لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 30-07-12, 11:04 PM   المشاركة رقم: 26
المعلومات
الكاتب:
DEM
اللقب:

البيانات
التسجيل: Jul 2012
العضوية: 244137
المشاركات: 2
الجنس أنثى
معدل التقييم: DEM عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
DEM غير متواجد حالياً
وسائل الإتصال:

كاتب الموضوع : شمعه غريب ؛ المنتدى : القصص المكتمله من وحي قلم الاعضاء
افتراضي

 

يوووهه شموعه حررام ليش صار بديما كذاا !
ويارب نواف ماقال لأحد ! ولايكون احد درا بالسالفه غيرهم !
وأتوقع نواف بينفذ تهديده بيوسف .. ويستاااهل !!


أنتظرك بالبارت القادم
موفقه حبيبتي

 
 

 

عرض البوم صور DEM   رد مع اقتباس
قديم 02-08-12, 04:13 PM   المشاركة رقم: 27
المعلومات
الكاتب:
اللقب:

البيانات
التسجيل: Jun 2010
العضوية: 174132
المشاركات: 212
الجنس أنثى
معدل التقييم: halazona عضو على طريق الابداعhalazona عضو على طريق الابداعhalazona عضو على طريق الابداع
نقاط التقييم: 202

االدولة
البلدKuwait
 
مدونتي

 

الإتصالات
الحالة:
halazona غير متواجد حالياً
وسائل الإتصال:

كاتب الموضوع : شمعه غريب ؛ المنتدى : القصص المكتمله من وحي قلم الاعضاء
افتراضي

 

الغاليه شموعه دائما رائعه ديما الله يعينها علي ماصابها واضن يوسف راح يتزوجها فتره ويطلقها واللي كان بسويه نواف يستاهله ويعطيكي العافيه ياعمري

 
 

 

عرض البوم صور halazona   رد مع اقتباس
قديم 03-08-12, 09:57 PM   المشاركة رقم: 28
المعلومات
الكاتب:
اللقب:

البيانات
التسجيل: Jun 2012
العضوية: 243350
المشاركات: 36
الجنس أنثى
معدل التقييم: شمعه غريب ؛ عضو بحاجه الى تحسين وضعه
نقاط التقييم: 18

االدولة
البلدSaudiArabia
 
مدونتي

 

الإتصالات
الحالة:
شمعه غريب ؛ غير متواجد حالياً
وسائل الإتصال:

كاتب الموضوع : شمعه غريب ؛ المنتدى : القصص المكتمله من وحي قلم الاعضاء
Stupid

 

DEM

هههههههه لآزم نضيف شويه حماس ..
وبالنسبه لتوقعك .. جوابه بهالبارت ؛

**
halazona

الرآئع وجودك ي قمرهه ..
وتوقعك مافكرت فيه واللهه حبيت

..

جميلاتي ربي يعطيكم آلف عافيه ع هالتواجد الي مايزيد الموضوع الا جمال
البارت بين إيدياتكن ..




البارت الـ 12 #
..
ام عبدالعزيز دخلت من برا وشافت وجهه ديما خافت : يمه ديما وش فيك ؟؟
ملاك تمشي الموضوع وهي مو عارفه ايش صاير : ماما بطنها يعورها شوي .. تعرفين ديما انتي إذا جتها المعفنه
ام عبدالعزيز زاد خوفها : قلب امك انتي .. مافي استفراغ ؟ نوديك الطبيب يمه
ديما حست انها ماتستاهل كل هالإهتمام منهم مسحت دموعها بعفويه : لا ماما شوي وبيخف ..
ام عبدالعزيز جلست على الكنب : اذا زاد قوليلي
ديما هزت راسها بالايجاب .. ولفت عليها ملاك بصوت واطي : ماقلتي وش صاير خوفتيني !
ديما : مافي شي
شيما : انا اقولك السالفه بعدين
ديما بأنفعال : انتتتتتتبهي
ملاك قامت بعصبيه : الحين تقولين لشيما ولا تقولين لي !!! ماعرفت لك ؟
ديما نزلت راسها : شيما غير
ملاك : لا والله !! اشوفك صرتي توأم شيما مو توأمي .. انا حاسه فيك شي كبير ! يعني من قل مصايبك وعارفتها كلها .. جت على هالسالفه
ديما : ايي جت على هالسالفه خلاص !!
شيما : اقول انتي وياها لاتتضاربون عشان شي سخيف !
ملاك خنقتها العبره : يعني يعورني قلبي عليك .. وأجلس حاطه يدي على خدي مااقدر اسوي لك شي
( ديما سكتت )
ملاك بعدت عنهم : براحتك ..
شيما ضربتها : ليه ماقلتي لهاا !!
ديما : ليه هذي سالفه عاديه ! تبغين الكل يعرف
شيما : لا مو الكل ملاك مو أي احد !
ديما قاطعتها : شيما خلاص لاتخليني اندم اني قلت لك
شيما حست من صوتها انها بترجع تبكي : لآخلاص .. الي يريحك
ديما لفت على امها : ماما خلينا نرجع البيت ..

***
بعد يومين من الاحداث .. #
(ديما ) ماصدقت ترجع البيت .. الكل كان شاك بأن فيها شي ومو طبيعيه ابدا
(نواف ) ارتاح كثير بعد ماعرف ان سامي ضبطه ورمى بيوسف ورا الشمس مثل ماطلب
(ملاك) ديما شاغله كل تفكيرها وكل ماحاولت تحكي وياها ماتقدر .. وراحت مع ثامر للبيت .. وبتطلب منه تروح عند اهلها اليوم ,
.. الكل له تفكيره .. والكل له خياله .. مااحد خالي البال ؛
وبما ان ثامر الاقرب لنواف .. بنفس اليوم قاله كل شي صار مع ديما ومع يوسف .. ثامر خاف على ملاك من كلام نواف عن ديما .. وبيحاول يبعدها عنها بكل مايقدر .. مايبي تخرب تفكيرها بنظرهه .. مايبيها تقرب من ملاكه ابدا

***
بشقه ثامر #
ملاك : احس اني اشتقت له كثييير ..
ثامر ابتسم : حتى هو اشتاق لك ..
ملاك : هههههههههه ايوه حبيبي .. (جلست جمبه ) بعد اذنك ابغى اروح لبيتنا اليوم
ثامر : هذا بيتك !
ملاك ببراءه : لآ بيتنا بيتنا الي فيه اهلي
ثامر ضحك بس بسرعه كشر : طبعآ لا
ملاك متعوده يوافق استغربت : ليه ؟
ثامر يطالع قدام : من غير ليه .. قبل يومين شايفتهم !
ملاك مستغربه اسلوبه : ثامر .!!
ثامر : انا قلت الي عندي ويله على المطبخ تراني ميت جوع
ملاك غرقت عيونها : مطبخ ! ثامر طيب ابي اروح
ثامر صرخ : قلتتت لآ
ملاك نزلت دمعتها ودخلت الغرفه : اوووف
( ثامر مستغرب من نفسه .. ليه قسى عليها .. بس لمصلحتها .. تقرب لديما لاااا !! )

..
( دخل عليها بالمطبخ حصلها تربط شعرها بعفويه وبوزها شبرين قدام .. أعجبه شكلها وجلس يطالع فيها من فوق لتحت وهي تحاول تتجاهل نظراته .. كان عليها قميص لنص ساقها فوشي وواسع .. شكلها حيل برئ !
كانت تقطع الي بيدها على اساس بتسوي له شي خفيف وثامر مسرح حيل ماقطع عليه سرحانه الا صرختها الي طلعت غصب عنها وكتمتها بسرعه )
ثامر بخوف : وششش فيك
( ملاك ماسكه ايدها الي نزفت دم .. هي شافت دمها صارت ترجف تخاف من الدم بشكل قوي .. ثامر قرب منها بسرعه ومسك ايدها .. فتح المويه عليها وهي تتالم طاحت عينه بعينها .. نزلت دمعتها بخوف ثامر ابتسم بيطمنها .. سحب الفوطه الي كانت على الطاوله ولف يدها وطلعها من المطبخ للغرفه .. دور بالدروج عن ضمادات ومطهر .. طلعه وصار يمسح على جرحها بخفيف بعد ماجلسها على السرير وهو جالس على ركبته قدامها .. لفه لها وباسها : حصل خير
( ملاك تمسح دمعتها بيدها الثانيه ..)
حاول يلطف الجو : ليه البكا طيب .. اذا جانا بيبي راح يضحك عليك ويقول ماما تبكي عشانها جرحت ايدها ؟
ملاك ابتسمت بين عبرتها : بس يعووور
ثامر بلهفه : ياجعله فيني

***
ببيت ابو عبدالعزيز #
( الكل مجتمع على طاوله الغدا عدا ديما ..)
ابو عبدالعزيز : وينها ديما ؟
ام عبدالعزيز : ياقلبي عليها تعبانه شوي ..
(نواف يطالع بالاكل بتوتر واضح عليه )
ام عبدالعزيز : يمه نواف .. ليه ماأكلت ؟
نواف قام من الطاوله بسرعه : عليكم بالعافيه ..
( استغربوا حركته .. بس ماهمه .. توجهه لغرفه ديما بسرعه وطق الباب بهدوء بعكس احساسه .. )
ديما : خير مو قلت ماابي غدا
نواف : انا نواف
ديما ارتبكت وفتحت له الباب : هـ هلآ نواف
نواف بابتسامه صفراء دخل الغرفه وصك الباب وراه : قلتي لامي شي ؟
ديما : امي لا !!
نواف : بعذرك .. عشان تقتلك
ديما خافت وخنقتها العبره : قلت لها انت ؟؟؟
نواف : لا ! وأصحك تقولين تجيبين لأبوي شي بعد
( ديما نزلت دمعتها بحركه غبيه منها ولحظه طيش مافكرت خسرت ثقتهم كلهم فيها )
..
نواف : وماتتعدين من هالبيت .! طلعات بروح للمول بروح لصديقاتي مجتمعين ماااافيه ولت هالايام ياديماا ومالها رجعه .. ماخربك الا هالدلع الزايد
ديما صرخت بانفعال : موووو بكيفك قول بتحبسني بغرفتي بعد > ماحست الا بكف حار على وجهها حطت ايدها على الكف منصدمه
نواف بين اسنانه : ترفعين صوتك مره ثانيه اقص لسسسانك فااااااهمه
اشوف يبغالك اعاده تربيه من جديد
( ديما جلست على السرير ودموعها ماوقفت .. )
نواف : بسسس بطلي دموع هالتماسيح الكلام الي عندي وصلك .. واشوفك طالعه سامعه (صرخ ) سااااااااامعه
ديما باستسلام وصوت واطي : ان شاء الله ..
( طلع وصقع بالباب .. )

***
على المغرب .. جت لها شيما بعد ماطلبت منها ام عبدالعزيز .. عشان تغير جو الكآبه الي عايشه فيه ديما شوي ..
كانوا مندمجين بالسوالف تحت .. وديما بدت تنسى .. اقصد تتناسا الي حصل ..
دخل نواف وسلم على امه .. توجهه للدرج بس وقفته كلمه شيما
..
شيما : خلاص لاتجلسين تتعذرين لي بالفستان .. عندي واحد مالبسته خذيه مافي وقت تطلعين تدورين لك واحد الزواج بكرا .. عاد انتي مايعجبك العجب يبغالك يومين بالمجمع !!
ديما : ههههههههههههه > بس انتبهت لنواف وقالت بخخنقه : ماادري مااتوقع
شيما : ديما تستهبلين هذا زواج نهى وربي لو درت انك ماجيتي تقتلك
ديما طالعت بنواف .. الي اعطاها نظره تهديد قالت بحسره : ماالي خلق زواج
شيما : ديما يالماسسخه
نواف تدخل : شيما ديما تعبانه شوي لاتضغطين عليها .. مو وقت زواجات
شيما لفت عليه : لا زواج بدون ديمتي ماراح اروح اجل
ديما بقلة حيله : لاروووحي والله روحي عاادي .. انا مالي خلق ومثل ماقال نواف تعبانه شوي مافيني اطلع
شيما : لا ماني رايحه لاتحاوين

..> نواف تركهم بعد ماارتاح انها ماراح تروح لمكان .. ! صار يخاف انها تطلع بالحديقه الي برا حتى .. تنهد وكمل الدرج بخطوات واسعه دخل للغرفه ورمى نفسه بتعب ..
***
يوم الأثنين #
الساعه 5 العصر ..
فتح عينه بتعب وطالع الساعه انفجع !!! كيف نام طول هالوقت بدون مايحس بنفسه وبنفس اللبس اللي عليه امس ولا غطا ولا شي ..
قام بسرعه واخذ له دش وغير ملابسه وصلى الفروض الي عليه .. ونزل تحت ..
كان يمشي بهدوء على الدرج وفكره سارح بعيييييد .. جلس على كنبه الصاله ونادى ع الخدامه
روز : ايوه بابا ؟
نواف : فيه غدا
روز : لآبابا هذا ماما وميس ديما مافي موجود
نواف صد بعدها استوعب ولف عليها بسسسرعه : ديييييييما طالعه .!!
روز : ايوه بابا ايش فييه انت سرخ .!
نواف : خلاص خلاص روحي
روز : مايبغى سوي غدا
نواف عصب : قلتتتتتتتت رووووحي
روز : طيب مافي سسرخ

( نواف مسك جواله بيتصل على امه ثواني سمع صوت ضحك ودخلوا مع الباب ..
ديما تغير وجهها من شافت نواف وقف ووجهه مايبشر بالخير )
نواف حاول يمسك اعصابه : يمه وين رايحين ؟
ام عبدالعزيز : ابد ديما ماراحت الجامعه اليوم .. اخذتها وطلعنا نتغدى برا .. لأن ابوك بيتأخر بالشغل
نواف يطالع بديما : طيب ليه ماقلتوا لي
ام عبدالعزيز : هوو !! ليش نقولك يمه ..
نواف : اخذ احتياطاتي .. تعرفين يمه (طالع بديما ) الكلاب واجد
(ديما تغير وجههاا وتلبكت كثييير )
ام عبدالعزيز : أي احتياطات حبيبي .. ماعلينا قولي تغديت
نواف اخذ جواله من الطاوله : منسده نفسي
ام عبدالعزيز اخذت اغراضها وطلعت فوق : بكيفك ..
نواف استغل الفرصه ومر من جمب ديما وقال بصوت واطي : هذي اخر مره تطلعين من هنا لحالك .. المره الجايه على بيت زوجك على طول ..
ديما انصدمت : زووووججي ؟
نواف : أي زوجك .. لازم انزوجك ولا ناويه تجيبين لنا مصيبه ثانيه > وفتح الباب وطلع
ديمما كان احد صافقها على وجهها ركضت على غرفتها بسرعه رمت نفسها على السرير تخفي دمعاتها ..
***
بالمساء ..
دخل نواف وحصل الاهل كلهم مجتمعين ..
استغل الفرصه وقال بيفتح الموضوع وياهم خلاص ..
سلم عليهم وجلس ..
عبدالعزيز : وش فيك هالايام ماتنشاف ..
نواف : انت الي غاطس
عبدالعزيز يلعب ريان بين يده : رياني ماخذ كل وقتي
نواف غمز له : ريانك ولا ..
عبدالعزيز ضحك : هههههههههههههههههههههههه اعقل اقول
نواف :ههههههههههههههههههههه
ابو عبدالعزيز : وراكم تحكون بالالغاز ..
نواف : هههههه لا ولاشي يالغالي .. عندي موضوع خاص وودي اقوله لكم ..
رهف فهمتها قامت بتأخذ ريان .. عبدالعزيز سحبها من ايدها وجلسها اعطاها نظره : مااحد غريب هنا قول ..
نواف خذ نفس : واحد من الشباب يبغى يتزوج .. وطلب مني ديما .. وانا مارديته ولا عطيته كلمه للحين .. قلت باخذ رايكم
ديما تغير وجهها ( نفذ كلامه يعني قول لا يابابا قول لا ) : ...............
ابو عبدالعزيز انبسط : هذي الساعه المباركه والله
ام عبدالعزيز : من يقالهم ..
نواف : اسمه عبدالله الـ ........
ابو عبدالعزيز : حمولة طيبه ..
عبدالعزيز : عبدالله الي بأستراحه فيصل ؟
نواف : آيوووهه هو
ديما ( كملت كلهم يعرفوونه ) حاولت تطلع صوتها : بابا
ابو عبدالعزيز : سمي
ديما تطالع بنواف الي نظراته لها تكفي تسكتها بس ماسكتت : بابا بس ماابغى اتزوج
ابو عبدالعزيز : ليه يابوي .!!
ديما خنقتها العبره : مااقدر اعيش بعيد عنكم
( نواف ضحك جواه بسخريه ..)
ام عبدالعزيز : ياعيوني ماهوب غصب .. اذا ماتبين بكيفك
نواف : لايمه كل البنات الي بعمرها تزوجوا ..
عبدالعزيز : ماهي صغيره .. شوفي ملاك
ديما حست انه عارف بالسالفه : وش علي منهم انا ماابي اتزووج ابي اكمل جامعه
ام عبدالعزيز : هي ماهي صغيره بس الي يريحها .. مانبي نغصبها على شي
نواف عصب من دلعهم لها وفلت لسانه : الا بنغصبها تبون تجيييب لنا مصيبه ثااااااانيه
..
..> لحظه صمت يستوعبون حكي نواف !!
( نواف حس بنفسه وسكت وديما نزلت دمعتها خلاص وعبدالعزيز تأكدت شكوكه )
ابو عبدالعزيز : وش قصدك يانواف ؟
نواف قام : ولا شي > وتوه بيطلع الا صرخه ابوه
ابو عبدالعزيز : نووووواف فهمنااااااا
نواف خاف .. من زمان ماسمع هالصرخه من ابوه .. ابوه هادي : ولا ولا شي يالغالي ريح بالك ..
ابو عبدالعزيز عصب : بتقول ولاشلون يانواف
عبدالعزيز حاول ينقذ اخوه من هالموقف : مافي شي يبه
ابو عبدالعزيز لف عليه بسرعه ويده على فمه : انت اسسسكت ..
نواف حط نفسه بموقف لايحسد عليه مايدري يقول ولايسكت .. يكذب ولايريح نفسه من هالعذاب اليومي ويقول : يبه .. (سكت شوي ) انا خايف عليها .. هالزمن يخوف .. وديما من النوع الي ينجرف بسرعه .. نزوجها ونرتاح .. ابي اتطمن عليها يبه !
ابو عبدالعزيز مااقتنع : هذا كل الحكي .. ترا لو صرت تكذب علي ماراح اسامحك يانواف
نواف بلع ريقه .. بس ماراح يخاطر بصحه ابوه عشانها : هذا كل الحكي يبه
( ديما كانت عينها معلقه على نواف .. الي عرق من هالموقف الي انحط فيه .. ماكان ناوي يقول ولافكر بهالشي .. حست فيه .. وحبت اخوها زيادهه .. خاطر برضا ابوه عشانها .. ويمكن عشانهم كلهم )
ابو عبدالعزيز قام : انا داخل انام .. تصبحون على خير > وقامت امهم معاه ..
رهف قامت وقالت بصوت واطي : ريان نام بطلعه فوق .. بتطلع
عبدالعزيز : ايوه ثواني والحقك ..
رهف تطالع بديما الي ماوقفت بكي .. كان ودها تجلس وياهاا تخفف عليها .. تبكي معاها : اوكي ..
..
( نواف سند نفسه على الكنبه وتنفس بعمق وزفرها وحط يده على راسه وضغط عليه
ديما قامت بتهرب من هالموقف .. بتهرب من كل شي وقفها صوت وليد )
وليد : ديما اجلسي
ديما مازالت واقفه ومنزله راسها : بطلع انام تعبانه
وليد : لآ بتجلسين .. عبالك اقتنعت بحكي نواف .. !
ديما : ..................
وليد بهدوء : أحكي .. ولاأنت فهمني
نواف بعد يده وطالع فيه : هي أختك انت .. تفاهم وياها ..

(شال نفسه وطلع من البيت بكبره .. انقلبت عيشته من بعد هالموقف .. كرهه عمره انه طلعها من المستودع وهو الي ابتلش بهالمصيبه .. تعب تعب من كثر مايفكر كان وده يرميها بالبحر ويخلص منها .. كرهها كثيييير .. )
..
عبدالعزيز قام وتوجهه للدرج ..
وليد : ماتبغى تسمع السالفه ؟
عبدالعزيز بأبتسامه صفراء : وليه اعور راسي .. انا طالع انام
ديما راحت للدرج بسرعه .. ووليد لحقها بعد مادف عبدالعزيز وبعده !
عبدالعزيز : وجع ان شاء الله وليد > ولحقه
حصله واقف عند غرفتها ويخبط على الباب : افتحي احسن لك
ديما بخوف : رووح هناااااك
عبدالعزيز سحبه من قميصه وبعده عن الباب : خير انت !
وليد : خل اختك تفتح السالفه فيها ابن كلب
عبدالعزيز : واذا فيها ابن كلب تقعد تخبط على الباب كأنك مهبول .. هالسوالف ماتنحل كذا
وليد : يعني انت عارف
عبدالعزيز : أي عارف من يومها ..
وليد صرخ : افتتتتتتتتحي
طلعت على اصواتهم ام عبدالعزيز : ليش الصراخ ابوكم نام !
عبدالعزيز : ولدك انهبل
وليد : بنتك بتجنني يمه
ام عبدالعزيز : وش سوت !!
عبدالعزيز سحب وليد من قميصه ودخله لقسمه : لآتحاتين يمه روحي نامي
( قفل الباب ) لا قل لأمي ! انهبلت انت .. مافي عقل بمخك خلاص
وليد : عبدالعزيز فكني عليها
عبدالعزيز : والبنت وش سوت .. انا ماني متأكد من أي شي
وليد : عبدالعزيز !!
عبدالعزيز دف وليد برا .. ودخله لغرفته : نم الحين وبكرا يحلها الله ( وقفل الباب بوجهه )

..
توقعاتكم .. ايش بيصير على ديما ؟
نواف جاد بموضوع الزواج ؟
وليد .. بتتحكم فيه عصبيته ولا بيوقفه عبدالعزيز !!



آنتظركم ..

 
 

 

عرض البوم صور شمعه غريب ؛   رد مع اقتباس
قديم 04-08-12, 02:40 AM   المشاركة رقم: 29
المعلومات
الكاتب:
اللقب:

البيانات
التسجيل: Jun 2010
العضوية: 174132
المشاركات: 212
الجنس أنثى
معدل التقييم: halazona عضو على طريق الابداعhalazona عضو على طريق الابداعhalazona عضو على طريق الابداع
نقاط التقييم: 202

االدولة
البلدKuwait
 
مدونتي

 

الإتصالات
الحالة:
halazona غير متواجد حالياً
وسائل الإتصال:

كاتب الموضوع : شمعه غريب ؛ المنتدى : القصص المكتمله من وحي قلم الاعضاء
افتراضي

 

توقعاتي مابتوقع هال مره بس أتمني تنحل مشكلتها علشان نواف وفديتك يامبدعه

 
 

 

عرض البوم صور halazona   رد مع اقتباس
قديم 06-08-12, 07:41 PM   المشاركة رقم: 30
المعلومات
الكاتب:
اللقب:

البيانات
التسجيل: Jun 2012
العضوية: 243350
المشاركات: 36
الجنس أنثى
معدل التقييم: شمعه غريب ؛ عضو بحاجه الى تحسين وضعه
نقاط التقييم: 18

االدولة
البلدSaudiArabia
 
مدونتي

 

الإتصالات
الحالة:
شمعه غريب ؛ غير متواجد حالياً
وسائل الإتصال:

كاتب الموضوع : شمعه غريب ؛ المنتدى : القصص المكتمله من وحي قلم الاعضاء
Argh

 

ليه ليه ماتوقعتي ههههههههههه وربي احب توقعاتك @"
بتنحل مشكلتها إن شاء الله .. والبارت بين يديك ..


..

البارت الـ 13#

هاليوم ديما ماقدرت تنام ابدا .. وهي تسمع صراخ وليد وعبدالعزيز عند باب غرفتها .. حاولت تغمض عينها بقوه وغطت راسها بالمخده .. دموع عينها ماوقفت من يومها .. انصدمت بالشخص الي حبته سنين .. فقدت اغلى ماعندها .. فقدت ثقه اهلها فيها .. وخوفها من اخوانها الحين .. حست بوحشه غريبه كأنها مو بين اهلها .. / مسكت جوالها واتصلت على رهف .. هي اقرب وحده عندها بهالوقت ..
ديما حاولت تكتم عبرتها : رهف ..
رهف : آلو .. ديما ؟
ديما : رهف تعالي عندي ..
رهف : عيوني وش فييك !!
ديما : رهف ابغاك عندي الحين
رهف : طيب ياقلبي جايتك .. جايتك
قفلت من هنا ولف عليها عبدالعزيز : وش تبغى ؟
رهف قامت ولبست الروب حقها : مااعرف بروح اشوفها ..
عبدالعزيز مسك يدها : لآ
رهف : ايش لا !
عبدالعزيز : تلقين وليد واقف عند باب غرفتها وينتظرها تفتح بس عشان يدخل يضربها
رهف شهقت : وبتخليه ليش يضربها ايش سوت !!!
عبدالعزيز : وانا بقعد اراقبه ؟
رهف : لابروح لها .. ماسمعت صوتها انت > وقربت من باب القسم !
عبدالعزيز صرخ : رهف ترا بزعل
رهف : الي مافيه خير بأهله .. مافيه خير بالناس .. هذي اختك .. وبنت خالتي بنفس الوقت !! > وطلعت من قسمها قاصده غرفه ديما ..
***
يوم الثلاثاء العصر ..
دخل فيصل استراحته .. وكان مطلع الاهل معاه .. يغيرون جو ويوسعون صدورهم ..
نسى ان نواف متصل عليه امس ونايم فيها عشان مااحد يزعجه ..
صحى على صوت صراخ البنات برا .. صار يتقلب ويحرك عيونه بتعب .. فتح بشويش وحاول يطالع الموجودين برا الخيمه .. شاف مجموعه بنات جالسين على الارض .. استغرب الوضع !!!! قام وطلع برا عند الغسالات .. غسل وجهه وسحب كم منديل ومسحه .. طالع نفسه بالمرايه وحرك شعره بعفويه ولف .. حصلهم يطالعون فيه باستغراب .. هو شك بعمره .. صار يطالع بنفسه ونسى ان ازرار القميص مفتوحه .. استحى وقفلها بسسسرعه .. هم ضحكوا عليه ودخلوا داخل الخيمه الي ب الجهه الثانيه
***
فيصل طلع من الخيمه : نواف انت صحيت
نواف ابتسم : أي صحيت (اشر براسه عليهم ) من ذولا ؟
فيصل قرب منه : اخواتي .. لايكون حطيت عينك عليهم
نواف : هههههههههههههههههههههه ام سماوي حبيتها
فيصل ضربه : ايش الكلام داا
نواف :ههههههههههههه اخخخخ خلني ياخوك مو ناقص
فيصل حط يده على كتف نواف : تعال احكي لي كل حاجه مافهمت منك شي امس .. ايش عندك نايم هنا ..
***
بداخل خيمه البنات #
روان : من هذاا ؟؟
وتين : واحد من اصحاب اخوكي اكيد ..
روان : وااااااااااي اخويا يصاحب مزز كذا
وتين : احترمي نفسك يابت
روان طولت على صوت التي في زياده الي كان على قناه وناسه : اقول قومي ارقصي معاااي وخلي الجديه عنك شويه
وتين : هههههههههههههه روان ياهبلا قصري شويه
روان ترقص : ههههههههههههههه لآلآلآ ...
خوله معاها البلاك وجنبها رزان : ايش رايك بالله
رزان : ههههههههههههههه مدري عنك والله
خوله : ايش اعمل فيها دي .!
وتين : مين ؟
خوله تاشر على جوالها : وحدا بالمدرسه ناشبه لامي .. الا تبغى تصاحبني
وتين طلعت عينها وشهقت : انتببببهي
خوله ورزان : ههههههههههههههههههههههههههه
خوله : لاخلاص ماراح اقولك الباقي لاتموتي عليا
رزان :هههههههههههههههه
وتين : انطقييي بسسرعه
قطع عليهم دخله فيصل : مبرووووك حصلنا لك عريس
كلهم طالعوا فيه : مييين ؟؟
فيصل : هههههههههههههههه (طالع بوتين ) نواف خطبك هههههههههههه
وتين باستفهام كبير : مين نواف ؟
روان ضربتها : ياهبلا نواف الي قبل ششويه برااااا
وتين : هذاااك لا وووع
روان رفعت حواجبها : هبلااااا وربي هبلا ايش يبغووا فيكي انا ابغاه فيصل بليز بليز
فيصل : هههههههههههههههههه
وتين : ايش هبلا .. انتي الي هبلا ايش تبغي فيه
فيصل : ها ها حدكم الا ابن عمي
روان مسكت بقميص فيصل : فصولي . . قوله في الي احلا منها وزوجني هواااا
فيصل : هههههههههههههه حبيتيه
روان : مممررررا
فيصل : ترراه عصبي وانتي مرا مايعه
روان : عاااتي ابيه
وتين : ههههههههههههههه ايوه خليه يعلمك الأدب .. نشوف من راح تجينا تبكي
روان : بسم الله عليا
فيصل : نسيتوني جاي عشان ايش .. تبغوا غدا من برا ولا نشوي ؟
خوله : لاخل الشوي بالليل ..
فيصل : من عيوني
خوله استحت : تسلم عيونك
روان : هههههههههههههههههه تراه اخوكي يابنت
( خوله تطالع بفونها منحرجه )
كلهم : ههههههههههههههههههههههههه
***
بالمساء ..
رجع نواف للبيت .. بعد يوم حلو مع أهل فيصل .. كان البيت هااااادي على غير العاده ..
طلع فوق .. دخل غرفته ورمى نفسه على السرير بارهااااااق .. حس باحد مر من عند الباب استغرب الوضع وحكى : يمه ؟ ديما ؟؟
ديما : نعم ..
نواف قام وطلع برا غرفته متوجهه لها : كيفك
( ديما لفت عليه .. هو انصدم من الي شافه كان واضح عليها اثر الضرب .. عينها منتفخه وفي علامات زرقاء على وجهها ويدها كدمات فاماكن كثيره من جسمها )
ومع ذلك ابتسمت ابتسامه صفراء : طيبه !
نواف صرخ : من سواااا فيك كذا
ديما نزلت راسها وقالت بصوت مكسور : استاهل مو !
نواف مسكها من يدها وهزها : مييين قوليلي
ديما نزلت دمعتها : وليد !
( نواف عصب عصب بشكل .. توجهه لغرفه وليد وخبط عليه الباب بقووووه )
وليد رد : هااااا وشو بعد ؟؟
نواف : وليد افتتتتح الحيييين
وليد استغرب وفتح بسرعه : نواااف !! ايش السالفه
نواف وماسك ديما بيدها ويأشر على وجهها : انت الي مسوي فيها كذا !!
وليد طالعها بحقد وقفل الجوال حقه .. عشان صاحبه مايسمع شي : تستاهل الكلبه زين ماقطعتهااااا باسناني
نواف : تستاهل !! طالع طالع وش مسوي بوجهها انتتت !! مفرغ طاقتك فيها حرام عليك ياشيخ
وليد : هييييه انت نسيت وش مسويه اختك .. مصيرهااا تمووتت هاذي
نواف : لا مانسيت بس ماتوصل لهالدرجه ياوليد
وليد : الا توصل .. توصل ونص بعد .. وهذي هذي ماابي اشوفها بوجهي تزوجها وتفكنا منها ..
نواف يطالع بصدمه : ماظنيتك حيوان كذا !
وليد : نواف احترم نفسك ..
نواف صرخ : انت الي احترم نفسك .. اشوفك نسيت عمرك .. لآتخليني اربيك هنا
وليد : لا مانسيت عمري .. وانا مااحد يربيني
نواف اعطاه كف : اربيك واكسر خشمك بعد
وليد دفه لما طاح على الابجوره القزاز وانكسرت .. نزفت ايده دم بعد مادخل القزاز فيها
ديما صرخت : نواف جاك شي
وليد : لا اركضي له طبطبي عليه .. بدل ماكان يطبطب عليك
نواف وقف : لا ماني بحاجه طبطبه احد ..
( دخلوا ابوهم وامهم للبيت .. على طلعه عبدالعزيز من غرفته .. بعد ماكانوا طالعين مشوار .. شافوا الأبجوره الكبيره منكسره .. والقزاز متناثر على الارض ونواف واقف والشرار بعينه ويده تنزف .. ووليد بالجهه الثانيه .. وديما بينهم )
ام عبدالعزيز صرخت : ايش صاير !!
ابو عبدالعزيز : عبدالعزيز وش صاير
عبدالعزيز يطالع المكان بصدمه : ماادري ! انا سمعت صوت القزاز وطلعت !!
ام عبدالعزيز : ماتفهموني !
نواف يأشر على وليد : ولدك ..
ابو عبدالعزيز : احترم امك يانواف
نواف عض على شفاته : انا محترم نفسي .. ومحترم امي ومحترمكم كلكم .. ( صرخ ) كلكم غلطانين .. انتم الي وصلتوها لهالشي ( دمعت عينه من قوه الضغط الي يحس فيه ) يبه شوف وجهها .. شوف وجه دلوعتك ! يبه انا تعبت .. مااقدر على كل هالضغط
ابو عبدالعزيز مو فاهم : أي ضغط .. وش صار فيك ديما من مسوي بك كذاااا !!
نواف : وليد اللي سوا فيها كذا .. غيرته عليها توها تطلع .. وطلعت بالضرب .. تمد يدك على بنت ؟ هذا اقوى شي عندك .. والله الحشيمه لأبوي ولا كان طلعت كل هالضرب بوجهك ياالحيوان
ابو عبدالعزيز : نواااااااف .. انت من امس تحكي الغاز وانا مو فاهم عليك ولا شي !
وليد : يبه ديما غلطت .. ولو انك مكاني ضربتها ! هذا جزاها واقل من جزاها بعد
عبدالعزيز قاطعه : اووووص غلطت بأيش ماتقول لي ..
وليد : غلطت مع ابن كلب .. لاتسوي روحك ماتعرف السالفه
عبدالعزيز : أي بن كلب ؟ اسمه ؟ رقمه ؟ شكله !! تعرفه ولا مستنتج هالحكي من مخك
وليد : لآ مااعرفه .. اسأل ديما عنه هي ادرى مني به !
نواف : انت زودتها واجد .. واذا ماسكت قسم بالله بتحدني اسوي افلام بوجهك
ابو عبدالعزيز عصب : بس انت وياه !! انا ماراح اسألكم عن هالسالفه الي تتناقشون فيها .. كل واحد يخربط من راسه .. انا واثق فبنتي ومو محتاج رايكم فيها .. تصبحون على خير ..
( لحظه صمت .. قطعها صياح ريان فوق .. / عبدالعزيز طلع لقسمه بسرعه .. ووليد فتح الباب وطلع من البيت .. ونواف مسك يد ديما وطلعها فوق لما وصل لغرفته .. )"

ديما تبكي : ليش مدخلني هنااا ماابي
نواف يطالع فيها بحنان : امسحي دمعتك ديما .. ونامي بغرفتي اليوم .. انا ماارتحت من حكي ابوي .. اخاف يدخل عليك بالليل وانا نايم !
ديما مسحت دمعتها وتراجعت بسرعه : لا بابا لا
" نواف رحمها سحبها من يدهاا لحضنه وضمها حييييييل "
ديما انهارت بكاا : نواف انا اسفه .. !!
نواف تنهد : وانا اسف اني تركتك لوحدك ..
ديما : والله ماكنت ناويه يصير كذاا انا كنـت
نواف قاطعها : أششش .. اشش سالفه وراحت .. ولازم تفتحين صفحه جديده بحياتك لازم ..
ديما : طيب كيف بتزوجوني ..
نواف بعدها وطالع فيها : عبود طيب .. وماراح يضرك بشي .. وهو فآهم السالفه كلها
ديما تصيح : يعني بترموني عليه
نواف : هو الي يبغاك
ديما جلست على سرير نواف : ايش يبغى فيييني
نواف يحاول يطلع القزازه من يده : لاتحسبين انه لما راح شرفك راح كل شي
ديما : االا راح .!
نواف رفع عينه : انتي ضيعتي شي ثمين .. وغالي عليك حيل .. بس باقي لك طيبتك وقلبك وروحك انتي ياديما الي مااحد يشابهك فيها . . باقي لك اشياء كثير .. ومرآحل كثيره ماجربتيها .. جربي تنسين وتعيشين ... وربي بيغفر لك خطاااك .. توبي !
ديما شهقت بالبكي : نواف انا احبك وربي احبك
نواف : تظلين انتي اختي اللي مابتخلى عنك بسبه هالموقف .. !
ديما مسحت دموعها وطالعت بأيده : يعور ؟
نواف ابتسم : شوي
***
يوم الجمعه .. #
اليوم الي اتفقوا ان يجي عبدالله يشوف فيه ديما .. عشان يكون الوضع طبيعي ولايشك ابوهم او امهم بشي ..
التوتر قاتل ديما بشكل .. كانت تطالع نفسها بالمرايه .. وتحاول تعدل كم خصله طايحه على وجهها .. كانت لابسه شي رسمي .. ولاحطت غير كحل بدآخل عينها .. ولون مرطب هادي على شفاتها .. وأخفت الكدمات الي حول عينها .. جلست على كرسي تسريحتها بصمت .. قطع عليها صمتها دخله امها عليها ..
..
ام عبدالعزيز : بسم الله عليك الرحمن الرحيم
ديما وقفت .. ابتسمت غصب عنها وقالت : حلو ..
ام عبدالعزيز : قمررر تجنييين
*ديما ترددت هالكلمه عليها وجاء ببالها يوسف .. ( تجنين .. تجنين .. تجنين ) حاولت تبعد صوته عن بالها وضغطت على راسها بقووووه ..
ام عبدالعزيز : يمه ديماااا وشفيك ؟
ديما : لاماما بس راسي يعورني شوي ..
ام عبدالعزيز : بسم الله عليك يمه .. تعالي يلا ننزل .. الولد يحتري من زمان
ديما ازداد نبض قلبها : طيب !!
..
نزلت تحت واستقبلها نواف بابتسامه حنونه .. من شافته ديما خنقتها العبره على طول حس فيها ومسكها بزاويه ..
نواف : لآتبكين ..
ديما تحرك يدها على وجهها : ماراح ابكي
نواف طالع فيها باعجاب : الله يعينه على هالحلا ..
ديما ضحكت بين عبرتها الي خانقتها : هههههههه
نواف يأشر على الصاله : شوفي من هنا ..
(ديما طلت براسها حصلت ملاك .. صرخت صرخه وجرت عليها بسرعه واستقبلتها ملاك بالاحضان من ضمتها نست كل حكيها قبل .. ماقدرت تمسك نفسها زياده وبكت خلاص )
نواف : ههههههههههه لو اني عارف انك بتبكين كان ماخليتك تشوفيها الا بعد ماتطلعين من عبود ..
ديما ارتبكت : أي مابعد شفته .. بيشوفني .!! وش اسسسوي وش اقول يممه ماابي
نواف وملاك : ههههههههههههههههههههههههه
ملاك ابتسمت ومسحت دمعتها : خليك ديما الي اعرفها .. واثقلي شويه هههههههه
ديما تتنفس بصعوبه : طيب ..
ملاك تعدل خصله من شعر ديما : ليه ماحطيتي شي بوجهك ..
ديما : البساطه احلى
ملاك : ههههههههههههه
نواف مسكها من يدها : يلا ..
ديما بعد ماقربوا من المجلس : نواف خايفه ..
نواف : لاتخافين انا معاك ..
(سمت بربها ودخلت .. ونبضات قلبها تسمعها من قوتها .. منزله راسها وتتبع نواف الي جلس قدام عبدالله .. وهي وقفت شوي .. بعدها توجهت جمب نواف وميته خوووووف حكت بصووت بالعافيه ينسمع : السلام عليكم
عبدالله : وعليكم السلام ياهلا ..
..
انتظرها تحكي .. ماحكت منزله راسها وساكته .. وهو عينه معلقه فيهااااا لف عليه نواف الي كان ملتهي بجواله : بتجي الاستراحه اليوم ؟
عبدالله قال بثقل وعينه عليها : والله عندي كم مشوار ماادري اذا يمديني عليكم
نواف : وش عندك
عبدالله غمز له : شغل
ديما بين نفسها ( هذا من اولها وش شغله ان شاء الله يوم الجمعه .. اووفف لحظه لايكون اغار عليه هيييييه اعقلي وربي مب جووي ..! ليه يطالع فيني كذااا لييه بموووت ) لفت على نواف .. بنظرهه منها كأنها تترجاه تطلع من عندهم خلاص .. انقذها من هالموقف دخول سالم : ديموز .. امي تبيك
ديما طلع صوتها وقامت بسرعه : ماماااا أي طيييب .. ><
عبدالله ضحك غصب عنه : ههههههههههههههههههه
نواف ضحك على ضحكته : هههههههههههههههه
( ديما طالعت عبدالله بقهر كأنها تقوله مافي شي يضحك .. ابتسم لهاا .. استحت وطلعت بسسرعه )
..
(جلست ساعه تستوعب الي صاااار )
ملاك نطت عندها وضمتتتتها : هااااااا كيف
ديما بين حضنها : ابتسم لييي ليش وششش يبي يخووووف يمممما
ملاك : ههههههههههههههههههههههههههههههه
نواف طلع من المجلس بعد ماطلع عبود ويرقص : وراحح نزفكك ياالعروسه
ديما : هونت مابي !!
نواف وملاك : هههههههههههههههههههه
( نزل وليد على ضحكهم طالع فيها باححتقار كبير .. ونواف رد له نفس النظرهه وعلى اقوى )
وليد : اعصابك لاتموتين > طلع وصقع بالباب بقوهه
ملاك : وشفيه ذااااا
نواف : ماعليك منه هالنفسيه .. يلا بهالمناسبه عشاكم علي الليله وين ودكم تروحون
ملاك مسكت يد ديما وترقصها : اييي مكاان دامني وياااكم
***
انتهى البارت
ايش الجديد وهل بتستمر معامله وليد لديما كذا .. ولابينقلب الحال مثل ماصار مع نواف ويحن عليها ..
وش جديد عبدالله وديما ..
ثامر وملاك ..
عبدالعزيز ورهف ..
كل هالاجوبه بالبارت القادم ,, ترقبوآآ !

 
 

 

عرض البوم صور شمعه غريب ؛   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة شمعه غريب, لامن رحت, ليلاس, أصبغ, بالجنون, يا خرافي, يبقى هنا, روايات خليجيه, روايات سعوديه, روايات و قصص, رواية ياخرافي يامشبع بالجنون قلي لامن رحت وش يبقى هنا, روايه, روايه الاولى, شمعه, غريب, قصص من وحي قلم الأعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:43 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية