المنتدى :
الارشيف
جهل الظلام
جهل الظلام
بين خطوات الامس والماضي البعيد
ومستقبل قريب يلوح افق لايتسع سوى بياض الاحرف وكيان الالم ولوعته .. من منا ما تذوق شرفة
الاحتضار وتغنى جوعاً
بطنٌ فارغ وفاه اخرس ،، وأجراس والعقد المنثور
كلم الالحان وزفرات السنين التي لاتنتهي بمجرد صحوة الأمل واخماد الذبول
بين العز والذل والحي الذي لا ينام
وانكسار الامان .. من اتمهن حق ومنع العطاء
بين حلكة الظلام وبياض الانام
والوجوه الحمقاء التي تسخر كثيراً وتلك السخرية تشتعل وهجاً تتخيل لقائهم
.
بسم الله الرحمن الرحيم
.
ابتداء اهدي قصتي وربما تكون اقصوصه
لـ امي والتي تقبع يسار صدري
؛
بداية -
ماهي إلا عشرون قصص لم تنشر إلا على ورقٌ وخلف طيات الدفاتر ، واليوم اعلن سلسلة جهل الظلام /
جهل الظلام
جهل 1
.
.
.
في ذات المساء من الخامس والعشرين من شهر صفر
يبتر الحديث في جو اغرب من الخيال
تتمايل فيه الاغصان بـ الحان عذبه وصوت الرياح الشديده وهطول الامطار بـ غزارة وضياء السماء
كالرعد يضيء ثم يعد لنا صفح الظلام .. ورؤية ذاك البريق
وتكرار تلك الصورة بين الحينه والاخرى ..
كان البيت بشكل مستطيل وسقفها يغطيها تلك اسعفة النخيل ، محدوده ، وكان شباكها مفتوحاً بلا حدود
، وكان بداخلها اناهيد ممده على الارض وغارقه بالبكاء
أم ايمن/ اناهيد اذكري الله ياوخيتي.. خل نخرج البيت بينهدم فوق روسنا
اناهيد/ مانيب خارجه عن بيتنا..
أم ايمن/ أي بيت ياوخيتي هذا هو سعف طاح.. لا تعنادين وخل نمشي نلحق على أبو جلال قبل مايرجع
للديرة
بتعب وبخوف/ تيسري ام ايمن.... والله ما اروح من بيتي الي ضمني وانا صغيرة
أم ايمن/ لا حول ولا قوة إلا بالله.. وش بلاك انهبلتي كل اهل الحارة نقلوا واخذوا لهم بيت ملك..
وانتي جالسة لي على هالسعف... خافي الله على الي بطنك
بـ زفرات متعبه وتضغط على فمها بقوة/ ام ايمن.. بولد
ام ايمن وهي تبحث عن عباءة اناهيد التي غرقت بالمياه .. تقربت منها والبستها العباءة وتلف طرحه
على وجهها الشاحب ومسكتها وتمشيها ولسانها يردد
استغفري واستهدي بالله
انقابضات انفاسها تتوالى واصطكاك اسنانها يعلو/ العبايه مويه وشلون اروح بها
ام ايمن/ اظهري الله يصلحك بس خل نلحق أبو جلال
ودمع تحجر عينها/ والبيت
ام ايمن/ ربك كريم خل نسيري يا اناهيد
بعناد/ ماني رايحه ومالك لا رجع وين بحصلني
أم ايمن/ مالك ماطق خبرك خن نخرج يابنت الحلال..
اناهيد/ بس مالك مسافر ولا يدري
أم ايمن/ مصير الحي يتلاقي..
امكستها من معصمها .. خرجوا من البيت
.
.
.
