من قراء روايتك ومن المعجبين بشدة بثرثرة ابطالك جميعهم دون استثناء.…… البعض منها يدفع الدموع لعيناي كثرثرة نجد. ....... والثرثرات الاخرى جميله جدا وجميعها مؤثرة ولكن بطرق مختلفه ..كنت من المتابعين ولكن من خلف الكواليس لكن كان يجب ان اكتب شيء خطر على بالي فوراً منذ ظهور. ابو طلال فقد شعرت انه سيكون زوج نجد ..... هكذا توقعت لي عودة ان شاء الله........

صباح الخيرات ...... الله يسلم هالايدين يارب لاخلا ولا عدم ......ثرثرة رائعة جدا بكل ماتحمله من احداث ...رغم اني تمنيت اني علقت على الجزء الاول من الثرثرة بس يالله راح اعلق مرة وحدة ..........وتسلمي ياقلبي على النجمة الله يزيد ويبارك واملي شنطة ولدي بالنجوم الي احصلها هههههه ...

الجموح وقايد وماهر

الجموح ماادري هل كنت منعمية عنها وهذي حقيقتها حقودة وتفكيرها ابد مو راجح والا عندها انفصام بخصوص قايد الحين هذي نفسها جموح الي اسلوبها وتعاملها راقي مع طالباتها وحتى السيئات منهم هذي المثقفة الي تغربت سنين علشان ثقافة وشهادة عالية .......

اكتشفت انها فاشلة في حياتها الشخصية طيب حطت فكرة للانتقام وابتدت تنفذها بس مو المفروض تكون مسوية دراسة بالنتائج المترتبة عليها .......تقول انها كاره قايد وحاقدة عليه وانها وافقت عليه علشان لاتصير مشاكل وتفكك بالعيلة اجل لما تبيع تعب الرجال وتوجع قلبه ويقاطع اهلها كلهم مو بتكون بسببها لما تهدم حياة اخوانها الي مرتبطين بخوات قايد مو بتسبب قطاعة هذي وين عقلها ........ماشافت الا قايد وردة فعله وياليت حسبت ردة الفعل عدل لو الرجال بعد سنين التحجير رده لها ورقة طلاق وهي تقول فرص الزواج بسنها صارت قليلة لما تكون مطلقة مين الي بيخطبها غير متزوج او مطلق او ارمل

يعني قايد فاشل بمهنته ومايصلح يكون محامي اجل هي تصلح تكون مربية اجيال وهذا تفكيرها وتصرفها ......الحين ماهر عرف وماهمها ردة فعله ولا خجلت ولا خافت من معرفة الباقي الي مااعتقد ماهر مابيبلغهم ...........وهي فرحانة انها بتبيعها مهما صار طيب هذا واحد من المعرفين وخسرته وشافة ردة فعله وهو الوحيد الي كان واقف معاها .........
كيف بتبيع العقار بدون محرم وتتوقع انو اهلها بيسمحو لها تروح مكتب العقار او اي مكان تتمم البيعة .....

اتمنى من قلبي ماهر يسكر عليها كل الابواب ويضيق عليها بمعرفة ابوها بنشوف كيف بتبيع وكيف بتروح بدون اذن اهلها هذا اذا مامنعوها من طلوعها وحرمانها من وظيفتها يعني بدل ماكانت تحارب جبهة بتفتح لها جبهات

لو ابوها كان واقف بدل ماهر هل بتناظره نفس النظرة وبتتجرء انها تناقشه .......للاسف تفكيرها محدود والانتقام الفاشل مو مخليها تحسب اي حساب للي ممكن يصير اذا انحرق قلب قايد هي بتشاركه حرقة القلب لانو النار بتطالها ومابتستفيد اي شي لو ابوها زعل منها وحرم شوفتها ودخولها بيته ماتقول لي في حال قايد انتقم منها بزوجة على راسها وين بتروح والكل ضدها ومايبغيها لا ويمكن هم الي يسعون في زواجه علشان سواد الوجه الي سوته

ماراح ينكسر جموحها وعنادها الا اذا خسرت مصدر القوة والثقة الزايدة اليوم اخذت كف من ماهر وخسرت سند بكرة الله العالم الي بيجيها والي بتخسره وخلي حلم الزواج والسعادة والعيال يطول اكثر هذا اذا ماانهدم

قايد وحرقة قلبه على ردة فعل جموح والله انت غلطت بطريقتك كنت تقدر ترد لها الصفعة بدون تحجيرها بمجرد اختيارها للسفر حتى لو ماقدرت تتزوج هذيك السنين كنت صفعتها بزواجك اول رجوعها كهدية لنجاحها وشهادتها وهي الي مليون بالمية من التحجير كانت فرحانة واعتبرته دليل على الحب من قبلك وماكان عندها اي اشكال هذاك الوقت لانها توقعت انو مثل ماعجلت بتحديد وقت الملكة والزواج قبل السفر بيصير نفس الشي الي قهرها انك ماحركت ساكن لما رجعت وكسرت شي كانت واثقة منه ........والا الحقد الي تقول عنه مايخليها تحتفظ بصورة ظالمها على قولتها تحت الوسادة

القفلة اليمة اكيد واحد من الي حرر زوجاتهم منهم او زوج فوز اتمنى ان الضربة تكون خفيفة وبنفس الوقت تخليه يتنوم بالمستشفى كم يوم يمكن جميح تعقل اذا حست انو هالي صار يمكن انذار لها انها تترمل قبل ماتتزوج وقبل تحقق انتقامها الي مابينفعها شفايدة ملكية العمارة وهي خسرت راعيها للابد

عاد الحين طيحته بتخليه يطلب من عيال عمه ياخذو ميوه واميرة لبيته لانها جالسة لحالها وحالته بتطول وتحتاج عناية مايقدر يتركهم لحالهم وامه يمكن تضعف اذا هددها انو بيطلع لعندها مو لبيته والله يعين وصايف
اما جميح يمكن ابوها يجبرها تروح لبيت قايد بدون زواج

حاتم والثريا

حاتم فرحان لتحقيق حلم قديم يمكن ماكان متوقع تحقيقه ومعتقد رفض الثريا لفهد لانها ماتكن له مشاعر مثل قبل بس بينصدم انو رفضها له كبيرياء وصدمة غير متوقعة منه الله يعينه اعتقد بتجينا ايام بنحقد فيها على الثريا مثل ماحقدنا على جميح لانو الثريا الي ماسوته مع فهيدان بتطلعه من عيون حاتم .......

مااعتقد بتكون حياتهم هادية ... .....ويمكن حاتم كأنتقام من حب الثريا لفهد يأكد لها ظنونها من عشقه لوحدة الين مشاعرها تتغير ويظل هاجس هالمحبوبة هو الحاجز


سكوت الثريا عن الي سواه فهيدان واستغلاله لخالد افضل لاتكبر السالفة وتنتشر والناس ماتقصر بالزيادات وحتى زواجها من حاتم بيتبعه كلام موجع لذلك السكوت عن شي مايقدم ولا يأخر افضل وفهد لما يشوف نفسه خر راح يستسلم ويبتعد عن حياتها مع اني مااعتقد بسهولة واحد نذل مثله ممكن يستغل خالد يسوي شي كهدف للتفريق بين حاتم والثريا او ينقل له تفاصيل هو يبغيها

ماهر والدانة

هذي الدانة بتتقمص شخصية غير الشخصية القديمة مع انها رجعت على سالفة العرج الي مكرهة ماهر فيها المفروض حتى هالسالفة ماتطريها علشان تبرهن تغيرها .... ماراح يتحرك البرود الي بماهر وعدم المبالاة الا اذا عاش نفس التجربة وبنشوف مين الي بيعدل الثاني الين ترسى السفينة للمرفئ الصحيح

بس ماتوقعت الدانة نقالة حكي وبسهولة بدون ضغوط ماادري هالشي بيكون من صالح اخوها او بيضره بس مااعتقد الدانة بتسكت لو التقت مع جموح في موقف استفزازي من قبل الجموح

نجد وابو طلال

نجد وكثرة الاحلام بمحمد واصرارها على الاستمرار بالاشياء الي كانت تسويها على حياة محمد ماراح تزيد الا مواجعها وايضا رفضها لاي خاطب حتى بدون ماتعرف عنه اي شي مابيستمر هي رافضة اي رجل بعد محمد وصعب تغير رايها مثل الثريا لانو مالها هدف بالزواج بس هل ممكن يطلع لها شي غير الحلم يجبرها على تغيير رايها

وابو طلال بصراحة اهنيه على تحمله لزوجة مثل زوجته حشى عليها هذي تفوقت على شيخوه فرقت ناس وطلقتهم تلاعبت بأعراض على ناس ابرياء هذي ماتتأمن على تربية عيال ليش ماياخذهم منها حرام عياله تربيهم وحدة على شاكلتها اتوقع انها بتتزوج وزوجها مايبغي عيالها وبترميهم على ابو طلال وهو مابيقدر يوفر لهم كل متطلباتهم وهالشي الي بيخليه يغير رايه لابد من سبب قوي يخليه يغير تفكيره
اممم هل ممكن يلتقي بنجد بالمستشفى ويشوف فيها شي يعلق بذاكرته وينساه الين لحظة التفكير بالزواج ...المهم الاثنين حاليا عازفين عن الزواج ومابيغيرهم الا شي قوي جدا غير متوقع للاثنين

الزين

هالبنت مطفوقة بشكل مااعتقد وحدة بعقليتها تنفع للزواج من واحد مثل ابو طلال لانها لسى بتصرفات المراهقين ولا هي ناضجة وهو مو محتاج لوحدة غير راكزة ........هي يناسبها واحد نفس خفة دم رهان يطلع عجلة الزواج من عيونها .........

اجل الشباب مايحبو الاكلات الشعبية الا ابشرك في منهم ماياكلها الا هي ومايفضلها الا هي وعنده الاكلات الجديدة مهما كانت متعبة او سريعة مو ذاك الزود .......اغلب اخواني الله يحفظهم وعمامي الشباب وبعلي العزيز يفضلو الاكلات الشعبية وبرمضان لازم ماتخلى السفرة منها ........يعني ياحلوة مو بس المرقوق الجريش والهريس والعصيد واللقيمات وكل الاكلات هذي ماانتهت موضتها واذا الزوجة ماعرفتها يروح يفشلها عند اهله لما يطلب من امه تسويها له زوجته حارمته منها خخخ واحد من عمامي سواها الين تابت حرمته وتسنعت واخذت كورس طبعا بعد كم حرقة من هنا وهناك

هذا حال البنات او اغلبهم يتدلعو عند امهاتهم وبعدين يرجعون لها بعد الزواج ......ياختي احمدي ربك امك بتعلمك غيرك ماتعلم ولا لقى من يعلمه وطاحت فوق روسهم .... مو هي مفكرة الزواج تمشيات واسواق وسفرات وبس ماوراها شي ابد .... استمتعي بالعزوبية ولا حقة على الزواج ومسؤلياته

في انتظارك ياقلبي القفلة اليمة ومشوقة
جدا

السلاااام عليكم
عندي توووووقع بالنسبه لنجووووده .....
طبعااا كل البنااات قااالو انه تفسير الحلم انها راااح تتزوج ابو طلااال
وانا مع هدا التووقع .....لكن ازييد عليييه
انه اسم ابو طلال محمد ....عشان كدا زوج نجد في الحلم يقوووول لو خطبتك ثاااني مررره توااافقين

ياااارب اخد نجمممه من شنطه دووووودي .......

ابداااااااااااع ضمضم نجد وأبو طلال بيلتقون بالمستشفى وبصير أحتكاك بسيط بينهم هي رافضة الزواج بعد محمد وهو رافض حوا كلها قايد إصابته بتكون متوسطة بتوقع أنها من زوج فوز أو قريب له لأنه لو كان زوج فوز كان عرف انه هذا قايد لهيك ممكن حدا من طرفوا جموح وإصابة قايد بتغير شوي من حدتها مع قايد وبتعرف أنو الدانة الي خبرت ماهر مو قايد الطامة الكبرى أميرة ومي ومواجهة حادة مع وصايف ننتظرك بثرثرة مليئة بالاكشن