو اخوان وبتمون اخوان ومالكم غير بعض يوم تغفي عيني ..
شيخه والدموع في عينها: بعيد الشر عنج يامايا ...عمرج طويل ان شاءالله
سعيد: شيخه.. انا بسير ارمس نواف واهديه قبل لا يتهور ويسوي شي.. وانتي دقي حق عبدالله خله ايي ويانا ..
شيخه: ان شاءالله يا سعيد..
وسارت شيخه تسوي اللي قالها عليه سعيد.. اما نواف فحالته لا تسر لا عدو ولا قريب ..تنكد عقب ما كان فرحان ويبى يفاتح امه في موضوع سارة بس محمد يا ودمر كل شي ..
دخل سعيد على نواف وكان نواف سرحان في اليدار ويطالع احلامه اللي بناها من سنين تدمر جدام عيونه ..
سعيد: نواف..
نواف: بو عبيد دخييييلك لا تزيدني هم وتقولي ما عليه هو الكبير .. وبيسوي مشاكل ومادري شو ..
سعيد: يا نواف انا مب ياي اقولك هالكلام.. بالعكس انا ياي اقولك انت المفروض توقف له وتدافع عن موقفك وتقوله انك ما تبى بنت عمك مب تسكت ..
نواف: يا سعيد المصيبه ان امي هي اللي تخليه يمشي الكل على كيفه وهي خايفه منه وتسمع رمسته وتنفذ اوامره واللي يقوله هو هي ترد وتقوله من عقبه ولازم الكل ينفذ.. وانت تعرف اني ماقدر ارد امي في أي شي ..
سعيد: وليش ما يبى فيصل ايي وياكم؟ اكيييد فيصل مايدري ..لانه لو درى بيرمس عمك وبيفهمه انك مب ناوي تتزوج بنته وان محمد هو ساس البلى ..
نواف: اففف مادري مادري ليش .. يا سعيد محمد يالس يذبحني .. يخنقني ..
سعيد: صل على النبي يا نواف ..
نواف: اللهم صلي وسلم عليه ..
سعيد(وهو يبتسم): وهد اعصابك ولا تسوي بعمرك جيه.. ترى لين الحين ما استوى أي شي رسمي ..
نواف بعصبيه: يا سعيد اليوم محمد بيحدد ملجتي وانت تقول ما استوى شي رسمي.. والله جني انا البنت وهو ولي امري ويسوي اللي يباه..
سعيد: هههههه محشوم يا نواف ..خلاص قتلك لا تحاتي وانا بتصرف ..
نواف سكت وطلع سعيد من عند نواف وعلى طول دق على فيصل وقاله ايي بيت عمه عقب العشا.. طبعا فيصل مستغرب ومايدري ليش؟ هو شك انها سالفة نواف بس هو اللي يعرفه ان البنت رفضته.. ومع ذلك قال انه بيسير وبيشوف شو السالفه ..
قريب العشا الكل كان يتجهز الا نورة ونواف.. نواف كان يالس وواصل حده من الظيجه.. اما نورة كانت يالسه على الماسنجر وما خلت وحدة من ربيعاتها ما تظاربت وياها اما احمد فكان يحاول انه يعرف شو السالفه لانها كانت صدق معصبه ومتظايجه ..
جرح الزمن : ممكن افهم أنتي ليش معصبه جيه ؟
وجه المرايا: كيفي ..
جرح الزمن : لا مب كيفج .. كيفي ..
وجه المرايا: افففففف
جرح الزمن وهو يحاول يلطف الجو: قطوتيه الحلوه ... شو بلاها متظايجه من شي؟
وجه المرايا : ماشي ..
جرح الزمن: شو ماشي وانتي داشه علي جنج داشه معركه ..اظني لو كنت جدامج جان فلعتيني بنعالج ..
نورة كانت صدق متظايجه بس يوم قالها احمد جيه ماتت من الضحك ..
وجه المرايا: هههههههه جيه زين ضحكتني؟
جرح الزمن: يعلها دووم هالضحكه ..
وجه المرايا: : ( ماظني انها بتم دووم ..
جرح الزمن: افااا ليييش؟
وجه المرايا: : ( متظايجه ياجرح .. احس اني مخنوقه ..بمووت
جرح الزمن : ان قلتي هالرمسه مرة ثانيه بزعل منج.. شو بموت بعد؟؟ قوليلي من شو متظايجه؟؟
وجه المرايا: من كل شي في هالدنيا ..
جرح الزمن : كل شي؟؟؟
وجه المرايا: هييه كل شي ..
جرح الزمن وهو يستهبل عليها : حتى مني انا؟؟
وجه المرايا سكتت شوي وردت: جرح انت تعرف اني ما اتظايج منك ابد اوكي ..
احمد استانس على رمسة نورة ..وعرف انها تعزه
جرح الزمن: عيل شو هو االشي اللي مظايقج ومخليج متظايقه من كل شي في هالدنيا ؟؟
وجه المرايا: اخوي ..
جرح الزمن : أي اخووو؟؟
وجه المرايا: اخوي الكبير ..
وخبرته بكل السالفه بس طبعا بدون ماتذكر له أي اسامي .. بس هو عرف انه محمد
جرح الزمن: أنتي ما عليج من شي ولا تتظاايجين وانشاالله خير ..
وجه المرايا: أي خير؟؟ والله مابشوف الخير الا يوم اشوف اخوي مستانس ..
جرح الزمن : برب شوي
وجه المرايا: وين بتسير؟؟ انا الحيين بطلع
جرح الزمن: طلبتج طلبه قولي تم ..
وجه المرايا: شو ؟
جرح الزمن : شوفي بلقاج الليله على الساعه 12 اوكي ؟
وجه المرايا: تم .. يالله فداعت الله
جرح الزمن: الله يحفظج ولا تتظايجين عشان خاطري ^_^
وجه المرايا: انشاالله بحاول مع السلامه : )
واول ما طلعت نورة.. اتصل احمد بنواف.. اول شي نواف مارد عليه لان احمد كان توه مظهر رقم يديد .. وحاول احمد اكثر من مرة.. اخر شي عقب ما دور في كل اغراضه حصل احمد رقم غرفة نواف.. نواف شاف الرقم مرة ثانيه ورد عليه ..
نواف وهو متظايج : نعم؟
احمد: السلاااام علييييييييييييييك يالقاااطع ..شحالك؟
نواف استانس لانه كان يرتاح يوم يرمس احمد : هلا وعليك السلام يا بوشهاب ..
احمد: قلنا شحالك ؟؟ ولا شكلك مالك خلق حتى تقول الوو... يالله برايك عيل ..
احمد : لا لا افا عليك يا بوشهاب ...
احمد: نواف شو بلاك؟ صوتك مب عايبني
نواف: اااااااااه بلاني؟؟ البلى كله فيني ..
احمد وكان يبى يطلع من نواف الرمسه: خيييبه .. شو صاير ليكون الوالده فيها شي ولا شي ؟
نواف: لا لا فال الله ولا فالك .. الوالده بخير وصحه وعافيه .. بس انا ....
احمد: انت شو بلاك يا نواف ؟؟
نواف: ............
احمد: اوكي برايك عيل .. مسافة الطريج وانا عندك ..
نواف: بوشهاب انا بسير بيت عمي عقب شوي ..
احمد: بل .. طردة .. ما تباني ايييك ؟ ههههههههههه ماعليه ..
نواف: لا يا احمد افا عليك.. انت تعرف ان البيت بيتك ..بس نحن سايرين عشان نحدد ملجتي على بنت عمي..
احمد: يا ريااااال قووول جيه من الصبح.. الف الف مبروك.. المفرووض تكون فرحان.. ومستاانس وتضحك.. مب اللي يسمع صوتك يقول طالع من فلم هندي ومتاثر فيه هههههه
نواف تم يضحك على احمد لانه دوومه يضحكه حتى وهو متظايج ..
نواف: هههههه ماتيوز عن سوالفك .. ياخي انا ماباها البنت .. بيغصبوني عليها ..
احمد: اخيي عاد هذا اخس شي.. تعال انت مب قلتلي هذاك اليوم تبى تخطبها؟ مب هي اللي تباها؟ ليش تقول مغصوب عليها؟ والله انت حركات ههههههههه
نواف: ابى اعرف انت كيف طلعت دكتور على هالمخ اللي عندك ..انا قتلك بنت خالتي مب بنت عمي.. المهم الحين الوالده تزقرني تحت ولازم اسير تاخرت عليهم .. ارمسك بعدين ..
ونزل نواف وهو ماله خلق على ايييي شي.. نورة وام محمد وشيخه متلبسين وكلهم اللي يشوفهم يقول هذيلا بيسيرون يعزّون مب يخطبون ويحددون ملجه ..
#في بيت العم ناصر#
كان محمد اول الواصلين طبعا وعقبه وصل نواف وعيسى وخالد وعبدالله اللي كانوا يايين ويا سعيد والحريم ..وعقبهم بنص ساعه وصل حمد ..
بوطارق: حي الله من يانا.. الا اقووول .. وين فيصل عنكم ؟
حمد وهو يهمس في اذن نواف: نواف.. وين فيصل؟ ما خبرته ؟
نواف: ........
محمد وبكل ثقه: ياعمي بو عبد العزيز مشغوول الليله وقالي اني استسمح منك ..
بوطارق: في شو مشغول وانتو ياييين حق ملجة اخوه ؟؟
محمد: بعد الشغل يا عمي تعرف ههههههههه
بوطارق: دام انه الشغل .. خلاص مسموح
طارق كان يسولف ويا سعيد ريل شيخه وخالد..
طارق: الا صح .. ليش فيصل ما يا وياكم ؟؟؟ انا اللي اعرفه انه ما يدوام لين فالليل!!
خالد وهو معصب: ابويا ما خبره ..
طارق وهو منصدم: شووو؟؟ ليش؟
سعيد: مايباه يدري لانه لو درى بيي وبيقول حق عمي ان نواف مايبى يعرس..
طارق انصدم اكثر واكثر : يعني كيف؟؟؟ مب فاهم
خالد: يعني ابوي اللي مخطط حق كل شي ومهدد بعد ..اخخ لو عمي فيصل يدري بس....
شوي ولا فيصل دخل عليهم وتهلل ويه نواف يوم شاف فيصل داخل عليهم.. فيصل يوم وصل وشاف سيارة محمد قال انه ما بيدخل.. بس يوم شاف سياير الكل موجوده حب انه يعرف شو السالفه ..
فيصل: السلام عليكم والرحمه ..
الكل انصدم يوم شاف فيصل : وعليكم السلام ورحمة الله وبركاته ..
محمد ويهه مب استوى نقطه.. استوى ذرة بعد.. من الجذبه العوده اللي جذبها على عمه ..
بوطارق: هااه يا فيصل .. خلصت شغلك ؟
فيصل: أي شغل يا عمي في هالليل الله يهديك هههههههههه؟
بوطارق فهم ان محمد مألف هالشي من عنده ...
فيصل: الا يا عمي خير الكل متيمع عندك اليوم ؟
بوطارق: ليش محد خبرك ان اليوم بنحدد ملجة نواف وامنه ؟
فيصل انصدم وبدى يعصب: شووو؟؟
محمد وبكل قوة عين : هييه .. اليوم بنحدد الملجه ..
فيصل: يا عمي انتو كيف تتصرفون بدون ما تسالون عن راي البنت والولد ؟؟
بوطارق: كيف ما نسال عن راي البنت والولد .. البنت موافقه ونواف شاريها .. صح يا نواف؟
نواف سكت ونزل راسه ..
فيصل: يا عمي نواف ما يبى يتزوج الحين.. ومحمد يبى يغصبه على هالشي ..
بوطارق وهو منصدم : هااه ؟؟ شو هالرمسه اللي اسمعها يا بوعيسى ؟
محمد: ماعليك منه .. نواف موافق والملجه بتم على خير انشاءالله ..
طارق يتدخل: والله انا اشوف ان رمسة فيصل صح.. المفروض تاخذون راي نواف بعد نفس ماخذيتو راي امنه..
نواف وقف وقال: يا عمي انا مابى اتزوج وان استوى هالشي عرفو اني مب راضي عليه ..
بوطارق استغرب من كلام نواف وتعجب من نواف الساكت الهادي ..كيف يقول جيه حق عمه كيف؟.. بوطارق وبدت عليه العصبيه: نواف.. شو هالكلام بعد؟ شو تبى الناس يقولون عنا؟؟ ما يبى بنت عمه ؟؟ اكييد البنت فيها شي.. تبى العرب يتشمتووون فينا؟؟
نواف: ياعمي البنت مافيها شي والله مافيها شي وانا اتمنى لها الخير.. بس صدقني مالي نصيب وياها ..
محمد وهو يصرخ: نواف.. ايلس وخلني اتفاهم ويا عمي ..
بوطارق وهو معصب: محد بيتفاهم وياي.. خلاص انا قلت كلمتي .. والملجه بتكون باجر..
فيصل: بس يا عمي ...
بوطارق: خلااااص انا قلت كلمتي ..
طارق: ابويااااا ..
بوطارق: طااارق بس.. شوف يا محمد باجر الصبح تعال المحكمه انت ونواف عشان نملج وفالليل بنسوي الحلفه ..
هنيه برقت عيون محمد من الفرح وفرحة النصر على اخوانه ..اما نواف يوم سمع هالرمسه طلع من بيت عمه وهوما يشوف جدامه.. وركب سيارته مب عارف وين يسير.. ومالقى مكان غير العزبه ..
وقف سيارته وما نزل منها.. تم يالس فيها ودموعه تنزل ومب قادر يمسك عمره.. مثل الياهل اللي ما قدر يمسك دموعه انها تطيح ... يت مية فكرة وفكره في باله..واخر فكره يت في باله انه يسافر ويبتعد عن الكل.. ويبتعد عن مكان فيه انسان مثل محمد.. لانه حس ان الدنيا ظاقت فيييه.. حتى سارة اللي يحبها واللي يحتاجها تكون وياه ما تدري عن اللي في قلبه ولا عن اللي يستويله ..
رجع نواف البيت وجهز اغراضه وكانو اهله بعدهم في بيت عمه ناصر وحجز له اول طيارة على لندن.. فيصل طلع عقب نواف بنص ساعه عقب ما يلس في بيت عمه وكان بيذبح محمد من كثر ما كان هو معصب عليه.. وسار العزبه وما حصله ويوم رجع البيت ما حصله بعد وتلفونه ما يرد عليه.. عيسى وخالد وعبدالله استوو مثل الميانين.. ما خلو قسم شرطه ما دورو فيه ولا مستشفى.. واخر شي يا على بالهم المطار.. سارو سعيد وحمد وسالوا ودورو اسمه.. وما حصلو اسمه في مطار العين وعلى طول توجهوا حق مطار دبي وهناك كانت طيارته طايره من ساعتين تقريبا
# في بيت الخاله وديمه #
سارة يالسه في غرفتها ومتظايجه لانها عرفت ان نواف بيسير يحدد ملجته على بنت عمه اليوم.. وقلبها ناغزها ويقولها اكيييد نواف فيه شي ..سارة تفكر وتفكر تقول في خاطرها.. ياربي انا ليش جيه افكر فيه وايد وما اقدر اطلعه من بالي ابدا.. ليكون احبه؟.. لا لا بكون غبيه لانه هو بيملج على بنت عمه وانا اوني احبه.. بس هو على قولة جواهر انه يحبني ..بس ليش بيملج على بنت عمه وهو يحبني؟؟!! يعني معقوله محمد بيغصبه على هالشي؟؟ افف ياسارووه تركي عنج هالخرابيط وسيري شوفي اختج شوبلاها؟.. طلعت سارة من غرفتها وسارت غرفة جواهر وهي مب قادره اتطلع سالفة نواف من بالها.. لقت جواهر يالسه تطل من دريشتها وكانت هااديه سرحااانه وفي عالم ثاني..
سارة:جواهر...
جواهر:هلا..
سارة سكتت شوي ونزلت راسها: اليوم نواف بيسير بيت عمه ..
جواهر : الله يوفقه ان شاءالله ..
سارة رفعت راسها والدموع في عيونها: جواهر.. انا متظايجه.. وايد وايد وقلبي يقولي انه بيستوي شي حق نواف ..
جواهر: اروم احلف مية يمين انج تحبينه انزين ولا تقولين لا ..هههههههه
سارة: افف منج أنتي بعد هذا وقته ... جواهر والله انا خايفه ..
جواهر: خايفه علييه هاااه ..ههههههه
سارة: جب جب ..
جواهر: شو رايج تدقين له وتسوين عمرج تباركين له ..
سارة : نععععععععم؟ شو تبينه يقول عني .. هاااه ؟؟؟
جواهر: يالخبله أنتي بنت خالته وبعدين هو يحبج ومستحيل يفكر في شي غلط.. بالعكس بيفرح واايد ..
سارة: جوااهر خلاص اصلا هو بيملج قريب وكل شي انتهى ..
جواهر: انتهى اونه.. حبيبتي هو ما يباهااااااا .. ما يحبها يحبج أنتي يا غبيه ومستحيل ياخذها..
سارة: افف عيل ليش بيحددون ملجتهم اليوم ؟
جواهر: هذا كله من اخوه محمد الكريييييه.. انا سمعت من فهود ان فيصل لو درى بيذبح محمد ..
سارة: ااااااااااااااااااااااااه
جواهر: انزين يالله دقي له وشوفي شو صاير ...
سارة: انزين اخاف مايرد علي.. ولا يكون عنده حد.. لا لا اخاف فهد يدري ويسويلي سالفه.. ما بدقله ..
جواهر: أنتي لين متى بتمين جيه غبيه.. اقولج يحبج وانتي تقولين بيخبر فهود ومادري شو.. يالله لا تضيعين الوقت ودقي له ..
سارة : رايج جيه ؟؟
جواهر : هييييييييه .. يبي تلفوني بعطيج رقمه ...
سارة: ان شالله تبيني ادق له من تلفوني؟
جواهر: عيييل ؟؟؟؟
سارة: لا بدق من تلفونج اخاف يشوف رقم غريب وما يرد علي ... يبييي
جواهر: هههههه اوكي كيفج..
سارة كانت مترددة انها تدق حق نواف .. بس لقتها بالمرة فرصه انها تتطمن عليه ..
سارة وهي خايفه: جواااهر .. تلفونه مغلق .. ياااربييييي
جواهر: يمكن مشغول ولاشي ....
سارة: مشغوول في شو بعد ؟ اففففف
جواهر:شدراني انا .. دقي حق نواري وشوفي شو السالفه ؟
سارة( وهي تحط التلفون عدالها): انزين بتصل بس بعد شوي.. ممم انزين انا اصلا يايتنج في سالفه ثانيه بعد ..
جواهر( وهي تتمصخر ): خير امري ؟؟ ليكون تبيني اقوله انج تحبينه؟ تراني حاااضره..
سارة وتسوي عمرها معصبه: حبج برص يالسباله .. والله بزعل منج اذا سويتيها ..
جواهر: هههههههههه امزح وياج وياويهج ..
وقامت جواهر وحطت سي دي عيظه وشغلت "تدري .."
سارة: جواهر شو سالفة هزاع ؟
هنيه جواهر تغير ويهها وانجلب مية لون : شوووو؟ شو قصدج ؟ أي سالفه ؟؟ ماشي سالفه !
سارة: مب علي يالنخله ...ماشي سالفه وانتي مساعه يالسه تقولين زقرني وهزاع ومادري شو ؟؟
جواهر سكتت وماعرفت شو ترد عليها ..
سارة: جواهر انا اختج واكثر وحده تعرفج .. يوم فييج شي على طول يبين عليج كللللل شي ..
جواهر: صدق؟ يعني يبين علي اني اح.(.وسكرت حلجها بايدها قبل لا تكمل الكلمه ..(
سارة وهي مبطله عيونها : شووووووووووه تحبينه ؟؟؟
جواهر: لا لا مب قصدي احبه لا لا
سارة وهي تضحك : ههههههههه لا والله ؟؟؟؟؟ والله شكلج ميته عليه بعد ..
جواهر: قووولي والله ؟ يبين علي؟؟
سارة : هيييييييييه ههههههه
جواهر وهي مرتبكه ومستحيه بالقو: صدق اني فضيحه ..
سارة:هههههههههه انزين خبريني متى زقرج يالله ...
جواهر: بس وعد انج ما تبيني حق أي حد انج تعرفين اوكي ..ادريبج أنتي تنسين عمرج ويافهود ..
سارة: افا عليييييج .. وعد محد بيعرف يالله خبريني ...
وخبرتها بكل السالفه من اول مرة شافها وثاني مرة بعد ..تمت سارة مستغربه وتضحك على جواهر.. لان سارة ما توقعت ان كل الكره اللي في قلب جواهرحق هزاع يتحول حق حب .
سارة: هههههه جواهر والله انج سالفه ..
جواهر: اونج هااه .. مادري منو السالفه ..
سارة :على الاقل انا ماكنت اسوي عمري ما اداانييييييييييييه ..
سارة: انزين كيف عرف اسمج ؟؟؟
جواهر: ماادري والله وهذا اللي مينني..
سارة: ليكون سال ميود وقاله ؟؟
جواهر: ممكن بعد ..
سارة: هههههههه بس شكلج مستانسه انه يعرفج ..
جواهر : اص يالله.. (وتمت تغني وياعيظه).. تدري يافرحي وهمي.. من كثر ما انت في دمي..
سارة: عاشت الطربانه.. انا بسير البلكونه وبدق حق نواري خلني اعرف شو استوى في بيت عمها..
جواهر: وياويهج هههههه
اول ما دقت سارة ومن اول رنه رفعت نورة التلفون .. وكان صوتها ما يطمن ..
نورة: الوو نواااااااااف؟
سارة( وهي مستغربه) : نواف؟؟؟
نورة: هلا سارة .. تحريتج نواف ..
سارة وبدت تخاف: ليش؟ شو صاير ؟؟
نورة( ومن صوتها يبين انه في سالفه): لا لا مب صاير شي ..
سارة: نوراي دخييلج شو صااير انا بروحي يالسه احاتي من الصبح ..
نورة وبدت تصيح : نوواف ياسارة ...
سارة وهي تصرخ :شووو بلاه نواف ؟؟؟ شو مستوي به ؟؟؟ نورة خبريني شو صاير ؟
نورة: نواف سافر..
سارة: سافر ؟؟ وين ؟؟ وليش مسافر ؟؟شو السالفه ؟
نورة وهي تصيح ومب عارفه ترمس: نحن شاكين انه ساير لندن.. لانه ما يبى ياخذ امنه ومحمد الا بالغصب انه ياخذها .. وشكله مابيرجع ..
سارة سكتت وتمت تصيح هي الثانيه ....
نورة: ساارة والله انا خايفه عليييه.. محمد وعمي حددوا الملجه واتفقوا انها باجر بتم.. بس هو قال حق عمي انه ما يبى بنته ..
سارة: انزين والحين انتوا ما تعرفون عنه أي شي؟؟
نورة: سعيد وفيصل قروو انهم يسافرون وراه بس عقب ما يعرفون هو ساير وين بالضبط ..
سارة (وهي تحاول تهدي نفسها وتهدي نورة): يااا ربيي.. ما عليه يا نورة ان شاءالله خير ياا رب يكون بخير ..
نورة: الله يسمع منج .. انزين الحين بخليج امايا تعبانه ارتفع عليها الضغط ولازم ايلس وياها..
سارة: سلامتها .. يالله سلمي عليهم واتصلي فيني اذا استوى أي شي ..
نورة: انشالله ..
جواهر: بلاج جيه تصارخين وتصيحين ؟؟ شو صاير؟؟؟
سارة: نواف يا جواهر ... نواف سافر
جواهر: كيف يعني ؟
سارة: يعني زعلان من اهله وسافر ونورة تقول ان شكله ما بيرجع ..
وتمت سارة تصيح على جتف جواهر ..
جواهر: لا انشالله بيرجع .. بس بس يا سارة..
عقب يومين في بيت بومحمد..
الحزن يسود بيت بو محمد.. الكل كئييب وحزين.. متلومين في نواف اللي راح عنهم.. مع ان الملام الوحيد هو محـــــــــــمد ..
ام محمد تعبت عليهم والكل حواليها.. الكل خايف على صحتها ومن جهة ثانيه نواف ما غاب عن بالهم.. كانو فيصل وحمد وسعيد يحاولوون انهم يلقطون اتصال واحد من نواف بس مب قادرين لانه غالق التلفون.. سعيد كان له معارف كثيره في لندن ووصى انهم يسالون عليه ..
اما عن نورة.. فحالها مايسر حد.. كانت حابسه عمرها في غرفتها لانها لو طلعت وشافتها ام محمد بحالها بتتعب عليهم زياده وما حطت ولا شي في حلجها غير الماي والحبوب المهدئة اللي كانت تاخذها بس عشان ترقد وتنسى اللي صار ..دموعها ما وقفت وبدت تتعب نفسيا.. كان احمد يحاتيها وايد ووعد يوم كانت تتصل كانو يقولون لها ان نورة في بيت فيصل .
نورة كانت محتاجه حق حد تكلمه بس مب لاقيه حد.. دخلت على النت وهي باسوأ حالاتها عشان ترمس احمد..اول ما دخلت كان احمد يالس مثل المينون ..
جرح الزمن: ويييينج ؟؟؟
وجه المرايا: ............... ساااكته ..
جرح الزمن : الووو .. منو وياي؟؟؟؟
وجه المرايا: جرح ..
جرح الزمن: لبيييه.. امريني.. شو بلاج؟ وينج شغلتي بالي عليج يومين ومادخلتي.. خييير؟؟
وجه المرايا: نواف اخوي سافر ....
جرح الزمن : : | لييييييييييش؟
وجه المرايا: متظايق منا كلنا ... : (
جرح الزمن : متظايق؟؟ انزين ما تعرفون وين سار؟
وجه المرايا: اظني لندن.. جرح انا تعبانه وايد مب قادره اتصور ان اخوي روح عنا ومب راجع لنا.. انت ما تعرف نواف شو بالنسبه لي ...والله بموت ..
جرح الزمن: بسم الله عليج ..يعل يومي قبل يومج..
ويه نورة انصفق من جملة احمد ..وسكتتتت
في هاللحظة مسك احمد تلفونه ودق على نواف.. وكان تلفونه مشغول.. اتطمن احمد ان نواف بخير دام ان تلفونه مشغول ..
جرح الزمن: هونيها وبتهون.. ما عليه أنتي ادعيله وانشالله بيرجع لكم قريب.. لا تقطعين الامل ..
نورة .. نواااري.. كانت نورة تسمع صوت عبدالله وهو يصارخ من تحت ..
وجه المرايا: انزين الحين بستاذن وبسير لان ولد اختي يباني ..
جرح الزمن: اوكي بس ريحي وانتبهي على صحتج .. ولا تحاتين وايد وانشالله يكون بخير ..
وجه المرايا: اوكي ..مع السلامه
ونزلت نورة تحت ولقتهم كلهم متيمعين على التلفون.. وام محمد تتكلم في التلفون وتصيح ..
نورة تسال عيسى: بلاكم ؟ شو صاير ؟؟ عبود ليش تزقرني؟؟ وامايا تكلم منو ؟؟ ليكون نواف؟
عيسى: هييه نواف ...
نورة وبصوت عالي: عطووني ابى ارمسه دخيييلكم ..
خالد: صبري يدووه يالسه ترمسه ..
ام محمد وهي تصيح: وينك يا ولدي .. وين سرت وخليتنا هنيه ؟؟؟
نواف : انا بخير يامايا لا تحاتيني .. انا بخير دام اني بعيد عن محمد ..
ام محمد: وين بخير وانت بروحك هناك .. لا تعرف لا قريب ولا صديق ..
نواف: امايا قتلج لا تحاتيني والله انا بخير .. بس اهم شي تحطين بالج على صحتج ..
شيخه خذت ام محمد غرفتها عقب ما رمست نواف واتطمنت عليه ..هنيه عبدالله كان يرمس نواف ونورة يت وسحبت السماعه من يد عبدالله ..
نورة وهي تصيح: نواف .. ارجع لنا الله يخليييك ..
نواف يوم سمع نورة تصيح ما قدر يمسك دمعته: نوااري شحالج ؟
نورة: انا مب بخير يا نواف.. وما بصير بخير الا يوم ترجع لنا.. ليش سويت جيييه؟؟ نحن شو ذنبنا؟؟ سارة المسكينه شو ذنبها ؟؟
نواف انصدم: سارة ؟؟؟ سارة تدري اني مسافر ؟؟؟
نورة وبصوت متقطع من الصياح : هيه تدري هي دقتلي وحست ان في شي صاير وكانت تحاتيك.. نواف الكل يحاتييك ..
نواف حس ان قلبه ارتاح لاول مرةعقب ما كان معصب وزعلان عشان اللي سواه محمد.. يوم درى ان سارة تحاتيه ..
نواف: انزين نواااري ما اوصيج حطي بالج على امي وعلى نفسج ...
نورة: نواف متى بترجع ؟؟
نواف:قريب انشالله ..
نورة: انزين وين انت؟ وينك؟
نواف: فيصل يعرف وين انا.. ماقدر اطول وياج بسكر الحين.. سلمي عليهم كلهم يالله فمان الله ..
نواف سكر الخط ونورة بعدها تصيح وتتكلم ..
نورة: نواف لا لا صبر ..
عيسى: بس يا نواري.. لا تسوين بعمرج جيه.. عمي فيصل يعرف مكانه.. وانشالله بيرجع لنا بالسلامه ..
نورة لوت على عيسى وتمت تصيح بحرقة ...وهو تم يمسح على راسها ويهديها ..فيصل وسعيد عرفو وين نواف بالضبط ووصاهم ان محمد ما يدري وين مكانه.. وسعيد كانت عنده سفر حق شغله واجلها بس عشان يسير هو وفيصل عند نواف ويقنعونه انه يرد ..
نواف سافر وهو زعلان من اهله.. وسار بلاد ما يعرف فيها أي حد.. شو رايكم؟ بيحن حق اهله وبلاده وبيرجع.. وفيصل وسعيد بيقدرون يقنعونه انه يرجع؟ ومحمد ساس البلى كيف بيتصرف وياعمه؟ انزين وسارة شو ذنبها؟.. وامنه شو بيكون موقفها من كل هذا؟

"*" الجزء الحادي عشر"*"
عقب اسبوع.. سافر فيصل ويا سعيد عشان يقنعون نواف انه يرجع البلاد واستقبلهم نواف ووداهم الفندق اللي كان يالس فيه وعقب ما ريحوا يلسوا يتعشون ..
فيصل: نواف .. ترى اللي سويته غلط × غلط وانت تعرف هالشي ...
نواف نزل راسه : ادري يافيصل.
سعيد: انزين الحين انت ليش ما تبى ترجع ويانا ؟؟
نواف: يا سعيد خلني هنيه احسن لي ..
فيصل: انت ما سالت عمرك كيف بتعيش هنيه؟ ومن وين بتحصل شغل؟ من وين بتاكل؟ وين بتعيش؟ بتم طول عمرك عايش في الفنادق؟
نواف وهو يتنهد : فيصل.. انا اعرف عمري اذا رجعت البلاد محمد بيمشيني على كيفه.. خلني يالس هنيه بروحي احسن لي.. وعلى الاقل تفتكون من صدعتي ومشاكلي انا ومحمد ..
فيصل : افا عليك يا نواف بس.. شو هالرمسه بعد.. وانا مب اخوك؟ مالي خاطر عندك؟ وامي المسكينه اللي دومها تحاتيك شو ذنبها ؟
نواف: فيصل انت تعرف قدرك عندي .. وكلكم تعرفون قدر امي عندي بس ماقدر ..
سعيد: ما تقدر تقوله لا ؟
نواف: كلكم تعرفون ان امايا ما تقدر تقول لا حق محمد وتسمع كلامه وانا اللي لازم انفذ.. وتعرفون اني ماقدر اردها ..
فيصل: يا نواف انت مب ياهل عشان هو يتحكم فيك.. هاي حياتك..وانت لازم تقرر هالشي بنفسك مب هو اللي يقرر تاخذ منو ..
نواف: خلاص يا فيصل حياتي ضاعت وكل شي ضاع مني ...(وكان يقصد بكل شي سارة (
سعيد: نواف ماضاع منك ولاشي .. بس انت مكبر السالفه ..
فيصل: نواف انت بترجع ويانا ومحمد ماله خص فيك واذا قالك كلمه وحده مايلوم الا نفسه ..
نواف سكت ومارد عليهم ...
سعيد: هااه شو قلت ؟
نواف: بفكر ...
ونزل نواف يتمشى في الحديقه اللي تحت الفندق ..
#في دبي في بيت الخاله وديمه#
سارة كانت تسمع اغنية راشد " توصي بشي" .. " انا رتبت جرحي مع ثيابي.. واخذت احزاني وآلامي تذاكر ".. وتبكي على فراق اللي حبته في سكووت.. وخلت حبه في قلبها مكتوم.. واكتشفت انها تحبه من زمان ومغلفه هالحب باسم الاخوه.. وهي تتسآءل ليش يانواف خليتني ورحت؟..
شافت تيلفونها طايح على السرير.. مسكته وبدون ما تحس ودقت رقم نواف.. ورد عليها ..
نواف: الو ..
سارة كانت معلية صوت الستيريو وساكته.. ودمعتها تنزل على خدها ..
نواف كان يحب راشد وايد ويوم سمع الاغنيه تم ساكت وتذكر سارة وما قدر يمسك دمعته هو الثاني ..
سارة وبصوت مبحوح : نواف؟
نواف سمع صوتها.. وجذب اذنه اللي تسمع صوت سارة.. جذبها وقال أنتي تخدعيني اكييد.. هاي مب سارة .. مب ساارة ..
نواف: منو وياي ؟
سارة وهي تصيح : انا سارة ..
نواف يوم سمع صوت سارة وهي تصيح حس بالذنب لانه هو السبب في دموعها الغاليه ..
سارة: شحالك نواف؟
نواف: بخير (وتنهد).. دام اني سمعت هالصوت اكييد بكون بخير.. أنتي شحالج؟
سارة سكتت شوي وهدت: الله يعلم بحالي.. ليش سويت جيه يا نواف؟ ليش رحت وابتعدت؟
نواف: يا سارة محمد يبى يموتني .. يباني اخذ بنت عمي غصبن عني ..
سارة تسوي عمرها انها عادي ان نواف ياخذ امنه: تقوم تسافر بس عشانك بتنجبر على بنت عمك؟
نواف: يعني لين الحين ما فهمتيني يا سارة ؟؟
سارة: افهم شو ؟
نواف تنهد وقال: ياسارة انا احبج أنتي واباج أنتي ومابى حد غيرج ..
سارة يوم سمعت نواف يقول هالكلام دمعت عيونها وقالت في خاطرها ياريتك تعرف اني احبك بعد ..
نواف: يعني أنتي راضيه اني اخذها هي ؟
سارة سكتت وما ردت عليه ..
نواف: الوو ؟
سارة: لا مب راضيه ..بس هذا نصيبك ولازم ترضى فيه ..
نواف: سارة سمعيني زين،، انا ما برجع البلاد الا في حاله وحده وانا مستعد ارجع من باجر بعد ..
سارة وهي مستانسه : صدق؟ بترجع .. انزين متى؟
نواف: يوم بخطبج وانتي توافقين علي وترضين فيني ..
سارة استحت وسكتت ..
نواف: وينج ؟
سارة: نواف ..
نواف: يا عيون نواف ... امريني ..
سارة: انت تعال ويصير خير ..بس ارجع دخييلك ارجع..
نواف: والله اخاف ايي وتقبضوني الباب ههههه
سارة: افا عليك يا نواف .. اذا ما شالتك الارض بحطك في عيوني ..
