كاتب الموضوع :
اسطورة !
المنتدى :
القصص المكتمله
آبوآلوليد : ليه مَ تروح تسوي لك فحص شآمل
آلوليد : مآله دآعي
آبوآلوليد : آلا له .. صحتي آحسن من صحتك هذآ وآنآ آلشآيب
عبدالعزيز : تكفى يبه رح
آلوليد : لا تحنون علي .. ضغط وآرتفع مَ فيه شيء مهم
آبوآلوليد : آكيد بيرتفع من هآلشغل آللي آدمنته
آلوليد ضحك بخفه : يعني آتركه
آبوآلوليد : آيه آتركه وعيش حيآتك
آلوليد : ههههههه يبه
آبوآلوليد : وآنآ صآدق شوفني مَ آرتحت لين خليت آلشغل
آلوليد : معليه يبه آنآ كذآ مرتآح
عبدالعزيز وعينه ع جنآ : مَ نمتي
دخلت آلصآله وجلست جنب جدهآ : لا
آبوآلوليد : آليوم جآء مشآري وسأل عنك
جنآ بضيق : آدري
آبوآلوليد : ههههههه يَ حليله
آلوليد : قصدكم آلنزغه
عبدالعزيز : مشآغب هآلولد آلله يعينهم عليه
آلوليد : كأنه آبوه وهو صغير
جنآ: ههههه آكيد على عمي لان آمه حيل هآديه
آبوآلوليد : آيه وآلله هآديه وطيبه
عبدالعزيز : هآلخميس بروح آلدمآم يعني آللي حآب يجي معي .. ضحك ع شكلهآ
جنآ طيرت عيونهآ فيه بذهول
آلوليد : خلهآ آلاربعآء آحسن
عبدالعزيز بضحكه : وش رأيك جنآ
وقفت : بنروح لامي
آبوآلوليد : ههههههه
عبدالعزيز بعد عنهآ لمى جلست جنبه : قوول وآلله
عبدالعزيز : ههههه وآلله
جنآ : بس لايكون مثل ذيك آلمره < وبتقليد > آسف مقدر
عبدالعزيز : لا آن شآء الله بنروح بس مو تقولين لهآ
جنآ صفقت من حمآسهآ : وآآآآي ونآآسه لا ومفآجأه بعد
ههههه آتخيل شكلهآ
آبوآلوليد : ههههه يله قومي نآمي .. يله تأخر آلوقت
وقفت وبضحكه : طيب .. آصلا آنآ جيت آشوف وش تسوون قبل لا آنآم .. وآلحمدلله آني نزلت لكم
آلكل : ههههههه
بغرفه مشآري
ع آلكرسي آلهزآز ..
مسحت ع شعره بحب وهو يرضع منهآ
بلعت ريقهآ وسندت رآسهآ
تعلقت عيونهآ بالسقف
تنهدت لمى تذكرت هذآك آليوم آللي
آصرت فيه ع تفسير حلمهآ
[ نوف : طيب وش آقول
سمر : لاتقولين شيء بس آرسلي له حلمك كله وآكتبي حآلتك يعني متزوجه
نوف بمقآطعه : آففف آخآف مَ يعرف
سمر : نوف وش هآلكلام هذآ شيخ وآلكل يعرفه يله عآد
صدعتي رآسي
نوف : طيب
سمر : سمي بالله وآرسليه له
نوف : طيب
سمر : وش فيك يَ حظي .. ترآ مَ فيه شيء يخوف
نوف : مَ فيني شيء خلاص يله بآي
سمر : سلاآآم ..
سكرت من سمر وآرسلت حلمهآ ع آلرقم
آنتظرت كثير .. وباليوم آلثآني
آرسل لهآ : آنتبهي من آلنآس آللي حولك وآلله آعلم
[ نوف ]
شلون آنتبه .. آآآه يعني وش بيصير لي اكثر
< هزت رآسهآ > آعوذ بالله من آلشيطآن آلرجيم
لاتوسوسين يَ نوف حيآتك مَ فيه آحلى منهآ
وآن شآء الله بتظل
آبتسمت بسرعه لمى شآفته وآقف ومتسند ع آلبآب
حست فيه متضآيق .. آشرت له بـ [ آصص ]
آلفيصل بهمس : متى يخلص
نوف كتمت ضحكتهآ ورجعت تأشر له
بعد ربع سآعه ..
الفيصل ع آلسرير : متى تفطمينه
طلعت من غرفه آلملابس بعد مَ لبست قميص آلنوم : لسى بدري
الفيصل بضحكه : وش بدري عمره سنه ونص خلاص آفطميه
نوف : من قآل سنه نص ولدي توه صغير
آخذت آلمرطب وجلست ع حآفه آلسرير
آنحنت عشآن تحطه ع رجولهآ
آرتعشت من لمسته لمى بعد شعرهآ عن ظهرهآ
بآسهآ بخفه ع ظهرهآ وبهيآم : علميني هالكون بعدك وش يكون
لفت له وع محيآهآ آبتسآمه كلهآ حب
حط يده ع خدهآ وعيونه بعيونهآ
آستحت من نظرته لهآ .. حضنته عشآن مَ تشوف نظرآته لهآ
الفيصل ضحك بخفه لمى ضمته
بعدهآ عنه و...
فتح عيونه بتثآقل ..
لف عليهآ وبخوف لمى شآفهآ صآحيه : ندى
تعدل بجلسته بسرعه : ليه مَ نمتي .. تعبآنه
ضحكت بخفه : تضحك على آمك وآنت خويف زيهآ
حط يده ع بطنهآ : يعني مَ فيك شيء
ندى : لا
فهد تنهد برآحه .. رجع تمدد ع جنبه وعيونه عليهآ
ندى مررت يدهآ ع خده : آرجع نآم حبيبي
نزل يدهآ وبآسهآ وع محيآه آبتسآمه
فهد : حآولي تنآمين
ندى بمقآطعه : عجزت
ضحك ع شكلهآ : وش فيك آحسك فرحآنه
ندى بآبتسآمه عريضه : مدري وش فيني .. بس حآسه بفرح
هههه
ضحك وبحب : دووم آن شآء الله
ندى : وآلله مدري ليه بس فيني حمآس غريب
خآطري يجي آلصبح بسرعه
فهد : وش رأيك نطلع نمشي
ندى : آكيد وآلا بتسحب علي
فهد : هههههه لا آن شآء الله
ندى : نمشي ثم نروح نفطر زي قبل
فهد : يَ آلبطينيه
ندى : حرآم عليك كله من بنتك
فهد : آآآه متى تجي
ندى بآبتسآمه عريضه : بعد شهرين وآسبوع
فهد : ههههه
بعد صلاه آلفجر ..
نزلت آلسجآده ع آلكنبه ورجعت شعرهآ آلمبلل ورى
مشت للسرير .. جلست جنبه
تأملته بحب
زآدت دقآت قلبهآ لمى تذكرت آللي صآر بينهم
مررت يدهآ ع رقبتهآ وبلعت ريقهآ
حست فيه تحرك ..
بآسته ع خده: حبيبي
آبتسم بخفه : همم
نوف : قوم صل مَ يجوز تأخرهآ
سحبهآ له وحضنهآ : آصص بنآم .. دفن رآسه بشعرهآ
نوف : هههه قووم ..
الفيصل : نآمي آحسن لك
فكت نفسهآ : كيفك آنآ صليت وخلصت
تمددت وعطته ظهرهآ غمضت عيونهآ
فتح عيونه وبحب : جففي شعرك لاتمرضين
آبتسمت بخفه ع خوفه عليهآ
حست فيه نزل من آلسرير
لفت وجههآ عليه وآستحت من منظره
لف وجهه عليهآ وبآبتسآمه : نآمي يَ آلنكديه
سمعت صوت آلمآء .. تعدلت بجلستهآ
وتنهدت برآحه .. تلتهآ ضحكه خفيفه
نزلت من آلسرير وطلعت من آلغرفه
فتحت بآب غرفه مشآري
ومشت لسريره ..
نوف : يَ قلبي .. آنحنت وشآلته : بسم آلله
بآسته وطلعت من آلغرفه
بعد مَ خلص صلاته
مشى للسرير .. جلس ع آلحآفه ومسك رجله
نوف بهمس : خله ينآم
آلفيصل بآبتسآمه : تصدقين فكره
عقدت حوآجبهآ : وش
آلفيصل : نجيب له آخو وآلا بنوته آحلى
ضحكت بخفه : غيرت رأيي
آلفيصل : عشآني وآفقت
نوف ويدهآ ع شعر مشآري : بدري تو آلنآس
ضحك لمى فهم آنهآ تبي تعآنده
آلفيصل : هذآ بس يرضع خلاص آفطميه
نوف : يرضع من آمه آنت وش دخلك
آلفيصل : آنتي شآيفه جسمك مَ بقى فيك شيء
وهو
نوف : بسم آلله عليه .. تحسد ولدك
آلفيصل رمى آلفوطه آلصغيره عليهآ : آمزح معك
آلله يخليكم لي
نوف بآبتسآمه : آيه كذآ
تمدد ع بطنه وعيونه عليهآ
آبتسمت ع نظرآته لهآ
مدت يدهآ لشعره آلمبلل وبضحكه : جفف شعرك لاتمرض
ضحك بخفه : مو صآير شيء آن شآء الله
نوف بمزح : آجل نطفي آلمكيف .. ضحكت ع شكله
آلفيصل : آقوول آقعدي ترآ حنآ بالريآض
السآعه 6 وربع صبآحآ ..
آستمعت لسوآلفه وكلهآ رغبه بالجلوس
ضحك بخفه ولف عليهآ : حبي
ندى : فهودي خلنآ نجلس
وقف : تعبآنه
ندى : لا
فهد : آلا .. آنتي ليه تكآبرين
ندى تمسكت بيده : تكفى خلنآ نجلس
فهد : خلينآ نرجع آلبيت وآلا آقولك آلمستشفى آقرب
ندى : ليه آلمستشفى
فهد : آبي آتطمن عليك .. حرآم يعني
ندى : توني آمس رآيحه
فهد بمقآطعه : آبي آروح معك آبي آشوف بنفسي
ندى : آففف فهودي لاتصير
فهد بمقآطعه : ريحيني يَ ندى ولاتعيشيني بهآلحآله
ندى بذهول : آي حآله
فهد : حآلتك هذي .. تتألمين ولا تقولين لي
ضحكت وسط آلامهآ ع كلامه
عقد حوآجبه : ليه تضحكين
ندى بضحكه : آلظآهر آنت آلحآمل مو آنآ ..
مشت عنه ومشى ورآهآ
ندى لفت وجههآ له : من حملت وآنت متغير
فهد : آنآ !!!
ندى : هههه آيه آنت .. صآير حسآس و
فهد بمقآطعه : حسآس !!!
ندى بضحكه : حبيبي ترآ من آللحين آقول لك آنآ مَ آحب هآلنوعيه من آلرجآل .. خلك قآسي
ضحك لمى عرف آنهآ تمزح : يعني تبيني آتوطى ببطنك عشآن ترتآحين
ندى : هههههه لا يمه مو كذآ
مسك يدهآ وبخوف : هآه نجلس
بلعت ريقهآ وحطت يدهآ آلثآنيه ع بطنهآ : آييه
بعد مَ جلسوآ
فهد نزل يده بعد مَ شآف آلوقت : كلهآ ربع سآعه وتشوفين آلحر صدق
ندى : آلجو بهآلوقت حلو .. يذكرني بآيآم آلبرد آلحلوه
فهد : لا وآلله آلصيف آبرك على آلاقل آلوآحد يتنقل بحريه
ضحكت ع كلامه : ممكن نروح نفطر
لف وجهه عليهآ وضحك
ندى : آفففف خلاص بطلت آكل
فهد : هههه لاوآلله خلاص آخر مرره .. سآعدهآ توقف : يله يَ آم .. آلا صح وش بنسميهآ
ندى : آيه ذكرتني كنت بآخذ رأيك بآسم نهآوند
فهد : وووش
سكتت لمى شآفت رده فعله
فهد : وش ذآ آلاسم .. لو آنك قآيله رقيه آبرك
فكت يدهآ منه وبزعل : رقيه !!!
فهد بسخريه : وش آلاسم عيديه تكفين
ندى بجديه : من آللحين آقول لك آللي يحمل هو آللي يسمي
فهد : ههههه لا وآلله ..
مشت عنه .. ولمى مَ شآفته لحقهآ لفت عليه : خلصني ذبحني آلجوع
ضحك ودخل جوآله .. مشى لهآ
فهد : تفضلي آم رقيه
طيرت عيونهآ فيه
ضحكت بسخريه : شرفت ست آلحسن
عقد حوآجبه ولف عليهآ
بعدت عن آلنآفذه وبكره : آقصد عمتك
تنهد وآخذ شنطته .. طلع من آلغرفه
ومشى نآحيه آلدرج
حط يده ع آلدرآبزين وآستمع لهم
آم مطر : تو مَ نور آلمكآن
هيآء : منور بوجودك يَ خآلتي .. شلونك طيبه
آم مطر : بخير آلحمدلله آنتي شلونتس
هيآء : آلحمدلله
آم مطر مشت للصآله : تعآلي خلينآ نجلس عندي كلام كثير بقوله
هيآء : وين لميآء
لف وجهه لغرفه لميآء وبهمس : حسبي آلله عليك
تأفف ونزل تحت
لفت وجههآ له لمى شآفته نآزل
آبتسم بوجههآ : يَ زين صبآحنآ بوجود آم مشعل
آبتسمت له .. قرب منهآ وبآس جبينهآ
هيآء : هلا يمه
آم مطر تعبت من آلوقفه : آنآ بجلس وآنتم بكيفكم
سعود : وآلفطور
آم مطر : جيبوآ لي قهوه بس
ضحك بخفه : تفطرين معي
هيآء : مع آني آفطرت من زمآن بس يله عشآنك
سعود : خليهم يجيبونه للصآله
جلسوآ ودخلت شيخه
سلمت ع هيآء
آبتسم لهآ وبآدلته آلابتسآمه
شيخه : صبآح آلخير
سعود : صبآح آلنور وآلسرور
ضحكت آم مطر ع كلامه
آبتسمت شيخه بخجل
سعود : شلونك آليوم
شيخه : آلحمدلله لاتخآف ..
هيآء بلعت ريقهآ : لميآء درست
آم مطر تنهدت ونزلت رآسهآ
سعود : شيوختي خليهم يجيبون آلفطور
هيآء : يعني آفهم آنهآ مَ رآحت
سعود : خليهآ يَ عمتي هآلدلع مصيره يروح
وقفت : آفطر آنت يَ سعود آنآ بروح آشوفهآ
سعود : عمتي تكفين آخآف تزعلك وآلا
هيآء بمقآطعه : مو لميآء آللي تزعلني يَ سعود
شيخه لفت وجههآ لسعود لمى صعدت هيآء : يَ رب ينحل آلموضوع
آم مطر : آلله يكتب لنآ مَ فيه آلخيره
سعود : آميين
شيخه وقفت : بروح آقولهم
عدل شمآغه وهو نآزل من آلدرج
دخل آلصآله ومشى له
رفع رآسه لمى شآف جآي : تأخرت آليوم يَ عزيز
جلس مقآبله وبآبتسآمه : صبحك آلله بالخير
آبوآلوليد بضحكه : صبحك آلله بالنور وآلسرور .. ترآني ملاحظ عليك بهآليومين صآير تتأخر
عبدالعزيز بمقآطعه : ههههه عآرف وش بتقول
آبوآلوليد : هههههه ضبط سآعتك يَ ولدي ترآ شغلك مهم
عبدالعزيز : جدي ترآ كلهآ كم يوم
آبوآلوليد : آفآ آنت يَ عبدالعزيز تقول هآلكلام .. وين حرصك ودقه موآعيدك
عبدالعزيز وقف : آلكلام معك يرد آلروح لكن شغلي مهم على قولتك
آبوآلوليد : ههههههه الله يوفقك
عبدالعزيز بآس جبينه : تأمرني شيء يَ آلغآلي
آبوآلوليد : آيه
عبدالعزيز : سم
آبوآلوليد : آبوك
عبدالعزيز فهم قصده : طيب آليوم بمره بمكتبه
آبوآلوليد وقف وتسند ع عصآه : لا تخليه يمشي كلامه عليك
آغصبه
عبدالعزيز : شلون تبيني آغصبه يَ جدي
آبوآلوليد : عآد آنت حلهآ بكيفك آهم شيء يروح يفحص
عبدالعزيز تنهد : وآلله آنآ مَ خفت آلا من كلامك
آبوآلوليد : لا يَ بوك لاتخآف مَ فيه آلآ آلعآفيه
بس بعد مَ فيهآ شيء يروح يفحص
عبدالعزيز : آن شآء الله تبي شيء ثآني
آبوآلوليد : لا تسلم
عبدالعزيز : يله آجل مع آلسلامه .. مشى عنه
آبوآلوليد مشى ورآه : آيه صح آليوم آلعشآء لاتنسى < بمنآسبه رجوع آلفيصل >
عبدالعزيز ضحك بخفه : مَ عليك مني آنآ سآكن هنآ قول للي برآ
آبوآلوليد بضحكه : مَ عليك بحرص عليهم
جلست ع حآفه آلسرير وعيونهآ آلمحبه عليهآ
تأملتهآ وهي نآيمه بسلام
مررت يدهآ ع غطآهآ بحب كبير
تنهدت بخفه .. لفت وجههآ للكمودينه
آللي عليهآ صورتهم
رفعتهآ بخفه وتعلقت عيونهآ فيهم
دآرت عيونهآ مَ بين مشآري آللي رآح
وآرتآح من شقى آلدنيآ وآللي في هـ آلدنيآ
آبتسمت بخفه لمى دققت بملامح سعود آلصغير
وتمنته يرجع لذآك آليوم .. ع آلاقل
مَ كآنت همومه كثيره هآلقد
زآدت آبتسآمتهآ لمى وقفت عند لميآء آخر آلعنقود ..
تحبهآ بجنون ومن حبهآ
تبيهآ تكون له طول آلعمر لكن خآيفه يكون
ورآ رفضهآ شيء
يهدم آحلامهآ آللي بنتهآ لهم < لميآء + مشعل >
آختفت آبتسآمتهآ لمى وصلت للبنت آلصغيره
مَ تربطهم آي صله آلآ آنهآ تشوف تشآبه كبير
بينهآ وبين قصتهآ
هي آنتهى ضيآعهآ لمى رجعت لمكآنهآ آلآصلي
ولنآسهآ وآهلهآ
لكن نوف للحين ضآيعه
مَ بين مآضيهآ ومستقبلهآ
ضآيعه وآلاهم آنهآ مَ تعرف من تكون
ومن بنته !!!!
نزلت آلصوره وشردت بحآل نوف
[ هيآء ]
ليتني مَ عرفت شيء .. ليتني
مت قبل آليوم آللي عرفت فيه كل شيء
آآآآه يَ نآيف وش آللي سويته فيني
سآعآت آحس آني بنسى نفسي وآقول لهآ كل شيء
سآعآآت آحس آن لسآني مني بيفلت وبيفضحني
آآآآه مدري ليه تآعبني هآلسر
وهو مدفون من سنين
لا يَ هيآء آصحي .. نوف بنت نآيف
آيه بنته ومحد آبد بيعرف باللي صآر
آدفني هآلسر آكثر وبيستمر كل شيء زي مَ هو
بلعت ريقهآ وغطت لميآء عدل
نزلت آلصوره ع آلكمودينه.. ومشت بشويش للبآب
طلعت وسكرت آلبآب بشويش
بالصآله ..
آم مطر : وآلله بس
شيخه بمزح: آيه لو آنهآ آم مشآري وآلا لميآء كآن وآفقتي تفطرين عشآنهآ
آم مطر : ههههه وآلله آنه غلاتس من غلاتهن
شيخه : ههههه آدري يَ خآلتي آلله يخليك لنآ
لفت وجههآ ع هيآء لمى دخلت
هيآء بآبتسآمه : آلظآهر آنهآ مَ نآمت آلا متأخر حرآم مَ حست فيني
شيخه : آصب لك حليب
هيآء : لا بس
شيخه : وش فيكم آليوم
هيآء تنهدت ورجعت ظهرهآ
آم مطر كآنت شآرده
شيخه تضآيقت لمى شآفت حآلتهم ..
بغرفه آلاكل السآعه 10 صبآحآ ..
لف وجهه ع آلبآب لمى سمع صوت آلكعب
آبتسم لمى شآفهآ لابسه تنوره بيضآء قصيره
ضيقه وتوب آورآنج
جلست وبدت تأكل بهدوء
مد يده ورجع شعرهآ .. آبتسمت له
آلفيصل بتنهيده : وآلله آني محظوظ
نوف بضحكه : وليه
آلفيصل : عندي وحده مثل آلقمر
نوف بضيق : مثله !!!!
آلفيصل : هههههه
نوف : قول لي وش كآن يبي سعود
الفيصل : عزمنآ ع آلغدآء
نوف : آسآسآ آنآ كنت بسألك آذآ آنت فآضي نروح
لهم
الفيصل بمقآطعه : لا حبي مقدر
نوف عقدت حوآجبهآ : ليه
آلفيصل نزل عيونه : عندي غدآء عمل .. بدأ يأكل
نوف : غدآء عمل !! بس آنت قلت لي
آلفيصل بمقآطعه : آدري بس شغله وطلعت لازم آنهيهآ
نوف بـتأفف : مدري متى يخلص شغلك توك آمس رآجع
آلفيصل مَ رد عليهآ
رآقبته وهو يأكل .. قهرتهآ حركته آلغير مقصوده
صبت لنفسهآ عصير .. وشربت من كأسهآ
لفت وجههآ له لمى شآفته يتلفت
نوف وعينهآ ع صحنهآ : وش تدور
آلفيصل : مَ جآبت آلجرآيد آلخدآمـ
نوف بمقآطعه : آنآ بجيبهم .. وقفت وطلعت
بعد ثوآني ..
مدتهم له .. آخذهم منهآ وبآس يدهآ
جلست وكملت فطورهآ
ضحك بخفه لمى عرف آنهآ زعلانه
تصفح آلجرآيد بدون آهتمآم
لانهآ ببسآطه مجرد عآده تعود عليهآ بسبه آبوه
وصل عند صفحه آبدآ مَ كآنت مهمه
آلا هآلمره كآنت آلسبب بـ هيجآنه
لفت وجههآ عليه وعقدت حوآجبهآ من شكله
نزلت عيونهآ للخبر آللي قآعد يقرآه
آخذتهآ منه وقرت آلخبر
آلفيصل : كنت عآرف
رمت آلجريده وبدون آهتمآم مصطنع : مَ يهم تزوجوآ وآلآ آحترقوآ
آلفيصل بعصبيه : مَ يهـــــــم !!!!!!!!!
نوف بقوه : آييييه مَ يييهم
آلفيصل : كل آللي صآر لنآ بسبتهم وهم آللحين تزوجوآ وتقولين مو مهم
نوف : آيييه مو مهم .. خلاص آنت طلقتهآ وهي طلعت من حيآتنآ
آنسآهم وخلنآ نعيش
آلفيصل وقف وطلع .. لحقته
وحآولت تهديه
مسكته وبهدوء : تكفى
فك نفسه بقوه من عصبيته : وش تكفى .. وآلله مَ آخليهم
وآللـــه
آنقهرت من حركته لمى نفض يديينهآ وآوجعهآ
وكلمته قهرتهآ آكثر
نوف بقهر : ليه تبيهآ للحين
طير عيونه فيهآ : وش تقولين آنتي
نوف : لك سنه مطلقهآ لك سنه نآسيهآ وآللحين عشآنهآ
تزوجت وكملت حيـ
الفيصل بمقآطعه آشر عليهآ وبحده : نوف آحسن لك لاتقولين شيء تندمين عليه
نوف بهدوء: آنت لاتسوي شيء تندم عليه ..
لفت عنه ومشت لنآحيه آلدرج
تأفف ومسك رآسه بيدينه ..
: آنآ مو حآبه نسآفر.. آمي بتظل لوحدهآ
آبتسم بخفه ومسك يدهآ : بس حنآ لازم نروح هذآ شهر عسلنآ
جوهره : آلله يخليك معآذ
معآذ : خلاص يَ عيون معآذ .. هو آسبوع وآحد وبنرجع
وآفقي تكفين
آبتسمت بخفه : طيب آللي تشوفه
معآذ : آللي آشوفه !! طلعتي روحي
جوهره : هههههه .. لفت ع ورى لمى سمعت صوت آلجوآل
طلع من آلغرفه عشآن يرد ..
مشت للنآفذه آلكبيره .. وقفت عندهآ وتأملت
آلشآرع وآلنآس من فوق
نزلت عيونهآ لدبلتهآ وزآدت آبتسآمتهآ
زآدت دقآت قلبهآ .. ولاول مره من فتره طويله
حست فعلا بالسعآده
آلوجود معه حسسهآ بآيآمهآ آلقديمه
حسسهآ بجوهره آلقديمه
دخل آلغرفه بعد كم دقيقه وشآفهآ وآقفه
آبتسم بحب لمى شآفهآ شآرده وعيونهآ ع آلدبله
مشى بشويش لحد مَ قرب منهآ
نزل عيونه ليدهآ لمى كآنت تحرك آلدبله بشرود
مسك يدهآ وصحت
آبتسم بوجههآ .. بلعت ريقهآ
معآذ : حتى آنآ مآني مصدق
رفعت عيونهآ له
معآذ : وآلله مآني مصدق .. حتى لمى شفتك بالثوب آلابيض
ولمى صحيت ولقيتك جنبي ..
< لمس خدهآ وبتنهيده > وللحين مَآني مصدق
جوهره : لا .. صدق
معآذ : آخآف يكون حلم
جوهره تمسكت فيه بكل قوتهآ : خله يكون حلم
آهم شيء آنك معي
آبتسم وتمسك فيهآ .. بآس رآسهآ
وآخذ له نفس عميق
السآعه 1 ظهرآ
دخل آلبيت .. ومشى بآتجآه آلدرج
بتعب .. نزل شمآغه ع كتفه وتأففف
تمسك بالدرآبزين وصعد
خآلد : يَ زيييين آلنووم .. تثآوب آكثر من مره
سمع صرختهآ .. ركض وهو ينآدي : سمر .. سمررر
دخل آلصآله آللي فوق وضحك ع شكلهآ
سمر بعصبيه : لا تضحك
خآلد : هههههههه
سمر : آففففف قلت لك لاتضحك
خآلد : هههههههههههه
آلخدآمه : سوري مدآم
سمر : آصصصص وقص .. آلله يأخذك
آن شآء الله آحد يمسح آللحين .. آوووف وش ذآ
سآعدهآ تقوم وهو يضحك عليهآ
دفته عن طريقهآ ومشت لغرفتهآ
خآلد بضحكه : خلاص آنزلي تحت .. وخوذي آغرآضك هههههههه
< يقصد آدوآت آلتنظيف >
دخل آلغرفه وسمعهآ تتحلطم بغرفه آلملابس
رمى نفسه ع آلسرير بتعب وكل مَ سمعهآ
زآدت ضحكته
لبست وطلعت .. رمت ملابسهآ آلمبلله بشويه مآء
ع آلارض وبحده عشآن تسمع : آللحين تُغسل سآآآمعتني آللحين
لفت عليه .. تخصرت : ليه تضحك ..
خآلد : هههههه حرآم عليك هذآ جزآهآ
قربت من آلسرير : خآلد .. خدآمتك ذي مآبيهآ
من آليوم .. آلعصر ودهآ آقلعهآ عني
جلس : ليه
سمر بعصبيه : شلوووون ليه .. غبيه مَ تفهم
آقول لهآ يمين تروح يسآر مَ تفهم
خآلد : هههههههه ههههههه
سمر : خآآآآآآآآآلد
خآلد : ههههههه شكلك وآنتي زآلقه شيء هههههههه
سمر : آوووووووف .. طلعت من آلغرفه
حضنتهآ ومسحت ع شعرهآ : مو متعوده تعآمليني كذآ
بعدت نفسهآ ومسحت دموعهآ
نوف : لموي ليه تخبين عني .. يله قولي
لميآء لفت وجههآ لهآ : تبيني آقول لك !!
نوف مدت يدهآ وبعدت غرتهآ : آيه قولي
لميآء : طيب .. تتذكرين لمى عمتي سوت عمليه آلمرآره
نوف : آييه
لميآء : بهذآك آليوم آنتي وسمر خليتوني آروح بيتهآ عشآن آجيب لهآ
ملابس
نوف : آيييه
لميآء : شفته هنآك وضربني
نوف : هآآآه
لميآء تمآلكت نفسهآ ونزلت رآسهآ
نوف بذهول : لميآء
لميآء : عرفتي آللحين ليه مَ آبيه
نوف مسكت وجههآ : قولي لي ليه ضربك وش سويتي عشآن يمد يده عليك
لميآء : دخلت غرفه عمتي وآول مَ دخلت
حسيت آنه فيه آحد دخل ورآي
لفيت وشفته < هزت رآسهآ وتنهدت > على طول تذكرت
لمى ضربته كف .. كآن وآقف بنفس آلمكآن
خفت حيييل خفت لايسوي شيء
جيت بطلع وسد آلمكآن
صرخت عليه وضحك
نوف : كملي
لميآء بلعت ريقهآ : آنقهرت منه وقلت له بعد يَ حيوآن
وقف ضحك وقال لي آحترمي نفسك
عصبت منه شلون يقول لي هآلكلام وهو وآقف هآلوقفه
قمت قلت له آنآ محترمه نفسي قبل آشوفك
حآولت آطلع بس عجزت .. قهرني وآلله قهرني
نوف : ليه ضربك .. قولي لييييه
لميآء : قال لي آنه بيخطبني قريب ومَ يحتآج آخآف منه
قلت له لاتتعب نفسك آنآ مستحيل آرضى فيك
عصب مني وقال ليه وش نآقصني
مَ عرفت وش آرد عليه .. لحد مَ مسك يدي
آنفجرت عليه مَ خليت كلمه بآيخه آلآوقلتهآ
دفيته بس عجزت آبعده عن آلبآب
نوف بحده : لاتسكتين كمـــلي
لميآء : ضربني كف وقال لي بتشوفين كيف كلهم بيغصبونك علي
نوف تنهدت : حسبي آلله عليه طلع غير مو آنآ مفكره
لميآء بآنفعآل : هآلانسآن مدلع يَ نوف .. يحسب كل آلنآس
نوف : خلاص آهدي مَ رآح يصير شيء
لميآء : شلون مَ رآح يصير مَ سمعتي كلام سعود
نوف وقفت : قلت لك مَ رآح يصير
لميآء وقفت وبخوف : بتقولين لعمتي
نوف : مو شغلك .. مشت للبآب
لميآء وقفتهآ : نوف تكفين كلش آلا عمتي
نوف : قلت لك خلاص آنآ بحلهآ
لميآء : وش بتسوين
نوف : خلينآ ننزل تحت
لميآء : لاتحقريني وقولي لي
نوف : آنتي مو تبين آلفكه منه
لميآء : آييه
نوف : خلاص آرتآحي
لميآء : مَ فهمت . نوف وش بتسوين
نوف بآستهآ : بخلصك منه .. يله تعآلي معي
طلعت من آلغرفه وشآفت سآره
بلعت ريقهآ خآفت لاتكون سمعت شيء
آبتسمت بوجههآ : شلونك سآره
سآره بآبتسآمه : بخير وآنتي
نوف ببرود : تمآم .. مشت نآحيه آلدرج
ولحقتهآ لميآء
لميآء : وش تبين فيهآ
نوف وقفت ع آلدرج وبهمس : آحسهآ سمعت
لميآء : لا مَ آظن
نوف : آلله يستر منهآ ..
لميآء : لاتخوفيني
نوف نزلت عيونهآ لمشآري آللي كآن تحت عند آلدرج
: هلا هلا وآلله بحبيبي .. نزلت له وشآلته
لميآء بآسته : ههه وش ذآ آلزين يَ ميشو
مشآري : ميآ < مَ يعرف يقول لميآء >
لميآء : ههههه يَ زين آسمي ع لسآنك
نوف بضحكه : هههههه شوفي وش بسوي فيه .. ميشو وين جوآلي
لميآء ضحكت عليه لمى جآء بينزل منهآ : وين بيروح
نوف : بيروح يجيبه
دخل آلصآله ..
آم مطر : وين آمك آنت
نوف ولميآء دخلوآ آلصآله
نوف : هذآني جيت .. جلست جنب شنطتهآ : خلاص حبيبي خله
طلعه من آلشنطه ومده لهآ : خووذيه
آم مطر + لميآء : ههههههههه
نوف آخذته : شكرآ .. شآلته وحطته بحضنهآ
آم مطر : قصي شعره .. مو زين له آلشعر
لميآء : لاآآآآ
آم مطر : بسم آلله وش فيتس
نوف : ههههههه مَ تبيني آقصه
لميآء : تعآل ميشو .. خآلتي بتخربين لوك آلولد كذآ آحلى عليه
نوف : بكره بنقصه
لميآء : لا تكفين لاتقصينه
نوف : وآلله مو حلو عليه آحسه
لميآء بمقآطعه : لا وآلله حلو
آم مطر ضربتهآ بعصآهآ : آنتي لو آنتس زعلانه للحين آبرك .. خلي
آلولد لامه مو شغلتس
لميآء : آفففففف يعني حرآم آقول رأيي
نوف نزلت يده لمى دخلهآ بصدرهآ : لا ..
ثوآني وبدأ صوت بكآئه يرتفع
لميآء : آنتي ليه قآسيه .. وقفت ورآحت له
نوف : آذآ رضعته مَ رآح يتغدأ ..
لميآء شآلته وحآولت تهديه : مآمآ وصخه
نوف : وين شيخه مَ آشوفهآ
آم مطر بتنهيده : آكيد بالمطبخ ..
نوف وقفت : حرآم عليكم ترآهآ حآمل
لميآء : حنآ وش سوينآ هي تحب آلشغل
نوف : بروح آسآعدهآ .. طلعت
آم مطر بصوت عآلي : آلخدم ملي آلمطبخ .. تعآلن آجلسن
لميآء جلست جنبهآ وبحضنهآ مشآري : عمتي ليه رآحت
آم مطر : مدري ..
لميآء : غريبه مَ جلست عشآن نوف
آم مطر بنغزه : وليه غريبه .. يمكن تكون زعلانه
لميآء : آفففففف
آم مطر ضربتهآ ع رآسهآ بخفه : رآستس ذآ بكسره
لميآء : خآلتي تكفين ترآ مَ صدقت آنسى
آم مطر : بيجي آللحين من يذكرتس < تقصد سعود >
لميآء وقفت : تعآل ميشو نلعب آحسن لنآ .. نزلته ومسكت يده
طلعت من آلصآله
بآلمطبخ ..
نوف : شيخه
شيخه : خلاص آنتي روحي آنآ ثوآني وجآيه
نوف : يَ حبك للشقى
شيخه : ههههه سعود مَ يحب طبخ آلخدم
نوف بتنهيده : آييه آلله يهنيه فيك .. آنآ بروح
شيخه : هههههه
نوف لفت عليهآ وآشرت ع فوق : شلونهآ معك
شيخه بضحكه : شلونهآ يعني !! هي هي مَ تغيرت
نوف : هههههه آلله يعينك عليهآ
بلعت ريقهآ ووقفت دورآن بالغرفه
جلست ع حآفه آلكنبه
[ سآره ]
كل ذآ يطلع من هـ آلمشعل
ههههه وآلله طلعت حبيب
< عضت آصآبعهآ > .. آففف بس آنآ وش بسوي
لازم آقول لسعود لازم يعرف آخته وش تخبص من ورآه
< هزت رآسهآ بلا > لا يَ سآره لاتتسرعين
سعود آذآ عرف بيقلب آلدنيآ على مشعل
وبيرفض يزوجه
لكن آذآ مَ عرف بيغصبهآ عليه ههههههه
آيه بيغصبهآ عليه
آآآآآه آخيرآ بتبرد حرتي وبأخذ حقي منكم
هين يَ لميآء آن مَ دفعتك ثمن كل كلمه قلتيهآ
لي مَ آكون سآره
آلسآعه 3
تأفف من آلزحمه وبعصبيه : نآس مَ تعرف تسووق
آووف .. ضرب آلدريكسون بيده
رفع جوآله لمى دق .. دقق بالرقم آلغريب
ورد بدون آهتمآم : آلو
: آلو
آلفيصل : من معي
: آنآ يَ آلفيصل
عقد حوآجبه وسكت .. حآول يتذكر آلصوت
: وش قآعد تسوي .. لايكون تشتغل للحين
آلفيصل : مين آنتي .. وش تبين
: قلت لك آمس آبيك آنت
آلفيصل بحده : آلعبي بعيد عني آحسن لك
: تؤ تؤ من قآل آني آلعب
آلفيصل : يَ بنت آلنآس
: تكفى لاتعصب
سكر بوجههآ ورمى آلجوآل بحضنه ..
حرك لمى بدو آللي قدآمه يتحركون
رجع جوآله يدق .. مَ رد عليهآ
ورجعت تدق مره ومرتين
لحد مَ طفش منهآ .. رد عليهآ وحب يخوفهآ يمكن تبطل :
بسآعه وحده آقدر آعرف كل شيء عنك .. آحسن لك بطلي هآلحركآت
: لاتظن آني بخآف من هآلكلام .. آنآ آعرفك ولو مَ آعرفك مَ كآن خآطرت
الفيصل : تعرفيني !!!!!!
فتح بآب آلحمآم وطلع
بعد آلفوطه عن عيونه لمى سمع صوتهآ
: كل ذآ حمآم
عقد حوآجبه : وش فيه
: تعآل آجلس
مشعل : يمه وش
هيآء بمقآطعه : تعآل آجلس
مشى لسريره وجلس جنبهآ
بلعت ريقهآ ولفت وجههآ له : آسمعني يَ مشعل للاخر
ولا تقآطعني
مشعل : يمـ
هيآء : قلت لك آسكت
آنصدم من نبره صوتهآ وسكت
هيآء بتنهيده : آنآ غلطت يوم خطبتهآ لك مره ثآنيه
مشعل وقف : يمه وش هآلكلام
وقفت وبحده : قلت لك آسكت
مشعل : يمه آنآ غير لميآء مَ آبي
هيآء : فيه غير لميآء كثير
مشعل مشى للتسريحه وبسخريه : آكيد عورت قلبك بدموعهآ آللي مَ تخلص
هيآء بحده : آسكت وآسمعني
لف عليهآ وعيونه آلمصدومه عليهآ
هيآء آشرت ع نفسهآ : آنآ غلطت لمى خطبتهآ لك بعد مَ رفضتك آلمره آلاولى .. بس هذي مَ كآنت آول غلطه لي
آنآ غلطت يوم دلعتك وعطيتك كل شيء تبيه
يمه آبي هذآ .. ويمه آبي هذآ
يمه جيبي لي كذآ يمه سوي لي كذآ
بحيآتي كلهآ مَ قلت لك لا .. لاني مَ عندي غيرك
لكن هآلمره بقولهآ لك بنت آخوي يَ مشعل مو سيآره
ولا لعبه بيدك . هي مَ تبيك وآنآ مَآني مستعده آظلمهآ معك
مشعل : من قآل آنك بتظلمينهآ من قآل .. ليه هآلكلام آللحين
وش آللي تغير مو آنتي تبينهآ مو آنتي آللي كنتي تحنين علي
ليه تغيرتي .. كل ذآ عشآنهآ بكت عندك و
هيآء بمقآطعه : آنآ قلت آللي عندي وآنتهى آلموضوع ..
مشت للبآب
مشعل : لا يمه مَ آنتهى
لفت عليه : يَ آنآ يَ هي
طير عيونه بذهول .. تركته وطلعت
فتح آلبآب وطلع للممر وبعصبيه : يمــــه
مَ ردت عليه دخلت وقفلت بآب غرفتهآ عنه ..
جلست ع آلكرسي وآلدموع مآليه عيونهآ
مسحتهآ وبهمس : هذآ آلصح
بمكتبه آللي بالبيت ..
فك آزره ثوبه وبعصبيه : قلت لك آبي آعرف من رقمه
.. لاتتأخر دقيقه وحده .. يله خلص
سكر ورمى آلجوآل ع آلمكتب
نوف : من آللي تبي تعرفه
لف عليهآ وعصب لمى شآفهآ وآقفه عند آلبآب
آلفيصل : آنتي من متى هنآ
نوف بذهول : ليه حرآم
الفيصل : آييه حرآم
زعلت من آسلوبه : آسفه .. طلعت
وقف عند آلبآب وبتأفف : نوف .. نوووف
مَ ردت عليه وطلعت من آلممر
آنقهر من حركتهآ .. لحقهآ ولفهآ له : مَ تسمعيني آنآديك
فكت يدهآ : آلا سمعت بس مَ آبي آتهآوش معك
آلفيصل : ليه حآبه تتهآوشين
نوف : آنآ وآلا آنت .. من عرفت بزوآجهم وآنت
آلفيصل بمقآطعه : آصصص ولا كلمه
طيرت عيونهآ فيه بذهول
آلفيصل : هآلموضوع لاتتدخلين فيه .. عطآه ظهره
ومشى عنهآ
نوف : زين يَ آلفيصل بتششووف
لف وجهه ورآقبهآ لمى صعدت
قوى من قبضته وضرب آلتحفه آللي ع آلطآوله
طآحت ع آلارض وآنكسرت
نوف : آهئئئ .. نزلت بسرعه
رفعت عيونهآ من ع آلتحفه له لمى آبتعد
سمعت صوت بكآء مشآري ..
نوف بعصبيه : آوووني آوووني
آلخدآمه : يس مدآم
نوف : نظفي هذآ .. صعدت لفوق بسرعه لمى آشتد بكآء مشآري
حسنآء : تررررركي .. ترررركي
طلع من غرفته : نعم
حسنآء : ليه مَ ترد علي
حسنآء : لا آله آلا آلله مَ سمعت يمه
حسنآء : بترجع آلجآمعه
تركي : لاخلص دوآمي
حسنآء : ترآ جنآ بتجي .. لاتدرعم عندهآ وآنت مَ تدري
ضحك ورجع لغرفته
مشى بسرعه للبلكونه .. فتح آلبآب وطلع
تسند ع آلحد وعيونه ع آلشآرع ..
بعد خمس دقآيق ..
تركي مل من آنتظآره : لايكون جت وآمي توهآ تقول لي
آبتسم بقوه لمى شآفهآ جآيه
تأملهآ وهي تمشي ومَ قدر يوقف ضحك
شكلهآ بالعبآيه يضحك .. تنهد وعيونه للحين عليهآ
آختفت آبتسآمته تدريجيآ وصرخ بآسمهآ : جنآآآآآآآآآآآآآآآآآآآ
المخرج /
هذآ آنتي !!! قولي وآلله آنه آنتي
وين غبتي؟؟ .. عني هذآ آلوقت كله !!
وين كنتي ؟؟؟
شيبت عيني طيوفك.. ومَ آصدق آني آشوفك
ياللي قلبي في كفوفك .. نقش حنآ
وفي جديلك عطر ورد
آتمنى .. لو تكوني في فرآغ عيوني وعني
وفي سموم ضلوعي برد ..
ليه تأخرتي علي
ومَ طرى لك تسألي
ليه تأخرتي علي .. ومَ طرى لك تسألي
آنتظرتك عمري كله .. عمري كله
وآنتي حـــــــــــــــــــلم
نهاية البارت ۩۞۩ 28 ۩۞۩
|
06-07-12, 08:26 AM
جديد مواضيع قسم القصص المكتمله
العرض العادي
