تقنعني وحده من صديقاتي دايم .. ان المشاهده هي الي تحكم على روايتي .. من ناحيه هل هي " جيده ام لا " انا عندي قناعه .. ان روايتي لاتنافس أي من الروايات الموجودهه هنا .. يعني فيه كاتبات مبدعات وخيالهم أوسع بكثير وافضل مني ..
لكن ان شاء الله اظل مقتنعه بهالنظريه لآخر بارت لي بهالروايه ..
لكم البارت حبايب قلبي !

..

البارت الـ 17 /

يوم الاربعاء .. يوم مهم لنواف لأنه بيشوف شهد .. الساعه 8 الصباح
..
ف بيت ابو خالد
عايله جديده بالروايه .. ماعندهم غير خالد وشهد .. وعندهم واحد اسمه راكان بس يدرس بأمريكا .. "
شهد ماقدرت تنام يومها .. سهرانه وعينها على الساعه الي معلقه على الجدار .. تبغى الوقت يمر بسرعه ويجي يشوفها وتخلص من هالتوتر الي قتلها ..
..
ع الساعه 4 العصر طلع نواف مع وليد قاصد يروح للحلاق .. ماله خلق يضبط دقنه بالبيت .. وقف عند الاشاره .. كان مسرح حيل .. قطع سرحانه الرجال الي بالسياره الي جمبه يأشر له / فتح شباكه : سم يابوي ؟
.. : مرحبا
نواف : مرحبتين ياهلا
.. : ماعرفتني
نواف عقد حواجبه : لآ والله ؟
.. : انا فهد .. ايام المخيم .. قريبتك الي بغيت ........... بس ماحصلي
وليد لف عليه : وش تبغى يابن الكلب تبي تنجلد ثانيه ؟!
فهد : هههههههه مو تخسى .. الا تبطي ( طالع بالاشاره الي فتحت ) الحقني كان فيك خير
نواف مشى وراه بسرعه .. يبغى يخوفه .. : خله خله
وليد : اذا مالحقته يانواف مدري وش بسوي ..
نواف : وش الحقه رايق انت
وليد : ذا يسب اختك والله مااسكت له .. الحقه !!
نواف : نشوف اخرتها معك !
( قربت سياره نواف من فهد .. مسك وليد قزازه العطر الي بينه وبين نواف ورماها على قزازه سيارته من ورا وتكسرت ) : انحششش
نواف : هييييه توي شاري هالعطر مابعد استعملته الله يقلع شيطانك يالكلب
وليد : اشتري لك بداله الف .. بس بردت حرتي !
نواف : انا الحمار اللي مطاوعك !
***
جا المساء ..
وراح نواف لهم .. عشان يطلب يدها رسمي ويشوفها ..
دخله ابوها بالمجلس .. وكان وراه خالد ..
..
ابو خالد : ارتاح ياولدي .. بتدخل لك الحين
( وطلع .. نواف ابتسم وجلس .. )
خالد جلس : ايوه .. اخبار الدوام معاك ..
نواف : ماشين فيه الحمدلله ..
( .. بعد ثواني دخلت لهم شهد .. منزله راسها بحيا .. وبالعافيه تمشي ..
جلست جنب أخوهآ .. وتطالع بالارض )
خالد نغزها لفت عليه : هآ .. (قالت بصوت بالعافيه ينسمع ) أي السلام عليكم :$
نواف ابتسم لها : وعليكم السلام ؛
خالد جلس يطالع فيهم .. ضحك : يلآ آخليكم ..
( شهد مسكت يده .. ابتسم لها وفك يده من يدها بالغصب وقام .. )
نواف تابع خالد لما طلع .. بعدها لف عليها .. : شهد كيفك
شهد : كويسه ..
نواف : عساه دايم عليك ..
شهد : تسلم .. (انتظرت شوي بعدها قآمت ومشت بتطلع .. بس لفت رجلها و طاحت من الربكه !
نواف قام من مكانه وتوجهه لهاا : بسم الله عليييك جااااك شي ؟
شهد دمعت عينها من الالم والفشله : ...............
نواف : وين الي يألمك .. (ضغط على رجلها ) هنا ؟
شهد فزت : آآآآآيييي
(نواف مسك يديها وسندها .. )
ونادى على اخوها : خاااالد .. ي خالد
دخل على صوته : ايشش فييه !!
نواف توجهه لخالد وهو ساند شهد : لوت رجلها !
خالد : بسم الله عليك ! تعورك ؟؟
شهد الي كانت تتمنى الارض تنشق وتبلعها : شوي ..
خالد : تدخلين داخل ؟
نواف بعناد : لاخلها .. ابي احكي معاهاا شوي ..
خالد جلسها على الكنب وطلع : اوكي ..
شهد صرخت : خااالد تعال
خالد : زوجك يبغاك ..
شهد بعناد : مابعد صار زوجي
نواف غمز له : خلها
خالد : تقدرين !
( شهد تنرفزت وسكتت .. خالد تركهم وطلع وهو يضحك )
نواف : كنتي بتهربين من ايش
شهد متكتفه بعصبيه : مالك دخل
نواف : والله خيبتي ظني .. امي تقول مؤدبه وماتأذي نمله .. اثرك شريره .. زين قلت بشوفك قبل لااتوهق ..
شهد لفت عليه : والله محد جبرك تاخذني
نواف : الا والله الماما
شهد : مابعد ارتبطت فيني .. اعتبر نفسك ماشفتني انساني .. ماابغى منك شي
نواف ابتسم .. قدر ينرفزها : وانا اقدر ..
شهد : كيف ؟
نواف : انا اقدر انساك .. يختي شلعتي قلبي من مكانه اول ماشفتك
شهد حمر وجهها : ..........
نواف مسك يدها : انا راضي فيك شهد ..
( شهد غطت وجهها وضحكت )
نواف : ههههههههههههههههه افهم من ضحكتك انك موافقه علي ؛
..
طلع من بيتها وضحكته من هنا لهنا .. دخل لبيتهم واول ماشاف امه ابتسم
ام عبدالعزيز : بشر يمه
نواف : الملكه الاسبوع الجاي ان شاء الله
ام عبدالعزيز بفرحه : صدق
نواف مبسوط : أي يمه صدق .. البنت عسل بس لوت رجلها لما جت بتطلع !
ام عبدالعزيز : ههههههههه يالله فال مبارك عسى ماتعورت ..
نواف : ههههههههه من الربكه .. لا تقول شوي بس ..
***
بعد اسبوع * يوم الخميس ..
صحى عبدالعزيز على صوت جواله .. تلفت حصل ريان نايم ..
رد بصوت كله نوم : آلو ..
رهف : آلو ..
عبدالعزيز جلس من سمع صوتها : روفتي .. كيفك حبيبي وحشتييييني
رهف : عبدالعزيز ابي اسمع صوت ريان .. اشتقت له
عبدالعزيز بضيقه بانت بصوته : ريان نايم ..
رهف : اه طيب اكلمك بوقت ثاني انا مشغوله شوي الحين .. سوري على الازعاج
عبدالعزيز : طيب ابو ريان مااشتقتي له ؟
رهف : عبدالعزيز مو وقته هالحكي .. طيب
(عبدالعزيز قفل بوجهها )
رهف : قفل بوجهي !!
رزان : أحسن تستاهلين .. وربي مالك داعي خيير مو كل هذا زعل
رهف : الا بزعل .. وبزعل زياده بعد اذا مابطل حركاته ..
رزان : انتي حره .. بس الي تسويينه غباء ترا ..
رهف : انا حرهه ماعليك مني ..
***
من ناحيه عبدالعزيز ..
( رجع انسدح ثاني مرا وحط المخده فوق راسه وضغط عليه .. انقهر من حركتها هذي مصحيته عشان كذا .. صح انه تارك جواله عام عشانها .. بس اختارت الوقت الغلط ..
فز من سريره ودخل للحمام ياخذ له شاور يغير من موده شوي ..
طلع وغير ملابسه .. طل على ريان وباسه .. اخذ جواله ونزل .. وصلته رساله منها كآن محتواها ( صوتك : صباح وخير واللي محليه
إنك صحيت وواضح بصوتك النوم
صحاك شوقك ؟ ولا حلم تحاتيه ..
ولا عشاني قلت : ياسيدي قوم "( >
تنهد ورفع راسه حصل امه صاحيه : الغاليه مانامت ..
ام عبدالعزيز : وين بنام ياولدي وهم الملكه فوق راسي
عبدالعزيز طالع ساعته : تونا 9 وش مصحيك من الحين ..
ام عبدالعزيز : عندي اشغال واجد .. عيب ندخل على الناس فاضين ..
عبدالعزيز : اجل مو فاضيه ..
ام عبدالعزيز : لاوالله بطلع الحين .. ليه ؟
عبدالعزيز : لاني بطلع انا بعد .. بس من يجلس عند ريان
ام عبدالعزيز : وده لأمه .. (قالت بصوت واطي ) تراني عارفه باللي بينكم .. لاتحسبني جاهلتك ..
عبدالعزيز تغير وجهه : مابيننا شي خلاف بسيط بس .. بطلع البس ريان وباخذه معي
ام عبدالعزيز : طيب
..
.. > مسافه الطريق ووصل لبيتهم .. شال ريان الي مازال نايم .. وحط شنطته على كتفه .. رن الجرس وانتظر احد يفتح ..
جت له رزان : ميين ؟
عبدالعزيز : انا عبدالعزيز ..
رزان : لحظه شوي .. > توترت وطلعت فوق بسرعه لغرفه رهف
: عبدالعزيز عند الباااااااااب مو قلت لك
رهف وقفت : وش يبي !!
رزان : وانا وش عرفني روحي شوفي ..
رهف : لاماابي افتحي الباب انتي .. او خلي ميري تفتح مابفتح له انا
رزان : يووه ياشينك .. ماراح انزل ثانيه تعبت
رهف : تعبتي ؟ والله لو انه شي لك كان نزلتي
رزان : انتي قلتيها شي لي .. بس عبدالعزيز لك وش دخلني انا
رهف تأففت : اوووفففف طيب بروح ..
.> نزلت تحت ونادت ميري عشان تفتح الباب ..
ميري : ايوه بابا ؟
عبدالعزيز : وين رزان ؟ ولا رهف
ميري : جيب بيبي انا شيل
عبدالعزيز كشر : لا .. نادي وحده منهم بسرعه .. خذي الشنطه
رهف كانت واقفه بعيد وتسمع حكيه ثواني جت مدت يدها : عطني اياه
( عبدالعزيز بس سمع صوتها حس فيه شي يتحرك بداخله بس قسا قلبه .. مد ريان لها وهو يطالع فيه ولارفع عينه عليها ..
بعد عن الباب بسرعه وتوجهه للسياره .. بدون مايحكي معاها .. ركب السياره وصقع الدريكسون بعصبيه .. شغل وتوجهه للاستراحه متنفسه الوحيد .. )
اما من جهه رهف ضمت ريان بقوووه وبوسته لما صحى .. طلعت فوق عند رزان .. وقالت بلهفه : ريحته على ثياب ريان ..
رزان : والله ماعرفت لك !!
( رهف جلست على السرير وهي ضامه ريان .. وسرحت بفكرها بعيد .. بعيد حيل )
***
ف بيت ابو مشعل .. صراخ طالع من غرفه شيما بالتحديد
شيما : ثامر ووجعه يالمزعجج وش تبببببي
ثامر يحوس بالدرج : كبكاتي وينها ؟ انا متأكد انها ببيتنا .. مااخذتها معي لبيتي
شيما جلست وفيها الصيحه : كبكات الحين ! حرام عليك
ثامر : ومتى ادورها ياشيخه وراي مشاغل ثانيه انا .. هاااااا هذي هي
شيما : اخذت كبكاتك انقلع براااا ولا عاد تجي بيتنا
ثامر : اخوك الكبير عيب
شيما صرخت : ثااااااااامر
ثامر طلع بسرعه : طيب طيب
***
وصل عبدالعزيز للإستراحه .. وواصله معاه للآخر ..
شال النظاره وعرك عيونه بتعب .. سحب باكيت الدخان من جيبه وسحب وحدهه وولعها .. يبغى يعدل من موده شوي وينسى .. انسدح على ظهره وهو يسحب منها .. غفت عينه دقايق / صحاه صوت فيصل : تبغى تشب فينا انتا
فز بسرعه وعدل جلسته : ايش
فيصل : الزقاره ياحبيبي .. لاتطيح على الفرشه ونولع
عبدالعزيز ضحك وسحب منها : ههههههههههه لا ماراح تطيح .. صاحي انا
فيصل : جدا صاحي .. طفها ونم لك شويه
عبدالعزيز رجع انسدح : ااخخخخ يافيصل اختك بتجنني
فيصل جلس جمبه بعد مااخذ الباكيت منه : ليش صارت شريره ؟
عبدالعزيز : شريره وبس ..
***
ببيت ابو عبدالعزيز ..
الساعه كانت 7 المغرب ..
دخل نواف بالشورت السماوي وريحته بحر على شوي .. مروق العم ولاكأنه بيتملك اليوم ..
شافته ام عبدالعزيز الي كانت توها طالعه من عند الكوافيره الي جايبتها بيتهم .. بس باقي لبسها .. صرخت فيه : نوااااااف
نواف الي كان سماعات الجوال بأذنه شالها بخوف : سمي
ام عبدالعزيز : ايش ذاا .. ايش ذااا وين كنت
نواف : والله بالبحر مع الشباب شوينا لك سميكآت (باس يده ) تحفه
ام عبدالعزيز صرخت : قفل جوالك .. واطلع تروش .. تعدل .. حلق وجهك يالمخيس ..
نواف : افاا .. مخيس بيوم ملكتي يالغاليه .. يادلوعتي .. ترا مابروح وياكم
ام عبدالعزيز : والله ماتطب عندهم وانت بهالشكل
نواف : خلاص يمه توبه .. بطلع اتعدل الحين والله .. نروح نملك على هالشهد الي تمدحين فيها من شهر ..
ام عبدالعزيز : ماتصف جمب الخمه الي تعرفهم كلهم
نواف : ياهووووهه هههههههههههههههههه يالله رقينا ..
ام عبدالعزيز : اخلص ..
..
بعد مرور ساعه الا ربع ..
اخوانه كلهم متواجدين تحت بالصاله .. كاشخين كشخه مافي مثلها .. ومعهم ثامر وعبدالله .. ثوآني نزل لهم نواف ..
بالثوب البيج .. والغتره السكري الي عليهآ نقش محليها .. محدد دقنه .. ومغرق نفسه عطر ريحته توصل لآخر الشارع .. قال بصوت رايق : مساء الخير ؛
كلهم : مساء النور ..
وملاك وديما زغرطوآ له : قلللللللللللللوووششششششش
وامهم جت : بسم الله عليك قمر من السماء وليدي
نواف :هههههههههههههههههه (باس راس امه ) ماخذ حلاي منك
ثامر : خف علينااااا
نواف : هههههههههههههههه احلى منك يالسبيكه
ملاك : حدك الا زوجي ..
نواف : طيب .. خلونا نروح لزوجتي الي بتدافع عني وتكسر خشمك انتي والسبيكه حقك ..
ثامر : ههههههههههههههههه والله عشانك بتملك اليوم وجوب نسكت
نواف : غصب عنك .. هههههههههههه يلا بركب وياك
ثامر : بعد !
***
ببيت ابو خالد ..
كان التوتر والترتيب والحوسه باديه في بيتهم من الصباح ..
دخلت ام خالد لغرفه شهد .. الي كانت الكوآفيره تضيف اللمسات الاخيره على وجهها
..
شهد : ايوهه كويس ماما جيتي .. ثقيل صح .. مرا ثقيل
ام خالد : لا ماما مو ثقيل .. والله تهبلين بسم الله عليك ..
شهد : لالا وربي وع .. ( وقامت على الحمام تغسل وجهها )
ام خالد : يووووووه شهد ماكو وقت ليييه سويتي كذااا ..
شهد رجعت للغرفه : لا فيه وقت .. يستنى شويه ..
الكوافيره الكويتيه : ويه غبره والله مكياجج وش حلاته ! والله مافيني اعيده !
ام خالد طلعت فلوس واعطتها : خلاص مشكوره .. تقدرين تروحين ..
الكوافيره انبسطت : الله يوفقج ..
طلعت شهد من الحمام ومسكت الاساس حقها : مابكثر ماابي اكثر ..
ام خالد : حتى ولو ماتسوين كذا ..
شهد : ماما بالايام العاديه والزواجات مااسوي وجهي كذا .. تبغينه يخاف !!
ام خالد : طيب بسرعه قبل لايجون ؛
.> نزلت وتركتها .. راحت تشوف التجهيزات تحت .. مثل ماتبغى ولا لا ..
***
ع الساعه 9 المساء ..
وصلوآ اهل نواف .. وعمانه كلهم .. وناس عازمينهم اخوانه .. من ضمنهم بدر أخو نوف .. عزمه عبدالعزيز للملكه لآنه شغله معهم بالشركه .. وطلب منه يجيب الاهل كلهم معاه .. ماكان قصده شي .. بس من باب الذوق .. ولأن اهل عبدالعزيز متكلفين من الاساس وحاطين عشا ..
من جهه نواف .. واقف عند باب مجلس الحريم ويتنهد
ثامر : وش فيك
نواف : احس اني هونت
ثامر : هههههههههههههههههه على كيفك هو !
نواف : أي ياشيخ انا الي بتزوج ..
ثامر : لا يكثر بس وادخل عندهم لبسها .. البنيه تحتريك
نواف : لا اله الا الله .. ذاك اليوم كنت اضحك عليك .. صار هاليوم فيني
ثامر : ههههههههههههههههههههه روح ياعمي
( دخل والتوتر ماليه .. وهي ماكانت احسن حال منه .. دخل وسلم عليها / كان المجلس مزحوم بشكل .. وكلهم متلثمين بطرح .. جلس جمبها وطالع فالمجلس كله .. بعدها لف عليها : كيفك اليوم ؟
شهد : كويسه
نواف : كويس انك جالسه عشان ماتطيحين ثانيه
شهد عصبت : تتمسخر
نواف ضحك بصوت واطي : هههههههههههههه من التوتر والله العظيم لاتواخذيني .. طالعه قمر بسم الله عليك
شهد استحت : تسلم
نواف : ياحبيلك ترضين بسرعه هههههههههه
شهد : هههههههههه
( جابوا ذهبها .. ولبسها اياه .. ويدها تنتفض وهو يلبسها الخاتم .. رفعها له وباسها بحنيه .. هي استحت حيل من حركته .. :$
جابوا الكيكه .. وأكلوا منها قطعه بسيطه .. وشربوا من العصير / صوروا مع بعض ومع اهلهم .. خلصوا وقام هو وياها انزفوا .. لما دخلوا المقلط الي حاطين فيه البوفيه .. وطاوله بالنص عليها شموع .. وعليها صحون من كل شي موجود فيه ..

..
اما من ناحيه عبدالعزيز ..
واقف عند باب الحريم الي كان مفتوح وماسك بيده ريان .. متصل على امه ينتظرها تجي تاخذه .. جننه عند الرجال .. ثوآني سمع احد جاي ..
عبدالعزيز لف عشان يمسك ريان الي بدأ يهرب : يمه مابغيتي تجين .. تكفين خذيه طلع ريحتي
ردت عليه وحده : ام مين .؟
عبدالعزيز رفع عينه وشاف وحده بعدت من فتحه الباب بسرعه : مين ؟
نوف : انت الي مين ..
عبدالعزيز : صوتك مو غريب علي .. (قال بعد تفكير ) نوف ؟
نوف شهقت : لا لا
عبدالعزيز بسرعه : الا نوف .. مستحيل اغلط بصوتك .. كيفك ؟
نوف كاتمه عبرتها : بخير
عبدالعزيز : كيف رجلك ..
نوف : تحسنت الحمدلله من بعد العلاج الطبيعي .. وصرت امشي عليها
عبدالعزيز انبسط وبان من صوته : الحممممدلله
نوف ماحبت تطولها .. بعدين يجي احد ويشوفها : اخذ ولدك عادي ؟
عبدالعزيز دخله جوا : أي تكفييين .. اعطيه امي عشان مايتعبك
نوف : عادي احب الصغار .. نشوفك على خير
عبدالعزيز : على خير إن شاء الله ..
( لفت نوف وحصلت رهف بوجهها .. )

..@
آنتهى البارت ؛
توقعاتكم بالبارت الجاي ..
رهف .. سمعت شي من حكي نوف مع عبدالعزيز .؟
وش بيصير على نواف وشهد ..
ايش جديد عبدالله مع ديما ..
ووين وليد الي مابين من زمان ؟
كل هالاجوبه بالبارت القادم ترقبوا ..

البارت الـ 18
..
( نوف ابتسمت بأرتباك .. )
رهف شكت ووجهت الحكي لريان : حبيبي وش تسوي هنا ؟
نوف جاوبت : كان برا لحاله جبته .. قلت يمكن يصير فيه شي
رهف ماعجبها الموضوع : اها .. مشكوره تعبك
نوف تمد لها ريان : لاعادي شدعوه مرا عسل
رهف : تسلمين < لفت وراحت تجلس وهي شاكه مليون بالميه فيها .. وحاسه ان عبدالعزيز ورا هالسالفه .. وطول السهره كانت تطالع بنوف بنظرات شك .. لدرجه انها ارتبكت وماقدرت تكمل السهره معاهم .. حتى ماتعشت !!

***
يوم الأربعاء الساعه 9 ونص الصباح ..
بمدرسه سالم :
راشد : وهذا الي مشغلك ..
سالم : أي والله ماقدرت انام امس ..
راشد قام : طيب قوم خلنا ننزل ناكل لنا شي .. ترا بموت من الجوع
سالم : روح انت انا مالي نفس .. بجلس هنا
راشد : اوك (طلع من الفصل) .. وسالم علا صوته : جب لي مويه معاااااك !
دخل على صوته سلمان : اوه سالم هنا ؟
سالم رفع راسه من على الطاوله : هلا سلمان ..
سلمان جلس قدامه : هلا فيك .. وش فيه وجهك أصفر؟
سالم يعرك عيونه : تعبان شوي
سلمان : ماتشوف شر والله .. ودي اغير من جوك شوي
سالم : مافهمتك ؟
سلمان قرب وقصر صوته : فيه حفله اليوم باستراحه .. ودك تجي ؟
سالم : لاوالله فكني مالي خلق
سلمان دقه على كتفه : ايش الي مالك خلق .. لو شفت الي فيها بتجي ركض ..
ياخي وسع صدرك وغير من جو الكآبه الي عايش فيه انت ..
سالم : مااشوف عيشتي كئيبه !
سلمان : الا كئيبه ونص ..
ثواني دخل راشد : سلام
سلمان قام من مكانه : اذا غيرت رايك اتصل علي وأمرك ..
سالم : اوك
( سلمان مر من جنب راشد واعطاه نظره وراح )
راشد : ياكرهي لهالسلمان !!!
سالم خذ المويه وشرب منها : حرام ليش ؟
راشد : ياخي هالولد خربان اعوذ بالله بس ..
سالم : خربان كيف ..
راشد بصوت واطي : طايح لي حفلات وبنات وشراب ببيتهم الي شبه فاضي .. أهله دوم مسافرين .. الولد خربان من الاخر ربي لاتبلانا !
سالم : سلمان .؟؟؟
راشد : أي سلمان
***
اما بالمستشفى الي يشتغل فيه فيصل ..
توهه داخل ومرسم .. وقف ورا الكونتر وضبط غترته .. عطر نفسه من العطر الي تاركه بالمكتب .. وبدأ يشتغل على الملفات الي قدامه ..
دخلت وحدهه .. وتوجهت عنده
... : لو سمحت
فيصل مارفع عينه : دقايق اختي ..
.. : بس انا مستعجله شوي
فيصل لف على تركي وقال بصوت واطي : تركي خلصها .. ورايا تسجيل هالملفات بالكمبيوتر ..
تركي : آمريني اختي
.. : لا انا ابغاه هو !
فيصل رفع عينه بسرعه : آيوه ..
.. اعطته ورقه موعدها : .......
فيصل طالع بالاسم كم من مره وحاول يخلي الوضع طبيعي لأنه شك انه يعرفها قال بصوت متغير : موعدك مع الدكتور إبراهيم .. الساعه 11 الصباح ( ابتسم ) جايه بدري اخت ساره ..
ساره : عشان ماأتأخر عن موعدي ويروح مني كالعاده
فيصل نزل عينه : لاانا بحرص انه مايروح .. وانهم ينادوآ عليكي بالوقت المحدد لاتخافي
ساره : شكرآ ..
فيصل رفع عينه الا بجيه واحد وقف جنبها : خلصتي ؟
ساره : أيوه .. ننتظر شوي ولانروح نفطر .. باقي على الموعد كثير
ماجد صرخ : لانروح نفطر .. انتي طلعتيني من البيت بدون فطور ..
ساره تقفل له ازرار الثوب : اشش طيب خلاص نفطر بس لاتفشلنا ..
ماجد دفها : ماحفشلك امشي ..
( فيصل ضغط على اعصابه وهو يطالع هالموقف .. رآحوا ولف عليه تركي )
تركي : ساره ؟
فيصل ابتسم والعبره خانقته : ايوه هي .. !
تركي بأستغرااب : تزووجت ؟
فيصل : اجل ليش بعدت عني !
***
على الساعه 12 ونص الظهر ..
( انتهى دوام المدارس .. وطلع سالم من المدرسه متوجهه لسياره السواق .. قابله سلمان )
سلمان بصوت عالي : سسساااااالم ..
سالم لف : هلاآآ ..؟
سلمان : شصار عليك ؟
سالم : والله برجع انام لما يفك راسي لاصحيت يصير خير
سلمان : اجل لاصحيت اتصل علي .. لازم تجي
سالم : اوك ,
سلمان راح : نشوفك اجل ..
سالم ركب مع السواق : ع البييييت
السواق : مايبغى غدا مثل دايم
سالم : لا بييييت بيييت !
( وصل وعلى السرير على طووول .. )
***
بيت ابو مشعل #
على الغداء ..
ابو مشعل : وش صار عليك .. ماودك تعرس ؟
مشعل يقرب الملعقه من فمه : لآ شطب شطب ..
ابو مشعل : افاااا
ام مشعل : لامايصير .. يعني ماراح افرح فيك ؟
مشعل : فرحتي بثامر .. ( مسك يد شيما ) وعقبال ماتفرحين فيها .. بس انا لاا
ابو مشعل : هذي اخرتها اكبر عيالي مايتزوج .. ومايشيل اسمي
مشعل : يبه .. ثامر تزوج .. وعقبال مايجيب لك عيال يشيلون اسمك بس انا والي يرحم والديك مالي في الزواج .. ولاابي اتزوج ..
ام مشعل : الله يهديك ياولدي بس .. الله يهديك
مشعل انسدت نفسه وقام : اجمعين ان شاء الله .. بالعافيه ( وطلع فوق .. )
شيما ضحكت : ههههههههههههههههههههه
ام مشعل : شقصده ولدك ؟
ابو مشعل : وش يدريني
***
ببيت ابو عبدالعزيز ..
بقسم عبدالعزيز .. / الي كان منشغل بترتيب دولاب ملابسه .. ويطلع الملابس الي صغرت عليه وماعادت تنفع .. عشان يستفيد منها غيرهه ؛
فجأه سمع صوت القسم يفتح .. وسمع صوت ريان يتوجه له ..
عبدالعزيز لف بسرعه وفتح يده : هلاوالله بأهلي كلللللهم
( ريان تعلق برقبته )
عبدالعزيز : ريان خنقت بابا هههههههههههههههه طيب فك فك شوي
ريان : لآ
عبدالعزيز : ههههههههههههههه لوآ إن شاء الله .. ( شاله وقام وهو يبوس فيه )
تبغى نطلع اليوم .. اوديك المكان الي تبي والعبك لما تدوخ .. وأتعشى انا وياك ونرجع .. مشتاق لك كثيرررر
رهف : السلام عليكم ..
عبدالعزيز مارفع عينه : وعليكم السلام ؛ > توجهه للباب
رهف : عبدالعزيز
( عبدالعزيز وقف )
رهف : انا آسفه !
( عبدالعزيز ابتسم ابتسامه مافهمتها وطلع .. )
رهف : آآآآآآووووففف
***
الساعه 9 المساء
صحى سالم على صوت جواله ..
رد بطفش : هاااااااا
سلمان : وينننك ؟
سالم انسدح على ظهره : بسريري ..
سلمان : تستهبل ..
سالم : اعرفك عشان امزح معك ؟
سلمان : 10 دقايق واصير عند بابك .. قوم تعدل بسرعه
سالم : ياخي انت فاضي ..
سلمان : والله انت الي معقد الامور .. قوم بس
سالم قام وتوجهه للحمام : طيب بقوم .. ونشوف اخرتها معاك /
( دخل يتروش وطلع بفوطته .. لبس له سكيني جنز اسود وتي شيرت سماوي فاقع .. ولبس عليه جاكيت رسمي اسود .. والشوز السماوي .. رجع شعره الطويل شوي على ورا بالجل .. عطر نفسه اخذ جواله وطلع )
..
ام عبدالعزيز : سالم طالع يوم الاربعاء ؟ وكاشخ بعد غريبه !
سالم يطالع نفسه : هههههههههههه كلها جنز وتي شيرت !
ام عبدالعزيز : وين بتروح ؟
سالم : والله واحد من الشباب بيمرني .. بنغير جو شوي ..
ام عبدالعزيز ماارتاحت : لاتتاخر
سالم رفع جواله : ابشري ( ورد ) الوو .. آوك يالله جايك .. / مع السلامه يمه ,
ام عبدالعزيز : مع السلامه ..
( ركب معاهم بالسياره ..)
سلمان والزقاره بفمه : هلا والله
سالم يطالع بزقارته : من متى ماشاء الله
سلمان : ههههههههههه أووهه
(سالم عوج فمه ولف .. )
سلمان مد له زقاره : تجرب ؟
سالم صدها : لآ فكنا ..
سلمان : بكيفك ..
( مسك طريق طووويل وشبه فاضي .. إنتهى باستراحه وقفوا عندها ..)
سلمان يطفي الزقاره : مشينا ..
(سالم نزل بدون نقاش .. وأول مادخل الاستراحه انصدم بأنها شبه فاضيه .. )
سالم : هي كذا فاضيه ؟
سلمان : ههههههههههههه لا تعال ( مسك يده ودخل جواا ..
سالم : لآ يابوي وش ذااااا
.> كان الجو أنوار ديسكو .. اضاءه خافته .. موسيقى دي جي بصوت عاااالي ..
وشباب وصبايا مع بعض ؛
سالم صد وكان بيطلع بس وقفته يد سلمان : عيش حياتك لو يوم واحد
سالم : الله لا يخسف بنا بس ..
سلمان : ياعممي .. شوف شوف هالمزه الي هناك .. روح شبكها ؛
سالم : اقول روقنا ..
سلمان دفه : روووحح
( سالم لقى نفسه جنبها فجأه لف بسرعه وعدل جاكيته ولف لها .. وأبتسم )
سالم : هآآي ..
لولو : ........
سالم : طيب سلكي لي شوي .. تراني مغصوب على الجيه جنبك ؛
لولو : مو لحالك المغصوب
سالم : كيف ؟
( لولو مسكت يده وسحبته .. سالم مشى معاها بدون أي كلمه .. وارتسمت ابتسامه كبيره على وجهه سلمان لما شافه معاها .. )
لولو جلست بمكان شبه صاد عن الازعاج .. : انا كويسه !
سالم : ايش !
لولو خنقتها العبره : احسك طيب ومو راعي هالسوالف واول مره اشوفك هنا .. انا دايم هنا .. دايم يجيبوني هنا غصب عشان (وسكتت )
سالم : عشان شنو احكي
لولو بكت : عشان شنو يعني .. كل من جاء لعب فيني .. وربي اني ماشفت اهلي من شهر .. جايبتني وحده هنا .. وخلاص .. كل اربعاء يجيبونا هنا .. ولاخلصت البارتي رجعونا للشقه عشان تكمل الحفله هناااك
سالم : بأماااااانتك !!
لولو : وربي !
سالم : من يجيبك هنا قولي لي اسمه الكامل ..
لولو بتردد : سـ سـ سلمان الـ .............
سالم بصدمه : صااااحبي !!!

***
دخلت رهف على عبدالعزيز حصلته يلبس ريان جزمته ووقفه وعدل له شعره ..
رهف : وين رايحين ؟
عبدالعزيز رد بعد فتره : مشوار ..
رهف وجهت الحكي لريان : عادي اروح معاكم ماما ؟
( ريان طالع ف أبوه .. بعدها طالع فيها وماحكى )
رهف : ماماا ( حزت بخاطرها ) ليش مايرد علي !
عبدالعزيز : يلا يبوي نروح ؟
ريان هز راسه بالايجاب ..
عبدالعزيز وقف ومسك يده : لاتنتظرينا بالعشا ( رن جواله .. ورفعه / هلا
آيوه .. لا ماطلبت منك !
سلطان معطيك رقمي ..
لا خلاص .. انا اشوف سلطان وابلغه
اليوم ؟
اوك يوصل ان شاء الله .. ( وقفل )
رهف : مين !
عبدالعزيز طالعها بنص عين : واحد

***


آسفه ع قصر البارت ..
لكن انا مسافره هالأيام .. وإن شاء الله البارت الجاي يكون أطول ..
توقعاتكم ب القادم ؛
ودي ><

شلونك شموعه كيف الحال وكل عام وانتي بخيروتروحين وتجين بسلامه بس ابطالنا بدات تبين بعض توقعاتي بالنسبة لرهف وعبدالعزيزونوف يمكن حن لها لانه للحين مانسي صوتها واضن رهف رجعت شاكه بشي ويمكن سمعت اللي داربينهم

انا بخير دآمكم بخير ي قلبي .. " وأنتي بخير وصحه وسلامه ي رب "
ب النسبه لتوقعاتك .. صحيح رهف مارجعت لبيتها الا لأنها شاكه بعبدالعزيز ..
وماأظن عبدالعزيز حن لنوف .. لأنه راح يبين موقفه منها بهالبارت ..
تسلمين ع تواجدك ي قمرهه ..
والبارت بين إيدك <

..

البارت الـ 19
نكمل احداث حفله سلمان .. :
لولو جلست تحكي لسالم كل شي .. فجأه قام ومد يده لها

سالم : تعالي
لولو بصدمه : وين ..
سالم دنق لها وقال بصوت واطي : تبغين تشوفين أهلك ..
لولو : ايووه !!
سالم : مثلي معاي .. (مسك يدها وشدها لما وقفت .. قرب منها وحوط خصرها وقربها من صدره .. باسها وحكا بأذنها : تحمليني شوي لأن سلمان يطالعنا ..
(مشى معها وهو ماسك خصرها .. نزلت راسها على كتفه تخبي دموعها الي بدت تنزل من غير وعي .. مروا من جنب سلمان .. سالم فك خصرها ومسك يدها .. وقرب من اذن سلمان )
سالم : ابيها الليله ..
سلمان انبسط : هي لك .. (واعطاه مفتاح سيارته ) رح للشقه ..
( سالم غمز له ومشى .. بس طلعوا من الاستراحه فصخ جاكيته ولبسه اياها )
لولو تمسح دموعها : شكرآ ..
سالم ابتسم بعطف : تعالي معاي .. (وركبها معاه بالسياره )
***
بيت ابو عبدالعزيز #
نزل عبدالعزيز من فوق : ماشفتوا سالم ؟
ام عبدالعزيز : ليه ماجا ؟ طالع مشوار يقول
عبدالعزيز : ماكو احد فوق ..
ام عبدالعزيز : ايش تبغى فيه ..؟
عبدالعزيز : لابس كنت مواعده نشوف سياره له اليوم ..
ام عبدالعزيز : ايه .. والله ماادري عنه كلمه وشوفه
عبدالعزيز مسك جواله واتصل عليه .. رن لما انقطع ومارد عليه : مايرد !
***
من ناحيه ثامر وملاك #
( ثامر نايم بالغرفه والباب مفتوح واللمبه بعد .. علا صوته ينادي عليها )
ثامر : ملااااااك .. ملوووو
بعد خمس دقايق جته وهي تجر رجلها جر .. ووجهها منقلب .. مسكت بالباب وابتسمت : لبيه ..
ثامر جلس : حبيبي ليه وجهك كذا ..
ملاك : دايخه شوي ..
ثامر قام من مكانه ومسكها من يدها ومشاها لما السرير وجلسها : ارتاحي طيب
ملاك قامت : لاقولي ايش تبغى .. جوعان صح ..
ثامر جلسها مره ثانيه وجلس عند رجلها : مو جوعان .. قوليلي حاسه بأيش ..
ملاك : بس دايخه .. واحس بستفرغ
ثامر : مااكلتي شي صح
ملاك : الا أكلت .. بس مدري وش فيني من زمان وانا حاسه بكذا
ثامر تنرفز : وليششش ماقلتي لي
ملاك خافت : ماكنت ابي اخوفك .. لاتعصب طيب !
ثامر : ماعصبت .. (دفها لما انسدحت ) نامي
ملاك قامت : مافيني نوم
ثامر طلع عينه .. وهي انسدحت بسرعه وتلحفت : طيب طيب بنام
ثامر : ايوهه ادب .. ( توجهه للمبه وقفلها وقفل الباب .. رجع للسرير ونام جنبها ..
قرب وباسها على راسها .. ) : بكرآ نروح للطبيب .. ماراح يرتاح لي بال لما اطمن عليك
ملاك : طيب ..
( ثامر ابتسم .. ضمها ونام )
***
بسياره سلمان :
لولو : فونك ماوقف .. ليش ماترد ..
سالم يحاول انه مايطالع فيها ابتسم : اكيد الاهل
لولو : طيب رد حرام .. ممكن قلقانين عليك .. الوقت متأخر
سالم : ابشري .. ( رفع السماعه ) آلو
عبدالعزيز : آلوو ..
سالم : هلا عبدالعزيز ..
عبدالعزيز : سالم وينك ؟ ترا امي قلقت عليك
سالم : هههههههههههههه اصلا من شافتني طالع كان ودها تلحقني ياحبني لها ..
عبدالعزيز : ههههههههههه لاتقول مطول عاد ..
سالم : لا نص ساعه وانا عندكم ..
عبدالعزيز : والله كان ودي اروح وياك اليوم عشان السياره .. بس الله يهداك تأخرت
سالم : بكرا ان شاء الله نروح ..
عبدالعزيز : إن شاء الله .. يلا مااطول عليك لاتتأخر ..
سالم : ابشر يابو ريان
عبدالعزيز ابتسم : مع السلامه
سالم : مع السلامه ؛ / قلقانين علي
لولو : مو قلت لك ..
سالم قرب من البيت الي واصفته هي له : هذا البيت ؟
لولو خافت : ايوه
سالم : وش فيك ترجفين ..
لولو : ماودي انزل .. سالم خايفه !
سالم : خايفه من شنو طيب
لولو بكت : ماادري خايفه .. اخواني ماراح يصدقوني
سالم تنهد : انزل معاك أحكي لهم ..؟
لولو بسرعه : لآآآآآآآآ
سالم ارتبك : طيب طيب بس اقتراح !
لولو : لالا غلط .. انا بنزل والي كاتبه ربي بيصير .. (فتحت الباب ) سالم .. (غرقت عيونها ) مرا شكرآ
سالم لمس يدها : انتبهي لنفسك ..
( هزت راسها ونزلت .. قربت من باب البيت .. ولفت على السياره .. قابلها سالم بأبتسامه .. حست بخنقه وان ودها ترجع تركب معاه بالسياره وتهرب لأي مكان .. ماتبغى تواجهه اخوانها بهالمنظر ابدااا !
تعوذت من ابليس ورنت جرس بيتهم .. ثواني فتح لها اخوها .. شافها بالفستان الي واصل لنص فخذها وفوق كتوفها جاكيت رجالي .. وشعرها مبعثر على وجهها .. وكحلها سايل من كثر البكا .. )
: من مسوي فيييك كذااااا وين كنتي > هذا اخر ماسمعه سالم .. لأنه حرك بالسياره بعيد من فتحوآ الباب .. مايبغى يوهق نفسه معاها زياده .. او يوهقها هي اكثر !!
دخل للبيت .. وباله سرحان بعيييد معها .. قابلته امه : سالم
سالم فز : ها .. سمي .؟
ام عبدالعزيز : وينك يمه .. شوف الساعه 3
سالم : انا طالع منهم من زمان .. بس قابلتنا شوي زحمه
ام عبدالعزيز : قابلتكم ؟ الي جاي معهم انت يعني
سالم حس على نفسه : ها .. أي أي مع الي موصلني وكذا ..
ام عبدالعزيز : طيب .. (طلعت الدرج ) كنت احتريك تجي بس .. قلقلت عليك .. انا طالعه انام تصبح على خير
سالم : وانتي من أهل الخير يالغاليهه ..
..
طلع معاها وراح غرفته .. رمى نفسه على السرير وطلع جواله .. وراح للصور .. شاف صورتها وهمس : سامحيني صورتك بدون ماتدرين .. بس مااظمن اني اشوفك ثاني
(كانت صوره لها بالسياره .. وهي مسنده راسها على الباب ومنتثر شعرها على وجهها .. دمعتها كانت على خدها .. وانفها مبين احمر وضامه جاكيته الي عليها )
سالم تنهد .. : الله يصبر قلبك ! (ضم جواله وغفى .. )
***
من ناحيه نواف الي كان ماسك خط ويا شهد ..
نواف منسدح على السرير ويده بشعره يلعب فيه : آيوهه .. هههههههههههههه احلفي
شهد : هههههههههه وربي هذا الي صار
نواف : هههههههههه ااخخ ياحبي لك بس ..
شهد : ياحبك لي .. ؟
نواف : ايوهه ياحبي لك مرتين ؛$
شهد استحت : آه طيب ..
نواف ابتسم : تعالي بكره لازم آجي اخذك .. فاضيه
شهد : ليش تاخذني وين بنروح ..
نواف : بنروح مشوار .. بس انتي عندك شي ؟
شهد : لاماعندي شي بكرا
نواف : حلو .. اشوفك بكرا اجل
شهد : اوك .. بس ليش طيب
نواف علا صوته : مشششتاق اشوفك ياخخخخي
شهد : هههههههههههه طيب بس قصر صوتك ليش تصارخخ
نواف : لابصاارخ .. ولاسألتي مره ثانيه ليش بجي اخذك بصارخ اقوى .. شهوده وربي مشتاق اشوفك ..
شهد استحت : طيب حتى انا
نواف استانس : واللهه
شهد : والله ؛$
***
اما من ناحيه عبدالعزيز ..
توهه طالع لقسمه .. جلس على الكنبه بكل هدوء .. الاضاءه كانت خفيفه والصاله بارده .. سند راسه على الكنبه وغمض عينه ..
حس بأحد يطلع من الغرفه .. فتح عينه بسرعه الا رهف متوجهه للمطبخ بدون ماتطالع فيه .. شربت لها مويه وتوها بتدخل الغرفه حكا
عبدالعزيز : وبعدين معاك ؟
رهف كملت طريقها : ........
عبدالعزيز : احاكيك انا
رهف لفت : مو محتاج ردي !
( عبدالعزيز قام من مكانه وتوجهه لها .. طبعا هي اقصر منه .. منزل راسه يطالعها )
عبدالعزيز برفعه حاجب : الا محتاجه
رهف صدت عنه .. وهو مسك يده ولفها عليه : لما اكلمك لا تطنشيني .. ترا تعبت من هالاسلوب .. ماهي حاله !
رهف دمعت عينها بس قوت نفسها : انت الي جبته لنفسك
عبدالعزيز علا صوته : وش مسوي انااا !
رهف : لاتصرررخ ! وش ماسويت (بكت) اقربها ملكه نواف انا متأكده انك شفت هالنوف وربي كنت احسبها طيبه وماعندها هالحركات .. بس توصل فيها تقابلك عند الباب .. لا وتاخذ ولدي منك .. طيب على الاقل اتصلت علي .. اعرف اجي اخذه انا .. ايش ذااا
عبدالعزيز لف وشد شعره ورجع لف عليها قال بدون مايحس بنفسه : لاتشكين فنوف !
رهف : وليه ؟
عبدالعزيز : نوووف شريفه وماعندها هالحركات الي جت ببالك الحين .. ايش تقابلني رهف من جدك انتي .. انا متزوج وهي عارفه اني متزوج .. وعندي ولد ! يعني عيب قسم بالله عيب .. ولو إني ابي منها شي .. كان تزوجتها بسنه الله ورسوله ليش اخبي عليك .. واروح اقابلها من وراك .. بس انا متزوج مو بحاجتها !!
رهف صرخت : تتزوجها ؟ تتزوجها علي يا عبدالعزيز
عبدالعزيز : الحين تركتي كل هالحكي ومامسكتي الا هالكلمه !!
.> ثواني سمعوا صوت ريان يصيح .. دخل عبدالعزيز الغرفه بسرعه وتوجهه لسريره شاله وحطه على صدره .. وصار يهز فيه عشان ينام
رهف دخلت : عبدالعزيز
عبدالعزيز حط يده على فمه : أشش ( وصد عنها .. )
رهف انحرقت من هالحركه وطلعت للصاله .. جلست على الكنبه وصارت تبكي بهستيريا !!
ربع ساعه بعدها طلع عبدالعزيز من الغرفه .. مسحت هي دموعها بسرعه وقامت
عبدالعزيز : رهف ..
( هي وقفت .. )
عبدالعزيز قال بهدوء : انا مو متحمل شكك فيني .. ابي امشي هالزواج عشان ريان بس ..
( رهف توجهت للغرفه بدون أي كلمه زياده .. الي سمعته كافي .. رمت نفسها على السرير وافكار كثير تدور ببالها .. صح هي شكت فيه بزياده .. عبدالعزيز كل شي الا الشك .. شككته بنفسه .. فكرت بحكيه هو كان صادق لما جاب لها سالفه زواجه من نوف ! كيف يتزوجها من جده ولابس يبغى يقهرها !!
تعبت من كثر هالتفكير .. تقلبت كثير .. حاولت تنام بس ماقدرت .. طلعت للصاله بسرعه وحصلته على وضعه وحاط راسه بين يدينه وضاغط عليه ..
رهف جلست جنبه .. وبدون ماتحكي نزل راسه على رجلها ونام عليها ..
رهف كانت بتقومه من عليها .. طالعه من الغرفه بتقول له * أكرهكك * ماعاد ابغاك بحياتي * خلاص روح لها .. تزوجها هي انا ماابيك
بس من بعد ماسوا هالحركه .. تبخر كل حكيها .. ونزلت دمعه من عينها عليه ..
عبدالعزيز فتح عينه ومد يده على خدها ومسح دمعتها .. )
..
رهف : عبدالـعـ > ماامدها تكمل اسمه حط يده على فمها .. وقال بصوت باين عليه الضيقه : اشش خلاص
رهف زاد بكيها .. بس كاتمه شهقاتها .. قاام من على رجلها وقعد على حيله .. شدها من يدها لحضنه .. حاولت تبعد عنه وضربته على صدره : أكررررررررهك !
عبدالعزيز ضمها له زياده .. جلست تبكي بحضنه شوي بعدها دفته بعيد وقامت دخلت للغرفه .. طالع فيها وهي تروح ورمى نفسه على بطنه .. خبا وجهه بين المخده وحاول ينوم .. خلاص تعب .. تعب من كل شي !

***
ب شقه عبدالله وديما ..
عبدالله كان جالس على اللاب .. يتسلى شوي لأنه ماقدر ينام ..
مرت ديما من ورا الكنبه الي جالس فيها .. وحاولت تشوف يطالع ايش
عبدالله حس فيها وضحك : ههههههههههه وش تبين ؟
ديما استحت : ماابغى شي ..
عبدالله : يالملقوفه ..
ديما جلست بالكنبه الي جنبه : ماني ملقوفه ..
عبدالله : والله ..
ديما هزت راسها بالإيجاب ..
عبدالله : أقولك .. والله اني جوعان
ديما تنرفزت : قوم سووا لك شي وأكله ..
عبدالله : أنتي المفروض تسويين لي ..
ديما : لا والله .. بطني ولا بطنك ؟
عبدالله : هههههههههههههه لابطني .. أنتي اصلا عايشه على الهوا كأنك ضب ياخوفي تختفين ومااشوف غير الملابس تمشي لحالها
ديما : ههههههههههههههههههههه يما بسم الله علي وجع .. فيني خير ترا
عبدالله غمز لها : أي فيك ..
ديما استحت : اوص بس ..
***
عبدالعزيز ماقدر ينام اخذ الباكيت ونزل تحت .. طلع بالشارع وجلس على الدرج .. وولع وحده .. كان يتأمل الشارع بسرحان .. لاحظ سياره واقفه عند بيتهم .. قرب منها وطالع بلوحتها .. استغرب لمين .. بس شاف ساعه سالم جواها وأستغرب زيادهه .. رمى زقارته وطفاها برجله .. وطلع فوق قاصد غرفه سالم .. فتح الباب وسالم فز على طول
عبدالعزيز : سلوم ؟
سالم يحاول يفتح عينه : ها ! وشو
عبدالعزيز : السياره الي عند الباب لمين ؟
سالم يعرك عيونه : مو لأحد ..
عبدالعزيز : وساعتك وش تسوي جواها ..
سالم طالع بأيده وتذكر انه فك ساعته بالسياره : يوه .. هذي سياره سلمان الكلب
عبدالعزيز : وش موقفها عند الباب
سالم : ياهوه وش فيك مصحيني وماسكني تحقيق .. والله راسي مصدعني ومو فايق لك ..
عبدالعزيز : رجع السياره للولد .. وسيارتك بتجيك بكره
سالم : ان شاء الله عمي
***

بعد هالليله الطويله ..
يوم الخميس العصر .. نزل عبدالعزيز وواضح على وجهه التعب جلس بالصاله .. الي كانت فيها امه : السلام عليكم
ام عبدالعزيز : وعليكم السلام .. يمه وش فيه وجهك اصفر ؟
عبدالعزيز > شاف رهف تمر من قدامه وبيدها رضاعه ريان وبيدها الثانيه ماسكته .. طالع فيها بحسره .. وهي طالعت فيه .. خنقتها العبره بس ردتها بكبرياء .. مو قدام خالتها !
عبدالعزيز لف عينه عنها وسند على الكنبه : مافيني شي يمه ..
( شوي نزل سالم من فوق .. وسارح فكره بعييد )
ام عبدالعزيز : عيالي اليوم مب صاحين .. (علت صوتها ) سسسلوم
سالم فز : هآآ !
ام عبدالعزيز : وش فيك يمه وين وصلت ؟
سالم : معاكم معاكم !
عبدالعزيز : واضح !
( عشر دقايق على هالحال .. لما دخل نواف عليهم وابتسامته واصله لأذنه .. وبيده جايب الغدا .. )
نواف : السلام عليكم
ام عبدالعزيز : وعليكم السلام
عبدالعزيز : نواف جايب الغدا وش صاير فالدنيا ..
نواف : ههههههههههههههه انا اليوم مبسوط .. قلت ادلعكم
عبدالعزيز : دوم يارب
نواف : يدوم حالك ..
( عبدالعزيز لف راسه على رهف .. وهي فهمته وبعدت عينها من عينه على طول )
رن تلفون البيت ..
نواف : تغدوا خلوني اشوف من متصل ؟ / آلو
(تغير وجهه ) أي نعم بيت الـ ...........
كييف ؟ من متى !! مااحد بلغنااا لا !
إن شاء الله الحين .. لابجي لكم الحين
مع السلامه .. > قفل السماعه ووجهه مايبشر بالخير
نواف توجهه للباب : عبدالعزيز تعال معي
عبدالعزيز : على وين !
نواف : عبدالعزيز
( عبدالعزيز فهم نبرهه اخوه وقام معه .. )
ام عبدالعزيز : وين رايحين ؟ والغدااا
( نواف طلع بسرعه وعبدالعزيز لحقه واستفهام كبير على راسسه .. )

***
أنتهى البارت ..
تتوقعون وش صاير ومن المتصل ؟
ايش جديد علاقه عبدالعزيز ورهف ..
سالم ! بسهوله تعلق قلبه بلولو ؟
نواف وشهد .. بتستمر كذا ؟ كل الاجوبه بالبارت القادم .. ترقبوا ؛

زين صار عندي صحيح توقعاتي بس يمكن أخوهم سالم صار له لان الساعه اللي بسياره اللي مهي له واضن ان عبدالعزيز ونواف رايحين لسالم وبنتظارك للبارت القادم شموعه يعطيكي العافيه