نواف : فديت عيونج والله .. خلاص وانا عند وعدي ..
سارة استحححت وقالت بصوت واطي: وانا بترياك ...
انفتح باب سارة ولا فهد واقف ..
فهد: سارونه بغيتج شوي ...
سارة وهي مرتكبه لاخر درجه : انزين صبر بسكر عن ربيعتي ...
نواف سمع صوت فهد وفهم انها لازم تسكر الحين ..
سارة : اوكي عيل يالله مع السلامه ..
نواف: اوكي حبيبتي الله يحفظج ..
نواف يوم قال حبيبتي سارة ارتبكت اكثرو اكثر ..وسكرت على طول.. نواف كان مب مصدق ان اللي رمسها سارة.. طااار من الفرحه.. صوتها نساه كل همومه وعيشه في فرح وحلم تمنى ان هالحلم يستمر للابد.. من هالمكالمه عرف نواف ان سارة تبادله نفس شعوره.. وقرر انه يرجع البلاد.. يرجع حق اهله وناسه.. وعشان يوفي بوعده حق حبيبته،، سارونة قلبه.. وفي طريق رجعته للفندق عند الباب ..
كانت وحده لابسه عبايه وشيله توها طالعه من الفندق وشاله فوق الاربع اكياس ودعمت نواف بدون ما تقصد ..
نواف: اووه اسف والله ..
واول مارفعت البنت وراسها وشافت نواف ابتسمت وقالت : لا عادي اخويا ..انا الغلطانه ..
وتم نواف يساعدها ولا اهتم.. ما اهتم بجمال هالبنت اللي يطيح طير من السما.. كانت جميله بكل معنى الكلمه.. وعقب ما ساعدها نواف ..
ميرة: مشكووور اخويا تعبتك وياي ..
نواف و هو مبتسم : لا افا عليج اختيه .. هذا الواجب .. يالله فمان الله ..
ميرة: لحظة .. حضرتك من الامارات ؟
نواف: هيه طال عمرج ..
ميرة والابتسامه شاقه الويه : وانا بعد .. .انا من دبي ..
نواف وهو يطالع ساعته: هييه حياج الله.. اوكي عيل برايج الحين لاني مستعيل ..
كانت ميرة تحاول تشد نواف وتحاول تطول الكلام وياه بس ماقدرت اما نواف فكان مطنشها لانه مستعيل يبى يرجع الفندق ويبشر فيصل وسعيد بالخبر اما عن ميرة فهي اصغر بنت من بنات تاجر معروف في دبي وكلمة دلوعه شوي عليها يعني طلباتها اوامر واللي تباه اييها وهي مغمضه عينها وكانت يايه هي وخواتها وامها لندن عشان يتشرون اغراض حق عرس اختها.
#في العين في بيت محمد الشامسي #
مريم يالسه في الصاله ويا عيالها اللي ما عندها غيرهم عيسى وخالد وكانو يالسين يرمسون عن سالفة نواف ..
خالد وهو متظايج: امايا شوفي الحين كل هالمصايب سبتها ابوي اللي ما يسوي حساب حق صغير وكبير ..
عيسى سكت وتنهد ..
مريم وبدت تعصب: يالله عاد ابوك ماله خص لا تيلس كل شوي تقول ابوي وابوي ..
عيسى وهو سرحان في الارض: امايا أنتي شو اللي مصبرج على ابوي ؟
مريم انصدمت من سؤال عيسى: شو هالسؤال يا عيسى ؟
خالد: والله من صدقه عيسى ..شو الي مصبرج عليه وعلى مصايبه؟
مريم: مهما كان هذا ريلي وابوي عيالي اللي اهم انتو .. ونحن مالنا غيره ..
عيسى: امايا هذا مب سبب ..
دخل محمد عليهم وكان توه ياي من دبي (وطبعا تعرفون من عند منو ياي).. وشكله رااايح فيها ..وريحته واصله من اول الصاله وهم كانو يالسين اخر الصاله وشموها ..
خالد وعيسى اول مرة يشوفون ابوهم بهالصورة ... انصدمو صدمه عنيفه ...
خالد وهو مستنكر : اخ شو هالريحه الخااايسه ؟
محمد وهو يقرب منهم :هههههه اووه خلّوود انته بعدك هنيه؟ تحريتك لحقت نوافوووو الخبل ..
عيسى وقف وهو معصب: ابويااا .. انت سكر ...
وقبل لا يكمل عيسى الكلمه يته صفعه على ويهه هزة كيانه ..
مريم وهي واقفه بين عيسى ومحمد : تهبي ابوك بس تعبان شوي..
خالد بصوت عالي : هذا داخل علينا سكران وانتي تدافعين عنه ؟
عيسى وهو يحاول يهدي خالد : خالد بس ...تعال اباك شوي ..
خالد وهو معصب: لا مب بس .. شو بس ...
محمد وهو يصرخ: ايييييييه انت بلاك جيه تصرخ؟ وانتي ليش واقفه جيه جنج خبله.. سيري زهبي لي الغدا يالله انجلعي من جدامي ..هههههههههه
مريم وهي ترتجف من الخوف: انشالله يا بوعيسى ..
عيسى كان بعده واقف في مكانه وهو منصدم من اللي سوته امه واللي اول مرة تسويه ومحمد طاح من طوله على الكنبه من كثر ما هو شارب .
عيسى يوم شاف ابوه جيه خذ خالد اللي كان شوي وبيهجم على ابوه وبينتفه وركبه سيارته وطلعو من البيت.
خالد وهو يصرخ: هدني عليه هال... اففف
عيسى: بس هدي يا خالد ..تعوذ من ابليس
خالد: استغفر الله.. انت ما تشوف كيف شكله؟ لا وشوف امي شو سوت عشان ترضيه..
عيسى وهو مب قادر يسوق وقف السيارة وحط راسه على السكان ..
خالد: بلاك يا عيسى ؟؟ تباني اسوق عنك ؟
عيسى: هيه دخيلك لاني مب قادر ..
خالد: انزين وين تبانا نسير؟
عيسى: مادري وين مادري بس انت سوق ..
خالد: انزين وامي؟ نخليها بروحها مع هذا اللي مب صاحي؟
عيسى: .................
خالد :لاحوول ولا قوة الا بالله .... ونزل راسه وساق وهو ساكت
#في بيت العم ناصر#
بوطارق كان معصب وزعلان من محمد انه كيف يسوي جيه ويحرج عمه جدام الكل ..
ام طارق: الناس كلو ويهي يا ناصر يقولون لي متى ملجة بنتج؟ والبنت شكلها بتطيح في جبدي وما بتعرس ابد عقب اللي سواه فينا نواف.. حسبي الله عليك يا نواف..
طارق: يامايا نواف مسافر والكل يحاتي رجعته وانتي تحاتين اذا بنتج بتعرس ولا لا ؟
بوطارق:سكتي عني يا حرمة تراني مب فايج اسمعج تتحرطمين علي.. كفايه اللي فيني ..
وهالمحمد ما يرد على تلفونه ليش؟
طارق: شو بعد ليش.. يتهرب عقب اللي سواه ..والله انه مب ريال ..
بوطارق:ما هقيتها منه .. يبهدلني جيه جدام الناس ..
طارق: ابويا انت بعد غلطان ..
بوطارق لف على طارق ونظرات الشر في عيونه: شو بعد انا غلطان..صدق انك ماتستحي.. انا ابوك وتقولي جيه ؟
طارق: ابويا صدق كان المفروض تاخذون راي نواف بعد ..
بوطارق: واذا اصلا نواف مب راضي ليش ايي وياهم وليش ايوون ويخطبونها رسمي هاه؟
طارق: ابويا انت اكثر واحد يعرف وضع نواف واخوانه وكيف ما يقدرون يكسرون كلام محمد خصوصا نواف..
بوطارق: والله هذا مب عذر جان رمس من اول مرة ياو مب الحينه يوم خبرنا العرب قام وتلحلح وسوى اللي سواه ..
طارق: والله انه مسكين بس انتو مب حاسين فيه.. المهم انا بطلع الحينه بسير بيت خالووه..
ام طارق: وانت اربع وعشرين ساعه طايح في بيت خالتك عند نوالووو.. استح على ويهك وخفف من روحاتك لهم ..
طارق وبدى يعصب: شو طايح بعد؟ امايا انا مرة وحده في الاسبوع اللي اشوف فيها نوال .. وذاليني عليها بعد.. لا بالمرة ما اسير بيتهم ولا اشوفها احسن صح ؟
ام طارق: والله احسن حل ..اختي ذبحتني من كثر ماهي تنغز فيني ..
طارق طلع من عند امه وابوه اللي فورو اعصابه وراح بيت خالته عند نوال ..
نوال دخلت عليه وطبعا الضحكه شاقه الويه:يا حي الله من يانا..سوري اتاخرت لاني كنت في المطبخ ..
طارق وكان ينبان عليه انه متظايق كان ساكت ولا علق ولا تعليق ..
نوال وهي تكمل سالفتها : ما تبى تعرف شو تعلمت اليوم ؟
طارق من غير نفس : شو ؟
نوال وهي مستغربه ..: طارق .. شو بلاك ؟
طارق: نوال شو رايج ناجل عرسنا شوي؟
نوال وهي منصدمه : شوو؟ ليش؟
طارق: ولد عمي نواف مسافر وبترياه لين ما يرجع ويسوي موضوعه ويا ابويا وبعدين يصير خير ..
نوال وهي مستغربه: نواف اخو نورة ؟
طارق: هيه .. هاه شو قلتي ؟
نوال وهي مبتسمه: اللي تشوفه سوه وانا وياك ..
طارق: فديت اللي وياي انا ..
نوال وهي مستحيه: طروووق بس عاد .
اليوم الثاني ..
#في مستشفى توام#
كان احمد عليه بريك ويالس برى ويفكر في اللي يدور حوالين نورة.. كان خايف عليها صدق من انها تتاثر بغياب نواف ويقول في خاطره.. ياااربي الحين لو عرفت اني احمد شو بيستوي؟ لا احسن شي اني ما اقولها الحين خل تهدى الامور وبعدين يصير خير.. شوي ولا تلفونه يقطع تفكيره..
احمد: الو ..
نواف: مرحبا بوشهاب ..
احمد وهو فرحان : هلا وغلا بنوااااف .. شحالك ؟
نواف: بخير ربي يسلمك .. وشحالك انت ؟
احمد:الحمدلله بخير ..ويينك ياخي حرقت تلفونك يا مشغول يا مغلق ؟!!!
نواف:هههه ما عليه كلها كم يوم وبرد لك البلاد وبتمل مني بعد ..
احمد ويسوي عمره ما يدري : ليش انت وين الحين ؟.
نواف:في لندن ..الله والله الجو روعه هنيه..
احمد: في لندن؟ افااا اشوفك داقنها خيانه وساير بدوني.. تذكر يوم اقولك تعال وياي وانت (وهوينعم صوته) اونك لا لا ..
نواف: هههههههه لا والله ظروفي اجبرتني اني اقرر واسافر مرة وحده ..
احمد: ليكون عشان سالفة بنت عمك ؟
نواف: تقدر تقول جيه.. المهم يا بوشهاب اني سمعت صوتك وانشالله يوم بوصل البلاد بعطيك خبر عشان لازم اشوفك..
احمد: هيه والله من زمان ما شفتك ياريااال لك وحشه.. شو متنت ضعفت ولا طولت ؟
نواف: ههههههههههه والله لو طولت ما بوصل طولك خخخ اوكي عيل يالله شي في خاطرك من لندن؟
احمد:ههههههه سلامة راسك وارجع لنابالسلامه ..
نواف: الله يسلمك .. فمان الله ..
#في بيت جاسم الكبتي#
خليفه يالس وهموم الدنيا في عيونه ..شو يسوي باللي حبها واخلص في حبها وهي قابلته بالصد والتجريح ؟؟ شو يسوي بس عشان يرضيها ويخليها ترضى فيه ؟
منى: خليفه ...
خليفه سااااكت ..
منى وهي تصرخ: خلييييييييفه.. خلوووووووووف
خليفه انتبه مرة وحده : هااه؟ بلاج جيه تصارخين تراني اسمعج مب اصمخ ..
منى: هيه واضح انك تسمعني ههههه شو بلاك كله يالس بروحك ومهموم ؟ مب انت بغيت امي تخطبلك ربيعة لطوف؟ انزين اكييه بتخطبها حقك شو تبى بعد ؟
خليفه: منى الله يخليج خليني بروحي انزين ..
منى:انت ما تقولي شو بلاك ؟
خليفه وهو معصب: ما بلاني شي ..يعني لازم يكون فيني بلى ؟؟
منى:خليفه ..انا اختك العوده والمفروض تحترمني يوم ارمسك ..
خليفه:اففففف ..
وقام خليفه من عند منى ومنى تطالعه وهي مستغربه من تصرف خليفه وياها..
خليفه طلع من بيتهم وسار حق بيت امنه ووقف عند دريشة غرفتها وتم واقف لين ما غربت الشمس ..دق حق امنه بس امنه ما ردت على تلفونها لانها كانت ناستنه تحت في الصاله ومحد كان هناك غير مها اللي كانت يالسه ويا اخوها سعد ..
مها شافت التلفون رن اكثر عن خمس مرات سارت وردت عليه ..
مها: الو
خليفه استغرب لانه مب صوت امنه : مرحبا
مها: مرحبتين
خليفه:اختي.. هذا تلفون منو ؟
مها: انت اللي متصل ..منو تبى ؟
خليفه : مب تلفون امنه ؟
مها وهي منصدمه : انت منو ؟
خليفه: وين امنه ؟
مها وهي تصرخ : انا اقولك انت منو ؟
وشوي ولا سلطان داخل عليها ويشوفها ماسكه تلفون امنه ومعصبه ..
سلطان وهو مستغرب:اييه سعّوود شو بلاها مها معصبه جيه؟
سعد وبكل برووود:ماعرف ..
مها:يا قليل الادب والله اذا اتصلت هنيه مرة ثانيه ما بيصير لك خير .
سلطان :بلاج تصارخين جيه ؟ صوتج واصل برى ..
مها: هذا واحد غبي متصل ..
سلطان: وشو يبى ؟؟
مها وهي تحاول تبين له انها ماتقدر تخبره السالفه لان سعد يالس وياهم ..
سلطان: سعد .. سير ييب جارج تلفوني من فوق ..
سعد وهو مبتسم : ييب تلفونك انا بوديه فوق وبحطه في الجارج ..
سلطان: يود ..
ويوم سار سعد ..
مها: يالذكي جيه بيعرف انه في سالفه.. وانت تعرف سعد بيقول حق امنه اني راده على تلفونها وبتسويلي سالفه ..
سلطان: ههههه حرام عليج والله على نياته.. المهم خبريني شو السالفه؟ وهذا منو وشو يبى ؟
مها: يبى امنه ..
سلطان وهو منصدم : امووون ؟
مها: هييه قصر صوتك لحد يسمعنا..
سلطان: انزين يمكن نواف ولد عمي ؟
مها: ونواف شو يبابها ؟لا لا هذا مب نواف ..
سلطان: انزين طارق درى؟
مها وهي ماسكه سلطان من ايده: سلطان امنتك الله مابى حد يعرف بهالسالفه وخصوصا طارق ..
سلطان: ههههههههه انزين بلاج جيه تصاصريني جنج مسويه جريمه ؟؟؟
مها: لان طارق لو درى بيسوي جريمة ..
#في دبي في بيت الخاله وديمه #
عقب ما دخل فهد على سارة ولقاها ترمس في التلفون سار تحت لان امه كانت تباه ورجع مرة ثانيه عند ساره..
فهد:سارة دريتي عن نواف انه مسافر؟
سارة وبعدها يبيين عليها انها مرتبكه : هيه نواري خبرتني ..
فهد: امايا توها تقولي انه بيرجع الاسبوع الياي انشالله ويا فيصل وسعيد ..
سارة ارتاااااااحت وشالت هم من على قلبها يوم سمعت هالخبر :والله ؟؟صدق؟؟
فهد: هييه بس عيسى يقولي ان نورة مب بخير ..
سارة: وانت بدال ما تسال عن نواف تسال عن نورة ؟
فهد: ومنو قالج اني ما اسال عن نواف؟ انا كل ما ادق له كله مغلق.. انزين انا ياينج في موضوع مهم وااايد
سارة حست ان فيه شي :خير يا فهد؟؟ شو صاير ؟؟
فهد: شورايج في هزاع؟
سارة وهي مبطله عيونها:هزاع ربيعك؟
فهد: لا هزاع حبيبتي ..ههههههههههه هيه ربيعي بعد منو هزاع غيره ؟
سارة(وهي تستهبل ):هههههه انزين بلاه هزاع ؟
فهد:شو رايج فيه ؟
سارة وهي مستغربه: نعم؟ كيف يعني ؟
فهد: تحسين انه يناسب جواهر؟
سارة وهي منصدمه من سؤال فهد : فهد ..شو السالفه ؟
فهد وهو مبتسم: انا سالتج سؤال وانتي جاوبيني عليه يالله ..
سارة:كيف يعني يناسب جواهر؟
فهد: بلاج أنتي مصطله جيه؟ انا بقولج كيف.. هزاع الله يسلمج يبى يخطب جواهر وامه رمست امي في الموضوع بس امي بعدها ما خبرت جواهر ..
سارة وشو وبتصارخ من الفرحه :وليش ما خبرتها ؟؟
فهد: مادريبها امي تقول عشان سالفة نواف.. بس انا ابى اعرف راي جواهر قبل عشان والله هزاع ما يتعوض وبتكون غبيه لو رفضته ..
سارة: هيييييه عشان ربيعك بس ..
فهد:هههههههه لا والله ..انزين وبغيت شي ثاني منج بعد..
سارة: امر .. تدلل..
فهد:نورة ..
سارة: شو بلاها نواري؟
فهد:فديتها والله ..
سارة: ههههههههه فهد بس عاد عن الحركات..
فهد:هههه انزين اباج تجسين النبض قبل لا انسير.. انا ناوي اول ما يرجع نواف اسير على طووول ..
سارة: خييبه لهدرجه مستعيل هههههههههههه؟
فهد: هيييه عيل شو تبيني اسوي ايلس ساكت لين ما تضيع مني؟والله ساعتها بموت
سارة:هههههههه خلاص بحاول ارمسها في الموضوع يوم تصير حالتها احسن ..
فهد: وخبريني بكل شي يصير ..
سارة:فالك طيب ..
فهد:تسلمين لي يا احلى واغلى اخت في هالكون ..
سارة: ايوووااا دهاااان سير ههههههههههه
فهد:هههههه وياويهج من صدقي ارمس هههههه
#في بيت العم ناصر#
امنه يالسه في غرفتها وزعلااانه ووااصله حدها وحتى امها مب رايمه ترمسها.. كانت متظايجه من اللي سواه نواف.. وانصدمت يوم عرفت انه ما يباها عقب ما كانت حاطه في بالها ان نواف يموت عليها وانها ميت على التراب اللي تمشي عليه،، دقت عليها مها الباب ودخلت ..
مها: امنه يودي تيلفونج نسيتي تحت ..
امنه:يبييي وسكري الباب وراج ..
مها:خيبه تطرديني؟؟
امنه:ليش شو تبين؟
مها:ابى اسولف وياج ..
امنه: والله انج فاايجه وماعندج شغله .. اقوول جلبي ويهج مب فاضيه لج انا..
مها كانت متعوده على اسلوب امنه بس يوم شافتها في حالتها هاي حبت تخفف عنها وتيلس تسولف وياها وتنسيها السالفه ..
مها:اووكي اسفه على الازعاج .. بس اذا حبيتي ترمسين انا موجوده في غرفتي ..
امنه:اوكي اوكي يالله طلعي وخليني بروحي ..
مها وهي تسكر الباب: على فكرة في واحد دق على تيلفونج وطلبج بالاسم ..
امنه فزت من مكانها وهي مبطله عيونها :شوووه؟ وانتي منو سمحلج تردين على تيلفوني هااه؟
مها:انزين احترق وهو يرن .. وبعدين ليش معصبه وانتي الغلطانه ؟ منو هذا بعد ؟؟؟
امنه وهي معصبه دخلت مها الغرفه وسكرت الباب:والله يا مهوو اذا طلعت هالرمسه برى ولا وصلت حق حد ثاني بتشوفين فاهمه ؟
مها:ليش خايفه من شو ؟
امنه: ومنو قالج اني خايفه ولا اني اخاف منج ومن اشكالج ...
مها: عيل ليش ما تبين حد يعرف هالسالفه ؟
مها ورطت امنه بهالسؤال امنه سكتت وما عرفت شو ترد عليها ..
مها وهي سايرة تطلع من الغرفه: عموما لا تخافين الخبر ما بيوصل حق طارق اذا هذا اللي أنتي خايفه منه ..
وراحت مها وسكرت الباب.. امنه استوت مثل المينونه يوم شافت ان مها درت.. تمت تتنافض ويوم شافت الرقم شافت انه رقم خليفه ..فاتصلت فيه على طول ..
خليفه: هلا والله شحالج حبي؟
امنه: حبك برص.. انت كيف تتصل فيني ؟؟ مب انا قايلتلك لا تتصل مرة ثانيه ؟
خليفه وبكل برود: امنه حبيبتي.. انا بس حبيت اتطمن عليج.. سمعي اباج تبطلين ستارة غرفتج شوي في مفاجأة حقج ..
وبسرعه ركضت امنه صوب الدريشه وبطلت الستارة وشافت سيارة خليفه واقفه وهنيه خلااااااص حست انها بتموت ..
امنه وهي معصبه وتصرخ :يااا ******************************** انت شو تسوي هنيه؟ ناوي تفضحني؟ لا ومتصل ويقول اسمي انت شوووو ؟؟صدق انك حيوان وما تفهم الرمسه ..
خليفه يرمس وانعدم منه الاحساس: ههههه غناتي لا تعصبين هالكثر مب زين.. الحين انا حيوان ههههههه الله تصدقين طالعه عسل من ثمج ..
امنه تمت تصارخ وتصيح وسكرت في ويهه لانها حست ان خليفه يحاول ينتقم من اللي سوته فيه ..وهذا هو اللي خليفه يسويه فيها.. عقب ما جرحت قلبه وخلته انسان معدوم الاحساس والضمير ومايحس باللي يدور حواليه في هالدنيا وكل تفكيره انه ينتقم من امنه ...
#في بيت احمد الشامسي#
كانت وعد يايه تزور نورة ونورة استانست وايد لانها غيرت جو شوي ويا وعد تمو يتمشون في الحوش ونورة ما سكتت من كثر ما مدحت جرح حق وعد ووعد من داخلها متلومه في نورة على اللي يسويه فيها اخوها ونورة مب داريه.. وبعدين سارو غرفة نورة ويلسوا على النت ..
نورة: وعد شوفي الحين برمس جرح.. وشوفي كيف محترم وانه مب راعي سوالف بطاليه نفس ما تقولين وهو يعتبرني شرات اخته ..
وعد: مادري منو كان يقول ان كل الشباب نفس الشي ..
نورة: لا بس هذا غير ..وبتشوفين..
وعد:اونه .. تراج قلتي جيه عن فهد ويوم دريتي انه ولد خالتج كرهتيه كره العمى ..
نورة سكتت وتظايجت شوي: وعد.. ترى اللي سواه فيني فهد مب شوي وانتي اكثر وحده تعرف هالشي ..بس شو اقول غير الله يسامحه ..
وعد:نورة بسالج سؤال واباج تجاوبين بصراحه ..
نورة:امري ..
وعد: اذا يا فهد وخطبج .. بتوافقين ؟
نورة بطلت عيونها وشهقت: شوو؟ بسم الله علي ..
وعد: ههههه عن الحركات شكلج بتوافقين ..
نورة: جب جب يالله اصلا مستحيل اوافق عليه لانه انسان مب متفاهم و....
وقبل ما تكمل نورة دخل احمد اونلاين ..
نورة وهي طايره من الفرح : وعد .. وعد .. هااه شوفيه .. دخل ..
وعد يوم شافت فرحة نورة سكتت وابتسمت وقالت في خاطرها.. يارب ما يكون اللي في بالي صح ..
وعد كانت خايفه ان نورة تحب اخوها احمد وبعدين يوم بتدري انه اخوها بتكرهه نفس ما كرهت فهد ..
وجه المرايا: السلام عليكم ^_^
جرح الزمن: وعليكم السلاااام والرحمه هلا والله ..
وجه المرايا: اهلييين ..شحالك ؟
جرح الزمن: الحمدلله بخير بوجودج اونلاين ..وانتي شحالج الحين عساج بخير ؟
وجه المرايا:الحمدلله احسن بواااايد عن قبل ..
جرح الزمن: يعلج دوووم : )
وجه المرايا: ويااك ..
جرح الزمن: انشالله ..
وجه المرايا: جرح ..
جرح الزمن:عونج ..
وجه المرايا:عانك الله .. بغيت اخبرك ان اخوي راجع عقب اسبوع..
جرح الزمن : صدق؟الحمدلله .. انشالله يوصلج بالسلامه .
وجه المرايا: الله يسلمك من كل شر ..
وعد وهي تطالع نورة: طااعو الويه احمّررررررر ههههههه عاشت العااشقه ..
نورة :ههههههههه جب وعن الحركات يا ام الدويس أنتي.
وعد: حركات هااااه ..
نورة: بموت واعرف شو اسمه ..
وعد وهي تحاول انها تخلي نورة تتخلى عن هالفكره : وشو تبين اسمه وانتي شرات اخته بس على قولتج ؟
نورة: بس جيه كيفي ابى اعرفه ..
وعد: انزين اكييد هو بيطلب اسمج وانتي طبعا ما بتقولين له ..
نورة :مممممم صدقج بس والله حرام الحين شهر ارمسه ولا اعرف اسمه ..
شوي ولا يرن تيلفون وعد وكان احمد متصل فيها يوم درى انها عند نورة ..
وعد: هلا احمد ..
احمد:اهلييين وعودتي ..أنتي عند نورة ؟اخخ يا حظج والله
وعد وهي ترمس بصوت واطي : هيه .. احمد حرام عليك..
احمد: حرام علي؟؟
وعد:خلاص خبرها انك بتخطب وحده ولا انك معرس وسولها بلوك وديليت ..
احمد وهو منصدم : ليييييش؟
وعد:بس جيه ان احس انه بدت تتعلق فيك ..
احمد:شوو؟
وعد:هيه والله اني شاكه انها تحبك بعد ..
احمد: سمعي يود تردين البيت بنتفاهم ..
وعد: اوكي يالله باي
في نفس الوقت كانت نورة يالسه تسولف له عن وعد وسكتت شوي ..
وجه المرايا: جرح ..
جرح الزمن: احمد .. ازقريني احمد..
وجه المرايا: ليش؟اسمك احمد ؟
جرح الزمن: لا اسم ولد الجيران ههههه
وجه المرايا: هههههههه وياويهك ..
نورة برقت عيونها وطالعت وعد:وعد طااعي اسمه احمد..
وعد وهي مبتسمه بالغصب: هييه ..
وجه المرايا: تعرف مرة كنت تعبانه في المستشفى وعالجني دكتور اخو ربيعتي اللي رمستك عنها واسمه بعد احمد ..
احمد تشقق لانها يابت طاريه ..
جرح الزمن: ايواا يالله اعترفي ..شو سالفته هذا بعد ؟
وجه المرايا:ههههههههه دوومك تفهمني غلط يالدب ..ماشي سالفه والله
وعد كانت ساكته وما تحملت زياده من اللي تشوفه يصير بين نورة واحمد وشوي وبتصيح على حال نورة واحمد اللي مب طايع يخبرها الصدق ..
وعد: نواري الدريول تحت وانا بسير الحين ..
نورة وهي زعلانه: لييييييييييش .. لا لا تمي عندي دخيلج ..
وعد: سمحيلي غناتي والله ماروم ..انشالله مرة ثانيه ..
نورة: متى بشوفج بعد ؟
وعد: عاد هالمرة دورج أنتي اللي بتيين ..
نورة: انشالله يوم بيي نواف بييج كل يوم بعد هههههههههه
وعد: ههههه انشالله وحياج الله في كل وقت .. يالله فداعت الله
نورة: صبري بوصلج لين الباب..
واستاذنت نورة من احمد وسارت توصل وعد ..
احمد كان يحس باللوم اللي ماكل قلبه اللي امتلا بحب نورة ..
مرت الايام على نورة واحمد مثل البرق وكان احلى ايام في حياة نورة لانها كانت تلقى راحتها يوم ترمس احمد واحمد كان يزداد حبه حقها يوم ورى يوم ويكتشف فيها اشياء احلى واحلى .
مر اسبوع وحان موعد رجعة نواف.. الكل متاهب في البيت.. ينظفون ..يدخنون.. يعطرون .. يجهزون الغدا ..والكل مرتبش.. عبدالله كان حاط الستيريو ومشغل الجسمي ومعلي الصوت على الاخير ويرزف هو واخوانه نواف وعمر والكل مرتبش وياهم.. كانت خالتهم وديمه يايه من دبي وبيت عمهم ناصر بييون بعد .
نورة نزلت من فوق وويهها منور ومتلبسه وطالعه تجننن ..
عبدالله يوم شافها وقف وبطل حلجه ..
نورة: عااشو يالله ورى ايوا يا نواف هههههه
نواف وهو ايوايه نورة: شحالج نواري؟
نورة: بخير حبيبي وانت ؟
نواف: بخير ..
عبدالله وبعده واقف في مكانه ومنصدم من شكل نورة.. لانها صدق كانت طالعه حلوووة ..
نورة: عبوود بلاك واقف جيه ؟؟
عبدالله : هااه؟ لا لا ماشي ..
نورة: هههههه لا صدق شو بلاك؟
عبدالله: احم .. طالعه حلوة اليوم ..
نورة:مالت عليك انا انبونبي حلوه دووم ههههههههه
عبدالله: خييبه يالغروور .. لا اقص عليج أنتي اشين عباد الله جيه زين ؟ هههههه
نورة: فديت عيونك الحلوه ههههههه وبعدين نسبت منو بيي اليوم.. بيي الغالي..ولازم اتكشخ له بعد ..
عبدالله: الحين هذا اخوج جيه تسوين له عيل باجر يلج شو بتسوين له خخخ
نورة وهي تضرب عبدالله على جتفه: هههههيوز عن حركاتك ..
شوي ولا دخلو الخاله وديمه وجواهر وسارة ..
جواهر وهي ترمس نواف: ايووووا روّوووح ّ يا مرتبش انت ههههه
ام فهد : هههههه جواهر بس عاد..
نورة اول ما شافتهم شهقت من الفرحه وتم تصارخ هي وجواهر وسارة لانهم من زمان ما شافو بعض ..
سارة كانت منورة ومغطيه على الكل بجمالها ...وجواهر كانت متعدله بعد وطالعه حلوة على غير العاده ..
نورة: يالخونه ... شهرين ما اشوفكم ؟
سارة: ههههه شو نسوي بعد ؟
ام فهد وهي تطالع نورة بكل اعجاب: شخبارج الحين نواري؟
نورة: الحمدلله بخير خالوه شحالكم انتو ؟ وشخباركم ؟
سارة: اخبارنا اخبار هههه بس أنتي خبرينا شومسويه بعد ؟
وتمو يسولفون ويت ام محمد وشيخه وسلموا على الحريم.. وما يت نص ساعه ودخلو ام طارق ومها وامنه اللي يايه بالضرب.. لانها ما طاعت اتيي وتوري ويهها حق نورة ..
وكانت ام طارق يالسه طول اليلسه وتطالع نورة وينات خالتها بنص عين ..يا ترى شو بيستوي يوم بيوصل نواف؟

 
 

 

عرض البوم صور همس الليالي   رد مع اقتباس
قديم 22-09-06, 04:58 PM   المشاركة رقم: 9
المعلومات
الكاتب:
اللقب:

البيانات
التسجيل: May 2006
العضوية: 4772
المشاركات: 57
الجنس أنثى
معدل التقييم: همس الليالي عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
همس الليالي غير متواجد حالياً
وسائل الإتصال:

كاتب الموضوع : همس الليالي المنتدى : القصص المكتمله
افتراضي

 

"*" الجز الثاني عشر"*"
تعلن الخطوط الجويه البريطانيه عن وصول رحلتها رقم 2263..
عيسى وهو مستااانس : احمد .. وصلت الطيارة ..
احمد : هيه والله تعال خل نسير هذاك الصوب عشان نشوفهم زين ..شوف هذا نواف ..وسعيد..
عيسى:هههههه هذا عمي فيصل ؟؟ والله ماعرفته شكله غير
نواف يوم شاف اعز ربعه احمد وعيسى ياين يستقبلونه في المطار طار من الفرحه.. وهم ياخذون شنطهم ويكملون الاجراءات..
احمد وهو يغمز حق نواف:الحمدلله على السلامه .. شحالهم هل لندن ؟
نواف:ههههههه حقك علي والله يا بوشهاب انشالله مرة ثانيه اسير وياك ..
احمد: هيه يوم يبيض الديج ..ذيك الساعه بتفكر تسير وياي هههههههه..
فيصل +عيسى+سعيد:هههههههههه
فيصل:عيسى ..شحالها امايا ؟ وشحالهم كلهم ؟
عيسى: والله بخير يا عمي ..
سعيد:عيل وين خالد وعبدالله عنكم ؟
عيسى: في العين ويا عمي حمد ..
فيصل: ليش؟
عيسى:بعد تعرف قوم خالوه وديمه هناك وعمي ناصر بعد ولازم يكون حد يالس ويوجبهم..
نواف تشقق يوم درى ان بيت خالته وديمه هناك..
سعيد :ماشالله ..عيل العرب كلهم هناك ..
نواف:ومحمد؟
عيسى وويهه تغير : ابويا؟ مايدري انك بترد.. بس اظني عمي ناصر خبره
نواف وهو مبتسم: اهااا زين بعد انا بغيته ايي هناك ..
الكل استغرب من ردة فعل نواف ..
احمد: اوكي عيل نواف بيخاويني وفيصل وسعيد وياك يا عيسى.. يالله انشوفكم في العين ..
عيسى: الله وياكم
#في لندن #
ميرة يالسه ويا خواتها ريم و اسما اللي يايين يجهزون حق عرسها ..ميرة كانت سرحانه وهي مبتسمه ..
ريم : بوووووووو ..الحلو في شو يفكر؟
ميرة: ماشي
اسما: ميرووه مب علينا هالحركات انزين يالله خبرينا شو السالفه ؟
ميرة وهي تغني: من حسن يوسف خذا اوصاف الجمال ..والعجب شفته وعيني ما ترى ..
ريم وهي مبطله عيونها:خيييييييييييبه شو هااا .. اسووم ميروه شكلها شافت عيظه ولا هزاع المنهالي هههه
اسما:ههههههههه ومنو هذا هااه ؟ يالله اعترفي ..
ميرة وهي مبتسمه: تعرفون شفته وهو ولا اهتم بوجودي ..
ريم: طاعو هاي ولا اهتم بوجودي اونه ههههههههه ميرووه تراج وايد مصدقه عمرج ..
ميرة: وشو بلاني اجنن فديتني والكل يتمناني..بس تصدقون لاحظت شي غريب فيه ..
اسما:وشو هو يا ام الملاحظات أنتي ؟
ميرة: عيونه..
ريم: الحين بتقول عيونه نفس عيون عيظه ..
اسما:ههههههههههههههه ريمووه بس عاد ..شو بلاها عيونه؟
ميرة: احسه جييه شايل هم شي .. مادري شو هو ..
