هلا بك ام جمال

الي واضح ان فيصل ماايشتغل يمكن يطقطق

لكن ماعنده وظيفه ثابته

ماعنده دخل ثابت


وقلت لك زمن امي وجدتي اتركيه وش كانت متطلبات الحيااة


الزين ماتبي شهر عسل ماتبي بيت او شقه مرتبه
ماتبي زوج يفرحها بهديه بعشا بمطعم حلو بسفره لو للشرقيه

ماقلنا غني بس على الاقل يقدر يوفر الاساسيات. خصوصاا ان
الزين ما اهي موظفه تقدر تكفي حالها
انتي ام لو بنتك جتك منكسره زوجها ماهو قدر يوفر لها شي بحاجته ماتحترين

فما بالك انك تربطينها بشخص متأكده ميه بالميه انه مابيقدر يوفر ربع مستلزماتها

ليه ادخل بمتاهة يتعدل الحال وان شاء الله بتسهل الامور

صدق امر الله نافذ لكن الله وضع الاخذ بالاسباب

الواضح لن فيصل معدم ماله دخل ثابت

ياعالم لا تاخذكم المثاليات اقلها لا اجتمعت مع بنات عمها واختها بنقارن لو على الاقل بين وضعهم ووضعها

يعني بتشتري فستان لمناسبه تأخذ من ابوها ولا يروح يتسلف وعلى هالحال


لكن ممكن يتزوج بنت ظروف اهلها عاديه تشوف فيصل قمة طوحها ويمكن ينقلها لعالم ماكانت تحلم فيه

اتكلم يام جمال بعقلية بنات هالوقت. وطلباتهم وام تركي ماتبي تكسر بنتها

وكلامها صح ومنطقي ميه بالميه


وشكراااا

صح فيتو.

ممكن لو اهل الزين ثرائهم فااحش وبيقدرون يوفرون لبنتهم من الى

ولا راح تحتاج انها تطلب منه شي



انا يوم قلت الشهادة انها سبب لفرصة حياة افضل


هو لا وظيفه ثابته

ولا حاول بمشاريع تجاريه


وضع الحياة مع يوم معي فلوس وربي رزقني ويوم مامعي متعب نفسياااا ومدمر للاستقرار

ليه المغامره

وش عيب الزين يم ابوها يحدها على المر

مساء مترف بالاحاسيس
مساء كل ماهو جميل عليك ضمضم ومتابعينها

حرف موجع واحساس نبض برساله حزينه رسمتيها هنا

مدري هل حروف الثرثر وصل بها الوجع مااثر على ارواحنا ام هي ارواحنا اصبحت متهالكه متعطشه

او اني امر في فتره دمعتي معلقه


بدايه من الجموح واه من الوجع لاستوطن اقصى الروح دايم الوجع يكون على قد المحبه وحب قايد خالط روحها وكان الوجع على قد غلاه.

اكبر حماقه نرتكبها لا وقفت بساعة غضب ضد شخص عزيز عليك لا نها ساعة شيطان وكل بيعطي صاحبه من الوجيعه الى ان يرضى ويبقى اثرها بالنفس حتى لو تصافو وتسامحو تبقى هالوجيعه حسره بالقلب

قايد واه على حلمك عليها الفتره الماضيه نسفت بساعة غضب
مقدر اغلط ولا اعذر كل واحد عنده اسبابه المقنعه.
وهالخناقه بتسوي فجوه اكبر من فجوة ثريا وحاتم
وصدق الا قال
وجع. البدن يروح مع الزمن لكن وجع الروح مايروح لو عالكفن



نجد ومحمد واول الغيث قطره واللوان فرح بدت تنسج لهم


الثريا وحاتم مشهد موووووووووووووجع واتعب وانا اقول موجع وتعجز الاحرف عن وصف احاسيسهم ومشاعرهم لحظة تدليكها لراس ماهر كلن روووحه مثقله ومحمله بوجع وتانيب ضمير

وفجعة المصيبه واسواء الاحتمالات لرهان واحساسه. بالذنب لانه صاحب الفكره والتشجيع






وخلخال الغجريه هو من بيونسه في الغربه والا يام الصعبه الجايه



نجي لزين وزواجها نقاش نجلاء مقنع مقنع ونظريتها واقعيه ومن صلب الواقع

لكن احيان تكون للقاعده شواذ مستقبل الزين معها شهاده وبتكون لها سند وبتوفر لها عيشه هنيه لو الله يسر لها الوظيفه وتكون القضيه انحلت

وبعدين وش زين البساطه اه ياعين على البساطه طعميني خبزه وزيتونه ههه وعشيني بطاطا

انا بضرب لكم من الواقع ولد خالتي تو متزوج عائله معروفه وعريقه ومعروف عنهم الترف وعيال عمها يتذابحون كلن يبي منها قطعه لكن قالت انا ابي الرجال الصالح واهله كلهم دين مادرت ان الدين راح مع جداني الله يغفر لهم لامانه جداني كانو حملة كتاب الله وجهاد
وراتبه الفين وخمس وعنده بيت ملك وهي موظفه وتوها صغيره بحر العشرين
لكن قالت راتبي وراتبه وتمشي الحياه
وطبعا مو كل بنت بترضى لكن هي شذة


وطالت هذرتي واعتذر لو قل التواجد هنا لكن احيان تخوني الاحرف ان تضاهي جمال احرفك ضمضم
ولا حرمنا هالتواجد وعلى فكره على راحتك وراحت. أم جابتك مانبي الثرثره تقضى


ف عز الكلام سكت الكلام