*****الجـــــــــــزء 31******
بعد مارجعو اهل بندر للبيت حلا اخذت حمام ودخلت بالفراش تبي تنام
الا جوالها يدق
حلا /الوو الوو الوو يعني داقين بس تسمعون صوتي
وربي عارفه انه حلو بس مو عاد لدرجه الازعاجات هذي
ضاري/ السلام عليكم
حلا/وعليكم السلام من معي؟
ضاري/ انا ضاري بس ارجوك لاتقفلين
حلا(يمه من وين جاب رقمي )
حلا/ هلا اخوي اي خدمه؟
ضاري/ انا بالاول اسف اني داق بهالوقت بس ماحسيت بنفسي الا يوم دقيت
حلا.......
ضاري/ حلا انا بصراحه من يوم شفتك بالعرس ذيك المرة
وانا مو قادر اشيلك من بالي حاولت بس ماقدرت
ادري اتضالي خلاني زي المراهقين بس كنت حابب اسمع ردك على طلبي بنفسي,وترى انا
اخذت رقمك من جوال عاليه وهي ماتدري اروك لاتقولين لها
حلا...........
ضاري/ترى ذي اول مرة اكلم بنت بحياتي
حلا......
ضاري/ ياليت اسمع ردك
حلا/ انا اناا
ضاري/ ادري اتصالي اربكك بس والله انك دخلتي قلبي ولا راح الاقي احسن منك ارتبط فيها
عارف ان فرق السن يمكن يكون سبب لرفضك بس لو وافقتي ماراح اخليك تحسين بهالفرق
حلا/ السن مو مقياس
ضاري / انا تكلمت والحين دورك
حلا/ بصراحه اتصالك فاجاني انا اول مرة اكلم رجال غريب عني
بخصوص الطلب ابوي اسمه ابو بندر اسأل عليه ويدلونك على بيته وهو بيجاوبك على طلبك
ضاري/ يعني انتي ماعندك مانع؟
حلا......
ضاري /انا غامرت واتصلت عشان اسمع رايك انتي
حلا/ اممم انا ماعندي مانع بس ياليت تاجلها شوي
ضاري/ليش؟
حلا/ماادري ابي اخذ راحتي بالتفكير
ضاري/ اذا كذا ماعندي مشكله ناجل اهم شي انك موافقه عالموضوع
طيب اخليك الحين واسف مرة ثانيه على جرأتي مع السلامه
حلا/مع السلامه(يوووة معقول قلت له اني موافقه ؟وربي اني مااستحي ,لا لا
عادي مافيها شي هو داق يسمع رايي قبل يتقدم رسمي)
*&*&*&*&*&*&*&*&*&*&*&*&*&*&*
../انت ماعليك الرقم حقك مو باسم يعني ماراح يعرف من انت بس خلك وراه لين يشك فيها
../بس شكله واثق فيها
../كثر الدق يفك اللحام يالله باي
../بايات
خالد/ وش السالفه ومن ذا اللي واثق؟
ثامر/ موضوع خاص
خالد/ افااا تخبي صديقك طيب قولي يمكن افيدك
ثامر/ اذا بتفيدني مافيه مشكله بقولك اسمع يالغلي هذا الله يسلمك .............
&*&*&*&*&*&*&*&*&*&*&*&*&*&*
حسام وعاليه سافروا لندن يقضو شهر العسل ولهم اسبوعين
حسام/ علايه انا بروح اجيب العشاء اللي نفسك فيه وماراح اتاخر
عاليه/حسام خذني معك اخاف بروحي
حسام/كلها 10دقايق وبجي يالله سلام وجهزي الشاهي على بال مااجي
&*&*&*&*&*&*&*&*&*&*&*&*&*&*
ياسر/انت وبعدين معك؟ترى اقلقتني وكرهتني عيشتي
ثامر/ياخي اعصابك ولاتتشطر علي انا روح تشطر على اللي
مستغفلتك ومخليتك زي الخروف وراها هههههههه
ياسر/ الله يلعنك انت من وين طلعت لي؟
ثامر/ اسمع اذا مو مصدقني اليوم اثبت لك ,انت بس اذا صرت بالبيت عطني رنه
ياسر/تثبت ايش؟؟ الوو الوو رد ياحيوان
ياسر((الله ياخذك من وين طلعت لي معقول يخليني اشك بشوق ؟لا لا مستحيل
انا لو اشوفها بنفسي مااصدق بس ودي اعرف وش بيستفيد من كلامه))
&*&*&*&*&*&*&*&*&*&*&*&*&*&*
هند /كنت بخليها مفاجأة
صقر/ياقلبي انتي وربي فرحت بس انتي سمعتي الدكتورة ايش قالت
هند/ وانا مستحيل اسوي اللي قالت عليه
صقر/ بلاش عناد هذا لمصلحتك وانتي عندي اهم من 100ولد
هند/ مستحيل انزله مستحيل
صقر/ الله بيعوضنا عنه
هند/ صقر تكفى لو تحبني لاتخليهم ينزلونه
انا حلمي اكون ام لطفل
صقر/ العمر لسى قدامنا
هند/ انت سمعت الدكتورة تقول نسبه حملي قليله او شبه معدومه الله يخليك ماابى انزله
صقر/ طيب من عيوني اللي يريحك بسويه بس هدي نفسك
&*&*&*&*&*&*&*&*&*&*&*&*&*&*
عاليه/ افففف هذا وين راح ؟قالي 10دقايق وصار له ساعتين ايش اسوي؟
مالي غير ضاري خلني اكلمه واشتكي عليه
بس ضاري وش بيسوي لي ؟ولو اهم شي اكلم احد ,رفعه الجوال بتدق
الا هو يدق برقم غريب
عاليه/ الوو
المتصل/ الوو مرحبا اختي
عاليه/ هلا اخوي من معي؟
المتصل// تعرفين صاحب هالرقم .....056انا دقيت على اخر رقم دق منه
عاليه/ ايه هذا رقم زوجي ليش؟ وانت من وهو وينه؟
المتصل/ انا فواز من مستشفى ........ ويأسفني ابلغك ان زوجك
سوى حادث والسيارة انحرقت باللي فيها ونبيكم تجون ضروري
عشان تتعرفون عليه
عاليه طاح الجوال من يدها واغمى عليها
&*&*&*&*&*&*&*&*&*&*&*&*&*&*
شوق/ يسوري اشفيك صاير عصبي وآلله مو لآيق
ياسر/ شوق تكفين خليني بروحي
شوق/ لآ ماراح أخليك ألآ لما اعرف انت اشفيك
ياسر / مافيني شي بس الشغل متعبني شوي
شوق / طيب حبيبي دقايق بس اسوي لك عصير ليمون يهدي أعصابك
بعد ماراحت شوق دق ياسر عالرجال رنه وآلرجال رجع دق
ياسر / الو
ثامر /هلا , وينك في البيت
ياسر / ايه
ثامر /طيب خليها تعطيك جوالها
ياسر / ليش
ثامر /انت بس خذه وشف الاثبات على كلامي , وقفل الخط
شوق /وهذا العصير وصل
ياسر يطالع فيها والتفكير بيذبحه
شوق / اشفيك تطالع فيني كذآ
ياسر / هآآآه لآ لآ ولآشي , إلآ وين جوالك
شوق / في الغرفه ليش .؟!
ياسر / ممكن تجيبينه
شوق /ليش وش تبي فيه
ياسر / اممم بآخذ رقم حسام أمسح من عنديٍ
شوق / طيب دقايق أجيبه وأجي
راحت شوق وجابت الجوال
شوق /تفضل , بس إسمع عنديٍ لك خبر حلو وراح يفرحك
ياسر / وشو .؟
شوق /اممممم بعد سبعه شهور بتصير ....
ياسر / بصير ايش
دق جوال شوق بيد ياسر , ياسر رفع الجوال وشاف حبيبي الغالي يتصل , طالع في شوق
ورد طالع بالجوال وهو متردد يرد ولآ لآ
بس أخيرا رد <<<<ليته مارد
ياسر / الو
ثامر /هلآإ وآلله بالغالي ,ليش ترد على جوال حبيبتي ههههه
هآهـ ألحين صدقت يالثور ولآ باقي وربي انك غبي
ياسر / ياحقير يالحيوان , ورمى الجوال
شوق / ياسر وشفيك
ياسر / ولك عين تتكلمين يالحيوانه وقام عليها ومسكها مع شعرهـآ
ياسر / ليش يالكلبه طول عمري احبك ولآ بيوم بتلآقين اللي يجبك كثري
شوق / آآي آآآي شعري , انت عن ايش تتكلم
ياسر ,فك يده من شعرها ولفها جهته وعطاها كف
ياسر / اتكلم عن خيانتك يالحيوانه عمري ماتخيلتك تسوي كذا
شوق / ياسر انت انجنيت وش تقول
ياسر / انا أنجنيت فعلآ يوم حبيتك اسمعي يالمحترمه , ومد لها الجوال هذا من هآهـ .!
شوق تطالع المكالمات المستلمه من حبيبي الغالي
شوق/والله ماادري من هذا
ياسر/ ايوة بصدقك لاني حمار وغبي ماافهم ,وحده مسجله حبيبي الغالي
بجوالها وماتدري من هو
أصلآ قالتها ام راكان انك وصخه بس انا غبي ماصدقتها
شوق / وآلله العظيم ما أدري مآآآآ آدري
ياسر فقد أعصأبه ونزل فيها ضرب ورفس ليين قال بس وبعدين
طلع من البيت وخلاهـآ مرميه على الأرض
&*&*&*&*&*&*&*&*&*&*&*&*&*&*
عاليه فاقت من ألأغمائه وتذكرت المكالمه وعلى طول دقت على ضاري
ضاري /الو
عاليه وهي تبكي , ضاااري الحق علي
ضاري / وشفيييه
عاليه / حسااااام مماااات ماااات
ضاري /اييييييييييييش .!.!!!!! ,كيف مات توه مكلمني قبل ساعه
عاليه / ما دري والله بس توه واحد دق علي وسالني عن
جوال وقالي انهم لقوا سيارته محترقه باللي فيها
وآلله مو مصدقه معقول حسام يروح ويخليني ليه يارب لييه
ضاري / هدي هدي ياقلبي اكيد غلطانين او مشبهين عالسياره
عموما انا الحين احجز وأجيك بس اكلم واحد معرفه هناك واخليه يوجي اخته عندك
عاليه / ما ابي احد غير حساااام جبولي حساااااااااام
ضاري / استغفري الله ياعاليه انتي انسانه مؤمنه وادعي له
عاليه / ضاري لا تخليني بروحي
ضاري / هذا انا بر وح المطار بس انتي هدي يالله سلآم
&*&*&*&*&*&*&*&*&*&*&*&*&*&*
شوق بعد ماراح ياسر حاولت تقوم بس ماقدرت جلست
تسحب على يدهـآ ووصلت للجوال دقت على سحر
سحر / الوو
شوق وهي تبكي , سحر الحقي علي
سحر / شوق وشفيك
شوق / تعالي بسرعه وقفلت الجوال
بعد 10 دقايق وصلت سحر وحصلت شوق مرميه عالارض
قربت منها
سحر/ شوق من سوى فيك كذا؟
شوق/ سحر بطني بمووت الحقيني
سحر/ وش هالدم؟
شوق/ بسرعه وديني المستشفى والله بموووت
سحر نادت السواق وساعدها وودو شوق للمستشفى
&*&*&*&*&*&*&*&*&*&*&*&*&*&*
عاليه /انتي ميين
ساره/ انا اخت صديق ضاري افتحي
عاليه فتحت لها الباب
عاليه/ هلا تفضلي
ساره/ هلا فيك كيفك انا سارة واخوك كلم اخوي عشان اجي عندك اذا مايضايقك وجودي
عاليه حضنتها وبكت/ حساام مات وعدني مايخليني
وكذب علي وراح ليه ياحسام تخليني لييييه
ساره/ اهدي ياعمري وادعي له هذا قضاء الله وقدرة
عاليه/ آآآآه ياحسااام
ساره ضمتها حيييل وجلست تبكي معها
ساره ضلت مع سارة ونامت عندها لين جاء ضاري
اليوم الثاني راح ضاري للمستشفى وتعرف على جثه حسام ولو انها كانت ملامحه مختفيه من شده الحروق بس اللي بقي من السيارة الجوال
ولو مو هو مااحد عرف حسام وين راح
بعد الاجراءت والتحقيق رجع ضاري وعاليه للسعوديه ومعهم جثه حسام
&*&*&*&*&*&*&*&*&*&*&*&*&
الدكتورة /انا لازم نسوي لها عمليه عالسريع
سحر// ليه وشفيها؟
الدكتورة/ كانت حامل والجنين ماتحمل ونزل والحين ممكن توقيعك عالاوراق؟
سحر/ لحظه ادق على زوجها
سحر/ الو ياسر
ياسر/ خيير وشفيه
سحر/ ياسر تعال المسستشفى شوق تعبانه ومحتاجه عمليه ويبون توقيعك
ياسر/ بالطقاق انا وش دخلني فيها وقولي لها ترسل احد ياخذ اغراضها من البيت لااجي بكرة والاقي شي يخصها ببيتي ,وقفل الخط
سحر!!!!!!
الدكتورة/ ياللختي خلصينا البنت حتروح من ايدينا
سحر/ اوكي جيبي الاوراق انا بوقعها
*&*&*&*&*&*&*&*&*&*&*&*&*&*&*&*&*&
نهايه الجزء 31
06-07-12, 03:46 PM
جديد مواضيع قسم القصص المكتمله
العرض العادي
