كاتب الموضوع :
اسطورة !
المنتدى :
القصص المكتمله
رد: أبكي ليه ما أبكي ؟ مدامك للدموع أسباب للكاتبة : يتيمة زايد
.
.
ღوقفةღ
تخيل قد ما تقدر تعايش ساعة الحرمان
تصـور كيفهـا حالـك إذا خانـوبـك أحبـابـك
تخيل روحك بكـف وبخـل فيهـا عليـك إنسـان
مصيبه تنسرق روحك ولانتـه حاسـب حسابـك
وتخيل صدمة الغفله تجي من كـف لـه ولهـان
تصور واقع الصدمـه وتأثيـره علـى أعصابـك
" حامد زيد "
ღ الحلقة السابعه والثلاثين ღ
عبدالله وقف وقال : شما تعالي اباج شوي ...
شما استغربت ووقفت تلحقه وهو يرقى فوووق
قالت فخاطرها : السسسسالفه مب رااااكبه ...! وفاااء مب طبيعيه ...
اصلا هي متى كآنت طبيعيه عشآن تصير طبيعيه ... بسسس اليوم غيييير شكل ...
هي مسويه شي مسسسويه شي ونشوف يا انا يا عبود .... وتطلع الرمسسسسه منه ... ولا والله لاشرشح وفااااءووووه ومآ اخلي فيها خييير وقته يعني ..!
لحقته لما وقف ...
وقفت وكنت مستغربه وبنفس الوقت خآيفه من عبدالله
لف وطالعني ...
ما رمست ونزلت راسي
تنهد وكآن يلعب بالسويج ...
هزيت راسي باستغراب : خير عبدالله ؟
تنهد وقال : خلي وفاء عندج اليوم وبآجر نروح العين
شما بتكبر : هاها ؟! وفاءوه تتم عندي انا ؟
عبدالله تنهد : هيييه بتتم عندج وامايه ترمس خالتي
شما : لا ابووويه ودنا اليوم صوبهم عآد
عبدالله بحزم : انا مب مصدق اني بفتك من حنتها لأني مابا اوديها اليوم تطيحين انتي ع راسي
طالعته بخوف وقلت : انززين ليش يايبها عندنا .!
عبدالله لف عيونه وتم يتطالع المكآن وقال : تراها قالت ان سيارة ربيعتها اخترتب
قلت بشك : السسسالفه مب مقنعه ..!
عبدالله عصب وقال : برايج تقتنعين ولا ما تقتنعين هاللي صار ..!
تقدمت منه وقلت : لا عبدالله السالفه مب جي .. السسسالفه فيها انننه ... وانا متأكده
قال بحزم : شممااااا بسسسج من الأسئله اللي مالها معنى ... وخلي وفاء عندج اليوم ...
بوزت وقلت : ان شالله ... بآجر متى بنروح العين ...
تنهد وتم يفكر : يآ بآجر الصبح او اليوم بليل اذا خلصت اشغالي من وقت
قلت بتفهم : اوكِ خلاص مَ عليك ...
لف وتوه بينزل : لا تيبين لها طاري الروحه ... هي عبالها ان عقب شوي بنروح ...
هزيت راسي بأوكِ وقلت : مَ عليك ...
ابتسم وقال : كفو ...
ونزل ...
قعدت وانا عاقده حياتي وحايسة بوزي ... مستغررربه من تصرفات عبدالله ووفاء اكثر ...
هذي اش ياااابها دبي ...!
ومع ربيعتها معقوووووله ..!
لالا ما تصير خالو متشدده ومستحيل تخلي بنتها تروح لبيت جيرانهم بروحها اتيي آخر شي وتخليها تيي دبي مع ربيعتها ...
وفاااء مو طبيعيه وفيها شي ... الا اطلع الرمسسسسه منها ...
وقفت وتقدمت من الدررري اشوف وفاء والا اطلع الرمسه واعرف السبب ..!
/
.
/
العصر ... الساعه ست ونص ...
هـ الوقت جدا جدا كئئئئيب بالنسبه لي ... مآ ادري ليييش ...!
قلت وانا طفرانه وملانه ... وضآيجة من كل شي ...
رقيييييه ...؟
لفت وطالعتني : نعم يختي ...!
ابتسمت بتعب وقلت : تعالي نطلع ...
رقيه ابتسمت وفيها الضحكه : الله وفين حتروحي يعني ؟؟
ابتسمت بملل : ايييي مكآآآآآآن المهم اطلع
رقيه وهي تفكر : يختي مهي الحديئه في البيت ... اطلعي واتمشي ..
بوزت وقلت : بدووور برع ... اي مكان ....
رقيه كشت عليه وقالت : مآ تدوريش كتيرررر يختي مش كووويس للي فبطنك
ابتسمت وقلت : اوووكي اوووكي انزززين نروح البحر
رقيه لفت وتنرفزت : يا بنت انتي ما تفهميش يعني ...!
زعلت وقلت : افاااا الحين انا ما افهم
ضحكت رقيه وقالت : وبعدين يختي اللي يسمعك يئول ان انا بسووووء ... روحي لنوال وشوفيها
قلت بتعب : لااا حرااام نوال عرووس ومالها خلق حواطه ودواره هي يالله يالله اتجهز لعرسها
رقيه مدت ايدها وعطتني من صحن المكسرات : كلي يختي كلي
قلت وانا اكل : هييي عشان اصير بوتمبه مره وحده
رقيه : اومي نادي البت نوال
توني بوقف وقلت : ان شالله
رقيه مدت ايدها : لا يختي اعدي اعدي .... مش نائصين تعب .... بت يا رووووز ...
روز يت وقالت : نعم ماما ؟
رقيه : روحي نادي نوال ...
روز : ان شالله
رقيه : قولي ماما رقيه في يبي
روز تحركت ... ابتسمت وقلت وانا اربع ريولي : صح ما حصلتو مرياتي ..؟!
رقيه تضحك : ايوا شااافوها ..!
ابتسمت وقلت : فييين بعد ..؟!
رقيه : عند الولا اللي اسمو ارشد معرفش امجد
انصدمت وقلت : ويييي شارده لراعي الكافتيريا ..!
رقيه ابتسمت : شفتي الغبااااء .. وهوه اللي بلغ عليها
ضحكت وقلت : عشتووو والله ... انززين والحين شو بتسوون وياها ؟!
رقيه : حيسفروها من المكتب ... هي مابئلهاش الا اسبوع ...وعزام آل مش عآوزها هنا
قلت : هيييه زين هذي كيف نأمن عليها
رقيه : ازي اختك ؟
قلت : تمام والله ... اليوم الصبح رمستها .. تقول ملانه ...
رقيه ضحكت : ئولي لها مابئاش حاقة ع المدرسه ... تتجهز كووويس وتعيش الملل دلوئتي .. اصل هيه حتنسى حاقة اسمها ملل بعدين ...
ابتسمت وقلت : صدقج .... تدرين ..!
رقيه مستغربه : ايييه ..!؟
قلت : احمدوه بيصحك الست وعشرين ... خاطري نزوجه
رقيه ضحكت : مش حيرضى ...
بوزت وقلت : ليييش عآد ؟!
رقيه ابتسمت : معرفش بس الولاد دلوئتي بيتجوزو وهما تمانيه وعشرين تسعه وعشرين ولا اللي تلاته وتلاتين
قلت : وي عآد منو بترضى فيه عقب ...! هههه
رقيه : اصل انتي ما تعرفيش بنات دلوئتي بيحبو اللي شعرو ابييييض ههههههه
قلت : دخيييلج عآد ... لا صدق افكر نخطب له ... وارمس امايه شو رااايج ..!
رقيه : انتي ئيسي نبضو وشوفي .. وئتها دوري لو ع البت اللي بتناسبو
قلت وانا افكر : البنت موجوده بسسس اشاااره منه ونخطبها ...
رقيه : طيييب ...
شفت نوال نازله .. وابتسمنا ...
قالت رقيه : نورتينا يا عرووووسه نورتينا ...
ابتسمت نوال وتقدمت : مسسساء الخير
رقيه : مسسساء النووور والفل والياسمين .. وكل حاااقة
قعدت نوال وقالت : اشوووف متيمعين ..!
رقيه طالعتني وقالت : البت اميره عاوزه تجوز اخوها
ابتسمت وقلت : ههههه شفتي كييف عآد ..!
ابتسمت نوال وقالت : شكلهم الشباب مره وحده الا يخطبون ويعرسون ... سمعت حمود بيملج خلاص
رقيه : يلا الله يوفئهم كلهوووم ... كنتي بتعملي ايه ..!؟
نوال : ارمس ربيعتي ..
تذكرت وقلت : صح نوال اش حالها ماريا ؟
نوال استغربت من سؤالي وابتسمت وقالت بتوتر : هااا ... هي بخييير الحمدلله
شكيت بأن ويه نوال مش طبيعي يوم سألتها عن ماريا ....
سكت وما قلت شي ...
رقيه : الود خالد بيتصل فيكي ولا .؟!
استحت نوال وقالت : هيييه يتصل ...
غمزت لها رقيه وقالت : ما تخسسسريش رصيدو يختي ... الفاااتوره ياما الفاااتوره ...
ضحكت وقلت : حلالهم انزززين حلاتها ايااام الملجه يا رقيييه
رقيه : هوه الود عزام لسا ماجاااش
ابتسمت وقلت : لأأأ ما جاااش ... شكله مشغووول اليوم ...
رقيه ابتسمت وقالت : ليكووون متجوووز ونحنا ما بنعرفش
انصدمت وبانت الغيره قلت بخوووف : فاااال الله ولا فاااالج.....
رقيه ضحكت : الود اللي فبطنك يختي الوآآآد ...
استوعبت وهديت ... ابتسمت وقلت : الحيييين هذا فاااال ؟..!!!!
فجأه تبطل باب الصاله ودخل عزام ...
ضحكت رقية وقالت : زكرنا الأط وقالنا ينط ...
تقدم منا وقال : السلام عليكم ...
ردينا السلام : وعليكم السلام والرحمه
ابتسم وقال : اشووفكم متيمعين ..! شو الطاري ؟
رقيه ضحكت وقالت : الست المفعوصه دي عاوزه تطلع
ابتسم وقال : نطلعها شووو ورااانا يعني ..!
قلت بخوف : لالا .. اخاااف اتعب عزااام ..!
ابتسم لنوال وقال : اش حالج نوال ؟
جاوبته وهي منزله راسها : تمام الله يسلمك
طالعني وقال : انا بروح بريح
وقفت وانا الحقه وقلت لرقيه : اذا طلعتو خبروني ... زهقت من قعدة البيت ...
رقيه ضحكت : طيييب يختي طيييب .... روحي لجوزك احسن ما يعمل لنا مسلسل ...
/
.
/
طالعت وفاء عقب ما خلصت صلاة .... قلت اقرا قرآن بس ما قدرت ابلييييس تم يوسوس لي وقلت الا اعرررف السالفه ...
تقدمت من التلفزيون وشغلته ... شفتها قاعده متضآيجة وحزينه وحالتها حاله ...
قلت باستغراب : وفوووي ..!!
لفت صوبي وقالت : هلأ ..
ابتسمت وقلت : الا تعااالي تطمنتي ع ربيعتج جآن ردت العين ولالأ ...
ارتبكت وقالت لا والله بعدني ..
هزيت راسي وقلت : اهااا ... قلت لو نتطمن عليها
وفاء باستفسار : وين عبدالله ..؟
حسسسسيت من البدايه بس قلبي ما كان متطمن .. والحين تأكدت ...
قلت بشراسه : شو تبينه ..............؟!
خافت وقالت : ها لا ولا شي ....
قلت بتكبر : هيييه ... ولا عاد ليييش تسألين عنه ..!
بلعت ريجها وقالت : كنت بسأل متى نرد العين
ابتسمت وانا اتابع المسلسل : لا تخااافين بيتكم ما بيطير ...
وفاء بخووف : الحين هو متى بيردنا ...
قلت بخبث : علمي علمج الصراااحه ...
سكتت وفاء وما قالت شي ...
قلت وانا اتذكر حلوم بنت خالتي : صح اختج شو سمت ولدها ..؟!
وفاء : ثبتو ع اسم مايد
ابتسمت وقلت : حلووو ... يشبه منو ..!
وفاء ردت لطبعها : ياااهل بلا بيشبه منووو يعني ...!
تنرفزت وقلت : انزززين الا سألت ما قلت شي ...
وفاء لفت ويهها وهي مهمومه وتفكر ...
حسسسيت بغيييض بداخلي وقلت : الحييين وفاااء صدق كل هالمده محد تقدم لج ..؟!
وفاء بتكبر : لاااا وع ... شباهم الرياييييل انا ..!
قلت بسخريه : عساس هم يبونج ... يعني اقصصصصد ليييش ما توافقين ..
وفاء : تعرفين امي بروحها ومحد عندها ... اللي يباني يباها
قلت بتفهم وخبث : اهااااا ... بس امج ما بتدوم لج ... يعني تفهميني انج عمرج ما بتتزوجين ..
وفاء بقهر : يصيررر خير وقتها ياشمااااا ...
سكت وتميت اطالع الفلم الهندي ...
وفاء ردت سألتني : وانتي بلا محد تقدم لج ...!
قلت بتكبر : لا عشتوووو ... وش كثرهم اللي تقدمو لي ..
وفاء : وعآآآد ..! لا تقووولين مب من مستوآآآج ...
قلت بسخريه : لا للأسف من مستواي وزووود ... بس ما يناسبوني ...
سكتت وفاء وما قالت شي ...
قلت وانا اضحك : سؤال يعني اخوووي عبدالله لو تقدم لج بينرفض شرات البقيه
هالوقت كنت مركزه بعيونها وابا اشوووف ردة فعلها ....
انقهررررت يوم ماشفت اي تعبير على ويه وفااااء ...
وقالت لي : حزتها يصيييير خير ....
انقهرت منها وتميت اطالع المسلسل ...
بس قهرتني اكثر يوم قاااالت : شالفلم البآآآيخ اللي تشوفينه حطي ام بي سي ماكس وآيد احسن
تجاهلتها وما رديت عليها ...
/
.
/
كنت قاعده يمب عزام واتأمله ...
طالعني وقال : اش فيج ...
ضحكت ورجعت لوعيي وقلت : ماااشي
ابتسم وقال : ليكووون فيني شي غلط ...
قلت وانا اطالعه : لا ابدااا بس اقااارن شعرك بشعري ... وبشرتك ببشرتي ...
حاس بوزه وانصدم وقال : تشوفيني بنيه على غفله ...
مديت ايدي لشعره ولعبت فيه وكشكشته : لا ابدااا بس شووف كيييف تقووول ليف
مد ايده لشعري وقال : عسسساس شعرررج الحلو
قلت وانا اتخقق : هيه والله ...
ابتسم بسسسخريه وقال : الشعر الحلو خلينا للبنات
ضحكت وقلت : ليكووون زعلت ....
عقد حياته وقال : شو تشوفيني ياااهل
تقدمت منه ولفيت .. رحت وراه وبديت العب بشعره : لا والله ... هو حلو ... بس قصته مب شي ...
رفع راسه وطالعني : شو انا بنيه ..!
ضحكت وقلت : لأأأأ ... لييش تفهمني غلط .. اسوووولف
سحب ايدي ورجعني يدامه : انتي ما تيوزين عن حركااات اليهال
بوزت وقلت : ها يزاااي يوم اني ارمسك بانفتاح يعني
ضحك وما قال شي ...
وقفت وقلت : اروووح اقعد مع رقيييه احسسسن ...
اشر لي باقعدي وقال : بلاااج مستويه فلفل اعوذ بالله ما تترمسين مووول ...!
ابتسمت وقلت : انت تزعلني
ابتسم وقال : لا ما بزعلج ... شو سويتي اليوم ...
قلت وانا اتذكر : كله ضااايق خلقي
ابتسم وقال : ههههه صح .. ترا ماشي جااامعه الا يوم تربين
حسيت بتعب نفسي وقلت : هاااااااااااااه ...؟
هز راسه بهي وقال : صددددق
انصدمت وقلت بخووف وزعل : لا تقققوووول عزام ترا والله يضيق خاااااطري
قال بجديه : هيييه والله شو تبيني ارضى تروحين الجامعه وانتي حااامل ...!
قلت : هيييه وشو فيها ... غيري راااح
ابتسمت وقال وهو يطالع بطني : بتتعبين وآيد ... ويتعب البيبي ...
لفيت ويهي بزعل
قال : ازعلي وسوي اللي تبين الزم ما علي راحتج
قلت بقهر : هيييه قصصصص عليه انته ...
ضحك وقال : فسسسريها مثل ما تبين ... مالي شغل
رن الموبايل ونحن نسسسسولف وانا اقنعه اني بدآوم وهو الا معآند ويقول لأ ...
شفت الرقم واستغربت .. هوووه نفسسسه
توني برد بس قلت اقول لعزام ان هالرقم صاار له مده يتصل ويصكر بويهي ....
وانا اطالع الرقم ...
قال لي عزام : ردي بلااااج تتطالعين التلفون ...
تشجعت ورديت .. قلت : آلو ....
محد رد علي .... خفت ...
وقلت : منوووو متصل ...؟؟!!!!
محد رد ... عزام طالعني مستغرب واشر لي منو ؟؟
هزيت راسي بلا واشر له يتريا ... قلت بحزم : ان ما رمسسستي ترااا والله الرقم يوصل للشرطه ...
بس عزام كآن اسرع مني وسحب التلفون من ايدي وقال : الووووو ...؟!
عصصصصب يوم محد رد وقال : ان اتصلت مرررره ثانيه ع هالرقم برررراويك يالـ *************
وبنده ...
طالعته بخووف وقلت : شو قال لك ..؟
كان متنرفز وقال : ليييش تردين ع ارقام غريبه
هزيت راسي بعادي وقلت : قلت يمكن وحده من البنات
هددني بصرامه وقال : اي رقم غررريب لا تردين ... واذا اتصل بج مره ثانيه خبريني
هزيت راسي باوكي وقلت : ان شاء الله مَ عليك ....
وقف وكان شكله متضايج ... حسبي الله ع اللي خرب قعدتنا مع بعض ...
قال بتعب : بروووح برقد وعيني ع العشا ... اذا ما نشيت فبرايه ...
قلت له بحسره وانا حاز بخاطري الموقف اللي ما يسووووى : اوووكِ
/
.
/
يت الساعه ثمآن ونص .... كنآ انا ونوال تحت .... وامايه راحت فوق تصلي العشا ...
الوقت مر بسسسرعه علي .. يمكن لأني متعوده وهذا بيتنا
وعلامات الحيره مبينه على ويه وفاااء ... وهي زعلانه ومتضايقه ...
استغربت منها .. اول ما خلص الفلم ..
شفتها وقلت : بلآج ..؟
رفعت راسها وتوها استوعبت : هاااه .؟
قلت وانا اطالعها باستغراب : سألتج اش بلآج ..؟
هزت راسها بلا وقالت : ها ولا شي ... بسسس افكر متى نرد العين
ابتسمت بخبث وقلت : بلآج مستعيله ع الرده ترا بيتنا ماشي احلى من القعده فيه
قالت بغيض : لا شكرررا ما ارتاح الا فبيتنا ...
قلت بقهر : لااااحووووول ... بلاج انتي جيييي متنرفزه ...
قالت باستفسار : وينها خاااالو ؟
قلت : فوووق تصلي .. شو تبينها ...
وقفت وما ردت علي ... تقدمت منها وقلت : امايه تصلي
طالعتني وقالت : انزززين بروح بقعد مع خالتي
تنرفزت وقلت : وفوووي ترا انا دارستج وطابختج وكل ابو شي ...
تخصرت وقالت : وشو يعني هالكلام ..؟!
قلت وانا ارفع حياتي بتهديد : فهمتي علي وعرفتي شو اعني بكلامي
قالت وهي ماده بوزها وتأشر لي : قومي انزين بروح لخالو
قلت وانا اهددها : روووحه للعين تراااا ماااشي ...!
تنرفزت وقالت : امي على غفله ...!!! انتي اش لج ..
صرخت فويهها وقلت : وفووووي تأدبي احسسسسن لج ...
هـ الحزه ما سمعت الا صوت عبدالله وهو يصارخ : شممممممممممممما ..؟!
لفيت وانا ميته خوووف عبدالله توه ياااي من برع وعصب يوم شافنا نتضارب
سكت وما قلت شي
قال بعصبيه : بلاكن ..؟
قلت وانا مبوزه : اش دراني عنها الا تبا ترد العين ..!
عبدالله طالع وفاء بنظرة صاروخيه وقال لها : تجهزو عقب العشا بنطلع
فرحت وفاء وقالت : والله ...!
عبدالله ما رد عليها وصعد فوق شكله بيرمس امايه ...
طالعتني وقعدت وهي مستانسه ...
تنرفزت منها وقعدت بعصبيه ....
قالت : بلآج ..؟
لفيت ويهي وطالعتها قلت بنرفزه : وفوووي ترا من الصبح وانتي حارتني ...
ابتسمت وما قالت شي
اشرت لها باصبعي : ترااا والله واااصله اهني ... اهننننني هاااه ان زادت بنففففجرررررررر ... ارمسي
ابتسمت وعدلت قعدتها اشرت لي : تعااالي تعااالي ...
تقدمت منها وقلت : قوووولي شو اللي بينكم ..؟
ابتسمت وفاء وقالت : اي بينا ..؟
قلت وانا اضربها ع راسها : اي بينكم بعد ...! انتي وعبدالله منو بعد
وفاء ابتسمت بسخريه : لا والله ... مو بيني وبينه حبيبتي ...
عصبت عليها وعقدت حياتي قلت وانا اتوعد فيها : ترا والله عادي الحين اقول لهم بطني يعورني واترقد فالمستشفى ... ولا تروحين العين ..
خاف وفاء وقالت : بلاااج انتي ... انزززين بقول لج ...
قلت وانا اطالعها وبندت التلفزيون : قووولي ....
توها بترمس سمعت عبدالله وهو نازل : شما قولي للخدامه نتعشى عشان نطلع ونروح العين ...
قلت وانا اطالع وفاء واتوعد لها : بسسس الحين الساعه ثمآن ونص نحن مب دياااي ...
طالعني عبدالله بنظره ... خلاني اسسسسحب كل الكلام اللي قلته ...
ابتسمت بخووف وقلت : ان شاء الله ...
وانا رايحه صوب المطبخ تميت اراااقب صوب عبدالله هل هو بيروح لوفاء ولا لأ ...
بس خابت ظنوني يوم امايه نزلت ويت قعدت وياهم ...
/
.
/
كانت الساعه 11 وانا قاعده لا شغله ولا مشغله ....
كررررهت حيآتي متى نبدا دوام ... لا نت يسلينا .. ولا تلفزيون .. شو هالحاله ...!
حسسسيت بصوت باب الصاله ...
لفيت ولا اشوووف احمد توه راجع من برع ...
تقدمت منه بسسسرعه وانا مبتسمه : هلا والله
ابتسم وقال : هلا اماني ...
طالعت وراه وقلت : مب يايييب وياك شي ..؟!
ابتسم وقال : مب جني من يومين يايب لج حلويات الدنيا
بوزت وقلت : امبلى بس تدري باختك المفجوعه عآد
مشى ولا عبرني
تقدمت منه بسسسرعه وقلت : احمد احمد
لف ويهه وقال : هلا امووون ...!
خفت لا اقول له ... وبلعت ريجي ...
قلت بتردد : فكرررت بالموضوع اللي كلمتك عنه ..!
قال وهو مستغرب : اي موضووع بالضبط ..؟
قلت وانا اذكره : عيال عمنا
تغير لونه وقال : شو ياب هالطاري ..؟
تنهدت وقلت : قلت اسألك ... وانت بعدك ما سويت شي
قال وهو يفكر : منو اتصل بج ..؟
قلت بخوف : محد محد ... بسسس قلت ان نشوفهم ... وفكرت فيهم اليوم ...
طالعني وقال : يصير خير ..
ومشى
تقدمت منه بسسسرعه وقلت : شو اللي يصير خير ..؟!
وقف ولف : انتي شكلج ما تبيني ارقد
قلت وانا زعلانه : لا والله ...! بسسس صدددق يعني موضوع يستحق النقاش ... ولااازم نشوووف لنا حل وياهم
قال باستغراب : وليييش محيرج الموضوع هـ الكثر .. تريي انتي شوي ويصير خير
تنهدت وقلت : على خير ان شاء الله
راقبته وهو يدخل ولا همه ولا عليه ...!
الحيييين كل هـ التفكير اللي افكر ليل ونهار من دررريت وهو ولا يهمه ...
شوووو من دممم عنده اخوي ... ما يحسسس بعيال عمه ...!
لهالدرجة الزعل واااصل بينهم ..!
وياليت لو اعررررف السبب بعد ...؟!
احسن حل امييررره تعرف .. واكلم اميره عن الموضوع
بس امييرررره حامل اخاف تنصدم ولا شي ...
مافيني على انفعال اميررره وعقب عزام يسوي لنا سسسالفه مب ناقصين نحن بعد ..!
/
.
/
كلنا نزلنا ودخلنا البيت ...
وفاء فتحت لنا البيبان والليتات .. ودخلنا ... وتذكرت عبدالله
يوم لفت شافته بروحه راااح للميلس .. ابتسمت بسسسخريه زين عيال خالتي يتذكرون كيف بيتنا بعد ...!
طالعت البيت وقلت : كتمة وفوووي ...!
وفاء وهي تشغل المكيفات : محد فالبيت الله يخليج لآزم يصير كتمه .. وانا طالعه مع ربيعاتي ...
ام خالد : وينها امج ..؟!
وفاء ابتسمت : امايه فالمستشفى مع حلوم ...
ام خالد ابتسمت : هيييه ان شاء الله تقوم بالسلامه
ابتسمت وقلت : امااايه باااجر من الصبح نروح نشوووف البيبي ...!
ام خالد : ان شاء الله
وفاء : تشربون شي خالو ..؟ اسوي لكم جاي ...
شما : لا لا ما نبا شي ... بس عطيني فررراش اوديه لعبود اخويه ...
وفاء : عندنا حجر فاضيه خل ايي ينام داخل ...
شما وقفت : خلاااص بروح بشوووفه
وفاء : تعالي خالو ارقدي شكلج تعبانه ...
ابتسمت وانا اشوووف حوي قوووم خالوتي ... يالله من زماااان عن هالبيت وسوالفه وايام الطفوووله ... اذكر انا وعيال خالاتي كلهم كنا نتيمع فبيت خالو ام حلوووم ...
تقدمت من باب الميلس ... يوم شفته مبطل دخلت على طووول ...
كان عبدالله قاعد ويعابل بتلفونه ...
قلت : عبدالله اييب لك فراش ولا تنام داخل ..؟!
رفع راسه باستغراب وقال : ها...؟
عدت كلامي وقلت : اييب لك فراااش ولا تنآم دآخل ..؟!
هز راسه بلا ووقف : لا انا برد دبي ,,,
انصدمت وقلت : هااا ..؟
قال لي : وينها امايه .. انا راد دبي وباجر ايي واشلكم ...
قلت : لا ووووين تروح ...
يا صوب الباب وقال : وينها امايه ...
قلت : داااخل
قال وهو مستعيل : ازقريها انزززين ..!
طالعته وقلت : شكلها تعبانه ما فيها شده ... تعااال دآخل ورمسها
وهو يطالع الحوي .. حسسسيت شعوره نفس شعوووري وايام الطفوله .....
قال : سوي لي درب انزززين ..
قلت له وانا ابتسم واطالع حويهم : الحقني محد اهني غير وفاء ...
لحقني وتقدمنا من الصاله ...
دخلنا وقلت لأمايه : اميه عبدالله يباج ...
قالت امايه وفيها رقاد : قولي له ايي مافيني شده ...
شفت وفاء تعدل شيلتها بسسرعه ...
دخل عبدالله وتقدم من امايه .....
قالت له امايه : ها ابووويه خير ..؟
عبدالله : امايه انا برد دبي وبآجر ايي اشلكم
امايه انصدمت وقالت : اشوووه ..؟! الحييين ترد دبي
عبدالله ابتسم وقال : هييي امايه وراي شغل ...
امايه تنرفزت وقالت : لا ابووويه ماشيييي رددده ... قر مكانك ومن اصبح افلح
عبدالله مستغرب : لييش انزززين ورااايه شغل
امايه عصبت وقالت : خذ اجاااازه مايستوي بك شي ....
عبدالله ابتسم وقال : يالله يا عيارتج يا امااايه ...
امايه طالعته بنظرة وقالت : وين تبا يفتحون فراشك
عبدالله طالعني وقال : فالميلس ...
قلت له : ترا تقووول لك اهني في حجر فاضيه ...
طالعني بنظره .. عرفت من عقبها .. يعني اسسسسكت وآكل تبن ... ولا اتدخل ...
امايه قالت : خلاااص امايه وفاااء عطي لشما تودي لخوها ....
وفاء وقفت وقالت : ان شاء الله ... وانتي بعد خاااالو قومي ارقدي شكلج تعبانه ...
راااقبت عبدالله وهو يطلع من الباب ... ورحت صوووب وفااء
،
،
مرت اول ساااعه وانا حاااطة راااسي وما ياني رقاد .... طالعت يمبي ... انا ووفاء رواحنا .. امايه رقدت فحجرة خااالو ... وقالت ان نحن بنسهر وهي مافيها شده ع السهر ...
وفاء من ثووواني رقدت ولا طاااعت تقووول السالفه ...
وررررااااج ورررراج لما اطلع روووحج يالغبيه ...
عصصصبت عليها كآن ودي آخذ المخده واعصرها ع ويه وفاااء لما تختنق وتعترف شو فيهم اليوم وشو سالفتهم ...
تنرفزت من شكلها وهي راقده ومرتاحه
وانا على اعصصصابي ....
مسكت التلفون واتصلت بنوال ...
شفت الساعه واستحيت ... حد يتصل الساعه هنتين ....
عقب قلت عادي ...
ردت نوال بصوتها التعبان والراقد : هلاااا شما ...
ابتسمت وقلت : راااقده ..؟
قالت وهي تحاول تستوعب : خييير متصله هـ الحزه .. ليكووون صاااير شي ..
ابتسمت وقلت : لا ابدااا والله بس قلت اتصل بج من الملل .. وقتي غلط صح ...
نوال ابتسمت وقالت : لا فديتج قووولي ..؟!
قلت بحيررره : صاااارت اشياااء اليوم خلتني اتنرفز .. امسسسك اعصاااابي .... اتضااارب .... بسسس بعدني محتاره ولا عرررفت شي
نوال باستغراب : شووو صار بعد ..؟
قلت وانا اتذكر : ما يصير الحين اقوول لج ... بآجر اذا رديت دبي بقول لج ان شاء الله
نوال استوعبت وقالت : لييش انتي مب فدبي ..؟
قلت وانا ابتسم : لأ فالعين بيت قوووم خالوتي لأن بنتها ربت
ابتسمت نوال وقالت : اهاااا ...
قلت وانا اشوف الساعه : خلاااص كملي رقادج شكلي خربت عليج ههههه
ضحكت نوال بهدووء وفيها رقاد : لا عآدي فديتج ...
قلت وانا افكر بجنون : لاااا يكووووووون كنتي تحلمين فالحبيب وخربت عليييج
استحت نوال وقالت : لااا شووو ... يلا فااارجي والصبح اتصل بج
قلت وانا اضحك : اوووكِ يلآ بآآآي فديتج ...
لفيت وشفت وفاء راااقده ...
هزيتها شوي شوي وقلت : وفاااء وفااااء
تضايجت وبدت تتحرك ..
هزيتها اقوى وقلت : وفووووي وفووووي ...
ما ردت عليه ... عصبت وحسسسيت بغيض ...
عدلت رقدتي .. ورقدت ع بطني وراسي صوبها وانا اطالعها بنظرتي الشريريه ...
مديت ايديه لشعرها وبديت اهزها : وفوووووووووي وفووووووووي لحقي لحقي
حسسست وفتحت عيونها باستغراب وخوف وقالت : خيييير شوووو صاااير ..؟
ابتسمت وحطيت ايدي ع خدي وقلت : شووو صااار اليوم ..؟!
لفت ويهها وقالت وفيها رقاد : والله العظيم انج متفيجه ... اررررقدي
قلت بعناااد وانا اهزها : يلاااا قوووولي ...
عصبت وفرت علي المخده وقالت : والله ان ما رقدتي لأقوم وارقد عن خالتي ....
قلت بخبث : لالاااا روحي ارقدي عند عبدالله مب احسسسن بعد ...
وفاء استوعبت وفتحت عيووونها وهي تطالعني وقالت : انتي شكلج ما تستحين علىىى ويييييهج شموووه ...!؟!!!!!
ابتسمت وقلت : هي ليييش انا اش قلت ..؟!
وفاء دسسسست عمرها تحت البطانيه وقالت : بندي الليت لو سمحتي ... ازعجني مع صوتج القبيح
عصبت عليها وضربتها ع رااااسها .. وتقدمت من الأبجوره وزدت الضوووء بدال لا اخفه غيااااض فيها ...
وغمضت عيوني برررقد الحيييييييييييين انا انا صوتي قبيييح يا ام القبيحآت المشعوذات المستخفات ...!
/
.
/
الصبح الساعه ثمآن ونص ....
بديت اتجلب فالسرير .... احااااول اكمل رقاد ما اييني ...
شسووووي يآربي مب عآدتي اصحى من وقت جي ...!
نشيت ورحت تغسلت عشان اطلع اشوووف خالتي اذا راقده اوعيها ونروح المستشفى ..
لفيت ... تذكرت ان فيه شخص معاي بالحجره ...
ابتسمت وانا اطالعها راقده مثل الضفاااادع تقووووول يآهل ...!
يتني الضحكه ومآ قدرت امسكها ... وما حسيت الا وهي تتحرك
خفت وتجدمت من باااب الحمام اكرمكم الله عشان اتغسل ....
طلعت وشفتها بعدها رآقده تقدمت من دبة الكلينكس وكالعاده سحبت عشر حبات انشف ويهي ... والفوطة معلقه لكن مالها اي نفع يدآم التيشو حبيبي ...
طلعت بررع الحجره وتذكرت شمووه وحشرتها بليل ...
يالله بيتنا اش حلاته وفيه روووح لما اييونا عيال خالتي مب دوم كله الا قاعده بروحي وملانه واطلع مع الخلق
رن موبايلي .. وحطيته سايلنت يوم تذكرت ان قوم خالتي عندنا ...
تقدمت من باب المطبخ وانا امشي شوي شوي ...
مثل ما توقعت خالتي كان واعيه وفالمطبخ تزهب الريوق ومسوية جآي وقهوى وشغلات نشلها ويانا المسشتفى ...
ابتسمت وانا اتجدم منها واحبها ع راسها : صبآح الفل
لفت وابتسمت لي : صبآح الخير بنيتي ...
قلت وانا اطالع اللي مسوتنه : ليييش معبله ع عمررررج خآلوه ...!
طالعتني بعتب وقالت : افااا يا بنت عزيزه الحين انااا معبله ع عمري ..؟!
نزلت راسي بحيا وقلت : لا خااالو ما اقصد شي يعني انتي من هل البيت بس دآمج يايه حق يوم وآحد ماله داعي هالتعب
طالعتني خالتي وقالت : يلا تعالي تريقي
ابتسمت وقلت : تريقي معاااي انزززين
ابتسمت لي خالتي وقالت : لأ انا بشل ريوقي وبتريق مع امج واختج ... مسوتلها شغلات وسوالف
قلت وانا اتحسس واشم ريحة الشي الله احبه : خااااالو مسويه حبببببه حمرررررررررررا بالكاستر ...؟
ابتسمت لي وقالت : ههههه هي مسوتنه
عقدت حياتي وقلت : خلاااص حطي اشرررب ويآكم اوووكِ
اشرت على عيونها : من عيوووني ...
شفت صينية ريوق ع الطرف ..
قلت لخالتي : وهذي الصينيه لا تقووولين حقققي ..؟
ابتسمت لي وقالت : مب لهالدرجة عآد انا ما ادلع البنات دلعي للشباب وبسسس
بوزت وقلت : ما تنلام شموووه والله
ابتسمت لي وقالت : بشل ريوق عبدالله عشان يوصلنا المستشفى مررره وحده عقب ما يتريق
يت خالتي بتشل الصينيه ..
تجدمت عنها وقلت : هاتي عنج خالوه ثجيله ...
ابتسمت لي خالتي وشلت عنها الصينيه اللي فيها ريوق عبدالله
قالت لي : خلاااص بروح بوعي شما هالأدميه ما تنش بسسسرررعه بتتعبني ...
ابتسمت لها وقلت : خلاص اودي ريوق عبود وايي لج خالوه واوعي لج شموووه
خالتي طالعتني وهي تتمعن ملامحي ... حسسسيت من ملامحها تشوووف عزيزه الصغيره ...
ابتسمت لها بدلع وحيا وطلعت من المطبخ ...
وانا شايلة الصينيه ... خاااطري اسوووويها فيك ياااا عبووود اللوتي ... والله فخاااطري احط لك فـ هالكرك ملللللح ....
وع اصلا هذا يشررررب كرك ع الريق بعد ... الناااس تشششرررب عصير برتقاااال
هههههه هذيل اللي شراااتي ...!!!!
لا وخااالوه متعبله مسوتله سندويشات اللي ما يستاااهل وخرب طلعتي ....!
آه لو بيدي بس ولا لو انك ولدي جآن خليتك تخيييس ولا سويت لك ريووووق
تذكرت عمري يوم وصلت للميلس .... ان عبدالله دآخل
دقيت الباب ... ودخلت ..
ما شفت آحد ... وكندورته كآنت معلقه .... وبوكه والسويج فارنهم ع القنفه ...
حطيت الصينيه ع الطاوله وانا اتمعن تلفونه وفـ بااالي مليووون فكره جنونيه تدور ببالي ...!
الود ودي اسسسسويها وانا بنت امي وابووووي ...
شليت ادي من ع الصينيه عقب ما استقرت ع الطاوله ...
مَ حسسسيت الا بصصصصوت أحد يكح من صوووب المغاسل وطلع .....
رفعت رررراسي برررررعب وشفته ......
كآن بوزار وفانيله .. استحييييت هذا وقتك يعنننني ....
توني بلف زقررررني وقال : وفاااااا ....
بلعت ريجي ولفيت ... شفت شعره خرررسسسان ماااي .. وويهه مبلل ...
سحب دبة الكلينكس ... وسحب منها عشر كلينكسات او يمكن اكثر
يتني ضحك وحآولت اكتمها واخفيها ... ترررريته يرمس
بس ما رمس الا يوم فر الكلينكسات فالزباله الله يعزكم ....
قال وهو عآقد حيآته وصوته كله رقاااد : قووولي لأمي تتجهز بنزلكم المستشفى
هززيت راسي بأوكي وبلعت ريجي : ان شالله
توني بلف وبطلع رد زقرني وقال : وفااا
لفيت طالعته بقهر وقلت : ترا ما احب حد يزقرني وفااا ... انا وفااااء
ابتسم بس اخفى ابتسامته وقال : المهم يا وفااااء .... ابا الرمسسسه واللي صااار امس ولا شي منه يطلع ..
هزيت راسي بأوكي وقلت : مب شي يديد
عقد حياته وقال : يعني دوووم تطلعين مع هالبنات ..؟!
هزيت راسي بهي وقلت : هيه
حسيته انقهر بس قال لي بود : اتمنى ما تردين وتطلعين معاهم مره ثااانيه يا وفااااااااء ..!
رفعت راسي وشفته ... وعيني طاحت بعينه وقلت : احاااول
حط عينه بعيني وضيقها بمعنى تهديد .. وتنفس بعمممق وما تكلم
كآنت نظراااته اقووووى من اي شي ... هددني بنظراته ... ما تنلاااام شما يوم تخاااف منه والله هذا نظراته تطيح الطير من السما من خوووفه مب لشي ثاااني
بلعت ريجي بخوووف
بس هدآ اعصابي يوم قال : بلاها عيونج منفخآت تقووولين فلبينيه ..؟!
يتني ضحكه وعقد حياتي بزعل وقلت : توني ناااشه من الرقاد
وطلعت من الميلس ... وخليته هذا الغبي اللي ما خلاااني اتهنى اممسسسس مع ربيعاتي واحوووط ع كيفي ...
دخلت الصاله بعصبيه بس هديت يوم تذكرت ان خالتي وشما اهني ...
تنفست بعمق عشاااان اهدا وآخذ رآحتي ... بالمره اروووح اتجهز بنروح نشوووف حلوم فالمستشفى .. واشرب حبه حمرا بالكاستر امممممممممممم ...!
/
.
/
بعد مرور ثلاثة اسسسآبيع ...
تغير كل شي فحياتي .... اللحظآت الحآسمه قررربت ...
لحظآت وثووواني وتجمعني بـ خالد ... زوجي ... وبيصير ابو عيااالي مستقبلا ...
شريكي مدى الحيآهـ عقب لحظآت ...
حسسسسيت بخوووف ورعب ...
ليييش ما قدرت اقووولها ..! ليييش ما دخلتها ضمن القااائمة السابقه ..؟!!!
ليييش خالد مب حبيبي بعد ..؟!! ودنيتي وكوووني مثل كل البنآت بيوم عرسهن ...!
معقوووله الحب كآن لعبدالله وحده ..! معقوووله ..؟!
لأأأ حب عبدالله كآن حبببب كذآب .. كآن حب وهمي وكله خيالات على بعضها ...
وكذب وخدآع ..
خذا من راحتي وسعادتي واشياااء غيرها
خالد هو اللي يستحقني ويستحق الحب كلللله ....
خالد هو الانسان اللي يستحق انه يآخذ رآحتي وقلبي وكل شي فيني ...!
وانا اعدل الفستان وواقفه يدآم المرآيه امتلت عيوني دموووع ... مآ ادري ليييش ... حسسسيت بالعبره تخنقني ...
مآ حسيت الا بأميره وشما يدخلن ...
لفيت وطالعتهن ...
اميره وهي ترمس فالتلفون اشرت لشما على شي ...
شما تقدمت وشالت الكيسه ...
طالعتهم باستغراب .... وهزيت راسي : شالسالفه ..؟!
شما ابتسمت وما قالت شي واشرت لي بأني اهدا واسكت لأن اميره ترمس فالتلفون ....
شكلها اميره كانت تكلم محل من محلات الطلبيات ومتأخرين وكآنت معصبه ... يتني الضحكه آخر شي على شكل اميره المتوتر وهي ماسكه وآيد اشياء مع رقيييه ...
صكرت ولفت وهي تطالعني ... ابتسمت بتوتر ...
طالعت شما وقالت : ليييش ما رمستي اخوووج انزززين وقلتي له يسأل حد واااثق منه ع الأقل ومجربينه
شما حاست بوزها وقالت : وانا اش دراااني ومعرسكم هذا مسسسافر كل شي كآن على عبدالله بروووحه وعبدالله ولا يدري الله وين حآطه
مسكت تلفوني وقلت : اوووكي انا بنزل الحين واشوووف رقيه والحرمات وارد الكن
شما طالعت نوال وقالت : ها مستعده ..؟!
نوال بحيا : اي مستعده الله يخليج ...!
ابتسمت لي شما وقالت : هههه علينا ... يلا انا بنزل للبنيات وصح تراااج طآلعه قمر
استحت نواال ونزلت راسها
قلت قبل لا اطلع : يَ الله ع اللي يستحووون ههههه فديييييتهم ..
بلعت ريجي وانا اتررريا الوقت اللي يخلص فيه اليوم وايي بآجر .. وينزآآآح كل الهم وتروح عني كل هالتخييلاااات السخيييفه اللي مالها معنى ....
/
.
/
عقب مَ خلصت الزفه ... والقاعه بدت تفضى شوي شوي مَ عدا من الأهل ...
تمينا العآئله روآحنا ...
ابتسمت وانا اشووف اسما وقلت : ترا والله ظهرررري انكسسسر وتعبت ...
اسما ابتسمت لي : ارتاحي شوي انتي حامل مو زين لج
اشرت لها بعدم اهتمام : مَ عليييه اسموووه ... وين امون اختي
اسما اشرت لي على طرف وابتسمت : هناك مع شمووه
قلت باستغراب : شو يسووون هناك ..؟!
اسما رفعت جتوفها بمادري : اظن الا شموووه مضيعه سلسلتها الألماس
عقدت حياتي وقلت : مضيعه الماس الذكييييه ..! شو هذي وين عااايشه
اسما ابتسمت : لا كانت ملتهيه حليلها والحرمات الا يسلمن عليها
حسسسيت بغيررره وقلت : اها ... تعالي ندورها وياهن
اشرت لي اسما بأقعدي وقالت : لا انتي استريحي انا ارووح لهن ...
ابتسمت لها ... وقامت اسما وتقدمت منهن
شما وهي شوي وتصيح : ووووينها ..؟!
اماني تواسيها : ما تسوى عليييج شموووه ...!
شما بخوووف وزعل : هذي الهديه من اخوووي وما احب اضيع شي من هداياهم
اسما : ايي غيرها ... بس انتي رمسي هذي رئيستهم عشان تقول لهم يدورون عليها ...
شما بخوووف : ياااربي ....
اماني مسكت ايد شما وقالت وهي تسحبها : نشششي يلا روحي لأخوج وحرمته خلج من السلسله لو الماس ولا ذهب ما تفرررق ... هذي ليلة ما اتعوض فالعمر كله ...
ابتسمت شما وقالت : ترا بيطلع الحين مع حرمته ..
وهاللحظة خالد وقف ووقفت يمبه نوال بعد مساعده ... وبدا يمشي وياها شوي شوي ... عشان تروح تتلبس ويروحون للفندق
انضمينا كلنا وراهم .. وتمينا نغني لهم ونضحك ... وخالد مستحي حليله ونوال مستحيه اكثر واكثر
ورقيه شوي وتررررقص وبالفعل رقصت وما قصصصصرت ...
وصلنا للحجرة ... تمينا كلنا برررع ... وخالد طلع بيروح لسيارته ويرد يآخذ نوال ...
دخلت رقيه مع نوال ... واميره ....
،
،
طالعت نوال وابتسمت لها ... وانا اعطيها دراعتها البيضا ....
ابتسمت نوال بحيا وقالت : رقية ساعديني ...
تقدمت عن شنطة نوال وبديت الملم اغراضها اللي ع اليمب واحطهن فجيسة ثااانيه ... عشان ناخذهن البيت ...
عقب ما خلصت كانت نوال مخلصه كل شي تقريبا
قلت : هاااه جآهزه
هزت راسها بهي ... وقالت : هيييه
رقيه طالعتها بنظراااات حزززن ... حسسسسيت هالشي يأثر على نوال ...
ورحت بسسسرعه فتحت الباب وزقرت البنات
قلت : وادينا زغروووطه يا روووئيه ...
رقيه من بدت تزغرط وتغني ...
مسسسكت ايد شموه ولفينا الخصر ولأول مره ارقص ومصصصري بعد
ونوال تضحك والبنآت يضحكن علينا ونحن نرررقص يدام نوال على الحان رررقيه ...
فجأه شما مسكتني وصرخت بهدوووء : امووووووووووور
انصدمت وهزيت راسي بشووو ...!
ابتسمت لي وقالت : لا تنسسسين انج حااامل
استوعبت وقلت : ههههههه عآد عرس نوال وخالد خلينا نفرفش شوووويه
البنات ضحكن علينا انا وشما ورقيه ...
استوعبت ... وشليت الشيله وحطيتها ع شعري وشما بعد ..... نوال قعدت بتعب
رقيه صرررخت : يا بت اووومي جوزك حيجي ويآخدك ويسحبك من شعرك
ابتسمت نوال بخجل وما قالت شي ...
فجأه سمعنا صوت خالد وعزام ...
واللي تغشى واللي تغطى ...
ابتسم عزام وهو يلف يشوف حوالينه البنات ... وعرف انهن من الأهل
خالد همس له : استح على ويهك
عزام : ادووور ع حرمتي هههههه
يتني الضحكه بس سكتتت
عزام اشر علي وقال : عرررفتها خلاااص ما يحتاااي ههههه
خالد ابتسم وقال : سو النا درررب يا ريااال
كلنا كنا بنضحك ... بس رقيييه سبقتنا وقالت : بتحطها فعنيك ... سمعت ولاااا ...!!!
خالد هز راسه وهو مطيع لأوامرها : من عيوووني والله من غير لا توصين
حسيت بملامح نوال بعض الاحراج ..
وتقدم خالد من نوال ومد ايده عشاااان توووقف نوال ...
وقفت نوال بحيا ... وسحبت ايدها بهدوووء ...
وبدو يمشون عشااان يطلعون ونوال تسلم علينا وحده وحده وخالد سلم ع اخته وامه وخالاته اللي ويانا فووق
من وصلت نوال لعزام ...
سلمت عليه بالايد .... بس مسسسرع ما عزااام سحبها لحضنه ولوا عليها بقوووه ...
دفنت راااسها فصدره ....
ومَ سمعنا فجأه الا ونوال تششششهق من الصيآآآآح وهي بحضضضن عزام
حسسسيت بمشااعري بدت تتحرك ودموعي شوي ويطيحن ... يمكن لأني عشششت معاناة نوال وعزام شهووور معينه فققققط لآ غيررر وصآر هذا حالي
مآ تنلآم نوال لو غرقتنا بدموعها دآمهآ عآآآيشه هـ الحال مع عزااام من سنين وبنين
بدت تصيح بششششكل فضيع كأنها طفل وخالد محتار وواقف يطالعها ولا يعرررف شيسوي وعزآم مب طآيع يتركها كل ماله يضغط عليها شوي ويعصرها ... كأنه بيفقدها للأبد
هذي اختك يَ عزآم ... اختتتتك لآآآآزم يصير فيك جذي واكثرررر ....
وخاصه انكم مَ كنتو معطين بعض اي فرررصه للتفاهم ولأسباب مَ يعلم بها الا رب العالمين
شوي شوي وبدت تبتعد نوال عن عزام ... وهو فج عنها شووووي
من ابتعدت عنه ... طالعته وهمسسست له يدامنا كلنا ... : انا احبببك عزام ....
ومسحت دموعها وتقدمت من خااالد ...
الكل كان منصدم من ردة فعل نوااال .... وكلمآتها اللي فرتهن ....
هذي الليله المفروض يسمعها خالد ...!
مب عزام اللي يسمعها ..... حسسسيت بنظرات خالد الاستغراب ... وهو يمشي ويمبه نوال ...
وعزام بانت عليه الحيره ...
كآن ضآيق وحزين ..
بس كآن اقوووى يوم ابتسم وقال لي : يلا اميره ورقيه نرد البيت خلاااص ولا حابين تباتون ع الكوشه
ضحكنا كلنا ... ومسرع مَ تغير الجو ...!
بس الكل يدري عن الحزن اللي بدآخل الثاني
،
،
بلعت ريجي اول مَ وصلنا للفندق ... والعمال شآلو شنطنا عشان يوصلونها الحجره ...
خالد مد ايده لايدي .. ومسكها ... وانا متوتره وارتجف ..
يلين ما وصلنا للجناح
ابتسم لي خالد واشر لي ادخل .. دخلت قبله وانا متوتره وتعبانه ومنحرجه منه
لحقني وبند الباب ...
لفيت طالعته ورفعت نظري له وكانت نظراتي مبهمه مافي اي علااامه او شي تدل عليه ...
هز ايده يدام ويهي وقال : هلوووو
استوعبت ورديت لوعيي ... نزلت راااسي
ابتسم لي وقال : شكلج وآيد تعبانه ويوعانه
هزيت راسي بلا ...
ابتسم لي وحط ايده ورا ظهري ومشاني معاه يلين مَ وصلنا .... واشر لي اقعد
قعدت ع القنفه بخوف وتوتر ...
يلس مجابلني ... وابتسم : ترااا انا غرررت من عزززام تصدقين عآد
استحيت بس ما فهمت شو يقصصصد
مد ايده لويهي وحرك ويهي عسب اشوووفه
طالعته وبلعت ريجي بخوووف ...
ابتسم ورد قال : فهمتي علي ولا لأأأأ ..؟!
هزيت راسي بلا وانا ملامح الحزن مبينه على ويهي ...
تقدم مني ويلس يمبي وقال : قوووولي احبك خاااالد
نزلت راااسي بحيااااا ...
ضحك وقال : شكييييت ... يلا قوليها ولا ما بتعدي الليله ع خير الا لما تقولينها
بلعت ريجي بخووف وقلت ها ...
قرب ويهه من ويهي وقال بتهديد مصطنع وعلى ويهه ابتسامة : قووولي احبك
حسسسيت بخووف ورجعت ويهي لورا ...
رفع حياته وبتهديد قال : قووولي احبك يا خااالد
قلت بخوووف : اح ح حـ ببببك يَ خخخخـ خآلد د د ...
ابتسم ابتسامة نصر ... وطبع قبله .... وقال : هييييه جيه آبآج عيديها لو سمحتي
ابعدت ويهه عني بايديه الباردات الصغار ... وقلت : خاااااااااالد
ابتسم وهو يضحك : يا روووح خااالد انتي ...!
/
.
/
عزيمة المعآريس الظهر يوم السبت ...
كآن الكل متيمع فبيت بو خالد ... أهل خالد واهل نوال ....
الحريم فالصاله الكبيره اللي دآخل .... والرياييل فالميلس العود ...
كنت قاعده ويمبي رقيه وعلى الطرف الثاني اسما وام حمود وام اروى يمبها ... واروى ومريوم مجابلاتنا ... واهل خالد وخالاته على طرررف ثاااني ..
وبعد حريم من الأهل ...
رقيه وهي متوتره : البت نوال تأخرت كتييررر
قلت وانا اشوف الساعه : وحده ونص توها تريي الله يهديج ومعآريس يعني لآزم يتأخرون ..
رقيه وهي تفكر : ازيها البت نوال دلوئتي ... زعلانه ولا فرحانه ... جوعانه ولا ما نمتش كووويس
ضحكت وقلت : بسسسج عآد وبعدين البنيه عرررست خليها فحالها
رقيه ابتسمت لي : طيييب يختي ...
طالعت اروى توقف وتروح صوب الباب العووود ...
استغربت هذا مب بيتهم هذي كيييف تطلع المكآن اللي تبا وعلى كيفها ...! مب معقوووله ابدااا ابدااا ....
/
.
/
دخلو المعآريس من الباب الوراني ...
خالد وهو ماسك ايدين نوال ... وقال لأمه : الجنه وينج ....؟!
سمعت صوته امه ويت صوبه بسسسرعه وقالت : وصصصلتو ...
خالد ابتسم وقال بوناسه : لا بعدنا فالفندق راااقدين تصدقين عاد
تنرفزت منه امه وقالت : يَ عياااارتك ...!
خالد ضحك وتقدم من امه وباسها ع راسها .. وقال : اش حالج ..؟!
ام خالد ابتسمت وقالت : انا بخير انتو اش حالكم ..
نوال تقدمت من ام خالد وحبتها ع راسها وابتسمت بحيا ...
ام خالد : تف تف ماشاء الله عليييج يا بنيتي قري ع عمرج ...
نوال نزلت راسها بحيا وابتسمت وردت رفعت راسها شافت نظرات خالد اللي تطالعها ...
خالد ضحك وقال : لا تخاافين امي تمزح وياج اصلا انتي منو يشووووفج
كسر خآطري وبوزت ...
بس مسرع ما قرصني ع خدي وابتسمت له بود ...
وقال : وينهم الجماعه ...؟!
ام خالد اشرت له : خوااانك اهني .... وعقب شوي بيحدرون الميلس
خالد شوي ويعصب : كل هذا وولا واحد منهم فالميلس ...!
ام خالد ابتسمت : هذاااك اول يوم خالد يوقف مع ابوووه
خالد : وينهم والله لاهزبهم ... وشموه وينها
ام خالد : لا عآد شمووه مع الحريم ...
فجأه سمعنا صوت رجووولي .... والصوت ميزته ... حسسسيت اني اعرررفه من زمااان من زماااااااااااااان ...
توني بتغشى ..
خالد ابتسم وقال : لا تحاتين خواني وبس ...
بلعت ريجي بخووف انصدمت من اللي دخل ......
وانصدمت أكثر يوم قال : السسسسلام علي .......................
ولا كمل السلام وهو منصدم ....
شوي وبطيح من طوووولي ... حسسسيت الدنيا مو واسعتني ابد ابد ....
الأكسجين اللي فالمكآن كلللللله خلللللص ......
حسسسسيت بدوووخة وشوي واطيح ... مب قاااادرة اتوآزن ......
دموعي تكونت بعيني وتحجرت ...
/
.
/
كنت محتاره كيييف اروى تطلع من بابهم جي وبـ هالشكل ...
حسسسسيت بغيييض بدآآآآخلي ... ورررعب ...
ما حسيت الا بصووت وحده من الخدامات وتقول لي : مدام اميره
رفعت راسي وانا مستغربه : هلأ ...!
قالت لي : بابا أزام يريد انتي برررع عند مسسسابح
ابتسمت لها وقلت : اوكِ الحين بطلع ...
وقفت
مسكتني رقيه وقالت : هوه فيه اييييه ..؟!
رفعت جتوفي بمآدري وقلت : الحين بشششوفه ...
رقيه محتاره : م يتصل فيكي ولا اييييه ..!
قلت : لا عادي بروووح بشوووووفه مَ عليييج مني الحين بطلع له ...
رقييييه محتاره ولا دخلت الفكره ببالها وانا الثانيه بعد ولا مستوعبه عزااام يباني لا وع الشمس بعد شو يبا ..! كان اتصل وفك عمره من هـ المشوووار وفكني ...
انتهى /~
ღ همسةღ
منذ زمن
لم اتحدث مع الاوراق بلغه الحبر
ليس بتكاسل مني لكن غزو الشعور
الذي اجتاحني جعل قلمي شبه منكسر
اعلم جيدا ان قلمي يهوى المنثر
لكنني هجرته لعله يراجع نفسه مع القدر
.
.
|
20-12-12, 06:03 AM
جديد مواضيع قسم القصص المكتمله
العرض العادي
