الله يا ضمضم مو حرااااام عليك كذا التشويق لبعد العيد بمووووت واشوف وجه الجموح وكيف هباااالهااااوعنااادهاااا ولوين بيودونها
ما عرفتك يا يااا قااايد وانت رومنسي الله يعيين كان رومانسيتك كذا البنت بيصيبهااا مس من الانس من وراااك
ام قايد انا ما الومهاااا لانه كبر سنها وهو معها وسنيين صرفهاااا بوووجع وبد\لهاااابطفلة بعمر بناااته او اصغر
كل عااام وانتم بخيررررركلكم لا تنسونا من دعواتكم وانتم صائمييين
ننتظرك ام اليزيد بعد العيد عشان تضحيين لنا ببارت او باااااارتااات انتي كريمة واحنا نستاااهل

مسآء رحيلِ الحُجاج لبيتْ الله الحَرام
اللهُم بلغنا فيهُم مايَسِر، وتقَبل أعمالهُم، اللهُمَ هِبْ علينا وعليهُم نسائِمْ الأجرَ والثَواب *


ام الزيد
جعل الأيادي التي تكتب الإبداع ماتمس النار

قفله مرعبه والله
وش ناوي عليه ياالقايد غزالك بين ايديك وش نتوقع تسوي فيها
ياحليك عديت خلخالها والله انك ابد مو هين
الزين بتجي وبتشوفك وبتتركم مع بعض عشان تقدر تقتص لنفسك من شرطها وبعد هي تعرف ان أختها قويه وقد الموقف وبعد انت زوجها يعني موب حرام
صح ان فيه عادات تمنع حصول الشئ هذا بس الزين ضدها فاطمأن إلا إذا جأ ماهر هو بس اللي ضدك خاصه بعد ماشف الحره اللي حريتها أمك
يعني سويتها وطلعت مع مي
قلنا بتتزوج وتروح في حالها بس انت رأسك عنيد وهي بعد عله صابرة على إخوانها كل هالسنين وماتكلمت بس الحين صارت تبي تطلع من عندهم ولا بعد لما قرب زواجها قلت عله

ام قايد
ياحرة قلبك والله اجل هالمي هدية انهدت لنايف وقبلها
ياشين هالعاده بعد إلا غصب ناسب فلان ولا فيه مجال إلا الهديه
هذا سبب الفرق في الحاله الاجتماعية بينكم
ان أبوها أهداها لزوجك
الله يلوم اللي يلومك بعد العمر والعشرة تجي بنت كبر بناته وتأخذه منك
يعني هو بس عاش معها سنه ومات ولا سامحتيه ولين الحين شايله بقلبك عليه وجا قايد وكمل عليك الوجع
بتصرفه هذا وعناده معك بيخسر والله
أمك اول ياقايد بعدين مرة أبوك


أنا نصفي تعب والنصف الأخر للهموم لحاف
. . . . أنا وجهي ذبولٍ ماعرف طعم الفرح فيني


أنا باب خلعه الريح ليلة والعروق خفاف

. . . . وحيدٍ مالقيت اللي يرد الضيم عن عيني




حاتم
وأخير نقط ابو الهول
بس تعتقد ان الثريا بتوافق والا بتصدك زي ابو صفوق عشان ولدها
بس هي تقرأ روايتك من اول وبتعرف أنها هي الحبيبه وانت العاشق الساكت
وتبي قايد يرد الدين
اي دين وانت الداعم الأول لسفر جموحه
انت رجال ماتنرد بس زي ماقال لك قايد ماتزوجت وهي عليها ولد يمكن الشئ هذا هو اللي يمنعها
بعدين مابعد عرفنا رأي اهلك في موضوع زواجك
بيواقفون والا عندهم اعتراض


نجد
الحلم يمكن مايكون لك ويصير لاختك الثريا وانت اللي بتقنعينها بالشئ هذا

الدانه
صادقه ياماهر في الشئ هذا
المرأه ماتحب احد يشاركه في زوجها لو بالحلال
يعني إذا قطعتك مئة قطعه عادي توقع من المرأه اي شئ
وجهة نظرها مع موقفه أمها من زواج أبوها عليها يمكن يكون معها حق أنها لازم تتمسك فيه و ومتتنازل عنه
بس جعلك ما تذوقين حرتها

الزين
ياحليلك تبين ترقصين انت وزوجگ
زين اللي بتسويه أمك فيك

ام الزيد

كل عام وانت بخير
وتقبل الله منا ومنكم صالح الأعمال


سلمتِ

كل عام و انتِ بخير يا كاتبتنا الجميلة .. و كل عام و ليلاس أجمل بمحبينه ..

شسويتي فينا يا ضمضم .. ترى تعلقنا ..

و بعد كذا بارت جايه بتعليقات كثيرة و ممكن تكون غير مرتبة , بكتب اللي يجي في بالي بدون ما يكون مرتبط في البارت الأخير على وجه الخصوص ..

قايد .. للامانه أنصدمت من تصرفه أحس مو شخصيته اللي تخيلتها يعني فعلا تفاجأت .. أثره طلع مو هين و راعي حركات

توقعي أيا كان بتوصل الأمور له , ها الموقف راح ينفر الجموح منه أكثر و تكبر الفجوة و تزيد القلوب قسوة ! , و أعتقد ها الشي بيكون له وقع أكبر من شرطها اللي رضى فيه .

الجموح ظهرت لي إنسانة متوازنة على الرغم أن البعض يشوفها جامحة أو عنيدة لكن وضعها جدا طبيعي لإمراة من ها العصر تؤمن أن هي اللي لها الكلمة الأولى و الاخيرة في حياتها , نعم ممكن تتنازل شوي أو تحسن الصورة لترضي النتيجة من تحب (مثلا عشان خاطر أبوها أو أمها ) بس أكيد بشروطها و بطريقتها و تفردها ( و أنوثتها ) .. و اصلا قايد لو يفكر شوي راح يلقى أنه حبها لأنها الجموووح ..

و عكسها قايد , ظهر لي جدا تقليدي بسلوكه , رؤف و رحوم و عطوف و جدا نبيل و له مواقف رجوليه مع كل الناس إلا مع أهم أمرأتين في حياته , والدته و حبيبته .

والدة قاىد .. يبدوا ان أبنائها متفقين حتى لو ما صرحوا أن ردة فعلها إتجاه زواج أبوهم عليها مبالغ فيها , او على الأقل غير حكيمة ! .. و أعتقد أم قايد نفسها منكسرة مو بس لان زوجها حبيبها تزوج عليها أمرأة تصغرها بعقود . لأ .. اللي زاد عليه أنها ما شعرت بتعاطف و المؤازرة الحقيقية اللي كانت متوقعتها و يمكن قايد اللحين بتصرفه فجرها .. و يمكن أني قريت الامور بشكل مختلف عن المقصود

دانه : من الشخصيات المستفزة و لاني لا يمه زوجها ,و إذا تزوج عليها و و صلتني بطاقة دعوة من ضمضم راح أحضر بكل سرور .. يعني الدانة لما قعدت تفلسف و تفصفص حالة أمها ما طالعت بنفسها ( اجل بتقطعينه يا قلب يا ماما ) ! .. أصلا واضح أمها أقوى منها بكثير حتى لو كانت طرف خاسر في النهاية ! .. دانه تحتاج هزة عنيفه تخليها تنسى الكل و تلتفت لنفسها و أدور على الشي اللي أنكسر داخلها و اللي محد له يد في كسره إلا هي .. على اني ما عرفت شلون ولد عمها و زوجها حاليا تسببب بإعاقتها إلا أني أشوف عقوبته ظالمه ! .. منو يبي أو يقدر يصبح و يمسي مع كسير يتألم و يأن بس يرفض التجبير !

الزين : اللي ما يرضى عليها لا يكمل قراءه .. مع حبي و تقديري للأرواح الحره و الهاربين من قوالب الأعراف المتزمته اللي تحنط البنت بشكل واحد , الزين ( خبله ) , يعني مو خبله با المتعارف عليه بس خبله على الاقل بتعريفي , خفة دمها أمام الكل و مع الكل ممكن تضرها , أختلاطها مع بنات قد سبق لاختها نصحها با الأبتعاد عنهم خباااال و أستمرارها في العناد يبيني لي أنها خبله و دجة و ما تعرف مصلحتها لأن أضعف إنسان و أكثرهم مدعاة لشفقة من يفشل في أختيار صحبته و أصدقائه و يفشل بتقبل النصيحه من محب قريب أكثر خبرة و معرفة بطبائع البشر , نعم أشجع الزين ان تكون أنطباعتها الشخصية و تصقل تجربتها الأجتماعية لكن بخطوات متأنيه و خط سير غير منحرف ..

و في شغله بعد متعجبة منها شلون الزين متقبله أن الكل يعاملها كأنها طفلة ؟!! .. و لا بعد أختها الجموووووح .. يعني معقول ما جى في بالها ادور لها ميزان و تحط قيمتها مقابل قيمة الجموح أجتماعيا باحسن تعبير و تشوف منو أثقل , على أن الجواب ما يحتاج !إلا قياس بنظر .. يا حظك يا قايد و يا قردك يلي بتورط في الزين !

حاتم : مدري أنا معاك و إلا عليك .. ثوب العاشق جدا فضفاض عليك , انت تخوف !
أجل تقعد سنين تحب في وحده و تجيش شاعريتك و تربط كلماتك فيها و أنت كنت تقدر !
اللحين عاد بناقض نفسي و بنفس الوقت أثبت وجهة نظر ..
الثريا مو الجموج لو (ما اقول حجرها ) لكن تكلم عن اللي في خاطره قبل ما يسافر و قال هي لي كان اختلف الوضع , أعتقد ان الثريا بشخصيتها اللي عرفنها عنها راح تنتظره لو يسوقها للمشيب , لكن يمكن هذا اللي كان يبيه في عقله الباطن , يبي الثريا تلحقه و تصير بسربه مو لانه ولد عمها لكن لأنها عشقته ! .. يمكن حتى لو رد من السفر و كانت للحين مو متزوجة أعتقد أنه ما كان راح يتحرك و لا يخطبها و بينتظر هي اللي تلاحظه و تمناه ! , دايما كان يحط أعذار و يخوف نفسه بنفسه , و يمكن تحركه راجع أنه لتو يستوعب أن الثريا ما راح تشعر بوجوده إذا ما كان له وجود شرعي في حياتها .

ضمضم بإنتظارج لا أطولين علينا يا كريمة .

صباح الخير .....صباح الاشواق ....كل عام وانتي واحبابك بخير .......تسلم اناملك على الابداع الا متناهي ...جدا جدا ممتع البارت والقفلة تحبس الانفاس ..

ام قايد وشينة الحلايا

حبيت ابدي تعاطفي معاها جدا متوجعة لوجعها ماحد يحس بالي في قلبها الا الي عاش تجربتها الله يبعدنا ويكفينا شر هالتجربة مو كل حرمة تقدر تصبر وتكون قوية الله يطول بعمر جدتي لليوم وانا استغرب موقفها يوم زواج جدي عليها وليلة زواجه بالذات مع اني السى ماانخلقت على الدنيا بس قصة هالليلة سمعتها كثير من الي حولي .... الكل من اهلها عصب وانقهر والي بكى من خواتها وهي ابد ماضعفت ولا بينت غصتها لاحد لا وليلة زواجه حطت الحنة ولاهمها لاهو ولا غيره والله لو انا مايبرد قلبي الا مقطعته هو والعنز الي ماخذها ومتأكدة اني بكون نفس وصايف واعظم شي مستحيل ينغفر بالنسبة لي ....

ماالومها على الموقف الي التقت فيه بهذيك الوقحة ولا وحدة بعمرها ليش بتفرح بشايب غير للفلوس الي بعمرها ماشافت مثلها وهو الشايب بعد الوعود والحلوف يغدر فيها لو ماكان معاهدها ومعطيها الامان يمكن اهون لو كانت حياتها معاه مو مستقرة وهي عايشة بثقة من كلامه بيكون اهون هو كسرها عند الناس الي كانو حاسدينها وماصدقو يردو لها كلامها وثقتها فيه ........ويستاهل الهجر بعد الي سواه فيها ايش يبغي منها تقابله وتسمع اعذاره الي مالها مبرر مهما كانت اسبابه ماهو عذر يطعنها بعد السنين والعشرة لا ومين ماخذ وحدة ماتسوى ظفرها لاهي ولا اهلها وهذا ربي ماهناه فيها سنة وفطس مات

بس الغصة والحرة لليوم موجودة بقلب وصايف واليوم ولدها الي مدخرته لسنين كبرها ولنصرتها ورحمتها بعد الطعنة الي هو عاشها بكل تفاصيلها يقوم يجدد الاحزان بقلبها ومستهين بزعل امه علشان وحدة تافهة ماكفاها رمت حالها على الشايب رجعت بموال جديد وخبث جديد ولا شكلها بتتزوج ولا هم يحزنون ........الي بتتزوج تصبر او تعجل بوقت الزواج مو تطلب شقة وسكن تعيش فيه فترة بسيطة

بس هي عارفة الثور الي بينفذ لها طلبها وكانت واثقة ....انو طلباتها مابتنرد كل عادة لذلك ربي ماراح يوفق قايد والمصايب بتهل عليه نسى كلام الرسول ووصيته برضا الام ثلاث مرات ثم الابو مرة وحدة ........يعني رضى امه وبعدين وصية ابوه .....جدا حقدت وكرهت قايد من هالتصرف وكرهت رجال العيلة الي ماهمهم مشاعر الغير لانهم رجال ومايعرفو معنى انكسار الحرمة وحرقة قلبها بزواج زوجها من غيرها

اما الدانة جالسة تتكلم لانها مو مجربة اتحداها لو جار الزمن وماهر فكر بس مجرد تفكير انو يتزوج غيرها اذا كان هذا كلامها ورايها .......شي ماعاشته وماتعرف مرارته لاتتكلم فيه افضل

وماهر الي موقفه من قايد بالنسبة لموضوع اخته كان عدو له بس مع ام قايد مرحب فيه وجاي يساعده فيه .... ليش ماحد قادر يفهم وصايف ويعطي قايد كلام في الصميم مي ماراح تضيع لو جلست عند اخوانها دامها بتتزوج اذا ماضاعت طول السنين الي راحت ولا جاها شي الحين بيجيها بس السالفة واضحة هي تمهد لشي كبير ناوية عليه وقايد ماراح يعيش بسلام ولا بتخليه هالشينة ولا بيرضيها زواجه في هالفترة الي هي مخططة فيها


حاتم والثريا

ام حاتم كلامها ماعجبني مع انو مثل غالبية الناس الي بيكون لهم نفس الراي وحدة مطلقة ومعيلة تحمد ربها انو جاء لها مين يخطبها الله يستر اجل من ردة فعلها على خطبة حاتم لها المفروض اول شي يعرف راي اهله وبعدين يخطب اعتقد هو خايف من الرفض ويبغي يضمن موافقة الثريا واطمأنان قلبه اول وبعدين بيعيش صراعات اهله وتذبذب ارائهم .........اعتقد ابو حاتم مابيمانع بس الام الي بيكون لها راي ويمكن العم كايد هو الي يحل كل الموضوع

اما الثريا وتفكيرها ورايها بحاتم يمكن يخليها ترفض رفض نهائي وقايد بيقنعها بطريقته وبيستغل فكرة رد اعتبارها من الي طعنها وبيوضح لها مميزات زواجها من حاتم بالذات ورد الصفعة لفهد كيف بتكون كبيرة وهي بتذكر كلامه لها وهالشي الي بيغير رايها مااعتقد انها بترجع تقراء الرواية من الاول الا بعد ارتباطها بتظل الفكرة الخاطئة براسها الين هو يلمح لها بكلمات وهي تقراء الثرثرة وتربط الخيوط ببعض

اما كلام خالد جدا مؤثر ويمكن يكون كلامه سبب من الاسباب الي تخليها تصر على الرفض بعد .......والله المعين على الي جاي


نجد

حلمها الي شافته وكلام محمد انها تقبل تتزوجه وانو عطشان وجوعان ماقصده الي هي فهمته لا هي رسالة لها بتتكرر الين تفسرها وتفهم معناها وهي انها تعيش حياتها ولاتدفن عمرها لانو هالشي مومريح محمد بقبره واعتقد الخاطب الجاي بيكون زوج لها اذا كان يستحق انو يحل محل محمد

قايد والجموح

هذي لحظة وصدفة شافها فيها ماظل شي مادقق فيه بالملي يمه منه ومن نظراته حتى الخلاخل عادهم ...يادافع البلا ماينلام حارم روحه منها سنين .....والحين شايفها قدامه عيونه ليزر تلقط كل تفصيل يمر عليه .....ياترى الجموح بعد حركاته وكلامه كيف بترد عليه وهي الي مايهمها الشخص الي قدامها اكيد بترد عليه بكلمة تشل حركته وتحررها بس بينها وبين نفسها لازم هالحركة بيكون لها تأثيرها


في انتظار الثرثرة القادمة وماتحمله

من احداث ومفاجأت

يسلموو ضمضم بارت جميل جدا هالرد تبع بارت العاشر ابداع كالعادة و قايد امك داعيه لك من قلب ههههه

وجيعة ام قايد كبيرة الزمن يزيدها عليها من قناعات سجنتها في اطار ضيق و في مرارة الماضي الي ما قدرت تحرر منه ولا من مشاعره


حاتم واخيرا بس عجبني قايد زين تسوي فيه صحيح هو تقدم أخيرا


نجد وهالحلم العجيب !!