ييسلم اناملك

ضمضم ام اليزيد وش سويتي هبلتي بعجيزات المقلط بس بقولكن حاتم مابه مثله لاتفحطن ارجهنن وكثرن من القهوه المهيله



مي والله انه اذهن منهن كلهن هذا الي يقول تتخيبل وهي البلاء

عرفت شخصية الجموح وقوته وقالت مايكسر راسه الا المره فوقه

وتجمعت على الجموح اسبوعين وهو شاطفه وغير كذا مكالمة اسماء بنت التاجر يعني والله ياقايد لو تقول من هنا لبكرا احبك ومن هالحتسي مايفيد الجموح خايفه ومرتعبه من قرصة الضره اسبوعين وهين تقارن نفسه باهل البيت وتشوف نفسه اقل اهميه عندك حتى اقل من اميره الصغيره وجابت عذر دوامه بيوم السبت يوم موعدك مع اسماء بتشوف اهميتها عندك بس مانحجت بالاختبار الله يستر لا تستخدم ورقة المكتب الي باسمه وتتصرف تصرف يدخله بدوامه جديده


الثريا الله يستر منتس بس لاتجيبين العيد وتخربين فرحة هالمسيكين اصبري لما ترجعون من ايطاليا سايريه بثرثرته لاينتكس


ياليتك ياحاتم مسقي اخوك ماهر ومعلمه البعض مما عندك مسيكينه الدانه متلهفه لكمله وحده وهو بس مايعرف يعبر عن اشتياقه وحبه الا بالخطط والتدسس


ابو طلال والله الي جابتك منكس على قرونك اجل الاحمر نفع

بانتظار السبت بشوق

مساء كل شي حلو على ضمضم ومتابعاتها

’’اذا اردت شيئا بشدة اتركه فان عاد اليك فهو ملك لك و ان لم يعد فهو لم يكن لك من البداية’’

هذا ينطبق على وضع الثريا وحاتم سنوات من العطاء والحب من ثريا لفهد

قابلها سنوات من الآلم والكبت والوجع من حاتم لنفسه

انتجت له بالمقابل روايات كانت الثريا ما ابي اقول (الملهمه) وبس ايضآكانت الدافع لأبداعه الأدبي

في اول يوم زواج لهم كل واحد فيهم اختصر سنوات حياته لثاني

هو فجركل الكبت الي كان عايشه قدام ثريا

وامطرها بسيل من العواطف والرومانسية

لدرجة انه صارفيه زي الهذيان والصدمه ماعاد يقدر يسيطر على نفسه

بخلاف شخصية حاتم الرزينة الهاديه الخجوله خجل العفة

حتى وهو دارس بالخارج واتوقع ها الدراسه اكسبته مساحه من التحررولو بسيطة ويمارسها بينه وبين نفسه وفي خياله

وانه لو عجلت الزمان ترجع ورى ماترك محبوبته تروح منه تحت اي مبررويعيشها بعالم وردي يبنيه لهاوله

و كل شي انحرم منه بمراحل عمره واحلام مراهقته يبي يعيشه قبل حتى يصبح عليه الصباح

اختصر كل شي كلامه الرومانسي لمحبوبته طقوس الخطبه قبل الزواج

رغم ان ها التقليد ماهو موجوده بعايلتهم ويعتبر منقود بينهم كماهو الحال في كثير العوايل السعودية

كلام الحب والغرام الي صبه بأذان الثريا الي ما سمعه لأنثى قبلها الا شخصيات رواياته

و في اقل من 12ساعة لدرجة انه ماترك حاتم اي تفاصيل لعاشق يمكن ان يمارسها مع معشوقتة

الاواقدم عليها عليها ببذخ يليق بمكانتها عنده

مشاعر حاتم مالها شبيه عندي الا بسرعة دقات قلب شخص

كان يبي مكان وضاع بمكان آخر مجهول ولمح قطار اوشك على الرحيل يمر بمحطات من ضمنها هدفه

الحظ خدمه ووصل للقطار الي بيوصله لهدفه لكم تتصورون كيف دقات قلبه وفرحته

لكن هل بيقدر حاتم يوصل مشاعره لثريا مثل ماهو متصور ننتظر ونشوف مع ام اليزيد

الثريا (اما كل شي والا ولاشي ) حكمة نادر من الناس من ينتهجها

الفاتنة ربما جمالها شبعها بالثقه بنفسها وانه اي انثى مثلها لاتحتمل شريك

وها الثقه كانت اول مسمار اندق بنعش حياتها مع ابوخالد

الثقه بالزوج والثقه بالصديقه انتهت بخيانة مشروعه

والقانون لايحمي المغفلين جمالها ماحصنها ولانفعها فهد تزوج وكسرها

با امرأه اقل منها بكثير بمقاييسسنا البشرية واكيد بالفتره الي كانت الثريا بصدمة الطلاق

عقدت مقارنات لا حصر لها ان جمالي وسنعي ماوقف معي ولاملى عيون زوجي

الي بكل بساطة ها الزوج حط لي بديل

اكيد لها صديقات ومعارف اقل منها جمال وسنع ولا عندهم المقومات الي عندها وازواجهن مافكروا يتزوجون عليهن

من ضمنهم شخصيات ظهرت لنا الا هي شيخه اخت محمد

وحتى الجموح نفسها اقل من جمال الثريا

قايد الي يشوفونه خواته كامل الاوصاف انتظرها ولا بدلها حتى لو اوجعها بالتحجير

الي كان له تأثير على الجموح نفسيآ اماالاطراف الاخرين يشوفونه بالعكس حب وتمسك فيه

هي جاتها صدمه قاتله من كلام الحب بما انها جربت الزواج

وكان فهد زوج محب بتأكيد السنين الي قضتها معاه ياما شافت وسمعت منه كلام

واستقبله قلبها بكل صدق وتمكن منه لأن مافي غيره في بالها

ماهو بسهوله بتتعدى ها المرحله اعتقد يبي لها وقت

الثريا اتوقع بتصم اذانها عن كل كلام حاتم وبتاخذه زي ما نقول على قد عقله وتسلك له

بدون ماتاخذكلامه على محمل الجد

وخصوص بعد ماقرت ثرثرته والثريا شخصيه عقلانيه ماهي حالمه مثل اختها الدانه

يمكن لوكانت الدانه بموقعها راح تتغير اشياء كثير بحياتها هي وحاتم

’’...بل لآتعلم به ومع زوجها تعيش أجمل حياة..!’’

سبحان الله ما ادري ليش دايم نفكر ان الاخرين حياتهم اجمل حياة!؟

جدآمؤثر وواقعي لدرجه موجعه تفكيرها لم انفردت لحالها بطليقها وشعوره

لما تبادلوا الادوار بدال ماكان عريس لغيرها وهي قهر الاستغفال ونار الغيره يشوونها شوي
والبديل لها ماكان بمستواها

الحين هي العروس والبديل عندها يفوق بديل فهد

فهد ما اخذ الي احسن منها لكن هي اخذت الي احسن منه ..


لذلك الثريا اتوقع بتساير حاتم في جنونه بحبه لها دون تصديق

مجرد زوجه واجبات وحقوق لها وعليها والليله الاولى معاه كانت خير شاهد

والغام الخيانه المشروعة الي زرعها فهد حول قلب الثريا

اذا بغى حاتم يدخل قلبها ويتربع مثل ماهي داخله قلبه ومتربعه

لازم ينتبه ولا تاخذه العواطف ان القلب على القلب شاهد

يفكك الا لغام المزروع بحذر لا ينفجر ويقضي على الثريا مره وحده ..

تمنيت ان جوال ثريا معاي وخصوص العالم ها اليومين شغالين ترقب توبيكات

وارز لها هالتوبك واخلي فهد ورزان يبلشون

فهد بيفكر انها شامته فيه ولا عليه حسايف وربي عوضها بلي افضل منه

ورزان بتزلزل الارض من تحتها ان نفس الكاس الي شربت الثريا منه بتشربه

ومثل ما اخذت مكان الثريا بيجي من ياخذ مكانها ..
.
.
.
.
.
.
.

.
.
.
.
















’’صفعاتهم لنا سيعيدها لهم الزمن بمشهد آخرلست مثاليه ولكني متعلقة بربي وذكية ونيتي صافيه
وهذا يكفيني ’’




مبدعه ضمضم لدرجة انه ماقدرت اختصر رد واحد لكل الشخصيات

لي عوده اذا ربي اراد

السلام عليكم لا استطيع ان اعبر عن لك عن حالي حينما اقرأ أجزاء روايتك انسى كل شئ حولي وادخل في حالة انفصال عن العالم اتجول عبر حروفك وكلماتك لا احس بالوقت الساعات تمضي كاثواني لا حرمنا الله من رقي حرفك وطريقة معالجتك القضايا التي تتناولينها في روايتك واهتمامك بالتفاصيل الصغيرة في الحياة اليومية يضفي نكهة جميلة على الرواية ،بالنسبة لاحداث هذا البارت لازلت اعتبر وجود مي في منزل العائلة لاداعي له وموقفها الاخير مع الجموح هو القشة التي قصمت ظهر البعير فاالى هنا ولتقف عند حدها فصدق من قال انها ثرثارة فضولية ماكرة اما ان تكون عفوية فهي ابعد ما يمكن عنها وما فعلته اكبر دليل ،حاتم اتمنى ان لايصدم في حبه لثريا وان لا يتعرض لخيبة امل،اتوقع ان اشواق زوجة ابو طلال حينما تسمع بزواجه تتزوج وتترك اولادها لابو طلال لتقوم باحتضانهم نجد مع ابنائها في البداية تحدث حساسيات ولكن نجد بحكمتها تقوم باحتوائهم ،جائزة نوبل في التحمل والصبروالايثار من حق وصايف على تحملها لمي في منزلها ارضاء لولدها

ابدااااااع ضمضومه. عاجزه عن وصفه

بس قهرتني ميوووه والله لوني مكان الجموح ما كفاني كسر راسها بس فيها حسنه وحده انها خلت قايد يشوف غيرة جموحه عليه هههه وكملتها بنت رفيق ابوه

ومويهر دواك الشيخ قايد هالحين عرفت قدر اللي كانت تحت جناحك. تستاااهل

سسسالخير على الجميع

حاولت اعلق على البارت وتسذا مثل البنات بس احس هالبااارت ماينرد عليه من القراءهه الاولى يبي له قراءهه ثانيه وبهدوؤء وبجو ثاني


بس بعلق على السريع ولي رجعه :$$


*مي زاددددت بلاويهاا بعد بعد تبي تزوج قايد وهي ببيتهه وزوجته موجوددهه ياختي روحي موتي وش تحسين بهه:)
* حاتمم مندفع بزيادهه ماتوقعت :)
* الثرياا مبين للحين الجروحح ماتداوت:(
*الجموووح بدت الغيرهه تولع بقلبهاا بركاتت الاخت مي :(


سلمت الاناامل ام اليزيدد