مساء الخير على الجميع ومساء خاص لطيف الأحباب
اشتقت لج حيييل وان شاء الله بهاالصيف تتحفينا برائعه جديده تبرد لواهيب الصيف علينا
بارت اليوم يعوووووور القلب خاصه موقف ابو حاتم دموعي نزلن غصب وأنا أتخيل الموقف بالواقع وإحساس الأب بفقد ولده ويطري عليه قضايا الشباب الي قبله في سجون الظلمه والكفرة الله ينتقم منهم عاجلا يارب ويفك قيد كل مسلم مظلوم عندهم .. يالبيه الثريا الي دافع عن حاتم بكل بساله.
يا لحبيبه تراه اخوه ويتكلم من حره وجيعه وسعي صدرج ي قلبي واحمدي ربج الي ماقط عليج كلام قاسي انت بعد الرجال معصب وشايش وانت
ماخذه دور المحامي فيه نوعيه إذا عصبوا يضيع بالكلام مابين صحيح و فاضي عشان يبرد حرته هذا النوع تخصصي اخليه يطلع ما بخاطره وبعدين اهو يجي ويعتذر بس لو أكلمه بنفس أسلوبه جان اعلووووووم ....
عروستنا الله يوفقها الرجال شكله شاريها ومستعد من الحين أرضاها تفسيرا لثرثرته يعني ما عليها مسلم الرايه من بدري والي يدفع لذلك أسباب منها
موقف بنت عمه ويبي يخليها تندم على رفضها بدلاله لزين وأيضاً بسبب موقف أهلها الإنساني والأخلاقي معه وايضا يحاول يعيشها بمستوى يليق بالحياة الي كانت عايشه فيها الزين .....
جموح وقابد. شي يغث امحق حباً حرق أهله عذابهم أكثر من راحتهم لكن على قولت السوري (الي من أيده الله يزيده ) ......
في النهايه أتمنى لج التوفيق وللقراء الأعزاء والله يلحقنا رمضان لافاقدين ولا مفقودين يارب

مرحبا بش ياراقية من جد ضمضم انتي راقية وابطالش راقين وروايتش بعد راقيه وفنانه دايم لما اقرا الروايات احس انه في روايات حلوه بس تفتقد الاسلوب الراقي اما انتي مشاء الله روايتش من الروايات الراقية اللي تحسسش انه البارت اللي تتنينه يستاهل الانتظار وانتي بعد من الكاتبات اللي قمة في الرقي والابداع

نجي حق البارت

نجد ومحمد

مبرووك عليكم النونو الجديد وان شاء الله انه يكون بشارة خير وسعادة حق الكل ويكون الثمرة اللي تعقل مودي وتشعل الحب في قلب نجوده

فيصل والزين

فيصل رجال بس لازم يثق في نفسه اكثر ويعرف ان الفلوس عمرها مارزت ولا جابت السعادة وان اللي يفكر ان الفلوس هي اللي تسوي انسان هذا جاهل ومتخلف ومااظن ان زوز متخلفة عشان تعايرك بفقرك لكن اتوقع ان سوء ظن فيصل في زوز انها بنية مدلعه والخ ممكن يسبب مشاكل في البداية بينهم لكن زوز راح تبين حق فيصل اخلاقها وتربيتها وبعد كذا فيصل راح يحبها ويتعلق فيها وينسى لمياء وطوايفها

ماهر والدانه

ماهر شخصية تحرني واكره الشخصيات اللي مثل شخصيته الناس اللي تبالغ في ردات فعلها وتكون عصبية زيادة عن اللزوم مسكينه دنون راح تعاني وياه

الثريا وحتومي

هذول حياتهم معقده وفي نفس الوقت ممكن تنحل ببساطة بس تحتاج شوي تنازل من حتوم واعتراف من الثريا بانها تحب حتومي لانه الانسان مايتضايق انه احد انسب قدامه الا اذا كان هالشخص مهم بالنسبة له ولا يدافع عن شخص الا اذا كان يحبه وهاذي كلها في الثريا تجاه حاتم بس هي موبراضيه تعترف بحبها لحاتم لكن بعدين مع مرور الوقت وخاصة في الضروف اللي هم فيها راح يظهر حب حاتم ويتغلب على قسوته المؤقته ولراح يظهر حب الثريا ويتغلب على عقدها الكثيره من الحب


قايد والجموح

راح تستمر حياتهم وتنحل مشاكلهم لكن بعد ماتعرف الجموح انها غلطانه بحق قايد وبعد ماقايد يطلع عيون جيجي من حركات الهبل اللي قاعد يمارسها عليها وممكن يكون في بيبي يحل شوي من المشاكل


وصايف

هالمره قمه في كل شيء وياليت يوم اعجز اكون مثلها كذا حكيمة و رزينه

صباح الخير للجميع وصباحو العسل والياسمين للكاتبة الراقية جدا ضمضم


شو ما حكيت عن جمال أسلوبك ودقة الوصف يلى عندك ما راح أوفيك حقك بصراحة الله يكتر أمثالك ضمضم ويخليلك كل غالى يارب , صرت عم بستنى يوم السبت دايما لأنى عارفة حالى حستمتع بروايتك الواقعية جدا وأبطالك الحلوين.
البارت بصراحة كان موجع بالنسبة لأهلة لرهان , الله يصبرهم يارب بس أكيد حتنحل هالقصة بالنهاية وتظهر براءته وما أظن بعد هيك يفكر يكمل مشواره برة بسبب يلى شافه واكيد أهله حيمنعوه من السفر (عم بحكى وكأنه طلع من السجن ..... متفائلة )

حبيت أعلق على الزين هى شخصيتها كتير حلوة ومحببة للجميع ولازم تلاقى فى كل بيت شخص بهيك مواصفات وبيكون هو فاكهة العيلة وأكيد رح تعجبه لفيصل وحنشوف حياة حلوة بيناتهم .

الثريا بدأت تحس بحب حاتم وأكيد السفر رغم البعد الا انه حيعالج كتير فجوات بينهم بدليل اتصال حاتم بثريا ليحكيلها وجعه وتاثرها هى الواضح بمكالمته بعتقد الوضع بينهم فى تحسن رغم البعد بس قلوبهم عند بعض.

أما الجموح وقايد البعد حيزيد الفجوة بيناتهم وما رح تنحل الا بالتنازل من واحد فيهم وأكيد هالشى ما رح يصير الا لما يرجع من سفره , بس كتيييييير متشوقة لأعرف ردة فعل قايد لما تعرض عليه الجموح يترافع عن البنت اللى عندها بالجامعة فى قضية تحجير ابن عمها , هل ممكن يترافع عن قضية هو كان فى نفس وضع الخصم
فى يوم من الأيام والله ما بعرف شو حيكون ردة فعله بس حبيت هالنقطة كتييير منك ضمضم.

يعطيكى ألف عافية يارب ويسلم دياتك ,,,,,,,,

مسائك كما تتمنين واكثر
سلمتي ام اليزيد واحنا مقدرين ضروفك
خذي راحتك
راح نكون في انتظارك بشغف

نجي للبارت الموجع جداً
معرفة الأهل بسجن ابن لهم تعد كارثه وهو معه في نفس البلد
كيف والولد هذا مسجون في بلاد ماتعرف دين ولا عرف
في بلد يدعوى للحريات و حقوق الإنسان
وهو في الواقع ابعد بكثير عن تطبيقها
بلد يعترف بحقوق الحيوان وينكر حقوق الإنسان المسلم بشكل خاص
فهنايكون يكون الخوف هل من سبيل لـ الأخذ بحقه وتبرئته ام سيعاني الأمرين في السجن
هم في قناعة انفسهم يعرفون انه لاذنب له
لكن حقدهم على الإسلام والمسلمين يبحثون عن حجج واهيه لتشويه دين الإسلام
كل من راح يدرس كيمياء صار إرهابي في قاموسهم
وماننسى الطيران الحين بعد الهجمات اللي صارت بعد يعدونه إرهابي
والإنسان الملتزم زي حميدان يعد إرهابي


ردة فعل ماهر هي نابعه من شخصيته
متهور بشكل كبير ناسي ان أبوك معك في نفس البيت وان طلعتك من المجلس تخليهم يشكون ان فيه شئ
اللي صار مكتوب حاتم ماله يد فيه عشان تصب غضبك عليه وتخليه يحاسب نفسه ويحملها المسؤوليه
وجودك مع اهلك مهم جداً ولازم تهدا عشان تقدر تفكر وشلون تساعدهم

ابو حاتم
الله يلوم اللي يلومك ولدك متهمه بتهمه ما لها تبرأه عندهم
زين انك قدرت تمسك أعصابك من الحاله اللي جاتك قلت جلطه وهذا اقل شئ بيصير معك بعد سمع الخبر بذا الطريقه
انت الحين قدرت تمنع عن ام حاتم وسائل الاتصال ما جاء في بالك ان تجيها حرمه من الجماعه تواسيه بشئ هي ماعندها علم فيه
والمرأه موب زي الرجال تقدر تتحكم في أعصابها

محمد ونجد
حياة بعيده عن التعقيدات
إنسان مرح مأخذ الدنيا ببساطه قدر يخلي
نجد تدخل عالمه وتسوي مقالب فيه
وجود الطفل بينهم بخلي نجد تقدر تتحكم في تصرفات محمد مع أني اشك ان فيه احد يقدر على هبال محمد
لهفته على معرفته النتيجه دليل عشقه لنجد
وخوفها عليه بداية تعلق في اب جديد لأبناء جدد
ربي يكون في عونك كانوا خمسة أطفال
وبيزيدون طفل سادس

الزين وفيصل
فصيل شايل همها لانه عارف المستوى اللي هي عايشه فيه ومايبي يتغير عليها شئ
عشان مايخيب نظرة أبوها وأخوها فيه
وهي شايله هم ماتبي تكلف عليه وهي عارفه مستواه
كنت متحمسه لزواجها بس بعد ما عرفوا بقضية رهان اعتقد انه بتأجل شوي
في الفتره هذه بيقدر فيصل يكون لنفسه شئ من وراء العقار والمتجاره فيه
كل تجارته بدوا زي فيصل والحين هم هوامير العقار
مانستبعد أي شئ على رجال مكافح زي فيصل

الجموح
ياليت حكاية حنين تغيرك شوي وتعرفين ان قايد عاشق لجموحك وعنادك
وانت اللي دايم ظالمته
ترى هو بعد يتمنى طفل منك وماننسى فرحته بحملك الأول
بس انت دايم تعاندينه وتحطينه في مواقف تخليه يثور عليك
دايم في مقارنتك لقائد مع أي شخص ترجح كفة قائد من دون منازع
والمشكله انك عارفه الشئ ومتأكده منه بس الكبر والعناد دايم عنوانك
الحين عرفتي اللي رايح يغازل ويجدد شبابه
وش رايح يسوي
يمكن بعد تفكيرك بعد كلام حنين ما تعتبين القايد لان الوقت ما يسمح بعتب وزعل أكثر
قضية رهان محتاجه لوقوف الكل مع بعض
مهم كانت المشاكل اللي بينكم

حاتم والثريا
آه من حب حاتم لا يمكن تلاقين احد يحبك زيه
وأخيرا تأكدتي من حب ما مر عليك
شفتي الفرق بينه وبين فهد
حتى وهو زعلان منك تجئ على باله مواقف تذكره بحب دافنه في قلبه لين صرت حلاله
واغقد عليك منه وكنتي مقفله على قلبك
والحين فتحتي قلبك في وقت هو يحاول يسكر قلبه بس ماراح يقدر
لان حاتم حبه غير
الأيام والبعد كفيله بردم الفجوه اللي صارت بينكم


ام اليزيد سلمتِ