هتونه ياحلو المناقشه معك


المثل الي ضربتيه

عكس حالة الزين وفيصل


اهلها منعم الله عليهم وبينعمون على بنتهم. موظف له دخل ثابت لو كان قليل.

عنده بيت ملك لو حسبتيها لو راتبه الضعف بيروح نصه او اكثر ايجار

البنت موظفه يعني كماليتها الي مايقدر عليهم ماراح تنحرم منها


انا واقعيه لو بناتي جا شخص بظرف فيصل بافكر الف مره قبل لا اعرض الموضوع عليها

بعدين ابو حاتم ليه قال يجيب ثلاثين وانا اكمل الباقي ولا يدررون

ممكن اي زلة لسان منها او منه

تخرب الموضوع

هو بيشوفها اهانه له. وهي بتشوفها رخص خلوه يجيب الي يقدر عليه واذا جا الجد ياااخذ ثلاثين ويقوله الباقي كمل امورك غيها

مع اني سمعت ان الابو او ولي الامر مايجوز له يرد شي من المهر الا بعد ماتسمح البنت لأنه حق خاص فيهاا


الرجال نظرتهم للحياة غيررر ما يدرون ان الحرمه تحتاج اشياء يعتبرونه كماليات وبنظرنا اساس الاساسيات

ولاحظوا الزين لا هي دينه وزااهده ولا هي ماتحب الزين والترزز

وامها عارفه شفحتها وطيرتها على العرس خافت توافق من غير ماتفكر بالموضوع زين


بالنسبه لوجهة نظري لا احد يعتبرني مااديه

بس يعز علي كسر خاطر بنتي

وانتي احلى جولي قلوب تنبض لك ولضمضم والجميلات الا يتابعون الثرثره

شوفي فيصل عنده ملحق بيت ابوه ولد خالتي له شقه بيت اخوه وفيصل عنده وظيفه كيف ماعنده

شوفي شخصية الزين مظن راح تتاقلم ولا بتماشي الحياه مع فيصل الا لو فاجئتنا بزينن ثانيه وتطلع حتى اعقل من الجموح

وصدق في نقطة لو جاء طاري بالمهر وانا ابوها زاد لها هنا بيكون تتش مدري عاد سلبي ولا ايجابي


ننتظر مافي جعبة ضمضم

ضمضم اسفه ماشفت التعقيب

الطيره الله يكفينا شرهاا واتكلم بلساان الام

جعل والديني والدينكم في الجنه


رجال وسبعة انعام فيصل بس الفقر مااامعه مرجله صدق وضع الشباب الحين صعب

لكن الطموح له دور رجال وسنافي وهبة ريح على العين والراس. لكن الحيااة لها رأي ثااني


ضمضم. لازم تعرفين اني تشربت مدرسة الحيااة من جدتي الله يطول بعمرهاا وكانت دايم تقولي مثل وفعلاا بعد هالعمر لقيته صح

تقول الرجال

زينه لخديه

وطيبه لأختيه

ولك يامرته ماحاشت يديه


معنااها لا نفرحين بالرجال المزيون زينه له هو ما تستفيدين منه شي


طيبه وسمعته لخواته يجون الناااس خطاب لهم على سمعة اخوهن

انتي ياامرته مالك الا شغله وحطه وسنعه بيته متى مااكان رجال شغيل وكداد وحي اعرفي ان حياتك معه بتمشي

وان كان خامل ويركض ويااقف ماهنا جزمه وجلد تعبتي معه

وسلامتكم