ريم: اكييد شايل هم لانه شاف شيفتج خخخخخ
ميرة:اص يالله أنتي اصلا تغارين مني لاني احلى منج ..
ريم: وي مالت والف مالت عليج..حبيبتي لو صدق تقولين انج حلوة جان ياج حد يخطبج..انا اللي اصغر عنج خطبوني اكثر عنج..وبعدين نسيتي انهم يسموني ريم الدماني هاهاي..
اسما: ريم نحن ما نرمس في سالفة الخطاب الحين ..المهم ميرة خبريني وين شفتيه ومنو هو؟
ميرة: ماعرف منو هو.. بس هو من الامارات.. وكان ساكن ويانا في الفندق هنيه.. بس اليوم روحو.. بس والله يا اسوم انه يجنن ..اخلاق وجمال وكل شي ..
ريم: ماشالله علييييييج طايحه مديح في الريال.. جنج تعرفينه من مليون سنه ههههه
ميرة: ههههه ويا ويهج
اسما: ميرووه لا تنسين ان اهل عامر اللي خطب ريمووه يبوونج حق ولدهم الثاني ..
ميرة:وشو يعني؟
ريم:يعني تركي عنج هالسوالف البطاليه وخلج نفسي ما افكر الا في خطيبي عامر ..
ميرة: مالت عليج وعلى عامر .. واصلا منو قال اني ابى اخو عامر اللي مادري شو اسمه ؟
اسما: اسمه عبدالعزيز..
ميرة: اللي هو ..المهم اني ماباه وخلاص ..
~~~~~
نرجع حق العين وحق بيت احمد الشامسي اللي عادت له الافراح مرة ثانيه ..عقب ما اختفت بعد سفر نواف والظروف اللي استوت..
البنات نورة وجواهر وسارة ومها وامنه كانو يالسين شوي بعيد عن الحريم ..
نورة كانت مستانسه ويالسه تسولف هي ومها وسارة وجواهر .. اما امنه فكان سااكته طول الوقت ..
نورة: حياكم الله والله اني مستانسه بيمعتكم الحلوه هاي ..
جواهر : الله يحيييييج.. (وهي تغمز لها) يالله انشالله مرة ثانيه نتيمع حق عرسج ..
نورة وهي مستحيه:هههههه ما تيوووزين عن طبعج يالنخله..
مها: نخله؟ شو يعني؟ هههههههههههه
جواهر: احم .. هاي رموز سريه نحن نستخدمها..
سارة: هيه والله رموز خطيره بعد هههههه..
مها: مالي خص خبروني هههههه
جواهر: مهااوي بعدين بخبرج مب زين جدام نوروه وسااروه ..
مها وهي تغمز لها : اهاااا اوكي على راحتج غناتي هههه
شيخه: نواري تعالي شوي ويايه المطبخ..
نورة: انشالله الحين يايه ..
سارة: هاه امنه السنه اليايه بتكونين ويا نورة في الجامعه ؟
امنه وهي سرحانه في عالم ثاني ..
مهاو هي تدزها: امنه ..سارة ترمسج ..
امنه: شوه؟ سوري ما سمعتج ..
جواهر: اللي ماخذ عقلج يتنهى به هههههه
سارة: هههههه انا قلت أنتي السنه اليايه بتدخلين الجامعه ويا نواري؟
امنه وهي لاويه بوزها: هيه بدش وياها..
جواهر: ياااحظج والله عااد الوناسه كلها ويا نواري ..
امنه:بس انا كليتي غير عن كلية نورة وربيعاتي غير بعد ..
سارة: بس المهم انج وياها في نفس الجامعه ..
مها: هيه والله صدقكم .. ياريتني كنت اكبر عن جيه ..والله ما بفارق نواري لحظه وحده ..
جواهر: مهااوي أنتي في أي صف الحين ؟
مها: اونج ما تعرفين ؟ههههه
جواهر: لا من صدقي ماعرف ..
مها: جان بتخطبيني حق مايد بقولج أنا في كي جي ون هههههههه
سارة:ههههههههههههه لا خلاص ميوود حق نور بنت فيصل ههههه
مها: بععععد ماشالله عليكم مخططين تسرقون خطيبي؟ هههههه
جواهر: ههههههههه صدق انج سالفه ..
مها: لا الصدق انا في ثالث ثانوي الحين يعني كبر سلطان ..
جواهر وهي مبطله عيونها: ليش سلطان كبرج؟
مها: لااا بس انا ما دخلوني رووضه فجدمووني صف ههههه
سارة: اهاااا
في ملس الريايل كانو حمد و خالد وعبدالله قايمين بالريايل ..
بو فهد: هاه خالد .. وين ابوك عيل ؟
خالد وهو مرتبك : هاه ؟ ابويا ؟؟
بوطارق: ليكون ما خبرتوه ان نواف بيي اليوم ؟
حمد: ماظني يدري لانه مشغول هالايام ..
فهد وهو يهمس في اذن ابوه : ابويا انا اباك تخطب نورة من فيصل مب من محمد ..
بوفهد: فهد.. محمد اخوها العود وولي امرها ولازم اللي نرمسه هو ..
فهد:اخخ يالقهر.. تعرف اني ما اداني محمد ..
بوفهد:خل عنك هالرمسه وسير ييب تلفوني من سيارتي نسيته هناك ..
فهد: انشالله ..
فهد كان طالع في الحوش ودريشة المطبخ اللي برى تطل على الحوش وكان رايح صوب السيارة بس يوم شاف شيخه من بعيد حب انه يسير يسلم عليها ..بس هو مايدري منو وياها ..اما شيخه فكانت مرتبشه في المطبخ ويا نورة ..
نورة: جانيت يالخبله شلي الجدر من هنيه ناويه تحرقين امي أنتي ؟
جانيت وهي ماتدري شو السالفه : ok I will شلي جدر يا خوبله..
شيخه: خوبله ؟ههههههه
نورة: هههههههه وخري عني يالخبله عن تطيحين اللي في ايدي..
فهد دخل ونورة كانت شيلتها على جتفها ومعطتنه ظهرها .. بس هو ما عرفها ووقف في مكانه ..
فهد: السلام عليج يا ام عبدالله ..
نورة يوم لفت وشافت فهد تمنت ان الارض تنشق وتبلعها.. وطلعت تربع من المطبخ حتى ما واحها الوقت تعدل شيلتها وتمت شيخه تضحك على شكل نورة وفهد بعده واقف ويطالعها يوم طلعت برى ووقفت في الحوش تترياه لين ما يروح .
شيخه: هههه الحمدلله بخير يعلك الخير شحالك انت يا فهد ؟
فهد :بخير وسهاله .. ام عبيد منو هاي؟
شيخه: أي وحده؟
فهد: اللي طلعت الحين ؟
شيخه: صدق انك عيااار ههههههه اونك ما عرفتها .. هاي نورة ..
فهد وهو طااير من الفرحه بس يبى يبين ان عادي عنده: صدق؟ وليش شردت.. حشى ما باكلها انا ..
شيخه: اكيد استحت منك ههههه
فهد: ههههه.. اوكي عيل ما عطلج عن شغلج ..
وهو طالع من المطبخ كانت نورة واقفه ورىالطوفه تترياه يمر ويروح عشان تدخل.. كانت واقفه وقلبها اللي جرحه فهد يعورها..
ويقولها :شوفي هذا هو اللي جرحني ولعب فيني .. وخلاني ما احب غيره ..
فهد لاحظها وسار لها ووقف جدامها مررررة ..يعني مافي مفر ان نورة تشرد مرة ثانيه.. كان فهد اول مرة يشوف نورة من 3 سنين تقريبا وطبعا نورة كبرت واحلّوت وتغير شكلها واايد ..
فهد: شحالج نورة؟
نورة نزلت راسها وكانت دموعها في عيونها: بخير ..
فهد وهو يرفع راسها بايده :دامج بخير عيل ليش هالدموع في عيونج؟
نورة انصدمت واستنكرت من الحركه اللي سواها فهد وشردت بسرعه صوب المطبخ ..اما فهد فكان مستغرب من نورة.. اللي راسم في باله انها سامحته وبعدها تحبه وتموت فيه.. ما درى انه جرحها وهي ما قدرت تنسى هالجرح ..
دخلت نورة على شيخه وويهها مب طبيعي ..
شيخه وهي مستغربه:نورة.. شو بلاج ؟
نورة وهي تمسح دموعها من على ويهها الاحمر: لا ماشي ماشي..
شيخه: ليكون متظايجه ان فهد دخل جيه ؟
نورة وتبى تمشي السالفه: هيه والله قهرني كيف يدخل جيه وانا مب لابسه شيلتي؟؟
شيخه:هههههه وتصيحين عشان جيه .. انزين نسى الريال ..
نورة: اووكي امايا يبي عنج انا بشل هالصحن ..
شيخه:لا لا انتي شلي دلة القهوة وسبقيني داخل ..
نورة: انشالله ..
يوم دخلت نورة داخل كان فهد واقف من بعيد ويراقبها ومتلوم فيها وحس انه زوّدها بالحركه اللي سواها في نورة ..اما نورة فدخلت عند الحريم وتظاهرت انها بخير ولاجنها من شوي صايحه ومتغصصه من فهد وسارت ويلست عدال نورة ..وام طارق كانت يالسه وميته من القهر من كثر ما كانو ام محمد وام فهد وشوق وفاطمه يمدحون نورة وباقي البنات الا بنتها امنه اللي حاولت انها تنافسهم وتمدح بنتها بس محد كان يعير امنه الاهتمام والاعجاب اللي معطينه كله حق نورة ..
ام طارق: الا اقول يا ام افهد .. متى بتعرسين ولدج ؟
ام فهد وهي تطالع نورة وتبتسم: فديته فهد حاط عينه على وحده ويباني اخطبها له ..
سارة وجواهر كانو يالسين ويدزون نورة بس نورة ما كانت وياهم كان ودها تجتل فهد على اللي سواه فيها ..
ام محمد: ومن هي هالبنت؟
ام طارق: اكيد طايح له على وحده من هالبنات راعيات الشباب وهالسوالف ..
ام فهد وبدت تعصب من رمسة ام طارق: ولدي ما عنده هالسوالف وبعدين اللي يباها منا وفينا وفديتها ماشي اعقل واحسن عنها ..
ام طارق والكل فهم من كلام ام فهد ان المقصوده بكلامها هي نورة وامنه كانت ميته من القهر. مب لان نورة انخطبت لا بس مقهورة ليش ان فهد هو اللي يباها وميت عليها مب مثل نواف
شوق: ممممم اظني عرفت منو تطرون..
فاطمه وهي تطالع نورة : هههههههههه حتى انا ..
ام فهد: هههههههه هاه نواري شو رايج ؟
نورة وخانقتها العبرة: هلا خالووه.. رايي في شو ؟
شوق: يا حلّوه الحلو يوم يستهبل ..
ام محمد:ههههههههههه فديتها نواري تستحي..
فاطمه: لا لا شكلها موافقه وخالصه ..
نورة كانت يالسه وتوزع من هالابتسامات الجذابه ..بس من داخلها مقهورة ومعصبه من اللي سواه فهد واللي ناوي يسويه..
#في بيت سلطان الشامسي#
كانت ام احمد يالسه ويا بنتها حمده ويسولفوون عن احمد..
حمده: امايا شو رايج نخطب له اخت خلفان شما.. فديتها والله جمال وشخصيه وكل شي حلو فيها ..
ام احمد وهي تمزح: وع ما حصلتي غير هالقصيره؟ هيه عشان باجر يطلعون هي وولدي على الكوشه رقم عشره ..لالالالالا
حمده:ههههه امايا أنتي عليج حركات هههه
ام احمد:ههههه لا لا امزح وياج صدقج شما ما بلاها شي بس هي شوي قصيره عليه ولا الباقي اللي قلتيه فيها وزوود بعد ..
حمده:انزين هو ما رمس ما قال يبى وحده معينه ؟
ام احمد: والله لين الحين ما رمس بس هو وايد يلمح لي..
وكانت وعد في هالوقت نازله من فوق ..
ام احمد: وعد فديتج تعالي شوي ..
وعد:لبيه يا احلى واغلى ام .. امريني..
حمده: تعالي يلسي وخبرينا ..تراج مخزن اسرار احمدوه..
وعد: نعععععععم؟ اخويا حبيبي فديت عمره يأمني على اسراره وانا ايي وانشرها على الملأ؟ اسفه
ام احمد:أي اسرار أنتي الثانيه صدقتي عمرج ..بغيت اعرف منج اذا احمد يبى يعرس ولا لا ؟
وعد ارتبكت شوي من سؤال امها لان احمد مخبرها من قبل انه يبى ياخذ نورة بس يوم تهدى الاوضاع ..
حمده:هاااه اشوفج ساكته؟ يعني في شي ..
وعد وهي تحاول انها تبين ان مافي شي: ماشي والله بس هو لمح لي كم مرة ووبس الحين اشوفه ساكت وماياب سيرة العرس ..
حمده:خلاص يا مايا توكلي على الله وخطبي له شما..
ام احمد: خبرج جيه؟ خلاص بفكر في الموضوع وبشوفه..
وعد وهي مبطله عيونها: أي شما؟ ليكون شمووه القزمه؟
حمده: قزمه في عينج.. من طولج الحين تعيبين على البنت.. شو بلاها شما؟ والله ما شفت وحده تناسب احمد كثر شما ..
وعد:خييبه الحين شما تناسب احمد؟ والله ماعندج سالفه..
ام احمد: ممم بس يا وعد انا بشاوره وبشوف شو راييه وبعدين اذا وافق يلسي قولي ما تناسبه وتناسبه ..
#عند مدخل العين#
نواف: ااخخخ يا احمد تصدق .. ما اصدق الحين بسير البيت وهي هناك ..
احمد كان في خاطره يقوله نفس االكلام بالضبط ..انه بيسير بيت نورة وهي هناك مرتاحه يوم عرفت ان اخوها بيرجع لها ..
احمد:ههههه عدااال يا عنتر .. لاحق على عبله
نواف:هههههه أي عنتر انت الثاني ..والله حتى روميو ما حب جولييت كثر ما حبيتها..
احمد: انزين متى ناوي تفاتح ابوها في السالفه ؟
نواف: والله مادري تصدق .. اخاف ارمس الحين يقومون كلهم علي ..تعرف بعد سالفة بنت عمي وجيه ..
احمد:انزين اذا ما استوالك نصيب ويا بنت خالتك لا سمح الله يعني واضطريت انك تاخذ بنت عمك شو بتسوي ؟
نواف: فال الله ولا فالك .. انت ليش جيه ..تفاول علي بالموت ؟
احمد:ههههه عمرك طويل يا نواف بس من صدقي ارمس .. انت المفروض تحط هالاحتمالات جدام عيونك من زمان..
نواف: ياخي البنت تباني وانا اباها ليش اعقد المساله بعد؟
احمد:مب معقدها بس اقولك افرض ..شو بتسوي؟
نواف:بنتحر..
احمد: اقوولك قولي شو هي الطريقه عشان الحقك..
نواف بخبث:ههههههههه ليش ليكون انت بعد تح....
احمد وهو يشّل: ماهو بسهل الفواد ينساك ..ماهو بسهل الفراق يا خل ..والله احبك حب واهواك ..وحبك غزا الفواد واحتل ..
كان صوت احمد روعه وهو يشّل ..
نواف: روووّوح يابوشهااااب.. الله تذكر ايام قبل يوم نيلس و عيسى يكتب القصايد وانت تشّل؟
احمد:ههههه هيه والله ايام حلووة وعسى الله يردها علينا ..
نواف:آآمين .. انزين خبرني منو هي ؟
احمد:طاعو هذا صدق؟ انا وين وسوالف الحب وين..
نواف:هيه صدقك انا نسيت انت اصلا من وين بتحصل وحده طولك؟
احمد:ههههههه من زين طولك الحين يالقزم ؟
نواف: على الاقل مب شراتك تقول برج العرب ههههه انت مدخلينك موسوعة جينس ههههههه
احمد: هيه حق احلى واحد في العالم يمكن ههههههه
نواف: مشكله الثقه في النفس ياخي ههههه
ووصلوا احمد ونواف البيت وكان مدجمنهم عيسى وعمامه ..ويوم نزل نواف تنهد وابتسم.. وكل الريايل طلعو يسلمون عليه.. اما الحريم فكانو بعدهم ما يدرون الا يوم دخل نواف ولد شيخه وحصل سارة ونورة يرتبون حق الغدا وخبرهم ..
نورة وهي تصارخ من الفرحه: نواافوو والله اذا تتمصخر وياي بذبحك.. ويييينه؟
نواف: والله ما اتمصخر .. سيري شوفيه هو برى اذا ما تصدقيني بعد ..
وطلعت نورة ووقفت عند الباب هي وسارة اللي كانت ميته من الفرحه وتتنافض ويوم لف نواف وشافهم وقف في مكانه مب عارف شو يسوي خصوصا عقب ما شاف سارة واقفه عدال نورة.. حس انه روحه ردت له من اول ويديد..
نورة تزقره وهي تصارخ: نوااااااف
نواف يرد عليها وهو يصارخ: نوااري ..
عيسى: الله فلم هندي على الهواء مباشرة..
احمد:هههههه ..
احمد كانت كلمة طاير من الفرحه شوي عليه.. صح انه ما شاف نورة بس يوم سمعها وهي تصارخ تم صوتها راسخ في باله وما فارقه ابد ..ونواف يوم سار يسلم على نورة سارة استحت وعلى طول اندست داخل .,
نواف: سيري ازقريها ..بسررررعه قبل لا حد ايي..
نورة:ههههه ابشرك امي والقافله كلهم يايين الحين ..
نواف: افف خسارة كنت ابى اسلم عليها..
نورة: نوافووو .. اونك هااااه ..وياويهك اصلا المفروض اني ارقعك على ويهك انزين ..
نواف: فديتج هههههههههه والله ولهت عليج ..
نورة:ههههه وانا اكثر ..
وياو كلهم وسلمو عليه وامنه كانت يايه وياهم ..
امنه وهي تحاول تصطنع الرقه والبراءة وتحاول تكسب رضا نواف واعجابه:الحمدلله على السلامه يا نواف..
نواف ومن غير نفس: الله يسلمج ..
جواهر: هاه نوافو شو استانست في لندن؟
نواف: طبعا لا لانج مب هناك هههه
جواهر: كنت متاكده من هالشي هههههه
نورة:ههههههههه صدقتي عمرج انتي؟انزين نواف شو يبتلي من لندن؟
مها: طاعو الفياجه بس انتو ..ههههه
نواف:هههههه والله صدقج يا مها ..
ام محمد: نواف اوعدني انك اخر مرة تسويها .. حرام عليك تسوي فيني جيه ..
نواف وهو يبوس ايدها: انشالله يامايا ..
نواف : انزين عيل سمحولي الحين بسير عند الريايل ..
الكل: مسموح .. والحمدلله على السلامه ..
وقبل لا يطلع زقر نورة عشان اونه يباها في سالفه مهمه..
نواف: نواري دخيلج سيري ازقري سارة ..
نورة وهي مبطله عيونها: ويا ويهك تبغي تسوي جريمة قتل انت ؟
نواف: ليييش؟
نورة: اصلا امنه شاكه انه في شي بينك وبين سارة وكانت تسالني انزين واذا درت انك ناوي تاخذها عاااااشو كملت.. بتذبحني انا وانت وسارة..
نواف: تهبي والله .. ماعاش اللي يمس سارة باذى ..
نورة وهي تغمز له: لا تيلس تطلع حركات الحب علي .. ما عليه بعدين يوم بتسلم على سارة طلع كل اللي في خاطرك ..
نواف وهو متشقق: هههههه من صدقج؟ يعني بشوفها بعدين ؟
نورة: بحاول بحاول مع انها هي بتموت وبشوفك بس ياالله هدية رجوعك هاي ..
نواف:هههههههه اونج تحاولين تسكتيني ؟؟ انزين على طاري الهديه .. يودي..
نورة: شو هذا ؟
نواف: هاي هدية سعيد حقج .. تيلفون ..ورقم حلو بعد..
نورة وهي مستااانسه : يااااااااي واخيرا .. قوله مشكووور وااااااااااااايد يابوعبيد..
نواف:هههههه انشالله يالله برايج بشوفج بعدين..
نورة: تيت
نواف لف عليها :شو وين يالسين في الماسنجر ههههههه
نورة وهي متقفطه: ههههه نسيت عمري خخخخ
#في بيت جاسم الكتبي#
خليفه كان يالسو يطرش مسجات حق امنه وطبعا هي طابتنه وما ترد عليه ..
دخلت لطيفه على اخوها خليفه ..
لطيفه : خليفه ..شخبارها امنه ؟
خليفه: والله شو قالولج انا وكالة انباء متنقله ؟ اعرف اخبار الكل؟؟
لطيفه وهي مبطله عيونها: انزين بسم الله شو قتلك انا عشان ترد علي جيه ؟؟
خليفه: ما قلتي شي ..
لطيفه: زين عيل لو قايله شي شو بتسوي بعد ..
خليفه: لطووف.. والله اني مالي خلق عليج ولا على سوالفج .. تبين تسولفين سيري عند نهيان ومنى هم يحبون يهذربون..
لطيفه وهي طالعه :افف منك صدق انك نكدي ..
يوم سكرت لطيفه الباب يلس خليفه يفكر ويقول ..ليش انا اتصرف وياهم جيه؟ هم شو ذنبهم؟ هم شو سوولي؟ هي امنه بسس امنه اللي تستاهل اني اعاملها هالمعامله واخس من هالمعامله بعد.. بس اخخخ منك يا زمن لو تجمعني فيها مرة ثانيه ..بعلمج يا امنه منو هو خليفه..
في اليوم الثاني ..احمد كان يالس ويتذكر سالفة نورة ويا فهد ويوم خبرته وعد عن النذاله اللي سواها في نورة.. استغرب لانه امس شاف فهد وما حصل اطيب منه في تعامله مع الناس ومع هذا كان احمد مب مرتاح له وحاط عليه ليش انه سوى جيه في اعذب وارق ملاك في هالكون.. نورة
دخل احمد اونلاين وكالعاده نورة كانت تترياه ووياها سوالف مالها حدود.. تمو يسولفون ونورة تخبر احمد عن نواف ويوم رجع البيت.. وحتى انها خبرته انه ناوي يخطب بنت خالته سارة .. وهو كان مستاانس وايد لانه حس ان نورة خلاص ارتاحت له ..
جرح الزمن: بلاج صخيتي مرة وحده ؟
وجه المرايا: ماشي ..
جرح الزمن: علييي؟؟ يالله قوولي..
تمت ساكته شوي وردت تتكلم : تذكر يوم قتلك اني كنت احب واحد من قبل ؟
جرح الزمن: هييه ؟
وخبرت نورة احمد بسالفتها ويا فهد اللي كان يعرفها من قبل بس حب انه يعرفها من نورة.. وخبرته نورة عن الحركه اللي سواها امس وياها وهالشي خلى احمد يعصب بالقووو..
جرح الزمن: هذا شو من البشر ابى اعرف ؟؟
وجه المرايا: لا وازيدك من الشعر بيت .. الحبيب ناوي يخطبني ..
هنيه احمد حس ان الدنيا اسودت في عينه وشوي وبيموت.. وتم سااااكت ...
وجه المرايا: احمد .. وينك ؟
جرح الزمن : هنيه
وجه المرايا: اقوولك شو اسوي بهالمصيبه اللي حلت علي؟
جرح الزمن :......تم ساكت مب عارف شو يقول ..
وجه المراايا: احمد شو بلاك ؟ مشغول؟؟
جرح الزمن: لا لا وياج..
وجه المرايا: انزين شو اسووووي : (
جرح الزمن وبدون ما يحس بعمره: نورة .. انتي بعدج تحبينه؟
نورة.. نورة ويييين.. يوم شافت اسمها قالت على نفسي السلام.. تمت مصطنه في مكانها وسكتت.. حست ان الدم اللي يجري في عرقوها وقف.. ونشف .
شو بتكون ردة فعل نورة عقب ما شافت ان احمد يعرف اسمها؟ بتعرف انه هو اخو وعد؟ وشو بيكون موقفها منه؟ بتكرهه مثل ما كرهت فهد ؟ ولا لا .. وامنه شو اللي بييها من خليفه ..

"*"الجزء الثالث عشر "*"
نورة حست ان العالم انتهى يوم شافت اسمها.. تمت تقول في خاطرها يمكن مغلط ولا شي.. ولا كان يبى يناديني باسم من عنده وصادف انه يكون نفس اسمها.. جذبت عيونها اللي كانت تشوف اسمها مكتوب في صندوق المحادثه ..
اما احمد فتمنى انه يموت في اللحظه اللي كتب فيها اسم نورة.. سكت هو الثاني ما عنده شي يقوله عقب ماصار اللي كان خايف انه يصير .
وجه المرايا: نورة ؟
جرح الزمن: ............(ساكت وماعنده أي شي يقوله (
نورة كانت مخيسه الكيبورد من الدموع اللي تطيح بدون ما تحس فيهن.. ومب قادرة تكتب.. كانت تتنافض من شو؟ ماكانت تدري هل هو خوف؟ هل هي صدمه؟ يمكن هي صدمه خلتها تقطع واير النت بدون ما تحس وتروح تيلس على شبريتها وتصيح شرات الياهل.. كانت تصيح وتقول :ليش انا جيه؟ ليش انا غبيه؟ ليش فهد يسوي فيني جيه؟ اكرهه اكرهه والله اكرهه ..
نورة المسكينه كانت تتحسب ان فهد مسوي فيها الحركه مرة ثانيه وقاص عليها .
اما احمد يوم شاف ان نورة اوفلاين عرف انها طلعت وسوت له بلوك وديليت.. حرق ايميلها من الايميلات بس.. بدوون أي فايده.. سار عند وعد مثل المينون وكانت وعد يالسه ترتب غرفتها يوم دخل عليها احمد ..
وعد وهي تشهق: خيبه شوي شوي يا بوشهاب كسرت الباب ..
احمد: وعد .. دقي حق نورة يالله بسرعه ..
وعد: نعم ياخويا ؟؟؟ يالله يالله بعيد ..
احمد وبدى يعصب: وعد ..دخيييلج دقيلها يالله ..
وعد وحست ان السالفه فيها إن : ليش تباني ادقلها ؟ شو سويتلها بعد؟
احمد: انتي دقي الحين وخلاص..
وعد: انشالله بس لا تعصب ..
ودقت وعد حق نورة على تيلفونها.. نورة يوم شافت رقم وعد ارتاحت وطبعا هي لين الحين ماتدري ان احمد اخو وعد واصلا هالشي ما طرى على بالها ..
نورة (وصوتها رايح فيها من الصياح): وعد .. لحقيني يا وعد ..
وعد وقلبها قبضها: نواااري ؟؟ شو بلاج ؟؟ ليش تصيحين ؟؟
احمد كان يالس عدال وعد.. ووعد كانت حاطه التيلفون على السبيكر.. سمع صوت نورة وهي تصيح حس ان قلبه تقطع قطعه قطعه..
نورة: فهد الجذااااب .. سواها فيني مرة ثانيه ..
وعد وهي تدز احمد بعيد :فهد ؟!!! شو سوى ؟
نورة: ال******************************** ما سده انه جذب علي مرة لا وهالمرة خلاني اصدقه.. صدق اني غبيه.. صدق اني غبيه ..
وعد :خلاص يا نورة هدي شوي وانا الحين بييج انزين ..
نورة :صدق؟؟
وعد: هييه ..يالله برايج ..
نورة:حياج الله .. وانا اترياج ..
وعد: اوكي باي..
نورة: مع السلامه..
وعد وهي معصبه وواصل حدها من احمد: احمد .. يالله وصلني بيت نواري..
احمد وهو منزل راسه: مب قادر اتحرك يا وعد.. مب قادر.. عقب ما سمعت صوتها وهي بهالحاله.. مب قادر اوقف على ريولي..
وعد: عشان تعرف.. يوم قتلك خلها في حالها.. وانت تقول لا لا ما بخليها هي محتاجتني ..وشوفها الحين المسكينه.. ظلمت ولد خالتها وهي ما تدري انك انت ساس البلى .
نزل كلام وعد مثل السجاجين في قلب احمد.. قلبه اللي سكّن فيه نورة وبنالها احلى القصور وصور لها اجمل الحدايق فيه ..
احمد : وعد الله يخليج لا تقولين جيه انتي تذبحيني بكلامج هذا..
وعد سكتت وتنهدت : انزين يالله بتوصلني ولا اسير ويا الدريول ؟
احمد كان ساكت ودموعه في عينه ...وعد يوم شافت حال احمد كسر خاطرها هو الثاني ..
وعد:خلاص يااحمد.. انا اسفه ماقصدت والله .. بس نورة شو ذنبها ؟
احمد:ادري والله ان مالها ذنب ..بس شو اسوي يا وعد والله احبها..
وعد وهي مبطله عيونها: قوول والله ؟
احمد: عيل شو تتحريني العب على بنت الناس؟
وعد: لا والله بس ماهقيتك تحبببببها اتحريتك بس تعزها يعني.. انزين اسمع انا بسير الحين بترخص من امي وبسير ويا الدريول وبشوف نواري..
احمد:وشو بتقولين لها ؟
وعد: آآآاه والله مادري مادري ..بس هي محتاجه حق حد يكون وياها الحين ..
احمد: وعد دقيلي وخبريني بكل شي بليز ..
وعد: انشالله بحاول ...
&-_. في دبي . _-&
فهد يالس ويا هزاع في الكوفي شوب وسرحااااان ويفكر في نورة..
هزاع: حوووه وين وصلت ؟؟؟
فهد : هااه ؟؟ ما وصلت مكان ..
هزاع: عيل بلاك جيه ؟؟
فهد : لا ماشي سلامتك ..
هزاع وهو مب عارف يرمس: احم،انزين شو صار على موضوعي ؟
فهد: أي موضوع ؟.
هزاع:افااا .. ليكون مالي نصيب؟
فهد: ههههههه هييه تذكرت .. ليش امي ما ردت على الوالده ؟.
هزاع: لا والله .. يعني لو راده عليها بفشل عمري و بسالك؟
فهد: ااوووه يمكن امي ما قالت حق البنت لين الحين ..
هزاع وهو مبطل عيونه: خييييييبه.. بويه انا خاطبنها من اسبوعين الحين وما حصلت جواب واخر شي تقولي انكم لين الحين ما شاورتو البنت ؟
فهد:هههههههههه انزين بتخبر امي وبرد لك خبر باجر ..
هزاع: باجر هاه ؟؟ قصدك السنه اليايه ..
فهد: هههههههههه لا لا باجر انشالله الخبر بيكون عندك ..
#في بيت الخاله وديمه #
سارة وجواهر وام فهد يالسين في الحديقه.. سارة تطالع العصافير اللي تطير في السما وكانت طايرة وياهم باحلامها الورديه.. في السما اللي كانت تشوف ويه نواف فيها ..اما جواهر فكانت يالسه ومتظايجه ومتكدره لان هزاع ما زارهم من اسبوع ولا تعرف عنه أي شي ..
ام فهد : جواهر..
جواهر: لبيه ..
ام فهد وهي متردده : شو بغيت اقولج..
جواهر: امايا ؟؟ شو السالفه ؟
ام فهد: لو ياج هزاع بتردينه؟
جواهر حست ان قلبها طايح في ريولها وحاولت تستهبل:لو ياني؟ شو يبى مني؟
سارة تتدخل: شو يبى منج بعد ؟ يبى يتمنظر في ويهج خخخخ
جواهر وهي مرتبكه: ساااروه ويا ويهج ..لا صدق امايا بلاج ؟ تبين تقولين شي؟
ام فهد: هييه .. والله ام هزاع مرمستني من اسبوعين وتباج حق ولدها هزاع .. هاه شو قلتي ؟
جواهر استحت وسكتت ..
سارة تدزها وهي تضحك : يالله عليج يوم تستحيين يا جواهر شكلج كيوووت ..
ام فهد : ههههه هاه نقول مبروك ؟
جواهر وقفت وقالت بكل رقه : اللي تشوفونه سووه وانا راضيه فيه ..
سارة: ايوا يا ناعم انت هههههه
ام فهد قامت وباست جواهر: مبروووك يا بنتي .. وعقبال سارة قولي آمييين ..
جواهر: آمين ..
وسارت جواهر غرفتها.. كانت مب عارفه شو تسوي من الفرحه تصيح؟ تضحك؟ تصارخ؟ كانت الدنيا مب واسعتها من الفرحه اللي هي فيها ..
&-_. في العين . _-&
#في بيت محمد الشامسي#
مريم يالسه في الصاله بروحها وشايله هم الدنيا هم ريلها محمد اللي كل يوم راجع لها وهو مب عارف شو اللي يصير حواليه وهي اللي تحصل منه الضرب والإهانات ولا الهم اللي شالته عقب الموقف الاخير اللي صار بينها وبين عيسى واللي عقب هالموقف ما شافت ويه عيسى اللي كان يالس في بيت يدته ولا رجع بيتهم ..
دخل عليها خالد وشافها مهمومه ومتكدره ..
خالد وهو يبوس راسها : السلام عليج ياامايا..
مريم: وعليك السلام...
خالد: شحالج امايا؟
مريم: الحمدلله ..
خالد : يامايا هاي مب حاله ما تاكلين ولا تشربين وكله يالسه بروحج وشايله هم الدنيا ..
مريم: يعني شو تباني اسوي يوم انه ولدي ونظر عيني طالع من البيت وحاط في خاطره علي ؟؟
خالد: افا عليج يامايا.. انتي اكثر وحده تعرفين عيسى انه ما يشل في خاطره على أي حد ..وين تبينه يحط في خاطره عليييج انتي؟ انتي اغلى شي في دنيته..
مريم: لو انا غاليه عليه جان سال عني او رجع البيت..
خالد: خلاص يامايا انتي تعرفين انه حساس شوي ..
مريم: الله يهدييه ..
خالد: الله يهدينا كلنا يامايا .. انا ساير بيت يدي عند نواف ..اوديج وياي؟
مريم: لا بتم هنيه ..
خالد: يامايا الله يهديج وين اتمين هنيه بروحج .. قومي يالله بوديج انتي حتى ما سلمتي على نواف يوم رد ..
مريم: انا مب بروحي ابوك بيي بعد شوي ..
خالد: ابويا؟؟ يامايا ابويا بيرجع ويه الفير ..
مريم: اللي هو انا بيلس اترياه حتى لو يا عقب اسبوع ..
خالد تنهد وقال: يالله .. برايج عيل.. انا بسير وما بطول وبرجع بسرعه ..
مريم: الله يحفظك
#في بيت العم بو ناصر #
امنه يالسه وماسكه تيلفونها وتمسح مسجات خليفه اللي استفزتها.. وهي يالسه تمسح المسجات يتها امها ..
ام طارق: امنه يابنتي بغيتج في موضوع ..
امنه وبدون نفس : شو؟
ام طارق: في عرب رمسو ابوج ويبونج حق ولدهم وبيوون باجر يشوفونج..
امنه: نعم؟؟؟؟؟
ام طارق: هيه الريال زين ومافيه شي وبعدين انتي تعرفين اخته.. لطيفه بنت جاسم الكتبي ..
امنه انصعقت وانصدمت وبطلت حلجها وعيونها : شووووووو؟
ام طارق: هيه وابوج موافق ..
امنه :شووو موافق بعد؟ على كيفكم السالفه هي؟ انا صاحبة الشور وانا قلت لااا..
ام طارق وهي معصبه: بس ولا كلمه .. انتي احمدي ربج ان حد يا وخطبج عقب ولد عمج اللي فظحنا ..
امنه وهي تصارخ في ويه امها: شو احمد ربي بعد.. انا مخطوبه حق نواف ومحد بياخذني غيري..
