لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (3) أدوات الموضوع انواع عرض الموضوع
قديم 15-10-12, 10:24 AM   المشاركة رقم: 141
المعلومات
الكاتب:
اللقب:

البيانات
التسجيل: Aug 2010
العضوية: 186993
المشاركات: 31
الجنس أنثى
معدل التقييم: اردنية بعز بلادها عضو بحاجه الى تحسين وضعه
نقاط التقييم: 48

االدولة
البلدJordan
 
مدونتي

 

الإتصالات
الحالة:
اردنية بعز بلادها غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

صباح الورد والفل والياسميين للمبدعة ضمضم وكل المتابعاااات معها
نبدأ الان بمرحلة فك الطلاسم التي تزداااد تعقيد
دانة وماهر
ياااا ماهر بيجييك يوم تتحسف قد شعر راسك على الدانة وراح تتوجع منها كثير وقول انا ما قلتلك
احس ماهر يتعقد من الضعف الي في الدانة ويعتبره دلع وشي لا يطاق بس ادا ضمضم طلعت وجه ثاني للدانة وخلت ماهرووو يشوووف قوة الشخصية على اصولها بيرجع يتعلق بالدانة لشخصها مو شفقة او عطف
الله يصبر قلبك يا الدانة كيف تتحمليين انه يقووولك انه ما في حب بس احترام وتعوود
والان ننتقل مع الطوفان والاعاصيير المزدوجة الجموح وقايد
مممممممممم شرط الجموح واحد من الاثنيين اما انها تريد ان تكون العصمة بيدها عشان تقدر تتخلص من هالزواج مع اني متأكدة نها تموووت في قايد بس تتدلع عليه
او بيكون تأجيل الحمل لفترة مو قليلة لسماح لها بالعمل ومن ثم انها توجع قااايد مرة ثانية والله اعلم بالجموح
قاااايد بسجل لها هالشغلة نقطة ضدها بس بيوافق عشان يتحداها
ننتظرك ضمضم بفااارغ الصبر

 
 

 

عرض البوم صور اردنية بعز بلادها   رد مع اقتباس
قديم 15-10-12, 07:13 PM   المشاركة رقم: 142
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

بسم الله الرحمن الرحيم

,
.
.
.
ثرثرة 9
.
.
.
مدخل..,
.
.
.





ليه غايب ؟
و كيف أجاوب !!
انتي يا اجمل من سألني
ما كسر هـ البعد ..غيرك
ولا فقد هـ الروح ..
غييرررك !!
ولا فقدت إلّا | عبيرك !!
صدقيني ..
لو ,,,,, أجاوب !!
يشرق اليأس بـ[ سؤالك ,
وتسقط من الليل نجمة
وينكشف ستر المواجع
و الغياب اللي [ ارتديته ]
ينكشف ..
و أصييير | عاري !




صدقيني ..
في : غيابي !!
ما فقدت إلا ............ جروحي ,
و إرتباك الروح ,
و ........ إنتي !













( مابينك وبيني ) ..
جرح وغلا وعتاب !!
وو
أشواق ترميني ..
لـ أحلامي الأجمممل !
وأردّها ... واسأل:
من كسّر ايديني للنار يا .. حطاب ؟
ياللي تناديني
بـ [ يااا أعذب الأحباب ,,
ماهو كذا .. صوتك !!
كان ....... أجمل وأصدق
كان أعذب وأعمق
و كنت ,,
أطهر و أطهر !
منهو سرق صدقك ؟
من علمك | تجرح ؟!
من علّم جنونك ..
يشتاق لـ [ جروحي !
ياللي تناديني
لو ضمّني صوتك ..
و لو.......... صاحت ايديني !!
يبقى الحنيين ,, أحضان بين : الحطب والنار !!
يا فرحة الحطّاب















يا كذبها حروفي !!
لو قلت لك : مشتاق ,,
مشتاق لك ..
و و و أكثر ,
من : كذبة العشّاق !
يا سيّد حروفي ..
لو الهوى كذبة
و لوالوفاء كذبه / ولو كذّبوا العشّاق !!
أبقى أنااا ..
الأصدق ,
و أبقى أنا الأوفى ..
لا قلت لك :
مشتاااااق

.
.
.

بدايه..,



يسعد لـي مسائكم ...




يا أهل الثرثره



صفو النيه من ناحية ماهر أشوف أجماع كامل أن ماهر وراه شي.. و..متأكدين وجايبين الأثبات بعد..=)


يَ أحبابي..



قلبت الجوال وأبتسامة ماهر ماكان المقصد منها أنه مغازلجي أو متزوج بـسر...


أرجعو للحدث بهدوء.. و.. من الي كان وراهم بسياره..؟




[حاتم..]


بمعنى كان حاتم يتصل على ماهر وماهر كان متجاهله عمداً لآنه كان يبي يستفرد بجموح

..الى ان أجبره حاتم على التوقف بـ أنه أصبح خلفه...=)



بشكل عام ماهر شخصيه بعيده جداً عن المغازله.. و ..زواج السر واللعب على الحبلين ووووالخ...


فأرتاحو ماهر مَ عنده منعطفات ...ياحبكم بس لمضايقة ولدي العاقل...=)






بنسبه لـشرط الجموح الي كان نجم الردود ...,


كل شي طـرحتوه الا شي واحد ....


وهو بفعل بيكسر ظهر قايد وبتوقيع جموحي كايد ..!





سفر رهان...؟

أقلقتو أنفـسكم ...قبل الوقت بكثير...وفـرو القلق لـساتنا با البارت التاسع =)


.
.
.


لآتلهيكم الرواية عن الصلاة في وقتها..,


.
.
.

با الفله...


أغلق باب غرفة المكتب الخاص به بـشده...


هو

غاضب من نفـسه جداً...

غاضب من روحه...!

غاضب من ترتيب الأوجاع له...!

غاضب من كل شي...!

أرتفعت عينه لـمكتبته الـضخمه...!

أرفف أنيقه...وكتب كثـيرة جداً...

أدبيه ...علميه...تاريخيه..نفسيه....

هو مثقف من الدرجة العالية جداً...


حرك أنامله بين كتب مرصوصة بترتيب ...


من ثم شدها لتتساقط تباعاً على الارض..


محدثة ضجيج ورق...!



من ثم بـصق على تلك الأوراق المبعثره والكتب الكثيره... وجلـس بـغضب على الكرسـي يتأملها...!



لمآ...


عود روحه على الكتمان في كل شي...!



ثقفها بثقافة الذات الـصامته...!



وقيدها بقيود الهدوء في كل شي حتـى في [ الحب..]


