صباح\مساء كل شي حلو على ضمضم ومتابعاتها

الجموح ما ادري ليش حسيت من بعض ردود انهم ما تخيلو الجموح تغار

بالعكس الجموح اشوفها من اكثر شخصيات الروايه غيره

عنادها وسفرها مع حاتم تكمل دراستها اشوف ان جانب كبير من الغيره دفعها

لما رجعت وقايد ما حرك موضوع زواجهم كانت راح تنجن كل الي حولها تزوجن وجا لهم عيال الا هي

ردت فعلها ونظرتها لمي بعد ماعرفت انها المفروض تكون لقايد بدال ابوه

بلعت ان قايد بأمكانه يعصي ابوه وبأي طريقه يبعده ويتزوج مي

غارت من مي وغيرتها اكبر من انها تقدر لقايد فعله

اريج الشخصيه الجديده اتوقع بتثير اشياء كثير ما قدرت تثيرها مي

مي بربره ع الفاضي واثقه الجموح انها خلاص تعتبر محرم له

وجانبها بيكون ضعيف خصوص بعد ثورتها عليها لماعرضت صديقتها على قايد

ومي الكل بالعها غصب عشان قايد يعني دقها براس قايد ماراح يكون له تأثيرعلى قايد

خصوص شخصيتها مربوشه وملقوفه وهذي الشخصيات ابدآآآآ ما تستهوي قايد وآرئها بالنسبه له ماهي ذات اهميه

على ان الي مطول لسانها قايد نفسة من كثر ماهو معطيها وجه

اريج مخالفه تمامآ لمي

ترحيب كاسح من قايد فيها ومن اسلوبها باين جرائتها وشكلها تتمتع بذكاء خارق

مابعد عرفنا وضعها الاجتماعي ولا مواصفاتها ولا نوعية القضيه خلع طلاق قضيه اكبر...,

واحتمال تتمتع بجمال اسطوري الي جانب الذكاء

ويكون لها مسارآخر بالقصه مع قايد

والا ماضربت على وتر انها بنت صديق نايف الكايدمن عبث

عرفت كيف تدخل وكرت العبور هل بيكون لمكتب قايد بس والا

حياة قايد الشخصيه

ننتظر ونشوف مع ضمضم وش راح يصير بين جوجو &جي جي

الجموح &اريج

نقطه اخرى برجع لحاتم فيها ما ادري رأيي الشخصي البنات مستغربين اندفاعه لثريا

صحيح انه رجل عمره تعدى منتصف الثلاثينات ماهو مراهق لكنه مشاعره واحاسيسه موقفها على فترة مراهقته

وعشقه لبنت عمه الي راحت منه بدون سابق انذار

تركها طفله وانفجع بخبر خطبتها وزواجها من رجل هو بنفسه اشارله بثرثرتة

انه يمتلك مواصفات تتشرف اي آسره انها تزوجه

فهد الي حطم مركب حياته مع الثريا ربما مراهقه متأخره لفهد وكان لثريا يد فيها

ويقابلها زوجه مثل الثرياواثقة بنفسها بزياده وشخصيه قويه واقعيه جدآ

ماخلت مجال لفهد يصلح الي كسره فيها

ولاننسى حاتم كاتب وروائي ويا ما تقمص شخصيات كتبها وعاش بين ابطاله تناسى العالم حتى الزواج ماعاد يشكل له اهميه

عقله الباطن ربط نفسه بالثريا بدون مايشعر

يعني له عالم غير الي عايشه مع اهله

فماكان الزواج هدف له بعد ثريا

عشق المراهقه

واهله كانوا جدآ متساهلين معاه ماكان في ذاك الموقف الصارم لزواجه

وشروطه التعجيزيه بزوجة المستقبل طولت فترة عزوبيته

بعدها رجعت له الثريا

وصحى داخله الشعور القديم ثورة المراهقه واندفع لها بجنون واحساسه ان الثريا تستحق كل ها الاندفاع

وذنبه انه فرط فيها

و سكب مشاعره بدون حساب لثريا

الي اتوقع انها بعدين ماراح تمل من حبه واهتمامه فيها

ولكن بيراودها احساس الغيره من حبيبة حاتم الي كانت ملهمته بقصصه

وحاتم مسترسل بتمجيد ها الحبيبه الي ما اخفاها عن ثريا لكن هي ما استقبلت ها الاحساس

وبتغار غيره بتأثر على حياتها وتحط حواجز بينها وبين حاتم بدون ماتشعر

طعنت رزان عطتها درس قاااسي جدآ..


محمد ونجد لو ما البشر تنسى كان كلن قعد على وضعه يا نجد

نجد ومسايرتها لمحمد ومبسوطه معاه بوضعهم

يقابله محمد ماهو معجبه ها الوضع ولكن عايش على الآماني بقرب نجد

المثل يقول عزوبي دهر ولا ارمل شهر ونجد ماهي اي وحده

كل الي كان محمد يفتقده با اشواق اخلاقيآ لقاه بنجد

هو حياته معها مثل مايتمنى اي زوج لكن ينقصها انه يتم الزواج فعليآ

وهي ذكرى زوجها الراحل مخليتها بدائره ماهي قادره تتجاوزها تطلع منها تحاول وترجع لنفس النقطه

يمر عليها فترات تبي تطلع من ها الدائره

لكن الكلام شي والفعل شي آخر

حتى مسألة هدف انه زواجها تبي اخوان لوحيدها ثامر ماراح تقنعها اذا فعلن محمد طلب منها حقه الشرعي

ولا حتى لو اشواق تغامر وترجع لرياض ويكون بينهن مصادمات

ماراح تتقدم علاقتها بمحمد

نجد غير مهيئه حاليآ تكون زوجه فعليه

السرعه الي محمد اقتحم حياتها مازالت مربكتها ولوتظاهرت بالصمود

اتوقع الخطوة بتكون من محمد نفسه بيكسر ها الحاجز الي بينهم بعد مايرجع من العمره

يعجبني جدآ في الكاتبه ضمني بين الاهداب واقعية الاحداث

وسعيها لتميز ومزجه با الواقعيه وتوصل فكره لفئات من المجتمع

لا تخلو عائله من مطلقه او ارمله او متأخره بالزواج

او احد افرادها ابتلى بزوجه مثل اشواق

خيانات زوجيه مشروعة

والنقطه الي انا جدآ جدآ اعشقها فيها

هي تقمصها للادوار المركبة

مثل ما كان مقرن تاجر الحديدو جسارالصحفي يلهبون الرواية بمقالات ومشاريع و تفاعلنا معهم بفترة تتزيل بعض العيون

كان حاتم اشعل حماسنا بثرثرته الروائيه

والدكتوره الجموح بمحاضراتها القيمه لطالباتها

كثير من الروايات يكون البطل فيها شاعر كاتب دكتورنفسي

مال الروايه منه غير اسمه لا نشوف اشعار الشاعر

ولا تحليلات الدكتور النفسي


مبدعه متفرده بطرحك لقضايا تدور بمجتمعنا

بأسلوب راقي ..,


با انتظار السبت الي اتوقع بتنقلب فيه حياة كثير من الابطال..

السلام عليكم

ام الوليد انا معك في كل كلمه قلتيها عن ضمني بين الاهداب واقعيتها قرب احداثها من الواقع

شخصياتها اوضاعها موجوده في كل بيت وشخصيات طبيعيه فيها خير وفيها شر مثلنا محد (ن) كامل

ولاهنا شر مسيطر مثل بعض الروايات تقرين وعيونك طايره كنك تقرين عن كوكب ثاني

حتى تركيبة البيت ووصفها كأنك داخلته من قبل ....... وهذا الي محببنا برواية ام اليزيد رواية توصفنا

وتتكلم عن حياتنا ومشاكلنا لكن باسلوبها الي الله وهبها اياه


حااااتم. مندفع مندفع مندفع

يمكن لو الثريا هالزواج اول فالها صفحه بيضاء يرسم حاتم مشاعره

عليها بتستقبلها وتفرح فيها وتقول الحمدلله الي الله رزقني بحاتم

يحبني ويصرح بحبه و من اول يوم غرقني بكلام يكفيني عن السنين

الي راحت والي بتجي اغدق علي مشاعر يمكن مافيه بنت حستها ....

لكن مشكلة حاتم. ان الثريا اوراقها مانمحت شخابيط فهد منها محفوره

وحدودها واصله لحد الاوراق البيضاءً مهما كتب الا يطلع اثر لفهد

مشكلة حاتم رومانسيته وحبه للثريا نسته الي قبله وهي مانست

الاكيد والواضح ان حب حااتم مثل المطر بيجتاح الثريا

وأنا مقتنعه بشي ان الحب مثل المطر

عدمه جفاف وموت للحياة

وكثرته سيول وهلاك وغرق

خير الامور الوسط حب وعواطف مستمره باعتدال يستمر الحب والحياة والربيع


الطريق قداام حاتم طويل اولااا ينسي الثريا خيانة فهد ياعل ما فهد هو والي شكله

نزوه وحب تجربه ورضوخ لرغبات ضيعت حياة مستقره وشتت عائله ولا راحت السكره وجت الفكره

جو يدودلون روسهم ويتعذرون. وماندري وشجانا. والمر الي دهورنا. وانتي يالحرمه لازم ترضين

وانا مارضيتي تنرضين. وللاسف هذا الواقع الا من رحم ربي وانا مع الثريا بخطوتها بالطلاق

الي مايراك بعز لا تراه بجلال. والي باعك برخص بعه بتراب خاصه اذا كانت مقتدره وراها ظهر


حاتم المفروض ينتبه هو كاتب وروائي يعني يقرأ الاحاسيس والمشاعر عنده تصورات للردود الافعال

اكيد بيقارن بين فعله وردة فعل الثريا بيلقا مافيه تناسب بس انا ودي يكون كاتب مسوده للروايته

الي طاحت بيد الثريا بس باسماء صريحه اسم الحبيبه واسم الزوج الدميم القبيح. والابن

بهالشي بتختصر نص المسافه لقلب الثريا. بس مدامكم بتروحون لايطاليا ارض العشاق

اكيد بيغير من نفسية الثريا ....

بس لو تفتك من مقارنة حاتم بفهد وان كلهم لهم ماضي.

وانها ماضي تركه فهد لحاضر اشتهاه وانها حاضر حصل لحاتم بدل ماضي خسره

مشكلتها شعورها انها بديل متعب لها وبيعميها انها تشوف حاتم على حقيقته



الدانه....... اكبر غلط سوته انها طلعت لماهر. عاد عندنا ماهر اسم من اسماء الجن

لا بغو يدعون على احد قالوا يمال ماهر وابا الصناهر الترجمه في جعبة جدتي

ياخوفي دهورك الجموح وتخليك تروحين معه ترا حتا بعين ماهر بترخصين

لنك ارخصتي اخوك اصحي اصحي تصغرين اخوك عند عيال عمك وانسباه


نجد وطلال. لا يمكن مهما كانت محبة الحرمه لرجلها الميت انه يلغي رجلها الحي

نجد بدت تتقبل ابو طلال سبحان الله وجعلنا بينهم موده ورحمه مشكلتها انها استعجلت

الخطبه والعرس بسرعه ما امداها تعود نفسها على قرب ابو طلال. وهي المفروض

مدام ابو طلال مرخص لها انها ما تستعجل وابد الله بينزل الموده والمحبه بينهم

خاصتن معاملته لعيالها وشلون هم متعلقين فيه اقرب طريق لقلبها

مع ان لي عتب على ابو طلال بس ان شاء الله غلطانه

ما اسمع لعياله طاري لو انه منفصل عن امهم.

ولا

حب الولد من حب امه


الجموح. شخصيه فيها نرجسيه وتعالي

سواء مع قايد الي الاعمى يشوف حبه لها وغلاها

وهي لا طخت ولا نخت ماغير تعافر بس جته

طير شلوى الي خلتها تعنقط بقايد بيدينه وسنونه

بس للحين موضوع العماره شرخ بعلاقة الجموح بقايد

ياليتها تعوذ من ابليس وبلحظة صفا تتكلم عن العماره

وانها بلحظة غضب وانتقام للذات طلبتها وهي بتخليها

عن تقلبات الدهر و يعتبرها للحين باسمه

طبعاااا احلام لان الجموح اذا ما اوجعت قايد ماترتاح

وخصوص اذا عند بموضوع الدانه وماهر

اريج هلا وغلا عساتس مزيونه وتشبين كبد الجموح وتعرف

قيمة قايد وتهبط عن الطيرة وشوفة النفس والاستبداد بالراي


اسمها ماطلع عبث اكيد بيكون لها طنه ورنه

ننتظرك ام اليزيد. ياهالسبت الي ما يجي وبعيوننا قطره

مسآء آلنورَ وَ السرور..


حيآ الله ضمَضومهَ
الحمد الله على سلامتك...
ومبروك البنوته تتربى بعزكم ...يارب
الله يخليها ويحفظها لكم وتشوفونها أحلى عروسَ ...ياربَ




نجي للثرثره جميله جداً وممتعه ولو اني تنرفزت على قلة أدب مي الحقيرة النذله
يمَمَمه احس اني ولعت منها هاللي ماتستحي ياليت الجموح كفختها تكفيخ عشآن تبطل اللقآفه والقله الحيآ اللي فيهآ ..

يكفي ضافينها من خرابة اخوانها هذا جزاتهم ولا بكل قوات وجهه تقول للجموح قايد يبي الهدوء وراحه ..
خلصت على وصايف بالأول وبعدها بالدانه وشكلها بدت بالجموح ... بس جميح بتوقفها عند حدها ...
وأنا على بالي أنها مسكينه طلعت سكنيه ...أعوذ بالله منها متى تعرس وتذلف بشرها مع اني حاسة انه بيتكنسل هالزواج وتجلس على قلوبنا ... وتزيد مصايبها...



الجموح وقايد

اكره هالاسلوب بالتعامل عندك شيء تعال قوله بينك وبينها مو علني قدام الكل هالاسلوب يقهر من قلب أحلى شيء
وصايف ما قصرت فيه عطته على راسه ... الجموح يمكنها حامل من سالفه أنها صايره نوامه والأكل اللي تبلعه على قولة
قايد ... ومشاعرها اللي شكلها بداء تلعب فيها وتعرف قدر قايد بقلبها ولو أنها لسى موجعه منه ..
أريج رقم مميز والوالد صديق أبوك والوالد صحته ماش ودقت على السكرتير وقال لها الجدول مزحوم
قآمت دقت على قايد بنفسها يظهر لي انهآ تتمتع بثقه عآليه الله يستر وش يكون عندها عشآن مآتقدر تنتظر لها موعد...
مدري ليه جا على بالي أنها ممكن تكون صحبه السوسه ميوه ...
مسكينه الجموح بيروح قلبها فيها على هالموعد أتوقع ما رح يعدي بسلام ويصير عليه تبعات وااجد...
على كذا الجموح بتصر آنه يوصلها جامعتها...




الثريا وحاتم

اللي سويتيه صح وقرارك صح محد بينفعك غير نفسك...
بكرا خالد يكبرا ويعرف أبوه وش سوى وانه هو اللي ما حافظ على بيته ...

شخصية الثريا جداً جميله وقليل نلقى زيها..
تعجبني الحرمه اللي تقدر تتغلب على جرحها وتعيش حياتها وتعطى نفسها فرصه...
الحياة ماتوقف على شخص ...

الثريا بتتعامل مع حاتم بناء على تجربتها السابقه وما اتوقع تصدق كلامه بسهوله ...
بس ياليت تخف عليه شوي وتعيشه جوه ولا تجرح مشاعره
حاتم الله يعين قلبه لايصير فيه شىء يمكن تجيه حمى الهذيآن من كثر ماهو مصدق ...




نجد وأبو طلال ...

أبو طلال لمن شاف نجد وعرفها بدأت العقده تفك شوي شوي وبدا يتقرب لها ...
بس نجد الله يعينها لان هالشىء غصبن عنها وصعب عليها أنها تتقبله بسهوله بعد ما كانت تموت بزوجها ...
يمكن سفرتهم للعمرة تقربهم من بعض ... ننتظر ظهور آشوآق يمكن لسى مآعرفت بخبر زوآجه ,,





الدانه وماهر

ماعجبتني حركتها عيب عليها بجد هذا أخرتها تشوف ماهر من وراء أخوها وهي من اول بعلم قايد بعلم قايد !!
لو درى قايد اتوقع يقولها روحي وماعاد للك سند وظهر ... وبعدين ماهر لازم يتأدب وعشان يعرف قيمتها زين ...
قايد من خوفه عليها يبي يحط لها قدر وان ورآها ظهر ..
بس شكلها ماهيب بوجه ...المفروض قالت له رضاي من رضى قايد عليك ...
لان اللي سواه شيء مو بسيط اللي يمد يده مرره ولا لقى احد يوقفه عن حده ممكن يمدها مليون...
ما طاح فيها إلا الزين اجل يا مويهر صرت تشوفها فاضيه ولا عندها شىء ولا من كثر ما صرت تجلس في البيت .!!



رهان ...

من اول وأنا قلبي ناغزني على رهان... الله يستر عليه...

تخصص هندسة كيميائية حاسة قصته بتصير شبه قصة خالد الدوسري للي مايعرف قصته...

شاب سعودي عمره 22 تخرج من الثانوية بنسبه عاليه حلمه يبتعث للأمريكا ويدرس هندسه كيميائية وابعث على حساب
شركة سابك طالب مجتهد ومخه نظيف طلب مواد كيميائية يحتاجها ... قاموا مسكوه بتهمة انه يخطط لتفجير بيت بوش
وحُكم عليه بالسجن المؤبد .. حسبي الله ونعم الوكيل
اللحين يطالبون باستئناف الحكم لوجود أدلة تثبت برآئته. ..
و آلحمدلله لك يآرب اليوم في خبر في سبق ان المحكمه توآفق على طلب الاستئناف..!!

الله يفك اسره ويرجعه سالم ويقره عين أهل بشوفتة ... يارب ياكريم






ضمو ... الله يعطيك العافية ويسعد قلبكِ
زي ما تسعدينا على صباح السبت آلكئيب -_-

تصدقين اللحين صارنا نحبَ السبت ^-^
ونقول متى يجئ ^^



ننتظرك بفارغ الصبَر ....



بحفَظ الرحَمنَ ...

مساء الابداع ومساء التميز
سلمت أناملك ام يزيد على هيك بارت
قوي جدا
جموح
وش اقول وش اخلى "شيخه الزين"الحين مبهذلك قايد وعرسبدون رنه وطنه والا شهر عسل وقوق كذا ساكنه بالملحق صدق بنت الرجاااااااااااااال "
سلامه قايد علامك عليها وفوق كذا تها وشها قدامخواتك وتكلم اريج بعد قدامها ...............
برود الجموح وش سبببه هل الانها تزوجت وهي كبيرة بالعمر نتج عنها تبلد ................
احس صار عندها تبلد وبروووووود ...................
الحين خواتك وحدة رايحه المكه والثانيه بالخارج ليش الجموح ساكته وما تكلمت ..................
قسم ودي اذبح قايد ....................
وسنعه عشان يعرف وشلون يعاملها قدامهم .....................ز
مي اذاكا ن مافيه زواج عندي لك اقتراححححححححححححححح مناسب جدا
لك ودي يعنيبعد أذن ام يزيد ازوجك كاايد
والله مناسب لك مرة
انتي تعوضينه عن نوف وهو ييشغلك شوي عن ا
لعائله
ماردي ليش حاسه بيجيهم
خبر موزين عن رهان في البارت الجاي
حاتم وثرياء
ابدا ماحبيت اندفاعك على الثرياءبها الصورة توقعتك اثقل شوي
يمكن هي ماتتقبلك الانتجربت فهد الحد الان بذهنها
لكن مستغربه منليش ماخلفت بعد ولدها
هل منها السبب او من زوجهاااااااااااااااااااااااا
اتوقع بيصير شي من ثرياء بيجيب الحاتم ردت فعل سلبي منهااااااااااااااااااااااااا
وبدل ماهو يركض ورها هي بتركض ورهاااااااااااااااااا
وصايف اقول ياليت كل الحموات مثلك
عندي امتحان صعب "دعواتكم "وكل شوي اكتب وامسح
متاثرة في البارت قلت الازم ادخل واكتب رد
بعد ها البارت الحلوووووووووووووووووووو
تسلمي ام يزيد
وبنتظارك ...................

صباح الخيرات ......صباح الافراح واليالي الملاح .......صباح العشق الاسطوري ....... ياصباح الرومانسية والمشاعر الملتهبة .......ثرثرة جدا جدا رهيبة مليانة مشاعر ومواقف واحداث .......ماقصرتي ام اليزيد جدا هالبارت استهلك مجهود كبير في قرأته فكيف بكتابته الله يعطيك الف عافية يارب على المجهود المميز


حاتم والثريا

واخيرا ياحاتم تحقق المستحيل .......شيء كان فاقد الامل فيه لكن ماعلى رب العباد من عسير وكل تأخيرة وفيها خيرة يمكن ربي كتب انو الثريا تكون لواحد قبله وتجيب منه ولد لحكمة بتكون من صالح حاتم بعدين

مشاعر حاتم متفجرة بكل تلقائية وبدون حكي منسق من قبل لانه تعود يبث مشاعره في الورق بس سنين وسنين وهي ماتدور الي بأعماقه والي يطلعه على الورق مايجي شي من الي يكتمه

واخير قدر يطلع الي بقلبه بصراحة بدون خوف ولا خجل لانو الثريا صارت ملكه وحلاله سنين يتخيل هاللحظة كم له وهو كاتم هالحب حتى حزنه ووجعه على فقدها ماقدر يعبر عنه من حقه بصراحة يعبر لو بالقليل من الي داخله واتوقع انو يبغي يطلع المدفون اخله اكثر بس خوفي من الي ممكن تفلت منه الثريا وتضيع عليه هاللحظات

الثريا لانها متأكدة انو حاتم يعشق ويحب فمستحيل تأثر فيها كلمات الغزل من حاتم وانها تصدقها ولانها سبق وعاشت الغزل والكلام المعسول والنتيجة طعنة قوية غير متوقعة هدت كل قوتها

اتوقع الرواية الجديدة بتكون مختلفة بالنسبة لحاتم لانه بيتكلم فيها عن مشاعره في الوقت الحالي وعن الحلم الي تحقق ومثل ماتعودنا من الثريا تمسك الرواية من النص او من الاخير وبتقراء شي بتفسره من منظورها مثل قبل والله يعين حاتم على الانفجار الي بيجيه منها لانها الي ماقدرت تسويه مع فهد راح تسعى له مع حاتم سواء حبته في وقتها مع اني اتوقع بتحبه او لا بس مستحيل تترك الي صار لها من قبل يتكرر مع حاتم

وان شاء الله حاتم يستوعب مقدار وجعها وصدمتها القديمة الي ماتشافت منها ويحتويها ويبتدي معاها من البداية

مسايرة الثريا لحاتم كانت اول خطوة صحيحة من الثريا مو مطلوب منها تعطيه مثل مايعطيها لانها لسى جروحها ماتشافت ومو بسهولة مشاعرها بتتوجه لحاتم بس هو دامه عاشقها ويبغيها بكل شي فيها بيكسب قلبها وبيكون له وحده

الثريا اكبر عائق هو ذكرياتها مع فهد والمقارنة هي الي تبني حواجز بين الازواج ومحتاجة لوقت صح النسيان نعمة لبني ادم بس لابد من وقت حتى يتمكن هالنسيان ....


نجد وابو طلال

نجد بعد مازالت مثل ماهي حتى عقب اسبوعين من الزواج مازالت غير متقبلة اتمام الزواج بالرغم من معرفتها للحكم الشرعي في رفضها بس صعبة على ابو طلال يقرب منها وهي مو متقبلته بس ابتدت علاقتهم تتعمق شوي وبالتدريج يمكن لو الاثنين مامرو بتجربة قديمة بتمشي حياتهم بس الماضي حاجز كبير بينهم

مثل ماقدر ابو طلال يمتلك حب العيال بيقدر بيوم يحتوي الام وبتكون مشاعرها له .... هي قدرت بهالوقت تحتل بعض من مشاعره عكسه هو بس في فرق بينه وبينها

اول شي الرجال مشاعره وعواطفه ماتحكمه مثل الانثى .......هو فارق شوق بأختياره وبعد ماكرهها وحس بنفور منها بينما نجد فارقت زوجها غصب عنه وهي عاشقته ومابيوم تمنت بعده عنها ...

لذلك صعب اننا نقارن بسرعة تقبل وتعلق ابو طلال بنجد .... والدخان اعتقد نجد قادرة تبعده عنها هي لو ركزت اكثر بفترات تدخينه بتلاحظ انو اذا عصب او توتر لجئ الى التدخين لذلك لازم تراعي هالنقطة علشان تخليه يقلل كبداية الين يفتك منها نهائي وهي قدها ......لو صارت حياتهم الزوجية طبيعية اعتقد ابو طلال بيراعي قرف نجد من ريحة الدخان وبيكون عنده اصار انو مايخلي هالشي يبعده عن نجد بعد ماصارت قريبة ويمكن تحمل ويكون وحامها ضد ريحة الدخان وتتعب من اقل ريحة بسيطة وهالشي مابيرضاه لها ابو طلال

ورحة العمرة بيكون لها اثر ايجابي في نفسية نجد مافي احلى من القرب من رب العالمين في اشرف بقعة على الارض وان شاء الله تهدى نفسيتها وتعيش حياتها من جديد بالتدريج كل شي يصير

اما شويخ تشوف حال عيالها اول بعدين تنقد على عيال غيرها وين اهتمامها باليتامى يومها تسعى لسلب حقوقهم بدون وجه حق ولا لانها مستخسرة عليهم العيشة مثل غيرهم من العيال بين ام تحبهم وابو يهتم فيهم لانو عيالها ماعندهم الي موفرته نجد لعيالها وبعدين لو هي مكان نجد ابصم بالعشرة اول خاطب لها بعد العدة هي متزوجته ورامية عيالها ولا هموها بعد بس لانها مقهورة من شوفة نجد القديمة الي تهتم بلبسها وشكلها ومستخسرة عليها الراحة


الجموح وقايد

قايد ماله حق ابد في تقليل قدر الجموح الي مايرضاه على خواته لايرضاه لبنت الناس ظلمه ممكن يطلع بوحدة من خواته يعاملها هالمعاملة كأنها ارتكبت جرم ماينعفى عنه عيب وربي واحد بعمره هذي تصرفاته الجموح ببيته ماصار لها مدة وهو يبغي يهينها بأي طريقة طيب بتعاقبها يكون بينك وبينها مايحتاج الكل يشوف هالشي منه

مو كافي مقصر بحقوقها فرق بين زواجها وهي بنت ماسيق لها الزواج وبين زواج الثريا .....هي مسكنها بملحق عادي وهي عروس بينما نجد والثريا كل وحدة بيت مستقل لحالهم .... ماسفرها حتى داخل المملكة بينما الثريا شهر عسل بالخارج ونجد بتروح عمرة ..... وفوق كذا سكتت مو اول شي يحرمها منه بس التحقير والاذلال مو رجولة ترى مو بس الي يضرب حرمته مايستحق مسمى الرجولة حتى الي يقصر بحقوق زوجته ويهينها بدون وجه حق بعد مو رجال ......يعني امه مقصر بحقوقها وصبرت وسكتت والجموح سكتت عن اشياء كثيرة فوق انو ضيع عمرها ومسكن علة مكانها جاي يتأمر عليها خير يوم كانو خواته كل وحدة ببيتها وهو مو متزوج مين الي كان يطبخ له السم الهاري جد شي يقهر التقليل من قدر الزوجة شي غير مقبول

لما الجموح قصرت بحقوقها معاه او كانت سخيفة بتفكيرها وقفنا معاه لانه فعلا ماعجبنا تفكيرها بس مو معناته اننا واقفين ومتقبلين تصرفاته وتفكيره ......

انا اكره شي عندي بالواقع الولد الي يقصر ببر والديه علشان اشياء لها حلول مو حل واحد وهو كثير اوجع امه لو من البداية ماتمم بموضوع ميوه الي لو تزوجها ماتحملها رغم جمالها الخارجي كان وصايف ماانوجعت على كبر .... والحين جاي يكمل على زوجته وبنت عمه

هو مايبغي يرتاح ولا يستقر والا كان تصرف بعقلانية ولملم المواضيع ودحر الشر .... ومااعتقد حياتهم بتستقر خصوصا مع طلوع هالاريج الي شكلها وحدة قوية وجريئة الي متصلة بنفسها تاخذ موعد مع قايد وين ابوها الي تقول صديق ابوه يكلمه بدالها والا القضية ماتصير الا بجيتها بكبرها لمكتب المحامي والله العالم عن الهدف بس اعتقد المكالمات بتتكرر منها

لحد الان ماتوضحت لنا هالشخصية ولا غرضها بس مهما كان الهدف مااعتقد انو قايد بيهدم حياته علشانها ولا بيكرر الطعنة الي جات للثريا لبنت عمه ولا هو فالح في الفزعات الي مالها داعي


ميوه

وجع وجع هذي شسالفتها عندها عقدة من شي اسمه اثنين مستقرين بحياتهم عندها مرض اسمه التفرقة بين اثنين ماصار لها دقايق مع الجموح وهي تحذرها تروح تبغي تخطب صديقتها لقايد الي مو من فترة متزوج وبعدين وحدة مصادقتها اكيد مثلها همها الفلوس والتقزز بالرجاجيل لاحيا ولا خجل من احد

اتمنى الجموح ماتتركها تتهنى دقيقة بالبيت وهي الي تعجل بطلعتها منه دامها تجرأت بكل وقاحة تكلم قايد في هالموضوع وسبق وتجرأت وتدخلت بحياة الدانة لابد من تنكيد حياتها قايد بيداوم ومابيكون عندها على طول ولابد الجموح بتختلي فيها مع اني متأكدة انها بتظل فترة تحبس عمرها بالجناح اوقات غياب قايد

بدل ماتكسب الي بالبيت علشان بنتها الي بتتركها عندهم بتخليهم حتى هالبنت يكرهوها شهالادمية اللي مالها هدف بحياتها ويومها اخذت ورثها باي حق تطلب فلوس لها من قايد صدق وقاحة اصلا مو من حقها تطلب هي مالها اي صفة بقايد حيالله ارملة ابوه وصارت بذمة غيره وام اخته الي مو جايبه خبرها بس السطحية وماتفعل وهي الي تجيب الاعداء لنفسها وتسعى لهم

الدانة وماهر

بدت الايجابيات من بعد دانة تظهر على مويهر الي ماكان يمل من ربعه ومن البر صار مايطيقها ومايبغي الا البيت الي فيه ريحة الدانة والي تحمل ذكرياتها ومايبغي الا قربها اي خليه يحس قد ايش تبطر على النعمة الين زالت منه البعد خيرة علشان تكون دانة عزيزة اكثر واكثر ويفكر المرة الجاية مايضيع فرص قربها منه لاي سبب كان والله يجمعهم قريب وتنتهي فترة العقوبة وتكون دانة تحمل جنين من الشخص الي قلبها ينبض له


في انتظار ثرثرتك القادمة