طارق كان نازل من فوق وسمع امنه تصارخ في ويه امه نزل ويا عندها وهو معصب : ايييه انتي.. شو بلاج جيه تصارخين على امي هااه؟
امنه وهي تصارخ:وانت وياهم صح ؟
ام طارق: امووون بس..
امنه: لا بعد يمكن محددين متى العرس وعزمتو الناس وانا اخر من يعلم ؟؟!!
طارق: اموون سكتي ترى والله ما بيستويلج خير .. امايا شو بلاها هاي ؟
ام طارق: يابوك تقول ما تبى خليفه الكتبي ..
امنه وهي حاطه ايدها على خصرها: حقي.. يعني مب من حقي بعد ؟؟
طارق كان خلاص معصب وواصل حده من كثر ما امنه صرخت وقلة ادبها عليه.. ضرب امنه على ويهها ضربه خلتها تطيح على الارض..
طارق وهو معصب: بتاخذينه يعني بتاخذينه فاهمه احمدي ربج ان حد رظى فيج اصلا.. امايا اذا سوت أي شي قولي لي بس والله لاعلمها الادب ..
ام طارق: استهدي بالله يا طارق ..وخلاص روح روح
طارق: انا رايح بس سمعيني يا امون شكوى وحده اتيي من أي حد اعرفي انج بتموتين علىايدي فاااهمه ؟؟
امنه : ....(كانت يالسه على الارض وتصيح )
طارق وهو يصارخ : اقووولج فاااهمه ؟؟
امنه :فاااا...هه..مه..
وطلع طارق من البيت وهو ما يشوف جدامه.. كان المفروض انه يسير الفندق ويجيك على الصاله اللي حاجزها حق عرسه اللي بيستوي عقب كم يوم بس من كثر ماكان معصب على امنه نسى انه يروح ..
#-#-
نرجع حق نورة اللي كانت حالتها حاله ومب عارفه راسها من ريولها.. كانت يالسه في الصاله ومرتبكه وتتريا وعد وكل شوي تطل من الدريشه .
نزل عيسى من فوق وشاف نورة على هالحاله : هلا والله بالغلا كله ..شحاله الحلو اليوم ؟
نورة وتبتسم مب من الخاطر : بخير ..شحالك انت ؟
عيسى: والله حالي نفس ما تشوفين يالس ويا نواف وعقب شوي بنطلع،، شو بلاج متلبسه تترين حد اييج ؟
نورة: هيه ربيعتي وعد بتيي..
عيسى: هيييه .. مب هي اخت احمد الشامسي؟
نورة وهي تطالع ساعتها: هييه هي ..
وشوي ولا وعد تدخل الصاله وبدون ما تدري ان عيسى يالس ..
نورة وهي تهمس: عيسووه قوم وقف وهز طولك وسير فوق يالله..
عيسى وهو منزل راسه ومستحي : انشالله انشالله ..
وعقب ما راح عيسى فوق رفعت وعد غشوتها ..
وعد: فديتج والله طمنيني عليج الحين ؟
نورة: مب بخير انزين .. تعالي بنسير فوق وبخبرج السالفه ..
وعد: اوكي يالله ..
وسارو فوق وخبرتها نورة بكل شي ..
وعد وهي منزله راسها :نورة حرام لا تظلمين ولد خالتج ..
نورة وهي مبطله عيونها: شوو لا اظلمه.. جوفي حقارته بس انتي.. ليش يقص علي؟؟ لييش؟ لا وبعد يقولي اسمه احمد..
وعد:لانه مب هو اللي مسويبج جيه ..
نورة: وانتي شو دراج هاه ؟
وعد تمت ساكته ومب عارفه شو تقول : نواري انتي تعرفين شكثر انا احبج وما ارضىعليج صح ؟
نورة : وعد نحن مع بعض من يوم ماكنا في الروضه ..شو هالسؤال السخيف بعد؟
وعد: نواري .. اللي كنتي ترمسينه هو احمد اخويا ..
نورة كانت مبطله عيونها وحست انها واقفه وسط دووامه وهي تيرها داخل..
نورة وقفت وتمت دموعها تنزل على ويهها وهي تدور في الغرفه وتسأل: شووو؟ احمد؟ احمد اخوج؟ احمد الدكتور.. احمد ربيع نواف وعيسى؟ احمد احمد؟ اللي تسولفين عنه؟ ليش؟ ليش؟
وعد ودموعها في عيونها: نواري الله يخليج اهدي شوي وبتفهمين السالفه وان احمدمظلوم ..
نورة وبدت تعصب: مظلووم؟ لا لا محد مظلوم غيري انا.. ليش سوى فيني جيه؟ يباني اتعلق فيه واحبه ويسوي فيني مثل فهد؟ هاااه
وعد: لا لا نواري احمد يحبج من صدقه.. وهو كان يباني اقولج من زمان انه هو اخوي .. بس انا ما طعت ..
نورة وهي تصارخ: يعني انتي تدرين من زمان ومخليتني على عماي؟ ليش يا وعد؟ توج تقولين انج تحبيني وانج ما ترضين علي؟
وعد يلست تصيح وماقدرت ترمس ..عيسى ونواف كانو طالعين بس سمعو صراخ نورة طالع من غرفتها ..
نواف وهو مستغرب: خيبه شو ها ؟ نواري ليش تصارخ جيه ؟
عيسى: مادري والله توها ربيعتها يايتنها مادريبهم ..
نواف وهو يدق عليها الباب :نواري؟
نورة هدت وسكتت : هلا
نواف: تعالي شوي ..
نورة : عندي ربيعتي الحين ..ونحن مشغولين شوي ..
نواف استغرب من رد نورة عليه وتهربها من انها تطلع :اوكي برايج..
نواف:عيسووه ليكون ذبحت ربيعتها ؟ هههه
عيسى: هههه حرام عليك ..يالله روحنا خالد يتريانا تحت ..
نورة كانت واقفه ووعد كانت يالسه.. كل وحده مب قادره تمسك دموعها اللي تنزل جنها انهار ..وبعد ماهدت كل وحده فيهم ..
وعد: نورة سامحيني الله يخليييج ..
نورة:بس يا وعد .. سكري السالفه الله يخلييج ..
وعد: لا يا نورة انا اكثر وحده تعرفج .. انتي ما بتنسين هالشي طول عمرج ..
نورة وهي تحاول انها تبتسم : ومنو قالج اني مابنساها ؟؟
وعد: انتي بعدج ما نسيتي سالفة فهد ..
نورة: لا نسيتها .. والدليل اني بوافق عليه اذا تقدم لي ..
وعد وهي منصدمه وحست ان حد ضربها كف على ويهها: نواري انتي ينييتي؟
نورة: ليش ينييت ؟؟ عشان بوافق على فهد ؟؟
وعد: يا نورة انتي مب بس تكرهين فهد .. انتي مب قادره تنسين اللي سواه فيج ..
نورة: كل اللي في قلبي بنساه وبفتح وياه صفحه يديده ..
وعد :واحمد اخويا ؟؟
نورة: شو بلاه اخوج ؟
وعد: نواري احمد يحبج وناوي يخطبج من نواف ..
نورة: والله ؟ زين زين ..
وعد: انتي شو بلاج مب مصدقه ؟؟
نورة: لا مصدقه منو قالج اني مب مصدقه ؟
وعد تنهدت وسكتت وماعرفت شو تقول حق نورة ...
يا ترى نورة بتوافق على فهد.. بس احمد وين راح ؟؟ معقوله نورة تنسى احمد ؟؟

 
 

 

عرض البوم صور همس الليالي   رد مع اقتباس
قديم 24-09-06, 08:45 AM   المشاركة رقم: 10
المعلومات
الكاتب:
اللقب:

البيانات
التسجيل: May 2006
العضوية: 4772
المشاركات: 57
الجنس أنثى
معدل التقييم: همس الليالي عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
همس الليالي غير متواجد حالياً
وسائل الإتصال:

كاتب الموضوع : همس الليالي المنتدى : القصص المكتمله
افتراضي

 

"*" الجزء الرابع عشر "*"
*+*خلاص يكفي .. لا تجيني ولا اجيك .. الافضل ابقى في حياتي لحالي.. اللي جا لي منك يكفي والله يخليك .. وانا اتحمل كل اللي جرى لي ..*+*
على صوت محمد بورحيمه كانت نورة تعاتب نفسها وتلوم نفسها على انها عطت فرصه حق انسان ثاني انه يتلاعب بقلبها وباحاسيسها .."بس ليش سوى فيني جيه؟ ليش جذب علي وما قالي الصدق؟ اكييد كان يباني انا اللي اتعلق فيه وبعدين هو اللي يغدر فيني ويسوي فيني مثل فهد!!"..هذا كان تفكير نورة.. اللي كانت فاهمه احمد غلط.. احمد اللي عمره ما غلط عليها وما قالها كلمة تجرح شعورها وتخليها تزعل منه.. احمد اللي عرفها وحبها ..وزاد حبه لها في قلبه يوم ورى يوم.. بس خلى هالحب كامن في قلبه وما بّينه حقها عشان ما يخسرها.. بس هو في لحظة ضعف خسرها.. ويوم خسرها خسر قلبه اللي كانت نورة ساكنه فيه بدون ما تدري.. آآآه صدق يوم قالوها.. صعبه تحبه وهو ما يدري فيك ..
دخلت شيخه على نورة وشافتها معلية على الصوت وحزينه ..
شيخه: نواري فديتج شو بلاج؟
نورة وهي تقصر صوت المسجل : مابلاني شي ..
شيخه: لا انا اعرفج زييين .. قوليلي منو مزعلنج ؟
نورة: محد مزعلني ..
شيخه: ليكون زعلانه من وعد .. لان امس يوم كانت هنيه كان شكلها مب عايبني ..
نورة: وعد؟ لا مب زعلانه منها وليش ازعل منها ؟؟ هي ما سوت لي شي ..
شيخه: انزين يالله قومي بنسير دبي ..
نورة: ليش؟؟؟؟
شيخه:شو ليش بعد ؟ عرس طارق عقب يومين وانتي بعدج ما شريتي ولاشي .. قومي يالله
نورة: انزين الوقت ما بيسد عشان افصل ..
شيخه: لا لا تفصلين بنشتري جاهز ..يالله قومي ..
نورة: انشالله ..
#في بيت سلطان الشامسي #
احمد كان يالس في الحوش ودموعه تنزل على ويهه.. حتى انه ماله خاطر يسير المستشفى ويداوم.. مب عارف شو يسوي.. عقب ماعرف من وعد ان نورة بتوافق على فهد.."يعني شو؟ خلاص خسرتها؟ كله مني.. كله منيييي.. لو اني ساكت هذاك اليوم جان ما استوى اللي استوى ..آآآخ يا قلبي.. والله اني بدونج ما اسوى ولا شي يا نورة "
وكان تيلفون احمد يرن ويرن وهو ما يرد عليه لين ما انتبه ويوم شاف رقم نواف ما حب انه يرمسه وهو بهالحاله بس ما قدر يطنش لانه مهما كان ربيعه ويمكن يكون محتاج له في أي شي
نواف: الووووو
احمد وبصوت متغير : مرحبا نواف ..
نواف وهو مستغرب: مرحبتين يا بوشهاب .. شحالك ؟
احمد: الحمدلله وانت شحالك ؟
نواف: بخييير وسهاله ..بوشهاب خير شو بلاه صوتك جيه ؟؟
احمد:لا ماشي مزجم شوي تعرف تغيير الجو بعد ..
نواف: أي تغيير جو ونحن بعدنا في الصيف ..انا المفروض اللي ازجم ههههههه
احمد : لا مادري بس جيه مزجم شوي ..
نواف: هيييه سلامات ماتشوف شر ..
احمد: الله يسلمك ..
نواف: اقولك يا بوشهاب ..انا والشباب بنسير العزبه ونباك تخاوينا ..
احمد: اسمحلي يا نواف .. والله تعبان شوي ومب قادر اطلع من البيت ..
نواف: دام ان السالفه تعب ومرض .. عيل مسموح يالغالي وما تشوف شر مرة ثانيه ..
احمد: الشر ما ايييك ..
نواف: تتحراني صدقتك؟ يالله قول شو عندك؟ انت صوتك مب عايبني واكيد فيك شي.. يعني مب معقوله عشان زجام ما تروح تداوم في المستشفى؟
احمد وهو منصدم : وانت شدراك اني ما داومت ؟
نواف: مصادر خاصه ههههه .. انزين خبرني شو صاير؟
احمد : مب صاير شي .. مثل ما خبرتك بس زجام ..
نواف: انزين عيل تعال ويانا العزبه عشان اصدق ان مافيك شي ..
احمد :اووكي خلاص .. بلقاكم في العزبه..جيه زين ؟؟صدقت ان ما فيني شي ؟؟
نواف: ههههههه هيه يالله عيل نترياك هناك.. وترى لا تخاف العشا علينا ..
احمد: دام جيه عيل انا بسبقكم ..
نواف:هههههههه قوووول جيه من اول شي انك ما تبى اتيي عشان ما تييب العشا وياك يالزطي خخخ
احمد:الحمدلله يوم انك فهمت ههههه
نواف: ههههههههه والله انك عجيب وانت مزجم هههههه
احمد :اوكي عيل بلقاكم في العزبه ..
نواف: حياك الله ..
&-_.في دبي._-&
#في السيتي #
نورة كانت سايرة ويا شيخه وشوق اللي كنت يايبه بناتها وموديتهم عشان يلعبون ويا عيال شيخه وفاطمه.. وطول الوقت نورة كانت ساكته ومالها حس على غير عادتها.. كانت نورة يالسه تتذكر اول مرة عرفت فيها احمد وكيف كان طيب وياها.. كانت تحاول تقنع عمرها بانه هو جذاب وقص عليها بس هي عارفه انه عكس اللي كانت تفكر فيه ....
شوق: شو رايكم ناخذ العشا من هنيه ؟؟
شيخه: والله فكره حلوه .. انتو يلسو هنيه وانا بسير باخذ العشا ..
شوق: لا انا بسير ويا فاطمه وبييب العيال .. نورة بتيلسين ولا بتيين ويانا؟
نورة: لا انا ابى ايلس شوي ..
فاطمه : اوكيه انتي يلسي في الكوفي شوب اللي في دبنهامز .. ونحن بندق لج وبنخبرج نحن وين ..
شيخه: عيل بنحط اغراضنا عندج ..
نورة: اووكي ..
وسارت نورة ستار بكس ووياها الاغراض.. قبل لا تدخل نورة الكوفي شوب وقفت شوي في مكانها وتذكرت ان احمد كان يموت على ستار بكس وكيف كان دايما يغايظها يوم يسير.. وهي داخله الكوفي شوب كانوا فهد وهزاع توهم طالعين وفهد دعم جتف نورة بدون ما يقصد وطيح منها كل الاغراض ..
فهد: اسف .. اسف اختي ... تفضلي ..
نورة كانت مب طايقه عمرها ويوم شافت فهد حست بظيق اكثر .. فهد ماعرفها لانها متغشيه: لا عادي يا فهد ..
فهد بطل عيونه : منووه ؟؟ نورة ؟؟
هزاع وهو يتكلم بصوت واطي : منو هاي ؟؟
فهد: هزاع انت اسبقني تحت وبعدين انا بلحقك ..
هزاع: هههه اوكيه بس لا تطول..
فهد تم واقف في مكانه مب مصدق ان نورة هنيه وياه في نفس المكان ..سارت نورة ويلست في مكان مخشوش شوي وعقت غشوتها وطلبت لها كوفي ولا سوت حق فهد أي سالفه ..فهد سار ووقف عند طاولة نورة ..
نورة رفعت راسها : نعم ؟؟
فهد: ممكن ايلس ؟؟
نورة: والله الطاولات تارسة المكان .. تروم تيلس أي مكان تباه ..
فهد :ابى ايلس هنيه ..
نورة: اوكي فالك طيب ..
وقامت نورة وشلت اغراضها وسارت ويلست على طاولة ثاني ..فهد تم واقف ومنصدم من ردة فعل نورة.. حس انها بعدها زعلانه منه من حركته.. بس حاول يوهم عمره بانها زعلانه ومتظايجه من سبب ثاني ..فهد سار ويلس ويا نورة على نفس الطاولة بكل ثقه ..
اما نورة لزت كرسيها على ورى وقالت بظييج: افففففف يا ربي .. ابى اعرف شو تبى مني ؟؟
فهد: شو بلاج يا نورة ؟؟ حد مزعلنج ؟؟
نورة: محد مزعلني ولا شي ..
فهد: عيل وينها نواااري اللي اعرفها.. اللي الابتسامه ماتفارج ويهها ؟؟؟
نورة (وهي تبتسم بالغصب ): هاه جيه زين ؟؟ خلاص ارتحت ؟؟
فهد(وهو مبتسم ): انا مرتاح بوجودج وياي ..
نورة: انزين ..
فهد: نواري .. انا اسف على الحركه اللي سويتها .. والله ما قصدت اني ازعلج ..
نورة: انا مب زعلانه ..
فهد: اكيييد ؟؟
نورة (وهي ترد بدفاشه ): هيه هيه اكيد ..
فهد:زين الحين ارتحت ..
نورة كانت ساااكته ومافيها ترد على فهد و تقول في بالها : هيه صح وااايد عقب اللي سويته فيني ..
فهد: انتي يايه ويا منو ؟؟
نورة: ويا امي وحريم اخواني ..
فهد: هيييه واكييد بتييون بيتنا ؟؟
نورة: سرنا وسلمنا على خالوه وديمه وبعد شوي بنرجع العين ..
فهد:افا لا لا مايصير ترجعون العين في هالوقت ..
نورة: يااربي .. فهد الله يخليك ممكن تخليني بروحي ؟؟؟ الناس يطالعونا ..روح ربيعك يترياك..
فهد: الله ..والله اسمي طالع مثل العسل من ثمج ..
نورة (وهي مبطله عيونها ): صدق ان ما عندك سالفه ...
وقامت نورة وشلت اغراضها وهي معصبه وواصل حدها من فهد.. اما فهد فقال في خاطره: حركات البنات ..اكييد مستحيه مني وتسوي هالحركات ..
يوم نزل فهد عند السياير ..
هزاع (وهو يغمز ): منو هاااي يا مسود الويه هاااه ؟
فهد : ايييه .. اييه هاي بنت خالتي ...لا يروح فكرك بعيد ..
هزاع: ليكون اخت نواف ؟؟؟
فهد: هييه يايه هي واهلها يتسوقون ..
هزاع: ايواا.. وانت بصفتك شو تيلس وياها ؟؟
فهد: بصفتي ولد خالتها وخطيبها قريبا ..
هزاع وهو مبطل عيونها : احلف؟؟؟؟؟ بذمتك ؟؟؟
فهد: ههههه هيه شو بلاك ..
هزاع: فهد بيعرس ؟؟؟ فههههد ؟ لا لا انا اكيد احلم ههههه
فهد: وباجر حلمك بيستوي صدق ههههه
نورة سارت صوب الملاحف وتمت واقفه في الكورنر ودموعها في عيونها.. تحس انها مثل الطير المجروح اللي اييون الناس ويرشون عليه الملح عشان يبرى ..نورة مب طايعه تقنع عمرها بانها ارتاحت وحبت احمد.. تحاول تتغلب على شعورها اللي هزمها واستسلمت له ..
وشوي ورن تيلفونها ..
شوق: نواري؟؟ وينج ؟؟
نورة(وصوتها متغير ): انتو وين وانا بييكم ؟
شوق: نحن صوب المطاعم .. يالله تعالي نترياج ..
نورة: اوكي ...
شوق: شيخه .. ترى نورة مب عايبتني هاليومين ..
فاطمه: هيه والله شكلها متغير وويهها يقول انه فيها شي ..
شيخه: والله تعبت وانا اسالها شوفيج ؟؟ تقولي ماشي ...
فاطمه: ليكون تظايقت من سالفة فهد ؟؟
شيخه : أي سالفه ؟؟
شوق: هيه ما دريتي هههههه هذاك اليوم خالوه وديمه قالت انها تبى نواري حق فهد ..
شيخه وهي مستانسه : صدق؟؟؟ ليش محد خبرني ..
فاطمه : هيييه وهي قالت ان فهد هو اللي قال حق امه انه يباها ..
شيخه : ههههههه يا حليلج يا نورة ..
شوق: بس مادري احسها ما بتوافق ..
شيخه: لا لا انشالله بتوافق .. فهد ريال وما ينعاب بس ماعليكم خلها شوي وهي بترد نفس قبل واحسن ..
شوي ولا يت نورة عندهم وييها مخطوف لونه ..
شيخه (وهي زايغه ): فديتج نورة .. شو بلاج جيه ؟؟؟ مريضه ؟؟؟
نورة(وهي تبتسم بالغصب ): لا والله مب مريضه .. بس متظايجه شوي وابى ارجع العين بسرعه ..
شيخه: انشالله انشالله الحين بنرجع ...نواف حبيبي سير استعيل طلبنا ..
نواف: انشالله يامي ..
فاطمه: اقووول .. الا هذا مب محمد اللي واقف هناك ؟؟
شيخه : محمد اخويا ؟؟؟
نورة لفت وشافت اللي ماعمرها شافته.. محمد واقف في محل ويا وحده روسيه ويالسين يتشرووون ...
شيخه وهي تشهق : هييييييييييييييي ,, محمد ؟؟؟ منو هاي اللي وياه ؟؟
شوق: منو هاي ؟؟ شكلها وحده روسيه من هالخايسات ..
نورة(كانت مب مصدقه ) : لا لا هذا يمكن مب محمد .. يمكن واحد يشبهه ..
فاطمه(وهي معصبه ): إلا هو.. اخخ عليك يا بوعيسى.. الحين مريم شو مقصره فيه وياك عشان تسوي فيها جيه ؟؟؟
شوق: قومو قومو يالله طلعنا قبل لا ايي حد من اليهال ويشوفه وباجر يغلط جدام مريم ..
شيخه(وهي تحت اثر الصدمه ): انا بييب العيال وبلحقكم ..
&-_.في العين._-&
#في بيت العم ناصر #
امنه كانت حابسه عمرها في الغرفه ومب طايعه تظهر وحلفت انها ما تظهر اذا ياو اهل خليفه..
امنه شافت تيلفونها طايح ومسكته ودقت حق خليفه ..
خليفه: هلا والله بالعروس ..
امنه وهي معصبه وواصله حدها: عرووس في عينك.. اسمعني يا خليفه والله اذا يت اليوم ويبت اهلك وياك بجتل عمري ,,
خليفه(بكل بروووود ): حياتي امنه لا تسوين بعمرج شي.. انا ماقدر اعيش بدونج.. صبري يوم بيي جتليني وبعدين جتلي عمرج.. نحن لازم نموت مع بعض ..
امنه : ااااااااااااااه والله انك مينون وما تفهم الرمسه ... انا اكرهك اكرهك انت متى بتفهم اني اكرهك ؟؟؟
خليفه :هههههه حياتي انتي انا مينون فيج.. وانا احبج.. امووووت فيج.. يالله حياتي انا لازم اتلبس واتكشخ عشان اليوم بشوفج.. وانتي حياتي ما يحتاي انج تتلبسين ولا شي انتي حلوة في عيني حتى لو كنتي مبهدله ..
امنه (وهي تصيح ): خليفه الله يخليك افهمني .. انا ماباك .. ماباك ..
خليفه(بدون أي احساس ): وانااباج تفهمين اني اباج.. وباخذج .. تعرفين شو يعني باخذج ؟؟ يالله حياتي .. باي باي..
وسكر خليفه التيلفون في ويهها وتمت امنه تصيح ومن القهر اللي هي فيه كسرت المرايا اللي جدامها,,,,
#في بيت محمد #
مرو الشباب على بيت محمد عشان عيسى يسلم على امه اللي ماشافها من اسبوع وحاط في باله انها بعدها زعلانه عليه وماتبى تشوفه.. ومع محاولات خالد فيه انه يرجع بس عيسى ما صدق خالد وحس انه اذا رجع البيت بيظايق امه ..
عيسى(وهو خايف ): خالد.. امي مب في البيت ؟؟
خالد: عيل وين سارت ؟؟انا اليوم الصبح طالع من البيت وهي كانت يالسه هنيه في الصاله ..
عيسى: مااادري ...
نواف: يمكن سارت بيت يدك عند خوالك ؟؟
عبدالله: هيه انا اتذكر ان فاطمه حرمة خالي حمد قالت انهم اليوم كلهم بتيمعوون ..
عيسى: انا لازم اشوف امي والله ولهت عليها ..
خالد: ولهت عليها هااا؟ ويوم اقولك تعالي وياي تقولي لا هي مب فاظيتلي ..
عيسى: خويلد لا تيلس تلوم فيني .. بروحي متلوم فيها على حركتي ..
نواف: خلاص استهدي بالله يا عيسى وبنسير بيت يدك وبنشوفها هناك يالله ..
عيسى : يالله ترى والله اذا فيها شي بموت ..
عبدالله: مافيها الا كل الخير لا تيلس تفاول عليها ..
ويوم سارو بيت يدهم ما حصلوا حد هناك غير البشاكير ويوم سالوهم قالولهم انهم كلهم في المستشفى عند مريم ..
مريم كانت سايره بيت اهلها وهناك ما قوت انها تتحمل عذاب محمد من صوب وفراق ولدها وظناها عيسى من صوب ثاني وطاحت عليهم ووودوها المستشفى ..عيسى يوم درى حس انه مب قادر يوقف على ريوله.. وعلى طول سارو المستشفى ..وفي المستشفى يوم دخلو الغرفه شافو مريم طايحه على السرير وساااكته مالها حس وخواله كلهم متميعين حواليها ..اما مريم فاول ماشافت عيسى دموعها ملت عيونها اللي ماشافته من اسبوع وولهت عليه.. وقامت ويلست ..
مريم: عيسى .. وليدي .. فديت عمرك والله ..تعال ..تعال
عيسى وهو يبوس ايدها ودموعه تطيح بدون ما يحس فيها: امايا فديتج.. سامحيني..سامحيني والله ما اعيدها واخليج روحج مرة ثانيه ..
مريم: فديتك يا عيسى.. والله ولهت عليك وعلى شوفتك.. على ضحكتك وعلى صوتك في البيت ..البيت بدونك ما يسوى شي.. مايسوى شي ..
عيسى: فديتج يامايا ... خلاص والله ما اطلع من البيت ولا افارقج ولا دقيقه ..
خالد وهو يبوس راس امه ودمعته في عينه: ليش جيه يامايا ؟؟ ليش تسوين بعمرج جيه ؟؟
ويتدخل خاله الكبير ابراهيم : هذا كله من فعايل ابوكم .. هاللي ما يقدر هالحرمه المسكينه اللي متحملتنه طول عمرها ..
خالد: خالي .. انت تعرف ابويا زين وعلى كثر ما عمامي يرمسونه ما يسمعهم ولا شي ..
ابراهيم :خلاص يا مريم تطلقي منه بدال هالعيشه اللي عايشتنها وياه ..
مريم وهي معصبه : لالا..طلاق لا.. انت تبى تدمر بيتي؟ تبى تضيع عيالي؟ عيالي محتاجين حق ابوهم.. صح ياعيسى؟ صح يا خالد؟ قولوله.قولوه انكم ما تقدرون تتصرفون بدون ابوكم ..
خالد وعيسى تمو ساكتين ومنزلين رووسهم ..
ابراهيم : شفتي حتى عيالج مب طايقينه .. ابى اعرف انتي ليش متحملتنه ؟؟
مريم تمت ساكته وتصيح ومب عارفه شو ترد على اخوها ..
عيسى :خالي خلاص.. خلو امي على راحتها.. امايا حبيبتي ارتاحي ولا تعبين عمرج.. ولا تفكرين في أي شي غير في صحتج ..
خالد: خالي تعال شوي بغيتك برى ..
ويوم طلعوا ..
خالد: والله يا خالي ابويا موريها الويل .. ويوم نقولها ليش متحملتنه ما تطيع تخبرنا ليش ...ياخالي امي تخاف من ابويا وااايد ..
ابراهيم : ماعليه يا خالد ابوك وانا بتصرف وياه ... وان ما خليته يطلق امك مابكون انا ابراهيم..
نواف وعبدالله كانو يايين من بعيد ..
نواف : هاه يا خالد شو الوالده الحين ؟؟
خالد: الحمدلله بخير وباجر بيرخصونها ..اقولكم اسمحولنا انا وعيسى ما بنقدر نسير العزبه وياكم ..
عبدالله: افا عليك يا خالد نسير العزبه وامك بهالحاله ؟؟ لا لا خلاص بنكسل ..
خالد: تسلم يا عبيد من طيب اصلك ..سمحولي بدخل عند امي شوي ..
نواف: مسموح واذا بغيت أي شي تيلفون واحد وبكون عندك ويا عبدالله ..
عبدالله : لا لا انا بتم هنيه ..بتم ويا خالد ..
خالد: تسلمون والله ..
نواف: اوكي عيل انا بسير البيت عند امي لان محد عندها وقوم شيخه والحريم سايرين دبي ..
وروح نواف ..ويوم وصل البيت تذكر نواف انه مواعد احمد انه يسير العزبه وما بيلقى حد فاتصل فيه عشان يخبره بانهم كنسلوا السيرة ويمكن يمر عليه ..
دخل نواف داخل وحصل ام محمد يالسه وتطالع التلفزيون بروحها ..
ام محمد : مرحبا بوليدي حبيب قلبي نواف ..
نواف: هلا والله باغلى ام في هالوجود كله .. شحالج اليوم ؟
ام محمد : بخير يعلك الخير ..الا وين عبدالله وعيسى وخالد عنك ؟ مب قلتوا انكم بتسيرون العزبه ؟؟
نواف: هييه كنسلنا والله ..
ام محمد: لييش؟
نواف ماحب انه يقول حق امه عن سالفة مريم وغير السالفه على طول ..
نواف: المهم يامي انا ياينج في موضوع مهم ...
ام محمد: خير يا نواف؟
نواف: خير ..امي انا اباج تخطبين لي ..
ام محمد : اخطب لك ؟؟ مب انت ما بغيت امنه ؟؟
نواف: ههه لا يامي لا انا ابى وحده ثانيه ...
ام محمد : ومنو هي ؟؟
نواف: امممم .. سارة ..بنت خالوه وديمه ..
ام محمد افرحت واستانست من الخاطر: صدق؟ صدق يا وليدي ؟؟ والله نعم ما اخترت فديت سارة جمااال واخلاق وادب ..
نواف : هيه صدق .. واباج تخطبينها لي في اسرع وقت ..
ام محمد : بس ..
نواف:بس شو ياامايا ؟؟ محمد ؟؟؟؟
ام محمد : هيه يابوك .. بعد مافينا على المشاكل وعوار الراس ..كفايه اللي صار هاذيج المرة..
نواف: لا لا تحااتين يامايا .. وبعدين طارق قالي ان امنه انخطبت وملجتها الخميس الياي ..
ام محمد وهي مبطله عيونها : صدق ؟؟؟ وليش ما خبروتني ام طارق.. انا توني مبنده من عندها ..
نواف: مادريبها .. بس الله يخليييج يامايا ..اباج تخطبينها لي باسرع وقت ممكن ..
ام محمد : هههههههه انشالله تباني الحين ارمس امها ؟
نواف: والله ؟؟؟؟؟؟؟ يالله دقيلها الحين ..
ام محمد: هههههههه دومك مستعيل .. مب زينه العيله يا وليدي ..ماعليه انا بشاور شيخه وباجر بتصل في ام فهد وبخبرها ...
نواف(وهو طاااااير من الفرحه وحس ان الارض مب شايلتنه ): فديتج والله يامايا مابعرف بدونج شو بسوي في دنياي ..
ام محمد : هيه كل هالرمسه الحلوه بس عشان بخطب لك هههههه
نواف: امايا عاد اونج ماتعرفين غلاتج عندي ؟؟
ام محمد : فديت روحك والله .. عقبال مااشوفك معرس على الكوشه ..
نواف: ويا سارة ..
ام محمد : وويا سارة ههههههه
نواف: آآمين هههههههههه ..
ام محمد : الا على طاري ام فهد .. دريت انهم يبون نورة حق فهد ؟
نواف وهو منصدم : والله ؟؟؟؟ عيل الريايل يوم كانو هنيه ما رمسوا ولا قالو شي ..
ام محمد : هيييه.. ام فهد قالتلي اشاور نورة واذا وافقت بيوون عشان يخطبونها رسمي ..
نواف(وحاس انه بيطير من الفرحه): يالله .. صدق الدنيا تركض فينا .. نواااري .. نواااري انخطبت ؟؟
ام محمد :فديتج يا نواري ..والله وكبرتي وصرتي عروس .. وينك يابومحمد تشوف نواري عروس ..
نواف: الله يرحمك يابويا .. والله لوكنت عايش الحين جان ما سوى محمد اللي يسويه فينا ..
ام محمد والدموع في عيونها : الله يرحمه ..
نواف: انزين يامايا انا بترخص عنج الحين بسير عند احمد حليله تعبان شوي وما بتاخر ..
ام محمد: احمد ولد سلطان ؟؟ فديته شو بلاه ؟
نواف: مزجم شوي وتعبان ..وبمر اسلم عليه له وحشه والله ..
ام محمد: هييه مايشوف شر .. خلاص الله يحفظك يامي ..
وفي الطريج اتصل نواف في احمد وخبره انه ياينه واحمد رحب به بس احمد كان مب قادر انه يتحمل العوار اللي في قلبه عقب اللي سواه ويا نورة وقرر انه يفاتح نواف في سالفته ويوم وصل نواف دخله الميلس ونواف كان طاير من الفرحه وحاس انه اسعد انسان في هالكون عشان امه بتخطب له سارة..وتم يخبر احمد عن السالفه واحمد كان يجاوبه بهييه .. اها .. ولا ...
نواف: احمد ؟؟ ياخي شوبلاك ؟ شو يالك جيه مرة وحده ؟؟ قمت تسرح ومتنكد .. حتى ضحكتك الحلوة ما قمت اسمعها ...
احمد(وهو يحاول يبتسم بالغصب ) : مافيني شي .. المهم وبعد شو علومك؟
احمد حاول انه يتناسى سالفته ويانورة .. بس هو الصدق انه ماكان يملك الجرأة انه يفاتح نواف في هالموضوع ...
نواف: وانشالله بيكون الفرح فرحين ..
احمد : ليش؟
نواف: ترى فهد خطب اختي ..وشكلنا بنسوي عرسنا في ليله وحده ..
نزل خبر نواف على احمد مثل الصاعقه اللي صعقته وخلته ساااكت وما نطق باي حرف ..
نواف: عيل ما قلتلي مبروك ؟؟
احمد تم ساااكت ومايرد على نواف .. ولا يتحرك ..
نواف وهو يدز احمد :احمد .. احمد ...يا بوشهاااااب ..
احمد كان ساكت ويطالع الارض ودموعه تنزل على خده البارد ...
نواف وهو خايف: احممممد .. يا احمد رد علي .. رد علي يا احمد ...
قام نواف ومسك احمد وركبه سيارته ووداه المستشفى وطول الطريج احمد ما رفع راسه ..
ياترى شو اللي صار حق احمد؟ وشو بتكون ردة فعل نورة يوم بتسمع اللي صار باحمد؟ وشيخه بتسكت عن اللي شافته يوم كانو في السنتر؟

 
 

 

عرض البوم صور همس الليالي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة بطة, رواية وجه المرايا, رواية وجه المرايا للكاتبة بطة, وجه المرايا, وجه المرايا للكاتبة بطة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:31 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية