(موضوع حصري) ذكريات وهل الحب ينسى - الصفحة 19 - القصص المكتمله من وحي قلم الاعضاء

14-04-13, 09:19 AM

المشاركة رقم: 91

المعلومات
الكاتب:	Julianna
اللقب:	همسة حب

البيانات
التسجيل:	Nov 2012
العضوية:	247670
المشاركات:	2,835
الجنس	أنثى
معدل التقييم:
نقاط التقييم:	5648

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

ههههههههههههه

تكرم عينك ^^

نورتي

وان شالله الفصل الاسبوع الجاي ^^

26-04-13, 06:03 PM

المشاركة رقم: 92

المعلومات
الكاتب:	Julianna
اللقب:	همسة حب

البيانات
التسجيل:	Nov 2012
العضوية:	247670
المشاركات:	2,835
الجنس	أنثى
معدل التقييم:
نقاط التقييم:	5648

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

الفصل التاسع والاخير

ويسدل الستار على

ذكـــــــــريات وهل الحب ينســـى

*

*

انتظرتك .. عمري كله .. وانتي حلم

ومرت الايام والله .. وانتي حلم..

ليه تأخرتي علي ..

توهي مره واسالي ..

كوني في غير الزمان .. والا في غير المكان

كوني عمري .. عمري كله..

اللي باقي .. واللي كان..

انتظرتك عمري كله .. وانتي حلم ..

كل نجمه شعشعت والقلب عتمه .. كانت انتي ..

كل حرفٍ حرك شفاهي بكلمه .. عنك انتي ..

وكل حبي اللي مضى والحب قسمه .. منك انتي ..

كانوا الاحباب ظلك .. بعض احساسك ونورك ..

ما عرفتك يوم كلك .. ياللي في غيابك حضورك ..

انتظرتك عمري كله .. وانتي حلم ..

هذا إنتي .. قولي والله إنه إنتي ..

وين غبتي ؟! .. عني هذا الوقت كله ..

وين كنتي ؟! ..

شيبت عيني طيوفك .. وما أصدق إني أشوفك ..

ياللي قلبي في كفوفك .. نقش حنا ..

وفي جديلك عطر ورد ..

آتمنى .. لو تكوني في فراغ اعيوني وعنى

وفي سموم ضلوعي برد ..

ليه تأخرتي علي ..

وما طرى لك تسألي ..

ليه نأخرتي علي .. وما طرى لك تسألي ..

إنتظرتك عمري كله عمري كله .. وانتي حلم

*بدر بن عبدالمحسن

26-04-13, 06:04 PM

المشاركة رقم: 93

المعلومات
الكاتب:	Julianna
اللقب:	همسة حب

البيانات
التسجيل:	Nov 2012
العضوية:	247670
المشاركات:	2,835
الجنس	أنثى
معدل التقييم:
نقاط التقييم:	5648

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

الفصل التاسع

بعد اسبوع من عرس عزيز في بيت بو ريان

ريان قاعد بالصالة مع ابوه وامه وخواته الا فيصل..

بو ريان: ها المعرس قاعدين تجهزو البيت؟

ريان كان يشوف التلفزيون وهو يشرب شاي ولا حاس بالدنيا حواليه اذا كان يحسب عمره كان يحب !! فهو غلطان حبه لذكريات غير يحس نفسه ضايع من دونها واذا ما كملها تضيق نفسه رد على ابوه: اي نعم طال عمرك بابتسامة كبيرة...

خواته شهد وعايشة بابتسامة خبيثة بينهم على شكله صدق ما مصدق انه بيعرس !!

ضيق عينه عليهم وما فاتته حركتهم لكنه سكت عنهم

بو ريان: شو خلصتو وشو باقي؟

ريان ابتسم وهو يمر بباله كلام ذكريات لانهم كل اتفقوا على قطعة اثاث هو يغير رايه باللحظة الاخيرة الي خلاها تقوله "شو رايك تشتري انت الاثاث بروحك" رد على ابوه: خلصنا الاساسيات من طقم كنبات وقطع سجاد واكسسوارات الصالة والمجلس باقي غرفة النوم وكماليات المطبخ..

ام ريان: والله انه طقم الكنب عجبني لو عندي مكان كان اشتريت مثله..

-اسمحيلي الوالدة قطع اثاثي حصرية فبيتي بس..

-ههههههههههههههههههههههه

-صخي انتي وياها

بو ريان مرتاح بشكل كبير: الله يتمم على خير قاصرك شي اوانا ابوك ترى ما يردك الا لسانك..

قام ريان وباس راس ابوه: الله يطول بعمرك ويخليك لنا لكن ما قاصرني شي ...

بو ريان وامه : الله يرضى عليك..

لف ريان على خواته بنص عين: وانتي وياها ليش ما تروحون عند عمتي محنيات ليكون !!

صخو الاثنتين الا بامهم تهزاهم: الا محنيات ذيك اليوم رحت وقلت لهم تعالو الا لا ما عندنا مزاج..

ريان وهو يمسك مخدة صغيرة ويفرها عليهم: مزاج ها الا بتروحون والحين!!

عايشة:الــــــــــحين!!

-اووووووووص ولا كلمة..

بو ريان: سمعتي اخوك وبعدين شو وراكم؟ دراسة وما شي وعمتكم واجب تزورونها...

وانتهى كلام ابوه على مسمعه راح وخلاهم وسط الاعصار وهو يضحك على اشكالهم راح لغرفته ياخذ دوش خلص من حمامه ودق على ذكريات..

-اهلين

-هلا والله بحبيبتي السورية..

-هههههههههههه انا الحين سورية؟؟ ليش؟

-تقولين اهلين ^^

-شخبارك؟

-مشتاق شو اخباري بعد يبلاها سؤال؟

شب وجهها المسكينة ضو : لا ما يبالها سؤال اليوم شو الجدول؟ ولا راحة؟

-هههههههههههههههههه اي راحة فديت قلبك عندكم زوار

-والله من؟

-خواتي المصونات..

-ههههههههههه حياهم الله سكتت شوي...وانت؟

-الله الله تبيني اجي معاهم؟

خجلت شوي ما تقدر تقوله اي ولا لاء لكنها اكيد تبي تشوفه: والله البيت بيتك لكن على راحتك

ابتسم بخبث عليها قال بيخليها تشتاقله مثل ما هو يشتاق لها: اليوم بس خواتي انا بجيك يوم ثاني..

حست بخيبة امل لكنها ما علقت اكتفت بـ : اوك

كملو كلامهم وهم يراجعو سوى ترتيبات عرسهم والبيت

وراحو البنات عندها وكانت سوالف ضحك وهبال من الخاطر يقال اللحظات الاخيرة للعزوبية

وصل شهر الخير وبين صلاة وعبادة في عروس تتجهز ^^

مر اول اسبوع من رمضان صعب شوي على ذكريات لانه كان صيف وهي بين بيتها وتجهيزه وفستان عرسها ما شالت هم الترتيبات الثانية قاعة الافراح بتكون على مسؤولية ميعاد مثل ما وعدتها انها بتوقف معها بيوم عرسها سبحان الله من كان يتوقع انها تكون من نصيب اخوها؟؟

ذكريات في بيتها مع ميعاد وريان

ذكريات تدخل البيت وهي تسمي وتقرا المعوذات وتدعي من قلبها ان تشوف فيه ايام حلوة وسعيدة مع ريان

كان كل شي فيه جاهز واخيرا بعد طول عناء ميعاد على طول تبي تروح تشوف غرفة النوم لانها اخر شي وصل لبيت اخوها وذكريات اختارتها بعد حين ومين !!

دخلت غرفة النوم وهي متفاجاة !!

ميعاد تشوف الغرفة كان تنبع رومانسية وخيال ولا كانها من ارض الواقع كان خليط من الوان الذهب والبيج وخيوط من اللون الخمري والديكور كان قمة في الروعة!! ذكريات وهي تابع تعابير ميعاد تبتسم بخبث كل من شاف غرفتها كان له نفس التعابير حتى عزيز قال بيغير غرفته الي ما صار لها شهر يمكن !!

ميعاد لفت يقال معصبة على ذكريات: زوووووووووووووووويز دومك تعرفين للديكور ليش ما ضبطتي غرفتي!!

بعد هذا الي قاصر قالت بينها وبين نفسها ردت عليها: سوري مدام انا بس اخدم نفسي وبعدين كافي ضبطت قاعتك بعد غرفتك!!

ميعاد بحسرة: مالت عليك من بنت عمة بس ما شالله ذكريات الغرفة جناااااااااااان الله يهنيكم ^^

ابتسمت وهي تحضنها:تسملين حلوة؟

شهقت بصوت عالي:الا حلوة!! روووعة اهي اهي بغير غرفتي ووععع تعتبر قطرة في بحر بالنسبة لغرفتك...

-قولي ما شالله

مسكت على قلبها:بسم الله

ناظرها بهيام:سلامت قلبك ،، خوفتك حبيبتي؟؟

ميعاد تناظرهم بهبال البنت ميتة من الخجل وهو ولا مسويلها اعتبار شوي بياكلها: ايه ايه خوفتنا انا وهي بسم الله من وين طلعت؟؟ بعدين انا قلت ما شالله ما اعرف على شو بحسدكم عليه..

ريان وهو يشوفها هادمة للحظات المصيرية: مالت عليك انزين على شو متشقق وجهك وابي اغير الغرفة واهي اهي ..

ذكريات تضحك على ميعاد ريان طلع سامع السيناريو وميعاد طاح وجهها ...

قرب ريان ومسك ايد ذكريات وهو يبتسم لها: ما شالله عليها ذكريات موهوبة

-خلاص فتحي محل تصميم ديكور واشتغلي فيه بتربحين ذهب

-نـــــــعم !! ايه انتي لا تحشين افكار براسها هي وين والتصميم وين خلها تصمم بيتها احسن ..

ذكريات وهي حدها مستانسة على تملك وغيرة ريان عليها شعور حلوو بزيادة: انا اصلا هاوية مو اكثر

-هي هاوية اقول مالت عليك وعليها يلا يلا بنروح ولا تبون ننام هنيه!!

ذكريات شبت ضو ودزتها تطردتها من الغرفة: الحق مو عليك على الي حن عليك وقال يجيبك تشوفين الغرفة يا مال الفقر!!

ركبوا سيارة ريان وهو مستانس صح كلام حريم لكن يكفي انه يسمع صوتها كانه سيمفونية هادية

ميعاد تتطمن على فستان عرسها: والفستان اوك؟

-ايه اوك الحمدلله خلصت اخر بروفة وبستلمه بعد اسبوع

ميعاد وبغلاسة: ها الله يستر وما يكون متل ما تبين بعدين ريان ينسف محل المصممة باللي
فيه...ههههههه

-مالت عليك لازم تذكريني لا تطمني المصممة غير ذيك مالت عليها..

-ترى ها الا فستان عرسك خيط بالغلط ابدا ما في تسامح...

لفت عليه وهي تضحك بوجهه الوسيم:لا تطمن ان شالله بيطلع اوك ..مشكووووووووووور ^^

-اه بس
ميعاد بغلاسة: اه خير بلاك تعبان؟

-اف اف لا مو تعبان انتي بس سكتي !!

وصلو لبيت ام محمد ونزلت ذكريات وسالت ريان :ما بتنزل؟

الا ميعاد ترد بدل اخوها: لا ما بينزل وين ينزل بوصلني وبعدين روحو نامو لاحقين على بعض!!

-انتي انتي مالك خص يا اختي سكتي خليني اتكلم!!

ضحكت ذكريات ولو هي محرجة:خلاص تصبحون على خير

ردو عليها:وانتي بخير...

دخلت البيت وهي فرحانة ولله الحمد ومن هناك ريان نازل بهادل بميعاد الحشووورة

عرس ذكريات وريان..

حان اليوم الموعود يوم الف ليلة وليلة يوم يجتمع فيه الحب والهيام لقلبين.

قاعدة بروحها في غرفتها في بيت اهلها تودع الغرفة الي سكنتها بس كم سنة كم سنة غيرت حياتها وحياة اخوانها بهاللحظات البنت تتمنى اغلى الناس عليها هو ابوها الله يرحمه صح ان الاخ مثل الابو لكن الاب غير!! محمد مثل ابوها عقلا وقلبا لكن سبحان الله محد يحل محله ابد...تتمنى ريان يكون مثله وهي حاسة انه مثله بحنيته وقلبه الطيب..راح الكل للقاعة وميعاد توها ترروح من عندها وهيي تنتظر عزيز وهند يجو ياخذوها تاملت شكلها بالمراية وهي تحمد ربها عن نعمته ودعت ان الله يتمم هاليوم على خير..

في قاعة الرجال بو ريان الارض مو شايلته كيف وبكره بتزوج من احب الناس على قلبه بنت اخته..واخوانها الي مطمنين على اختهم لانه ريان رجال والنعم فيه ..وريان وحال ريان..الي يعد الثواني عشان تخلص هالرسميات ويكون مع حبيبته طول العمر..

وصلت العروس وحل السكون وصلت الملكة بابهى حلة واحلى جمال ..باطيب قلب ..وسمو اخلاق

كانت طالعة جميلة حالها حال اي عروس فستانها كان رقيق وفخم موديله فرنسي ..مطرز بخرز مبعثر كانها سماء وفيها نجوم وهيي قمرها..وشعرها مرفوع لكن خصلات متمردة مزينة وجهها ووردة بيضاء مثل لون باقتها مزينة جنب شعرها كانت تتمنى تحط وردة وما اهتمت اذا هي موضة او لاء !!

مسحت بعينها القاعة بشكل سريع وابتسمت لميعاد تتشكرها على لمساتها كانت القاعة حلوة ورقيقة عرفت ميعاد ان ذكريات تحب البسيط بس زادتها حبتين بالشجر المزين اطراف القاعة الي اضاف مسحة من عصور مضت..

سمت عليها امها بالرحمن وعينها تدمع وهي تشوف بنتها الصغيرة كبرت وتزوجت ..وام ريان وبنات خالها الي فرحتهم مو شايلتهم ذكريات اختهم قبل لا تكون بنت عمتهم...وصديقاتها العزيزات.

توسطت الكوشة وهي تبتسم بخجل العروس واهلها يهنوها من كل حدب وصوب وهي تزداد بس تكابر توتر وخوف من ليلة ينتهي فيها دورها كانسة وتبتدي فيها دورها كزوجة وان شالله ام..

قربت منها امها وهي مو قادرة توقف بكي وذكريات من حضنتها امها وشمة ريحتها نزلت دموعها بدون استئذان وبدت حملة الدموع من البنات مع تهديد من ميعاد انهم يسكتو ولا بتطردهم برة!!

-ايه هووووس انتي وياها يلا يلا روحو بعيد عنها خلونا اسكتها شكلها بصير تحفة..

قربت من ذكريات وهي مبلمة الكحل والمسكارا مسوين سوايا: ذكريات ذابحتك ذابحتك وما يهمني اخوي شو بسوي فيني سكتي واللي يرحم والديك..

ذكريات بهزة من راسها تحاول تكتم نوبات البكى وميعاد تحاول تضبط مكياجها: ادعي ذكريات ولا تستلمين للبكى..

-ان شالله..

واخيرا واخيرا خلص العرس لو بايده لا عرس ولا خرابيط بس كيف وهو اول عريس لابوه وهي البنت الوحيدة لعمته!! بعد السلام والغلاسة من اخوه وعيال عمته ما عرف كيف فضى البيت واخيرا منهم لا والحريم سوالف بكى عمته مسوية مناحة كانت وهي توصيه عليها حد يوصي حد على قلبه؟؟ فديتها والله راح يمشي لغرفتهم واخيرا هو وهي لحالهم بلا مقاطعات عزيز وغلاسة ميعاد..دق الباب باحترام

ودخل..شافها تمسح دموعها وهي قاعدة على الكرسي بغرفتهم غرفتهم واسعة السرير بمكان وفي صالة صغنونة وكرسيين بمكان ثاني وغرفة ملابس بعيدة عنهم..وقفت وابتسامة مرتبكة على شفاتها نزلت راسها بخجل رفعه باصعبه وباس راسها ومسح دموعها بايدينه

-خلاص دموع يا بعد قلبي..

-ما قادرة اوقف!!

ضحك عليها وهي تكابر حضنها لصدره وغمض عيونه هذي ذكرياتي..

-تذكرين يوم قلت لك "بحرقك بناري" ؟؟؟

بهتت فيه وهي تساله بعيونها كيف تقدر تنسى؟؟

-عرفتي شو هي ناري؟

تابعت عيونها ملامح وجهه: نارك هو حبك..

-ايه حبي بس ما عرفت انك نارك بتوصلني قبل ناري!!

ابتسمت: بس من قال اني احبك!!

اشر بايده على عيونها وشفاتها ونبضها المجنون برقبتها: هم قالو انك تحبيني!!

وتجرات واخيرا وبتقولها: ايه احبك..

باس ايدها -وانا اموت فيك..الله يقدرني واسعدك واكون مثل ما تبين اني اكون..

-الله يخليك لي حبيبي..

وصل لبيته وهو مرهق الشغل كان اليوم طويل ومتعب فتح باب الصالة واستقبلته الروائح الطيبة فديت والله راعية البيت..كانت الساعة 6 المغرب مسكينة شكلي تاخرت عليها وللحين ما تغدت!! مر على زواجهم شهرين من احلى شهور حياتهم ..كان يمشي بيروح لغرفتهم لكنه وقف وهو يشوف ظل لوحدة في الصالة !! كان ظهرها له فـ ما عرف من هي؟؟ معقول صديقتها؟ وليش ما خبرتني؟؟ بس لا هذي التكوينات انا عارفها زين!! كان وحدة لابسة فستان قصير ابيض واسود وشعرها مرفوع ولابسة كعب اسود !! لفت عليه وابتسامة ماكرة على شفاتها...

امراة ماكرة تشوف ردت فعل الرجل شافها حاطة مكياج اسود ثقيل وروج احمر قربت منه ومسكت ايده وهو بعده مضيع!!

-تاخرت؟؟

ناظرها لا هو صوتها ما تكلم بس واقف يتامل شكلها..

-ريان شفيك؟

-افا وتسالين شفيني؟ تعالي..سحبها من ايدها ووقفها قدام مراية كبيرة في الممر..وسالها: شو تشوفين؟

ريحت جسمها عليه وعينها بعينه:اشوفك!!

طلبها: ارحميني!!!

ابتسمت برضى : متاكد؟

ضحك من ردها: لا بصراحة...كانو لدقائق ساكتين وعينهم تحكي احلى حكي..

-يلا روح بدل وتعال..

-بس ابدل باخذ شاور سريع وبجي كيف يعني اهين هالحلى وانا كذا !!!

قرب باسها وهمس لها :دقائق وانا عندك...

خلص من حمامه ما يعرف كيف المهم ما يخليها تنتظر اكثر!!

راح للمطبخ وشافها واقفة بكامل اناقتها تجهز الاكل :والله حرام هالزين واقف بالمطبخ كانت وصيتي على شي من برة!!

-نو اذا ما طبخت بايدي ما تكون حلوة بحقي!!

-تسلم هالايدين..

بعد اسبوع كانت في بيت خالها مسوين سوالف لان عايشة متقدم لها خطيب وانواع الضحك والغلاسة ^^
رجعت قريب العشا بعد ما وصلها ريان توها كانت مخلصة حمام الا برسالة توصلها على الموبايل!!!

رجفت ايدينها وحمرت وتحس ان قلبها بيوقف من كثر ما يدق بصدرها!! قامت تتنفس بسرعة كبيرة تحس نفسها بتختنق!!

اتصلت على طول بريان لكنه ما رد!! المرة الثانية رد عليها: هلا ..

سكتت شوي: انت مشغول؟

-لا بروح اشوف واحد ...تبين شي؟

سكتت لثواني:لا سلامتك..بس فيني صداع وانت راجع جيب بندول!!
-ان شالله..

سكرت من عنده وبراسها قرار دقت على اخوها عزيز: هلا عزيز

-هلا والله بالشيخة..

تكلمت وهي تموت: طلبتك يا اخوي...

عزيز حس من كلامها ان في شي: تم وانا اخوك علامك؟ في شي؟

-تعال بيتي بروح معك مشوار!!

-تامرين دقائق وانا عندك!!

وبالفعل دقائق وكان عندها ركبت بدون ما تسلم شكلها ما كان يتفسر!! سالها وجاوبت بعنوان بس!!

استغرب سالها عن ريان لكنها هزت راسها بـ لا !!

وصلو للمكان الي قالت عليه نزلو سوى وهي تمشي ودور بعينها شاف عيونها كان غشاوة سودا غطتها والحزن كسا ملامح وجهها تابع نظرها وانصدم !! مسكها من ايدها من دون لا صوت ومشو...

وصلها لبيتها وهي للحين ما تكلمت بكلمة!!

كانت بتنزل لكنه وقفها: ذكريات..

لفت عليه وقالت: الي شفته اعتبر نفسك ما شفت شي يا اخوي..اتوكل..

بعد ساعة..

دخل للصالة بايده بندول عشانها شافها قاعدة ببنطلون جينز وتوب ازرق..سلم لكنها ما ردت!!

سالته: وين كنت؟

ناظرها وهو محتار: ليش تسالين؟

كانها صفعها!! وقفت بعصبية وصراخ قالت: قلت وين كنت!! جاوبني ولا ترد سؤالي بسؤال!!

عصب منها عمره محد رفع صوته عليه!!: ذكريات وطي صوتك!!

-الا بوطي وبوطي...

فجاة دموعها نزلت سمحت لها تنزل كانت تموت بدقيقة الف مرة والحين جاي يقول وطي صوتك!!

-كنت مع ريم!!

ملامحه توترت وعرف ليش هالانسكار عليها وليش دموعها تنزف بغزارة!!

-من متى تشوفها؟ هذي اول مرة ؟ الثانية؟ تـــــــــــــكلم!!!

غمض عيونه وسحب نفس: اهدي..

قربت منه وضربت على صدره..:لا تطلب مني اهدى سالتك جاوبني وين كنت وليش كنت معها!! انت بعدك تحبها!!

فتح عيونه احبها!! كيف وانتي مالكة قلبي؟؟

مسك زندوها: هذي اول مرة والاخيرة طلبت اشوفها وترجتني قلت يمكن في شي بس طلع كلامها كله فاضي مو اكثر...

-وليش ما خبرتني!! ليش كذبت علي!! انا شفتك معها!!

تركته ومشت وهي تتكلم مثل المجنونة: هي اكيد رسالتها "انا وريان" ...ويوم اتصل فيك تقولي رايح تشوف واحد!! شايفني هبلة انت وياها تستهبلون علي!!

-محد استهبل عليك حبيبتي هي كان غرضها تخرب علاقتنا ...

قطعت كلامه: واكيد الحين تضحك!!

كملت بسهام جارحة والغيرة تنهش روحها: اذا بعدك لك خاطر بـ ريم روح لها وخليني!!

شب نار من كلامها مسك شعرها وشده لورى لدرجة المتها مسكت ايده وهيي تتالم وتبكي: سمعيني زين ذكريات بذبحك لو سمعتك تتكلمين هالكلام فاهمة؟؟

سكتت وهي تبكي ضمها لصدره وهو موجوع : انتي حبيبتي وبس..

صباح اليوم التالي..

كانت في المطبخ تحرك النسكافيه وهي سرحانة..ما انتبهت لوجوده معها!! بس يوم رفعت راسها شافته مربع ايدينه ويناظرها نظرات احرقتها..تحركت تبي تطلع لكنه وقف قدامها تحركت يمين تحرك معها!! واذا يسار تحرك معها!! رفعت راسها وهي حدها معصبة...ابتسم لها: صباح الخير..

شاف المفاجاة مرسومة بعيونها يا قوات عينك يا اخي!!

ردت بغصب تبي تطلع:صباح النور..

مسك كوب النسكافيه من ايدها وحطه عالطاولة: انا غلطان وانا اسف...لكني رحت ومتوقع انها تغيرت!! لكن الي مثلها ما يتغيرون!! المهم عندي انتي وبس انتي حبيبتي ومثل ما قلتي خاطري فيها!!

انحرجت شوي وحمرت خدودها وحست بدموع تتجمع بعينها...:وهالدموع لا تخليها تنزل عشان ريم او غيرها..انتي هي حياتي فاهمة؟

-يعني......

-حبيبي يعني كل الي صار لعبة...انسيها تكفين!!

-ريان لا تخبي علي شي اي شي قولي اوك؟

ابتسم وباسها : اوك يا عيون ريان....

وبما انه اليوم كان جمعة كان اجتماع العايلة في بيت خالهم...ميعاد حست ان ذكريات فيها شي من جفونها الي شوي متورمة!! لكنها ما تكلمت..

اتصل عزيز باخته يبي يعرف شصار بينهم...قالته بتشوفه بالحوش!!

-هلا والله بالحلوين..

ابتسمت لاخوها وهي عارفة سر اللقاء: اهلين خيو ^^

حط ايده على كتفها وبدو يمشو ويتكلمو قالتله الي صار بالتفصيل الا اشياء حميمة احتفظت فيها لنفسها...
وهم يمشو ما حسو بالنار الشاعلة وراهم..كان ريان عارف نفسه انه يغار لكنه يوم شافها مع اخوها احترق!!

راح لهم بسرعة وهو بقمة الاستهبال بس عشان يفك حبيبته من اخوها وصار واقف بينهم كانه عذول !!

ذكريات ابتسمت بخبث عارفة ليش هالاكشن!! فديت الي يغارون علي انا...

بعد مرور سنتين....

العايلة متجمعة ببيت ريان وذكريات..

كان الجو برد وكلهم قاعدين بالحديقة الخارجية سوالف وضحك...

ريان وهو يشوف عزيز حامل ولده يطيره فوق: عزيز اذا صار بولدي شي لا تلوم الا نفسك!! تشوف هذاك الدبدوب وهو ياشر على ولد عزيز بعلقه فوق هناك وهو ياشر على شجرة ^^

-ها ها اقول الاخو هذا وهو يبوووس سيف بقووو ولد الغالية..

ضحكت ذكريات عليهم هذا حالهم الله يعين !! بين دلال ابوه ودلال خاله عزيز بضيع الولد!!

سيف ريان عمره سنة كتكوت نسخة عن ابوه لكنه ولله الحمدلله على قولة ميعاد اخذ عيون امه يقال تحسين جينات...

عزيز الله عطاه ولد سماه محمد..

ميعاد الله رزقها بولد سمته وليد..

ناصر تزوج شيخة والحين هي حامل...

عايشة تزوجت من شهرين

وشهد عايشة عمرها...

ريم متزوجة وتحاول تكون سعيدة

قرب منها ريان وهمس باذنها: اخر مرة اسمع كلامك واعزم حد عندنا!!

-ليش؟

-متى بيروحون يعني!!

-مشتاقلي؟

-على طول...

ضحكت من قلبها عليه تمووت فيه وتحبه وهو مستحيل يتخيل حياته من دون ذكرياته ...!!

انتهت القصة على خير...

26-04-13, 06:11 PM

المشاركة رقم: 94

المعلومات
الكاتب:	Julianna
اللقب:	همسة حب

البيانات
التسجيل:	Nov 2012
العضوية:	247670
المشاركات:	2,835
الجنس	أنثى
معدل التقييم:
نقاط التقييم:	5648

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

مرحبا

نهاية مشواري بالوحي

اول واخر تجربة

لكل انسان قدرات وقدراتي للاسف هون متعطلة

بعتذر اذا نهيتها بسرعة لكني وعدت اكملها وكملتها بشكل من الاشكال..

بعتذر اذا كانت الفصول الاخيرة دون المستوى المطلوب

وبشكر الحبيبات الي شجعوني وكانو برفقتي ورفقة ذكريات ^^

تفاحة الغالية وماهيناز العسل براعم القمر ترانيم الصبا العزيزة سحر الثلج عالمرور الطيب عمر همس الدموع عالمرور اللطيف

بتمنى ينال الفصل الاخير اعجابكم وبتمنى شوفكم بقصة اخرى ...

لكم كل الحب والود والتقدير

الف شكر

Julianna

^_^

26-04-13, 06:56 PM

المشاركة رقم: 95

المعلومات
الكاتب:	نجلاء الريم
اللقب:	عضو فخري

البيانات
التسجيل:	Mar 2012
العضوية:	237614
المشاركات:	8,068
الجنس	أنثى
معدل التقييم:
نقاط التقييم:	11015

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

مبرووووك كاتبتنا الغاليه اكتمال روايتك

وان شاء الله نشوفك بروايه ثانيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري