صباح\مساء كل شي حلو على ضمضم ومتابعاتها

بارت من كمية الابداع الي فيه عجزت القى رد يليق فيه

قائد والجموح ومازال صراع الجبابره قائم بينهم حتى وان قائد فرض الهدنه

والجموح قبلت فيها

ومازال قايد في المقدمه واثبت انه هوالي حبه لها له اول ماله آخر

تملص من زواجه من مي علشانك

ومن الي تزوجها ابوه

ومع هذا ماكسر فيك لقائد شي

اتوقع البارتات القادمه بنشوف براكين خامده راح تثور بينهم

ضحكني قائد يومه مستغرب كيف نطق بسر محتفظه فيه سنين

بلاك والله ماعاد تجمع ضيعت علومك جميح

لكن تعال بيني وبينك وراك يا النذل بغيت اتمم العرس

ليش انتو كذا يا الرياجيل انذال عنبو الخسه الي فيكم

واحبك واحبك يا الجموح حبك شيب امه ضبعه وابو ذيب

ليتك ما اعترفت ماغير غثيتني

الحين ابي افهم اذا ناس عرضوا بنتهم على رجال

وش العيب الي بيجيه اذا رفضها وقال ما ابيها

وش بينقصه والا ينقصها

ياما بيوت انهدمت من ها الهدايا الي ماهي بمكانها

يهدي بنته على متزوج تدخل على عايله يا انهم يبتلونها ياهي تبتليهم

والا يهدونها على شاب ما يتقبلها ويطلقها وعذره معه ماهي من اختياره

حتى حقوقها بعد الطلاق مهضومه بما انها هديه

لكن ما يمشي عليها قانون الهدايا لاتهدى ولاتباع

لا هذي هديه سهل التخلص منها

والي طاح بالهديه الشايب نايف

دخلت حياته مي الي باين انها زواجه فاشله من اولها

اتوقع لو نايف مامات بيكون هناك حسابات اخرى بحياة مي

مي المسمار الي ثبتها بحياة نايف وحتى بعدوفاته كانت اميره

>>ضمضم اخبرك ما انتي راعية شطحات

لايكون مي زوجة قائد ماهو نايف واميره بنته

وخصوص الشبه الي بينه وبين اميره

وكذبوا الكذبه نايف وقائد وتورطوا توقعوا وصايف بتقبل وتسكت ولا ان تركي يزعل وهو بنته

وجلوس مي بالبيت معه واهلها ساكتين عن الموضوع

وتعاطف قائد معها الزايد

اهل مي مابعد عرفنا سبب عرضهم مي لقائد

لكن الاكيد انه سبب كبير وربما مادي

دانه وماهر والمصالحه المؤقته

ماهر معاه حق الحين ماهو قبل

يعني المفروض يفهم دانه بطريقه تودديه اكثر

ان البيت بيفضى ويحدد لها وقت فيه بيطلع لها بيت مستقل

اما انه يترك الوضع لظروف ماينفع لاهي بترتاح ولاهو بيرتاح

عطها امل يا اخي ترى اللسان الين اكل الحلال البين

حلو انك تنازلت ولحقت دانه لجناحها وكسرت الجمود الظاهري الي كان بينكم

بنشوف كلام الليل الي مدهون بزبده وش يصير منه اذا طلعت الشمس بكرا

ما انت مطول يا مويهر اعرفك ابو النفسيات البر والصيد من تخليه له !

ابو طلال وعقدة ام طلال الي كل شوي ناطه قدام عيونه اذكر كلمه لوحده تقول ماتلاحظون بنات

ان الرجال الي زوجته جنيه زوجها تطقه عقده حتى وهي ميته مايفكر يعرس

يفكر كل الحريم مثلها

هذا ابو طلال مستبعد فكرة العرس

لكن اتوقع احتكاكه بقائد وعيال تركي بيكون له اثر

بماان تربط بينهم صداقه والكل بينشغل عنه

فا من الممكن انه يفكر يخطب منهم

والخيار بين الاثنين نجد او الزين


لـ حاتم

مهمــا تصبـّــر راعــــي الحـــب مفضـــوح


لا ناحـــت الورقــــا يجيــــه إنزعاجـــــي




ابدعتي ضمضم بالبارت من البدايه لنهايه

في انتظار صباحية العرسان وهم يفطرون

وحساب الفطورتدفعه عذرآقلب ونجلاء الريم

والحلى كرتون كت كات هديه من عبق الرياحين

هالحين انتي ياللي فووووق مرسلينتس واقول العرقه على تعزمينه على الفطور ولا على حسابي (المشكله حافز انقطع ههههه وهم معاريس يبون لهم فطور راهي

لكن الحل عندي بكشتهم في البر في شعيب ابو سدره يقولون سايل من المطر والخير الا جاه خلي شياطينهم تطق مع البر الفندق جاب لهم التكه والغلقه




نرجع للضمضم طالبينتس. ياضمضم شوفي حنا قراء طيبين قلتي مقدر انزل الا جزاء قلنا سمعا وطاعه لكن تلمحين للتوقف مانقدر معارضه معارضه وبشده اذا تعسرت خلي طيف تنزله نيابة عنك <تهمنا راحتك






نرجع للثرثره بعترف ماكتبتيه قبل في كفه وهالثرثره في كف مدري ذكرني بنسمة هواء بارده في. يوم حار <بيطمرن على ويقولن وين هالنسمه هههه


وصايف ياوصايف لودرت عن الحقيقه من يرد ابو نايف من قبره


وتسامح منه ياقو عذاب الضمير لا بتحس فيه


مي صدق الله لايجعلنا من اصحاب الحظ العاثر ليته على ماكثر مايجيها ركدت الازاد هبالها الله لايبلاني بس






جموح وقايد انا قلت بكشتكم وش تبون بالسفر برى وناخذ علومكم من قريب هههههه >حريم يسامح ضمضم ماخلتنا ناخذ تالي علومكم ودي اني ماسريت ومناحره لكم في الفندتق ههههههه


حواراتهم موجعه موجعه مع بعضهم مشكلتهم كل واحد ماخذته العزه بالاثم
قايد صمت دهرا ونطق قهر ساكت ساكت على السر وماحيكت الا لليلة الدخله بس احسن عشان تكونون على بياض


ماهر والدانه ماعندي تعليق عليهم










ضمضم جعلتس ماتنضامين ولا يضمك شر وش يصبرنا لللسبت مقدر مقدر مقدر




نبي جزء صغيرون






ردي لا يرتقى للجمال الا نثرتيه لكن عقيل من قطيع








ف عز الكلام سكت الكلام

صاح / مساء الترف ...

البارت ليس جميل و لا رائع و لا مبهر .. بل اكثر من ذلك بالكثير الكثير الكثير .....

آسرة باذخة و تارفة انت يا ام اليزيد ... { ما شاء الله }
في كل مرة تاتين بما لا نستطيع توقعه البتة ...
بارت كـ الارتواء بعد طول الظمأ

.....


فاجعة بالفعل ما تفوه به ذذاك المتيم ... ليته ما تكلم خرب امممم الليلة .. لا وبعد متمم له ..

صدق و انا اقرا حسيت الي سواه قايد يتجسد بهالبيتين { السكوت ان طال يغري بالكلام .... و الكلام إن ضج ما يستر شعور }

الي ثرثره قايد لا ينم عن تضحيته العظيمة ابداً فذلك يجعلنا في صف الجموح و بقووووووة .... يعني لو ما اصرت على دراستها كان لا دراسة و لا زوج ...

.... جموح و حبها الي وضح وضوح الشمس ... فهي انجرحت منه و انصدمت و لول انها ما يعني لها
الموضوع ماكان انقهرت كل ذا القهر ....


... و انا لي يوم قريت بداية لقاؤهم قلت بس عدت الليلة على خير ........


************

نجي لذي الهدية

بالفعل تعسا و تعسا و تعسا لمن يهدون تلك الهدايا اللامحمودة .. تهدم البيوت و تمزق القلوب ..... مدري وش العيب لا ردها { موفورة و معززة } ترى الرجال هو الي يحكم عقله و ما تاخذه الحمية ...

بالفعل ضمضم طرحت الكثير من المواضيع الشائكة ....
سلمت اناملك ...........

*******
ضمضم ... صدق احنا بارت واحد و مو قادرين نصبر كيف و انتي تاركتنا ............. و الي يرحم والديك حاولي منا و لا منا ...




و اخيرا حرمت يديك عن نيران جهنم ووفقت لما يحبه الله و يرضاه


منتظرين على احر من الجمر


captive dark

ماراح نسوي معارضه لانهم بيجبن لنا شرطة الشغب ويفكون علينا مسيل الدموع

الا بنجيب جاهه لتس ياضمضم عشان ماتوقفين


بالنسبه للهديه ومي انا قلت لكم الله لايجعلنا من اصحاب الحظ المنسدح مي كسرة القاعده دايم يقولون العوبا تسلك وتشعبط مع الرجال

ولا يهمك عذوره طيف عليها شهر العسل عاد اختارو الدوله اللي تبونها

وطيف الأحباب يا مال الصلاح وش هالشطحه أما قايد يتزوج هالمخفه قايد شخصية قويه ما عندها مشكله في إعلانه الزواج منها بس العتب على الحبيب اللي تمم الخطبه لو ما أنقذه أبو ااه ليته تزوج هالعوبه(( ويش ترجون منه هو فرد من ربعنا السعودين أصحاب النكبات والمطبات))
بس فعلان هي اللي بتقرب جميح من قايد
هو فجر قنبله أصابت قلبها وهي بتلعب فيها الغيره والشك خخخخخخخخ شر البليه
على كلام ضمضم ممكن نقلب على حاتم لا لا لالوألف لا بعدي عنه وشيله رأسك
خليك على قايد وماهر بليز
والله يسر أمورك وتنزلين بدل البارت بارتين طمع حنا حريم و ما ينشره علينا