كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
رد: ثرثرة أرواح متوجعه
صباحكم خير وصحه وعافية
نقاش أكثر من رائع بصراحه كل وحده ردها أقوى من الثانية وفعلن وجهات نظر تحترم وكلها قناعات
ام اليزيد صح كلامك أنا أحس بالفخر إذا شفت شاب سعودي يكد ويتعب وفوقه مجتهد في دراسته ومعتمد على نفسه وأزيدتس من الشعر بيت بعضهم يعول امه وإخوانه وعلى الله ثم على المكافئة وكده سواء يبيع خضار أو يكد على سيارته أو يشتغل بمحل بعد الدوام
وافتخر أكثر إذا كنت وقفه عند مسجد بسياره وشفت الشباب نازلين ومبدين صلاتهم على غيرها أحسن الدنيا أن شاء الله بخير
ولله أني افرح وأحس بفخر
من نفسه محد قاله قم صل وهو مهوب ملتحي ولله مره أني شايفه مجموعه كانو قبل شوي جنب الإشارة والموسيقه ترنع ويوم أقام المسجد إلى هم يتراكضون للصلاة الله يفتح على قلوب شباب آلامه الإسلامية
بس مهوب معناه ازوجه بنتي او اختي فقير ولا معناه يقعد الفقير مايتزوج
لأ يأخذ بنت تناسبه مادين مد الحافك على قد رجلك ولله الغنية ماراح يقدر على طلباتها خاصه انه بيتعب عمره عشان يعيشها بنفس مستواها والفقيرة بترضى بالقليل لانه ما تعودت على الصرف
يناس الوقت تغير والزمن متطلباته صعبه الخمس آلاف تطير بدخله وحده للسوق وعلى أشياء تافه
مجمعنا يا عالم تغير ألحرمه معاد يرضيها شي تنافس خيال بالبس والساعة والطقوم والفساتين والغايه وشي بنت فلان فستانها ماركته كذا وبنت علان كذا لباس شهره الله لا يجعلنا من الذين يلبسون للشهرة أميييين يارب
الطبقه الغنية والطبقه المتوسه ماترضى بشبكه اقل من ثلاثين ألف ولا ساعه بالقيمة الفلانيه
والبنات الحين قابين بالرولكس إذا ماكانت شاريتها قبل الزواج وهي بنت ولا تجئ مع الشبكه منين يجيب لها اللي مثل فيصل والشنطه أقلها 10 ألف وأبشرتنس
البنت الحين تقول اشتري شنطه وحده وغاليه واقلها من 19 الف وفوق غير الفساتين والجزم ماترضى الا بالماركه الفلانيه والعلانيه تبدا تتعبين صعب تحرمينها وصعب تجارين المجتمع وانتي كذا ماديتس ماتسمح دمار المجتمع
إلا إذا كانت البنت مللتزمه وزاهده وماراح تناظر بنات جنسهاوبترضى بالقليل
ام اليزيد الطيبين راحو اللي يبون الرجال المكافح لوهو على خبز وجبن لان اول متطلبات الحياة مقدور عليها
تدرين أن واحد ولله اعرفه مأخذ قرض عشان زواج أخو زوجته هو صديق زوجي الله يرحمه ويجمعني فيه بجنة الفردوس الأعلى يقول ولله أحسبه هو اللي بيدفع المهر عن نسيبه قال لا أنا خذيت القرض عشان زوجتي وبناتي بيشترون فساتين وتوابعها وبتغير طقمها والساعة
ايه نشتري ونلبس ونكشخ معاليه بس نكون مقتدرين ومانركب ارجالنا وأهلنا الديون
وعلى فكره لا تقولون حرام الصرف سئلت واحد ماشاءالله ولازكيه على الله قلت يجوز نشتري شنطه بسعر 10 ولا فستان
8 ألف قال إذا مقتدرا ماعليه متضغطين على زوجتس واهلتس يجوز بس بالمقابل لأتبخلين بالصدقة الجزيلة العطاء
اللي ماييجوز تضغطين على نفستس أو زوجتس بالديون عشان تفشخرين
أنا مع نجول وأم الوليد بنتي أو أختي ماراح أرضى يتزوجون اقل منهم فقر بلعناها شهاده يأم اليزيد لأولله قويه
أختي بقنعها وهي حره بنتي برفض بقوالتس شي
1 - إذا الولد معه شهاده وهو مشهود له بالفعل الطيب والصلاة بالمسجد ونسب وعائله بقول توظف ثم تقدم ولا وين بتعايشون منه
هذا بوافق عليه بعد شرط الوظيفه ومهم تكون مناسبه ورسميه وبقوله ماراح اربط البنت إذا جاها نصيب طيب بزوجها غيرك إذا ماتوظفت
2- إذا فقير (وسيم على على قولت أمالوليد بعد فقر وغلدمه )فيس يغمزلست العب عليتس مهوب لازم الو سامه بس اهم شي يكون مقبول
الولد مدور عيشه. متحرك منى ومنى وهو لا شهاده ولا وظيفه حتى لو سمعته طيبه هذا ماراح ازوجه ام اليزيد أنا الشهادة أشوفها مهممممممه جداً حتى في توافقهم الفكري العلم نور إلا إذا كان طالب علم عنده من الثقافه مايرضيني بس هذا بصراحه الله يرزقه ماراح اربط نصيب بنتي على حظك نصيبك فيه يدور عيشه ويرزقه الله وفيه من اللي مايقدر وتحت ضغوط الحياة والزوجه والاولاد يايلجأ للمخدرات أو المرض نفسي ينتج عنه انتحار عشان مايقدر يفرلهم ابسط حقوقهم
لا انكر قول خذوهم فقراء يغنيهم الله ولا انكر أن بعض الحريم تكون بركه على الزوج ودخولها عليه يفتح له باب رزق
بس بعد وش الله حادين امرمطها وأغاثه فيها وهو بيرزقه الله من غيري
صدقيني فيصل أحسن له يأخذ بنت من ثوبه الزين بتتعب وتتعبه معها ولا أهلها راح يوفرون. لها اللي تبي ولله صعب أني أخذ منهم وأنا عندي رجل الدائم شطيط يعني الاستمرار في العطا صعبه
بقوالتس أسالفت ولد جارنا الولد ماشاءالله ملتزم وسيم يام الوليد ابشرتس في وسامته ماشاءالله فكره وحب يكمل نصف دينه وهو في الجامعه يدرس
أبوه حالته ماعليها بس قاله أنا بزوجك وبابني لك ملحق كامل بمطبخ وصله وغرفتين وهذي بوسط بيتهم وفق تزوج أنا بصراحه ماعرف كيف البنت كانت عايشه في بيت اهلها
بس مكافئته ومكافئتها ماكفتهم خواته متزوجات ويلبسون وكانت ضاغطة عليه تبي مثلهم وهو حارم نفسه يعطيها زياده من مكافئته ثلاث ميه ومع ذالك تعبانه تبي مثل البنات اضطر انه يشتغل بمحل للوجبات السريعة منيب قايله اسمه عشان ماتكون دعايه المهم برضوه مقصر ولله امه تقول تعب يبي يرضيها مايقدر وكل شوي زعلانه عند أهلها حتى يقول احملي ورافضه تقول وش يلبس وشي يأكل تقول امه يعني بيكون معاليه ثياب
وهو يموت فيها ولا يقوى على فراقها مرمطته 4سنوات وهي تطلب الطلاق ولو انه ماكان عاقل ولا كان إمدا حياتهم خربت بس الله سهل عليه وجته وطيفه وهي بعد توظفت وجتهم بنوته وخلصت الحدوته
بس وشو عقبه عقب مالعبت في حسبته وشانت علاقتها بأهله
الزبدة ام اليزيد الزواج غير متكافئ جامعيه وحالتها المادية رينه وهو لا تعليم ولا ماده زواج فاشل يبدولي
|
12-05-13, 12:07 AM
جديد مواضيع قسم القصص المكتمله من وحي قلم الاعضاء
العرض العادي
