الجزء الثالث والعشرون من روايتي
ذهبت الى العزاء تحت الحراسةالمشددة من ام فهد .. وبتوصية من ابو فهد .. كانت الساعة الثامنة مساء من ذاكاليوم الحزين .. جلست بجانب ام راشد والتعب واضح عليها .. الجميع في عالم وهي فيعالم آخر
ام راشد (بصوت خافت ): نورا انتيبخير .
نورا : الحمد لله .. ام راشد
نورا : ما يامر عليج عدو ...اقدر استخدم موبايلج شوي ؟
اخرجت هاتفها واعطته لنورا ..اخذته وقامت .. ثم خرجت من الصالة ونظرات ام فهد تلاحقها ... وقفت في ساحة المنزلمن الخلف حيث اختفت الانارة .. واستندت على الجدار .. اخذت تضغط على ازرار الهاتف.. رن .. ومع كل رنة تتمنى ان يرد عليها .. قالت وهي تنتظر ردا منه وبصوت خافت :فلاح وينك .. دخيلك رد .
ولكن لا من مجيب .. حاولة مرةثانية وثالثة ورابعة .. ودائما تصل لنفس النتيجة .. عادت بانكسار وتعب واضح الىالداخل .. وما ان وصلت في وسط الصالة حتى وقعت .. لتتجمع النساء عليها ..بعد اقلمن دقيقة افاقت .. لتجد الجميع ينظر اليها .. نزلت دموعها وهي تسمع تهامسهن منحولها
ام راشد : بتصل بماجد يوصلجالبيت .. لازم ترتاحين
ام فهد ( وباعتراض ) : ابو فهدبيوصلها .
نظرت لام فهد نظرة كره .. لانهامثل زوجها لا ترحمها .. وبالفعل استاذن ابو فهد من الرجال وقام بايصالها الىالمنزل .. طوال الطريق والصمت سيد الموقف .. اوقف سيارته ليشتري جريدة المساء.. كانت شاردة الذهن .. ولم تنتبه للابتسامة التي بانت على وجهه وهو يقرا عنواينالاخبار .. ومن بعدها انتقل ليقرأ التفاصيل .. وهي في مكان اخر بفكرها .. امسكهامن ذراعها ليعينها على الوصول لداخل والجريدة في يده .. سحبت ذراعها ومشت بتعب ..فهي تكره لمساته لها .. وقبل ان تصعد السلم ناداها .. وقفت والتفت اليه ..واستنكرت تلك الابتسامة الخبيثة ..
ابو فهد (وهو يرمي الجريدة عليها): اقري ..في خبر حلو عن حبيب القلب
انحنت لتاخذها عن الارض ..بحثتعن الخبر لتقع عيناها على صورته التي صاحبت الخبر ..
تعرض رجل الاعمال المعروف فلاحالـ... صاحب شركات الوليد ، لمحاولة اغتيال فجر اليوم عند باب منزله الكائن في.....
اهتزت الجريدة بين كفيها وهيتتابع قراءة الخبر .. نظرت لصورته .. دمعت عيناها .. ومن ثم رفعت نظرها لابو فهد.. نظرات امتلأت بالغيظ والحقد والغل .. ما لبثت ان قامت هاجمة عليه وتضرب صدره بقبضتيها.
نورا( وهي تصرخ ): قتلته ..سويتها وقتلته
امسكها من معصميها ودفعها بعيداعنه ..
نورا : شو ذنبي .. شو ذنبيتحرمني من الانسان الي حبيته وحبني .
ابو فهد : ذنبج انج بنتها ..ذنبج انج بنت الحرمة اللي صغرت راسي جدام ابوي .. ذنبج
نورا ( وهي تصرخ ) : بس .. كافي.. حرام عليك-جثت على ركبتيها-حرام عليك
سحبت الجريدة .. واخذت تنظرلصورته .. اما ابو فهد فوقف ينظر اليها ما لبث حتى اخرج مفتاح غرفتها ورماه عليها .
ابو فهد : ما محتاينه الحين .
وخرج من المنزل .. دقائق وتاتياليها احدى الخادمات وهي لا تزال على جلستها
سانيتا : ماما .. يحطي عشا
نورا ( بلا وعي ) : لا .. هيه... مادري
كانت مطأطأة الرأس وتتأمل وجهه.. ظلت الخادمة واقفة لدقائق .. ثم انصرفت عندما لم تجد اي رد من نورا على اسالتها.. في تلك الاثناء دخل فهد .. وهاله جلوسها بهذا الشكل بالقرب من السلم .. اقتربمنها .. ونظرت لقدميه .. ثم رفعت نظرها اليه .
نورا ( والدموع تسقط من عينيها):قتلوه .. قتلوه يا فهد .
انحنى واخذ الجريدة من بين يديها.. وقرأ الخبر .. قامت مترنحة .. ونظرت إلى فهد
نورا ( بشيء من الجنون ): الخبركذب صح ؟؟ .. يكذبون علي .. ادري .. يكذبون علي عشان انساه ولا افكر فيه
امسكها من ذراعها : عموتي ..خليني اوديج حجرتج .
نورا : فهد .. هو قالي بيي ..قال في شهر خمسة عرسنا .. فلاح وعدني .. تدري شو قال .. قال بيسوي عرسنا فنفس يومميلادي .. عشان يهديني هدية وحدة للمناسبتين ههههه.. كذب صح ؟؟ ما مات .
فهد : لا حول ولا قوة الا بالله.. عمتي فلاح ما مات ... هو بالمستشفى .. وكل اللي لازم تسوينه .. انج تدعين لهيقوم بالسلامه .
امسكت بذراعي فهد : فلاح مابيتخلى عني .. هو قال – تريه خاتمها في بنصرها اليسار- شوف .. هذا منه .. فيه حرفيوحرفه-تخلعه وتقربه من عينيه-شوف الإن والإف متلاصقين .. هو قالي احنا مثل حروفنابهالخاتم .. شوف .. فلاح بيرجع – وبدأ صوتها يتقطع ويختفي- هو قالي بيرجع .. فلاحوعدني .. وعدني .
قربها من صدره . وضمها اليه بقوة: هيه .. بيرجع .. بيرجع .
كان يواسيها بكلمات هو بنفسه غيرمقتنع فيها .. مشى معها ورأسها على كتفه وذراعه تحيط بها ... ويده تحمل تلكالصحيفة .. اوصلها الى غرفتها .. واجلسها على سريرها .
عموتي : قومي توضي .. وصليوادعيله .. وان شاء الله بيقوم وبيرجعلج .
نظر اليها وقال في نفسه : حبكمغريب .. معقوله الحب يسوي فيج جذي عموتي .. معقوله تضحين بحياتج عشانه .. تضحينبصحتج بس لانه مب بقربج .. معقولة .. اكيد ناصر مثلج الحين .. لاني متاكد انه درى..آآآآآآآآآه ياااااا رب .. ارحمنا برحمتك .
اراد الانصراف .. فنادته : عطنيالجريدة .
تناولتها من يده .. ثم خرج واغلقالباب خلفه ..عادت لتتامل ملامحه .. وتحرك اصابعها على وجهه وكانه أمامها وتتلمسه.. كل هذا وهي غارقة في دموعها .. ما لبثت حتى قبلت وجهه واحتضنت الجريدة ..واستلقت على سريرها والجريدة في حضنها .. وبكت بحرقة .. بكت دون توقف الا عندماداهمها النوم .
........................................
متضايقة .. وتشعر انها وحيدة ..اخرجت كيس بطاطس ليز من الدرج .. واخذت تاكل منه .. ثم اخذت جهازها ووضعته فيحجرها .. فتحت الايميل على حالة عدم ظهور .. واخذت ترقب المتواجدين .. فتحت محادثة
هو : وعليكم السلام .. فيج شيء
هو : اول مرة تحطينه عدم ظهور ..واول مرة انتي اللي تسلمين علي
هو : الا فيج شيء .. ولو تعزينيوتعتبريني مثل اخوج تخبريني .. خليني ارد شيء من يمايلج علي ..
مريم : انت شو تقول .. اي جمايل.؟
هو : دووم تسمعين لي .. وتخففينعلي .. اذا تعزيني تقوليلي شو فيج
مريم : انا تعبانه يا خالد
خالد : سلامتج يا ميمي ... شوفيج ؟
خالد : الله يرحمه .. ويغمد روحهالينه
خالد : هذا حق علينا .. وكلنابيينا هاليوم .. في شيء ثاني مضايقنج صح ..
خالد : اول شيء خبريني انتي وينالحين .. فالبيت والا فالسكن .
خالد : عشان اسوي حسابي اذا النتفصل ولا ايلس احاتي
خالد : هيه جذي ضحكي .. الحين خبرينيشو الشيء الثاني اللي مضايجنج ؟
خالد : مبروووووووك .. وليشمتضايجة ان شاء الله .. اذا عشاني لا تحاتين بحصل غيرج وبسولف معها
خالد : امزح وياج .. وين بحصلبنت مثلج متحملتني .. والله ان معزتج من معزة خواتي .. ما تصورت فيوم ان قيمبليارد بيعرفني ع وحدة مثلج .
خالد : الله يسلمج .. ياللاقوليلي وفضفضي لاخوج خالد .
مريم : ما افكر بالزواج الحين ..وفوق هذا ما اعرف اي شيء عنه وعن اهله ..
ابوي يعرفهم .. ويمدحهم واايد ..ودام من طرف ابوي ادري انهم من التجار اللي وياه فالسوق .
خالد : انزين يمكن يطلع الولدزين .. ويعيشج حياة حلوة
مريم : يمكن .. بس خايفة واايد ..
خالد : قومي صلي استخارة ..وشوفي اللي بيظهرلج ..
مريم : حتى لو ما ارتحت اذا صليت.. ابوي بيغصبني عليه.
خالد : الليلة تصلين استخارةاوكي .
خالد : ما اريد اسمع هالرمسه ..ياللا الحين تقومين تصلين .. ياللا
خالد : ميمي عن الدلع .. ترااتكلم جد
مريم : وانا اتكلم جد .. كيفتباني اصلي وانا في الخايسه
خالد : هاااا .. وشو الخايسه بعد
مريم : هههههههههههههههه الخايسهيعني هذيج اللي ما تسمى .
خالد : كمن يفسر الماء بعد عناءبالماءِ
مريم : الحين انت من صدجك مافهمت .؟
خالد : وانا شو عرفني بالخايسهواللي ما تسمى ..
مريم : الدورة الشهرية يعني ..فهمت
مريم : هههههههههههههههههههههانت كم عمرك .. معقوله 27 ولا يعرف عن شو ارمس .
خالد : ههههههههههههه بغيتجاضحكين بس .
كلامها معه خفف عنها الكثير ...تشعر بان لها اخ غير فهد .. تستطيع ان تبوح له باشياء لا تستطيع ان تبوحها لشقيقها .
من جهة اخرى وبعد ان خرجت منالمحاضرة عند الساعة الثانية ظهرا .. امسكت هاتفها تتصل به .. لا يرد كالعادة ..تشعر ان شيء ما حدث منذ ذلك اليوم .. لم يعد يرد على اتصالاتها .. ولا على رسائلهاالنصية .. ولا على الرسائل التي تبعثها له عبر الماسنجر ..تابعت طريقها للمحاضرةالثانية في ذلك المساء بشيء من الحزن .. اما هند فهاهي جالسة في الكافتيريا ..وفاتحه جهازها .. وتشارك في الحديث على القروب.
احد الشباب: ههههههااااااي ..خلي عنج ما زعلتي
واحده من بنات القروب : انا ماازعل
عبود : خخخخخ .. اونه ما ازعل
هند : شو بلاكم عليها .. حشابطفشوها
الشاب: يوم هي مب قد الرمسه ماترمس احسن
عبود : لا عااد .. حراام نحنزودناها عليها
هند : حرام عليكم .. زين جذي
لحظات واذا بمحادثة خاصة تظهرلها .
... : اشوف صايرة تسمعين الرمسة ..عفية ع الشاطرة
هند : والله اسمع الرمسة مااسمعها شيء ما يخصك
...: لا لا لا ... جذي بتغيرين رايفيج
هند : انت شو تبي بالضبط ..قلتلك ما بيني وبين عبدالله الا اخوة
...: هيه باين .. كل شوي تختفون وييابعض من المسن
هند : صدج عقلك صغير .. لو اريدهكنت ضفته عندي .
...: هههههاااااي .. ادري انه عندج..واقولج احسنلج تحذفيه والا بتشوفين شيء ما يعيبج ...
.......................................
يــــــــــتـــــــــــــبــــــــــــــع
تابع الجزء الثالث والعشرون من روايتي
مر يوما العزاء ثقيلان على عائلةابو سعيد .. المنزل لا يخلو من المعزيين حتى يمتليء من جديد .. اخوة ابو سعيدحضروا العزاء ولكنهم تاخروا على الدفن .. والسبب ان حمد لم يرغب بابلاغهم بموتوالده .. لانهم لم يسالوا عنه وهو حي .. فلماذا يأتون عند دفنه .. ولكن باصرار منوالدته قام سعيد باخبراهم .. الساعة الآن قاربت الثانية عشر ليلا .. دخل المنزلوالتعب يرتسم على ملامحه .. تقدم من مهرة الجالسة وحدها في الصالة
سعيد : هيه محد بقى .. حمد برعمع واحد من ربعه .. وين مها ؟
مهرة : فحجرتها .. تصيح .. كل ماادخل عليها احصلها يالسه على السيادة (السجادة ) وتصيح .. انزين الصايح بيرجعه .
جلس بجانبها عندما احس باختناقصوتها .. ورأى العبرة تغالب محجر عينها .. لف ذراعه عليها .
سعيد : الله يرحمه .. بس لازمتكونن قويات عشان امي محتايتنكن .
مسحت دموعها : هُدى روحت .. ياليتها بقت .. كانت شالت وايد عنا .
سعيد : هُدى محكومه بريل (زوج)وعيال ... قومي رقدي .. الوقت تاخر .
قبل خدها قبل ان تنهض .. وما انغادرت الصالة حتى قام متوجها لغرفة مها .. طرق الباب ودخل .. وجدها جالسة بجانبالسرير على الارض .. وتستمع للقرآن عبر الراديو .
اغلق الراديو .. وصدق باسم الله.. ثم جلس بجانبها .
سعيد : ادري انج خايفة مني ..وتفكرين يشو بيكون مصيرج من بعد ابوي الله يرحمه
سعيد : وادري انج كارهتني كرهالعمى .. مها .. جسيت عليج واايد .. نسيت ان الحادث انا اللي تسببت فيه .. لانيكنت اسابق واحد .. ادري ان ذاج اليوم ترجيتيني اوقف .. وارجع البيت .. بس ما سمعتكلامج .. وكنت بظلمج اكثر يوم بغيت ازوجج من مانع –امسك يدها وفزت فسحبتها-سامحيني .. صدقيني تغيرت والسبب كلامج معي ذاج اليوم .. وموت ابوي الله يرحمه غيرالباقي .. احس اني انسان ثاني
مها : الحمد لله .. بس مانعمخيرنك
سعيد : لا تحاتين .. كل شيء انحل.. ما بيناسبنا .
سعيد : اخليج الحين – قام واقفا- قومي ارتاحي وراج نشه من الصبح .. العزا بعده ما خلص .. مها ... عاادي اطلب منجشيء
ابتسم .. ومن ثم خرج من غرفتها ..
...........................................
جلس شابكا اصابع كفيه وساند ذقنهبهما .. غارقا في الافكار .. ها هو اسبوع قد مر على محاولة اغتيال فلاح .. دخل عليهبعد ان اذن للسكرتيرة ان تدخله .. نظر لابو حسن الجالس على ذلك الكرسي .. الذيلطالما تمنى ان يجلس عليه .
مشعل : ما عندهم دليل .. وعنديدليل على مكان وجودي يوم صار اللي صار .. ابو حسن- جلس على احد الكرسين – ياي اخذفلوس اخوي .
قام ابو حسن ومشى وهو يضحك :ههههه انت ما دريت ان عندي توكيل كامل من فلاح –جلس ع الكرسي المقابل لمشعل- يعنيكل خير اخوك المرحوم لي .. صح ما اقدر ابيع الاملاك لنفسي .. بس في شرط فالتوكيل ..
ابو حسن : اذا مات فلاح كلالاملاك تنتقل لي .. وفلاح شكله ما بيعيش .. الدكاترة يقولون حالته حرجة .. هذاغير ان قلبه توقف مرتين .. خمس رصاصات مب شوي .. واذا قلبه توقف مرة ثالثة .. مااظن بينعشونه .. وبموته –ينحني مقتربا من مشعل – بيصير كل شيء لي .. لي انا وبس
ابو حسن : وعشان ابعد شرك عني ..مستعد اتفاوض معك .. بعطيك عشره بالميه من الاملاك .
مشعل (يضحك بملأ فمه ) :هههههههههااااااااااي .. وطلعت مب هين يا عادل .. وعضيت اليد اللي كلت من خيرها .
ابو حسن : من عاشر الذيب .. صارذيب يا مشعل –قام وعاد لكرسيه- وانا تعلمت اشيا واايد من فلاح .. بس فلاح طيب ولاعرف مع من يتعامل .. ووثق في .. هاااا شو قلت ؟
ابو حسن : خمسه وعشرين بالميه
ابو حسن ( بقهر ) : الثلث .. ولاشيء اكثر
مشعل ( وهو يبتسم ) : موافق ..بس ليش خايف مني .. انت تظن اني انا ورا اللي صار .. ههههههههههههه ..
ابو حسن : انا مب خايف .. بس مااحب اكل حق حد .
مشعل : ههههاااااي .. الله عليكيالامين .
...............................................
الهاتف يهتز على الطاولة التييجلس عليها مع صديقه تركي في احد المطاعم .. ليست المرة الاولى .. تركي ينظرللهاتف ولكنه لا يستطيع ان يقول شيء .. فهو يرى ناصر متضايق ومعصب .. تعب منالسكوت وقرر ان يتكلم
تركي : يمكن في حاجة ضرورية .
ناصر : ما اظن .. قوم خلنا نروح
وقفا وخرجا من المطعم بعد انادفعا ثمن ما تناولاه .. الثلج يتساقط في الخارج .. والطريق مكتسي باللون الابيض ..امسك قبعة قميصه ووضعها على رأسه .. ووضع كفيه في جيوبه .. اما تركي فمشى حاسرالرأس .. وهما في الطريق الى المستشفى الذي لا يبعد كثيرا عن المطعم الذي أكلا فيه ..
تركي : وش فيك ما ترد على جوالك
ناصر : ما اريد ارد عليهم .. شواقول لهم –بستهزاء- مبروك الخطبة وعقبال العرس
تركي : طيب رد عليهم .. رد علىفهد ... يمكن عنده حاجة وده يقولها لك
وقف وصرخ : خااااااااااين .. شواللي بيقوله عقب سواته ..وهو يدري اني احبها .. طعني فظهري .. طعني وانا اعتبرهاخو قبل صديق ..
تركي : لا حول ولا قوة الا بالله.. يمكن ابوه غاصبه .. انت ما تقول ان ابوه فارض رايه عليهم .
ناصر (وهو يضحك ضحكة ساخرة ):غاصبه .. محد يقدر يغصب حد على الزواج .. مب لهالدرجة منقاد لابوه .. فهد خاني ياتركي .. خاني .. وعمري ما بسامحه .. خذ مني حياتي ... وروحي
تركي ( وهو يمسك ذراع ناصر ):اهدى .. اللي ربك كاتبه لك بتاخذه .. امش
.................................
يوم الجمعة بعد اسبوعان من وفاةابو سعيد .. الساعة السابعة مساء .. دخل المنزل وهو ينادي : عايشه .. عايشه .. امراشد ... وينج ؟
ماري : ماما يروه(يروح) الجمعية ..
ابو راشد : هيه ادري .. بس بعدهاما يت ..
دخلت المنزل وهي تخلع عباءتهاقالت : السلام عليكم
ام راشد : ماري روحي ساعدي عزيزع الاغراض
ابو راشد : زين يوم ييتي ..
ابو راشد : علي اليوم عقب ماصلينا اليمعه قالي يبي يسوي خطبه ..
ام راشد : جيف جذي .. ريل اختكما صارله اسبوعين من توفى .
ابو راشد : وهو تكلم مع اختي ..وهي ما مانعت .. هذي الا خطبه لا ملجة ولا عرس .. بينا يعني .. والعزومه بتكون عقباسبوعين .. كلمتي امل
ام راشد : لا والله .. الحينبروح اشوفها .
قامت ام راشد .. وهي لا تعرف كيفستبدأ الحديث مع ابنتها .. فهي كانت تتمنى ناصر زوجا لامل .. طرقت الباب ودخلت ..كانت جالسه على سريرها وبيدها كتابها .. وضعته جانبا
امل : هلا امااايه .. حياج .
جلست على جانب السرير : اموول ..كل بنت مصيرها تعرس وتسوي عايله ..
دق قلبها فرحا .. وشعرت بالخجل :شو قصدج اماايه .؟
ام راشد : انتي كبرتي ..وانطلبتي .. وبتصيرين عروس
ابتسمت .. لانها ظنت ان ناصر كلمخالته وطلب يدها .. كانت صامته تنتظر والدها ان تكمل كلامها
ام راشد : عمج .. طلبج لولده فهدوابوج وافق .. والخطبه بعد سبوعين ان شاء الله
امل : شو ؟؟ شو قلتي امااايه ..فهد ؟؟!!
ام راشد : ولد عمج ويباج ..
قامت واقفه : انتي شو تقولين ..عمري ما فكرت بفهد الا مثل اخوي .. ما اريد اعرس .. ما اريد .
ام راشد : يابنتي سمعي .. اذارفضتي عمج بيزعل
امل ( وهي تبكي ) : وانا .. مافكرتوا في .. ابويه يوم وافق ما فكر في .. شو ذنبي .. بس لانه عمي ..
جثت على ركبتيها امام والدتهاوامسكت كفيها تقبلهما : دخيلج امايه .. الله يخليج اماايه .. مابي اعرس .. اللهيخليج ..
بكت على كفي والدتها .. وبكتعائشه معها وهي تمسح على رأسها ..
تقدم منها وهي نائمة على سريرها... وجلس بجانبها .. ثم ابعد خصلات شعرها عن وجهها .. وانحنى هامسا : حبيبتي قومي.. ما اقدر ايلس لحظه بدونج
فتحت عينيها بكسل وابتسمت : احبك
فلاح : وانا اموت فيج –طبع قبلةعلى خدها-قومي براويج شيء
قامت ولف حول السرير وامسك بيدهاومشى معها .. وقفا عند النافذة .. وضعت راسها على صدره ولفت ذراعها على خصره ..وهولف بذراعه على كتفها
فلاح : شوفي .. بنعيش هناك
نورا (وهي تنظر لبرج خليفة):فالبرج
فلاح : هيه .. نورا .. ما اريدجتضعفين وتنكسرين
نورا : انا قوية بوجودك معي
نورا : اكيد شخص واحد .. اللي هوانت
فلاح : عيل انا دايم معج .
فتحت عينيها بتعب .. سالت دموعها.. وتمتمت : يا ليته ما كان حلم .. وينك .. يا ليتني قربك واعرف اخبارك .. رنموبايلها .. فجلست بتعب وتناولته
سوزان ( بالانجليزية ) : مرحباانسه نورا .. كيف حالك
نورا : ماذا هناك ؟ اتصالك بي فيهذا الوقت يدعو الى الاستغراب
سوزان : الدكتورة جولي ستصلالامارات غدا .. ولقد نظمنا المواعيد .. ووضعت موعدك الساعة العاشرة صباح يومالاثنين .. اي بعد غد
نورا : هل سنعود الى المنزل فينفس اليوم
سوزان : بالتاكيد .. ولكن ستكونعودتكما فالمساء .. لانه يجب ان نطمئن عليها .
نورا : لا بأس .. متى نستطيعالحضور .
سوزان : يوم الاثنين عند الساعةالثامنة والنصف صباحا .. لنجري بعض الفحوصات .
نورا : حسنا .. الى اللقاء .
نظرت الى الساعة في هاتفها ..انها ناهزة الرابعة والنصف عصرا ..
ابتسمت وقالت : بكون قويه ..وبحقق حلمنا فحمده وراشد
نزلت دموعها من جديد .. مسحتهنثم قامت لتغسل وجهها .. وبعدها تذهب لتخبر حمده
كانت حمده في غرفتها .. جالسةعلى سريرها تكلم راشد
حمده : امممم .. شو بتيبلي وياك...لااااا... يالله قول .... اوك مب مشكله ،مفاجأة مفاجأة..
وهي تتحدث معه اذا بنورا تطرقالباب وتدخل .. بعجل قالت : اكلمك بعدين
حمده : هلا عموتي .. الحمد للهانج طلعتي من حجرتج
جلست على السرير وامسكت كف حمده: عقب باجر بترجعين بنت
حمده (بفرح وصوت عالي ): قوليوالله اني برجع بنت
نورا : اششششششش عن حد يسمعنا
حمده : اسفه .. شو صار .. وينبسوي الجراحة
نورا : من شوي اتصلت عليالدكتورة سوزان .. وموعدنا بيكون الساعه عشر الصبح .. بس لازم الساعه ثمان ونصنكون عندها .. عشان التحاليل
حمده : اخيرا بينزاح الهم عني ..بس .. بنرجع فنفس اليوم صح ؟
نورا : هيه .. الجراحة بسيطة ومايحتاي تباتين فالمستشفى .
.............................................
جسده ساكنا لا يتحرك .. سوى منحركة صدره الخفيفة .. وصل جسمه بالعديد من الاجهزة .. وصوت جهاز القلب يعلن بقاءهحيا حتى الساعة .. وقف الدكتور نايف طبيب قطري متخرج من المانيا مع الطبيب جوزف الذياجرى العمليات لفلاح .. كانت ملامحهما لا تبشر بخير .. خرجا معن من غرفة العنايةالفائقة التي احتوته طوال الايام التي مضت .. وهما خارجان اذا بابو حسن يستوقفهما.. صافحهما ومن ثم سأل عن حالة فلاح .
نايف : والله ما ادري شوا قولك.. الصراحة حالته حرجة .. وما ملاحظين اي تحسن ..
ابو حسن : يعني شو يا دكتور .
نايف : فاي لحظة يمكن نفقده
..............................................
نورا بدأت تستعيد قوتها ..وحمده ما تتمناه سيحدث .. ولكن هل سيمر كل ذالك ع خير ؟
امل بدأحلمها يتحطم ويتلاشى بين عينيها .. فهل ستوافق على فهد .. ام ستتمسك بحبها ؟
ناصر ..مالذي سيحدث له بدون حياته امل .؟
خالد الشابالجديد في روايتي .. هل كان صادقا مع مريم في كل ما يخصه ؟
هند .. منالذي يهددها ؟؟
مريمومصيرها المجهول مع من تقدم لخطبتها .. الى اين ستصل ؟
ما هو مصيرسعيد ؟ ولماذا طلب من اخته ان تدعي له ؟؟
وفلاح ...هل سينتهي مشواره معنا ؟
.................
تحياتي
16-10-12, 04:59 PM
رد: عذاب الحب ينهيني من المخطي من الغلطان / الكاتبة : انآت الرحيل
جديد مواضيع قسم القصص المكتمله
العرض العادي
