كاتب الموضوع :
طيبة قلب
المنتدى :
ارشيف خاص بالقصص غير المكتمله
رد: شيهانه على كف صقار
اقتباس :-
المشاركة الأصلية كتبت بواسطة عبق الرياحين  |
السلام عليكم ورحمه الله وبركاته
مساء الخير..مساء المحبه ....مساء الرياحين
مساءك نفحات من رضا الرحمن
هتونه مشكوره على هالدعوه الغاليه ...يوم انك تعزمينا على هالابداع الامتناهي دائما اثق بذوقك
هتون وهذا اللي يخليني متاكده مليون بالميه ان الروايه هذه من الروايات النادره...
طيبه قلب.. هنيئا لنا بكاتبه مقتدره مثلك... كاتبه تعتبر من الزمن الجمبل ....تمتعنا بما تخطه لنا من حروف مبدعه وخيال اروع...
شرف
في مثل يقول غلطة الشاطر بالف ...وانت بذات غلطتك بمليون...ترى مالك عذر باللي سويته بشيهانه ..تقول انك راعي فزعات وماترد من يطلبك فيه مليوون طريقه تقدر تتخلص من البلوه الي انت في قرارة نفسك فرحان فيها...كان بكل سهوله تقدر تقول لهم ..هي كبر بناتي وانا رجال متزوج وعندي اعيال ولا ارضى احر ام اعيالي وبنت عمي وتقدر تدبر لها زوج يااااكثر الشباب اللي يبي يتزوج ومو قادر تسوي خير تستر على اثنين ولاتهدم عشره سنين بينكم وتضيع اعيالك وتيتمهم وانت حي....
صحيح الشماته شينه ...بس والله فرحانه انك انغبنت من هالفوز وعرفت وشو بدلت الذهب اللي كان بين ايديك ...بدلت بشيء مايسوى حتى التراب...وياااليتك يوم انك انضربت على راسك عدلت بين الاثنين وخذيت بخاطر مرت كالا رحت كنك غرير ومعطلعبه وفرحان فيه ناسي اللي حوله ومجابلهااا...خمتك بدلعها وزينها واخدعتك بحركاتها الشينه والنتيجه انها لااصانتك ولاا صانت شرفك....
وعقب مافقت على عمرك وحسيت بالجرم الفضيع اللي سويته رحت تدحلس عند بنت الاصل والشرف اللي صانتك بحضورك وغيابك...عرفت الفرق بين الثرا والثريا..يكفي لهفتك حتى لسوادها يوم انها مرت جددت بنفسك شيء كنت انت متناسيه ومغيبه عقلك في لحظت تلذذك بزين واهي وحلى قشور..بس ماخليتها بنفسك ركضت لها وحبيته وبردت اشوي من اللي بخاطرك وبينت انها مازالت حلالك لك كل الحق انك تقرب منها باي شيء..
شيهانه..
ياغبينتك من شريك عمرك غبناه ...والله انك ماتلامين باي تصرف تسوينه وجيعتك كااايده بالحيل ماحد يقدر يحس بوجعك والمك الا اللي ذاقه الله يسلمنا ويسلم جميع المسلمات....انا دائما وابدا مع الزوجه الاولى وهي اللي لها كل الحق بكل شيء اما الثاني فانا اعتبرها عامل مزعج او من الطفيليات اللي تدخل بين العوايل عشان تهدمها....
ليه البعض يطالب من شيهانه انها ترضى باللي صار لها ولااتزعل من شرف وتتقبل كل هفواته ونزواته بصدر رحب...ليه دائما يطالبون المره بانها تكون هي العاقل المتزن اللي تغفر وتسامح وتتمسك بشين الحلايا هو واعياله ..وهو متى ماطاح اللي براسه وعرف ان اللي سواه جرم جاء يركض يبكي ويتباكى يطلب القرب والسماح....المره اذا اعرس عليها زوجها احس ان عقلها يطير وماعادت تقدر تفكر تصير كنها مثل الغرنوق المجروح يرفرف من حر مايونس..
انا معك بكل قرار تتخذينه يكفي سنين عمرك وشبابك اللي راح وانتي تبارين اعياله وحافظتهم وحافظة بيته ولاقصرتي معه بشيء...من حق تلتفتين لعمرك....مو بشرط انك تتزوجين صحيح انه من حقك ولاا يقدر يفتح فمه بس عقب هالعمر واعيالك شباب وبناتك ينخطبون صعبه شوي...
وقمه القهر والخديعه انه ابو العيال مااطلق سراحك مخليك على على ذمته وموهمك انه مطلق لعب على لكل راح فرفر ولعب على كيف وهو مطمن انه لو بغى يرجع لعشه بيرجع وهو مطمن انك مازلتي حلاله يقدر باي وقت يدخل ويطلع عليك..
زاد فوق جروحها منه جروح صعب جدا انها تنبرى...بس هذا وقتك يا الشيهانه انك تطلعين الاولي والتالي من عيونه وتاخذين حقك من ثالث ومثلث وانتي معززه ومكرمه
فوز
ياربي صحيح الميت ماتجوز عليه الا الرحمة ...بس ماعدي معها أي ذرة تعاطف الا بالعكس محتقرتها مرررره هي والي ربتها هالعجوز بدال ماتخرب بيت الرجال وتفرق بينه وبين مرته كان قابلة هالبنت وربتها عدلىبدال لاتخطط وياه وتقها بحلق الرجال وتسود وجهه...
بس بقصة فوز في شيء مفقود هي ليه خانته وحملت من غيره....ويوم انه ذبحها ودفنها معقوله الدوله مشت اموره وطلعت له شهادة وفاه ولاسالت عن الجثه وسبب الموت ....ولولد ليه يرميه عند المسجد كان حطه عند دار الرعايه احسن له...هو ماله ذنب باللي سوته ام
اولاد شرف
اختلاف ارائهم حول رجعت امهم لابوهم شيء طبيعي كل واحد وله اسبابه الي مقتنع فيها ...وله مبرراته الي يستند لها
بس انها اقول رجعت ابوهم لامهم احسن لهم عشان يحسون بمعنى الاسره صح
طيووبه جعل يدينك ماتمسها النار ويرزقك ماتتمنين ....
تسلمي على هالروايه.جعلنا نحتفل فيها بقسم المكتمله لان حراااام هالابداع ننحرم منه..
|
وعليكم السلام ورحمة الله
ومساااك اطيب وارق واجمل ..*
اهلاا بك وبهتوونه .. القلب لكم منزل قبل المكان ..
اشكر هتونه التي اكرمتني بالدعوات وبحضور مميز ..
واشكرك غاليتي لتلبية الدعوه .. واطرائك ..
.. شرف فعلا لاعذر له بالزواج ..
فقد كان مستقر في عشه بين زوجه واولاد وبيت امن لاينقصه شيء
لكنه اتبع هوى نفسه وفر طيره الذي بيده حين غفل عنه ... فندم في وقت لاينفع الندم ..
شيهان سواء قبلت برغبتها او ارغمت ع العوده له ..
فجراحها الغائره منه لم ولن يزول اثرها ..
ولن يحس بمعاناتهاالا من عانا مثلها ..
فوز .. لم تنتهي حكايتها بعد ..
لها نصيب من ذكريات شرف ..
ابناء شرف .. بالفعل كما ذكرت ..
وان كنت لااؤيد عودتها له الان ..*
ف الاولئ ان تعود عندما كانو صغارا وليس الان ...
.. من القلب اؤمن ع دعواتك ..
ولك ولجميع المسلمين ..
|
24-01-13, 09:40 PM
جديد مواضيع قسم ارشيف خاص بالقصص غير المكتمله
العرض العادي
