السلام عليكم أهلا لثرثره ماشاء الله عليكم مدهرات وكل وحده تقول كلام مقنع في نظري
بس أنا أشوف كل واحد منهم معه حق بس كلاّ جالس يفكر بنفسه وبس وفي جرحه وفي مطالبه من الطرف الثاني ولا فكر في شريك حياته وش يبي ويش حاله والغو أنهم توجعو قبل وتأذو

يعني باختصار أنانية أنانية أنانية بحته أهم شئ أنا ومشاعري وحياتي وطوحي وحلمي الي تحقق أو لازم يتحقق وأطالب بالمزيد من حب وعطاء وأنسى الطرف الثاني وحاجته ومعانته السابقه وانه محتاج الأمن والثقه قبل الحب

حاتم عاشق ومع كذا عزة نفسه وكرامته كرجل فوق كل اعتبار بس الي وقفه عن الطلاق (( سلطان الحب ))

نجول ماهم بحاجة معجزات هم يحتاجون وقت وتفكييييير عميق في حالهم وش بيترتب عليه انفصالهم
ويمكن لا درو عن رهان تتجمد خلافتهم ومع البعد يحس بحاجته لطرف الثاني ويبدون من جديد وطفل يجمعهم

في نظري نجد اخطت والعيب يلحقها يا أم الوليد مافي رجال عاقل وصاحي يشوف زوجته ماسكه صورة زوجها المتوفي وتمقل فيها ويكون بهدوءابو طلال
يناس أنا ماتخيل نفسي أعيش مع انسان يحبني ويبني وأنا ماأحبه وبس ابيه يكون حامي لي ولعيالي و ابي أخلف منه عيال هذي قمة الأنانية
يمكن احبه لكن بصمت أو حبي يجي مع الايام ويدخل الحب قلبي من موقف معين
لكن أكون متبلده وحتى نظراتي كيئبه لا وألف لا أقلها اكذب وأمثل الحب ماراح أكون إثمه وإلا أروح بيت أهلي أزين ولا اجبر نفسي

في ناس ماتعرفين وش هو الحب و درجاته وانه ممارسه ويجي مع العشره ويكون اقوها وأجملها وفي إمكانه يمحي كل خيوط وحب في الماضي

ومشكلة محمد وصل حد الجنون في حبه ويبيها تكون مثله وفي جنونه وصار يغار من ميت ومحاصرها وبدأ يضايقها لما وصل لطلاق
هي بدت تنسى محمد بس الطفاقه ماخلتك تفكر و عندك فرصه تغير من نفسك وتبني حياتك من جديد ولو تبي تنسي نجد عيالها لو تبي

الجموح وقائد مازالو في كر وفر وبيجي شي اقوى يعني ايش أقوى من الي صار يمكن تطلع حامل وتسقط للمره الثانيه ويكون هذي المره دور قايد ويجعها
أو يمكن الجموح تدري عن الثريا وحاتم وتهاوش مع الثريا ومن هنا يكون خلاف قايد والجموح

أم اليزيد ضربتي أخماس في اسداس و تهددين بشي أقوى الله يستر
ننتظرك

السلام عليكم حي الله الجميع والنقاش الراقي من الخوات الراقين
قالتهاام اليزيد على يبوست راس كايد أنا أيبس كلن له رأيه والنقاش لا يفسد للود قضيه
ولإيصل كلامنا إلى تخبيب الزوج على زوجه هل شفتي أن حثينا الثريا ونجد على الطلاق أو عصيان الزوج
والله يوم قالت أن فيه بنات يقرون لان خرب أفكارهم رحت ارجع الكلام اللي قلته أرجو أن كل من ردت وبغت تدخل في المناقشه تطلع على كلامنا وتفهمه زين بالعكس مثل مانحث البنت على طاعة زوجها والقيام بالواجبات كذالك الزوج ولله مدري وش قريتي عشان تخافين على البنات لا يقرون تعليقنا أنا والنوري ولله إلا كلامن سنع وحكمه اسم لله علينا ........فيس يمدح نفسه وبقوه
ولله أحسبني قايله سلو العصى عليهم وصبحوهم ومساهم ضرب
وعلى فكره أنا أكبر نصير للرجل
وكلن له رأيه مايحتاج احد يوري احد لا عين حمرا ولا خضرا
ولو ماختلاف الرأي كان صارت حياتنا متشابهه
موهوب بالقوة الإقناع


ترانيم يا قلبي محمد وحاتم توهم في الألف ويبون الثريا ونجد يموتن عليهم
ولا فكرو أن كل وحده طالعه من تجربه سابقه ياناس محمد وحاتم مهوب اول بختهم ونصيبهم وهم بادبهم وسنعهم حبو اول رجل دخل بحياتهم خذوه فغلوه إلا جبيني اقل شئ سنه عقبه أبد حاسب توهم ما كملو الشهرين


ام اللوليدالثريا الثريا وبدون تفكير توقعت حاتم يمثل عليها وقالت وانت بالمثل بتوسع صدرك معي لو بالكذب أبشر أنا زيك
أنا ماقلت ماسوت شئ لا كلامها قوي لكن الأقوى منه ردة فعل حاتم عمر التجريح وإهانة الكرامة والتقرف من الزوجه والتقزز سنع الله سبحانه أمر بتأديبها بالهجر والحكم من الأهل والضرب الغير مبرح إذا مافيها حيله
دينا عظيم مايرضى باهانة الحرمه حتى لو اخطات الثريا وش سوت الكل هذا
ليش يوم سئلته ماكان صريح معها وقال اللي اكتب عنها انتي والأفضل من هذا كله المفروض من الليله الأولى قالها اللي بقلبه وبعدين وين تبينه يناظر شقر وحمر والثريا معه وعععععع منزينهن السلق

لله درتس يبنت نايف جعل أبوتس للجنه صبرتي على كلام اتحدا أي حرمه تصبر عليه وأنا متأكده لأنتس أخطيتي قبلتي تحملين بس ولله ماشفتس إبرزتي قوة الشخصية اللي يقولون إلا تعاملتي مع الموضوع بكل حكمه وذكى

وأي وحده حطت نفسها مكان نجد والثريا أو أي قريبه وحبيبه بتشوف نفسها الصح تجربة نجد وبعد الثريا من الواقع وخاصه نجد ومرة بأعز ناس لنا حنا نعرف اللي بخاطرها ومعها الحق بدال المره ألف
والكل له وجهة نظر يجب احترامها
وصدقيني ما تكلمنا عن رجال من كوكب آخر إلا من كوكبتس ومن ديرتس بعد
وصدقيني مافيه رجال تزوج وحده لها تجربه ثانيه الأحشرها بسؤاله عن زوجها وأدق تفصيله معها ومافيه مره تحب تفتح سيرة زوجة زوجها أبد حتىى لو كانت متأكده من حبه لها أو العكس
بس كثير من الرجال ماهمه لانه يرا أن المره حساسه ويجب تتكيف معه يعني عادي عنده يتكلم في طليقته ويمدح فيها حتى باموره الخاصه ويشوف انه سخيفة لو تزعل
عادي لو متزوج ثنتين يرسل الوحدة رسائل غرام ويبديها بكل شي ويسفر ويدلع وإذا طالبت الثانية قال انتي أعقل منها وهي أعطيها على قد عقلها بلاه هذا منطق
وحده من صديقاتي مأخذه مطلق ما جاب عيال وقال الزوجته بتزوج وطلبت الطلق على أن زميلتي تهبل ومعه قمه في الرقي وجابت العيال إلا انه على لاطلاعه والنازله يمدح في زوجته وبكل شئ تقول في التنظيف والأكل والأمور الخاصة دبل كبدها وكل ما زعلت تعدل فتره ورجع أخس من اول تخيلو لو هي مكانه ولله أن يرفسى لين واسى رايح فيها حته حته
أكيد لو زوج زميلتي معنا في الثرثره التمستو له العذر ولو العكس يمكن شبيتو عليها مثل بنات نايف يقلبي .......فيس قلب عليكم وبقوه

نجول سئلته لو أني الثريا زوجة أخوي وسمعتها ولله لونها مرة خوي أن ماتدخل في موضوعها ولا أقوله لاحد وقول لبي قلبتس يامرة أخوي هذا فعلتس بخوي وانتي ماحبيتيه احترام وحشمه لاقللت من قيمته قدامنا وسنع وش تبي الوحدة لإخوه إلا وحده تطلق وجه عند الناس وهذي الثريا
ليش أخرب على أخوي وهو يحبها اللي بسويه الدعاء أن الله يصب حبه بقلبها صب
ولا راح اتعب قلب أخوي وزوجته حيل الله أقوى إللي تقدر عليه ما قصرت فيه واللي ماتقدر عليه عاد هذا بينها وبين ربي إذا كانت ماهانته عداها العيب الله يسعد أخوي بحبها


فيس يبوستس ام ثامر وأم خالد ويبوس راس وصايف اللي ربكن
وجهة نظر وراي ........احترم كل رأي آخر محترم
مشكوره ام اليزيد على هذا الطرح الرئع أشغلتيني في وقت محتاجه فيه الانشغال عن بعض الأمور المتعبه الله يشغلنا بطاعته الله يجمعنا بجنة الفردوس الأعلى واو لدينا وازواجنا وذرياتنا وأخوتنا ومن نحب وكل مسلم أميييين وصلى الله على نبينا محمد واله وصحبه وسلم