اناهيد/ بشويش علي تراني ماني حمل لمجايرة مشيك
أم ايمن/ اناهيد شفتي ذيك سيارة السوداء
شهقت/ اي فاطمه
ام ايمن/ أبو جلال رجال انتظر ومل.. ولدي ايمن ينتظر
ايمن/ ادخلي ياخالتي الله يرضى عليك
استسلمت ووكلت امرها لـ ربها
روان/ والله توقعت انك ما راح تجين
ايمن/ اي هذه ام ايمن مو حي الله
روان/ خالتي انا مدري ليه مستحمله العيشه هنا وفي هالقرية النامية
بسخرية/ لا ياشيخة خفي علينا يـ ام برستيج اقول ساعدي خالتك بس ولا يكثر
روان: افففف .. يعني مافي ابداء رأي سيد ايمن
ساعدتها روان وأم ايمن بطلوع سيارة
اناهيد بهمس/ يـ فاطمه ابي جوالك بـ ادق على مالك
أم ايمن/ ابشري من عيوناتي
اناهيد/ مشكورة
ضغطت على ارقام هاتف مالك التي تحفظها كـ اسمها الرباعي.. تسمع رنين ولا من مجيب
اناهيد/ رد يا مالك رد الله يخليك
بفرح/ مالك مالك وينك ليه ماترد
بـ استغرب وبتعقيدة حواجبه/ اناهيد
اناهيد/ حبيبي مالك تعال.. بيتنا انهدم نزلت علينا امطار كثيره وكل اهل ديرة راحوو
بقلق/ وانتي وين.. من وين تكلميني انتي بخير ولدي بخير
اناهيد/ تعبانه شوي.. وظاهر ولدك مستعجل بـ يطلع على دنيا وانت مو جنبه
مالك/ والله ياقلبي مشغول
اناهيد/ يعني ما راح تجي
مالك/ إن شاء الله ياقلبي قاعد اضغط على نفسي على شغل وبعد اسبوع جايك
اناهيد/ احلف جاي بعد اسبوع.. مالك قول والله انك جاي
مالك/ أفااا ما انتي واثقة فيني
اناهيد/ إلا حبيبي كيف ما اوثق فيك
مالك/ تأمريني على شيء
اناهيد بحزن/ لااااا
مالك/ أشوفك على خير حبيبتي
.
.
.
أم ايمن/ يا اناهيد قلت لك لاتدقين عليه.. عسى وجعك خف الحين
اناهيد/ ايه الالم شيء فضيع
ايمن/ الجو كل ماله ويزيد سوء.. الله يستر
أم ايمن/ الامطار من دخل علينا الشتاء ماينقطع لا إله إلا الله
ايمن/ كلها ارزاق يمه.. الا خالتي لا تولدين بسيارتي الكشخة تراها مالها يومين مـ استلمها من الشركة
اناهيد بضيق/ والله ولد خالتك مستعجل وشكله مو قادر يصبر
ايمن بمرح/ يالليل البعارين.. هذاني يمه سمعت كلامك وجيت وظاهر سيارتي بودعها
أم ايمن/ اناهيد استغفري ربك وادعي ترى دعاء يايمه زين لك
الم خانق خانق يلاحقها/ آآآآآه يا يمه هي توجعت كذا يوم جابتيني
أم ايمن/ شوي شوي لا تسرع يا ايمن .. الله يهونها عليك
استطاع ايمن بالخروج من الجو الممطر وتم الوصول إلى المستشفى التي تراجع فيها اناهيد
ايمن/ تقدرين تمشين والا اجيب لك كرسي متحرك
اناهيد/ شوي ايمن ..
نزلت اناهيد وهي مستنده على ايمن دخلوها وهي تمشي ببطئ ودخلت على دكتورة
اناهيد/ يعني شنو ماتقدرين توليدني .. تعرفين انا لي 9 شهور جالسة معك ومتابعتك وفي نهاية تقولي ماتقدرين
دكتورة/ يابنتي الغرفة كلها تعديلات تعرفي مستشفى جديدة .. بس انصحك تروحي لدكتورة صفاء مرة كويسة
أم ايمن بعصبية/ وما حبكت التعديلات إلا الحين .. استغفر الله العظيم .. وين نحصلها هالدكتورة
دكتور/ معليش يا خالة .. تحصلينها بعيادتها
أم ايمن/ امشي يا اناهيد
اناهيد/ فاطمه لا تخليني
أم ايمن/ من عيوني
.
.
.
دخلت عند دكتورة وعملت لها السيناريو ..
د.صفا/ حسيتِ بـ الآلآم الطلق
اناهيد/ اي يجي ويروح الألم
د.صفا/ ارتاحي يابنتي .. لسة رحم مافتح إلا 2 سم
اناهيد/ يا يمه مو قادرة استحمل عطيني أي شيء خل يوقف هـ الالم
روان/ يممممممه وش نسوي
د.صفا/ يابنتي الحين ساعة 11 صباحاً .. إن شاء الله عالمغرب أو العشاء راح تولدي .. تحبي
ترتاحي هنا وإلا ترجعين لي في المغرب
اناهيد بخوف/ ها لا خلاص ارجع لك
أم ايمن/ وش ترجعين .. انا خايفه تولدين علي بالبيت اجلسي هنا
د.صفا/ براحتكم .. اسمحولي موعد دوامي انتهى
أم ايمن/ مسموحه
أم ايمن/ قومي يالله خل نرجع البيت عنيدة وياخوفي عليك من عنادك
اناهيد/ فاطمه تعرفين ماحب ريحة المستشفيات
ايمن/ ها وش قالت دكتورة
أم ايمن/ تقول خلها ترتاح وخالتك إلا تبي البيت
اناهيد/ ما اطيق المستشفى ابي ارجع البيت
ايمن/ اناهيد هذا لمصلحتك .. انتي محتاجه للراحة انتي والبيبي
اناهيد/ ايمـــن
روان/ مافي نقاش نصحية لا تحاولين
وبعد الانتهاء من صلاة المغرب ، كان الليل قد لف الكون غلافه سوداء داكنه ، وكانت المستشفى
هادئة وثبات عميق ، لا صدى لا صوت
اناهيد/ ام ايمن نادي لي روان انا ابيها هي
ايمن/ يابنت الحلال ارتاحي وانا برجع واجيبها لك
اناهيد وهي ترفع سبابتها/ انت اطــــــلع برا لا اشوووووفك هنا
ايمن/ حشا يهودية ما انتي مسلمة
اناهيد ببكاء/ فاطمه شوفي ولدك يقول عني يهودية ..
وهي ترفع اصبعها السبابه وصرخت باعلى صوت/ اطلع براااا
أم ايمن/ الله يهديك يا ايمن روووح وجيب اختك ..
ايمن/ إن شاء الله يمه خل يظهر ولدك ماذبحته ما اكون ولد أبوي
رجع ايمن للبيت وهو يستعجل على اخته
ايمن/ روان اخلصي علي .. يكفي خالتك مسويه مناحه
روان/ طيب جيـــــــت ، الله يستر اهي من الصبح وهي تتوجع
ايمن/ الله يقويها
روان/ وابوي وينه
ايمن/ بداومه ماهو راضي يجي هنا .. الله يعدي اليوم هذا على خير
روان/ اللهم آمين
اناهيد/ آآآآآآه يا فاطمه كلموه خل يجيني .. ابيه يجي
أم ايمن وهي تبكي على حال اختها/ طيب اكلمه لك ..
مالك/ يعني ناقصني انت .. يامن إذلف عن وجهي يكفي شغل اللي فوق راسي
يامن/ انت عنيد قلت لك اترك شغل عنك وانا بسويه يا ولد عمي
مالك/ إدري ماتقصر يا أبو هلال
سمع صوت رنين جواله وسحبه من المكتب ونظر ب اسم المتصل " أم ايمن "
مالك/ الله يستر لا يكون صاير لها شيء
هلا ام يمن
أم ايمن/ ياولدي تعال مرتك تبيك ومصره ماتولد إلا انت معها
ارتبش مالك ورد بتناحه/ تولد
أم ايمن/ اي احنا من الصبح جالسين في المستشفى ولا هي راضيه تنام كله دايخه تعال الله يرضى عليك
مالك/ إن شاء الله الحين اوصلكم .. لا اوصيك فيها يا ام ايمن
أم ايمن/ إن شاء الله
غلق من عند ام ايمن وقف مبتعد عن المكتب وسحب جواله ويتأكد من بوكه ومفتايح سيارته
مالك/ أبو هلال .. طلبتك شوف شغلي .. المدام بتولد وانا مو عندها
يامن وهو مقدر حالته/ روح ماعليك وشغلك في الحفظ والصون
خرج من شركته واتصل على الاتصالات الجوية .. ومن حسن حظه لقى حجز للمدينة ،، وصل المطار
وعمل إجراته وصعد طيارة بدون حتى ما يأخذ له ملابس .. كله خوفه منصب
بـ اناهيد .. تمنى أن يتباطأ الوقت حتى لا يخيب ظن أذنيه.. ولهفته لأبنه الوليد وزوجته .. غيابه هذه
المرة طال و الشوق سلطان جائر لا يكترث بنداءات جمهور الأفكار
كما أنها ربما ستعتب عليه لو تظاهر بالصلابة عندما يحتاج الموقف للانصياع لوشوشات القلب ..
استمجع قواه و طرد الأفكار من رأسه و نظر في جواله و اتصل
ليظهر صوت يقتل القلوب و يجعل الملتاع خارج التغطية ..كان خطها مغلقا لم يعرف ماذا يقول فقد
اصطكت أسنانه و تشاجر فكاه غيظا .. استسلم للخيبة و النيران تستعر في جوفه
و عندما لفظ اليوم آخر أنفاسه أحس بأنه يذوب كشمعة تنتظر عودة الكهرباء .. تمنى لو أن كل هواتف
الكون تتكسر و هم برمي جواله
ليرن بين يديه
مالك/ يارب سهلها يارب
.
.
.
تخترق هوامش التصدع واصوات متداخلة في بعضها وصورة ليست واضحة عندها
روان/ اناهيد تسمعيني
اناهيد/ ابي الحمام
روان/ طيب يالله بشويش على نفسك
دخلت الحمام روان وهي تساعد خالتها ..
اناهيد/ فاطمه خل اولد ماني قادرة اتحمل ..
د.سودانيه/ دكتورة صفا لسة ماجت ، بس انا مناوبه اليوم واقدر اسوي اللي تسويه د.صفا
روان/ لا معليش احنا جاين لدكتورة صفا ومتفقين معها .. ياليت تخبرونها تجي .. ماهي فوضى هي ،
لا اقسم بالله لا اشتكي لكم عند وزارة الصحة
اناهيد/ خل تولدني المهم يروح عني الوجع
روان بعصبية/ لااااا عطيني رقمها انا بكلمها
د.سودانيه/ طيب خل المدام تروح للغرفة المخاض
ماكانت تدري انها بتروح لغرفة الولادة .. وصلت وهي تشوف الاجهزة حول الغرفة نامت على سرير
وماهي ثواني إلا ودخلت
د.صفا/ ها بشري يا اناهيد
اناهيد/ بموت يادكتوره حاسه بألم فضيع
د.صفا/ الله اكبر .. طيب هـ نشوف البيبي وش وضعه
وبدأت تكشف عليها/ شفتي يا اناهيد .. بسم الله هذا عيونه وهذا فمه
ولحظة تبعد شاشة عن وجهها
اناهيد/ وش فيه يادكتورة ولدي فيه شيء
د.صفا/ مافيه إلا العافية ياحبيبتي .. ارتاحي شوي ونامي على جنب
اناهيد/ متأكدة دكتورة
د.صفا/ ايوه حبيبتي مثل ما قلت لك ارتاحي ولاتفكرين بأي شيء
.
.
.
خرجت دكتورة وماكانت تعرف ان اناهيد سمعت آخر كلامها ،،
دكتورة/ للأسف وضع الجنين جالس وهذا مضر وباين من ملامحه انه مغول ، بس مابي احد يقول لها
ايمن بصدمة/ وش قلتي دكتورة
دكتورة/ هذا اللي جالسة اشوفه بس مابي احد يخبرها ، لو تعرف ممكن حـ تنهار وهي لسة بنت صغيرة
ايمن/ لاحول ولا قوة إلا بالله
.
.
.
نظر في شاشة هاتفه فرأى رقم ايمن.. ضغط زر الوصل واستاجب لـ ايمن
مالك بغضب/ استغفر الله .. هي شلون تحكم والمفروض ان المغولين مايكملون 9 اشهر ببطن الأم هذه
تخرف وإلا شنووو
ايمن/ علمي علمك يامالك انت وين الحين
مالك/ توني خارج من المطار بشوف لي تاكسي .. انتو بأي مستشفى
ايمن/ مستشفى ......
مالك/ يالله مسافة طريق واكون عندكم
.
.
.
الأمل يبدأ بالزوال إلى حين عتمه لا تنتهي بعد ارتداء قميص الشروق
اناهيد/ روان
روان/ نعم
اناهيد/ وش اللي يخبون علي روحي اسألي ايمن في شيء وانا ماعرفه
روان/ إن شاء الله اروح الحين
اناهيد/ فاطمه
أم ايمن/ ياعيونها
اناهيد/ دقي على مالك ابي اسمع صوته
أم ايمن/ إن شاء الله حبيبتي
.
.
.
مالك/ هلا يا ام ايمن
اناهيد/ مالك ..
مالك/ ياروحه
اناهيد/ مالك ولدي فيه شيء صح
وكأنه حاسه فيه.. قلب الأم " سبحان الله "
مالك/ لا ياقلبي مافيه إلا العافية .. اناهيد
وهي تبكي/ متى تجي
بحزن على حالها قلبي تفطر عليها/ جاي ياقلبي يالله دقائق واكون عندك
اناهيد/ لا تتأخر علي
مالك/ إن شاء الله .. حبيتبي ارتاحي لا تشغلين لي بالك
اناهيد ببتسامة بهاته/ إن شاء الله
اناهيد/ فاطمه
أم ايمن/ معك حبيبتي
د.صفا/ بعطيك مخدر ماتحسين فيه
ضحكت/ جد دكتورة كان من زمان عطيتني
د.صفا/ توكلت على الله ..
ام ايمن/ اهدئي وانا اختك إن شاء الله بتقومين بسلامة
د.صفا/ امشي يا اناهيد
ومشت اناهيد خطوتين وترى الأرض تدور حولها وكل شيء ترأه اربع .. وتحس مفعول الإبرة انتهى
د.صفا/ تحسين بـ الم
اناهيد/ اي
وجلستها ونومتها على سرير وهي تحط لها الاوكسجين ، وسحبت الاوكسجين وبعدته عنها
د.صفا/ ادفعي يا اناهيد
اناهيد بصرخة/ يا يمه
أم ايمن وهي تمسح جبينها من العرق/ الله يسهلها عليك يمه
.
.
.
أم ايمن وهي ترش الماء على عيونها برفق وحنيه/ يمه بنتي اناهيد يمه
فتحت عينها بشويش وهي ترى اجساد تحتضن بعض ويبكون وتسمع صوت بكاء طفل.. طفلي
اناهيد/ ماما ولدي عطوني ولدي
د.صفا/ سمي
شالته بضعف وهي تبوسه من كل مكان/ فاطمه هذا ولدي يا فاطمه
أم ايمن وهي تمسح دموعها/ الحمدلله وشكر لك يارب حمدلله
د.صفا/ عطيني عشان يغسلونه وينظفونه لك
اخذوا ولدها من حضنها وبدأت تنام تحس نفسها خفيفة وطايرة ..
خرجت دكتورة
مالك بخوف وقلق/ ها وشلونها دكتورة
د.صفا/ مين تكون لها
مالك/ زوجها
د.صفا/ لا حمدلله كويسه المدام والولد ما شاء الله عليه كويس
مالك/ والمدام عسى ما صار لها شيء
د.صفا/ لا حمدلله هي بخير الحين عطيناها منوم عشان ترتاح شوي وراح ننقلها لجناح عن إذنكم
ام ايمن/ مبروك يا مالك
مالك بفرحه/ الله يبارك فيك يـ ام ايمن
ايمن/ يتربى بعزك يا ابو نايف
مالك/ الله يبارك فيك..
ايمن: تعال خن نشوف بنتك.. بنت المطر
مقدمة بسيطة من الجزء الاول / ترانيم عزفتها اصابع مبتوره
حكايات الحرير
|
10-03-13, 07:33 AM
جديد مواضيع قسم الارشيف
العرض الشجري