لما هو لـيس كا قائد...في حبه...أعلن عن تمسكه بَ أبنت عمه وحارب لـيجعلها تحت سقف قبلت أم لآ...!


وليس كا ماهر...جهـر بأنه يريد أن يكفر عن ذنبه الوهمي ويريد الأقتران بـ أبنت عمه تحت أي ظرف..وبفعل أقترن بها...!


لما أنا العاشق الصامت في لعبة جنون الحب هذه...!




لما لآ أرتدي ثياب مجانين الحب...



فـ ..ثوب العقلاء تمزق عـلي ولم يعد يحتملني...!







زفر بضيق....!



أحببتها منذو سنين عديدهـ....


وفضلت الزواج بها عندما تكبر أكثر...ويشتد عودها....


وحزمة حقائب السفر...وكنت متأكد...بأنها صغيره ...


و

بتأكيد عندما أصل اليها..تكون قد أصبحت في أوج الأنوثه وكبيرة قليلاً...


لـ أنحر تماماً في غربـتي...بَ أن تم خطبتها ...و..وافقت على خاطبها..!


لم أرد أرتبط بها كا قائد وتقييده لـ الجموح....


فـ أنا مختلف تماماً عن قائد...أنا أريدها بلا قيود...فـ..نفسي لن تقبلها بقيود مرغمة علي...!


وأنسحبت بهدوء...


من ثم أقترنت بذاك القبيح..


وكل سنة تمضـي مع القبيح...هي تدنو بـي الى الموت الصامت...تشعل روحي ليلاً...وتصلبها نهاراً...!


وفضلت أن يخمد ذاك الحب..لعل الله يأتي با الفرج..وأقترن بـ سواها....!


خطبت لـي والداتي الكثيرات..لكنـي أجاهد بـ أظهار العيوب الوهمية...وكأني بـتلك العيوب أبحث عن أمرأة مستحيله...!


ومضت السنين وأنا في ركب تلك السنين مسافر بحقائب من ورق...!


حتـى أتى لـي خبر أنفصالها مقرون ب عيد لـي ...فـَ..أشعلت شموع الأفراح....فقد دنى حبـي الي ياساده..!


والان يا ثريا..من جديد...مقسمه على نحر الروح العاشقه لكِ..!!




لن أسمح أبداً بـ أن ترحلي من جديد...يجب أن تتوقفـي وتعلمي بأن لكي عاشق..!




تفاجئ بصوت فرقعة الباب...!




رفع رأسه لـذاك الواقف بـتهكم أمامه...\أنا قايل لك زحمة هذي الكتب يبي لها حرق...وش له جامع لـي كل من هب ودب .. !


تتبع ببرود تلك البدله التي يرتديها بـقامته الممشوقه ويقف عند شعارها الأنيق \ وين بتروح..؟


أمال رأسه وهو يرتدي القبعه..\عندنا مرابطه..والله كنت نايم وأشاخر بعد..خخخ...!


لـيردف وهو يرفع رأسه \أنت وش معصب فيك كذا وراك قالب المكتب كأنه عجاج مر ...!


وضع أنامله على طرف خده وبهدوء موجع \مافـي شي لآتستقعد...!


خطى بـبطئ له \والله مشكلتك أني بفعل واحد مستقعد...أنت ورى تصرفاتك صايره نار شاعله...عسى ماهو مرتبط با الجموح هذا الشي..؟


حاتم..\ أنت ماتقول عندي مرابطه...ياالله روح الله يحفظكـ...!


جلس بكرسي المقابل...\ علمنـي وش صاير أول ... وضعك جداً مريب..كأنك مسوي مصيبه...!







صمت..و..فجأهـ...


وكأن الـبراكين التي بداخله..لم تعد تحتمل...نفثها فـ لم يعد يطيق الصمت أكثر..!






حاتم \ الثريا بنت عمك...أنخطبت ...!!!!!



أمال فمه بستغراب \ قالت لـي الدانه...طيب..الله يوفقها وين المشكله بموضوع...!



ليردف \يعني الرجال فيه شي عايبه والا كيف..؟


حاتم بـتجاهل \ما أبخسه...لكن أنا أبيها...أبي أتزوجها...!




صمت ماهر متفاجئ..


وعينيه تعلقت بـ ملامح حاتم الناظر اليه بـهدوء ...!




ماهر يتأكد لعل أذانه كاذبه...\ تبي أم خالد... الثريا...بنت عمي نايف...؟


أشار برأسه بتصميم \أيه..هـي...ضيعتها بسم الله عليك!!!!



ماهر بـستغراب وكلمات متقطعه \المره عليها ولد...ومطلقه ...وأنت مابعد تزوجت من قبل أنت واعي لكلامك ولآ حبك لقايد معميك عن كل شي...؟


حاتم \ مَ فيها شي...وقايد ماله علاقه بـرغبتي في الثريا نهائياً...!


مآهر بـتذكر \والشروط التعجيزيه الي كانت..طاحت الحين تحت أعتاب الثريا..؟

حآتم \هي سيدة الـشروط..والا أنت ماتصفطني لـبنت عمك ...!

ماهر يتراجع بظهره لكـرسي..\أكيد أم خالد تستاهل أحسن الرجال...لكن أنا مصدوم من الموضوع خلني شوي أستوعب...أنت

تبي ثريا....!


رفع أنظاره لـ ماهر المصدوم من خبر كـَ هذا..من ثم صمت..!


ماهر \ وليش دامك تبيها ماخذتها قبل الثور الي خذاها..وقبل الخطبه الي الحين..وش كنت تنتظر طال عمرك كل هذا الوقت...
تبني لك قصر والا تعمر لكـ مدينه..

تصدق أنت وقايد طينه وحده سبحان الله..ماتعرفون متى تتزوجون..!




من ثم أردف بـتهكم \وبعدين تحسبها بتوافق عليك الحين...هي وافقة على صفوق لأنه مناسب من ناحية المعادله..

وحتى لو تدري فيك ماراح توافق عليك..الثريا حرمه عقلها

كبير ماشفتها في الحريم كلهم...تحسب لقدام وأبد ماراح تكون أنت في حسبتها لو شبيت كبدك لها..


حاتم أبتسم بـتهكم \ تبـي تكسر المجاديف فوق ماهي مكسوره...عادتك ماهر ماتخليها؟


ماهر وهو يقف\ المجاديف أصلن عندك مفقودهـ...ياحبيبي فكر لك بمخرج دامك تبيها الحين...



ليردف بـحماس وكأنه تذكر شيء مهم \تدري...لقيت لك حل...!!!


أرتفعت أنظار حاتم بهتمام شديد...,


ماهر بخبث\ حجر عليها..ورد صاع وجعتنا في توقيف حال الجموح صاعين له...

وخذها...والله ماينطق قايد حرف...زد عليه أنه يحبك ويغليك...!


حاتم يتراجع للكرسـي \أنت تحسب أصابعك مثل بعض...رح بس الله يستر عليك...مسألة أني أتركها من جديد ماراح أتركها..لكن

ماهو بتحجير أبد...!


.
.
.
أنت في عيني لست ألآ متشرد أعياه الضياع..!

وذاك القابع في يساري لآيجيد أطعام الجياع..!
.
.
.



يوم جديد..


.
.
.



أم قائد وهـي تستمع لها بألم وصوتها الموجوع يتذبذب با الهاتف ليثير أوجاع كثيره...


حصه \يَ أم قايد...أنا عارفه أن الشرع محلل أربع وأن هذا حق من حقوق أبو سلمان وماعترضت على أمر ربي..لكن

أنا مره..

وكل مره تموت الف موته أذا طالع زوجها حرمة ثانيه كيف عاد يتزوجها وبحلال ويتسكر عليهم باب واحد..


أكيد أنك

مجربه هذا الشي لاني عارفه أن أبو قايد الله يرحمه بأخر حياته أوجعك...وبعد نفس الشي الثريا...وأعتقد أن الثريا مابردت

جروحها لها الحين...!

أم قائد \يا أم سلمان..لآتشبكين المواضيع كلها في بعض..نايف وفهد ..غير أبو سلمان وسبب زواجه عليكـ...وبقولها لك بصراحه
اذا مازوجنها حنا بيزوجه غيرنا ..ومايعني أن حنا أنكوينا من النار أن النار نفسها مالها فوايد ثانيه..

حصه \ ليش هو ماشرح أبو سلمان وش السبب الي يخليه يخطب علي...


لتردف بجديه \أنا أقولك وش السبب ..أنا موظفه...و..وظيفتي أذا
رجعت أكون مهدود حيلي...ياالله أقوم المغرب وأشوف أشغال بيتي وحياتي...وضعنا كان كويس لنه كان يساعدني بعد في
تربية أطفالنا وفي بيتنا...
لكن من جات أمه وسكنت معنا الامظهره له ألف عيب والف عيب فيني وفي نظافتي وتربيتي ولبس أطفالي
وتربيتهم مع أني ماقولك كامله ..لكني قايمه باالي أقدر عليه..

وأعطي نفسي سبعين بميه في أمور بيتي ..

لكن خلاص
فتحت عيون الرجال على أشياء ماعاد خلته يتغاضى عنها...يَ أم قايد..لآتشربيني من نفس كاسكم الي شربتوه...ترى أنا
ماني بمثلكم أترك رجالـي...
والله بقولها لكم بصدق..بحفر بأسناني وضروسي لثريا الى أن ترجع لك مثل ماظهرت منك
لآقدامها ولآوراها...الا الجروح والـوجعات والغبينه...
ولآظني أحد بيلومني...ولآتقولين بيخطب من غيرنا ياحصه ..

لآهو ناصي قايد لن قايد ينشرى نسبه لكن دواه هو وأمه عندي..بس أبي وقت أرجعه بيدي
من جديد مثل ماكان وأدبه ...!

أم قايد ..بألم بعد كلام حصه الجاد والموجع \ لآوالله مابي لبنيتي الوجيعه والحقران..
الا عضي برجلتس بسنونتس وخلي بنيتي عندي لآبارك الله فيك
ولآفي رجلتس ولآامه..!

أقفلت السماعه بـحده...على دخول الثريا محضرة معها القهوة والشاي...


أم قايد بعصبيه \شوفـي...والله العظيم ثم والله العظيم ماتاخذين أبو سلمان...


الثريا مصدومة تماماً من حدة والداتها...\لآحول ولآقوة الا با الله ..يمه ليش تحلفين كذا وش فيك وش صاير..؟

أم قايد تشير بيدها \ دقت علي القطوه مرته...بسم الله الرحمن الرحيم..مامان قربها خير ولآعرسه..تقول أن أمه هي الي مفتحه
عيونه على العرس...عشان كذا قام يلقى العيوب عليها...

وتقول والله لاتاخذه الثريا أن أحفر لها بضروسي وأظافري..لآبالله ماتاخذينه أبد أبد...!

جلست الثريا بقلق \طيب يمه خلاص الله يهديك لآترفعين ضغطك أصلن أنا مارتحت وخالد قلت له وصار يبكي يقول

ماتاخذينه أبد ..وخلاص علمي قايد قبل لآيقول لـرجال ...

لتردف بستغراب \الا هي وشلون درت بخطبته ...

ام قايد \القطوه تقول أن أخت الرجال علمتها...ورقم بيتنا حصلته مع الرجال في أوراقه...أقولكـ قطوه ماتنقرب أبد...يعوضك

ربي خير...والله ثم والله أن تشوفين العوض مثل فلق الصباح...أنا راضية عنك والي راضي عنه والدايه بـيلقى خير...!

الثريا مبتسمه \خير أن شاء الله..يمكن في الوضع خيره...,


.
.
.
أنت في عيني لست ألآ متشرد أعياه الضياع..!

وذاك القابع في يساري لآيجيد أطعام الجياع..!
.
.
.

بمكتبه الفخم...


قايد مبتسم بـثقل \الله يبارك فيك ياعم...أجل نسوي الفحص اليوم وها اليومين بكثير يطلع...أنا أعرف لي ناس ودهم يخدموني...

أبوحاتم \ الي تبيه يا عمك أجل....اليوم اليوم..واذا خلص الفحص ها اليومين..نجيب الشيخ ونملكـ...!

قايد \على خير أن شاء الله....

أبوحاتم \أجل يابوك الله يتمم لكم بخير ...مع السلامه...

قائد \مع السلامه...!




أغلق الجوال والأبتسامه تـعلو وجه...!




ها قد تهادئ اليوم المنتظر...وكأنه كان بعيداً جداً وأصبح فجأه قريب..!


يعشق تلك الجموح لكن عنادها يدفع به لـ أن يلجمه ألجاماً...!


كيف وافقت بتلك السرعه..أعتقد لوهلة بأنها سـ توافق بعد أسبوع شهر...فـ...هي تعشق الـوجع...!


هل تخبئ لـي شي تحت ظلال تلك السهولة با الموافقه..؟


هل تخطط لقـتلي تلك الليله مثلاً....لن أستغرب..!!!


غرق بـضحك وهو يتصور أن يكون مقتول على يديها فـهي ستقتله بيوم ما...


ويعلم جيداً أن نهايته على يديها عشقاً أو نحراً أو جنوناً...وموقنا بـ الأخيرة كثيراً...!




تلك الجامحه...مع أنه غاضب بشده من قصة بندر....


الا...

أنه يعلم بأنها تريد معاقبته بطريقتها الخاصه..وبفعل نجحت و بقوه...!





تناول كـوب القهوه المتطاير أبخرته..

و
حركـ ملف مكتض با الأوراق بـأصابعه..

من ثم زفر وهو يتذكر غضب والداته...!





مؤرق تماماً منذو البارحه...

لـم ينمـ..الا ساعه قبيل الفجر...

و

يـؤلمه ماتشعر به والداته...

ويتفهم ذلك لكـن ما الحل في وضع مؤلمـ كهذا...؟

لآيريد أغضاب والـداته..و..لآيريد أن يتركـ تلكـ بلا أحد..

فـضعف النساء يـقسم ظهره تماماً..

فـوالدته مهما آظهرت من صرامة وشدهـ..

الا أنها كـ قـصر من رمل ما أن ينسكب عليه الماء الا ويـمتزج ببعض...

وزوجة أبيه مهما أظهرت بـقوة الـموقف والكلمه..

وخربشة القطط التي تتقنها...

الا أنها ضعيفة جداً فهي بلا أب..

يضمها لـصدره حين تـضعف ولآزوج تقف في ظله...ولآ أخ يـسند ضعفها...

النساء جميعهمـ كذلكـ...,




حمل هاتفه لـيبلغ الثريا موافقة الجموح لتبلغ والداتها..


فـوالدته غاضبة جداً ولآترد على أتصاله بَ الأصل...!



.
.
.
أنت في عيني لست ألآ متشرد أعياه الضياع..!

وذاك القابع في يساري لآيجيد أطعام الجياع..!
.
.
.


نجد محتضنه عبائتها\يا شيخه أطلعي لرجالكـ مايصير كذا الله يهديك...ترى أن طولتيها سمجتيها وبيعرس عليك...

شيخه متهكمه \يعرس...هو يحمد ربه أن شيخه عنده بعدين يفكر بعرس...لآياعيوني مَ يعرس دامه أرتبط فيني ..!

نجد\طيب تعوذي من الشيطان عشان بزرانكـ ..شوفي عيونهم قسم باالله يرحمون يامال القردنه قردتيهم...!

شيخه \تقردنك أن شاء الله لآتدعين علي..أبد البزران وش زينهم مافيهم الا العافيه خلي أبوهم يتأدب أول..

نجد \أمداه تأدب يا الخبله اذا كان فيه أمل...خلاص بطلـي روحاتك وجياتك الي على غير سنع..ترى الرياجيل مللوين...

شيخه تشد علبة مجوهراتها التي بقربها وتلبس خاتم ذو فص \والله مابي أرجع الحين خليه ينطق..فيه عرس هنا قريب بحضره

وعقبه برجع على نهاية الاسبوع...!

غرقة بضحك \لآتسمعك أمك وتروح فيك لـ أحد يكويك كود ها المخ يتعدل..تتخبلين أنتي والا من جدك... بزرانك شوفي
حتى جاينك بلا أكل.... خافي عقوبة ربك...!

شيخه بـملل \ماعليك منه رجلـي وأعرف له زين..عطيني بس رقم النقاشه الي عندك قبل لآتروحين بخليها تجي تنقشني ..

لتردف بستغراب \الا أنتي وين بتروحين ..؟

نجد \بروح لـ أهلي قايد أبشرك خطب الجموح...وبروح لهم أبارك وأسلم...

شيخه \يووووه يا ها القايد الي فاتني صدق...أعقبي يا نجيد مافزعتي لي بقايد والله ماكان بيصلح له من الحريم الا أنا...لكن
حظي أعوج طيحني في ها الرجال وخلاني أحبه...!

نجد بضحك \حرام عليك ياشيخه تبـين قايد يجيه جلطه والا شلل الا زين أنك مافكرتي فيه ولآطرى لك على بال..

لنه الحلم المستحيل بنسبه لك..

شيخه بـتهكم \وليه ياحظي...من زينه والا من زينه...رياجيل مثل بعض...مالت عليك وعلى أخوك من وراك...!

نجد \ سكري فمك بس ولمي بزرانك...وأرجعي لرجلك..أحسن لك من خرابيطك...ياالله مع السلامه...!


شيخه وهي ترى رحيل نجد لتردف\ وجع..لآجبنا سيرة أخوها زعلت...من زينه ذاك الثور...

أردفت لـ أطفالها\ تعالو تبون تاكلون..وراكم مصفرين كذا..!.

.
.
.
أنت في عيني لست ألآ متشرد أعياه الضياع..!

وذاك القابع في يساري لآيجيد أطعام الجياع..!
.
.
.

بعد نصف ساعه..


الثريا بـ أبتسامه \يمه...قايد يبي يكلمكـ...يقول يبي يبشرك رافض يعـلمني...م ودي أخرب عليه بس تراني خمنت...!


ليأتيها صوته الممازح\يا ثقل دمك لآتلعبين با الوقت الضايع الحين...؟


أم قائد تهز رأسها \قولي له بدورة المياهـ...والا منسدحه...!!

الثريا وهي تشير لها برقه \يمه قايد يبيك...عجلي عليه الله يخليك لنا...الرجال عنده علم ويبي يعلمكـ...!



شدت الهاتف منها لـيأتيه صوتها الـهامس الغاضب...\نعم...وش عندك..؟


قائد بـرقه \ يمه ..وشلونك اليوم..؟


بتهكم \وشلوني..أكيد أني ماني بمثل كل يوم...مغبونه وموجوعه منك...تبي بعد زياده..!


زفر بضيق \طيب يمه..حبيت أبشرك بموافقة الجموح..وأنا بخلص ها اليومين أوراق الفحص ..وبنملك...أذا تبون تجهزون شي..

حسابي تحت أمركم...مع السلامه...!


لم يغلق ...ينتظر صوت أقفال خطها أولاً ...


ليأتيه ردها بموضوع أخر تماماً..\أسمع ياقايد...خطبة أبو سلمان كنسلها..ترى الثريا استخارة وهونت...وانا بعد ماعاد أبيه...





ومن ثم أقفلت بوجه...!





الثريا بوجع وهي ملتقطه لحديث قائد بسبب صوت مستوى جوالها المرتفع...لتهمس \يمه تراك أوجعتيه حيل...


أم قائد بغبن \جعله مَ يقوم من الوجعيه بعد...ترى صدري على قايد ممتلي...!


الثريا مدافعه \والله الي مايستاهل هذا الشي منك...ليه يايمه...متى أوجعك قايد في يوم...ويوم جات اليوم بوجه وبلحيته..قلتي
لآ مايصير...يمه...الرياجيل الي في روسهم مرجله كذا...مَ يبي الناس تلحقه ولو بكلمه في مرة أبوي الله يرحمه...




أشاحت بنظرها عن الثريا لـتثرثر بألم



أريد بيعك...!

بأبخس الأثمان ي قائد سأبيعك...!



فأنا لم أربي وأكبر...


كـي تحضر مصدر ألمي الـي ...

وتقسم بأنه درء لـ كلام سوف يأتي ..!

وليأتي الكلام ويشرع بابه..فلآ...على القلب الـمذبوح أية لوم...!




اه يا قلب اه..

اوآ

يباع الـضنى..!

ومثل قائد لآيباع ولآيبخس حقه...

.
.
.
أنت في عيني لست ألآ متشرد أعياه الضياع..!

وذاك القابع في يساري لآيجيد أطعام الجياع..!
.
.
.


أغمض عينيه بـقهر بعد أغلاق والداته بوجه الخط..ولم تعلق على الموضوع برمته...


وكأنها تعاقبه بـَ أبشع عقاب...وهي أنك لآتعنيها...

هي تعلم تماماً بَ أن ذاك التصرف هو لآيطيقه

فلآ..يريد ان تغيب الشمس وهي غاضبه...

و..

لكنه لن يتراجع...

أما أن يحضر أميرة ..و.. والداتها..أو يخرج معهم..حسم الأمر وأنتهى..!

.
.
.
أنت في عيني لست ألآ متشرد أعياه الضياع..!

وذاك القابع في يساري لآيجيد أطعام الجياع..!
.
.
.
.
.
.

يومين مضت...,


.
.
.

أغط ذنيبي با الماء...وآرقمشه با الحناء...!

أغط ذنيبي با الماء وأرقمشه با الحناء...!


ثامر الـمنغمس تماماً بقصه...وبحماس\وش هو البعير ياجدي..وش هو...؟

خالد يدفعه بـغضب \ غبي أنت غبي..البعير هو الجمل...الناقه يعني...!!!

كايد \أمحق يقال لك بتعلمه...لآماهو بـ الناقه..أناقه غير البعير...!

ثامر \جدي تكفى عيدها من جديد...

كايد بمسايره..\ يقالك كان فيه بنيه..راكبة لها بعير يوم الدواب أول يتكلمون..وهو يشرب الماء قال أذا نزلتي من قدام

كليتس وأذا نزلتي من ورى رفستس..وأذا نزلتي من جنبي بهبدس...وقامت تبكي...وجاها الثعل..

ثامر \وش هو الثعل جدي...؟

خالد بملل \يووووه الثعلب أخو الذيب يا ثامر تراك ازعجتنا ماتعرف...!

كايد \لآبالله ماهو بـ أخوه...أنت وش بلاك ماتعرف..المهم...جاها الثعل قال بفزع لك وأنزلك بس تعطيني حاجه..قالت

له بعطيك شاة عندي تاكلها..بس أفزع لي تكفى...

قام الثعل وجاء قدام البعير..

وصار يغط ذنبه بماء ويغني أغط ذنيبي با الماء وأرقمشه با الحناء...والتهى البعير بغناء الثعل ورقصه..

وأنحاشت البنيه...وعطته بعدين الشاة...

خالد \والله الثعلب ذكي ومكار...صح يا ثامر..

ثامر يشير بـرأسه بحماس...,



بمقابل..



مآهر بهمس \ أسكن عندكم في بيتكم...أنت تتكلم جد...وش أنت مكلوف في مي..؟

قائد \ أنت بتجي عند أهلي لين أقنع أمي أو لآ..أنا متأكد أنها بـيطيح الي في راسها لآ بعدت منها كذا يوم...

ماهر بملل\خلاص أبشر لكن ترى أنا ماجلس كثير با البيت تعرفني مشغول بين زملائي والمرابطه وشغلي ..

قائد بحسم \بكره باالكثير تعال أنت والدانه...لآ...تغير رايك..

ماهر بـجديه \لآ..أفا عليك بس...لآتشيل هم..مع أن أمك بـتسمعني كلمتين حلوه ترم عظمـي لني ناحف ههههه!

قائد \معليش تحملها شوي..عاد تراك الغالـي عندها..بس بتحسس من فزعتكـ لـي..

ماهر يـرتشف القهوه \مثل ماقلت لك..لآتشل هم..أبشر...,

قائد با أبتسامه \كفو..!

حاتم يدخل المجالـس المفتوحه لـيهمس \ تعال يَ قايد الشيخ داخل...!

وقف قائد ...ليقاطعهم أبو حاتم وهو يقف....\ الشيخ جاهز أجل...ياالله توكلنا على الله...

أشار حاتم برقه لوالده \معليش يبه أنتظر شوي...أبي قايد الحين في موضوع قبل مادخل على الشيخ ولآدخلنا على الشيخ نادانكـ...

ابو حاتم بغضب \موضوع وش موضوعه...حاتم آمنعوني من تكثير الهروج...

أبتسم \مافيه هروج ..موضوع صغير...

قاطعه قائد وهو يعانق كفه كف حاتم وبـخبث \أكيد انه موضوع فيه خطبة حاتم غار منـي ياعم ويبيني الحين أخطب له...!

حاتم بأرتباك \يازينك ساكت..ترى الوعد قدام...!


ختم جملته بخبث ليلتقط خبثه قائد..


الذي أشتعلت روحه شوقاً فجأه وهو يتأكد أن الموضوع بصلبه الجموح الان..!



أبو حاتم \أجل لآتبطون ترى الشيخ مستعجل...!


شد الخطوات كليهما لـداخل الفله..تحت صمت مطبق منهما...!


.
.
.

أأخبره بـ أني أريد أخته...

وأطلب منه بـصدق أن يـلغي تلك الخطبه..!

لكن هو الان ببيتي وليس بـ جيد خطبتها هنا ببيتي...!

وهي با الأصل وافقة على ذاك الرجل ...

كيف لـي بمخرج من تلك الخطبه..

قبل أن تخطف منـي من جديد كيف..؟

ليومين أفكر لكن لآ مخرج...

مغلقه وربي البيت جميع الـمخارج...!

.
.
.

متأكد بأن هناك شيء يخص الجموح قبل عقد الزواج...

ولآيريدون من عمي تركي أن يعلم بذاك الشي...,

ماذا هناك بضبط....؟

هل ستخبرني بأنها ترفضنـي كي تنتفض رجولـتي وأقول لها من لآيردني لآ أريده..؟

لآ

يا الجموح أخطأتي الـطريق الان...

فـ أنا لست بكائد...أنا قائد...وصدقيني سَ أرفض

و

سأجعلك تذوبين بي عشقاً وتنهضين

من فراشك ليلاً تهذين بـي...


أنا...أقسم...!!



.
.


نزع كفه من كف حاتم وبتهكم \شكل أنت الي بتتزوج ماهو أنا..كفك عرق...الي متوتر أنت...!

حاتم بـ هدوء \على النيه...!

أرتفعت حاجبـي قائد بهتمام وكأنه يريد أشارهـ منه ليتأكد..\على النيه...تبـي تتزوج....!

حاتم رفع كتفـيه \ أبي لي وحده ..لكن مثل ماقلت لي أنت با البر.. دونها الحرس والـسور الطويل...وش رايك تروح معي نخطفها...!

قائد \ رجل قانون وأخطف..كبيره بحقـي..!

ليردف قائد بخبث \أشرعليها وأجيب لكـ فرسك من بين الحرس وتنفتح بوابة السور الطويل بسياسه والدهاء..محاميك قايد الكايد .. يعني
أسمه كفيل بـحل المشاكل العويصه..وراك باخس ولد عمك حقه..!!

أبتسم حاتم بضيق وهو يشير لـصدره \محشوم من البخس لكن جمد قلبكـ جموحك تنتظرك داخل.....وتقول عندي شرط قبل الزواج...
والله العظيم مدري وش شرطها هي تقول دخله وأنا وهو والشيخ بس...يعني تراها ناويه عليك...!!

ليردف حاتم بصدق \وتكفـى ياقايد سايرها واذا حطت لها مبلغ ضخم ولاقدرت فيه .. أبشر والله أن كتفي بكتفك ..

تراها موجوعه حيل منك سايرها..!

قائد بـستغراب \ الخير واجد..ومن الريال للي تتحده أختك...شاري نسب رجال أنا...!

حاتم براحه \كفو يا أبو نايف...!

أشار بكـفه لـيتقدم قائد ...ويظل حاتم بمكانه...

دلف الباب قائد...!


.
.
.


شرط...!

أي شرط الذي سوف يبرد نارها التي هي مشتعلة الان..؟

هل مبلغ وقدره سوف ينهـي كل شي...!

لآ..أعتقد...

فا الجموح متأكد بأنها تنتظرني بأكبر من ذلك..؟

ولما لآتريد عمي أو أحد من أخوتها يعلمو بأمر هذا الشرط...؟

لما فقط أنا وهي والشيخ...!

مَ المسأله بضبط...!


وهـي أين هي الان..؟

.
.
.

قائد يدخل بهدوء وعينيه تبحث عن شخص مرتدي السواد بجانب الشيخ فلا يجد أحد....


سلم بهدوء وجلس بقربه...


الشيخ بهدوء \بنتـي يا الجموح...هذا عريسك موجود الان ...قولي وش عندكـ..والي في خاطرك...





من خلف الباب كانت تقف...وبقربها الزين ....!





جاء صوتها الذي شطر الآخر لنصفين ....مَ أن أتاه ذبذبة الصوت الهاجر لكل شيء...




الجموح برزانة وثقل بحرف \ يا شيخ...أكتب عندك شرطـي...أن السن بسن والجروح قصاص ..والمهر سنيني الي راحت..!!




الشيخ بستغراب \وش سنينه...؟




الجموح \هذا الي جنبك...محجرني سنين وسنين..وأبي المهر سنين...يقدر يجيب لي سنين..!



الشيخ \وش تقصدين الله يرضى عليك وضحي كلامك عشان نفهم..هل الموضوع فيه تحجير؟


الجموح \ماعليه ياشيخ أكتب ولآتهتم ...المهم أن الي جنبك مستوعب الي أقوله..أكتب مثل ماقلت لك السن بسن والجروح قصاص..

والمهر سنيني الي راحت...!


.
.
.


شعر بأن مآس كهربائي صعقه...

..بتلك الجمل المرصوصه...

الـتي حملة بجسده لتلقيه من سفح جبل..!

.
.
.



أنكمش قائد بـغضب ليتدارك الموقف \ وأكتب ياشيخ أن البادي أظلم ..و..سنين بتعوضها سنين...!




الجموح مقاطعته بتجاهل له..\ يا شيخ...أبسألك....هل مسألة التحجير او التحيير جائزه با الشرع وبا الدين...!


الشيخ وهو يلتقط اطراف القصه\ لآماتجوز يابنتي لكن فيه عادات وتقاليد تدفن الناس ما أنزل الله بها من سلطان..
لكن يا بنتي دام انك ماتعيبينه في دينه ولآخلقه شي..تراك تأثمين اذا رديتيه...!


قائد يقاطعهم بـحده وهو يشير لصدره...\ياالجموح...أنا كفيل السنين...اذا هذا شرطك..!


الجموح متهكمه \كريم يا أبو نايف...ودامك على عهدنا كريم...شرطي ماهو بسنين لن منت العوض فيها...شرطي العماره

الي فيها مكتب المحامة الخاص فيك تسجلها بأسمـي...!!!





.
.
.


مآذا....!!!!


أي تعجيز هذا....!


مكتبي...!



ماذا تريد بَ مكتبـي....؟





ما الحكمه في تسجيله بأسمها...!



.

.

.



ماكره يا الجموح ماكره...!


أوا ..تعلمين بذاك التعب الجبار الـذي فعلته لـكـي أنال لي عمارة موقعها تجاري من الدرجة الاولى وأقيم

مكتـب لـي ويصبح أشهر من نار على علم...!

أوا ..تعلمين بـ الكادر الذي تحت يدي في ذاك المكتب..


و بـ دم القلب الذي دفعته لـيكون ذاك المكان بتلك الفخامه..!


أوا تعلمين بـطوب ذاك الحلم العتيق في ذاك المكان...


تعلمين بكل شي يا الجموح وتدعين بأنك لآترديني وأنكِ مجبرة علي..!


تباً لبذرة العناد الـتي تنمو بداخلك حتـى أصبحت أنثى جامحه..!

.
.
.



قائد يتراجع بظهره على الاريكه و بـهدوء \وأذا سجلته بأسمك...وش بتسوين فيه...؟



الجموح \ مَ لك هم....تراه با الحفظ والصون...وكأنه بأسمك باقي...!




قائد بتهكم \كذآبه...بس ترى مَ هو من صالحك يوصل جموحك لهذي النقطه...




قائد يقف وبجديه \ سجل يا شيخ شرطها وأنا بنادي أخوانها وأبوها نملك...!


.
.
.






بـ المقابل...



أغلقت الباب المردود الذي بينهم وهي تزفر الآرتجاف الكبير بـجسدها...


لآ

تعلم كيف تكلمة بتلك الطريقه والجرئه مع قائد...


لآتعلم كيف أتتها الشجاعه بـنطق باالحروف المغصوصه الموجوعه والمطالبه...!


وكأنه روح أخرى دخلت بداخلها..

لكن قتله لروحها طوال تلك السنين هو من تكلم...القهر هو من نطق..!





الزين بغضب \مجنونه قسم باالله فيك شي..وش ها الشرط معقوله هذي الجموح أختي..أنتي وش فيك أنقلبتي لوحده ثانيه..
وش تبين بمكتبه..وش تبين...علميني قولي...؟

الجموح تبعد يدها التي كانت مشتبكه بها طول الوقت بكف الزين

لـتردف بوجع \ وش تتوقعين أبي فيه ياذكيه..؟

الزين \ لآ..مستحيل تفكيرك هذا مستحيل...بتبعين المكتب...؟


الجموح بـ أبتسامه منتصره \بأوجع قلبه وأحرقه مثل ماحرق قلبي على سنيني الي ضاعت...صدقيني يا الزين هذا أبسط أنتقام

أسويه له يخليني أتلذذ بفاجعة ضياع تعب سنينه...!

الزين بخوف \ مكتب قايد ضخم مره وبموقع أستراتيجي خافي ربك...ماوافق على شرطك المستحيل الا أنه بفعل يحبك...

والله يحبك...شوفيه وافق

بسرعه وماتردد مَ تلعثم..مَ أرتبك...وش دليله..دليل أنك غاليه مره عنده..دليل أنه بفعل نادم على كل سنه ضاعت

ويبي يعوضك وترضين...!

الجموح بجموح\لو بفعل يكتب المكتب بأسمي صدقيني ببيعه بأبخس الاثمان..بعطيه درس في المحماة ماينساه أبد...بحجر على

حلمه مثل ماحجر على حلم أمومتي سنين..

بـضيع تعبه وجهده في غمضة عين مثل ماضيع فرحة رجوعي بشهادتي...

بذوقه ألم الشعر الابيض ..

مثل ماذوقني ألمه...


وبذوقه الهمسات واللمزات الـي بزواجات عن تقدمي لهذا السن ..و..ولد عمي الي محجر لي ماخذاني..!


هو يبي يفهمني أن المره ماتتحدى الرجال...!


وأنا برد له أن المره مايوقف قدامها رجال...!!


صدقيني يا الزين ماراح أرحمه...


بخليه يتمنى أنه ماحجر لـي ولآتزوجنـي أبد...!

وياويلك أن سمعت أنك قايله لـ أمي شي...بقص لسانك قص..قولـي أنها طلبت يصون كرامتها...ولآيذلها...وأخواني ماراح

يتلقفون يشوفون الـشرط بعقد لأني أعرفهم زين..

بيحسبون ان الشرط خاص جداً ولآيبون يحرجوني..وبيكون العقد مع قايد...

وبذلك السر بيني وبينه...تفهمين...!

.
.
.


بـعد أن أشار لـحاتم أن يحضر عمه...



غرق بـثرثرته...




صوتها الـمرتجف...



أنين الغضب الخافت...واللوم العميق ..!


نزع قـلبـي من خلف أضلعـي...!


وهو يحمل كمية كبيره من حمم بركانيه موعوداً أنا بنفجارها...!



شرطها كبـير جداً و موجوع جداً...!


متأكد بأنها لم تشرط ذاك الشرط عبثاً...


فـ..هي تريد أعتذار مني موثق أمام عينيها طوال الفتره القادمه تحتفظ به..

أعلم تماماً...

تريد أن تلوح بورقة ملكية ذاك الـمكتب أمام عيني بأنه أصبح لها..


ولآ...أوجع من ذاك المكتب أن يكون لها..!



لكني راضـي تماماً بـشرطها...المهم أن تبات بين أضلعي...


فقد سئمت قضية البعد...


وهـي...بفعل تريدني...وقد تساقط كل مافـي روحها لـي بعد ذاك الشرط...!


أما المكتب فـ على عظمة مكانه عندي ..


فـ بتأكيد لن تبرح أوراق ملكيته أدراج مكتبها...بـ فلتـي عندما تكون

أذرعي وسادتها ..!


.
.
.
نقف هنا...
.
.
.
همسة محبه..\الفرق بين التمني والدعاء..أن التمني خيال ترسمه اللحظات ولكن الدعاء واقع نتظره بلحظات..فأكثرو الدعاء..
.
.
.
اللقاء يتجدد أن شاء الله يوم الـسبت أذا كتب الله لي عمر..

في بارت صباحي مبكر بإذن الله..

أستودعكم الله..=)

 
 

 

عرض البوم صور ضمني بين الاهداب   رد مع اقتباس
قديم 15-10-12, 08:51 PM   المشاركة رقم: 143
المعلومات
الكاتب:
اللقب:

البيانات
التسجيل: Apr 2011
العضوية: 223929
المشاركات: 33
الجنس أنثى
معدل التقييم: كاسرة عضو بحاجه الى تحسين وضعه
نقاط التقييم: 25

االدولة
البلدAruba
 
مدونتي

 

الإتصالات
الحالة:
كاسرة غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

خطيرة الجموح اتوقع ينجلط قايد عقب ماتبيع العمارة

 
 

 

عرض البوم صور كاسرة   رد مع اقتباس
قديم 16-10-12, 12:20 AM   المشاركة رقم: 144
المعلومات
الكاتب:
اللقب:
ليلاس متالق


البيانات
التسجيل: Feb 2010
العضوية: 156418
المشاركات: 2,480
الجنس أنثى
معدل التقييم: أحلآمي كبيرة عضو على طريق التحسين
نقاط التقييم: 75

االدولة
البلدSaudiArabia
 
مدونتي

 

الإتصالات
الحالة:
أحلآمي كبيرة غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

السلام عليكم مهوب منجلط عادي بس مثلوماهي بتعاقبه بالعماره راح يعاقبها بشهادتها اللي تركاه عشانها انا بروايه اللي قبلةكرهت ياسر مت صماصيم قلبي اول نره اكره بطله ايه نعم نوجوعه يالجموح ومستقبلك اهم بس اكره المره اللي تحط راسها براس رجال وتعانده بالنهايه هي الخسرانه وهاذا اكبر قهر ليش تشوفين خسارتك وفشلك بعيةنك وهويشوف انتصاره عليك والشماته واضحه بعيونه وهاذا اللي بيصير كل كبير فيه احد اكبر منه فلا تحطين راسك براس رجل
يقولةن كيدهن عظيم بس ماراح ينفع مع الجموح ابد
حاتم وراه ماتلحلحت وخطبت يوم جت السالفه قاهرني بارد على حساب تفسه وشبابه وعمره ياخ تبيها تكلم انطق قول ساكت تقل مسوي جرينه والله ماهر احستهم ماعليه من احد

زوجه سلمان قويه بصراحه كفو والله بعدي تجل رجلي بيتزوج واعرف ميت هي واسكا والله اعلمك انه الله حق وامه انتظر شبتسوي فيها ساعات تقولين ماعليه يبر بامه جنته وناره وتعصرين على قلبك ليمون وتتحملينها بس تجيب لي ضره الباب يفوت جمل معليش احترميونفسك وتحترميني ولا مع السلامه يوم انك ماتبيني ليه جيتيةخطبتيني له وزوجتونا من البدايه ولايوم خرب شكلةمن المرتكضةورى ولدتس وعيالهةتبين تجددين له لاعيوني حدتسةعاد قل خيرا او اصمت
دانه الحساسه زياجه عن اللزوم بدل ماتخلينه يتقبل اعاقتك غصبةعن خشمه مهي سوايا يده وطيشه تفتحين عيته على امور ثانيه خليه يتقبلها وبطلي دلع وسلبيه وخلتس شديده مثل نجد فديتها وفدت كل شئ فيها حبيتها والله مره وست بيت وراعيه واجب والله هي اكثر وحده تبرد الكبد بالروايه قويه اسم الله عليها والعم كايد عاجبني حيل واحلامه بمعشوقته نوف مسكين الله يعوضه بالجنه خخخخ يسلمو ضمضومه ماننحرم مناداعك وننتظرك بفارغ الصبر

 
 

 

عرض البوم صور أحلآمي كبيرة   رد مع اقتباس
قديم 16-10-12, 12:26 AM   المشاركة رقم: 145
المعلومات
الكاتب:
اللقب:
ليلاس متالق


البيانات
التسجيل: Feb 2010
العضوية: 156418
المشاركات: 2,480
الجنس أنثى
معدل التقييم: أحلآمي كبيرة عضو على طريق التحسين
نقاط التقييم: 75

االدولة
البلدSaudiArabia
 
مدونتي

 

الإتصالات
الحالة:
أحلآمي كبيرة غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي رد: ثرثرة أرواح متوجعه

 

السلام عليكم مهوب منجلط عادي بس مثلوماهي بتعاقبه بالعماره راح يعاقبها بشهادتها اللي تركاه عشانها انا بروايه اللي قبلةكرهت ياسر مت صماصيم قلبي اول نره اكره بطله ايه نعم نوجوعه يالجموح ومستقبلك اهم بس اكره المره اللي تحط راسها براس رجال وتعانده بالنهايه هي الخسرانه وهاذا اكبر قهر ليش تشوفين خسارتك وفشلك بعيةنك وهويشوف انتصاره عليك والشماته واضحه بعيونه وهاذا اللي بيصير كل كبير فيه احد اكبر منه فلا تحطين راسك براس رجل
يقولةن كيدهن عظيم بس ماراح ينفع مع الجموح ابد
حاتم وراه ماتلحلحت وخطبت يوم جت السالفه قاهرني بارد على حساب تفسه وشبابه وعمره ياخ تبيها تكلم انطق قول ساكت تقل مسوي جرينه والله ماهر احستهم ماعليه من احد

زوجه سلمان قويه بصراحه كفو والله بعدي تجل رجلي بيتزوج واعرف ميت هي واسكا والله اعلمك انه الله حق وامه انتظر شبتسوي فيها ساعات تقولين ماعليه يبر بامه جنته وناره وتعصرين على قلبك ليمون وتتحملينها بس تجيب لي ضره الباب يفوت جمل معليش احترميونفسك وتحترميني ولا مع السلامه يوم انك ماتبيني ليه جيتيةخطبتيني له وزوجتونا من البدايه ولايوم خرب شكلةمن المرتكضةورى ولدتس وعيالهةتبين تجددين له لاعيوني حدتسةعاد قل خيرا او اصمت
دانه الحساسه زياجه عن اللزوم بدل ماتخلينه يتقبل اعاقتك غصبةعن خشمه مهي سوايا يده وطيشه تفتحين عيته على امور ثانيه خليه يتقبلها وبطلي دلع وسلبيه وخلتس شديده مثل نجد فديتها وفدت كل شئ فيها حبيتها والله مره وست بيت وراعيه واجب والله هي اكثر وحده تبرد الكبد بالروايه قويه اسم الله عليها والعم كايد عاجبني حيل واحلامه بمعشوقته نوف مسكين الله يعوضه بالجنه خخخخ يسلمو ضمضومه ماننحرم مناداعك وننتظرك بفارغ الصبر

 
 

 

عرض البوم صور أحلآمي كبيرة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة المبدعه ضمني بين الأهداب, متوجعه, ليلاس, أرواح, منتدى قصص من وحي قلم الأعضاء, المخترع الرهان, الثريا و فهد, الروائي حاتم, الصين, تخدير, بين الأهداب, ثرثرة, دانة و ماهر, حكي, روايات خليجيه, روايات رومنسيه اجتماعيه, روايات سعوديه, روايات و قصص, روايات طويله, رواية ثرثرة أرواح متوجعه, روايه, ودي, ضمني, قائد الجموع
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t180426.html
أرسلت بواسطة For Type التاريخ
Untitled document This thread Refback 11-07-17 05:12 AM
Untitled document This thread Refback 24-06-17 04:40 AM
ظ‚طµط© ظ…ظƒطھظ…ظ„ط© ط«ط±ط«ط±ط© ط£ط±ظˆط§ط­ ظ…طھظˆط¬ط¹ظ‡ ط§ظ„ظ‚طµطµ ط§ظ„ظ…ظƒطھظ…ظ„ظ‡ ظ…ظ† ظˆط­ظٹ ظ‚ظ„ظ… ط§ظ„ط§ط¹ط¶ط§ This thread Refback 03-08-14 12:19 PM


الساعة الآن 06:05 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية