السلام عليكم ورحمه الله

اول مره ارد وحابه اعلق علي ابنك المدلل ياام يزيد عشان تلزقين علي خشتي نجمه

دانه افهمي ماهر خايف عليتس لانه عسكري يمكن حد من المجرمين يجي يسوي فيك شي لاقدر الله وانتي باالبيت بروحك

ماهر يابعد طوايفي علمها بااللي بخاطرك واذا ماتبي لاتعذبها طلقها وتعال انقذني من العنوسه هههههههههههههههه

بّسًم ٱللۂ ٱلرحًمنٌ ٱلرحًيّم ..

ٱلسًﻵآم عليّكم ..

مسًآآء ٱلخٌيّر يّ آهل ٱلوِحًيّ ..

بّٱرتُ جَميّل جَدُآ .. ثًررثًرة ٱلٱسًبّوِع تُحًكيّ مشّآآآعر شّتُى ..
منٌ ٱلوِجَع .. وِٱلشّوِقَ .. وِٱلعشّقَ .. وِآشّيّآء بّٱلقَلبّ يّعجَز ٱللسًٱنٌ نٌطٌقَهٱٱ...

"مآهر " يّ قَوِ قَلبّك بّتُغّيّبّ شّهر وِﻵ فُكرتُ تُرٱضيّهٱ .. لوِلٱ وِصِٱيّفُ وِﻵ مٱحًركتُ سًٱكنٌ .. وِﻵ ٱنٌتُ تُبّيّهٱ منٌ ٱللۂ وِجَتُك .. ٱلحًيّنٌ صِٱرتُ فُٱتُنٌۂۂ بّسً .. وِﻵ شّفُتُهٱ بّعيّنٌ ٱلشّوِقَ لهٱ .. غّيّٱبّ ٱسًبّوِعيّنٌ وِسًوِيّتُ ٱشّيّآآء موِ منٌ طٌبّعك .. زيّنٌ فُيّك رجَآآء للصِلٱحً .. بّسً سًوِٱل ليّۂ رٱفُض ٱلعمليّۂ ! عشّٱنٌ خٌوِفُك عليّهٱ وِﻵ عشّٱنٌ مٱتُشّوِفُ نٌفُسًهٱ عليّك وِتُهملك مٱدُٱم هيّ كٱملۂۂ موِ نٌٱقَصِۂۂ شّيّ .. وِطٌلبّٱتُهٱ تُكثًرۂ .. يّعنٌيّ هيّ كٱسًرۂ عيّنٌهٱ وِمنٌقَصِۂ طٌلبّٱتُهٱ عشّٱنٌ عرجَهٱ .. وِٱنٌتُ ٱلمتُفُضل عليّهٱ ..

"ٱلدُآنٌۂ " شّعوِر ٱنٌك مهملۂ وِٱخٌر ٱلٱهتُمٱٱمٱتُ شّيّ موِلم .. بّسً ٱلحًيّٱۂ تُبّيّ لهٱ قَوِة وِٱرٱدُۂ .. سًوِيّ ٱلعمليّۂۂ فُيّ غّيّٱبّۂ .. ٱلحًيّٱة تُجَٱربّ وِشّ بّيّصِيّر ٱكثًر منٌ ٱلعرجَ لٱفُشّلتُ .. وِيّ شّيّنٌ ٱلشّخٌصِ لعرفُ بّغّلٱٱۂ .. وِصِٱر يّجَرحًحً .. لٱنٌ جَرحًه بّروِحًحً مٱيّبّرٱء ..

"قَٱيّدُ وِٱلجَموِحً" ليّلة ٱلعمر خٌليّتُوِهٱ وِجَعع لكم .. وِحًيّٱة ٱلشّقَى .. متُى بّتُفُرحًوِنٌ .. ٱلكلٱم فُيّ ٱلفُٱيّتُ نٌقَصِٱنٌ عقَل .. متُى بّتُفُهموِنٌ .. ﻵ ٱلكلٱم بّيّرجَعع ٱلسًنٌيّنٌ ٱلليّ رٱحًتُ .. وِﻵ بّيّشّفُيّ ٱلوِجَع فُيّكم .. وِفُيّ وِٱحًدُ صِٱحًيّ بّ ليّلة زوِٱجَۂ يّقَوِل وِشّ كثًر نٌدُمٱنٌ ٱنٌۂ مٱتُزوِجَ عليّهٱٱ .. يّ حًبّك للوِجَع مٱتُعيّشّ بّدُوِنٌۂۂ ... وِتُبّيّهٱ تُعدُيّ ٱلليّلۂ عشّٱنٌ ميّنٌ يّ حًسًرۂ .. ٱلجَموِحًحً لٱشّفُتُيّ ميّ بّتُعرفُيّنٌ وِشّ كثًر كلمۂ قَٱيّدُ تُجَرحً .. مجَردُ مٱتُتُخٌيّليّنٌ ٱنٌهٱ زوِجَتُۂ ... وِٱللۂ فُيّۂ خٌليّه يّعرفُ كيّفُ يّثًمنٌ كلآمه..

سًلمتُ آم ٱليّزيّدُ ...

مع وِدُيّ ..♡♡

ماراح نسوي معارضه لانهم بيجبن لنا شرطة الشغب ويفكون علينا مسيل الدموع

الا بنجيب جاهه لتس ياضمضم عشان ماتوقفين


بالنسبه للهديه ومي انا قلت لكم الله لايجعلنا من اصحاب الحظ المنسدح مي كسرة القاعده دايم يقولون العوبا تسلك وتشعبط مع الرجال



انا معاج وبنجيب جاها من الكويت

محبتك ام تركي

صباح الخيرات ....صباح الابداع ....اعذريني ياقلبي ماقدرت اعلق على البارت الي راح وهالبارت اليوم بس قدرت ارد عليه ....الله لايوريك ولا متابعينك ضرس العقل سوى الهوايل ليته بميوه ولا فيني خخخخخ


قايد والجموح

اخيرا بعد سنين مرت تم الزواج والتم الشمل ....لكن شهالزواج الي العروس باغضة فيه العريس .......والعريس متحفز لحصول معركة وانفجار بأي وقت

يعني على هالصبر والعناد والمشاكل تكون ليلة العمر فتح دفاتر المفروض الاثنين يأجلو كل هالنقاش الين تعدي هالايام الي لها نكهة خاصة للعمر كله .........لاحقين على المعاتب والاتهامات والحروب ليش الاثنين ماتعبو من السنوات الي راحت

والجموح كيف تسمح لقايد يخرب عليها ليلتها مو هي تنتظر هالليلة من اول مااخذت شهادتها .... بس مثل ماخربت فترة ملكتها ووقت تجهيزها حتى هالليلة حرمت نفسها تعيشها بكل تفاصيلها ليش ماوقفت قايد عند حد لفترة العرس وطلبت منه يترك كل شي لبعدين ولوقته

هي كم بتعيش علشان تسمح للمناقشات العقيمة تخرب ليلتها وهذا هي زادت جروحها ماخففتها .... قايد مااعتب عليه احساسه مركب على كيفه والدليل امه جنته وناره ماتوانى على جرحها وتوجيعها والي مافيه خير لامه مابيكون فيه خير لغيرها

الجموح اذا بتفتح اسطوانة الدراسة بتكون خسرانة من هالناحية لانو عذرها مو قوي وله حلول متأكدة انها قادرة عليها وبترضيها بس ماتبغي تنحط بدور المهزومة .........اما ال تناقض في كون انو الرجال مالهم امان ومافي افضل من الشهادة افضل من الزواج والعيال اجل مين الي حاقدة بسبب حرمانها من الزوج الي هو الرجل والعيال لو الشهادة اغنتها عن كل الي تقوله مالقينا كل هالغل في قلبها متناقضة ومو عارفة ترسى على بر


اما قايد وسالفة مي بكل بساطة جاي يعترف انو سبب حرقة قلب امه وبكل جمود وانعدام ضمير يشوف كيف حرق قلب ابوه مع اني استبعد هالشي لانه لو ماعجبته الزواجه ماتممها خلاها على ورق وطلق بعد فترة

انا مع ام الوليد بكل كلمة عن زواج الهدية شبيصير على الرجال لو رفضها لو كل واحد اهدوه زوجة وتزوجها ماظل رجال ماكمل العدد الشرعي وماصار عنده مجال

هذا عذر بيقول لي لانه ولده تمم كان قادر يكسر راس ولده ويوقف ضده دامه تمم خليه يتدبس في مي يورينا اذا ماعافها من اول اسبوع لاهي ولا اهلها فيهم شي يشرف للنسب

انا لاحظت انو من جت المقرودة ميوه ما التقت بالجموح واتوقع من يصير هاللقاء الجموح بيكون لها تعامل يليق بميوه وبتوقف لها بالبلعوم على تلصقها بقايد وطلباتها بتخليها تحط لها حدود الجموح مو قليلة ولا بتخليي وحدة متطفلة مثلها تستفزها وهي ساكتة لها

اما قايد بيندم ندم على الي قاله مافي وحدة تتقبل انو زوجها خطب قبلها وماتم الزواج سواء خطب وردوه او حتى من ضمن القائمة الي انحطت لمرشاحات الزواج فكيف بوحدة قبل فيها لولا وقوف ابوه كان تم الزواج وهي معلقة مع اني ارجع اقول التحيير مايمنع الجموح من الزواج لانها مو مرتبطة شرعا ولو ابوها مات يقدر اي واحد من اخوانها يزوجها غصب عن قايد ولا من حقه يسوي اي شي لانو الجموح مابتكون مرتبطة فيه ولا له حق عليها


ماهر ودانة

الى متى هالاثنين والحال الاعوج دانة الخبلة صايرة كلمة الطلاق سهلة على لسانها ناوية على نهايتها هي ماتتحمل بعد ماهر ومكابرة على عمرها ومن صحتها وراحتها هالبعد تقوم تزيد وتعيد بالطلاق لو تهور هالادمي وطلقها مو بتنهار وبتتعب هي لحظة شيطان صارت بينهم وتم الطلاق

المفروض تحاول تلاقي لها حلول تلجئ لعقل راجح يساعدها عندها خواتها ليش ماتتقرب منهم وتسمع شورهم هم يحبوها ولا بيرضو على مذلتها

اما ماهر يااخي الي متى الجفاف والمكابر صفة شينة تحملها انت واختك هذيك وحطة التحيير شماعة مع اني ارجع واقول التعليق الي صار لها بعد السفر هو الي كسرها وقهرها

لكن انت والي حتى ابسط التفاصيل مركز فيها ومدقق على الاشياء الي ماتحبها فيها ولا بشكلها ومع ذلك باخل عليها بالمواساة وتفهم وجهة نظرها على الاقل سايرها واعطي نفسك مجال تتغير فيه وتغير روتين حياتكم اطلعو سفرة بعيدة عن الكل وعن الضغوط الي تمرو فيها روحو عمرة على الاقل وفكر زين تراك موخسران شي

هذي زوجتك انثى رقيقة حساسة مو مثل ربع بالدوام ولا الي تجلس معاهم اغلب وقتك ليش هم لهم اغلب الوقت وشريكة العمر مالها الا الفتات ترى البعد هو الي مسبب هالفجوات وجلوس دانة لحالها بين جدران غرفتها والضغوط اثر كثير عليها .......مااقول الا الله يهديك


حاتم والثريا

الثريا الله يعينها على فراق خالد بس ربي بيعوض صبرها خير وبيرجع لها خالد وبيتمسك فيها اكثر من قبل لما يشوف الفرق بين الحياة عند امه ويشوف الي ابوه دمر حياتهم عشانها ولا فيها شي يميزها عن امه

وحاتم ياخوفي يتأثر بكلام ماهر ويصير جلف مثله ويلبس ثوب ماهو ثوبه وينفر الثريا منه بصراحة ماهر ماله حق حتى لو مزح بس مو لانه مقصر بحقوق زوجته يحرم اختها المجروحة من العوض ويزيد مواجعها ماقدر طلعتها من طعنة مو هينة الله يستر من حاتم مايخربها


ابو طلال

اذا ربي كتب له نصيب بيصير غصب عنه وبدون مايخطط له الي صار له مع زوجته الاولى اختبار بس مايدري عن النصيب الي ممكن يجمعه مع انثى مافكر بيوم يتزوجها ولا خطرت بباله لكن ربي يهيئ الاسباب ولا هو ونجد ابد ماببالهم فكرة الشريك الثاني بعد تجربة الاثنين المختلفة


ميوه

نجي عاد لهالعلة عديمة المسؤلية .......يعني ماتبغي البنك المتحرك يزعل عليها لانها مابتلاقي مين يعطيها بدون حساب انا بس بسأل ماتستحي على وجهها تطلب فلوس ومصروف من قايد بأي صفة اصلا تطلب منه ....كانت زوجة ابوه الي فرضت نفسها عليه وخربت حياته ابوها من طمعه في مستوى قايد راح يهديها له وهو عارف انو محجر بنت عمه وحتى لو متزوجها ماعنده مانع

طيب سؤال ميوه تعرف انو ابوها بيهديها لقايد وانو ابوه وقف له ومنع زواجها كنه وردة فعلها ايش كانت مااتوقع رفضت وزعلت ولا كان عطت نايف ليلة زواجها كلمة انها ماتبغيه وانظلمت بهالزواجة لكن الي شفناه وعرفناه من وصايف انها كانت فرحانة ومبسوطة ورافعة راسها قدام الناس بالزوج الشايب

وانها ماخلت نايف يحبها مثل حبه لوصايف وهذا يدل على انها متقبلة نايف وماعندها مانع سواء هو ولا ولده اهم شي الفلوس والعز الي بتعيشه

ولا الاخت طول العرس جالسة يوم دخلو الرجاجيل من قلة ادبها ووقاحتها بتدخل تسلم على قايد والجموح ....الاخت تبغي تدخل تسمع الرجاجيل صوتها وتحاول تغري واحد منهم تضمن لها عريس مريش دام العرس واضح انو بيتفركش ....ماحلى لها السلام الا وقت حظور الرجاجيل .........وبعدين مو قايد زعلان ومطنشها ليش قطة الوجه اصلا ومين قايل لها انو بيهتم بمباركتها ولا سلامها هي وحدة وجودها غير مرحب فيه ولو عندها كرامة انثبرت ببيت اهلها الين تنقلع بيت زوجها غاثة الناس ببيتهم وماتبغيهم يوقفوها عند حدها لو بيتركوها امداها فضحتهم

سؤال واحد قايد وهو يشوف تصرفاتها الي متأدة انو شاف من حركاتها الكثير وحتى ابوه ماوجعه ضميره على الي سواه بأمه علشان وحدة ماتسوى مثلها وحدة ماعندها مانع تكون على ذمة رجال وتقز بالرجاجيل وتتعمق فيهم وتبدي رايها بكل صراحة فيهم .......وحدة مثل هذي تتامن انها تربي بنت .... وحدة ماعندها اي حس ديني بالي قاعدة تسويه وكل شي عندها عادي ومافيه شي كيف متوقعين منها تربي بنتها عرض وشرف اصلا بعدها عن البنت لصالحها وحدة عوجة تحتاج مين يصلبها كيف بتربي البنت


في انتظار الثرثرة القادمة

صباح الخيرات على متابعات ضمضم ........ مثل ماتعودنا من خلال روايات ام اليزيد لابد في قضايا تستوقفنا .... في الثرثرة سبق وناقشنا قضية التحجير او التحيير ........ وفي قضية ثانية تعتبر مشابهة لقضية التحجير وهو زواج الهدية

يعني الاب او الاخ يختار اي رجال وبوسط مجلس او حتى لو المجلس مافيه جماعة ويعرض بنته عليه ... بدون شور البنت ولا اعتبار انو هالموضوع شي خاص بحياتها الي بترتبط فيها باقي العمر

البعض يسوي هالشي كتقدير للرجال وكرد دين له ومحبة فيه .....واعجاب برجولته ومتمني نسبه .... يعرض بنته دون اهتمام لابعمر هالرجال ولا بظروفه ولا بقابليته للزواج وبدون مايحط بباله انو يكون ارخص ببنته وقلل من قدرها وحتى حقوقها ماراح تاخذها مثل الزواج العادي

بعض البنات تتقبل هالنوع من الزواج اذا كان الرجال معجبها ومو مهم متزوج او لا تحس انو من فضل ربي عليها انها صارت زوجة له من كثر ماسمعت عنه ....والبعض يوافقو علشان ماينزلو روس ابوتهم بالارض بعد مااعطى الرجال وهذاك تمم


البعض تمشي حياتهم مع الضراير او بدونها بحلوها ومرها والرجال متقبل وراضي ..........بس البعض لانو هالهدية جات مو على المزاج وتقبلها بس علشان لايسمع كلمة كايبغيها لو رفض ويتمم وبمجرد تكون حليلته يحط حرته فيها ويذلها ويعايرها على اقل موقف هو واهله ......حتى لو البنت مالها ذنب و مكسورة من سوايا ابوه تنجرح اكثر وتنذل من الزوج الي مو متقبلها وفيهم الي يخليها فترة ويرجعها مطلقة حتى لو كانت صغيرة بالعمر


الشي الي يقهر ليش الرجال الي مستقر بحياته وراضي بعيشته وعايش بنعمة مع زوجته ومو مقصرة معاه بشي ليش مايرد الهدية بأسلوب مايجرح الرجال بس يبين له انو بزواجه بنته بتكون مظلومة لانو الاولوية لزوجته ام عياله الي اختارها بنفسه ومامنها قصور ....زواجه من البنت بيكون مجاملة وبتكون بنته خسرانة في حال بيته صار مهدد بعدم الاستقرار وهو ابدى ماعليه عياله وبيته مايخرب وغير كذا النفس مو مهتوية زوجة ثانية ولا بيعدل وهو مايبغي يحمل نفسه ذنب وحتى الاب بيكون ذنبه اكبر

شراح يصير لو كان صريح مو اولى من انه يتزوج بنت الناس ويعذبها ويظلمها ويهينها ويكسر نفسها ........وحتى ابسط حقوقها يكون مقصر معاها ..... الين البنت تطق وتموت من قهرها او الاخ يرجعها مطلقة بعد كم شهر وفيهم الي تكون حامل

وهالابو الي يعرض بنته على رجال بهالطريقة مافكر ببنته ونظرة هالرجال لها ونظرة اهله ....واذا كان هالرجال شايب ماخاف ربه في هالبنت الي بيكون زواجها غير متكافئ زوج بعمر الاب او عمر الجد مو دايم تكون زواجات الهدية على رجال شباب ....يعني هذا قدر البنت عنده مايخاف انو ظالمها واخر عمره يموت وهو مرتكب ذنب كبير بحق بنته ....لايقول مابيعرضها الا على رجال واثق منه مو كل الرجال يحترمو هالنوع من الزواجات


وخصوصا لو بزواجه من هالبنت بيجرح قلب حرمته الي يحبها مابيرضى على دمعتها وزعلها علشان يرضي غيره ...

وحتى البنت الي تعرف انو ابوها عارضها بهالطريقة على الرجال ليش تسكت وتتقبل .......ليش ماتدافع عن حقوقها صحيح انو اغلب البنات مغلوبات على امرهم وابوهم يبيعهم بدون رحمة وحتى بعض الازواج حتى لو البنت طلبته انو يطلقها هي متزوجته مو برضاها يذلها ولا يهتم ويتمم الزواج خصوصا لو شايب ومتزوج بنت صغيرة والاعظم لو كانت فتنة ....


في بنات يكونو متفقات مع ابوتهم على هالشي يعني تكون حاطة العين عليه يكون ولد عمها او ولد خالتها وهو تزوج غيرها تروح تعرض حالها عليه بطريقة زواج الهدية يكون الابو عازم جماعته وقبيلته وبعدين يعرض بنته عليه وانها هدية له ....يعني مو كل البنات الي تتزوج بهالطريقة تكون مرغمة وماتدري الا تدخل بيته ورافعة راسها بعد متوقعة هالطريقة بتجملها بعينه ولا بتمنع عنها الذل والتحقير وحتى النفور منها والطلاق بعد كم شهر

انا اشوف هالنوع من الزواج مثله مثل التحجير في انو البنت تنجبر على زوج بدون ماياخذون شورها بس الفرق التحجير اغلبه الرجال يبغيها ومحجرها والقليل مايبغيها ومجبور مثلها

اما زواج الهدية اغلبه الطرفين مو راضيين عنه ولا متقبلينه بس العاقل هو الي يرفض هالنوع ويشتري راحة باله والبعد عن الظلم ولو كل ابو انردت هديته ماتجرء احد وكررها وحفظ ماي وجهه


موضوع لفتني اتمنى الكل يشارك فيه .......شرايكم بزواج الهدية ؟ وهل بيستنقص من رجولة الواحد لو رفضها بطريقة لبقة ؟؟ وهل هالنوع من الزواجات يكون ناجح ؟؟؟؟ والبنت كيف وجهة نظرها ونظرة اهل الزوج لها ؟؟؟؟

اسئلة كثيرة اتمنى تنطرح وتتناقش والي تعرف قضايا وقصص واقعية عن هالنوع من الزواجات لاتقصر ... الباب مفتوح لكم جميعا